အခန်း(၄)

အခန်း(၄)《မှော်ဆန်သောအရုပ်များ》

Author: Drunken Light Song

Source: Jostena M

Translator: オタク

ဝူချီ၏လက်ရာသည် ကောင်းမွန်ဆဲဖြစ်ကာ ကြွပ်ကြွပ်ရွရွနှင့် မွှေးကြိုင်နေသော ဘာဘီကျူးအနံ့သည် စုရွေ့ကျယ်ကို သွားရည်ကျလာစေသည်။ သူ ကမ္ဘာပျက်ကပ်ကြီးကနေ ပြန်လာခဲ့ချိန်တွင် သူ့ပန်းတိုင်မှာ အသက်ရှင်ဖို့ရာသာမက သူ့အနာဂါတ်နေ့ရက်တိုင်းတွင် အသားရှိဖို့ရာလည်းဖြစ်ပေသည်။ 

နေ့လည်စာကို အလျင်အမြန်စားသောက်လိုက်ပြီးနောက် စုရွေ့ကျယ်သည် အများသုံးဖုန်းရုံတစ်ခုကိုရှာတွေ့ပြီး လောင်ကျန်းကိုခေါ်ဆိုလိုက်သည်။ သူသည် ဖုန်းတစ်လုံး၀ယ်ဖို့ မတတ်နိုင်လောက်အောင် ဆင်းရဲနေသည်မျိုးတော့ မဟုတ်ချေ။ သူ တစ်ပတ်ရစ်ဖုန်းတစ်လုံးလောက်၀ယ်ဖို့‌ ပိုက်ဆံရှိနေပါသေးသည်။ သို့သော်လည်း ကမ္ဘာကြီးအဆုံးသတ်သည် မကြာခင်အချိန်တွင် ရောက်လာတော့မည်ဖြစ်ပြီး ထိုအချိန်ရောက်လျှင် မည့်သည့်ဖုန်းလိုင်းမှ ရတော့မည်မဟုတ်ပဲ ဖုန်းတစ်လုံးသည် သံထည်အပိုင်းအစတစ်ခုနှင့်တူတူပင်ဖြစ်သည်ကို တွေးမိသည်။ ယွမ်*ရာဂဏန်းအနည်းငယ်ကို အစားအသောက်အချို့၀ယ်လိုက်ဖို့သာ ပိုကောင်းပေသည်။ 

【T/N; သူကဒေါ်လာလို့ရေးထားပေမယ့် တရုတ်ငွေကြေးက RMB /ယွမ် မို့လို့ ယွမ်လို့ပဲရေးလိုက်ပါသည်။ 】

လောင်ကျန်းသည် သူသည် ဝူချီမိတ်ဆက်ပေးလိုက်သော ၀ယ်သူဖြစ်ကြောင်းကြားသည်နှင့် အလွန်ကိုစိတ်အားထက်သန်နေတော့သည်။ သူ နေ့လည်ခင်း၌ အချိန်ရသောကြောင့် စုရွေ့ကျယ်ကို လိပ်စာပြောလိုက်ကာ ကြက်မွေးမြူရေးခြံသို့ တိုက်ရိုက်လာတွေ့ရန် တောင်းဆိုလိုက်လေသည်။ 

လောင်ကျန်း၏ ကြက်မွေးမြူရေးခြံသည် ဆင်ခြေဖုံးကျေးလက်ဒေသတွင်ဖြစ်ပြီး ပိုက်ဆံစုဖို့ရန်အတွက် စုရွေ့ကျယ်သည် ဘတ်စ်ကားသုံးစီးပြောင်းစီးခဲ့ရကာ သူသွားလိုရာသို့ ဘတ်စ်ကားဖြင့် နှစ်နာရီကျော် အချိန်ယူခဲ့ရသည်။ 

