Welcome To MM Storyteller
LOGIN
Part 681
ညွှန်မှုးယန်၏ လုပ်ဆောင်ချက်များက ကြီးကြိီးကျယ်ကျယ်မရှိပေ ။ တော်လှန်ရေး၌လည်း ထဲထဲ၀င်၀င် ပါ၀င်ခဲ့ခြင်းမရှိသလို ယဥ်ကျေးမှုအတွက်လည်း အားထုတ်ကြိုးစားထားခဲ့တာ မရှိပေ ။ ထိုအစား ထူးခြားသော အခြေအနေအတွင်း မူလခေါင်းဆောင်နှင့် အတွင်းရေးမှုးကို ဖယ်ထုတ်၍ ကိုယ့်ကိုယ်ကို တွန်းတင်၍ နေရာပေးခဲ့ခြင်း ဖြစ်လေသည်။
ထိုကဲ့သို့သောလူမျိူးအား အသိဉာဏ်ရှိသည့် ကေဒါတိုင်းက နှာခေါင်းရှုံ့ကြလေသည်။ ထို့အပြင် အာဏာကိုသုံး၍ ရာထူးနေရာများတွင် ရင်းနှီးသူများကို ခန့်အပ်ပစ်သည့်အတွက် ပို၍စက်ဆုပ်ခံနေရလေသည်။
သို့ဖြစ်၍ ယခု ဖန်းပိရှန်း အဖမ်းခံရသည့်အခါတွင် ဘယ်သူကမှ ခုခံပေးခြင်း မပြုပေ ။
" မင်းတို့ ဖမ်းချင်တိုင်းဖမ်းလို့ မရဘူး သူတို့က ကွန်မြူနတီက အရှာရှိတွေလေ "
ညွှန်မှုးယန်က ကြံရာမရဖြစ်နေလေသည်။
" ညွှန်မှုးယန် လုပ်ရိုးလုပ်စဥ်အတိုင်းပဲ ဖြေရှင်းကြတာပေါ့ "
ဟန်ချင်စုန့် ထိုလူနဲ့ ဆက်ငြင်းမနေချေတော့ ။ လင်းလန်ကို သူ့ရုံးခန်းသို့ ခေါ်သွားလိုက်ပြီး စစ်ဆေးသည့်နေရာသို့ တ၀မ်နှင့် လျိုကွေ့ဖာကိုပါ ခေါ်သွားရန် လော့ဟိုင်ချန်းအားပြောလိုက်သည်။
ညွှန်မှုးယန်ကလည်း စစ်မေးခန်းကို ဒေါသတကြီးဖြင့်လိုက်သွားပြီး လော့ဟိုင်ချန်အား ပြောလိုက်သည်
" မေးတဲ့နေရာမှာ ကိုယ်ရေးကိုယ်တာ ရန်ငြှိုးတွေ မပါစေနဲ့ "
လော့ဟိုင်ချန် ပြုံးပြလိုက်သည်။ " စိတ်ချပါ ညွှန်မှုးယန် ကျွန်တော့်မှာ ဌာနမှုးဖန်းနဲ့ ဘာရန်ငြှိုးမှ မရှိပါဘူး "
ဒီရုပ်ဆိုးကောင်ကို အမြင်ကတ်နေတာပဲ ရှိတာပါ ။
ညွှန်မှုးယန်က လော့ဟိုင်ချန်အား ဖန်းပိရှန်းကို လွှတ်ပေးစေချင်လေသည်။
လော့ဟိုင်ချန် ကူကယ်ရာမဲ့စွာဖြင့် " ညွှန်မှုးယန် ခေါင်းဆောင်ဟန်နဲ့ပဲ ပြောကြည့်လိုက်ပါ " ဟုပြန်ဖြေလိုက်သည်။
ညွှန်မှုးယန်က အလွန်အမင်း ဒေါသထွက်နေပြီး ဟန်ချင်စုန့်ကို သေမတတ် မုန်းတီးနေလေသည်။
