Welcome To MM Storyteller
LOGIN
Part 767
သူက သူမအားရှင်းလင်းစွာ ပြစ်တင်ဝေဖန်နေခြင်းဖြစ်သည်။ သူမက သူ့အပေါ်တွင် ဒေါသထွက်ကာ မတူညီမှုများရှိ၏။ သူကဒေါသမထွက်သော်ငြား အလွန်ဂရုစိုက်နေမိဆဲဖြစ်သည်။ အခုမင်းပျော်နေပြီလေ၊ ကိုယ့်ကို တစ်ခုခုမပြောသင့်ဘူးလား။
လင်းလန်က သူမ၏နားလည်သဘောပေါက်နိုင်စွမ်းကို မုန်းတီးမိပေသည်။ သူမက ဘာလို့အမြဲတမ်းလိုလိုပင် သူ့အတွေးတွေကို အတိအကျဖမ်းဆုပ်မိနိုင်ရတာလဲ။
သူမက နားမလည်ယောင်ဆောင်ကာ မျက်တောင်တစ်ခတ်ခတ်ဖြင့် ဟိုဟိုဒီဒီကြည့်နေလိုက်သည်။ ဟန်ချင်စုန့်က သူမမျက်နှာကို ဖိဆိတ်ကာ သူမကိုသူ့ကိုကြည့်လာခိုင်းလိုက်သည်။
လင်းလန်က သူ့ကြောင့် ရယ်မိသွားရသည်။
သူက သူမကိုတိတ်ဆိတ်စွာပင်ကြည့်နေလိုက်သည်။ သူ၏မျက်ခုံး၊မျက်လုံးများက အသက်ဝင်နေကာ သူ့အားအမြဲတမ်းတွယ်ညှိစေနိုင်သော တစ်စုံတစ်ခုက သူ့မျက်လုံးများထဲရှိနေသလိုပင်။ ၎င်းက သူ့နှလုံးသားကို နူးညံ့စေပြီး ယားယံကာ အရည်ပျော်စေနိုင်၏။ တစ်ခါတစ်ရံတွင်သူက ၎င်းအား တစ်ခုခုနှင့်ဖော်ပြချင်မိသည်။ သို့သော် သုမပြောနိုင်ပေ၊ မည်သို့ပြောရမည်ကို မသိသောကြောင့် သူက၎င်းအား လုပ်ဆောင်ပြီးသာပြနိုင်သည်။ သူ၏အမြင်တွင် သူ့ဇနီးနှင့်ချစ်တင်းနှောခြင်းသည် တိတ်တဆိတ်ဖော်ပြမှုပင်ဖြစ်သည်။ သူမပေါ်သူ၏ စွဲဆောင်မှုများနှင့် နှစ်သက်သဘောကျမှုများကို ထာတ်ဖော်ပြခြင်းဖြစ်သည်။
သူက 'ငါတို့ချင်းနောက်ကျမှတွေ့ခဲ့ရတယ်၊ ကံတရားကငါတို့ဘက်မှာမရှိဘူး ' ဤကဲ့သို့သော ခါးသီးသည့် စကားမျိုးကို မပြောနိုင်ပေ။ သို့သော်ငြား သူ့ရင်ထဲတွင် ခံစားချက်များ ပြည့်နှက်နေပေသည်။ သူမကိုရယူရန် ဘယ်သောအခါမှ နောက်ကျသည်ဟူ၍မရှိပေ။ သူမကို ရယူနိုင်သည်နှင့် တစ်သက်လုံးအလွတ်ပေးတော့မည်မဟုတ်ပေ။
ထို့ကြောင့် 'လင်းလန်က မနက်ဖြန်စောစောထရမှာ၊ သူ့ကိုစောစောအိပ်ခိုင်းသင့်သည်' ဟူသော အတွေးမျိုးက သူ့မျက်လုံးထဲမှပျောက်ကွယ်သွားသည်။ သူမပျော်နေပြီး သူလည်းပျော်နေသောအခါ တစ်ခုခုမလုပ်လိုက်ရပါက သူ့ကိုယ်သူသာ တောင်းပန်နေရလိမ့်မည်။