လောင်ကျန်းသည် အသက်ငါးဆယ်အရွယ်ဖြစ်ပြီး ကြင်နာကာ ရိုးသားသောလူတစ်ယောက်ဖြစ်လေသည်။ သူ့ကို ဝူချီမိတ်ဆက်ပေးလိုက်ကြောင်းသိသဖြင့် မည်မျှ စိတ်အားထက်သန်နေသည်ကိုမဖော်ပြတော့ဘဲ ဘေးနား၌လျှောက်ခုန်ပျံနေသော ကြက်အကောင်နှစ်ဆယ်နှင့် ဘဲအကောင်နှစ်ဆယ်ကို ကူညီရွေးချယ်ပေးခဲ့လေသည်။ 

လောင်ကျန်း၏အမျိုးသမီးသည်လည်း နွေးထွေးသောသူတစ်ယောက်ဖြစ်ကာ ညစာစားချိန်ရောက်သောအခါ စု‌ရွေ့ကျယ်ကို ညစာအတွက်နေရန်ပြောသဖြင့် သူအလွန်အမင်းကိုပျော်ရွှင်၀မ်းမြောက်စွာနှင့် ဟုတ်ကဲ့ ဟုပင်ပြောခဲ့သည်။ လယ်သမားတစ်ယောက်၏ ညစာသည် အလွန်ရိုးရှင်းပြီး ကြက်သားနှင့်မှိုချက်အိုးကြီးတစ်အိုးနှင့် နီရဲနေသောအသားကင်တစ်ပန်းကန်ဖြစ်သည်။ ကြက်သားမှိုချက်အိုးကြီးက ဆူပွက်နေပြီး အိမ်မွေးကြက်၏အသားဖြစ်ကာ အသားသည်နူးညံ့ မွှေးကြိုင်ကာ အရသာရှိနေပြီး အနီရောင်အသားကင်၏ အသားအထူအပါး တစ်ခုချင်းစီကပင် တစ်နေ့ခင်းလုံး မီးရဲရဲဖြင့် ချက်ထားကာ ဝါးလိုက်လျှင်ပင် ကြွပ်ကြွပ်ရွရွရှိပြီး ပါးစပ်ထဲရောက်လျှင်ရောက်ချင်း ပျော်၀င်သွားပေသည်။ သူ့ပန်းကန်ထဲရှိ ထမင်းဖြူကပင်လျှင် အရသာအလွန်ကောင်းကာ ချိုမွှေးနေချေ၏။ စုရွေ့ကျယ်သည် ထမင်းပန်းကန်လုံးကြီးအပြည့်နှစ်လုံးစားခဲ့ပြီး အစပိုင်း၌ အနည်းငယ် ရှက်နေခဲ့သော်လည်း လောင်ကျန်းနှင့်ဇနီးသည် သူ့အားအစားအသောက်များပျော်ပျော်ရွှင်ရွှင်နှင့် ထည့်ပေးနေခဲ့ကြပြီး ပိုစားစေခဲ့ကြသည်။ 

【T/N ; ကလေးက စားချင်လို့မဟုတ်ပါဘူးနော် သူတို့ကအတင်းထည့်ပေးနေလို့ပါ။ ဂုန်းဆင်းတယ်လို့မထင်စေချင် (⁠≧⁠▽⁠≦⁠)】

တဖြည်းဖြည်းနှင့် ထမင်းဖြူပန်းကန်လုံးကြီးသုံးလုံးနှင့် အသားများကို သူ့အားစားသောက်စေခဲ့လေသည်။ 

“ဟားဟား လူငယ်လေးပဲ ပိုစားအုံး၊ ဘယ်လောက်တောင်ကျန်းမာတဲ့ခန္ဓာကိုယ်လဲ ”

လောင်ကျန်းနှင့် သူ့ဇနီးသည် သူအစားအသောက်များအား အရသာရှိရှိစားနေသည်ကို တွေ့သောကြောင့် အလွန်ကိုပျော်ရွှင်နေခဲ့ကြသည်။ 

သူ ၀အောင်စားသောက်ပြီးနောက် လောင်ကျန်းသည် သူ့အတွက် လှောင်အိမ်ကြီးနှစ်ခုပြင်ဆင်ပေးခဲ့ကာ အမွှေးအတောင်များနှင့် ကြက်ဘဲများကို လှောင်အိမ်ထဲသို့ ထည့်ပေးခဲ့သောကြောင့် ‌ကြိမ်ဖန်များစွာ တွန်ကာ အော်မြည်နေခဲ့ကြသည်။ သူတို့အား ပြန်အမ်းငွေ ယွမ်ငါးရာနှင့်အတူ ထည့်ပေးလိုက်ကြသည်။ 