အစောပိုင်းကလည်း သူနှင့် ဟန်ချင်စုန့်သည် တပ်မဟာသို့သွား၍ ကိစ္စတစ်ခုကို စစ်ဆေးခဲ့တာဖြစ်ပြီး ကွန်မြူနတီမှ ခေါင်းဆောင်ကြောင့် ဖြစ်ခဲ့တာဖြစ်သည်။ ညွှန်မှုးယန် ပြောင်းသွားသည်နှင့် ရန်ငြှိုးကြောင့် သူ့ဆွေမျိုးများကို ပြဿနာရှာခြင်းမှ နှစ်ဦးနှစ်ဘက် ရန်ဖြစ်ကြတာ ဖြစ်ပေသည်။
ညွှန်မှုးယန်က ဟန်ချင်စုန့်အား သူ့ကို မျက်နှာသာပေးရန် တောင်းဆိုခဲ့သော်လည်း ဟန်ချင်စုန့်က လက်မခံခဲ့သဖြင့် သူအရှက်ကွဲခဲ့ရလေသည်။
အခုလည်း သူ့ယောက်ဖကို ဖမ်းချင်နေပြန်ပြီ ။ ဖန်းပိရှန်းက ရူးမိုက်ပြီး အလုပ်သေချာမလုပ်ရင်တောင် အဖမ်းခံရလောက်တဲ့အထိ မဟုတ်ဘူးလေ ။
သို့သော်လည်း ပြည်သူ့လုံခြုံရေးဗျူရို တစ်ခုလုံးတွင် မောက်မောက်မာမာနေခဲ့သူ စွန်းကျောက်၀မ်သည်ပင် ဟန်ချင်စုန့်ကြောင့် ပြောင်းလဲသွားခဲ့ပြီဖြစ်၏။
ထို့ကြောင့် ညွှန်မှုးယန်က ဒေါသတကြီးဖြင့် ထွက်သွားရုံသာ တက်နိုင်လေသည်။
လော့ဟိုင်ချန် ဖန်းပိရှန်းအား မေးမြန်းကြည့်သော်လည်း ထိုလူက ပူးပေါင်းခြင်းမရှိဘဲ အော်ဟစ်နေသည်။
" ငါတို့က လုပ်ရိုးလုပ်နည်းအတိုင်း စစ်ဆေးနေရုံပဲ အဲ့ကောင်မကသာ ၀တ္တရားနှောင့်ယှက်နေတာ ဖမ်းခြင်းဖမ်း သူ့ကိုပဲ ဖမ်းရမှာ "
" လော့ဟိုင်ချန် တစ်ကိုယ်ကောင်းဆန်တဲ့ကောင် သူများကို မျက်နှာလုပ်ချင်တာနဲ့ အပြစ်မရှိတဲ့သူကို ညှင်းဆဲနေတာလား ခွေးကောင် ... "
တ၀မ်က မူလတွင် ဖန်းပိရှန်းအား စစ်မေးချင်သော်လည်း နောက်တွင် စစ်မေးရန်ကို စိတ်မ၀င်စားတော့ဘဲ လက်ပိုက်၍သာ ပျော်ပျော်ကြီး ကြည့်နေလေသည်။
ဖန်းပိရှန်းက ထိုကဲ့သို့ပြုမူနေသည်ကို လော့လိုင်ချန်က အဖက်မလုပ်ဘဲ ကိုယ်ရေးအကျဥ်းကို စစ်ကြည့်ပြီးနောက်တွင် အခြားတပ်မဟာများသို့သွား၍ နောက်ကြောင်းစုံစမ်းခိုင်းလိုက်လေသည်။
ထိုသည်က ပြည်သူ့လုံခြုံရေးဗျူရို၏ လုပ်နည်းအမှန် ဖြစ်ပေသည်။
ယခင်က ဖန်းပိရှန်းသည် ဘယ်လိုပဲပြုမူနေပါစေ တစ်ယောက်ကမှ ဆန့်ကျင့်ရဲကြခြင်း မရှိခဲ့ပေ ။ အကြောင်းမှာ ပြဿနာကြီးကြီးမားမား တက်သည်အထိ မဖြစ်ခဲ့သဖြင့် ဘယ်သူကမှ ဂရုမစိုက်ခဲ့ခြင်း ဖြစ်ပေသည်။ သာမန်ရွာသားများကမူ ကြောက်တတ်ကြသူများဖြစ်၍ တိုင်ကြားခြင်းလည်း မပြုရဲခဲ့ကြပေ ။ ဟန်ချင်စုန့်တို့ကလည်း အလုပ်များနေကြသဖြင့် ဖန်းပိရှန်း၏အကြောင်းများကို စုံစမ်းရန်အထိ အားမနေခဲ့ကြချေ ။
