အပိုင်း ၆၇၅-၆၇၆
Viewers 37k
Chapters 532

Part 675


တ၀မ်က တံဆိပ်များကိုသာ စိုက်ကြည့်နေပြီး ဘာစကားမှပြန်မပြော ။


လင်းလန် ပြုံး၍ စကားဆက်လိုက်သည်။ " လာလေ သားကြီး တစ်ခုရွေးလိုက် မားမား မင်းကိုပေးမယ် "


တ၀မ်က လင်းလန်ကို ပြန်မော့ကြည့်လာပြီး " ကျွန်တော့်ကို ပေးမလို့လား " 


လင်းလန် ခေါင်းညိတ်ပြလိုက်သည်။ " ဟုတ်တယ် မင်း သိမ်းထားလို့ရအောင် တစ်ခုပေးမယ်လေ "


တ၀မ်က လင်းလန်ကိုကြည့်နေပြီးမှ ခေါင်းငုံ့သွားပြီး တစ်ခုကိုယူလိုက်ပြီး လင်းလန်စိတ်ပြောင်းသွားမည်စိုးသည့်အလား တင်းတင်းကြပ်ကြပ် ဆုပ်ကိုင်ထားလေသည်။ သူ ယူလိုက်သည့်အရာသည် ပထမအဆင့် ဆုတံဆိပ်ဖြစ်ပြီး အရှေ့၌ တပ်တံဆိပ်ပါပြီး အနောက်တွင် ' ရှေ့တန်းမှ ခုခံတိုက်ခိုက်ခဲ့ခြင်း ' ဟူသည့် စာသားပါလေသည်။


လင်းလန် တ၀မ်ကို ပုခုံးပုတ်ပေးလိုက်သည်။ " သားကြီးက ရွေးတတ်သားပဲ သေချာသိမ်းထားနော် "


တ၀မ်က ခေါင်းညိတ်ပြပြီး သူ့မျက်၀န်းများသည် မီးတောက်များလောင်ကျွမ်းနေသကဲ့သို့ တောက်ပနေလေ၏။ 


လင်းလန်က ကျန်အရာများကို ပြန်သိမ်းထားလေသည်။ နောက်ထပ်တော့ ထပ်မပေးချင်သေးပါ ။ 


ထိုအချိန်တွင် ရှုယွမ်က အစည်းအဝေးလုပ်ရန် လာခေါ်လေသည်။


လင်းလန်လည်း သိပြီဖြစ်ကြောင်း ပြန်ပြောပြီး တ၀မ်ထံ လှည့်ပြောလိုက်သည်။ 


" ကိုယ့်ဘာသာပဲ လုပ်စရာရှိတာလုပ်ထားလိုက်တော့နော် စောင်ကို နောက်မှ ဆက်ချုပ်ကြတာပေါ့ "


လင်းလန် စောင်ကိုပြန်ခေါက်၍ အိတ်ထဲထည့်ကာ ဖုန်မတက်စေရန် ဗီရိုထဲတစ်နေရာ၌ ထည့်ထားလိုက်သည်။


လင်းလန် တ၀မ်အား မှာစရာရှိတာ မှာပြီးနောက်တွင် ရှုယွမ်နှင့်အတူ အစည်းအဝေးသို့ လိုက်သွားလိုက်၏။ 


တ၀မ်က ဆုတံဆိပ်လေးအား သေတ္တာလေးတစ်ခုထဲ၌ ထည့်သိမ်းလိုက်ပြီး ပေါက်ပြားကိုင်၍ ထွက်သွားလိုက်သည်။ 


လင်းလန်က လူထုလှုပ်ရှားရေးအဖွဲ့သို့သွားလိုက်သည်။ ယခုဆို အဖွဲ့၌ အခန်းနှစ်ခန်းရှိ​နေပြီဖြစ်ကာ တပ်မဟာ၌ မဟုတ်ဘဲ ရွာလယ်တွင် ရှိတာဖြစ်ပေသည်။ ရွာရှိ ပိုင်ရှင်မရှိ​ကြတော့သော အိမ်တစ်အိမ်ဖြစ်ပေသည်။ 


