အပိုင်း ၇၂၁-၇၂၂
Viewers 37k
Chapters 532

Part 721


တဝမ်က ထပ်ပြောပြလာ၏။

‘‘ပိုင်ရှင်ကိုလည်း ရှာတွေ့သွားတယ်၊အဲ့ဒါက တုန်းဖန်းဟုန်လယ်ထွန်စက်လုပ်တဲ့ စက်ရုံက စာရင်းအင်းဝန်ထမ်းဘဲ။သူလည်း စန်းဝမ်ကို ကျေးဇူးတင်ဖို့ ကျောင်းကိုသွားလိုက်သေးတယ်’’


‘‘ကောင်ငယ်လေးက တကယ်ဘဲ ရွှေကိုကောက်ခဲ့တာဘဲ မဆိုးဘူး’’


လင်းလန်က စန်းဝမ်ကိုချီးကျူးလိုက်၏။သူမ၏ကလေးများကို ချီးမွှမ်းနေရသရွေ့ သူမကရှက်နေမည်မဟုတ်ပေ။


သူမက တဝမ်ကိုလည်း ချီးမွှမ်းလာလေသည်။


‘‘စန်းကော ကျွန်မတို့ရဲ့ အကြီးဆုံးသားလေးက အရွယ်ရောက်လာပြီဘဲ သူကသူ့ဘာသာတောင်ရပ်တည်နိုင်နေပြီ၊ ဒီလိုကြီးမားတဲ့ကိစ္စရပ်ကိုတောင် ချောချောမွေ့မွေ့လုပ်နိုင်ခဲ့မှတော့ အနာဂတ်မှာ သူကမိသားစုရဲ့အဓိဖြစ်စဉ်တွေမှာ ပါဝင်လုပ်ဆောင်လို့ရနေပြီ’’


ဟန်ချင်စုန့် :‘‘ကိုယ်တို့မိသားစုထဲမှာ ဘာအဓိကဖြစ်စဉ်တွေရှိလို့လဲ’’


လင်းလန် :‘‘ဘာလဲဆိုတော့。。。ချက်ပြုတ်တာမျိုးဆိုရင်ရော ’’


စားစရာ၊အဝတ်ထည်‌၊အိမ်မှုကိစ္စ၊အမျိုးသားစီးပွားရေးနဲ့ လူတွေရဲ့စားဝတ်နေရေး အစရှိသဖြင့် ဒီလိုဟာမျိုးတွေပေါ့။


တဝမ်: ‘‘。。。’’


ထိုနောက်မှစ၍ တဝမ်က သူ့ညီနှင့်ညီမတို့ကို အလယ်တန်းကျောင်းသို့ခေါ်သွားကာ ပုံမှန်အတိုင်းပင် အတူတူကျောင်းတက်ကြလေသည်။


ရှောင်ဝမ်က သူငယ်ချင်းအသစ်တစ်ယောက်ရလာခဲ့၏။


ကလေးနှစ်ယောက်က ရှောင်ဝမ်နှင့်အတူကျောင်းသွားရန် မနက်တိုင်းတွင် သူ့ဆီသို့ရောက်လာကြသည်။ထို့နောက် ကျောင်းပြန်လျှင်လည်းလိုက်ပို့ကာ အိမ်စာများကိုလဲ အတူတူလုပ်ကြ၏။

အသက်ရွယ်တူကလေးများနှင့် ကစားလိုက်သီချင်းဆိုလိုက်လုပ်ရသောအခါ ရှောင်ဝမ်က ပို၊ပို၍ရွှင်လန်းတက်ကြွလာကာ ကျော်ကြားလာပြီး ကလေးများနှင့်ဆိုလျှင် သူက ပို၍စွမ်းအင်ပြည့်ဝနေတတ်ပေသည်။