ယခုတွင်မူ သူကိုယ်တိုင် အန္တရာယ်တွင်းထဲသို့ ၀င်တိုးခဲ့မိတာ ဖြစ်လေသည်။
လော့ဟိုင်ချန် လျိုကွေ့ဖာအား မေးခွန်းအနည်းငယ် မေးလိုက်သည်။
လျိုကွေ့ဖာ : " ကျုပ်တို့ရောက်သွားတော့ ဖြစ်နေကြတာက ပြီးသွားပြီ "
လော့ဟိုင်ချန်က အံ့သြသွားပြီး " ပြီးသွားပြီလား " ဟုပြန်မေးသည်။
လျိုကွေ့ဖာက တ၀မ်ကို လှမ်းကြည့်လေသည်။
လော့ဟိုင်ချန် ရယ်လိုက်မိသည်။ " တ၀မ် မင်းတစ်ယောက်တည်း သူတို့လေးယောက်လုံးကို ချလိုက်တာလား "
တ၀မ်က လေးယောက်တစ်ယောက်ကိုတောင် နိုင်နေပြီဟု လော့ဟိုင်ချန် မထင်ထားခဲ့မိပေ ။
တ၀မ် : " ...... ကျွန်တော့်အမေပါ "
လော့ဟိုင်ချန် အပြစ်သားလေးယောက်၏ လက်မောင်း ၊ လည်ပင်းနှင့် မျက်နှာများထက်ရှိ ဒဏ်ရာများကို ကြည့်လိုက်မိသည်။ လင်းလန် ....မရီးရဲ့ လက်ချက်တဲ့လား ။ မရီးရေ မရီးကို ကျွန်တော်တို့ ပြည်သူ့လုံခြုံရေးဗျူရိုက အလိုရှိပါတယ်ဗျာ ။
လော့ဟိုင်ချန်က အံ့သြသွားသော်လည်း မျက်နှာထက်တွင် မပေါ်စေဘဲ တ၀မ်ပြောသမျှကို မှတ်တမ်းချမှတ်နေလေသည်။ ထို့ကြောင့် ကြိုးချည်လာသူမှာ တ၀မ်ဖြစ်သည်ကို သိသွားပြီး ချီးကျူးလေသည်။ " ကောင်လေး ကြိုးချည်တာ တော်သားပဲကွ "
တ၀မ်က ပြန်ပြုံးပြသည်။
ထိုအချိန်တွင် စပ်စုသူတစ်ယောက်က ၀င်မေးလေသည်။ " တ၀မ် တကယ်ပဲ လေးယောက်လုံးကို ရိုက်ခဲ့တာလား "
တ၀မ်က ခေါင်းခါပြ၍ " ကျွန်တော့်အမေ လုပ်တာပါ " ဟုပြန်ဖြေသည်။
ရဲသားလေးများက မယုံကြဘဲ တ၀မ်နှင့် ချကြည့်ချင်နေကြလေသည် ။
တ၀မ် : " ကျွန်တော့်အဖေက ခွင့်မပြုဘူး "
" ခေါင်းဆောင်ဟန်ကို ပြန်မပြောဘူးလေ "
တ၀မ် : " ဒါဆိုလည်း ချကြည့်ကြတာပေါ့ "
ထိုရဲသားလေးများ တ၀မ်ထံမှ အရိုက်ခံနေရသည်ကို ကြည့်ကာ ပါးနပ်စွာဖြင့် လော့ဟိုင်ချန် ၀င်မပါမိပေ ။ ကလေးကို ရှုံးသွားရင် ရှက်စရာကြီးလေ ။ သူ နိုင်သွားရင်လည်း ခေါင်းဆောင်ဟန်က သူ့သားကို အနိုင်ကျင့်တယ်ဆိုပြီး သူ့ကိုပြန်ရိုက်နေရင် ဘယ်လိုလုပ်မလဲ ။