လင်းလန်လာသည်ကို မြင်သည့်အခါ တုန်ဟွိုင်ဟွက ​ပြောသည်။


 " လင်းလန်ရေ ပြောကြည့်ပါဦး ဒီအဖွဲ့က ရှေ့လျှောက် အလုပ်လုပ်နိုင်ပါဦးမလား "


ယခုနှစ်၌ အထက်မှနေ လူထုလှုပ်ရှားရေးအဖွဲ့အား တာ၀န်များစွာ ချမှတ်ပေးလေသည်။ ဥပမာအားဖြင့် အရင်းရှင်စနစ်ကို ဖျက်သိမ်းဖို့ အစပျိုးခြင်းကိစ္စပင် ဖြစ်သည်။


ထိုကိစ္စအား ယခင်တည်းက လုပ်ချင်ခဲ့တာဖြစ်သော်လည်း တကယ်တမ်းတွင် ကိုယ်ပိုင်မြေများက လက်တစ်ဆုပ်စာသာရှိပြီး ကြက်နှစ်ကောင်လောက်သာ မွေးနိုင်သဖြင့် အထမမြောက်ခဲ့ချေ။ ထိုကိစ္စကို ဆောင်ရွက်ရန် အများသူငှာပါ၀င်ဖို့ လိုအပ်သဖြင့် လူမညီသောကြောင့် ရှေ့ဆက်မတိုးနိုင်နေပေ ။


သို့သော်လည်း ယခုနှစ်အစတွင်မူ ပြဿနာများဖြစ်လာပြီး မြို့ကိုလည်း ထိခိုက်သွားစေသဖြင့် တောရွာမှ ပိုလျှံနေသော ကြက် ၊ဘဲ ၊ ငန်းများကိုပါ သတ်ပစ်ရန် ညွှန်ကြားလေသည်။ ကွန်မြူနတီမှ အဖွဲ့၀င်များ၏ တစ်ဦးချင်းလုပ်ငန်းများကိုလည်း တားမြစ်ပြီး ဘေးထွက်စီးပွားရေးကိုလည်း လုပ်ခွင့်မပေးတော့ချေ ။ 


ရှန်ရွေ့ရွာမှ ဆပ်ပြာစက်ရုံကမူ တော်လှန်ရေးကွန်မြူနတီ၏ ခွင့်ပြုချက်ဖြင့် ဖွင့်ထားတာဖြစ်သဖြင့် ဘာမှမဖြစ်ခဲ့ပေ ။ လင်းမိန်၏ စီးပွားရေးကလည်း လင်းလန်၏ ကြိုတင်သတိပေးခဲ့မှုကြောင့် ဘာမှဖြစ်မသွားခဲ့ ။ သို့သော်လည်း အသစ်ဖွင့်လာကြသည့် ဆီဆိုင်များ ၊ တို့ဟူးဆိုင်များ ၊ ဂျုံမှုန့်ဆိုင်များကတော့ အပိတ်ခံလိုက်ရလေသည်။ 


တုန်ဟွိုင်ကွသည် စည်းကမ်းလိုက်နာသူဖြစ်သော်လည်း ယခုအခေါက်၏ ရည်ရွယ်ချက်ကို နားမလည်ဖြစ်နေလေသည်။ ကိုယ့်မြေကို ပြန်သိမ်းခံရမည့်အပြင် ကြက်တွေဘဲတွေကိုပါ သတ်ပစ်ရမယ်ဆိုတာက ဘာအဓိပ္ပာယ်လဲ ။ အဖွဲ့၀င်များ၏ စား၀တ်နေရေးအတွက် ဖြစ်သဖြင့် သူမ လက်လွတ်စပယ် မလုပ်ချင်ပေ ။


