Welcome To MM Storyteller
LOGIN
Part 679
ဆပ်ပြာစက်ရုံဖွင့်ပြီးကတည်းက မနာလိုဖြစ်နေကြသူများစွာ ရှိလေသည်။ အချို့လူများက ရှယ်ယာ၀င်ချင်ကြပြီး တစ်ချို့သည် နည်းပညာများကိုလိုချင်ကြလေသည်။ တစ်ချို့ကလည်း ခွဲဝေယူချင်ကြသည်ကို ဟန်ရုံဖန်က အားလုံးကို ငြင်းလွှတ်ခဲ့တာဖြစ်သည်။ ညွှန်မှုးကိုယ်တိုင်က လက်မခံတာဖြစ်သဖြင့် တစ်ယောက်မှလည်း မဆန့်ကျင်ရဲကြချေ ။
ရှန်ယွီ : " ကျွန်တော်လည်း လိုက်ခဲ့မယ် ဖြစ်ခဲ့တာတွေကို သေချာရှင်းပြပေးပါ့မယ် "
လင်းလန် : " ကျွန်မလည်း လိုက်မယ် "
ပြောရရင် ရှန်ယွီက နည်းပညာကိုသာ စိတ်၀င်စားသူဖြစ်ပြီး နူးနူးညံ့ညံ့ရှိသူဖြစ်၍ အနိုင်ကျင့်ခံရရန် လွယ်လေသည်။ လင်းလန်က လူထုလှုပ်ရှားရေးအတွက် တာ၀န်ယူထားသူဖြစ်သဖြင့် နှုတ်ရေး၌ ကျွမ်းကျင်လေသည်။ သူတို့သာ စကားကိုလိမ်ပြောရဲပါက လင်းလန်က သေချာလေး ပညာပြပေးမှာ ဖြစ်ချေသည်။
တ၀မ်ကလည်း နောက်မှ လိုက်လာလေသည်။
လင်းလန် : " သားကြီး ဘာလို့အိမ်မှာ ချက်ပြုတ်ပြီး မနေခဲ့တာလဲ ညီလေးတွေက ကျောင်းကနေ ပြန်လာကြတော့မှာလေ "
တ၀မ် : " !! " ကျွန်တော်လည်း သွားမှာပဲ ။
ရှန်ယွီ : " အိမ်ပြန်ပြီး ချက်ပြုတ်လိုက်ပါ ကျွန်တော်ပဲ သွားလိုက်ပါမ့ယ် "
လင်းလန်က ပျော်သွားလေသည်။ " အားနာပေမယ့် ရပါတယ် မင်းမှာ သော့ပါလာလား "
ရွာမှလူများသည် တော်ရုံဆိုပါက သော့က်ိုသယ်သွားလေ့မရှိကြဘဲ တစ်နေရာတည်းတွင်သာ ထားတတ်ကြတာဖြစ်လေသည်။ လူဆိုးများကိုလည်း ကြောက်မနေပေ ။ အခိုးခံရမည်ကိုလည်း မစိုးရိမ်ကြဘဲ အိမ်အများစုသည် တံခါးများကို သော့ပင်မခတ်ကြချေ ။
တ၀မ်က လင်းလန်အား စက်ဘီးဖြင့် ဆပ်ပြာစက်ရုံမှ ပြန်ခေါ်လာပြီး လျိုကွေ့ဖာက ထိုလူလေးယောက်ကိုခေါ်ထားကာ ကျန်ခဲ့လေသည်။
လင်းလန်က စန်း၀မ်ထွက်သွား၍ ငိုချင်နေသည့်စိတ်များကို ထိုလူလေးယောက်ထံ ပုံချ၍ ဒေါသဖြေလိုက်ရသည့်အတွက် နေလို့ကောင်းသွားပြိိဖြစ်သည်။ အသံမှာလည်း ပို၍ တက်ကြွလာလေသည်။
" သားကြီးက တော်သထက် ပိုတော်လာတာပဲ "
တ၀မ် : .... ဒီလိုပါပဲ ။