မင်းတို့ကောင်တွေက တုံးလွန်းတယ် ။
ရဲသားလေးများက ထိုအခါမှ လက်ခံသွားကြလေသည်။
" ကျွန်တော်တို့က လူများလည်း မနိုင်တာ မထူးဆန်းတော့ပါဘူး ကျားအဖေကြီးက ခွေးပေါက်လေးကို ဘယ်မွေးထားပါ့မလဲ "
ကျန်လူများက သူ့ကို ချီးကျူးနေကြသော်လည်း တ၀မ်က မျက်နှာသေဖြင့်ပဲ ရှိနေဆဲဖြစ်ပြီး နံရံထက်မှ ပစ္စည်းများကိုသာ လိုက်ကြည့်နေလေသည်။
တ၀မ်က ချိတ်ထားသော ပစ္စတိုနှင့် ရိုင်ဖယ်သေနတ်များကို ကြည့်နေသဖြင့် လော့ဟိုင်ချန် ရှင်းပြလိုက်သည်။
" ငါတို့ဆိီမှာက ခေတ်နောက်ကျနေတဲ့ သေနတ်တွေပဲရှိတာ ရဲတွေကိုလည်း ပြည်သူ့စစ်သားတွေလိုပဲ သေနတ်အသေးလေးတွေပဲ ပေးကိုင်နိုင်တာ ခေါင်းဆောင်ကတော့ ကျည်သေနတ်ကိုကိုင်ပြီး လက်ထောက်ခေါင်းဆောင်ကတော့ နံပါတ်၆၄ ပစ္စတိုပေါ့ကွာ "
တ၀မ်က စိတ်၀င်တစား နားထောင်နေလေသည်။
Xxxxx
Part 682
လော့ဟိုင်ချန်က သူကိုင်ရသည့် သေနတ်ကို ထုတ်ပြ၍ ကျည်ဘယ်လိုထည့်ရတာ မောင်းဘယ်လိုတင်ရတာဆိုသည်များကို တ၀မ်အား သင်ပေးနေလေသည်။
" ကျည်ဖြည့်တဲ့အခါ သတိထား မီးနဲ့ဝေးဝေးကိုရှောင် သုံးရင်လည်း သေချာလေး သတိထားရလိမ့်မယ် "
စစ်ဆေးနေစဥ်အတွင်း၌ သူတို့နှစ်ဦးတည်းသာ စကားပြောနေကြသဖြင့် ဖန်းပိရှန်း ဒေါသထွက်လာပြီး သွေးအန်ချင်လာမိသည်။ သူတို့က တမင်လုပ်နေကြတာပဲနေမှာ ။
လော့ဟိုင်ချန် အခွင့်အရေးရပါက တ၀မ်အား သေနတ်ပစ်သင်ပေးမည်ဟု ဆိုလိုက်သည်။ တ၀မ်က အတော်လေး တိတိကျကျဖြင့် စိတ်၀င်တစားရှိနေသည်ကို မြင်သောကြောင့် ဖြစ်ပေသည်။
လင်းလန် ဟန်ချင်စုန့်၏ ရုံးခန်းသို့ လိုက်သွားလိုက်သည်။
ဟန်ချင်စုန့် လင်းလန်၏လက်ကိုကိုင်၍ သူ့ထိုင်ခုံ၌ ထိုင်ခိုင်းလိုက်ပြီး ရေနွေးတစ်ခွက်ထည့်ပေးလိုက်သည်။ ထို့နောက် ခွေးခြေခုံကိုယူ၍ လင်းလန်၏ ရှေ့၌၀င်ထိုင်လေသည်။ ဟန်ချင်စုန့်၏ မျက်၀န်းနက်များက လင်းလန်ကို ငေးကြည့်နေလေ၏။