လွန်ခဲ့သည့်နှစ်များအတွင်း၌ တင်းကြပ်ခဲ့သော်လည်း ဟန်ရုံဖန်က ဂရုမစိုက်ခဲ့တာဖြစ်ပေသည်။ သူတို့ရွာ၌ အဖွဲ့၀င်များအား ကိုယ်ပိုင်မြေကိုချပေးခဲ့လေသည်။ တပ်မဟာကလည်း ဟင်းသီးဟင်းရွက်များကို စိုက်သည့်အပြင် အဖွဲ့၀င်များကိုလည်း ကိုယ်တိုင်စိုက်ခွင့်ပေးလေသည်။ ကြက်ဘဲမွေးမြူခြင်းကအစ ခွင့်ပြုထားခဲ့တာ ဖြစ်သည်။


ယခုတွင်မူ တင်းတင်းကြပ်ကြပ်ဆောင်ရွက်ရန် ပြောနေသဖြင့် တုန်ဟွိုင်ဟွအတွက် အကြပ်ရိုက်နေလေ၏။ 


ထို့ကြောင့် လင်းလန်အား ခိုင်းသည့်အတိုင်းလုပ်ရမှာလားဟု မေးနေခြင်းဖြစ်ပေသည်။


လင်းလန် : " ကျွန်မတို့က လူထုလှုပ်ရှားရေးအဖွဲ့၀င်တွေလေ ဥပဒေရေးရာအရှ်ိတွေမှ မဟုတ်တဲ့ဟာ ဘာလို့ သတ်ဆိုတိုင်း သတ်ခိုင်းရမှာလဲ စုံစမ်းဖို့လူလွှတ်မယ်ဆိုရင်တောင် အဖွဲ့၀င်တွေက အများကြီးမို့လို့ သူတို့အကုန် မစုံစမ်းနိုင်လောက်ပါဘူး "


တုန်ဟွိုင်ဟွ နားလည်သွားသည်။ " ဒါဆို ငါတို့က လူထုလှုပ်ရှားရေးအပေါ်ပဲ အာရုံစိုက်ကြရမှာလား "


လင်းလန် : " အဲ့ဒါကမှ ကျွန်မတို့အလုပ်လေ "


လင်းလန် ထိုကိစ္စက အကြာကြီးဖြစ်နေမည်ဟု မထင်ပါ ။ အထက်က ယခုအချိန်၌ တင်းကြပ်နေသော်လည်း နှစ်ကုန်ရင် ယခင်လိုသာ ပြန်ဖြစ်သွားပေလိမ့်မည်။ ထို့ကြောင့် အဖွဲ့၀င်များအား အတင်းအကြပ်ဖိအားပေးစရာမလိုဟု လင်းလန်ထင်သည်။ ပြောရရင် ကြက်ဘဲများက စားသောက်နေထိုင်ရေးအတွက် အခြေခံကျသည့်အရာများဖြစ်သည် မဟုတ်ပါလား ။ ဘဲများက မြစ်ထဲမှ ပိုးမွှားများကိုစားကာ ကြက်များကမူ ယာခင်းများထဲရှိ အင်းစက်များကို စားကြသဖြင့် သူမတို့အတွက် အကျိုးရှိတာပဲ ဖြစ်လေသည်။


သို့သော်လည်း အထက်လူကြီးများ၏ ရည်ရွယ်ချက်အား အများသိအောင် ပြောပြဖို့ လိုပေဦးမည် ။ တည့်တိုးဆန်ဆန် ပြောပြ၍ ဖြစ်မည်မဟုတ်ချေ ။


ထိုအချိန်မှ အဖွဲ့၀င်များသည် ၁၉၄၀ ၊ ၁၉၅၀ ခုနစ်များမှ ခံယူချက်များကို သိပ်နားမလည်ကြတော့ပေ ။ နှစ်နှစ်ဆယ်ကြာပြီးနောက် လူငယ်များသည် ကိုယ်တိုင်ပင် မကြုံတွေ့ကြရသဖြင့် ပို၍ပင် နားမလည်ကြချေ ။ ထို့ကြောင့် လူမှုနေထိုင်ရေးအတွက် တောင်းဆိုမှုများက ပိုများလာလေ၏။


၁၉၇၃ ခုနှစ်၌ တရုတ်ပြည်သစ်သည် ခြေလှမ်းအသစ်ကို စတင်ခဲ့ပြီဖြစ်သဖြင့် ပြည်သူများကလည်း နောက်မှလိုက်ပါကြရတော့မည် ဖြစ်၏။


