Welcome To MM Storyteller
LOGIN
Part 761
သို့သော်ငြား မနက်ဖြန်တွင် သူမ၏အကြီးဆုံးသားက စစ်တပ်ဆီသို့ ဗိုက်ဆာဆာနှင့် သွားရတော့မည်ကို တွေးမိသောအခါ တစ်ဖန်ဝမ်းနည်းသွားမိလေသည်။ ဒီအချိန်တွင် သူ့ကိုယ်သူကာကွယ်နိုင်ပြီဖြစ်သော်လည်း စည်းမျဥ်းများက တစ်ခုပြီးတစ်ခုထပ်တိုးလာ၏။
သူယူနစ်ထဲရှိ အိမ်သို့ပြောင်းသောအခါ တစ်ယောက်တည်းထွက်သွားရမှာဖြစ်သည်။
(One yard was put into one yard-စကားပုံမျိုးထင်ပါတယ် အတိအကျရှာမတွေ့ဘူး၊ လုပ်နိုင်စွမ်းရှိပေမယ့် ကန့်သတ်ချက်ကျော်ပြီးလိုတာထက်ပိုလုပ်ရတာမျိုးကိုဆိုလိုချင်တာ ထင်ပါတယ်)
သူမက သူကိုတမင်လျစ်လျူရှုလိုက်သည်။
ဟန်ချင်စုန့်က သူမစကားပြောသည်ကို အချိန်အတော်ကြာထိထပ်မကြားရတော့သောအခါ သတိထားမိသွား၏။
“ မပျော်ဘူးလား ”
“ မဟုတ်ပါဘူး ”
“ အမှန်တိုင်းပြော ”
“ တကယ်မဟုတ်ပါဘူးဆို ”
သူမလေသံက အနည်းငယ်စိတ်ထိခိုက်နေသလိုပင်။
“....ဝန်ခံလာအောင် ကိုယ့်ကိုဖိအားမပေးခိုင်းနဲ့နော်”
“ ဘာလို့ ဝန်ခံလာအောင် ဖိအားပေးမှာလဲ၊ ပရော်ဖက်ရှင်ကျတဲ့ လူမှုကျင့်ဝတ်တွေ ဘယ်ရောက်သွားတာလဲ ”
ဟန်ချင်စုန့် :“ ဝန်ခံမှုကို သက်ညာမှုနဲ့တုံ့ပြန်ရပြီး ခုခံမှုကိုစည်းကမ်းတင်းကျပ်မှုနဲ့ တုံ့ပြန်ရတယ်၊ ဒီလိုစည်းကမ်းတင်းကျပ်မှုက တိကျသေချာတဲ့ အတိုင်းအတာကိုရစေတယ် ”
လင်းလန် :“......” ဟမ့် ကျွန်မရှင်နဲ့ စကားပြိုင်မပြောနိုင်ပါဘူး။
ဟန်ချင်စုန့်က အလျင်မလိုနေပေ။ လင်းလန်က သူ့ခါးကိုတွန်းလိုက်သည်။
“ မြန်မြန်လုပ်လေ ”
ဟန်ချင်စုန့် :“ ဒါဆိုရင် သနားညှာတာပေးဖို့ မတောင်းဆိုနဲ့တော့ ”
လင်းလန် :“ .....” ရှင်က ဘာလို့ကျွန်မထက်ပိုပြီး အရေထူနေရတာလဲ၊ ကျွန်မပဲရှက်နေရတယ်။
ခနကြာပြီးနောက် လင်းလန်ပြောလိုက်၏။
“ စန်းကော အခုကစ ရှင်ပိုပြီး လေးလေးနက်နက်ရှိမှရမယ်နော် ”
ဟန်ချင်စုန့် :“ ဘယ်နေရာမှာများ မလေးနက်လို့လဲ ”
