အပိုင်း ၆၃၉-၆၄၀
Viewers 37k
Chapters 532

Part 639


ထို့ကြောင့်နေ့လယ်ခင်းစားသောက်ပွဲတွင် လင်းလန်က ရုတ်တရက်ပင် သူမ၏အတွေ့အကြုံရှိကာ၊လှုပ်ရှားတက်ကြွပြီး ထူးချွန်ထက်မြက်သော ရဲဘော်လင်းကနေ ချစ်စရာအကောင်းဆုံးသူ၊လှုပ်ရှားတက်ကြွမှုအများဆုံး၊လုပ်နိုင်စွမ်းအရှိဆုံးသော စံပြပုဂ္ဂိုလ်၊ တကိုယ်ကောင်းမဆန်ဆုံးသောသူ စသဖြင့် အဆင့်တက်သွားလေသည်။


လင်းလန်: ကျေးဇူးပါ၊ ကျွန်‌မခေါင်းပေါ်အရမ်းမတင်ကြပါနဲ့ ကျွန်မကအဲ့ဒါကိုထိန်းသိမ်းနေရမှာ။ဘယ်လိုပဲဖြစ်ဖြစ် ကျွန်မကကြောက်တတ်တယ်။


သူမကလက်တစ်ဆုပ်အပြည့် စွံပလွံသီးများကို ထုတ်ယူလိုက်ကာ ရှိနေသောသူများအား အတူတူသွေးအားကောင်းလာစေရန် ဝေမျှပေးလိုက်သည်။


‘‘ဒါကစွံပလွံသီးလေးတစ်ခုဆိုပေမယ့် ဒါကပဲညွှန်မှူးလင်းက သွေးသောက်ရဲဘော်တွေအပေါ် ကြင်နာတတ်တဲ့နှလုံးသားရှိတယ်ဆိုတာကို ပြနေတာ’’


‘‘ရဲဘော်လင်းလန်က မြင့်မားတဲ့တော်လှန်ရေးစိတ်ထားရှိရုံတင်မကဘူး၊ သန်မာတဲ့ တော်လှန်ရေးဆိုင်ရာ ဆုံးဖြတ်ချက်ပြတ်သားမှုလည်း ရှိတယ်။ဒါတင်မကသေးဘူး ရဲဘော်ရဲဘက်တွေကို မီးလိုဘဲနွေးနွေးထွေးထွေးဆက်ဆံသလို ရန်သူတွေပေါ်ကျ ရေခဲလိုဘဲအေးစက်တယ်။ရဲဘော်လင်းလန်က ရဲဘော်လိန်ဖုန်းလိုဘဲ。。。’’


သူတို့၏ စကားပြောကောင်းကာ ချီးမြှောက်နေသည်များကို နားထောင်နေရသောအခါ လင်းလန်က ချီးမြှောက်ခံရသလို မခံစားလိုက်ရသည့်အပြင်ထိုအစား ကြောက်ရွံ့သလိုပါ ခံစားလာရ၏။ငါ့ကို စံပြအဖြစ်မသတ်မှတ်ကြပါနဲ့၊ငါကဒီတိုင်း ယောက်ျားနဲ့ကလေးတွေနဲ့ပဲနေချင်တာ၊ငါအပြစ်ရှိသလိုခံစားနေရပြီ၊ငါကသွေးအားနည်း တတ်တယ်လို့။


အဆုံးတွင် လင်းလန်က သူမသည် ကိုယ့်ဘာသာကိုကိုယ်သင်ကြားလေ့လာကာ မနက်စာမစားသူ၊အနည်းငယ်သွေးအားနည်းတတ်သူနှင့် အဆီမစားသူဟူ၍ ဘယ်လိုများ အကောင်းဆုံးဝန်ထမ်းဖြစ်လာခဲ့သည်ကို မသိလိုက်ပေ။


ပုံမှန်အားဖြင့် လူအများအပြားသည် အတော်ဆုံးနေရာအတွက် ယှဉ်ပြိုင်ကြကာ အချင်းချင်းမယုံကြည်ကြပေ။သို့သော်ယခုတွင်မူ သူတို့အားလုံးသည် သူမကိုသာအတော်ဆုံးဝန်ထမ်းအဖြစ်အကြံပြုကြလေသည်။