ဟန်ချင်စုန့်တို့၏ ယူနီဖောင်းများက အနီရောင်တောက်တောက် လည်စည်းများနှင့် အဖြူရောင်၀တ်စုံများ ဖြစ်နေလေပြီ။ သို့ဖြစ်၍ အေးတိအေးစက် ဟန်ချင်စုန့်မှာ အဖြူရောင် ယူနီဖောင်းကြောင့် ပို၍ကြောက်ဖို့ကောင်းနေလေသည်။ သို့သော်လည်း လင်းလန်၏ ရှေ့တွင်မူ မျက်နှာအမူအရာသည် နူးညံ့နေလေ၏။
လင်းလန် ပြုံးလိုက်မိသည်။ " စုန့်ကောအဲ့လိုကြည့်မနေပါနဲ့ ကျွန်မ ဘာမှမဖြစ်ပါဘူး "
ဟန်ချင်စုန့် : " ကိုယ် အဲ့ဒါကို စိုးရိမ်နေတာ မဟုတ်ဘူး "
သေချာတာပေါ့ ၊ လင်းလန်က ဘယ်လိုလုပ်ပြီး အနိုင်ကျင့်ခံရပါ့မလဲ ။ သူမ မျက်၀န်းထဲ၌ ၀မ်းနည်းမှုများ ရှိနေသေးလား ဆိုသည်ကိုသာ သိချင်နေတာဖြစ်သည်။
မနက်တုန်းက မျက်ရည်များကို ထိန်းထားပြီး အားတင်းပြုံးပြနေခဲ့သော လင်းလန်၏ မျက်နှာလေးကို သူ မမေ့နိုင်ပါ ။
ဟန်ချင်စုန့် စားပွဲအံဆွဲထဲမှ စာအိတ်အထပ်လိုက်ကို ထုတ်လိုက်သည်။ စာအိတ်များထက်တွင် တံဆိပ်ခေါင်းများ ပါပြီးသားဖြစ်သည်။
" ကိုယ် စာတိုက်က ၀ယ်လာတာ "
သူတို့ထံသို့ရောက်လာသော စာအိတ်များကို တာ၀န်ကျသူများက တံဆိပ်ခေါင်းများ ကပ်ပေးတာဖြစ်ပြီး ယခုစာအိတ်များကိုမူ ဟန်ချင်စုန့်ကိုယ်တိုင် တံဆိပ်ခေါင်း၀ယ်၍ ကိုယ့်ဘာသာကပ်ထားတာ ဖြစ်ပေသည်။
လင်းလန်နှင့် ကလေးများ ဘာမှ ပူပန်စရာမလိုဘဲ စန်း၀မ်ထံ စာများများ ရေးနိုင်ရန်အတွက် ဖြစ်သည်။
ကန်တင်းဖွင့်ချိန်ရောက်သည့်အခါတွင် ဟန်ချင်စုန့် တ၀မ်အား လက်မှတ်ကိုထုတ်ပေး၍ လော့ဟိုင်ချန်တ်ို့နဲ့ အတူသွားစားခိုင်းလိုက်သည်။ လင်းလန်ကိုမူ သူနှင့်သာ အတူစားစေလေသည်။
စားသောက်ပြီး ခဏနားနေစဥ်တွင် တစ်စုံတစ်ယောက်က စာရွက်စာတမ်းများကို ကိုင်ထားပြီး ဟန်ချင်စုန့်ကို လာရှာလေသည်။
လင်းလန်လည်း အလိုက်တသိပင် ဟန်ချင်စုန့်အား အလုပ်လုပ်ရန်ပြောပြီး ရုံးခန်းမှ ထွက်လာလိုက်သည်။
" လော့ဟိုင်ချန်ကို သွားတွေ့လိုက်ဦးမယ် ဘာမှလုပ်စရာမရှိရင် ဆပ်ပြာစက်ရုံကို ပြန်တော့မယ် စက်ရုံမှာလည်း လုပ်စရာတွေရှိသေးလို့ "
ဟန်ချင်စုန့်က လင်းလန်အား လိုက်ပို့ပေးသည်။