လင်းလန် :“ ရှင့်ကိုယ်ရှင် သိမှာပေါ့ ”
“ ကိုယ်ကတော့ မင်းအတွက်ဆို အရမ်းလေးနက်နေမိတယ်လို့ ထင်တယ် ”
ဟန်ချင်စုန့်လေသံက ပုံမှန်အတိုင်းဆိုသော်ငြား သူ့နှုတ်ခမ်းထောင့်စွန်းများကမူ သတိမမူမိစွာ ကွေးညွှတ်နေ၏။
လမ်းတွင် လူတစ်ယောက်က သူ့ကိုနှုတ်ဆက်လာရာ ချက်ချင်းပင် သူ့အမူအရာကို လေးနက်သည့်ပုံစံပြန်ပြောင်းလိုက်၏။ ထို့ကြောင့် လာနှုတ်ဆက်သောသူကကြောက်သွားပြီး နှုတ်ဆက်ပြီးသည်နှင့် ကမန်းကတန်းစက်ဘီးနင်းကာ ထွက်ပြေးသွား၏။
လင်းလန်က သူ့ကျောပေါ်မှီကာ ရယ်လိုက်သည်။
“ စန်းကော မရီး အလုပ်ဆင်းလာကြပြီလား”
အရှေ့ဘက်မှ လျိုဟောင်ကျဲ ရယ်နေသော အသံထွက်လာ၏။
ဟန်ချင်စုန့်က သူ့ဆီနင်းသွားကာ မြေကြီးပေါ်ခြေတစ်ဖက်ချလိုက်၏။ ထို့နောက် သူကတစ်ချက်ကြည့်ကာ ခေါင်းညိတ်ပြလိုက်သည်။
လင်းလန်သည်လည်း စက်ဘီးပေါ်မှဆင်းကာ လျိုဟောင်ကျဲကို နှုတ်ဆက်လိုက်သည်။ လင်းလန်က ဟန်ကျင်းယုပြုံးနေသည်ကို မြင်ခဲ့သော်လည်း သူမဆင်းလာသောအခါ ရုတ်တရက်ပင် သူ့မျက်နှာက ရှူံ့မဲ့သွားသည်မှာ အပြောင်းအလဲမြန်လှပေသည်။
လျိုဟောင်ကျဲ :“ စန်းကော၊ မရီး ကျွန်တော်အရင်သွားနှင့်ပြီ၊ ကျင်းယုကတော့ သူ့အမေအိမ်မှာ ရက်အနည်းငယ်လောက်နေလိမ့်မယ်။ သူမတစ်ခုခု အမှားလုပ်မိရင် သည်းခံပေးပါဦး။ ကျွန်တော်ပေး.....”
“ ရှင်ဘာလုပ်တာလဲ၊ ကျွန်မ ဘယ်တုန်းက ရှင့်ကိုအရှက်ရစေလို့လဲ ”
ရုတ်တရက်ပင် ဟန်ကျင်းယုက ဒေါသထွက်လာ၏။
“ ရှင်က သွားရတော့မှာနော် ”
သူမက တိုက်ရိုက်ပင် စက်ဘီးနောက်ခုံပေါ် ထိုင်ချလိုက်သည်။
လျိုဟောင်ကျဲက သူမမျက်နှာကို မြတ်နိုးစွာ ဖျစ်ညှစ်လိုက်သည်။
“ စန်းကော မရီး သွားကြတော့လေ ”
သူက ဟန်ကျင်းယုကို စက်ဘီးပေါ်မှ ချပေးလိုက်သည်။
“ မင်းပြန်တော့လေ၊ ငါ့ကိုလိုက်ပို့ပေးဖို့ မလိုဘူး ”
ဟန်ကျင်းယုက ငြင်းဆန်ကာ ထိုပုံစံအတိုင်း ပြန်လိုက်ချင်နေ၏။