“မြန်မြန်ပြန်တော့ လူငယ်လေး။ မှောင်လာပြီမို့လို့ လမ်းလျှောက်ဖို့တောင်ခက်ခဲလောက်ပြီ ”

စိတ်အားထက်သန်နေသောလောင်ကျန်းသည် သူနှင့်အတူ ကားဂိတ်သို့တစ်လမ်းလုံးလိုက်ပို့ခဲ့သည်။

“ကောင်းပါပြီ၊ ကျေးဇူးတင်ပါတယ် ဦးလေးကျန်း ”

တစ်ခဏလောက်ရပ်ပြီးနောက် စုရွေ့ကျယ်သည် ခပ်တိုးတိုးအသံလေးဖြင့် လောင်ကျန်းကိုပြောလိုက်သည်။

“ကျွန်တော့်မိသားစုက အစိုးရနဲ့အဆက်အသွယ်တချို့ရှိတယ်။ ကျွန်တော်ကြားခဲ့တာက ရာသီဥတုက ကြာလေ ပိုပြီးပူလာလိမ့်မယ်တဲ့။ ခင်ဗျားမိသားစုက အစားအစာ ဒါမှမဟုတ် ဘာကိုမှ မရောင်းနဲ့တော့။ အိမ်မှာအစားအသောက်တွေ ပိုပြီး‌သိုလှောင်ထားတာ ပိုကောင်းတယ်”

“ကောင်းပြီ၊ ဒါပေမယ့် ဘယ်လိုအပူချိန်မြင့်တက်မှုမျိုးက နောက်တစ်ကြိမ်ထပ်ဖြစ်လာအုံးမှာလဲ။ သိပါပြီကွ၊ာ ကျေးဇူးပဲ လူငယ်လေး ”

စုရွေ့ကျယ် လောင်ကျန်း၏နောက်ကျောကိုကြည့်ပြီး သက်ပြင်းချလိုက်သည်။ သူ့အနေနှင့် သူတို့ကို ဤလောက်ပဲ ကူညီနိုင်လေသည်။ 

မှောင်လာပြီး ထိုအချိန်၌ ကားဂိတ်တွင် စုရွေ့ကျယ်မှလွဲ၍မည်သူမှ မရှိပေ။ သူသယ်လာသည့်အရာအားလုံးအား နေရာလွတ်ထဲသို့ ထည့်လိုက်သည်။ ဘတ်စ်ကားရောက်လာသည့်အခါ လွယ်လွယ်ကူကူတက်ခဲ့နိုင်ပြီး သက်တောင့်သက်သာရှိသောခရီးဖြစ်စေလိမ့်မည်။ 

ဘတ်စ်ကားသုံးဆင့်ထက်ပိုစီးပြီးနောက် အိမ်သို့ပြန်ရောက်လာခဲ့ပြီး တံခါးဖွင့်လိုက်လျှင် ဖွင့်လိုက်ချင်း မြေပေါ်ရှိ စက္ကူစတစ်ရွက်ကို သတိထားမိလိုက်သည်။ စုရွေ့ကျယ်ကောက်ယူပြီး ကြည့်လိုက်သောအခါ သူ့အကြီးဆုံးအဒေါ်ရေးခဲ့ကြောင်း တွေ့လိုက်သည်။ သိသာစွာပဲ ယနေ့ သူ့ကိုရှာရန် သူမထပ်လာခဲ့ပြီး သူအိမ်၌မရှိသည်ကို ရှာတွေ့သွားသည်။ သူမ နောက်တစ်ကြိမ်ထပ်ပြီးလျစ်လျူရှုခံရသောကြောင့် မှတ်ချက်တစ်ခုထားခဲ့ခြင်းဖြစ်၏။ 