သူနှင့်ပတ်သက်ပြီး တစ်မူထူးခြားသော ခံစားချက်တစ်ခုရှိနေပေသည်။ထိုအရာက အလွန်ပင်ဆွဲဆောင်မှုရှိ၏။ယောက်ျားများ၊မိန်းမများနှင့် ကလေးများက သူ၏အပြုံးနှင့် မျက်ဝန်းဝိုင်းဝိုင်းကြီးများကို မြင်လိုက်ရသောအခါ သူတို့က သန့်စင်သော စိမ့်စမ်းရေကိုတွေ့လိုက်ရသကဲ့သို့ပင် ခံစားမိကြလေသည်။


လူအများစုက ပြောကြသည်မှာသူတို့က ရှောင်ဝမ်ပြုံးနေသည်ကို မြင်နေရသရွေ့ သူတို့နှလုံးသားများက အရည်ပျော်ကျလာလိမ့်မည်ဟူ၍ဖြစ်၏။


ဤအချိန်များထဲတွင် သူက ကလေးများ အတူကစားကြရန်အတွက် ကလေးကဗျာတေး အနည်းငယ်ကိုလည်း ရေးဖွဲ့ခဲ့သေး၏။ကျောင်းတွင် ကလေးများဂိမ်းကစားနေကြစဉ် သီချင်းဆိုကြရန် သူသင်ပေးလိုက်သည်။၎င်းက အံ့အားသင့်စရာပင်ဖြစ်သည်ဟု ဟောင်ဟုန်ကျန်းကတွေးလိုက်မိပေသည်။


နေ့ရက်များက အေးအေးဆေးဆေးပင် ကျော်ဖြတ်သွားပြီး ပထမဆုံးနှင်းကျလာသောအခါ မြောက်ဘက်ရှိဆောင်းရာသီက အမှန်တကယ်စတင်လာခဲ့ပြီဖြစ်သည်။မြောင်တုန်းများ၏ ဆောင်းရာသီနေ့ရက်များမှာ ပျင်းရိကြီး တိတ်ဆိတ်နေကာ အချိန်ကာလများက ကြံ့ကြံ့ခံရပ်တည်နေပုံရပေသည်။


စန်းဝမ်က အားကစားကျောင်းတွင် လေ့ကျင့်ရေးဆင်းကာ ယှဉ်ပြိုင်ပြီး ကြားကာလအပိုင်းခြားများတွင် သူကရေဒီယိုဌာနသို့သွားကာ ရေဒီယိုနားထောင်သောသူငယ်ချင်းများအား ရေကူးခြင်းအကြောင်း ရယ်စရာကိစ္စများကို ပြောပြလေ့ရှိ၏။စကားမစပ်ပင် သူကသူ့မိသားစုအား မင်္ဂလာမနက်ခင်း၊ညနေခင်း၊ကောင်းသောညပါ ဟုနှုတ်ဆက်တတ်ပေသည်။သူကအိမ်တွင်မရှိသော်ငြား သူ့အသံကမူ အိမ်တွင် ပဲ့တင်ခတ်နေတုန်းပင်ဖြစ်၏။


နွေဦးပွဲတော်အတွင်းတွင် စန်းဝမ်က တစ်လလောက်အိမ်မှာနေရန် ပြန်လာခဲ့ပြီး ပထမဆုံးလူနာလ၏ ဆယ့်ငါးရက်နေ့မြောက်တွင် သူက လေ့ကျင့်ရေးနှင့်  ပြိုင်ပွဲများတွင်ပါဝင်ယှဉ်ပြိုင်မှုများ ဆက်လုပ်ရန် ပြန်သွားလိုက်သည်။


မျက်စိတမှိတ်အတွင်းမှာပင် ၁၉၇၄ခုနှစ်၏ ဂျုံ‌များရိတ်သိမ်းမှုက ပြီးဆုံးသွားကာ နွေရာသီက ရောက်ရှိလာနေပြီဖြစ်သည်။