ဝါဒဖြန့်ချီရေးအသင်း၏ အလံနီကိုင်ဆောင်သူ၊

အသင်း၏အတော်ဆုံးဝန်ထမ်း၊အသိအမှတ်ပြုလက်မှတ်များနှင့် အလံနီများ၊ဆုများအားလုံးကို သူမကိုပေးလာကြလေသည်။


‘‘ရဲဘော်လင်းလန် မင်းက ဖြည်းဖြည်းမှန်မှန်သဘောထားနဲ့ ပစ္စည်းမဲ့လူတန်းစားအတွက် အတွေးအမြင်စနစ်တွေရှိရုံတင်မကဘူး ၊အလုပ်သမားတွေ၊တောင်သူလယ်သမားတွေနဲ့ ရဲဘော်တွေနဲ့ပတ်သက်ပြီး အသိပညာကလည်း ထူးချွန်တယ်။မင်းရဲ့သတိတရားက ပိုလို့တောင်မြင့်မြတ်နေသေးတယ်၊ ဒီဆုနဲ့ကောင်းကောင်းထိုက်တန်ပါတယ်’


ခေါင်းဆောင်က လင်းလန်အားချီးကျူးကာ သူနှင့်လင်းလန်က လက်ဆွဲနှုတ်ဆက်လိုက်ကြသည်။


လင်းလန်က အပြစ်ရှိသလိုခံစားနေရကာ သူမ၏ကျေးဇူးတင်မှုကိုဖော်ပြရန် ဦးညွှတ်လိုက်၏။


အောက်မှ လူတစ်ယောက်ကအော်ပြောလာလေသည်။


‘‘ရဲဘော်လင်းလန်က ရှောင်ချောင်လို နှိမ့်ချတတ်တာဘဲ၊သူမက ဝါဒဖြန့်ချီရေးအသင်းရဲ့ အလံနီကိုကိုင်ထားပေမယ့်လည်း နည်းနည်းလေးမှဂုဏ်မမောက်နေဘူး ၊သူမဆီကနေသင်ယူဖို့ ထိုက်တန်ပါတယ်’’


‘‘ရဲဘော်လင်းလန်ဆီကနေ သင်ယူကြမယ်’’


လင်းလန် :。。。ချီးးဘဲ။ကျေးဇူးပြုပြီး ငါ့ကိုလွှတ်ပေးကြပါ ‌ဦးညွှတ်တောင်းဆိုပါတယ်။


သူမက ထပ်ပြီးအရိုအသေပေးလိုက်သောအခါ လက်ခုပ်သံများက ပိုကျယ်လာပြီး လေထုကလည်း ပို၍တောင်အရှိန်ကောင်းလာလေသည်။


ဟန်ချင်စုန့်က ဘေးအခန်းမှ နွေးထွေးသော လက်ခုပ်တီးသံများနှင့် ရဲဘော်လင်းအားခေါ်နေသောအဖွဲ့ဝင်များ၏ စိတ်လှုပ်ရှားနေသည့်အသံများကို နားထောင်လိုက်ပြီး‌ သူ့အမူအရာက သုံးပွိုင့်လောက်ထိ နူးညံ့သွား၏။ထိုအရာက ဝန်ထမ်းများအား သူ့ထံတွင်ဘယ်လိုပျော်ရွှင်စရာအဖြစ်အပျက်မျိုး ရှိနေသည်ကို သိချင်လာစေသော်လည်း သူတို့ကမရှာဖွေခဲ့ပေ။


‘‘ကျွန်တော်ပြောချင်တာကတော့ ပြီးခဲ့နှစ်ကပြောခဲ့သလိုပါဘဲ လူတိုင်းကကိုယ့်တာဝန်ကိုယ်လုပ်ခဲ့ကြပြီး ဘာအမှားမှမလုပ်ခဲ့ကြဘူး။ဒါပေမယ့်。。。’’


သူက ‌နားထောင်နေသောပရိသတ်အားကြည့်ကာ ဖြေး‌ညှင်းစွာပြောလာ‌လေသည်။


‘‘ဒီနှစ်မှာတော့ ကျွန်တော်စကားတစ်ခွန်းထပ်‌ပေါင်းပြောချင်ပါတယ်’’