စုရွေ့ကျယ်သည် သူမလက်ရေးဖြင့် ဖိရေးထားသောအားကို ကြည့်ခြင်းအားဖြင့် သူမရင်ထဲမှဒေါသများကိုပင် မြင်ယောင်နိုင်သည်။ ထားခဲ့သောမှတ်ချက်သည် သူဦးလေးသည် သူ့အားလွမ်းနေပြီး မနက်ဖြန်ညစာအတွက် သူတို့အိမ်သို့လာခဲ့ရန်သာဖြစ်လေသည်။

စုရွေ့ကျယ်သည် နှာမှုတ်လိုက်ပြီး စာရွက်အား အပိုင်းပိုင်းစုတ်ဖြဲလိုက်ကာ အမှိုက်ပုံးထဲပစ်လိုက်လေသည်။ 

တံခါးကိုသော့ခတ်လိုက်ပြီးနောက် စုရွေ့ကျယ် နေရာလွတ်ထဲသို့ လျပ်တပြတ်၀င်သွားလိုက်သည်။ 

ကြက်များနှင့် ဘဲများသည် စမ်းချောင်း၏တစ်ဖက်ရှိ ကျယ်ပြန့်သောမြက်ခင်းပေါ်တွင် ပျော်မြူးနေကြလေသည်။ သူတို့အားလုံး သက်၀င်လှုပ်ရှားနေကြသော်လည်း ထိုနေရာ၌ပင်ချုပ်နှောင်ခံထားရပုံ ရကာ အသီးအရွက်ဥယျာဉ်များနှင့် ဥယျာဉ်ခြံများကိုဖျက်ဆီးရန် ထွက်ပြေးကြခြင်းမရှိပေ။ စုရွေ့ကျယ်သည် ပြောင်းဆန်အချို့ကိုယူလိုက်ကာ မြေပြင်ပေါ်သို့ပက်ကျဲပေးလိုက်ပြီး ခေါင်းထောင်မလာကြ‌တော့ပဲ စားနေကြသော အကောင်လေးများကိုကြည့်ရင်း စုရွေ့ကျယ်သည် ချက်ချင်းပင် မျက်လုံးများကိုင်းသွားသည်အထိ ပြုံးသွားလေသည်။ 

စုရွေ့ကျယ်သည် ယနေ့လောင်ကျန်းအိမ်၏ ကြက်သားမှိုဟင်းနှင့် အသားကင်များကိုတွေးလိုက်သည်နှင့် သွားရည်များမြိုမချပဲ မနေနိုင်ပေ။ သူ၏နောက်ဆုံးနေ့ရက်များတွင် အလွန်ကြာမြင့်စွာ ဗိုက်ဆာနေခဲ့ရပြီး ထိုနာကျင်စရာကောင်းသောနေ့ကို ဘယ်သောအခါမှ ထပ်မလိုချင်တော့ပေ။ 

ထိုအရာလေးများသည် အထီးအမ နှစ်မျိုးစလုံးပါသဖြင့် သူတို့အား‌ ကောင်းမွန်စွာ ဂရုစိုက်သည်နှင့်အမျှ သိပ်မကြာခင်မှာပင် ကြီးထွားလာကြမည်ကို သူယုံကြည်သည်။ အချိန်ကျလာလျှင် ကြက်ဥ၊ ဘဲဥများသာမက ကြက်ပေါက်လေးများနှင့် ဘဲပေါက်လေးများပါ အသစ်မွေးလာနိုင်ပေလိမ့်မည်။ အခါအားလျော်စွာ လတ်ဆတ်သောအသားကိုပါ စားနိုင်ပေလိမ့်မည်။ တစ်ခုခုဆိုလျှင် သူတို့ရေရှည်တိုးပွားစေဖို့ရန် အာရုံစိုက်သင့်သည်။ 

စုရွေ့ကျယ်သည် ယုန်များ၊ ၀က်များနှင့် သိုးများ၀ယ်ရန်လည်းစီစဉ်ထားသည်။ ယုန်များသည် တစ်နှစ်ပါတ်လုံး သားပေါက်နိုင်သောကြောင့် လျင်မြန်စွာမျိုးပွားနိုင်သည်။ ၀က်များ၊ နွားများနှင့် သိုးများသည် အနာဂါတ်တွင်အစားအသောက်ချက်ပြုတ်နည်းများတိုးလာစေရန်ရည်ရွယ်သည်။ ‌ချိုင့်ဝှမ်းသည် သေးငယ်သော်လည်း ထိုတိရိစ္ဆာန်များအတွက် လုံလောက်သေးသည်။ 

