Welcome To MM Storyteller
LOGIN
Part 703
ထိုအချိန်တုန်းက ခေါင်းပူနေသဖြင့် ဘာမှမတွေးနိုင်ခဲ့ပေမယ့် ယခုပြန်တွေးကြည့်သည့်အခါတွင်တော့ ရှက်ဖို့ကောင်းပေသည်။
လင်းလန် စန်း၀မ်၏ ငုတ်စိငုတ်စိ ဆံပင်လေးများကို ပွတ်သပ်ပေးလိုက်သည်။ " ဒီအတိုင်းက ရေကူးရတာပိုကောင်းတဲ့ပုံပဲ ဟုတ်တယ်မလား "
အားလုံး ရယ်လိုက်မိကြသည်။
စန်း၀မ်က မောင်နှမများနှင့် စကားပြောနေလေသည်။ " ဘဲနက်ဆိုတဲ့နာမည်က ကြားရဆိုးတယ်မလား သိတယ်မလား သားက ငန်းနက်ကြီးလေ ဟားဟားဟား "
စန်း၀မ်၏ အခန်းဖော်များဖြစ်သည့် ဖူကျန်းယွမ်နှင့် ၀မ်ဖုပျောင်ကလည်း ပြိုင်ပွဲများပြိုင်ပြီးနောက်တွင် စန်း၀မ်ကို လာတွေ့သည်။
၀မ်ဖုပျောင်က အော်လိုက်သည်။ " အစ်ကိုကြီးစန်း၀မ် မင်း အဆင်ပြေရဲ့လား ငါတို့ကိုလန့်သေအောင် လုပ်နေတာပဲ " စန်း၀မ်အား ဖိုးဖိုးဟုမခေါ်နိုင်သဖြင့် အစ်ကိုကြီးစန်း၀မ်ဟုသာ ခေါ်မည်ဟုဆိုသည်ကို စန်း၀မ်က အရှက်မရှိစွာ သဘောတူခဲ့လေသည် ။
စန်း၀မ်က ခုန်ပြကာ အဆင်ပြေကြောင်းပြသည်။
" ပဒူကောင်ကိုက်တာလေးပဲဟာ ထုံပဲထုံနေထာ မနာဘူး "
အပျော်လွန်နေသဖြင့် စန်း၀မ်မှာ နာသည်ဟု မခံစားရပေ ။ မိသားစုများကို တွေ့လိုက်ရသဖြင့် ပါးစပ်က နားရွက်တက်ချိတ်မတက်ကို ပြုံးနေလေသည်။
သူငယ်ချင်းများကိုခေါ်၍ လင်းလန်တို့နှင့် မိတ်ဆက်ပေးလိုက်သည် ။
လင်းလန်ကလည်း ပျော်နေလေသည်။ " စန်း၀မ်က နည်းနည်းဆိုးတော့ သည်းခံပေးကြဦးနော် "
ဖူကျန်းယွမ်က ပြန်ပြုံးပြသည်။
" သူက အအိပ်ဆိုးတာပဲရှိတာပါ ကျန်တာအားလုံးကောင်းပါတယ် ကျွန်တော်တို့ကိုလည်း အများကြီး ကူညီပေးပါတယ် "
၀မ်ဖူပြောင်ကလည်း ခေါင်းကုတ်ကာ ရှက်၀ဲ၀ဲဖြင့် ပြောသည်။
" ဒေါ်လေး ကျွန်တော့်ရဲ့ လက်ရေးကဆိုးတယ်မလား "
စန်း၀မ် : " ဟိတ်ကောင် .... ငါ့ကို အဲ့လိုမဖော်ထုတ်လိုက်နဲ့လေကွာ "