ရွာ၏ကေဒါများကို သုံးနှစ်တစ်ကြိမ်မဲပေးရွေးချယ်ကာ သူတို့ကနှစ်တွေအများကြီး ပြန်လည်မရွေးချယ်ခံရပေ။သို့သော်ငြား ရှန်ရွေ့ရွာကမူထူးခြားကာ ဟန်ရုံဖန်၏အာဏာက ကျယ်ဝန်းပေသည်။ထို့ကြောင့် သူက အရှေ့တွင်ရှိနေတုန်းပင်ဖြစ်သည်။သူက လူငယ်များကိုလည်း မြေထောင်မြှောက်ပေးလာကာ အသက်သုံးဆယ်အတွင်းရှိသော ထိုသူများကို ထုတ်လုပ်ရေးအသင်းခေါင်းဆောင်အဖြစ် လုပ်ဆောင်စေ၏။နောက်ပိုင်းတွင် ထိုသူများက အဖွဲ့ခေါင်းဆောင်၊သို့မဟုတ် အဖွဲ့ခွဲ၏ အတွင်းရေးမှူးများ ဖြစ်လာကြမှာဖြစ်သည်။


လင်းလန်က နှစ်အစပိုင်းတွင် ဂုဏ်ယူစွာဖြင့် ပါတီထဲသို့ဝင်လိုက်၏။


ဒီနေ့တွင် သူမကအစည်းအဝေးတစ်ခုအတွက် မဲပေးရန် ကွန်မြူနတီသို့ ‌သွားမှာဖြစ်သည်။


လွန်ခဲ့သည့် ရက်အနည်းငယ်၏ ကောင်တီတော်လှန်ရေးကော်မတီ၏ လက်ထောက်ညွှန်မှူးယန်က ကြေညာချက်တစ်ခုထုတ်ပြန်ခဲ့၏။ထိုအရာမှာ ကွန်မြူနတီက ဝါဒဖြန့်ချီရေးဌာနကို ချဲ့ထွင်ချင်ပြီး သက်ဆိုင်ရာဝါဒဖြန့်ချီရေးအဖွဲ့များမှ လူနှစ်ယောက်က အလုပ်လုပ်ရန် ရွေးချယ်ခံရမည်ဖြစ်သည်။လုပ်ဆောင်မှုများက ကွန်မြူနတီ၏အလုပ်သမားအတွက် အတူတူပင်ဖြစ်၏။ရွေးချယ်ခံရမည့်သူမှာ ဝါဒဖြန့်ချီရေးအသင်းနှင့် အနိမ့်ပိုင်းတပ်မဟာများမှ ဝါဒဖြန့်ချီရေးဝန်ထမ်းများကို ရွေးချယ်မှာဖြစ်သည်။


နေရာများထဲမှ တစ်ခုကို အာဇာနည်တစ်ဦး၏သားကို ပေးလိုက်ကာ ဘယ်သူကမှ မကန့်ကွက်ကြပေ။လူတိုင်းက ‌‌အခြားတစ်နေရာအတွက် ယှဉ်ပြိုင်ကြကာ အခုချိန်တွင် ယှဉ်ပြိုင်နေသော ကိုယ်စားလှယ်လောင်းနှစ်ဦးမှာ လင်းလန်နှင့် ယွီရှင်းတို့ဖြစ်၏။


လူအများစုက ဤနေရာကို လင်းလန်ရလိမ့်မည်ဟုထင်ထားကြလေသည်။ဘယ်လိုဘဲဖြစ်ဖြစ် သူမက အထူးချွန်အထက်မြက်ဆုံးသော အလုပ်အကိုင်ရှိကာ ကောင်တီမှချီးကျူးမှုကိုလည်း ခံခဲ့ရပေသည်။ယောက်ျားကလည်း ကွန်မြူနတီမှကေဒါဖြစ်သောကြောင့် သူမက ထိုအရာနှင့်ပတ်သက်ပြီး ဆန့်ကျင်စရာမရှိပေ။