ကံကောင်းထောက်မစွာဖြင့် ညွှန်မှူးဟန်က သတိရှိကာ ထိန်းချုပ်နိုင်သောကြောင့် သူမအား ညသန်းခေါင်းအထိ ပင်ပန်းအောင်မလုပ်လိုက်ပေ။ ထို့ကြောင့် လင်းလန်က ညဘက်တွင်ချမ်းသာမည်ဟုသော အိပ်မက်ကို မက်နိုင်သွားလေသည်။
သူမက ကျောက်မျက်ရတနာတောင်ကြီးပေါ်တွင် ရပ်နေသည်ဟု အိပ်မက်မက်ကာ သူမလက်များကိုရမ်းပြီး ဟန်ချင်စုန့်ကိုပြောလာ၏။
“ စန်းကော ကျွန်မက ဒီတောင်ကို ကန်ထရိုက်ဆွဲလိုက်ပြီ။ ဟားဟားဟား”
နောက်ဆုံးတွင် သူမက တခစ်ခစ်ရယ်သံနှင့်အတူအိပ်ရာနိုးလာလေသည်။
ဤအချိန်တွင် မှောင်နေဆဲဖြစ်သော်ငြား ဟန်ချင်စုန့်ကမူ အိပ်ရာနိုးနေပြီဖြစ်သည်။ သူ့အဝတ်များကိုဝတ်ပြီး ကုတင်ပေါ်မှာဆင်းလိုက်မည့်အချိန်တွင် သူမ၏ရယ်သံကြောင့် သူ့ဦးရေပြားတစ်ခုလုံး ထုံကျင်သွားရလေသည်။ သူ လင်းလန်၏တလက်လက်တောက်နေသော မျက်လုံးများကို လှည့်ကြည့်လိုက်သည်။
လင်းလန်က မျက်တောင်ခတ်ကာ သံသယဖြင့်ဆို၏။
“ စန်းကော ကျွန်မရဲ့ကျောက်ရိုင်းတွင်းရော၊ ရှင်ကဘယ်လိုဖြစ်လို့ အစောကြီးပြန်ရောက်လာတာလဲ”
ဟန်ချင်စုန့်:“.....”
လင်းလန်က စိတ်ကသိကအောက်ဖြစ်စွာထထိုင်လိုက်သည်။ ငါ့ကျောက်တွင်းကြီးဘယ်မှာလဲ။
ထို့နောက် သူမခြံဝန်းထဲမှ ကလေးများ၏ လှုပ်ရှားနေသောအသံကိုကြားလိုက်လေသည်။ ထိုအခါ သူမကချက်ချင်းပင် သတိပြန်ဝင်သွားသည်။ သူမကအလျင်အမြန်ပင် အဝတ်ဝတ်လိုက်သည်။
“ တဝမ်အတွက် မနက်စာလုပ်ပေးရဦးမယ်”
ဟန်ချင်စုန့်က သူမအား အိပ်ရာမထဘဲခဏလောက်ဆက်အိပ်ရန် ပြောချင်သော်ငြား သူမ၏ပုံစံသည် နားထောင်မည့်ပုံမပေါ်သောကြောင့် ဘာမှမပြောတော့ပေ။
တဝမ်က စောစောထွက်သွားချင်သောကြောင့် လင်းလန်က သူ့အတွက် ကြက်ဥပန်ကိတ်နှင့် ကြက်ဥပြုတ်များလုပ်လိုက်သည်။ ကြက်ဥ၊ဆီနှင့် ခေါက်ဆွဲတို့သည် သူ့အတွက် အာဟာရအပြည့်ပါရှိသည်။ တဝမ်ကို သူက များများစားခိုင်းလိုက်သည်။ သူမချက်ပြုတ်နေစဉ်တွင် အားဝမ်ကို ပဲနို့ကြိတ်ခိုင်းလိုက်၏။ ဂျုံရွက်များကို မီးကင်ကာ သကြားထည့်ပြီးနောက် တဝမ်အတွက် စစ်တပ်သုံးကရားတစ်ခုဖြင့် ဖြည့်ပေးလိုက်သည်။ နောက်ကရားတစ်ခုကိုမူ ရေနွေးကျိုထားလိုက်၏။