လင်းလန် : " မားမားတို့ မသိဘူးထင်လို့လား ဟမ် လက်ရေးက ဒီလောက်ကောင်းနေမှတော့ မင်း အတန်းဖော်က ရေးပေးထားတာဆိုတာ သိပြီးသား "
လင်းလန်၏ အပြောကြောင့် ကလေးတစ်စုက ရယ်သွားကြသည်။
စန်း၀မ် : " ဒါနဲ့ ကိုကြီးတို့ အလွတ်တမ်းကူးတာမှာ ပိုကောင်းတဲ့နည်းကို ရှာတွေ့ထားတယ် "
ခြေထောက်ကို ခဏခဏ မခတ်ဘဲ လက်ကိုသာ အားပြုသုံးသင့်ကြောင်း စန်း၀မ် ပြောပြလိုက်သည်။
ယောင်ကွမ်းဟုန် : " ဘာပဲဖြစ်ဖြစ် မင်းနဲ့ ပြိုင်ရမှာမဟုတ်တော့ အေးဆေးပါပဲကွာ ဟားဟား "
လီ၀မ်တုန်းကလည်း ပြုံးလိုက်သည်။
" စန်း၀မ် မီတာ ၂၀၀ ပြိုင်ပွဲ ၀င်မပြိုင်ခင်အထိ ငါတို့မှာ မျှော်လင့်ချက်ရှိပါသေးတယ် "
အားလုံးလည်း လိုက်ရယ်လိုက်ကြသည်။
စန်း၀မ် ပြောသည့်အတိုင်းပင် နေ့လယ်ခင်းပြိုင်ပွဲသည် ပို၍စိတ်၀င်စားဖွယ်ကောင်းလာလေသည်။ စန်း၀မ်က နည်းလမ်းအသစ်ကိုရှာတွေ့ခဲ့ပြီး ထိုနည်းလမ်းကို သူငယ်ချင်းများကို ပြောပြပေးသောကြောင့် အားလုံး၏ ရလဒ်များကောင်းလာပေသည်။
လုကျင်းရှို့က ထိုပြဿနာကို ပြိုင်ပွဲဖြစ်မြောက်ရေး ကော်မတီအား ပေါ့ပေါ့တန်တန်မလုပ်ရန် သတိပေးလေသည်။
ကိစ္စသည် အရမ်းကြီ မရှုပ်ထွေးသွားပါ ၊ ၀မ်ဟုန်ထူက ခြေရာလက်ရာများစွာကို ချန်ထားခဲ့သဖြင့် စစ်ဆေးပြီးသည့်အခါတွင် ဟာကွက်များပေါ်လာလေသည်။
ပဒူကောင်ဖြင့် အခြားလူများအား တိုက်ပေးခြင်းက ကောင်းသောအကြံဖြစ်သော်လည်း ၀မ်ဟုန်ထူက ပဒူအုံကို နှိုက်နေသည်ကို ကျန်လူများက မြင်ထားကြလေသည်။ ဖမ်းနေသည်ကို မမြင်ကြသော်လည်း ပဒူအုံကို ဆော့နေခဲ့သူက ၀မ်ဟုန်ထူတစ်ယောက်သာ ရှ်ိလေသည်။
ဟန်ချင်စုန့်က သက်သေများကို ချပြလိုက်သည့်အခါတွင် ၀မ်ဟုန်ထူ၏ဆရာများလည်း ပြောစရာစကားများ ပျောက်သွားကြတော့သည်။
၀မ်ဟုန်ထူ၏ဆရာတစ်ယောက်က ဆူသည်။
" ၀မ်ဟုန်ထူ ငါပြောထားတယ်မလား ခင်မင်ခြင်းက ပထမ ၊ ယှဥ်ပြိုင်ခြင်းက ပဓာနလို့လေ ဘာလို့ဒီလောက်ထိ ကလေးဆန်နေတာလဲ "