သို့သော်ငြား လက်ထောက်ညွှန်မှူးယန်က လူတိုင်းအား လျို့ဝှက်မဲပေးရန်ပြောလာကာ သူက ပုဂ္ဂိုလ်ရေးအရ ထိုအရာအားသဘာပတိအဖြစ် ကြီးမှူးမှာဖြစ်သည်။တချို့‌လူများက အဖွဲ့သေးသေးလေးများကို တည်ထောင်၍မရပေ။မဟုတ်ပါက သူတို့က အများပြည်သူအား သိမ်းသွင်းစည်းရုံးခွင့်ရမည်မဟုတ်ပေ။


လင်းလန်က ဤအရာသည် သူမနှင့်ဟန်ချင်စုန့်ကို ရည်ရွယ်ပစ်မှတ်ထား၍ လုပ်ဆောင်နေကြောင်း သိသော်ငြား သူမ ဂရုမစိုက်ပေ။ဒီအတိုင်းမဲပေးလိုက်ကာ သဘာဝကျစွာပင် သူမဘက်တွင် ယွီရှင်းထက် ထောက်ခံသူ‌ပိုများ၏။အစည်းအဝေးခန်းတွင် ထိုင်နေကာ လင်းလန်က သူမအမည်အပါဝင် အခြားသူများလည်းပါသော စာရင်းတစ်ခုအားကိုင်ထားလေသည်။


သူမက ယွီရှင်းကိုအသာထား သူမကိုယ့်ကိုယ်တောင် မဲမပေးခဲ့ပေ။သူမက မဲမပေးဘဲနေလိုက်၏။


ယွီရှင်းက ပျော်မြူးတက်ကြွစွာ နှာခေါင်းရှုံ့လိုက်၏။ညွှန်မှူးက သူမအတွက် စီစဉ်ပေးထားပြီးသားဖြစ်ပေသည်။ဒီတစ်ကြိမ်တွင် သေချာပေါက်ပင် သူမက တကြော့ပြန်လည်အနိုင်ရကာ လင်းလန်ကိုအရှက်ရစေမှာဖြစ်သည်။


ယွီရှင်းနှင့် ဖန်းပိရှန်းတို့ လက်ထပ်လိုက်ပြီးနောက်တွင် သူတို့၏အထောက်အထားများက ကွဲပြားသွားသည်ဟု ခံစားမိလိုက်ကြ၏။ထို့ပြင်က ဤဝါဒဖြန့်ချီရေးရာထူးကို ရမည်မှာသေချာပေသည်။အကယ်၍ သူမကို တက္ကသိုလ်သွားခွင့်မပြုပါက သူမက ကေဒါတစ်ယောက်ဖြစ်လာမှာဖြစ်သည်။


ဖန်းပိရှန်းက ဖယ်ရှားခံလိုက်ရကာ ကွန်မြူနတီထဲတွင် သူ၏နေရာကို ဆုံးရှုံးလိုက်ရသည်။သူက USဆန့်ကျင့်ရေးတပ်မဟာ၏ စာရင်းကိုင်တစ်ယောက်ဖြစ်နေတုန်းပင်ဖြစ်၏။ရွာထဲမှ တပ်မှူးနေရာထက်စာလျှင် ပိုကောင်း၏။သို့သော်ငြား ယွီရှင်းက ဖန်းပိရှန်းကို လက်ထပ်လိုက်ပြီးနောက်တွင် သူမက တက္ကသိုလ်သွားမည့်သူမစိတ်ကို ပျောက်ဆုံးသွားလေသည်။သူမကိုဒီလိုမျိုးဖြစ်အောင် လင်းလန်ကလုပ်ခဲ့သည်ဟု ယုံကြည်နေ၏။သူမက စိတ်သက်သာစွာသက်ပြင်းချလိုက်ကာ သူမက ယုတ်မာသောဖိအားများနှင့် ကောလဟလများကို မကြောက်ကြောင်းဖော်ပြရန် သူမခေါင်းကို မြင့်မြင့်မော့ထားလိုက်သည်။သူမက လင်းလန်နှင့် အဆုံးထိယှဉ်ပြိုင်ချင်ပေသည်။