တ၀မ်နှင့် လော့ဟိုင်ချန်က ယူနီဖောင်းအသစ်ကို ကြည့်နေကြလေသည်။ မနှစ်ကမှ ယူနီဖောင်းများကို ပြင်ဆင်ပေးခဲ့တာဖြစ်သည်။ ယခင်ယူနီဖောင်းသည် အပေါ်ဘက်၌ မြက်ခင်းစိမ်းရောင်ဖြစ်ပြီး အောက်ပိုင်းတွင်မူ အပြာရင့်ရောင် ဖြစ်ခဲ့ပြီး ထိုမှအပြာရင့်ရောင် ၀မ်းဆက်အဖြစ် ပြောင်းခဲ့တာဖြစ်သည်။ ယခုနှစ် နွေရာသီတွင်မူ အပေါ်တွင် အဖြူရောင် ၊ အောက်တွင် အပြာရင့်ရောင်အဖြစ် ထပ်ပြောင်းခဲ့လေသည်။ အဖြူရောင်အင်္ကျီ၌ အနီရောင်ကော်လာတပ်ထားပြီး အဖြူရောင်ဦးထုပ်ကိုဆောင်းရတာဖြစ်၍ အမြင်အေးသွားစေလေသည်။
သို့သော်လည်း ၀တ်ရသည်က မအေးပေ ။ ယောက်ျားလေးများသည် ချွေးထွက်သန်သူများဖြစ်၍ မကြာခင်ပင် ချွေးကြောင့် အ၀ါရောင်ပြောင်းကုန်လေသည်။ ထို့ကြောင့် လော့ဟိုင်ချန်နှင့် အခြားသူများသည် ယခင်က အပြာရင့်ရောင် ယူနီဖောင်းကိုသာ ၀တ်နေကြလေသည်။
တ၀မ် အားကျနေမိသည်။ သူလည်း ဟန်ချင်စုန့်၏ ယူနီဖောင်း အဟောင်းအား ၀တ်ကြည့်ချင်သော်လည်း ခွင့်မပြုခဲ့ပေ ။
ဟန်ချင်စုန့်သည် အာဏာကိုသုံး၍ သားဖြစ်သူအား အလိုလိုက်လွန်းသည်ဟု အထင်ခံရမှာစိုး၍ ခွင့်မပြုတာဟု တ၀မ်က ထင်ခဲ့သော်လည်း လင်းလန်က သူ့အရပ်ကမရှည်သေးသောကြောင့် ၀တ်လိုက်ပါက ပွနေပြီး ကြည့်မကောင်းမှာစိုးသောကြောင့်ဟု ပြောလေသည်။
လော့ဟိုင်ချန်က ဟန်ချင်စုန့်လောက် အရပ်မရှည်ဘဲ တ၀မ်ထက် နှစ်စင်တီမီတာလောက်သာရှည်သဖြင့် သိပ်မကွာပေ ။
" ငါ့မှာ ယူနီဖောင်းအဟောင်းရှိတယ် ၀တ်ကြည့်ချင်လား "
တ၀မ် ၀တ်ချင်သော်လည်း ခေါင်းခါပြလိုက်သည်။ " စည်းမျဥ်းနဲ့မညီဘဲ နေလိမ့်မယ် "
အဖေက မ၀တ်ခိုင်းတာ အကြောင်းပြချက်ရှိလို့ပဲ နေမှာပေါ့ ။
တ၀မ်က အရိပ်အကဲသိသည်ကို လော့ဟိုင်ချန် သတိထားလိုက်မိသည်။ ခေါင်းဆောင်တစ်ယောက်ရဲ့သားဆိုပြီးလည်း မောက်မာနေခြင်းမရှိပေ ။ ပုံမှန်အားဖြင့် ခေါင်းဆောင်များ၏ သားသမီးများသည် ဧကရာဇ်ကြီးများထက်ပင် မောက်မာတတ်ကြလေသည်။ သို့ပါသော်လည်း ခေါင်းဆောင်ဟန်၏ ကလေးများကမူ ထိုသို့လုံး၀မပြုမူကြချေ ။ ဇနီးဖြစ်သူသည်လည်း ထိုနည်းတူစွာပင် ဖြစ်သည်။