နောက်တစ်ယောက်ကလည်း ၀င်ပြောသည်။ " မြန်မြန် ပြန်တောင်းပန်လိုက်လေ "
၀မ်ဟုန်ထူမှာ ၀န်မခံချင်သော်လည်း ရှောင်လွဲလို့ရမရသဖြင့် စန်း၀မ်နှင့် ချုယွင်ဖုန်းအား ခေါင်းငုံ့ကာ တောင်းပန်သည်။ " တောင်းပန်ပါတယ် "
ချူယွင်ဖုန်းက ဒေါသထွက်နေလေ၏။
" တောင်းပန်တော့ရော ဘာထူးသွားလဲ စန်း၀မ်က ဓာတ်မတည့်တာ မဖြစ်လို့လေ ဓာတ်မတည့်တာ ဖြစ်သွားရင်ရော ဘယ်လိုလုပ်မလဲ ပြိုင်ပွဲမှာ မပြိုင်နိုင်တာအပြင် အသက်အန္တရာယ်ပါဖြစ်သွားနိုင်တယ် ပြိုင်ပွဲဖြစ်မြောက်ရေး ကော်မတီကအဖွဲ့၀င်များခင်ဗျာ တောင်းပန်တာကို ကျွန်တော်တို့ လက်မခံနိုင်ပါဘူး "
ချူယွင်ဖုန်းလို ကြင်နာတတ်သည့်သူက ယခုလို ခေါင်းမာနေမည်ဟု ၀မ်ဟုန်ထူ၏ဆရာများက ထင်မထားကြပေ ။
" ချူလောင်ရှီး ဟန်၀မ်မင်နဲ့ မိဘများခင်ဗျ ကျေးဇူးပြုပြီး ဒီကလေးရဲ့ အနာဂတ်ကိုလည်း တွေးပေးကြပါဦး ၀မ်ဟုန်ထူကလည်း ဟန်၀မ်မင်လ်ိုပဲ ထူးချွန်တဲ့ကလေးပါ ဒီလိုမျိုးစေ့တွေကို အတူပျိုးထောင်ပေးကြရမှာပါ ကလေးတွေက အမှားလုပ်တတ်ကြတာ သဘာ၀ပဲ မဟုတ်ဘူးလား ကျွန်တော်တို့တွေက ၀ိုင်း၀န်ပြီး ဆုံးမသွန်သင်ပေးလိုက်ရင် ရပါတယ်ဗျာ "
စန်း၀မ်က ဂရုမစိုက်ပါ ။ သူက အငြှိုးလည်းမထားတက်သဖြင့် ရွာ၌ရန်ဖြစ်သလိုပဲဟု တွေးနေတာဖြစ်သည်။
သို့သော်လည်း သူကိုယ်တိုင်ဆုံးဖြတ်၍ မတတ်သဖြင့် မိဘများကိုသာ လည်ပြန်လှည့်ကြည့်လေသည်။
ဟန်ချင်စုန့်က အဖက်မလုပ်ပေ ။
၀မ်ဟုန်ထူ၏ ဆရာများကလည်း လင်းလန်ကသာ မိသားစု၏ ပြောရေးဆိုခွင့်ရှိပြီး ဆုံးဖြတ်ချက်ချသူဟု သဘောပေါက်လိုက်ကြသည်။
ထို့ကြောင့် လင်းလန်ကိုသာ ဖျောင်းဖျကြသည်။
" ဒီက ကျောင်းသားမိဘခင်ဗျ ၀မ်ဟုန်ထူက အမှားလုပ်တာ မှန်ပေမယ့် ငယ်သေးလို့ပါဗျာ ကျွန်တော်တို့သာ သေချာလေး သွန်သင်ဆုံးမပေး ..."