Xxxxxxx

Part 722


မဲပေးခြင်းပြီးဆုံးသွားသောနောက်တွင်  လူတစ်ချို့က မဲများကိုရွတ်ပြကာ အခြားသူများက ရေတွက်လိုက်ကြ၏။နောက်ဆုံးတွင် ယွီရှင်းကအရွေးခံလိုက်ရလေသည်။


လင်းလန်အား ပံ့ပိုးပေးနေကြသော ထိုလူများက အံ့ဩသွားကြကာ ထိုအထဲတွင် လှည့်ကွက်တစ်ချို့ရှိမည်ဟု ခံစားမိလိုက်ကြသည်။အကြောင်းမှာ သူတို့က လင်းလန်အားမဲ‌ပေးရန် အချိန်အကြာကြီး ဆွေးနွေးတိုင်ပင်ခဲ့ကြလို့ပင်ဖြစ်၏။ဒါဆိုဘာလို့ထိုအစား ယွီရှင်းက အရွေးခံလိုက်ရတာလဲ။သူတို့အားလုံးကိုရေတွက်ထားကာ ယွီရှင်းဘက်တွင် လျို့ဝှက်ကြံစည်ရန် လူငါးယောက်၊ခြောက်ယောက်လောက်သာ ရှိပေသည်။သူမက လင်းလန်ထက်ပို၍ ထောက်ပံ့ပေးသူများရန်မှာ မဖြစ်နိုင်ပေ။


ယွီရှင်းက လူတိုင်းအချင်းချင်း တီးတိုးဆိုနေကြသည်ကို တွေ့လိုက်ရသောအခါ သူတို့ကမကောင်းတာတစ်ခုခု ပြောလာမည်ကို ကြောက်၍ ချက်ချင်းထရပ်ကာ ပြုံးပြီး သူမအနားမှသူများကို ကျေးဇူးတင်လိုက်၏။


“ရဲဘော်တို့ရဲ့ ချစ်ခင်မှုနဲ့ ရွေးချယ်မှုအတွက် ကျေးဇူးတင်ပါတယ် ကျွန်မအလုပ်ကိုကြိုးစားဆောင်ရွက်ပါ့မယ်”


လူအနည်းစုလောက်ကသာ သူမအတွက် အလွန်အမင်းစိတ်အားထက်သန်နေကြကာ လူအများပြားက သူမကို မတုံ့ပြန်ကြပေ။


တစ်ယောက်ယောက်က မတတ်နိုင်ဘဲ ပြောလိုက်မိ၏။


‘‘မဲလက်မှတ်တွေကို စစ်ကြည့်ဖို့ လိုအပ်လား’’


လက်ထောက်ညွှန်မှူးယန်က အေးစက်စွာနှာခေါင်းရှူံ့လိုက်၏။


သူက ယွီရှင်းအတွက်မဲပေးရန်  ‌ဆုံးဖြတ်ထားပြီးသားဆိုသည်ကို လူတိုင်းကသိကြပေသည်။သူက ဒီအတိုင်းလူမြင်ကောင်းကာ လူအများ၏မျက်လုံးများကို ဖုံးကွယ်ရန်အတွက် မဲပေးခိုင်းလိုက်ခြင်း‌ဖြစ်ကာ ကိုယ်ရေးကိုယ်တာရယူမှုအတွက် အာဏာကိုအသုံးချသည်ဟု ပြောခံရမှာ ကြောက်လို့ဖြစ်သည်။ဒီလိုကိစ္စမျိုးက မကြာခဏဖြစ်လေ့ရှိ၏။မဲပေးခြင်းကိုလည်း ပုံသေအတိုင်းခန့်အပ်ခြင်းဖြစ်ကာ ထို့ကြောင့် လူတိုင်းကလုပ်ဆောင်ကြပေသည်။