လူတိုင်းက သူပြော‌သည်အားကြားလိုက်ရသောအခါ

 အိုးး...သူတို့ကိုစကားနှစ်ခွန်းတည်းသာပြောလေ့ရှိသည့် ဟန်ချင်စုန့်က တခုခုပြောစရာအသစ်ရှိတယ်တဲ့လား။ဒါဆိုရင် သေချာနားထောင်ရမယ်။


ဟန်ချင်စုန့်က ဖြည်းညှင်းစွာပြောလာလေသည်။


‘‘ကွန်မြူနတီနဲ့ တပ်မဟာတွေကြား ပူး‌ပေါင်း

ဆောင်ရွက်မှုပိုအားကောင်းလာတာက အကျိုးရှိစေတဲ့အရာတွေကိုဘဲ ဦးတည်သွားမှာပါ’’


‘‘ပြောတာကောင်းတယ်’’


ဗျူရိုမှုးဟောင်းက ဦးစွာပင် နှစ်သက်မှုကိုဖော်ပြလာလေသည်။


‘‘ငါတို့တွေအချင်းချင်းတိုက်ခိုက်နေမယ့်အစား ပူးပေါင်းဆောင်ရွက်မှုအားကောင်းလာအောင်ဘဲ လုပ်သင့်တယ်၊လတ်တလောနှစ်တွေမှာ မင်းတို့အားလုံးက ဟိုတစ်စု၊ဒီတစ်စုနဲ့ လူစုကွဲနေခဲ့ကြတာ’’


ယဉ်ကျေးမှုတော်လှန်ရေးကြောင့် နယ်မြေခံနေထိုင်သူတို့သည် သူတို့ကြီးကြပ်သူများ၏ ကန့်သတ်မှုများကို မလိုက်နာခဲ့ကြပေ။သူတို့ထင်နေခဲ့သည်က ဘယ်လိုပင်မှားယွင်းနေပါစေ၊တပ်မဟာက ကိုယ့်နည်းကိုယ့်ဟန်ဖြင့် ကြိုးစားခဲ့ကြကာ လူသေသည်အထိရိုက်နှက်ခဲ့ကြသလို ပြသနာများကို ကိုယ့်နည်းကိုယ့်ဟန်ဖြင့်ဖြေရှင်းခဲ့ကြကာ၊ ရဲစခန်းအား နံရံထောင့်ကို လွှင့်ပစ်ထားခဲ့ကြပေသည်။


ကောင်းဝေ့တုန်းက ဟန်ချင်စုန့်အား တစ်ချက်ကြည့်လိုက်ကာ ဒီကလေးကမလွယ်ကူဘူးဟု ရေးတေးတေးခံစားလာရလေသည်။ကွန်မြူနတီအချင်းချင်း ပူးပေါင်းလုပ်ကိုင်ပြီး ဆက်သွယ်ဆောင်ရွက်သောအခါ သူသေချာပေါက်ပင် ဦးဆောင်သူနေရာကို အရယူရပေမည်။


အစည်းအဝေးပြီးသောအခါ ညွှန်မှူးချင်၊ညွှန်မှူးဟောင်းနှင့် လက်ထောက်ညွှန်မှူးသုံးဦးတို့သာ စကားပြောရန်ကျန်နေခဲ့ကြ၏။


အခုအချိန်တွင် ဟန်ချင်စုန့်က သူ၏ပုံမှန်ပုံစံကိုပြန်ရောက်နေပြီဖြစ်ကာ ခက်ထန်သောအမူအရာရှိကာ ထင်းရှူးပင်ကြီးကဲ့သို့ထိုင်နေလေသည်။တိတ်ဆိတ်နေမှုသည် ရွှေတုံးကြီးဖြစ်နေသလိုပင်  မလိုအပ်သောစကားလုံးများကို မပြောပေ။


ညွှန်မှူးဟောင်းသည် အခုတလောရှိရန်သူနှင့် သူတို့ကြားမှ ပြင်းထန်နေသောအခြေအနေကို အလေးထားပြီးပြောပြလာလေသည်။သူကလင်ထောက်ညွှန်မှူးလီနှင့် ကောင်းဝေ့တုန်းအားကြည့်လိုက်၏။


‘‘မင်းတို့နှစ်ယောက်က ကောင်စီရဲ့နေရာနဲ့ ခရိုင်ပါတီရဲ့ ပြည်သူ့လုံခြုံရေးဗျူရိုကြား ပူးပေါင်းဆောင်ရွက်မှုကို လုပ်ဆောင်ဖို့အတွက် 