နှစ်ဦးသည် ကွန်မြူနတီသို့ အရင်သွားလိုက်ကြသည်။ ထိုမှ လူအများအပြားက လင်းလန်ကို သိကြလေ၏။ သူမက လူထုလှုပ်ရှားရေးအတွက် မကြာခဏ သွားခဲ့ဖူးသောကြောင့်ပင် ။
လင်းလန်ကို တွေ့သည့်အခါ တစ်ဦးပြီးတစ်ဦး နှုတ်ဆက်ကြလေသည်။ " ခေါင်းဆောင်လင်းပါလား ဒါက သားကြီးလား ဆယ်ကျော်သက်အရွယ်ပဲရှိသေးတာကို အရပ်ကလည်း အရှည်ကြီးပဲနော် ချောလည်းချောသေးတယ် အိမ်ထောင်ရော ကျပြီးပြီလား "
တ၀မ် : " !!! " ခြေထောက်ထောက်၍ စက်ဘီးကိုရပ်လိုက်ပြီး လင်းလန်အား ဆင်းစေလိုက်သည်။
လင်းလန်အား ၀ိုင်းလာကြကာ စကားလာပြောကြပြီး တ၀မ်ကိုလည်း ၀ိုင်းကြည့်နေကြလေသည်။
ယခုခေတ်၌ အများစုသည် အာဟာရမပြည့်၀ကြသဖြင့် အရပ်ပုတတ်ကြလေသည်။ ဟန်မိသားစုမှ ပထမအစ်ကိုဟန်နှင့် ဒုတိယအစ်ကိုဟန်သည် ၁၇၆ စင်တီမီတာလောက်ရှိပြီး အရပ်ရှည်ကြသည်ဟု ဆိုနိုင်လေသည်။ ဟန်ချင်စုန့်နှင့် ဟန်ချင်ဟွသာ လူရိုင်းကြီးများနှယ် ထွားနေကြတာဖြစ်သည်။ ဟန်ချင်စုန့်က ရေကူးသောကြောင့်ဖြစ်ပြီး ဟန်ချင်ဟွကမူ စားနိုင်လွန်းသောကြောင့် ဖြစ်ပေ၏။
တ၀မ်က အဖေဖြစ်သူ၏ အမွေကိုဆက်ခံကာ အမေဖြစ်သူကလည်း ချောလှသဖြင့် အရွယ်မရောက်သေးသော်လည်း အရပ်လည်းရှည် ခြေတံလည်းသွယ်ဖြစ်ပြီး လူအများကြား၌ ထင်းထွက်နေလေသည်။
လင်းလန် : " နည်းနည်းလောက် ဖယ်ပေးကြပါဦး ကျွန်မတို့က တိုင်ကြားစရာ ကိစ္စရှိလို့ ရောက်လာတာပါ "
" ဪ တိုင်မလို့လား ညွှန်မှုးဟန်ရော ဘယ်မှာလဲ "
ညွှန်မှုးဟန်ရဲ့ မိန်းမနဲ့သားက လာရှာတာဆိုတော့ သေချာပေါက် ညွှန်မှုးဟန်ကို လာရှာကြတာပဲ ဖြစ်မှာပေါ့ ။
တစ်ယောက်က လှမ်းအော်လေသည်။ " ညွှန်မှုးဟန်နဲ့ ညွှန်မှုးယန်က အပြင်ကို ကိစ္စရှိလို့ ထွက်သွားကြတယ် " တော်လှန်ရေးကော်မတီ၏ ညွှန်မှုးအသစ်သည် မျိုးရိုးနာမည် ယန်နှင့်လူဖြစ်သည်
လင်းလန် : " အမှုဖွင့်ဖို့ လာတာမို့လို့ ညွှန်မှုးဟန်မရှိလည်း ရပါတယ် ဘာပဲဖြစ်ဖြစ် ပြည်သူ့လုံခြုံရေးဗျူရိုမှာ တိုင်ရမှာပဲ မဟုတ်ဘူးလား "
ခဏအကြာတွင် စွန်းကျိုး၀မ် ဆိုသည့်ကောင်လေးက " မရိီး " ဟုအော်၍ ရောက်လာလေသည်။
လင်းလန် ကြက်သီးထမိသွားသည်။ " စွန်း ...."