လင်းလန် : " ရှင်တို့ ကလေးတွေကို ဘယ်လိုဆုံးမလဲဆိုတာ ကျွန်မလည်း တကယ်သိချင်မိသား ကလေးတွေကို အရမ်းတင်းတင်းကြပ်ကြပ် ဆုံးမနေတာ မဟုတ်ဘူးလား ဆရာတစ်ယောက်အနေနဲ့ နေ့ရောညပါ တွေ့နေရတဲ့ ကိုယ့်တပည့်တွေအကြောင်းကို သေချာသိထားသင့်တာ မဟုတ်ဘူးလား သူက ဒီလိုစိတ်ဓာတ်မျိုးရှိတယ်ဆိုတာကို တကယ်မသိတာလား အရင်တည်းက ဒီလိုလုပ်လို့မဖြစ်ဘူးဆိုတာကို ကြိုသတိပေးထားရမှာ မဟုတ်ဘူးလား ဒီလိုလုပ်ခဲ့ရင် ပြိုင်ပွဲကနေ ထုတ်ပယ်ခံရပြီး နောင်မှာလည်း ရေမကူးနိုင်တော့ဘူးဆိုတာမျိုးကို ပြောပြထားရင် သူက ဒီလိုလုပ်ရဲပါ့မလား ဟမ် "
လင်းလန်၏ အမေးစကားများကြောင့် ထိုဆရာတစ်စုမှာ ပြန်မဖြေနိုင်ဖြစ်နေကြသည်။
Xxxxxxx
Part 704
" ကျွန်တော် ... ကျွန်တော်တို့ ... ကျွန်တော်တို့ မသိခဲ့လို့ပါ "
သူတို့ တကယ်မှားသွားခဲ့တာ ဖြစ်သည်။ ဆရာများအနေဖြင့် တပည့်များအား မသမာမှုကို ရှောင်ရန်ကြိုပြောပြထားသင့်ခဲ့ပေသည်။
ပြိုင်ပွဲများသည် ကိုယ့်ကိုယ်ကို တိုးတက်အောင်လုပ်ရန် အခွင့်အရေးများသာဖြစ်ပြီး တစ်ဖက်လူကို ဒုက္ခပေးရမည့်ကိစ္စ မဟုတ်ပေ ။
လင်းလန်က သူ့အား အနားယူစေချင်နေသည်ကို သိသွားသဖြင့် ၀မ်ဟုန်ထူကလည်း လန့်လာလေသည်။
၀မ်ဟုန်ထူက အော်သည်။
" ကျွန်တော်မှားသွားတာ ဟုတ်တယ် ဒါပေမယ့် တောင်းပန်ပြီးနေပြီလေ ခင်ဗျားက ဘာလိုချင်နေသေးတာလဲ ကျွန်တော် တောင်းပန်တယ် ဟုတ်ပြီလား နောက်ထပ်လည်း ထပ်မလုပ်တော့ဘူးလို့ ကတိပေးတယ် "
" ဟန်၀မ်မင်သာ ဓာတ်မတည့်တာဖြစ်ပြီး ပြိုင်ပွဲ၀င်မပြိုင်နိုင်ခဲ့ရင် မင်း တောင်းပန်တာက အသုံး၀င်ပါဦးမလား "
ဖူကျန်းယွမ်က ဒေါသထွက်နေလေ၏။
" မင်းဖြစ်ချင်တဲ့အတိုင်းသာ ဖြစ်သွားရင် သူ့မိသားစုရော ချုလောင်ရှီးရော ငါတို့ကျောင်းရောပါ အများကြီး နစ်နာခဲ့ရမှာကွ မင်းကို အလွယ်လေး လွှတ်ပေးလိုက်ရင် ကျန်တဲ့လူတွေလည်း မင်းလို လိုက်မလုပ်ကြပါဘူးလို့ မင်း အာမခံနိုင်လို့လား "
ဖူကျန်းယွမ်၏ စကားများကြောင့် ၀မ်ဟုန်ထူ၏မျက်နှာမှာ ဖြူဖက်ဖြူလျော် ဖြစ်နေလေ၏။
ဘာလို့ သူ့ကို ခွင့်လွှတ််မပေးနိုင်တာလဲ ။
၀မ်ဟုန်ထူက မျက်ရည်များကျလာပြီး ငိုနေလေ၏။