ကြည်လင်နေသော စိမ့်စမ်းရေကို ကြည့်နေရင်း စုရွေ့ကျယ်သည် ငါးကန်လေးတစ်ခုတူကာ ငါးအချို့မွေးနိုင်သောကြောင့် သိပ်မကြာခင်အနာဂါတ်တွင် အချို့ကိရိယာများ၀ယ်ရန်တွေးနေသည်။ ကျန့်ယွင်သည် ငါးစားရသည်ကိုကြိုက်နှစ်သက်ကြောင်းပြောခဲ့သည်ကို သူမှတ်မိသေးသည်။

【T/N ; ဒီလိုဇနီးလေး လိုချင်သွားပြီမလား →_→】

စုရွေ့ကျယ် ကျန့်ယွင်အကြောင်းတွေးမိချိန်တွင် သက်ပြင်းမချပဲမနေနိုင်ချေ။ သူကျန့်ယွင်နှင့် နီးစပ်အောင် ဘယ်လိုလုပ်ရပါ့မလဲ။ ကျန့်ယွင်သည် အလွန်ကို ခုခံလွယ်သောသူဖြစ်ပြီး မသိနားမလည်စွာနှင့် ချဉ်းကပ်လာသောသူကို လုံး၀ မျက်နှာသာပေးလိမ့်မည် မဟုတ်ပေ။ 

အိုက်ယား....

စုရွေ့ကျယ် ခေါင်းကိုခါယမ်းလိုက်ပြီး အချိန်မတိုင်ခင် မတွေးတော့ဖို့ ဆုံးဖြတ်လိုက်သည်။ ယမန်နေ့ကကဲ့သို့ မနက်ဖြန်တွင်ပိုက်ဆံရှာဖို့ အဆင်သင့်ရောင်းနိုင်ရန် အသီးအရွက်များ၊ ဖရဲသီးများနှင့် သစ်သီး၀လံများ အများအပြားကို ခူးဆွတ်ကာ အိတ်များထဲသို့ ထည့်ထားလိုက်သည်။ 

နောက်ဆုံးသော အချိန်များတုန်းက ပြန်လည်မွမ်းမံခြင်းမရှိသော ပစ္စည်းများဖြစ်သည့် နေ့စဉ်အသုံးအဆောင်‌များ၊ အ၀တ်အစား‌များနှင့် ဆေးဝါး‌များကို စုဆောင်းထားသင့်ပေ၏။ 

လုပ်စရာများသည်လည်းများလွန်းပြီး ၀ယ်စရာများသည်လည်း များလွန်းသောကြောင့် အချိန်ကလည်းတိုတောင်းကာ ပိုက်ဆံလည်းနည်းလွန်းသည်ကို သူ မုန်းမိတော့သည်။ ပြောင်းရွှေ့ဖို့အကြောင်းကြားသည်နှင့် သူ ပထမဆုံးနေရာကနေ စာချုပ်၌ လက်မှတ်ထိုးမည်ဖြစ်သည်။ သုံးသိန်း၊ပစ္စည်းတွေဘယ်လောက်များများ၀ယ်နိုင်မလဲ မသိတော့ဘူး။

ကံမကောင်းစွာနှင့် အကြောင်းကြားစာရောက်လာဖို့ရန် အနည်းဆုံးတစ်လလောက်လိုသေးကြောင်း သူမှတ်မိလိုက်သည်။ သူ့အတိတ်ဘ၀တုန်းက နေရာပြောင်းရွှေ့ဖို့အတွက်‌ငွေ လက်ခံရရှိပြီး ငါးရက်မပြည့်မီပင် ကမ္ဘာပျက်ကပ်ကြီးရောက်လာခဲ့သည်။

ဟေး၊ မနက်ဖြန် အသီးအရွက်တွေပဲ သွားရောင်းကြတာပေါ့ ငါတို့ယွမ်တစ်ထောင်နီးပါးလောက်ရနိုင်တယ်လေ။