လင်းလန်လည်း ထိုကိစ္စအား ဘယ်လိုအသိပေးကာ ရွာသားများအား ဘယ်လိုအကောင်းမြင်အောင် ပြောပေးရမည်ကို တိုင်ပင်ဆွေးနွေးကြည့်လိုက်သည်။


လင်းလန်က ဤအမှုတွင် တော်သဖြင့် အကြံကောင်းရလာလေသည်။ အပေါ်ယံတွင်မူ ခိုင်းသည့်အတိုင်း လုပ်နေပုံပေါက်သော်ငြား တကယ်တမ်းတွင်ကား အဖွဲ့၀င်များ၏ ဆန္ဒနှင့်လည်း ကိုက်ညီစေပေလိမ့်မည် ။


အားလုံး ကိုယ်စီအလုပ်များနေကြစဥ်၌ အမေရိကန်တိုက်ဖျက်ရေး တပ်မဟာမှလူများ ရောက်သည်ဟုဆိုကာ လင်းလန်ကို လာခေါ်လေသည်။ 


လင်းလန် : " ကျွန်မ မအားလို့ ကိုယ့်ဘာသာပဲ တွေ့လိုက်ကြပါ ကျွန်မက ဆပ်ပြာစက်ရုံကို သွားရဦးမှာမို့လို့ "


Xxxxxxx

Part 676


အမေရိကန်တိုက်ဖျက်ရေးအဖွဲ့က လင်းလန်အား အမြဲတစေ တွေ့ဖို့တောင်းဆိုသော်ငြား လင်းလန်က ဘယ်တုန်းကမှ မတွေ့ခဲ့ချေ ။ အကြောင်းမှာ ယွီရှင်းက ခင်မင်မှုကို မထောက်ဘဲ ယုံရှင်းတပ်မဟာကို အမေရိကန်တိုက်ဖျက်ရေးတပ်မဟာအဖြစ် ပြောင်းလဲလိုက်ကာ ပညာတတ် လူငယ်လေးငါးယောက်ဖြင့် သူတို့ကိုယ်ပိုင် လူထုလှုပ်ရှားရေးအဖွဲ့ကို ဖွဲ့လိုက်ကြလေသည်။ 


လင်းလန် ထိုသည်ကို သိပ်ဂရုမစိုက်ပါ ၊ အခြားတပ်မဟာများလည်း လူထုလှုပ်ရှားရေးအဖွဲ့ လိုအပ်သည်ကို သူမလည်း သိသည်။ သူမ၌ မူပိုင်ခွင့်ရှိနေသည်လည်း မဟုတ်သလို သူမ၏ပိုက်ဆံ ကုန်သွားသည်လည်း ဟုတ်မနေပေ ။ သို့သော်ငြား ယွီရှင်းသည် လင်းလန်အား ဆူးငြှောင့်တစ်ခုလို သဘောထားကာ နေရာတိုင်း လိုက်၍ကန့်လန့်တိုက်နေ၍ပင် ဖြစ်သည်။


စိတ်မကောင်းစရာသည်ကား သူမက လင်းလန်နှင့် ပြိုင်ချင်နေသည့်အချိန်၌ လင်းလန်က ခရိုင်သို့သွား၍ အနီရောင်အလံလှုပ်ရှားမှုအတွက် ဆုပင်ယူပြီးနေပြီဖြစ်၏။ လင်းလန်က ပြန်လာတော့လည်း ဆပ်ပြာစက်ရုံနှင့် အလုပ်ရှုပ်နေသဖြင့် အခြားတပ်မဟာများသိို့ မသွားနိုင်ခဲ့ချေ ။ 


ယွီရှင်းက ထိုသည်ကို အခွင့်ကောင်းယူကာ အခြားတပ်မဟာများသို့သွား၍ စည်းရုံးရေးဆင်းခဲ့လေသည်။ ထို့ကြောင် သူမတို့၏ ဆောင်ပုဒ်များကသာ ပိုတွင်ကျယ်သလို ဖြစ်သွားပြီး လင်းလန်တို့အား ဖိတ်ခေါ်သူများ နည်းသွားလေသည်။ ထိုအစား ရှန်ရွေ့ရွာမှ လျှိုချွန်းချုက်နှင့် ချန်ဖူယွိီတို့ကိုခေါ်၍ သူတို့ပြောသည်များကိုသာ နားထောင်ခိုင်းကြလေသည်။ 