" ကျွန်တော် မှားသွားပါတယ် မှားသွားပါတယ် ရေကူးရတာကို တကယ်သဘောကျတာမို့လို့ ခွင့်လွှတ်ပေးပါ နောက်ထပ်လည်း မလုပ်ရဲတော့ပါဘူး ကျွန်တော်က သူ့ကို အရှိန်နှေးသွားအောင်ပဲ လုပ်ချင်တာပါ တစ်ခြားဘာဒုက္ခမှမပေးချင်ပါဘူး "
ထိုကောင်လေးငိုနေသည်ကို ကြည့်နေမိသော်လည်း လင်းလန် မသနားမိပါ ။ သူမသားသာ တစ်ခုခုဖြစ်သွားခဲ့ပါက ငိုနေရမည့်သူက သူမ ဖြစ်သွားပေလိမ့်မည် ။
အပြစ်လုပ်ထားတဲ့သူတွေက အမြဲတမ်း မျက်ရည်ခံထိုးပြပြီး အားနည်းသလို ဟန်ဆောင်ပြတတ်ကြတဲ့သူတွေချည်းပဲ ။ ခွင့်လွှတ်မပေးတာနဲ့ပဲ မတရားခံရသလို သရုပ်ဆောင်ပြနေတော့တာပဲ ။
ရှင်းဖူနှင့် တဝေ့ကိုတောင် သူမ ခွင့်မလွှတ်ခဲ့သည့်ဟာကို ၀မ်ဟုန်ထူအား လွယ်လွယ်နှင့် ခွင့်လွှတ်ပေးစရာအကြောင်းမရှိပါ ။
ထိုကောင်လေးအား စံအနေဖြင့် အပြစ်မပေးဘဲ ထားလိုက်ပါက နောက်လူများကလည်း ထိုအတိုင်း လိုက်လုပ်လာကြပေလိမ့်မည် ။
မကောင်းတာလုပ်ပါက မကောင်းတာဖြစ်မည်ကို သိသွားစေရန် နမူနာကောင်းကောင်းပြပေးထားမှ ဖြစ်ပေမည် ။
" ခင်ဗျား ... ခင်ဗျားက ကျွန်တော့်ကို ပြိုင်ပွဲက ထွက်စေချင်နေတာလား " ၀မ်ဟုန်ထူက မျက်လုံးများရဲနေပြီး လင်းလန်အား ပြန်အော်သည်။
" ခင်ဗျားမှာက ကလေးတွေအများကြီးရှိတာပဲလေ အဲ့ဒါကို ခင်ဗျားသားကိုပဲ တော်စေချင်နေတာလား ကျွန်တော် ရေကူးတာကို ဘယ်လောက်သဘောကျလဲဆိုတာကို ခင်ဗျားသိလို့လား ကျွန်တော့်မိဘတွေက ကျွန်တော့်ဖို့ ဘယ်လောက်ထိလုပ်ပေးခဲ့ရလဲ သိရဲ့လား ခင်ဗျားက ရက်စက်လွန်းတယ် "
လင်းလန် : " အဲ့ဒီ့အတွေးတွေကို ငါ့သားကို မကောင်းကြံတုန်းကရော မတွေးမိဘူးလား ဒီတစ်ခေါက်ပြိုင်ပွဲကနေ ထွက်ရရုံတင်မဟုတ်ဘူး နောက်နောင် ပြိုင်ပွဲတွေကပါ ရပ်ဆိုင်းခံရအောင် လုပ်ပစ်မှာ "
" ယုတ်မာလိုက်တာ လူစုပြီး ကျွန်တော့်ကို အနိုင်ကျင့်နေကြတာပဲ "
၀မ်ဟုန်ထူက စိတ်ရူးပေါက်နေပြီး လင်းလန်အား ထိုးချင်နေလေ၏။ ရေကူးခြင်းကို သူတကယ်သဘောကျတာ ဖြစ်သည်။ သူ့မှာ အနာဂတ်ကောင်းလည်း ရှိနေသေးတယ်လေ ။
သူက အမြဲတမ်း ပထမရခဲ့တာ ၊ ငယ်ငယ်လေးတည်းက ပထမရခဲ့တာ ။
အရှုံးမခံနိုင်ဘူး ...