*********

နောက်တစ်ရက်မှာတော့ စုရွေ့ကျယ်သည် နေရာလွတ်ထဲမှ လတ်ဆတ်သော သစ်သီး၀လံများနှင့် အသီးအရွက်များနှင့်အတူ အရှေ့လမ်းဟင်းသီးဟင်းရွက်ဈေးသို့သွားခဲ့သည်။ ထိုအဒေါ်ကြီးများနှင့် အမေများသည် မနက်စောစောတွင် ဟင်းသီးဟင်းရွက်များ၀ယ်ရန် လာတတ်ကြပြီး ဤနေရာတွင် ဟင်းသီးဟင်းရွက်များ၀ယ်တတ်ကြသည်။ သူ့နေရာတွင် ဈေးနှုန်းသည် အနည်းငယ်မြင့်သော်လည်း သူ့ထံ၌၀ယ်ရန်ဆန္ဒရှိနေကြဆဲဖြစ်ကြ၏။ ဘယ်သူကများသူ့အစားအသောက်တွေကို လတ်ဆတ်ပြီး အရသာရှိအောင်လုပ်ခဲ့လဲ။ အဲ့ဒါက အိမ်စိုက်အသီးအနှံတွေလို့ ငါကြားခဲ့တယ်။

မနက်ခင်းပိုင်းသည် လျင်မြန်စွာကုန်ဆုံးသွားပြီး စုရွေ့ကျယ်သည် သူ့အိတ်များနှင့် တွန်းလှည်းကိုသိမ်းပြီး ဖုတ်ဖက်ခါလိုက်ကာ တိုက်ရိုက်ပဲထွက်သွားလိုက်သည်။ သူသည်ယနေ့ ၀ယ်စရာအများကြီးရှိနေသေးသည်။ 

အမဲသားခေါက်ဆွဲနှစ်ပန်းကန်စားပြီးနောက် စုရွေ့ကျယ်သည် တစ်ပတ်ရစ်ဈေးသို့သွားလိုက်သည်။ ယခု သူတကယ်ကြီးပိုက်ဆံမရှိပေ။ သူ့ကံကိုစမ်းသပ်ရန်နှင့် ဈေးချသည်များကိုရှာရန် ဤနေရာသို့သာ လာနိုင်လေသည်။ 

သို့သော်လည်း သူလှည့်ပတ်ကြည့်လိုက်ပြီး သူကြိုက်သည့်အရာမရှိသည်ကို တွေ့လိုက်ရသည်။ ဤနေရာရှိ တစ်ပတ်ရစ်ပစ္စည်းအများစုသည် လျှပ်စစ်ပစ္စည်းများဖြစ်ပြီး ကမ္ဘာကြီးအဆုံးသတ်အချိန်ရောက်လာသောအခါ ကြေးထည်နှင့် သံထည်များဖြစ်သွားမည့် ထိုပစ္စည်းများကို သူ၀ယ်ရန် ဆန္ဒမရှိပေ။ ကြေးပြားတစ်ပြားချင်းစီတိုင်းကို ဓားသွားအစွန်းပေါ်မှာကဲ့သို့ သုံးရမည်ဖြစ်သည်။ ဆိုလိုသည်မှာ အလိုအပ်ဆုံးသောပစ္စည်းအရင်းအမြစ်များကိုသာသုံးကာ အကောင်းဆုံးသံမဏိဓားသွားပြုလုပ်ရန်ဖြစ်သည်။ 

သူတစ်ပတ်ရစ်ဈေးမှထွက်သွားခါနီးတွင် ရုတ်တရက် လမ်းထောင့်နားရှိ သေးငယ်သောတဲရုံလေးအတွင်း၌ အရုပ်သေနတ်တစ်လက်ကိုတွေ့လိုက်လေသည်။ 