လင်းလန်က သူတို့ကို နှုတ်ဆက်လိုက်ပြီးနောက် သူမနှင့်ဟန်ချင်စုန့်တို့ အရင်သွားလိုက်ကြသည်။
ဟန်ချင်စုန့်နှင့် လင်းလန်တို့ ထွက်သွားသောအခါ ဟန်ကျင်းယုက နှာခေါင်းရှုံ့လိုက်သည်။
“ လင်းလန်ရှေ့ရောက်ရင် ရှင်ပြုံးနေတာများ နောက်သွားတွေတောင် ပေါ်တော့မယ် ”
“ သူမက လှတယ်လေ ”
လျိုဟောင်ကျဲက ပြုံးနေဆဲဖြစ်သည်။
“ မင်းရဲ့စန်းကောနဲ့ မရီးတို့က အချင်းချင်း အရမ်းချစ်ကြတာဘဲ ”
ဟန်ကျင်းယု :“ အဲ့ဒါက ရှင့်ကိစ္စမဟုတ်ပါဘူး ”
“ ဒါပေါ့ ကိုယ်နဲ့ဆိုင်တာလေးရှိတာပေါ့၊ သူတို့ကို ကွဲသွားအောင်လုပ်လိုက်နိုင်ရင် အရမ်းစိတ်ချမ်းသာစရာကောင်းမှာဘဲ ”
“ အိပ်မက်မက်နေလိုက်၊ စန်းကောက အရင် ရှင့်ကို ကန်ထုတ်လိုက်လိမ့်မယ် ”
“ အဲ့ဒါကို အခုလေးတင် သူ့ကို ဘာလို့မပြောပြလိုက်တာလဲ၊ ငါကသူတို့လင်မယားကို ခွဲချင်နေတယ်လို့ပြောပြီး လာရိုက်ခိုင်းလိုက်လေ ”
ဟန်ကျင်းယုက ဒေါသဖြင့် သူ့နောက်ကျောကို ထုလိုက်သည်။
လျိုဟောင်ကျဲက ဖြေးဖြေးချင်းပြောလာ၏။
“ ဟန်ချင်စုန့်က တကယ်.....အရမ်းတော်တယ်။ တကယ်လို့သူသာ ငါ့စကားကို နားထောင်ဖို့ ဆန္ဒရှိမယ်ဆိုရင် လအနည်းငယ်အတွင်းမှာ ပြည်သူ့လုံခြုံရေးဗျူရိုရဲ့ အဓိကခေါင်းဆောင် ဖြစ်လာလိမ့်မယ်။ သူ့အနာဂတ်မှာ အကန့်အသတ်ရှိမှာ မဟုတ်ဘူး ”
“ ကျွန်မ ရှင်ပြောတာကို နားထောင်နေတုန်းနော်၊ ရှင့်ကိုယ်ရှင် ဘယ်သူလို့ထင်နေတာလဲ။ သူက သူ့မိဘတွေပြောတာကိုတောင် နားထောင်တာ မဟုတ်ဘူး။ ရှင်ပြောတာကိုနားထောင်မယ်တဲ့လား.....သူ့မိန်းမ...”
“ ဒါကဘဲ ငါ့မရီးက ထူးခြားတယ်ဆိုတာကို ပြနေတာပေါ့ ”
လျိုဟောင်ကျဲက နှစ်သက်သဘောကျမှု အပြည့်ဖြင့် ဆို၏။
“ တကယ်လို့ မင်းသာ စန်းကောနဲ့ ရင်းနှီးအောင် လုပ်ထားရင် အနာဂတ်မှာ သူကောင်တီခေါင်းဆောင်ဖြစ်လာတဲ့အခါကျ ကောင်တီတစ်ခုလုံးက ငါတို့ကမ္ဘာကြီး ဖြစ်လာလိမ့်မယ်.....”