လုံး၀ပဲ ...
ဘယ်သောအခါမှပဲ ...
၀မ်ဟုန်ထူက ခြေထောက်ကိုမြှောက်လိုက်သည်နှင့် တ၀မ်သည် ချက်ချင်း ကန်ပစ်လိုက်လေသည်။
လုကျင်းရှို့က ၀မ်ဟုန်ထူ၏ ဆရာများအား အေးစက်စက်ဖြင့် စကားဆိုသည်။
" ခင်ဗျားတို့ကျောင်းက တပည့်တွေကို ဒီလိုပဲသင်ပေးထားတာလား ပြောင်မြောက်ပါတယ်ဗျာ "
အခြားကျောင်းသားများကို လှည့်ကြည့်လိုက်သေးသဖြင့် ကျန်ကျောင်းသားများက လန့်သွားကြသည်။
ထိုကလေးများက အကြည့်မခံနိုင်တော့သဖြင့် " ၀မ်ဟုန်ထူကို ကျွန်တော်တို့အသင်းက ထုတ်ပယ်ပေးဖို့ တောင်းဆိုပါတယ် " ဟုထအော်ကြသည်။
"'သူနဲ့ တစ်သင်းတည်းနေရမှာကို ကျွန်တော်တို့ ရှက်ပါတယ် "
ပြိုင်ပွဲဖြစ်မြောက်ရေးကော်မတီက ၀မ်ဟုန်ထူအား စန်း၀မ်နှင့်အတူတူ နိုင်ငံအဆင့် အမျိုးသားရေကူးပြိုင်ပွဲအထိ ထည့်ပေးနိုင်မည်ဟု မျှော်မှန်းထားကြတာဖြစ်သည်။ နိုင်ငံခြားကိုပါ သွားခွင့်ပေးဖြစ်လောက်သည်အထိ မျှော်လင့်ထားကြတာဖြစ်သည်။ အိုလံပစ်ကိုပင် ၀င်ပြိုင်ခိုင်းချင်ခဲ့ကြတာ ဖြစ်ပေ၏။
အနိုင်ရခဲ့ပါက ခရိုင်အတွက်တင်မကပါဘဲ တစ်နိုင်ငံလုံးအတွက်ပါ ဂုဏ်တက်သွားစေမည့်ကိစ္စ ဖြစ်လေသည်။
သို့ဖြစ်၍ ထိုလူကြီးများသည် ၀မ်ဟုန်ထူအား ယခုပြိုင်ပွဲမှ နှုတ်ထွက်ခိုင်းကာ နောက်နှစ်မှ ပြန်ပြိုင်ခိုင်းရင်ကောင်းမလားဟု တွေးနေကြလေသည်။
ဟန်၀မ်မင်၏ မိဘများက အလျှော့ပေးလိုသည့် ဆန္ဒမရှိနေသည်ကို တွေ့နေရသဖြင့် ၀မ်ဟုန်ထူအား ပြိုင်ပွဲမှ ထုတ်ပယ်လိုက်ဖို့သာ ရှိပေတော့သည်။
ယခုအချိန်တွင် အပြီးတိုင်ထုတ်ပယ်ခြင်းမျိုးက မတွင်ကျယ်သေးပေ ။
၀မ်ဟုန်ထူတို့ကျောင်းမှ လူကြီးများကလည်း သဘောမကျဖြစ်နေကြသည်။ ယခုတွင် ဘာမှမဖြစ်လျှင်တောင် နောက်ဆက်တွဲများကို ရှင်းရတော့မှာဖြစ်၍ ဖြစ်ပေသည်။