ပိုတိတိကျကျပြောရလျှင် အရုပ်လေသေနတ်ဖြစ်ပြီး လေသေနတ်သည် လေဖိအား သို့မဟုတ် ယမ်းမှုန့်အနည်းငယ်ကိုအသုံးပြုကာ ပလပ်စတစ်ကျည်ဆံများပစ်နိုင်သည့် အရုပ်သေနတ်မျိုးဖြစ်သည်။ ထိုကြီးကြီးသေးသေး အရုပ်သေနတ်များသည် pistols,shotguns နှင့် machine gunsများကဲ့သို့သော TVစီးရီးများ၌ ကျော်ကြားသော သေနတ်များကဲ့သို့ လက်နက်အတုများဖြစ်သော်လည်း သူတို့သည် အရုပ်များသာဖြစ်ပြီး သေနတ်အစစ်များနှင့် အလွန်ကွာခြားကာ သင်တစ်ချက်ကြည့်လိုက်သည်နှင့် ထိုအရုပ်များသည် ထိတ်လန့်ကြောက်ရွံ့စေခြင်းမရှိပဲ ထွက်လာနိုင်သည်။ 

စုရွေ့ကျယ်၏မျက်လုံးများချက်ချင်း လင်းလက်လာပြီး ထိုအရုပ်သေနတ်များသည် ကလေးများ သူတို့၏ ပလပ်စတစ်ကျည်ဆံများထည့်ကာ ကစားရန်နှင့် အများစုမှာ သေစေနိုင်သောအားမရှိသဖြင့် ပူပေါင်းများပစ်ရန်*၊ ငှက်များနှင့် သေးငယ်သောအရာများသာပစ်နိုင်သော်လည်း စုရွေ့ကျယ်အတွက်မူ သူ့အတွက်အကောင်းဆုံးလက်နက်များဖြစ်ပေသည်။ 

【TN; အရုပ်ရဖို့ပူပေါင်းပစ်ရတဲ့ဂိမ်းမှာသုံးတာမျိုးပါ။ 】

“အဲ့ဒီသေနတ်မျိုးတွေ ဘယ်နှလက်လောက်ရှိလဲ”

စုရွေ့ကျယ် သူနှလုံးသားထဲမှ စိတ်လှုပ်ရှားမှုကို ဖိနှိပ်လိုက်ရင်း ဖြေးဖြေးလျှောက်သွားကာပေါ့ပေါ့ပါးပါးတစ်ချက်ကြည့်ရင်း မေးလိုက်သည်။ 

“တစ်လက်ကို သုံးရာ။ အားလုံးဆယ့်သုံးလက်ရှိတယ်။ တကယ်လို့ မင်းလိုချင်ရင် ငါ့ကို သုံးထောင်ပဲပေးပါ ”

အရုပ်သေနတ်များအား နက်နဲသောမျက်လုံးများနှင့် သတ္တုကိုင်းနှင့်မျက်မှန်တစ်လက်ကို တပ်ထားကာ ဟောင်းနွမ်းစွာ၀တ်ဆင်ထားသော သက်လတ်ပိုင်းအရွယ်အမျိုးသားတစ်ယောက် ရောင်းနေခြင်းဖြစ်သည်။ ထိုလူသည် ၀မ်းနည်းနေပုံရ၏။ ထိုအရုပ်သေနတ်များသည် တန်ဖိုးသိပ်မရှိသော်လည်း ထိုအရာများကို စုဆောင်းရန် အချိန်တချို့ပေးထားရပေလိမ့်မည်။ သူတို့အားမရောင်းခင် သူ့မိသားစု၌ မည်သည့်အရာများ ဖြစ်ပျက်ခဲ့လိမ့်မည်ကို ခန့်မှန်းမိသောကြောင့် စုရွေ့ကျယ် ထိုလူနှင့် ငြင်းခုန်ခြင်းမပြုတော့ပဲ ရိုးရှင်းစွာပင် သူ့အိတ်ကပ်ထဲမှ ပိုက်ဆံထုတ်လိုက်ကာ မြေပေါ်ရှိ အရုပ်သေနတ်အားလုံး၀ယ်ခဲ့လိုက်သည်။ 

ထိုလူသည် အကြီးအသေးမျိုးစုံသော အရုပ်သေနတ်ဆယ့်သုံးလက်နှင့်အတူ ပလပ်စတစ်ကျည်ဆံအချို့ကိုပေးကာ သက်ပြင်းချလျက်ထွက်သွားလေသည်။ 