" မရီးရေ တွေ့ရတာ ၀မ်းသာတယ်ဗျာ ရှောင်စွန်းလို့ပဲ ခေါ်ပါဗျာ " စွန်းကျိုး၀မ်က ပြုံး၍ ဖြတ်ပြောလေသည်။
လင်းလန် : " စွန်းကျိုး၀မ်ရေ အမှုဖွင့်ချင်တာက ရုပ်ဆိုးဆိုးလူတစ်စုက အရာရှိယောင်ဆောင်ပြီး ငါတို့ကို လာခြိမ်းခြောက်နေလို့ "
စွန်ကျိုး၀မ်က သူ့ရင်ဘတ်ကိုပုတ်ပြလေသည်။
" သူတို့ကို ခေါ်ခဲ့လိုက်လေဗျာ ကျွန်တော် သူတို့ကို လုံး၀ အလွတ်ပေးမှာ မဟုတ်ဘူး ..."
" ဒီမှာလေ " လင်းလန်က လှည့်ကာ ခေါ်လိုက်သည်။ " ညွှန်မှုးရှင့် ဒီမှာပါ "
လျိုကွေ့ဖာက ဖန်းပိရှန်းတို့ လေးယောက်ကိုခေါ်၍ ရောက်လာလေသည်။
စွန်းကျိုး၀မ် အံ့အားသင့်သွားမိသည်။ အမွှေးတွေတောင် ထောင်လာသလိုပဲ ။ ဒါက ...ဒါက ... အရာရှိယောင်ဆောင်ပြီး ခြိမ်းခြောက်တာတောင် ပြည်သူ့လုံခြုံရေးဗျူရိုက ခေါင်းဆောင်ရဲ့ အိမ်သူကိုမှ ခြိမ်းခြောက်တာဆ်ိုတော့ အသက်မရှင်ချင်တော့ဘူးထင်တယ် ။
စွန်းကျောက်၀မ်ကို မြင်သည့်အခါ ဖန်းပိရှန်းက ထအော်သည်။
" လက်ထောက်ညွှန်မှုးစွန်း ကြည့်ရတာကို ပျော်နေတာလား မြန်မြန်ကြိုးမဖြည်ပေးသေးဘူးလား "
ဒေါထွက်လိုက်တာ။
စွန်းကျောက်၀မ် စိတ်ထဲမှနေ ချင့်တွယ်လိုက်သည်။ သူ ကျဥ်းထဲကြပ်ထဲရောက်နေပြီ ။ ဖန်းပိရှန်းဘက်က နေလိုက်ပါက လင်းလန်ကို အာခံသလို ဖြစ်သွားပြီး လင်းလန်ဘက်မှ နေလိုက်ပါကလည်း ညွှန်မှုးယန်ကို အာခံသလို ဖြစ်သွားပေလိမ့်မည်။ ဘယ်ဘက်ကမှ အပြစ်လုပ်ဖို့ မလွယ်ပေ ။
စွန်းကျောက်၀မ် ကြောက်လန့်ကာ ဖြူဖျော့လာမိသည်။
" ဒါက ဘယ်လိုပြောရမလဲ ဘာလို့ ဒီလိုဖြစ်နေတာလဲ ခေါင်းဆောင်ဖန်း ဘာတွေလုပ်နေတာလဲ "
ဖန်းပိရှန်းက လင်းလန်ကို အော်သည်။ " ခွေးမ စျေးကွက်ရှာဖွေရေးဌာနရဲ့ အရာရှိတွေကို ပြက်ရယ်ပြုရဲတဲ့ဟာမ "
တ၀မ်က ဖန်းပိရှန်းကို အကြည့်တစ်ချက်ပေးလိုက်သည်။ စျေးကွက်ရှာဖွေရေးဌာနက အရာရှိဖြစ်နေရင်တောင် သူကတော့ ရိုက်ဦးမှာပဲ ။
လင်းလန် ပြုံးပြလိုက်သည်။