အတူတူရင်းရင်းနှီးနှီးအလုပ်လုပ်ကြမှရမယ်’’


သူတို့နှစ်ယောက်က ချက်ချင်းပင် အမိန့်ကိုလက်ခံလိုက်ကြသည်။


ညွှန်မှူးဟောင်းက ဟန်ချင်စုန့်ကို ပြောလာလေသည်။


‘‘လက်ထောက်ညွှန်မှူးဟန် ’’


ဟန်ချင်စုန့်က ချက်ချင်းပင် ထရပ်လိုက်ကာ လေ့ကျင့်ခဲ့သည့်အတိုင်း နားထောင်မည့်ပုံစံနေလာ၏။


ညွှန်မှူးဟောင်းက စိတ်ကျေနပ်သွားလေသည်။


‘‘ထိုင်ပါ၊ ငါတို့အချင်းချင်းစကားပြောကြအောင် ကွန်မြူနတီတွေကြားက ပူးပေါင်းလုပ်ကိုင်မှုနဲ့ ဆက်သွယ်ပြောဆိုမှုတွေကို ပိုပြီးအားကောင်းလာအောင် လုပ်ဖို့လိုတယ် ဒီကိစ္စကား မင်းကိုဘဲအားကိုးလိုက်မယ် မင်းကကောင်တီရဲ့ လက်ထောက်ဗျူရိုမှူးဖြစ်သလို ရှန်ရွေ့ကွန်မြူနတီရဲ့ ညွှန်မှူးလည်းဖြစ်တော့ အလုပ်လုပ်ရတာ ပိုလွယ်ကူမှာပါ ’’


ဟန်ချင်စုန့်က အမိန့်ကိုလက်ခံလိုက်၏။


ကောင်းဝေ့တုန်းက သူ့အားတချက်ကြည့်လိုက်သော်လည်း ဘာမှမပြောလာပေ။


ညွှန်မှူးချင်က စကားအနည်းငယ်ထပ်ပြောလိုက်ပြီးနောက် အစည်းအဝေးကို အဆုံးသတ်လိုက်လေသည်။သူက ကိုယ်တိုင်ကိုယ်ကျပင် ညွှန်မှူးဟောင်းအားလိုက်ပို့လိုက်ကာ ဟန်ချင်စုန့်အားခေါ်လာ၏။


‘‘ညွှန်မှူးဟန် စကားနည်းနည်းလောက်ပြောကြရအောင်’’


သူက ဟန်ချင်စုန့်အား အပြင်ထွက်လာကာ သူနှင့်လမ်းခနလျှောက်ပေးရန် လက်ဟန်ပြလာလေသည်။


ဟန်ချင်စုန့်က သူ့ဘေးတွင်လျှောက်လာလေသည်။


Xxxxxxxx

Part 640


ညွှန်မှူးချင်က သူ့အားနောက်ဘက်ခြံဝန်းဆီခေါ်သွား၏။ ထိုနေရာတွင် ရှုခင်းပိုကောင်းကာ တလဲသီးများနှင့် သကြားပင်များက နံရံတွင်ကပ်တွယ်နေကာ အသီးအနှံများနှင့် ပြည့်နေပေသည်။


‘‘ချင်စုန့် မင်းငါ‌ဘာပြောချင်တာလဲဆိုတာ သိလား’’


ဟန်ချင်စုန့် :‘‘ညွှန်မှူးချင် ကျွန်တော်က ခန့်မှန်းတဲ့နေရာမှာမတော်ပါဘူး ’’


ညွှန်မှူးချင်က ‌ပြုံးလာလေသည်။


‘‘ကောင်းပြီလေ ဒါဆိုလည်းကိစ္စကိုဘဲပြောလိုက်မယ်၊ခန့်မှန်းခိုင်းမနေတော့ဘူး ငါက လယ်ထဲက ရှောင်ချန်းအကြောင်းပြောချင်တာပါ၊အိုးး ချင်လီရှင်းကိုပြောတာ’’