လော့ဟိုင်ချန် ဟန်ချင်စုန့်ကို အားကျမိသည်။ သူလည်း အသက်လေးရလာပြီဖြစ်၍ မိဘများက သူ့အား လက်ထပ်ရန် တစ်ပူပူလုပ်နေကြပြီဖြစ်သော်လည်း အခုထိ ရှာမတွေ့သေးပေ ။
ယခင်က ဟန်ကျင်းယု၏ ရုပ်ရည်ကြောင့် သဘောကျမိသော်လည်း စိတ်ထားက သူ့အကြိုက်မဟုတ်ပေ။
သို့သော်လည်း ယခုအချိန်တွင် လက်ထပ်ခြင်းကို နောက်ကျမှလုပ်ကြသူများလည်းရှိကာ မြို့မှလူများက သုံးဆယ်ကျော်မှ လက်ထပ်ကြသည်ကို သ်ိနေပြီဖြစ်သဖြင့် သူလည်း အသက်သိပ်မကြီးသေးဘူးဟု လော့ဟိုင်ချန် ထင်သဖြင့် အလျင်လိုနေခြင်းမရှိပေ ။
လင်းလန် : " သားကြီးရေ အိမ်ပြန်ရအောင် "
တ၀မ်က ချက်ချင်းပင် လော့ဟိုင်ချန်ကို နှုတ်ဆက်လေသည်။
လင်းလန် : " ဟိုင်ချန် ဒီရုပ်ဆိုးကောင်တွေကို သေချာစစ်နော် သူတို့တွေက တကယ် မျက်စိစပါးမွှေးဆူးဖို့ကောင်းတဲ့ကောင်တွေ "
လော့ဟိုင်ချန် : " စိတ်ချပါ မရီး ကျွန်တော် သူတ်ို့ကို သေချာစစ်ဆေးလိုက်ပါ့မယ် ကျန်တဲ့လူတွေက သူ့ယောက်ဖကို ကြောက်ကြပေမယ့် ကျွန်တော်တို့ ပြည်သူ့လုံခြုံရေးဗျူရိုကတော့ မကြောက်ပါဘူး "
ခေါင်းဆောင်ဟန်က တော်လှန်ရေးကော်မတီကိုတောင် မကြောက်တဲ့ဟာ ၊ ညွှန်မှုးလေးတစ်ယောက်ကို ကြောက်နေပါ့မလား ။
ပြီးတော့ တော်လှန်ရေးကော်မတီက ခေါင်းဆောင်တွေကလည်း ခေါင်းဆောင်ဟန်ရဲ့ သဘောထားကို သိနေလို့ ဘယ်သူကမှ ထိပ်တိုက်မတွေ့ရဲကြဘူး ။ ညွှန်မှုးယန် ဘာဖြစ်ဖြစ် သူ့ထိုက်နဲ့သူ့ကံပဲလို့ တွေးကြမှာ ။
ကြည့်ရတာ ညွှန်မှုးအသစ်လည်း ထပ်ပြောင်းတော့မယ် ထင်တယ်။
အပြန်တွင် လော့ဟိုင်ချန်က တ၀မ်အား ကျည်ခွံများကို ပေးပြီး လင်းလန်ကိုလည်း အခြားကလေးများဖို့ဟုဆိုကာ သကြားလုံးများကို ထည့်ပေးလေသည်။
လင်းလန်က မယူချင်၍ ငြင်းသော်လည်း လော့ဟိုင်ချန်က " ကျွန်တော်တို့က သူစိမ်းတွေမှ မဟုတ်တာ ယူပါ "
လော့ဟိုင်ချန်က လူကြမ်းတစ်ယောက်ဟု ထင်ရသော်လည်း တကယ်တမ်းတွင် သဘောကောင်းသူဖြစ်လေသည်။ လင်းလန် လာတိုင်းတွင်လည်း ဂရုတစိုက်ရှိသူဖြစ်လေသည်။
Xxxxxx
Welcome To MM Storyteller
LOGIN
Welcome To MM Storyteller
REGISTER