သူ့နံဘေးရှိတဲရုံမှလူများသည် သက်ပြင်းချကာ ထိုအရာများစုစည်းရန်ထိုင်နေသော စုရွေ့ကျယ်နှင့်စကားစမြည်‌ပြောရင်း ထိုထွက်သွားသောလူသည် ဤတစ်ပတ်ရစ်ဈေးတွင် ရက်များစွာကြာသည်အထိ ဆိုင်ဖွင့်ထားခဲ့ကြောင်း သိလိုက်ရသည်။ ပြောကြသည်မှာ သူ၏ဆယ်ကျော်သက်အရွယ်သားလေးပျောက်သွားပြီး ထိုအရုပ်သေနတ်များသည် သူ့သားလေးနှစ်သက်သည့်အရာများဖြစ်ကာ မိသားစုငွေကြေးပြတ်လပ်သွားချိန်တွင် ပိုက်ဆံရရန်ထုတ်ရောင်းခဲ့ရခြင်းဖြစ်လေသည်။ 

မိသားစုတိုင်းတွင် သူတို့ကိုယ်ပိုင် အခက်အခဲအတွေ့အကြုံများရှိကြပြီး ထိုအရာများဖြတ်သန်းရင်းနေနိုင်ရန် တစ်ဦးတစ်ယောက်ကမျှ မလွယ်ကူချေ။ 

ယွမ်သုံးထောင်သည် စုရွေ့ကျယ်၏ ပြန်မွေးဖွားလာပြီး သုံးရက်အတွင်း ဖရဲသီးများ၊ သစ်သီး၀လံများနှင့် အသီးအရွက်များ ရောင်းချခဲ့ခြင်းမှာ စုဆောင်းထားသမျှဖြစ်ကာ ယခုမူ အရုပ်သေနတ်များ၀ယ်ရန်အသုံးပြုလိုက်ရပေသည်။ 

တစ်စုံတစ်ယောက်သည် စုရွေ့ကျယ် သူ့ကိုယ်သူအရူးလုပ်နေသည်ဟု သေချာပေါက် တွေးနိုင်သော်လည်း စုရွေ့ကျယ်အတွက်မူ သူ့ကိုယ်သူ အလွန်ကောင်းမွန်သောအရာလုပ်ခဲ့သည်ဟု ခံစားရပေသည်။ 

သူမသေဆုံးခင်က‌ဖြစ်စေ သူသေဆုံးပြီးချိန်ကဖြစ်စေ သေနတ်အစစ်များနှင့် ခဲယမ်းမီးကျောက်အစစ်များသည် သူကဲ့သို့သော သာမန်လူများရနိုင်သည့် အရာများမဟုတ်ပေ။ ထိုအရုပ်သေနတ်များသည် အခြားသူများအတွက် အရုပ်များဖြစ်စေကာမူ စုရွေ့ကျယ် အတွက်ကွဲပြားခြားနားလေသည်။

စုရွေ့ကျယ်၏စွမ်းအားသည် အလွန်ထူးခြားသည်။ သူသည် ဟင်းသီးဟင်းရွက်များနှင့် သစ်သီး၀လံများကို လက်နက်များအဖြစ် သူ့နေရာလွတ်တွင် စိုက်ပျိုးနိုင်လေသည်။ အလွန်ကျော်ကြားသော ဂိမ်းတစ်ခုကဲ့သို့ သူ၏အသီးအရွက်ဥယျာဉ်မှ ပဲစေ့များသည် အစိမ်းရောင်ကျည်ဆံများအဖြစ်ပြောင်းလဲသွားနိုင်ပြီး အရုပ်သေနတ်များထဲတွင်ထည့်နိုင်ကာ သေနတ်အစစ်

နီးပါးကဲ့သို့ သုံးနိုင်လေသည်။ သေနတ်များသည် အချို့သော အဆင့်နိမ့် ဇွန်ဘီများအားရင်ဆိုင်ရာတွင်အသုံးပြုနိုင်ပေသည်။