ချင်လီရှင်း၊ အရင်တုန်းက ချင်ယွီချန်းဟုသိကြကာ ညွှန်မှူးချင်၏မိသားစုမှ တူဖြစ်သည်။သို့သော် သူနှင့် ချင်ယွီချန်းဖခင်တို့က မရင်းနှီးတာကြောင့် သူတို့ဆက်ဆံရေးက အနည်းငယ်သွေးဝေး၏။ထို့ကြောင့် မိသားစုနှစ်ခုက မရင်းနှီးသော်ငြား တူညီသော မျိုးရိုးအမည်ရှိကြပေသည်။သူက ယေဘုယျအခြေအနေအား ရှင်းပြလာကာ ဟန်ချင်စုန့်အား ပြုံးပြလာ၏။


‘‘အလုပ်အတွက်လိုအပ်တယ်ဆိုရင် မင်းလုပ်ချင်တာကိုသာ လုပ်လိုက်ပါ၊ ငါ့ခံစားချက်တွေကို ကြည့်ပေးစရာမလိုဘူး။ငါတို့လို ပစ္စည်းမဲ့လူတန်းစားတော်လှန်ရေး ရဲဘော်တွေက အမြဲတမ်း အလိုဆန္ဒပြည့်နေချင်လို့မရဘူး’’


ဟန်ချင်စုန့် :‘‘ညွှန်မှူးချင် စိတ်မပူပါနဲ့၊အဲ့လိုဖြစ်မှာ မဟုတ်ပါဘူး’’


ညွှန်မှူးချင်က ခေါင်းညိတ်လာ၏။


‘‘ဒီလိုဆိုရင် ကောင်းပါပြီ’’


တစ်ခနလောက် စကားပြောနေကြပြီးနောက် သူက ရှန်ရွေ့ကွန်မြူနတီအကြောင်းကို ထပ်ပြောလာလေသည်။


‘‘ရဲဘော်ဟန်ချင်စုန့် မင်းမှာ တော်လှန်ရေးကော်မတီကိုဝင်ဖို့ စိတ်ကူးလေးများမရှိဘူးလား’’


ရှန်ရွေ့ကွန်မြူနတီမှ ညွှန်မှူးကျားသည် ပြစ်မှုကျူးလွန်ခဲ့ကာ ရာထူးမှထုတ်ပယ်ခံလိုက်ရ၏။အခုချိန်တွင် ပါတီအားလုံးက လှုပ်ရှားမှုများ စတင်နေပြီဖြစ်ကာသူ့နေရာတွင် အစားဝင်နေချင်ကြ၏။သို့သော်ငြား ဟန်ချင်စုန့်ကမူ မလှုပ်ရှားလာရုံသာမက နေ့တိုင်းလိုလိုပင် အိမ်ပြန်ကာ ကောက်ပဲသီးနှံကိုသာ ရိတ်သိမ်းနေပေသည်။သူက တကယ်ပင် ရှားပါးသောသူဖြစ်သည်။


ဟန်ချင်စုန့်က ခိုင်မာပြတ်သားစွာပင် ပြန်ဖြေလာ၏။


‘‘ညွှန်မှူးချင် ပြည်သူ့လုံခြုံရေးဗျူရိုက ကျွန်တော်အလုပ်လုပ်ဖို့ လိုအပ်နေတုန်းပါ’’


ညွှန်မှူးချင်က သူအားတစ်ချက်ကြည့်လာကာ သူကတကယ်ပင်မလိမ်နေဘူးဆိုသည်ကို တွေ့လိုက်ရလေသည်။သူ့ကို အာဏာအတွက်လောဘကြီးနေလိမ့်မည်ဟု သူမထင်ထားခဲ့ပေ။ပုံမှန်ကေဒါများက တော်လှန်ရေးကော်မတီ၏ ညွှန်မှူးမဖြစ်ကြပေ။


ဟန်ချင်စုန့်၏ သဘောထားက အလွန်ရှင်းလင်းပေသည်။သူစစ်တပ်မှထွက်လာပြီးသော်လည်း သဘာဝအားဖြင့် စစ်တပ်နှင့်ဆက်နွယ်နေသော အလုပ်များကို ထိတွေ့ချိတ်ဆက်မှုရှိနေတုန်းဖြစ်သည်။ထိုအကြောင်းပြောရမည်ဆိုလျှင် သူကစစ်တပ်ဘက်တွင်သာအလုပ်လုပ်ပေသည်၊ နိုင်ငံရေးဘက်တွင်မဟုတ်သလို စာပေဘက်တွင်လည်းမဟုတ်ပေ။သူ့အတွက် ရှုပ်ထွေးနေသော တော်လှန်ရေးကောင်တီက မသင့်တော်ဟုယူဆထားကာ ပြည်သူ့လုံခြုံရေးဗျူရိုတွင်သာ ဆက်နေချင်ပေသည်။