" ဘာလဲ ရှင်က ကျွန်မအကြောင်းကို သေချာသိလို့လား စွန်းကျောက်၀မ် ငါက ဒီရုပ်ဆိုးတဲ့ကောင်တွေကို ငါတို့တပ်မဟာကို ခြိမ်းခြောက်တဲ့အတွက် အမှုဖွင့်မှာ ငါတို့ရဲ့ ဆပ်ပြာစက်ရုံက ခရိုင်ရဲ့ခွင့်ပြုချက်နဲ့ ဖွင့်ထားတာ အဲ့ဒါကို ဒီလူက မယုံဘဲနဲ့ ငါတို့ကို ပြဿနာဆက်ရှာနေတာလေ "
ဖန်းပိရှန်း၏ ကာအိန္ဒြေထိပါးမှုကိုတော့ လင်းလန် ထည့်ပြောမည်မဟုတ်ပါ ။ သူမက ဟန်ချင်စုန့်၏ဇနီးဖြစ်သည့်အတွက် မသမာသူများက မဟုတ်မမှန် သတင်းများကို ဖြန့်ကုန်ကြပေလိမ့်မည်။ ဘယ်လိုပဲဖြစ်ဖြစ် ဒီရုပ်ဆိုးကောင်က မိန်းကလေးတွေအများကြီးကို ရမ်းကားပြီးလောက်ပြီဖြစ်သဖြင့် စစ်ဆေးလိုက်ပါက ပေါ်လာမှာ ကျိန်းသေပေသည်။
Xxxxxxx
Part 680
ယခင်ကတော့ နောက်ခံကြောင့် အဆင်ပြေနေခဲ့ပေမယ့် ယခုတွင်မူ သူ့နောက်ခံကလည်း မကယ်နိုင်ကြောင်းကို သိအောင် ပြပေးရပေမည် ။
" မဟုတ်တာတွေ မင်းတို့ကမှ လုပ်ငန်းခွင်အတွင်းကို ၀တ္တရားနှောင့်ယှက်နေကြတာ "
ဖန်းပိရှန်းက ၀န်မခံဘဲ ညွှန်မှုးကတော်က ၀တ္တရားနှောင့်ယှက်နေတာဟုသာ တွင်တွင်ဆိုနေပြီး ဟန်ချင်စုန့်အား ပြဿနာတက်စေချင်နေလေသည်။
ဘယ်သူက ဟန်ချင်စုန့်ကို မသောက်မစားဘဲ ဘ၀င်မြင့်ပြခိုင်းနေလို့လဲ ။ ကောင်းကောင်းမွန်မွန် မိတ်ဆွေဖွဲ့တာကို အသေကောင်ကြီးလိုနေပြီး ဘယ်သူက အမြဲတမ်း ငြင်းခိုင်းနေလို့လဲ ။
မောက်မာနေတဲ့ကောင် ။
စွန်းကျောက်၀မ်က ဖန်းပိရှန်းအား ပြောသည်။
" ဌာနမှုးဖန်း အထင်လွဲနေတာနေမှာပါ ရှန်ရွေ့ရွာရဲ့ ဆပ်ပြာစက်ရုံက တော်လှန်ရေးကော်မတီရဲ့ လက်အောက်မှာ ဖွင့်ထားတာ အဟုတ်ပါပဲ ပြီးတော့ စည်းမျဥ်းတွေနဲ့လည်း ကိုက်ညီပါတယ် "
" ဟက် မင်းကဘယ်လိုသိလဲ သူ့ယောက်ျားက ညွှန်မှုးလေ အဲ့တော့ ခွင့်ပြုချက်ရဖို့က လက်ဖ၀ါးလှန်သလောက်ကို လွယ်နေမှာပေါ့ "
ဖန်းပိရှန်းက စွန်းကျောက်၀မ်ကို ပြန်ကြည့်သည်။
" မင်းတို့ ပြည်သူ့လုံခြုံရေးဗျူရိုကလည်း အလိုတူအလိုပါတွေပဲမလား "