လင်းလန် ယွီရှင်းကို မတွေ့ချင်သဖြင့် အစည်းအဝေးပြီးသည့်အခါ ဆပ်ပြာစက်ရုံသို့ သွားဖို့​ပြင်လိုက်သော်လည်း သူမ အထွက်၌ ယွီရှင်းနှင့် ဆုံလိုက်ရလေသည်။ 


လင်းလန်က ဂရုမစိုက်ဘဲ လှည့်ထွက်လာလိုက်သည်။ 


ယွီရှင်း : " ခေါင်းဆောင်လင်း မျက်လုံးမကောင်းဘူးလား "


လင်းလန် : " ကောင်းလွန်းလွန်းလို့တောင် ခက်နေတာ "


ယွီရှင်းက မျက်နှာပျက်သွားလေသည်။ 


" ငါတို့နှစ်ယောက်လုံးက လူထုလှုပ်ရှားရေးအဖွဲ့ကပဲလေ ဘယ်သူက ဘယ်သူ့ထက် သာတယ်ဆိုတာ ရှိလို့လား "


လင်းလန် ပြန်ပြုံးပြလိုက်သည်။ " စိတ်မရှိနဲ့နော် နင်က အဲ့လောက်ထိ စိတ်ဓာတ်ပြင်းပြမှန်း ငါမသိခဲ့ဘူး ဒီလောက်လုပ်ချင်နေရင်လည်း တစ်ခါတည်း ကျောက်စာပါထွင်းထားလိုက်ပါလား ငါက မမြင်မကြားနေတာမှ မဟုတ်တာ ဘာတွေလုပ်ထားလဲဆိုတာကို မသိဘဲနေပါ့မလား ဒီထက့်မပြောချင်တော့တာမို့ လှည့်ပြန်လိုက်တော့ မဟုတ်ရင် ငါ့အဆိုးမဆိုနဲ့ "


ယွီရှင်းက ဒေါသထွက်နေကာ မျက်နှာပင် ပြာလာလေသည်။


 " ငါက နင်မပါဘဲ ကောလိပ်ကိုသွားမှာ ငါက ဒီနှစ် ကောလိပ်တက်မှာ "


လင်းလန်က ဂရုမစိုက်ဟန် ပြန်ကြည့်လေ၏။ " နင် သေချာရဲ့လား တပ်မဟာနဲ့တင်မကဘူး ကွန်မြူနတီနဲ့ပါ အဆင်ပြေအောင် လုပ်ရမှာနော် ကျစ်စ် ကျစ်စ် ဖြစ်နိုင်ပါ့မလား "


အာဏာနှင့် ရင်းနှီးမြှုပ်နှံမှုရှိနေသရွေ့ လဲလှယ်၍ မရတာ ဘာမှမရှိပေ ။ ထိုသည်က ငြင်းမရသော အမှန်တရားပင် ဖြစ်၏။ 


လင်းလန်က လူထုလှုပ်ရှားမှုတွင် ပါခဲ့ဖူးကာ တပ်မဟာအများအပြားကိုလည်း သွားခဲ့ဖူးသဖြင့် အတင်းအဖျင်းများစွာကို ကြားခဲ့ရလေသည်။ ၄င်းအပြင် အတင်းပြောတက်ကြသော ချန်ဖူယွီနှင့် လျှိုချွန်းချိုက်ရှိနေသဖြင့် သူမ နားမထောင်ချင်လျှင်တောင် သိနေရဆဲဖြစ်ပေသည်။ ပညာတတ်မိန်းမပျို အလှလေးများအား ကိုယ်ကျိုးအတွက် အသုံးချတက်သော ကေဒါများရှိတက်သလို ကိုယ်လိုချင်သည့်နေရာဖြစ်သော တက္ကသိုလ်၀င်ခွင့်ကို ရနိုင်ရန် ဖြတ်လမ်းကို သုံးကြသော ပညာတတ်လူငယ်များလည်း ရှိသည်ကို လင်းလန်သိသည်။ 