“ ရှင့်စကားတွေကို ပြန်ရုတ်သိမ်းလိုက်၊ ဘယ်လိုဝောာင်အိပ်မက်မက်နေတာလဲ၊ ဒီလောကကြီးက ဥက္ကဠမော်၊ ပစ္စည်းမဲ့လူတန်း စားတို့နဲ့ဘဲ သက်ဆိုင်တာ ”
“ မင်းက ပစ္စည်းမဲ့လူတန်းစားဖြစ်ချင်တာလား။ ဒါဆိုရင် ဘာလို့ကျေးလက်မှာဘဲနေပြီး လယ်မစိုက်လဲ။ မြို့ထဲက ငါ့ကိုလက်ထပ်ပြီးဘာလုပ်မလို့လဲ။ မင်းရဲ့ ပစ္စည်းမဲ့လူတန်းစားစွမ်းအင်ကို ချုပ်တည်းဖို့ ဘာလို့ မကြိုးစားတာလဲ ”
လျိုဟောင်ကျဲက အေးစက်စွာ နှာခေါင်းရှုံ့လိုက်၏။
ဟန်ကျင်းယုတစ်ယောက် ပြောစရာမရှိတော့ပေ။
“ ဘယ်လိုဘဲဖြစ်ဖြစ်ပါ၊ လင်းလန်အကြောင်းတွေးဖို့ ရှင့်ကိုခွင့်မပြုဘူး ”
“ကောင်းပြီလေ၊ ဒါဆိုငါ မင်းရဲ့စန်းကောကိုဘဲတွေးမယ်။ သူတို့နဲ့ ဆက်ဆံရေးကောင်းတစ်ခု တည်ဆောက်ဖို့ မင်းကြိုးစားရမယ်နော်။ အနာဂတ်မှာ မကြာခန ဒီလိုလာရမယ်”
သူက သူမကိုကြည့်ကာ သတိပေးလိုက်၏။
“ မင်းအရှုပ်တွေ လုပ်လာလို့ကတော့....”
“ ရှင်လင်းလန်ကိုချဉ်းကပ်ဖို့ မတွေးဘူးဆိုမှတော့ သေချာပေါက် ကျွန်မကူညီမှာပါ ”
“ ကိုယ်ကတိပေးတယ်၊ ညွှန်မှူးဟန်ရဲ့ အကြံဉာဏ်ကိုဘဲ အလေးထားပါမယ်။ သူ့ကိုသာ နောက်ခံအဖြစ်ရရင် ငါတို့က ကျေးလက်ဒေသမှာ ဘေးတိုက်တောင် လျှောက်လို့ရပြီ။ အဆုံးမှာတော့ အနီဝတ်အစောင့်တွေ ဒါမှမဟုတ် ဝါဒဖြန့်ချီရေးဌာနရဲ့ အလုပ်သမားတွေအားလုံးက စစ်တပ်လက်အောက်မှာဘဲ ရှိတယ်ဆိုတာ မင်းမမြင်ဘူးလား။ ဒါက စစ်တပ်အင်အားစုတွေကို အင်အားအကြီးဆုံးဆိုတာ သက်သေပြနေတာ ”
လျိုဟောင်ကျဲက သူမမျက်နှာကို ပုတ်ပေးလိုက်သည်။
“ ပြန်သွားတော့၊ ကိုယ်သွားနှင့်ပြီ ”
ဟန်ကျင်းယုက သူ့ရှေ့တွင်သာ အလုပ်လုပ်သည်ကို သူသိ၏။ အကယ်၍ သူသာသူမကိုချန်ထားခဲ့ပါက ဘာပေါက်ကရမှပြောမည်မဟုတ်ပေ။
.....