စွန်ကျောက်၀မ် ဒေါသထွက်လာကာ ထိုလူအား ရိုက်ပစ်လိုက်ချင်သည်။ ခေါင်းဆောင်ဟန်ရောက်လာကတည်းက ဘယ်သူမှ အမြတ်ကြီးမစားရဲတော့တဲ့ဟာကို ဘယ်သူ့ကို လာစွပ်စွဲနေတာလဲ ။
ထိုအချိန်မှာပဲ ဟန်ချင်စုန့်နှင့် ညွှန်မှုးယန်တို့ အပြင်မှ အတူပြန်လာကြလေသည်။
ဟန်ချင်စုန့်က ဖန်းပိရှန်း၏ စကားများကို ကြားသွားသော်လည်း ဒေါသထွက်သွားခြင်းမရှ်ိပေ ။
" ဒီဘဲရုပ်ဆိုးကောင်တွေက ဘယ်ကရောက်လာတာလဲ ချက်ချင်း အကျဥ်းချထားလိုက်ကြစမ်း "
ဖန်းပိရှန်း : " ဟန်ချင်စုန့် မင်းလွန်မလာနဲ့နော် "
ညွှန်မှုးယန်ကလည်း မျက်နှာပျက်သွားလေသည်။ သူ့ရှေ့မှာပဲ သူ့အမျိုးကို ဒီလိုပြောလိုက်တာက သူ့မျက်နှာကို ဖြတ်ရိုက်လိုက်တာပဲ မဟုတ်ဘူးလား။
ထို့ကြောင့် ညွှန်မှုးယန်က မျက်နှာ မသာမယာဖြင့်
ပြောလိုက်သည်
" ညွှန်မှုးဟန် အားလုံးက ရဲဘော်ရဲဘက်တွေပဲလေ ကျေးဇူးပြုပြီး ယဥ်ယဥ်ကျေးကျေး ဆက်ဆံပေးပါ "
လင်းလန်နှင့် လျိုကွေ့ဖာက ဖန်းပိရှန်း ဆပ်ပြာစက်ရုံသို့လာ၍ အာဏာပြခြင်း အမှုအကြောင်းကို ပြောဆိုပြီးသွားပြီဖြစ်သည်။ လင်းလန်က ထေ့ပြောလေသည်။
" အရင်က ကွန်မြူနတီက ကေဒါတွေကို မြင်ဖူးပါတယ် ဒါပေမယ့် သူတို့ကို လူ့ရုပ်ဆိုးတွေနဲ့ ပြောင်းပစ်လိုက်တဲ့အပြင် လူလိုလည်း မပြောတတ်ကြတဲ့လူတွေနဲ့ပါ ပြောင်းပစ်လိုက်ကြတာပဲ နောက်ခံရှိတယ်ဆိုတိုင်း ကောင်းကင်ကို လက်ဖ၀ါးနဲ့ကာလို့ရမယ် ထင်နေတာလား မသိဘူး ကျွန်မတို့လို ရိုးသားသူတွေက်ို လာအနိုင်ကျင့်ပြီး ကျွန်မတို့ကေဒါတွေကို အသရေဖျက်နေတယ်လေ ပြည်သူ့လုံခြုံရေးဗျူရိုက တာ၀န်ယူပြီး တစ်ခြားရွာတွေကိုပါသွားပြီး စစ်စေးကြည့်သင့်ပါတယ် ဘယ်သူက သိမှာလဲ ခြိမ်းခြောက်ငွေညှစ်ထားတာတွေ မိန်းကလေးတွေကို ရမ်းကားတာတွေကို လုပ်ထားလား မလုပ်ထားလားဆိုတာကိုလေ "
မိန်းကလေးများကို ရမ်းကားသည်ဟူသည်ကို ကြားသောအခါ ဟန်ချင်စုန့်က မျက်နှာပျက်သွားပြီး လင်းလန်ကို လှမ်းကြည့်လေသည်။