ယခု ယွီရှင်းသုံးနေသည့် နည်းလမ်းက ထိုလမ်းပင်ဖြစ်ချေ၏။ လင်းလန်က မသိထားသည့်အလား သူမရှေ့၌ လာ၍၀ံ့ကြွားပြနေသည်ကို ရယ်ချင်မိသည်။ တက္ကသိုလ်တက်ရန် ထောက်ခံချက်ရထားတာ ဖြစ်ရပေမည် ။ 


ယွီရှင်းနှင့် ငြိနေသူမှာ အကောင်ကြီးကြီးထဲက ဖြစ်ဖို့များပေသည်။ မနှစ်တုန်းက တပ်မဟာ၌ အလုပ်လုပ်ခွင့်ရခဲ့ကာ ယခုတွင်မူ တက္ကသိုလ်တက်ရန် ထောက်ခံချက် ရထားသည်တဲ့လေ ။


သို့သော်လည်း သူမ တက္ကသိုလ်တက်တက် မတက်တက် လင်းလန်နှင့် ဘာများဆိုင်သွားလို့တုန်း ။


လင်းလန်လည်း အရေးမပေးချင်သဖြင့် စကားဆက်ဆိုမနေဘဲ  လှည့်သာ ထွက်လာလိုက်တော့သည်။


ယွီရှင်းက လှမ်းအော်သည်။ 


" ရောင့်တက်မနေနဲ့ ၊ နင်တို့ တပ်မဟာက ဆပ်ပြာစက်ရုံက တစ်ခုခုမှားနေတယ်ဆိုတာ ငါသိတယ် နင် စောင့်နေလိုက် "


လင်းလန် ဆပ်ပြာစက်ရုံသို့ ထွက်လာလိုက်သည်။ 


ရှန်ယွီ လက်အောက်ရှိ နည်းပညာအသင်းမှလွဲ၍ ထုတ်လုပ်ရေးအတွက်ကိုမူ စိတ်ပူစရာ မလိုအပ်ချေ ။


ယခုအချိန်၌ အဆင့်မြင့်နည်းပညာများ မရှိသေးသည့်အတွက် ရင်းနှီးလွယ်သော နည်းပညာများသာ ရှိသေးလေသည်။ အဖွဲ့၀င်များကိုလည်း လက်တွေ့လုပ်ခိုင်းပြီးမှ ရွေးချယ်ထားတာဖြစ်ပြီး စကားမများ ရေသာမခိုတတ်သူများကို ဦးစားပေးထားတာ ဖြစ်ပေသည်။ အား၀မ် ၊ ရှန်ယွီနှင့် ဟန်ရုံဖန်တို့ သုံးဦးလုံးဆွေးနွေးပြီးနောက်တွင် ပြန်သုံးနိုင်သည်များကို ပြန်သုံးပြီး ပြန်မသုံးနိုင်တော့သည့် အရာများကိုမူ တိရစ္ဆာန်အစာအဖြစ် ကျွေးရန် ဆုံးဖြတ်လိုက်လေသည်။ 


အား၀မ်က ရှန်ယွီနှင့် တိုင်ပင်ပြီး စက်ရုံအတွက် ရိုးရှင်းသော်လည်း အကျိုးရှိမည့် စည်းမျဥ်းများကို ချမှတ်လိုက်သည်။ အဖွဲ့၀င်များကလည်း စည်းမျဥ်းများအတိုင်း လိုက်နာကြသဖြင့် ပြဿနာဖြစ်ခြင်းများက မရှိသလောက် နည်းလေသည်။ ပြဿနာရှိလာပါကလည်း အမြန်ဆုံး ဖြေရှင်းနိုင်ကြလေ၏။ 