လင်းလန်က ပြန်လှည့်ကြည့်ကာ ဟန်ချင်စုန့်၏ ယူနီဖောင်းစကို ဆွဲလိုက်သည်။
“ စန်းကော ရှင်ခံစားမိလား ”
ဟန်ချင်စုန့် :“ ဘာကိုလဲ ”
လင်းလန် :“ လျိုဟောင်ကျဲနဲ့ ဟန်ကျင်းယုလေ သူတို့က နည်းနည်းမထူးဆန်းနေဘူးလား ”
Xxxxxx
Part 762
ဟန်ချင်စုန့်က သူတို့နှစ်ယောက်အား လုံးဝအာရုံမစိုက်ထားပေ။ ထို့ကြောင့် သူတို့ထူးဆန်းလား၊မဆန်းလား သူမသိပေ။ သို့သော်ငြား လင်းလန်က သူ့ထက်ပို၍ အသေးစိတ်အာရုံစိုက်တတ်သည်ကို သူသိပေသည်။
“ ဘာလို့ ထူးဆန်းတာလဲ ”
လင်းလန် :“ ကျွန်မရှင့်ကို အတိကျပြောပြလို့မရဘူး အလိုလိုသိနေတာ၊ မိန်းမတစ်ယောက်ရဲ့ အလိုလိုသိတာကို ရှင်သိလား။ အလိုလိုသိတဲ့ ဗီဇစိတ်က အရမ်းအာရုံခံနိုင်စွမ်းကောင်းပြီး အသုံးဝင်တယ် ”
ဟန်ချင်စုန့်က ခေါင်းညိတ်ပြလိုက်သည်။
“ အဲ့ဒါက အမှန်ဘဲ ”
ရန်သူနှင့် ယူအက်စ်ကြား နယ်ခြားစည်း တွင် နှစ်နှစ်ကြာအောင် တိုက်ခိုက်ရန် ပုန်းခိုချောင်းမြောင်းခဲ့စဉ်က သူတို့၏အရိုးများ သည် ဘယ်အချိန်မဆို တောရိုင်းမြေထဲတွင် မြုပ်သွားနိုင်၏။ ထိုအချိန်တွင် သူ၏အလိုလိုသိစိတ်ကိုသာ အသုံးပြုပြီး ရဲဘော်များကို ကယ်တင်ခဲ့ရခြင်းဖြစ်သည်။ ထို့ကြောင့် လင်းလန်၏အလိုလိုသိစိတ်ကို သူလက်မခံတာမျိုးမဖြစ်ပေ။ သို့သော် သူလျိုဟောင်ကျဲကို ကြည့်နေလျှင်တောင်မှ သူကအန္တာရာယ်ရှိသည်ဟု ခံစားချက်တစ်စုံတစ်ရာမျိုး ပေးလာခြင်းမရှိပေ။ ထို့ကြောင့် သဘာဝကျစွာပင် သူက လျိုဟောင်ကျဲကို ဂရုမစိုက်တော့ပေ။
“ ကိုယ့်ကို ပြောပြ ”
ကျောင်းနားသို့ ရောက်လာပြီကို မြင်သောအခါ ရိုးရှင်းစွာပင် စက်ဘီးရပ်လိုက်ပြီး သူမကိုဆင်းခိုင်းကာ အတူတူလမ်းလျှောက်သွားကြ၏။
လင်းလန် :“ စန်းကော လျိုဟောင်ကျဲနဲ့ မုဆိုးမသားအမိအကြောင်း....အဲ့ဒီလိုကိစ္စမျိုး က ဘာလဲသိလား ”
ဟန်ချင်စုန့် :“ အဲ့ဒီကိစ္စကို လော့ဟိုင်ချန် ရှာတွေ့ခဲ့ဝာာ”
လင်းလန် :“ ဒါဆိုရင် ဟန်ကျင်းယုက ဘာလို့ အရမ်းငြိမ်းချမ်းနေရတာလဲ ”