သို့သော်ငြား ဒီနေ့မဲပေးမှုက မှားယွင်းကာ မဲပေးသူများကလိမ်လည်နေသည်ဟု ခန့်မှန်းနိုင်ပေသည်။မဟုတ်ပါက လက်ထောက်ညွှန်မှူးယန်က အဘယ်ကြောင့် မဲများကိုပေးမစစ်ရသနည်း။


အစည်းအဝေးပြီးသွားသည့်နောက်တွင် လင်းလန်နှင့်အခြားသူများက သူတို့ကို နှုတ်ဆက်လိုက်ကြကာ အရင်ဆုံးထောက်ပံ့ရေးနှင့် ဈေးကွက်တင်ရောင်းချရေးအေဂျင်စီဆီသွားလိုက်၏။


လင်းလန်ထွက်သွားသောအခါ ယွီရှင်းက အလွန်ဂုဏ်ယူနေ၏။နောက်‌ဆုံးတွင် သူမကပြန်အနိုင်ရသွားပြီဖြစ်သည်။ကံမကောင်းစွာပင် လှုပ်ရှားမှုတစ်ခုလုပ်ရန် လင်းလန်၏ငြင်းဆန်မှုက သူမကိုပဟေဠိဖြစ်သွားစေပေသည်။


လက်ထောက်ညွှန်မှူးယန်က သူမကိုတစ်ချက်ကြည့်လိုက်၏။


“ယွီယွီ ငါ့ရုံးခန်းထဲလာခဲ့....”


သူပြောနေစဉ်မှာပင် ဟန်ချင်းယွမ်က ရဲသားတစ်ယောက်ကိုခေါ်ကာ ဝင်လာသည်ကိုတွေ့လိုက်ရ၏။


လက်ထောက်ညွှန်မှူးယန်က မျက်မှောင်ကြုတ်လိုက်မိသည်။


‘‘မင်းက ဘာကိစ္စရှိလို့လဲ’’


ဟန်ချင်းယွမ်က ရယ်လိုက်၏။


‘‘လက်ထောက်ညွှန်မှူး ဒါကိုစစ်ဆေးကြည့်ရအောင်’’


သူကပြေးလာကာ မဲလိပ်များကို ကတ်ထူပုံးထဲသို့ထည့် လိုက်သည်။


“လာပါ စစ်ဆေးကြည့်ရအောင်လေ ငါ့မရီးရတဲ့ မဲအရေအတွက်တွေက မှန်လားဆိုတာ ကြည့်ကြတာပေါ့”


“မင်းဘာလုပ်တာလဲ ဒါကတော်လှန်ရေးကော်မတီရဲ့အလုပ်ဘဲ ဒါကမင်းနဲ့ လုပ်စရာဘာရှိလို့လဲ”


လက်ထောက်ညွှန်မှူးယန်က ဒေါသထွက်လွန်းလို့ သူ့လက်များတောင်တုန်ရင်နေလေသည်။သူက ကတ်ထူပုံးကို ပြန်ဆွဲယူလိုက်ချင်၏။


သို့သော်သူလာတာ နောက်ကျသွားသည် သူက ရာထူးမှလျှော့ချခံထားရရာ တော်လှန်ရေးကော်မတီအတွင်းရှိ လူအများစု၊ အထူးသဖြင့် ပြည်သူ့လုံခြုံရေးဗျုရိုမှသူများသည် သူ့အားနည်းနည်းလေးမှ မလေးစားကြပေ။


ပြည်သူလူထုကို စည်းရုံးသိမ်းသွင်းရန်အတွက်မှာ သူ၏ဂုဏ်သတင်းကဆိုးရွားနေပေသည်။


တစ်စုံတစ်ယောက်က ဟန်ဆောင်ကာ ဟန်ချင်းယွမ်အား ဖျောင်းဖျလာသော်လည်း သူကမဲ့ပြုံးပြုံးပြလာလေသည်။


“ကျွန်တော် ဘာလုပ်နေတာလဲဟုတ်လား။ကျွန်တော်က မဲအရေအတွက်ကို စစ်ဆေးနေတာလေ အဲ့ဒါကမှန်ကန်တဲ့အရာဘဲ မဟုတ်ဘူးလား”