ညွှန်မှူးချင်ကလည်း ထိုအကြောင်းကိုတွေးလိုက်မိ၏။ဟန်ချင်စုန့်၏ ပုံစံမျိုးဖြင့်ဆိုလျှင် တော်လှန်ရေးကောင်တီသို့သွားပါက သူ့လက်သီးကို အသုံးပြု၍ ဖြေရှင်းနိုင်မည်မဟုတ်ပေ။အကယ်၍ ဘယ်သူကမှ သူ့ကိုမကာကွယ်နိုင်လျှင် သူက ရွံ့ဗွက်အိုင်ကဲ့သို့ အရှုပ်အထွေးများကြား ကျရောက်သွားမည်ဖြစ်ကာ သူ့ကိုယ်သူကာကွယ်နိုင်မည်မဟုတ်ပေ။နောက်ဆုံးတွင်မူ ယခုအချိန်တွင် တော်လှန်ရေးကောင်တီ၏ ကေဒါများက ပန်းများပြောင်းလဲလာမည်ကို စောင့်ကြည့်နေကြတာဖြစ်သည်။


သူကဘာမှထပ်ကာ ပြောမနေတော့ပေ။


ဟန်ချင်စုန့်က နှုတ်ဆက်လိုက်ကာ လင်းလန်ကိုစောင့်ရန် လျှောက်လမ်းဆီသို့ ပြန်သွားလိုက်၏။


သူတို့အစည်းအဝေးပြီးပြီဟု ပြောလိုက်ပြီးမကြာခင်မှာပင် လင်းလန်အား လူတစ်စုက စိတ်အားထက်သန်စွာ ဝန်းရံနေသည်ကို တွေ့လိုက်ရ၏။သူက ချက်ချင်းပင် လှစ်ခနဲဝင်သွားလိုက်သည်။


‘‘တဆိတ်လောက်ပါ ရဲဘော်လင်းလန်က သွေးအားနည်းတတ်လို့ပါ လူအများကြီးစုအုံနေရင် သူမကအသက်ရှူရခက်ခဲလာလိမ့်မယ်’’


ဟန်ချင်စုန့်က ဘာမပြောညာမပြောနှင့်ပင် လင်းလန်နှင့် အရမ်းနီးကပ်နေသောယောက်ျားတစ်ချို့အား ဆွဲထုတ်လိုက်ကာ လင်းလန်အား အရင်းနှီး‌ဆုံးသော ပုံစံဖြင့် ထောက်ပံ့ပေးလာလေသည်။သူက သူမပုခုံးပေါ်တွင် လက်တစ်ဖက်တင်လိုက်ကာ အပြင်ထွက်ရာတွင် ကာကွယ် ပေးလာ၏။


ထိုလူများသည် လင်းလန်နှင့်ဆက်ပြီး ဆွေးနွေးချင်သေးပါသော်ငြား ဟန်ချင်စုန့်က သူတို့ကို အခွင့်အရေးမပေးလာပေ။


‘‘ရဲဘော်လင်းလန် အကယ်၍အခွင့်အရေးများရခဲ့ရင် ရှန်ရွေ့ကွန်မြူနတီကိုလာပြီး ရဲဘော်လင်းဆီက သင်ယူပါရစေ’’


လင်းလန် :。。。ငါသွေးအားနည်းလာပြီ၊ငါခေါင်းမူးနေပြီ အသက်ရှူလို့မရတော့ဘူး ၊ငါ့ယောက်ျားက သဝန်တိုလိမ့်မယ် မလာကြတာအကောင်းဆုံးဘဲ။


အစည်းအဝေးအနည်းငယ် တက်လိုက်ပြီးနောက်တွင် လင်းလန်ကရက်အနည်းငယ်လောက်ပိုကာ အနားယူခွင့်ရလာပြီး ဟန်ချင်စုန့်ကလည်း အစည်းအဝေးမသွားဘဲ အိမ်တွင်သာ ဆောင်းရာသီရိတ်သိမ်းမှုကို ပြုလုပ်နေလိုက်သည်။လက်ရှိအချိန်တွင် ထုတ်လုပ်ရေးအသင်းသည် ပြောင်းဖူးများချိုးကာ ပြောင်းရိုးများကိုရိတ်နေကြရပေသည်။အခြေခံအားဖြင့်ပြောရလျှင် သူတို့ကအခုချိန်ထိအလုပ်များနေကြတုန်းပင်ဖြစ်၏။