သူမသိရန် ကြိုးစားသော်လည်း ဟန်ကျင်းယုဘက်ကအရင် ဖုံးကွယ်ထား၏။ ဤအရာက ပုံမှန်မဟုတ်ပေ။ ဟန်ကျင်းယုက ဒီလိုတတိတ်တဆိတ်ခံစားနေတတ်သူမျိုး မဟုတ်ဘူးလေ။
ထပ်ပေါင်းထည့်ရလျှင် လျိုဟောင်ကျဲက ဟန်ကျင်းယုအပေါ် အလွန်ကောင်းကောင်းဆက်ဆံပုံပေါ်၏။ သူမအမြဲတမ်းလိုလို မတင်မကျခံစားနေခဲ့ပေသည်။ ဘာကြောင်းမှန်း သူမ မပြောတတ်ပေ။ ဘယ်လိုဘဲဖြစ်ဖြစ် သူမက သူတို့နှင့် အဆက်အသွယ်မရှိသလောက်ပင်ဖြစ်၏။ မည်သို့ပင်ဆိုကာမူ ဤလင်မယားနှစ်ယောက်က သူမအတွက် အနည်းငယ်ထူးဆန်းနေပေသည်။
ဟန်ကျင်းယုက အလွန်အမင်းအထက်စီးဆန်တတ်သူဟု ပြောကြ၏။ အကယ်၍ လျိုဟောင်ကျဲက သူမကိုအလိုလိုက်နေပါက လျိုဟောင်ကျဲ သူတို့ကို ပိုက်ဆံလာပြန်ပေးတဲ့အခါ ဟန်ကျင်းယုက ဘယ်လိုသည်းခံနေနိုင်မှာလဲ။
တကယ်တမ်းတွင် ဟန်ကျင်းယုက သဘောတူလိုက်နာခဲ့၏။
၎င်းက ဟန်ကျင်းယု၏မကောင်းစိတ်ကပဲ ပြောင်းလဲသွားတာလား၊ ဒါမှမဟုတ် လျိုဟောင်ကျဲကပဲ အရမ်းလွှမ်းမိုးနိုင်နေတာလား။
အကယ်၍ ဟန်ကျင်းယုသာ လျိုဟောင်ကျဲ သဘောထားအတိုင်းပြောင်းလဲသွားသည်ဆိုလျှင် လျိုဟောင်ကျဲ၏ စွမ်းရည်က အလွန်ကောင်းနေလို့ပင်။
သူက ဘယ်လိုတောင် ဆွဲဆောင်မှုရှိနေလို့လဲ။
သူမက ဒီလူနှင့် ဆက်ဆံရေးနက်နက် မရှိပေ။ သူမတွင် သူနှင့် ရင်းရင်းနှီးနှီး ဆက်ဆံလိုစိတ်ရှိ၏။ ဤယောက်ျားက မဆိုးဝါးကာလူဆိုးမဟုတ်ပေ။ စွန်းယောင်ဝူက သူ့ကိုအခြားမိန်းမနှင့် ကျီစယ်နေသည်ဟု ပြောခဲ့သည်ကို မနာလိုကာ သူ့ကိုရှင်းထုတ်ချင်နေ၍ဟု ပြောလို့ရ၏။
ဟန်ကျင်းယုက အထက်စီးဆန်ကာ ရက်စက်သော မိန်းမတစ်ယောက်ဖြစ်သည်။ လျိုဟောင်ကျဲနှင့် လက်ထပ်ပြီးသောအခါ သူကအခြားမိန်းမနှင့်ဆက်သွယ်နေသည်ကို မျက်မှောင်ကြုတ်ကာ ဖုံးကွယ်ပေးထား၏။ ထို့အပြင် သူ့အရှေ့တွင် ကောင်းကောင်းမွန်မွန် ပြုမူဆက်ဆံ၏။
ဤအရာအားလုံးက လျိုဟောင်ကျဲ၏ အရည်အချင်းကို ပြနေပေသည်။
ဘာပြသနာမှမရှိဟုဆိုသော်ငြား လင်းလန်ကမူ ပြသနာအကြီးကြီးရှိနေသည်ဟု ခံစားမိနေ၏။