သူက တိုက်ရိုက်ပင် အခြားသူများချရေးထားသော အမည်များကို ဖတ်ပြလိုက်သည်။


ယွီရှင်းက လင်းလန်၏အမည် တစ်ခါပြီးတစ်ခါထွက်လာတာကို နားထောင်လိုက်ရကာ သူမ၏မျက်နှာက မည်းနှက်လာလေသည်။


“ရပ်လိုက်၊ ရှင်ရပ်လိုက်တော့”


ဟန်ချင်းယွမ်က သူမအားဂရုမစိုက်ပေ။


“နင်က မိန်းကလေးဖြစ်နေတာနဲ့ဘဲ ငါနင့်ကို မရိုက်ဖူးလို့မထင်နဲ့။နင့်ကို လုပ်ငန်တာဝန်မှာ အဟန့်အတားဖြစ်စေတယ့်အတွက် ‌ရိုက်လိုက်လို့ရတယ်”


စုစုပေါင်း လူ၂၅ယောက်မဲပေးရာတွင် လင်းလန်က ၁၆မဲဖြစ်ကာ ယွီရှင်းက၈မဲဖြစ်ပြီး တစ်ခုကသူမကိုယ်ကိုမဲပြန်ပေးထားခြင်းဖြစ်ကာ တစ်ခုကမူ လက်ထောက်ညွှန်မှူးယန်က ပေးထားခြင်းဖြစ်သည်။လင်းလန်က မဲမပေးဘဲနေခဲ့၏။


ဟန်ချင်းယွမ်က စားပွဲကိုရိုက်လိုက်ကာ ရယ်လိုက်၏။


“တကယ်ကို ရယ်စရာကောင်းလိုက်တာ ငါကလူတွေပြောတာတော့ကြားခဲ့ဖူးပါတယ် ...ငါတို့ရဲ့ ရှန်ရွေ့ကွန်မြူနတီမှာလည်း ဒီလိုမျိုးဖြစ်လိမ့်မယ်လို့ မမျှော်လင့်ထားခဲ့ဘူး လက်ထောက်ညွှန်မှူး ဒါဆို ကျွန်တော်က လူထုကို စည်းရုံးနိုင်မှာမဟုတ်ဘူး”


လက်ထောက်ညွှန်မှူးယန်မျက်နှာက ပြာနှမ်းသွားကာ ဒေါသဖြင့်နီရဲလာကာ နောက်ဆုံးတွင် ဝက်အသည်းအရောင်ပြောင်းသွားလေသည်။သူက ဟန်ချင်းယွမ်အား လက်ညှိုးထိုးလိုက်၏။


“မင်း၊မင်းမှာ ဦးဆောင်နိုင်ခွင့်မရှိဘူး မင်း ...”


ဟန်ချင်းယွမ် :“ဒီဖြစ်ရပ်မှာ ကျွန်တော်ရဲ့ခေါင်းဆောင်က ဟန်ဗျူရိုကပါ”


ရဲသားက မေးလာ၏။


“ခေါင်းဆောင် ဒါကို အစိုးရပြန်တမ်း ကြော်ငြာသင်ပုန်းမှာ တင်ထားသင့်တယ်”


မရဘူး လုံးဝကိုပြောင်းပြန်လှန်သွားတာဘဲ။လက်ထောက်ညွှန်မှူးယန်က အမျက်ခြောင်းခြောင်းထွက်သွားလေသည်။


ယွီရှင်းက ဒေါသထွက်ကာ အရှက်ရသွား၏။


“ဟန်ချင်းယွမ် နင်ကတကယ်ကိုအနိုင်ကျင့်တတ်တဲ့သူဘဲ၊နင်က ဖိနှိပ်ရတာကို အတော်လေးသဘောကျနေတာ”


ဟန်ချင်းယွမ် :“ဘယ်သူကများ နင့်ကိုဖိနှိပ်နေမှာလဲ ငါကဒီအတိုင်း တရားမျှတအောင်လုပ်နေတာ”