ယနေ့တွင် လင်းလန်ကအိမ်တွင် မိုင်စွေ့နှင့်အတူ နေ့လယ်စာချက်နေလေသည်။စန်းဝမ်နှင့် ရှောင်ဝမ်တို့သည် စိုက်ခင်းထဲမှ မရင့်မှည့်သေးသော နူးညံ့နေသည် ပြောင်းဖူးတစ်ချို့ကို ပြန်ပို့လာ၏။ဤအရာများကို ထုတ်လုပ်ရေးအသင်းမှဖြန့်ဝေပေးထားခြင်းဖြစ်ကာ မိသားစုတစ်ခုစီက ပြန်ယူသွားကာ ချက်ပြုတ်နိုင်ကြပေသည်။


ယန်ယန်က အပြေးရောက်လာလေသည်။


‘‘လင်းလောင်ရှီး တပ်မဟာက သမီးတို့မိန်းကလေးတွေကို ပဲစေ့ရွေး ဖို့ ပြောလာတယ်၊ပြီးတော့ အလုပ်မှတ်လည်းရမှာတဲ့’’


လင်းလန်က သူတို့ကို သွားခွင့်ပြုလိုက်၏။


‘‘ကောင်မလေးတွေ နေ့လယ်စာကိုတော့ အိမ်မှာဘဲစားသွားကြလေ၊ ငါလာပို့မယ်’’


မိုင်စွေ့နှင့် ယန်ယန်က ခြံဝန်းထဲပြေးဝင်သွားကြကာ စန်းဝမ်ကလည်း သူကြားကြားချင်ပင် ရှောင်ဝမ်ကိုဆွဲခေါ်လာ၏။


‘‘ငါတို့လည်း ပဲစေ့သွားရွေးရအောင်’’


ယခုအချိန်ခြံဝန်းထဲတွင် အစေ့အဆံမျိုးစုံဖြင့် ပြည့်နှက်နေကာ သူတို့ထဲမှတချို့သည် ခြောက်ကပ်နေပြီး အခွံခြွေဖို့စောင့်နေကြတာဖြစ်သည်။တချို့ကိုမူ အ‌ခွံခြွေနေကြပြီဖြစ်သည်။အခုအချိန်တွင် သူတို့က ပဲပိစပ်စေ့များကို ရိုက်နေပေသည်။ ပဲပိစပ်စေ့များကို ကောက်ရိုက်တုတ်နှင့် ရိုက်လွန်းရလို့ ပင်ပန်းနေပြီဖြစ်သည်။သူတို့က မြည်းတစ်ကောင်ကိုယူလိုက်ကာ စက်ဝိုင်းပုံစံလှည့်ပတ်နေကာ ဆွဲသွားခိုင်းလိုက်၏။


မြည်းအား မျက်လုံးကာဖြင့်ကာထားကာ တရွတ်တိုက်ဆွဲစရာတစ်ခုနှင့် အတူစက်ဝိုင်းပုံလှည့်သွားနေခိုင်းလိုက်၏။ထိုအခါဖြင့် အပူဖြင့်အသီးစေ့များသည် ဟက်တက်ကွဲလာလေသည်။ကွန်မြူနတီအဖွဲ့ဝင်များသည် ပဲပိစပ်ပင်ရိုးတံများကိုဖယ်ရန် ခရင်းခွတစ်ခုကိုသုံးလိုက်ပြီး ဂေါ်ပြားတစ်ခုကိုသုံးကာ အောက်တွင်ရှိနေသော ပဲပိစပ်စေ့များကို ကြုံးလိုက်ပြီး အိတ်ထဲသို့ထည့်လိုက်၏။


ပဲပိစပ်စေ့များသည် အများပြည်သူဆိုင်ရာ အစေ့အဆံနှင့်ပတ်သက်သည့် တာဝန်များက မနည်းနေပေ။ထို့ကြောင့် သူတို့ကပိုပြီးကြီးထွားလာကြမှာဖြစ်သည်။


Xxxxxx

Prev Next