အလိုလိုသိနေခြင်းပင်။
သူမ၏စိစစ်ချက်ကို ဟန်ချင်စုန့်အား ပြောပြလိုက်၏။
“ စန်းကော ကျွန်မက အဓိပ္ပါယ်မရှိတာတွေ မပြောဘူးမလား ”
ဟန်ချင်စုန့်က အနည်းငယ်ခေါင်းငြိမ့်လိုက်မိသည်။
“ အဲ့ဒါက အဓိပ္ပါယ်ရှိတယ် ”
လင်းလန်က စိတ်ဓာတ်တက်ကြွကာ သူမ၏အတွေးများက ရှင်းလင်းလာ၏။
“ သူတို့ကရုတ်တရက်ကြီး ဘာလို့ ပိုက်ဆံပြန်ပေးချင်လာဝာာလဲ။ ကျွန်မတို့က ဖိအားမပေးခဲ့ဘူးလေ၊ ဟန်ကျင်းယုက ဒီလိုမျိုးသိတတ်မယ်တဲ့လား။ သူတို့မှာ အခြားအကြံတွေရှိနေမယ်လို့ ကျွန်မထင်တယ် ”
ဟန်ချင်စုန့် :“ ဘာကိုရည်ရွယ်ချင်တာလဲ”
လင်းလန် :“ ကျွန်မက ရှင့်ကို အနောက်တံခါးကနေ ရှာကြည့်ခိုင်းမလို့။ ပိုပြီးတော့ သတိထားရမယ်။ ကောင်တီထဲမှာ ရှင့်လက်အောက်ကနေ သူ့ကို အရှက်မရှိတာတွေ ပေးမလုပ်မိစေနဲ့ ၊ ရှင်ဒုက္ခရောက်လိမ့်မယ် ”
(Tn:အနောက်တံခါး -အဆက်အသွယ်)
ဟန်ချင်စုန့်က သူမကိုကြည့်ရန်ရပ်လိုက်ကာ ဖြေးဖြေးချင်းပြောလာ၏။
“ ကိုယ့်အမည်အောက်မှာ ဘယ်သူမှ မကောင်းတာ မလုပ်စေရဘူး ”
အဆုံးတွင် သူက စကားတစ်ခွန်းထပ်ပေါင်းထည့်လာ၏။
“ မင်းကလွဲလို့ပေါ့ ”
လင်းလန်က သူမရင်ထဲတွင် အလွန်ပျော်သွား၏။ ဟန်ချင်စုန့်က သူမအား ရှန်ဖန်းဓား ကိုပေးထားပေသည်။ ထို့နောက် သူမက လေးနက်စွာပြန်ပြောလိုက်သည်။
“ စန်းကော ရှင်ဒီလိုလုပ်လို့မရဘူးနော်၊ အရာရှိအများစုရဲ့ ကျဆုံးခန်းတွေက သူတို့မိန်းမတွေကို ခြွင်းချက်ထားပေးရာကနေ စတင်တယ်ဆိုတာ ရှင်မသိဘူးလား။သူတို့က အရှေ့ပိုင်းမှာ လေးနက်နေပေမယ့် သူတို့မိန်းမတွေကတော့ အနောက်ဘက်ကနေ တရားမဝင်တာတွေ လုပ်နေတာ ”
(Tn: ရှန်ဖန်းဓား- အင်ပါယာကိုင်ဆောင်သောဓား၊ အကြွင်းမဲ့အာဏာရှင်ကို ကိုယ်စားပြုသည်၊ ဟန်ချင်စုန့်က သူ့ကိုအာဏာအပြည့်ပေးထားတယ်လို့ ပြောချင်တာပါ)
“ မင်းက အဲ့လိုလုပ်မှာလား ”
ဟန်ချင်စုန့်က စက်ဘီးကိုလက်တစ်ဖက်တည်းဖြင့် ထိန်းလိုက်ကာ သူ့ဘယ်လက်ဖြင့် သူမခေါင်းကိုပွတ်ပေးချင်လာ၏။ သူမအရပ်ကြောင့် သူလက်မြှောက်လိုက်ရုံဖြင့် ခေါင်းကိုထိနိုင်ပေသည်။