ထို့ကြောင့် အဖွဲ့၀င်များကြား၌ ကိုယ့်တာ၀န်ကိုယ် မကျေပွန်သူ မရှိသလို ပြဿနာကြုံလာပါကလည်း အချင်းချင်း ဖြေရှင်းနိုင်ကြလေသည်။ 


ရှန်ယွီက အမွှေးတိုင်လုပ်ရန် စမ်းသပ်နေသည်ကို လင်းလန် တွေ့လိုက်ရသည်။ 


အလုပ်ဖြစ်သွားပြီ ။


လင်းလန် ရှန်ယွီကို ချီးကျူးလိုက်သည်။ 


" ရှန်ယွီ တော်လိုက်တာ ငါတို့ဆီက ဆပ်ပြာက ထောက်ပံ့ရေးနဲ့ စျေးကွက်ရှာဖွေရေးဌာနကထက်တောင် ကောင်းတာပဲ "


ထောက်ပံ့ရေးနှင့် စျေးကွက်ရှာဖွေရေးဌာနမှ ကုန်ပစ္စည်းများသည် မြို့ကြီးများမှလာသည့် ပြစ်ချက်ရှိပစ္စည်းများဖြစ်ကာ အကောင်းဆုံးပစ္စည်းများက ရောက်မလာနိုင်ပေ ။


သူမတို့၏ စက်ရုံမှ ပစ္စည်းများကမူ အတော်လေး ကောင်းသည်ဟု ဆိုရပေမည် ။ အမြှုပ်ထွက်အားကောင်းသကဲ့သို့ သုံးရလည်းလွယ်လေသည်။ ထောက်ပံ့ရေးဌာနမှ ၀ယ်သည့်အခါတွင်ကား ကံမကောင်းပါက အမြှုပ်မထွက်သည့် ဆပ်ပြာခဲများနှင့် ကြုံရနိုင်လေသည်။


ရှန်ယွီက မ​နေ့ညက စန်း၀မ်ကို လာတွေ့ခဲ့သဖြင့် မနက်ခင်းတွင် ထပ်မလာသောကြောင့် လင်းလန်ကိုတွေ့မှ အကျိုးအကြောင်းမေးလေသည်။ 


" သွားပြီလေ သွားတုန်းကဆို မျက်လုံးတွေရဲနေတာ ကြည့်ရတာ ရွာကထွက်မှ မထိန်းနိုင်တော့ဘဲ ငိုမယ်ထင်တာပဲ " 


လင်းလန်က ပြုံး၍ပြောနေသော်လည်း မျက်ရည်များ၀ဲနေလေ၏။ 


ရှန်ယွီ : " ခရိုင်စုက သိပ်မဝေးပါဘူး ခေါင်းဆောင် သွားတွေ့ချင်တဲ့အချိန် ချက်ချင်းသွားတွေ့လို့ ရမှာပါ "


စကားပြောပြီးနောက်တွင် လင်းလန်တို့သည် ဆပ်ပြာလုပ်ခြင်းများကို စစ်ဆေးနေလိုက်ကြကာ ရုတ်တရက် သူမတို့အား ကွန်မြူနတီမှ အရာရှိရောက်လာပြီး စစ်ဆေးနေကြောင်းကို လာပြောလေသည်။ 


ရှန်ယွီ မျက်မှောင်ကြုံ့လိုက်မိသည်။ 


လင်းလန် : " ဘာဖြစ်တာလဲ "


ရှန်ယွီ : " ကွန်မြူနတီမှာ ညွှန်မှုးအသစ်ရောက်လာကတည်းက နှစ်ရက်တစ်ခါလောက် စစ်ဆေးဖို့ လူလွှတ်နေတာလေ " ယခင်က လင်းလန်အား ထိုအကြောင်းများကို အသိမပေးခဲ့ဘဲ ရှန်ယွီက သူ့ဘာသာပဲ ဖြေရှင်းနေခဲ့တာ ဖြစ်ချေ၏။ 


ရှန်ယွီ အိုးအောက်ရှိ မီးညှပ်ကို ဆွဲထုတ်လိုက်သည်။ 


လင်းလန် : " သွားကြည့်ကြည့်ကြရအောင် "


Xxxxxxxx

Prev Next