လုကျင်းရှို့က ပြုံးကာပြောသည်။ " ညွှန်မှုးချန် အဲ့လိုကျောင်းသားက တကယ်ရော ဂုဏ်ဆောင်ပေးနိုင်ပါ့မလား ဘယ်သူက သူနဲ့ ပြိုင်ရဲတော့မှာလဲ သူ့ထက်တော်နေတယ်ဆိုတာကိုသိသွားရင် ဒုက္ခပေးမလားဆိုပြီး ကြောက်နေရတော့မှာလေ "
ညွှန်မှုးချန်လည်း စိတ်ရှုပ်နေမိသည် ။ ၀မ်ဟုန်ထူက ကျောင်းဂုဏ်ဆောင်ပေးနိုင်သည်ဟု ထင်ထားခဲ့သော်လည်း ယခုလိုအရှက်ရစရာကိစ္စမျိုးကို လုပ်လိမ့်မည်ဟု သူလည်း မထင်ထားခဲ့ပါ ။
၀မ်ဟုန်ထူ၏ မိသားစုက အားကစားနယ်ပယ်၌ နေရာရှိကြသူများဖြစ်သော်လည်း အားကစားရေးရာ၀န်ကြီးဌာနက ယခုကိစ္စအား အများပြည်သူ စိတ်ကျေနပ်အောင် ဖြေရှင်းပေးလောက်ပေသည်။
အပြင်မှ ပရိသတ်များကလည်း ဖြစ်ပျက်ခဲ့သည်များကို သိသွားကြပြီဖြစ်သည်။ ၀မ်ဟုန်ထူက ဘဲနက်အား အကောက်ကြံသည်ကို သိသွားကြသည့်အခါ ပြင်းပြင်းထန်ထန် အပြစ်ပေးရန် တောင်းဆိုနေကြလေ၏။
" ပြင်းပြင်းထန်ထန် အပြစ်မပေးဘူးဆိုရင် နောင်ဘယ်ပြိုင်ပွဲမှ လာမကြည့်တော့ဘူး ဘယ်သူအမှားလုပ်လုပ် လွှတ်ပေးမယ်ဆိုလို့ကတော့ ကြည့်လဲ ဘာထူးတော့မှာလဲ "
" ဟုတ်တယ် ကျိန်းသေပေါက် အပြစ်ပေးခံရမှဖြစ်မယ် "
ပရိသတ်များ၏ ဝေဖန်သံများကြောင့် ပြိုင်ပွဲဖြစ်မြောက်ရေးကော်မတီသည် ပေါ့ပေါ့တန်တန် လျှော့ပေါ့လိုက်၍ မရနိုင်တော့ပေ။
သို့ဖြစ်၍ ပြိုင်ပွဲဖြစ်မြောက်ရေးကော်မတီသည် ဆုံးဖြတ်ချက်ချလိုက်ရသည်။ ၀မ်ဟုန်ထူ၏ ပြိုင်ပွဲမှ အမှတ်များအား တရားမ၀င်ပါဟု သတ်မှတ်လိုက်ပြီး ပြိုင်ပွဲကနေ သုံးကြိမ်ယှဥ်ပြိုင်ခွင့်လည်း ပိတ်လိုက်လေသည်။
ထိုသည်က အပေါ်ယံတွင်သာ ဖြစ်ပေသည်။ နိုင်ငံအဆင့်ရေကူးအသင်းသည် အခြားသူများအား အန္တရာယ်ပေးခြင်းကို ခွင့်မလွှတ်တတ်သဖြင့် ကျန်ပြိုင်ပွဲများကလည်း ယခုသတင်းကို ကြားသွားပါက ၀မ်ဟုန်ထူအား ပြိုင်ပွဲ၀င်ခွင့် ပြုတော့မည်မဟုတ်ပေ ။
Xxxxx
Welcome To MM Storyteller
LOGIN
Welcome To MM Storyteller
REGISTER