လင်းလန်က သူ့ကိုမော့ကြည့်လာ၏။
“ ကျွန်မအဲ့လိုမလုပ်ဘူးလို့ ရှင်ကဘယ်လိုလုပ်ပြီးသိ......သေချာပေါက် ကျွန်မက အဲ့လိုမလုပ်ဘူးပေါ့၊ ကျွန်မကလည်း ကွန်မြူနတီအဖွဲ့ဝင်ဘဲလေ၊ ညွှန်မှူးဟန်ရဲ့ အုပ်ချုပ်မှုအောက်မှာ ကျွန်မက အရမ်းသစ္စာရှိပြီး ခိုင်မာတဲ့ တော်လှန်ရေးစိတ်ရှိတယ်။ ကျွန်မက ကိုယ့်ကိုကိုယ်တန်ဖိုးထားတယ်၊ ဖျက်လိုဖျက်စီးလုပ်တဲ့သူ မဖြစ်ချင်ပါဘူး ”
ဟန်ချင်စုန့်က မတတ်နိုင်ဘဲ သူ့နှုတ်ခမ်းများကို ကွေးညွှတ်လိုက်မိသည်။ သူ့ကိုယ်သူထိန်းချုပ်မနေတော့ဘဲ တိုက်ရိုက်ပင် သူ့လက်ကြီးဖြင့် သူမခေါင်းကိုထိလိုက်သည်။
“ ရဲဘော်ကောင်းလေးပဲ ”
ကျောင်းနားမှ ဖြတ်သွားသောအခါ ကျောင်းထဲတွင် ရေဒီယိုအသံတစ်ချို့ရှိနေပြီး လင်းပိယောင်ကို ဝေဖန်သုံးသပ်သည့် အသံက ပဲ့တင်ခတ်နေ၏။ ဟန်ချင်စုန့်က တံခါးဝရှိခေါင်းလောင်းကိုတီးလိုက်ကာ လင်းလန်က ရှောင်ဝမ်ကို သွားခေါ်လိုက်၏။
ရှောင်ဝမ်က အထဲမှပြေးထွက်လာ၏။
“ မားမား ဒီကိုလာပြီး ရေဒီယိုနားထောင်ကြည့်လိုက် ”
လင်းလန်က အပြင်လိုက်ထွက်လာသော ဟောင်ဟုန်ကျန်းကို ပြုံးပြလိုက်သည်။
“ ရေဒီယိုရှိတယ်လား ”
ဟောင်ဟုန်ကျန်းက ပြုံးပြလာ၏။
“ ရှန်ယွီနဲ့ ဝမ်ကျွင်းတို့က လာတပ်ပေးထားတာလေ၊ ဒေသတွင်းက ကောင်တီနဲ့ ရေဒီယိုဌာနဆီကဟာတွေကို နားထောင်လို့ရတယ်။ အရမ်းကြည်လင်နေရော ”
လင်းလန်က နားထောင်ကြည့်လိုက်ရာ ၎င်းကအမှန်ပင်ဖြစ်သည်။
“ အမှန်ဘဲ အစိတ်အပိုင်းတစ်ချို့ထပ်ဝယ်ပြီး နည်းနည်းထပ်ဆင်ကြည့်လိုက်ပေါ့ ”
သို့သော်၎င်းက ရေဒီယိုဟူ၍ ပီပီပြင်ပြင်ကြီး မဟုတ်ပေ။ သစ်သားပြားတွင် အစိတ်အပိုင်းများကို ကိုယ်တိုင်တပ်ဆင်ကာ ဂဟေဆော်ရပြီး လိုင်းဖမ်းတိုင်သေးသေးလေးကိုလည်း ကိုယ့်ဘာသာတပ်ရမှာဖြစ်သည်။
Xxxxx
Welcome To MM Storyteller
LOGIN
Welcome To MM Storyteller
REGISTER