သူကပြောပြီးနောက် လက်ခုပ်တီးလိုက်ကာ လှည့်ထွက်သွားလေသည်။


ဟမ့်၊နင်တို့က ငါ့တတိယအကို ဗျုရိုထဲမှာမရှိဘူးလို့တွေးလိုက်ပြီး ဒါကြောင့် ငါ့မရီးကိုအနိုင်ကျင့်ဖို့အခွင့်ကောင်း ယူလိုက်ကြတယ်ပေါ့။


လုံးဝမဖြစ်နိုင်ဘူး။


အဆုံးတွင် လက်‌ထောက်ညွှန်မှူးယန်က ထိုလူအားအရှူံးမခံနိုင်သောကြောင့်  သူက ဟန်ချင်းယွမ်နှင့် ညှိနှိုင်းကာ ဒါကိုလူသိရှင်ကြားမလုပ်ရန် ပြောလိုက်သည်။အလဲအလှယ်အနေဖြင့် လင်းလန်ကိုလည်း အထူးတလည် ရာထူးတိုးပေးမည်ဖြစ်သည် ဒါဆိုကသူက ၎င်းအား ဝါဒဖြန့်ချီရေးဌာန၏ လူသစ်စုဆောင်းရေးတွင် ကိုတိုးချဲ့ရာတွင် နည်းလမ်းတစ်ခုအဖြစ်အသုံးချနိုင်ပေသည်။ဘယ်လိုဘဲဖြစ်ဖြစ် သူက တော်လှန်ရေးကော်မတီ၏ ညွှန်မှူးရုံးတွင် နှုတ်လုံသောအတွင်းရေးမှူးတစ်ယောက် လိုနေပေသည်။သူက ယွီရှင်းကို သူ့အတွင်းရေးမှူးလုပ်ချင်လား မေးလို့ရပေသည်။


ဟန်ချင်းယွမ်ကလည်း နေရာတစ်ချို့ချန်ထားပေးလိုက်ကာ သူက တကယ်ဘဲ သူ့မျက်နှာကိုမဖျက်စီးခဲ့သော်လည်း ၎င်းကဒီလိုဖြစ်သွား၍မရပေ။ဘာလို့ လင်းလန်ကို အထူးတလည်လုပ်ပေးသည်ဟု ပြောရမှာလဲ။အကယ်၍သူက စိတ်ခံစားတတ်ပါက သူက သိသာစွာပင် လေးနက်သောရွေးချယ်မှုဖြစ်ပေသည်။


အ‌ဆုံးတွင် လက်ထောက်ညွှန်မှူးယန်က ရွေးစရာမရှိတော့ပေ။သူက လင်းလန်အား ဝါဒဖြန့်ချီရေးအသင်းမှ ရွေးချယ်လိုက်ပြီး ယွီရှင်းကိုကား တော်လှန်ရေးကော်မတီ ညွှန်မှူးရုံးတွင် ယုံကြည်ရသော အတွင်းရေးမှူးတစ်ယောက်အနေဖြင့် လုပ်ရမည်ဟု ပြောလိုက်ရ၏။


ဒါကအဆင်ပြေသည်ဟု ဟန်ချင်းယွမ်တွေးလိုက်မိသည်။မဲ‌ပေးခြင်းအတွက်မူ ဟာသတစ်ခုလိုဖြစ်သွားကာ ဘယ်လိုဘဲဖြစ်ဖြစ် ဤကဲ့သို့အရာများက အနည်းငယ်ရှိခဲ့ဖူးတာကြောင့် လူတိုင်းကရယ်မောကာ ဘေးဖယ်ထားလိုက်ကြ၏။


ထို့နောက်ဟန်ချင်းယွမ်က တစ်မိုင်အဝေးရှိ လေ့ကျင့်ရေးကွင်းပြင်သို့ ပြေးသွားလိုက်သည်။


Xxxxxxxx

Prev Next