လင်းလန်လည်း သူမအဆင်ပြေပါသည်ဟူသော အကြည့်ကို ပြန်ပေးလိုက်သည်။
သို့သော်လည်း ဟန်ချင်စုန့်က မျက်နှာပျက်နေဆဲဖြစ်ပြီး မျက်မှောင်ကိုလည်း ကြုံ့ထားလေသည်။ တစ်ကိုယ်လုံးကလည်း အေးစက်နေသောရောင်၀ါကို ထုတ်လွှတ်နေသည်။ " လော့ဟိုင်ချန် "
မကြာပါ လော့ဟိုင်ချန် ရောက်လာသည်။ " ညွှန်မှုးဟန် "
" ဒီလေးယောက်က ဒီကိုလာပြီး ဘာတွေလုပ်ခဲ့လဲဆိုတာကို စစ်ဆေးကြည့်လိုက် "
ညွှန်မှုးယန်က ဒေါသထွက်သွားလေသည်။
" ဒါက ဘာသဘောလဲ "
ဟန်ချင်စုန့်က ညွှန်မှုးယန်ကို အေးစက်စက် ပြန်ကြည့်သည်။
" ညွှန်မှုးယန် ခရိုင်တစ်ခုလုံးက ဖရိုဖရဲဖြစ်နေတာကို သိတယ်မလား ရဲဘော်တွေကလည်း အပြင်မှာ ချွေးထွက်သွေးထွက်ခံပြီး ကြိုးစားပေးနေကြရတာမလား " ဟန်ချင်စုန့်က ညွှန်မှုးယန်အား မျက်တောင်မခတ်တမ်း ကြည့်နေတာဖြစ်သည်။ " လူထုကို မဖြေသိမ့်နိုင်မှတော့ ညီအစ်ကိုတွေကြားက မျက်နှာကိုလည်း မထောက်နိုင်ပါဘူး "
ပုံမှန်အားဖြင့် ညွှန်မှုးကျား ရာထူးမှ အနားယူသွားသည့်အခါတွင် လက်ထောက်ညွှန်မှုးက ရာထူးတိုးတာဖြစ်ဖြစ် ကွန်မြူနတီမှ အခြားညွှန်မှုးတစ်ယောက် ရွှေ့ပြောင်းလာတာဖြစ်ဖြစ် ဖြစ်ရမှာဖြစ်လေသည်။
ညွှန်မှုးယန်က ပြုပြင်ပြောင်းလဲမှုဆန့်ကျင့်ရေး ကွန်မြူနတီမှ ပြောင်းရွှေ့လာသူဖြစ်ပြီး ယခင်က လက်ထောက်ညွှန်မှုးအဆင့်သာ ရှိခဲ့တာဖြစ်သည်။ ပြောင်းလာပြီးနောက်တွင်လည်း သူ့လက်အောက်တွင်ပဲ အာဏာကို ထားနိုင်ရန် အချိန်ပြည့် ကြံစည်နေခဲ့တာဖြစ်သည်။
ညွှန်မှုးယန်က လက်ထောက်ညွှန်မှုးမှ ညွှန်မှုးဖြစ်လာသည့်အတွက် ထိုမှတစ်ဆင့် ကွန်မြူနတီ အဖွဲ့ခေါင်းဆောင် ၊ တော်လှန်ရေး ကော်မတီ၏ ခေါင်းဆောင် ၊ မြို့၀န် ၊ အစိုးရဌာနမှ ခေါင်းဆောင် အစရှိသဖြင့် ရာထူးတိုးသွားချင်နေတာ ဖြစ်ပေသည်။
သူ အမြစ်တွယ်နေရာယူပြီးနောက်တွင် မိသားစုဆွေမျိုးများကိုပါ နေရာများ အသီးသီးချပေးမည်ဟု ညွှန်မှုးယန်က တွေးထားလေသည်။
သူ့မိဘတွေက သူ့ကိုသေချာသင်ကြားပေးထားတာဆိုမှတော့ ကောင်းစားရင်လည်း သူတစ်ယောက်တည်း ကောင်းစားစရာလား ။
ရှန်ရွေ့ကွန်မြူနတီအကြောင်းကို ယခင်ကတည်းက သိထားသော်လည်း တစ်ခါမှ အဆက်အဆံမလုပ်ခဲ့ဖူးပေ ။ ယခုပြောင်းလာပြီးနောက်တွင်လည်း အခြေအနေကို သေချာနားလည်အောင် ကြိုးစားနေခဲ့တာဖြစ်၏။ သို့သော်လည်း သူ ဟန်ချင်စုန့်၏ စရိုက်သဘာ၀ကို လျှော့တွက်ခဲ့မိကာ အခြားသူများပြောကြသလို မဆိုးလောက်ဟု ထင်ထားခဲ့မိလေသည်။
သူ ဘယ်လိုပဲ မျက်နှာလုပ်နေပါစေ ဟန်ချင်စုန့်က လုံး၀မဖြုံချေ ။
ဟန်ချင်စုန့်နှင့် စကားပြောပြီးနောက်တွင် ပညာသိပ်မတတ်ဘူးဆိုသည်ကို ညွှန်မှုးယန် သိလိုက်ရသည်။ ဟန်ချင်စုန့်က ခေါင်းမာသွေးအေးပြီး အကျိုးအကြောင်းမသိတဲ့ ကျောက်တုံးလိုလူသာ ဖြစ်လေသည်။ ပိုပြီး ဒေါသထွက်စရာကောင်းသည်က ဘယ်ကိစ္စမဆို သာသည်နာသည်မခွဲဘဲ မျက်နှာလွှဲထားခြင်း မရှိတာပင်ဖြစ်၏။ ပြည်သူ့လုံခြုံရေးဗျူရိုနှင့် သက်ဆိုင်ပါက ဘယ်လိုပြဿနာမျိုးပဲ ဖြစ်နေပါစေ အလွတ်မပေးတတ်ပေ ။
ဟန်ချင်စုန့် ရောက်လာပြီးနောက်တွင် သူ မျှော်မှန်းထားသလို အာဏာမပြနိုင်နေ၍ ညွှန်မှုးယန်က ဟန်ချင်စုန့်အား သဘောမကျပေ ။ အစမှအဆုံးတိုင် ကြိတ်၍ပြိုင်ကာ အနိုင်လိုချင်နေခဲ့တာဖြစ်ပြီး ကြာလေ မျက်စိစပါးမွှေးစူးလေဖြစ်ကာ ဖယ်ရှားပစ်ချင်နေလေသည်။
သို့ပါသော်လည်း ထိုသို့လုပ်နိုင်ရန် အခွင့်မရှိခဲ့ပေ ။ ပြောရရင် ဟန်ချင်စုန့်က သူ့ထက်အရင်ရောက်နေသူဖြစ်ပြီး အုတ်မြစ်လည်း ပိုခိုင်နေလေသည်။ ဘယ်လိုပဲ ပေါင်းသင်းရခက်နေပါစေ ရိုးဖြောင့်သူဖြစ်၍ ကွန်မြူနတီမှ အရာရှိများက ဟန်ချင်စုန့်အပေါ် ယုံကြည်အားထားကြလေသည်။
တစ်ချိန်တည်းတွင် ဟန်ချင်စုန့်က သူ့ကိုစိုက်ကြည့်နေသလို သူကလည်း ဟန်ချင်စုန့်ကို ပြန်စိုက်ကြည့်နေလိုက်သည်။
Xxxxxxxx
Welcome To MM Storyteller
LOGIN
Welcome To MM Storyteller
REGISTER