ကြက်ဥမွှေကြော်ထဲတွင် အစိမ်းရောင်ကြက်သွန်မိတ်နှင့် ကျောက်စိမ်းဖြူရောင် နွေကြက်သွန်နီတို့ထည့်ထားသောကြောင့် အရောင်အသွေးစုံလင်ကာ အနံ့အရသာနှင့်ပြည့်စုံနေ၏။ အထူးသဖြင့် အနီရောင်ငရုတ်သီးဆော့စ်ဖြင့် နှစ်လိုက်သောအခါဖြစ်သည်။
တဝမ်က ဗိုက်ပြည့်လာသည်ဟု ခံစားမိလာသည်။
လင်းလန်ကလည်း သူ့လွယ်အိတ်ထဲသို့ ပစ္စည်းတစ်ချို့ ခိုးထည့်ပေးချင်သော်ငြား တဝမ်က တိတ်ဆိတ်စွာတားလာလေသည်။ ဤလေ့ကျင့်မှုသည့် သန့်စင်သောကိုယ့်အားကိုယ်ကိုမှုကိုလေ့ကျင့်ခြင်း ဖြစ်သည်။ မဟုတ်ပါက သူ့ကိုယ်သူလှည့်စားရာကျပေလိမ့်မည်။
လင်းလန်လည်း နားလည်သောကြောင့် သူ့ပုခုံးကိုပုတ်ပေးလိုက်သည်။
“ ကြိုးစား”
တဝမ်က သူမနဖူးနှင့် ဆံပင်ပေါ်တွင် ဂျုံမှုန့်များကပ်နေသည်ကို မြင်လိုက်၏။ ၎င်းတို့ကြောင့် သူမဆံပင်ကဖြူဖွေးနေသလိုပင်။ တဝမ်က ခဏလောက်တွန့်ဆုတ်မိသွားသည်။ ထို့နောက် လက်ဆန့်ကာ သူမဆံပင်ပေါ်မှာဂျုံမှုန့်များကို ဖယ်ပေးလိုက်သည်။
လင်းလန်:“.....” တဝမ်ရေ၊ သားမားမားရဲ့ခေါင်းကို ညီလေးတစ်ယောက်ကို ထိသလိုထိရလား။
မိုင်စွေ့နှင့် အားဝမ်သည်လည်း ခနလောက်ကြောင်အသွားကြသည်။
အကြီးဆုံးအစ်ကိုက ဘယ်လိုတောင်လုပ်ရဲတာလဲ။
ဟန်ချင်စုန့်က မျက်မှောင်ကြုတ်သွားကာ တစ်ချက်လှမ်းကြည့်လာ၏။ အသိအသာကို သူ့မျက်နှာက ပျော်ရွှင်မနေပေ။
တဝမ်:“....မားမား...ခေါင်းပေါ်မှာ ဂျုံမှုန့်တွေရှိနေလို့ ”
လင်းလန်က ရယ်လိုက်၏။
“ ဘာမှမဖြစ်ပါဘူး။ သားဗိုက်ဝပြီလား။ ထပ်စားဦးလေ ”
သူမက ကြက်ဥမွှေကြော်တစ်ခုကို ယူကာ သူ့အတွက် လိပ်ပေးလိုက်သည်။
တဝမ်:“...သားဗိုက်ပြည့်ပါပြီ”
ဟန်ချင်စုန့်:“သွားကြမယ်”
လင်းလန်:ရှင်က ကျွန်မသားကို ဘယ်လိုတောင်မောင်းထုတ်ချင်နေတာလဲ။ သူ့ကိုစောစောသွားခိုင်းနေတယ်။ အပြင်မှာမှောင်နေတုန်းပဲလေ။
သို့သော်ဤအချိန်တွင်စောစောထွက်ပါက စောစောရောက်မည်ကို လင်းလန်နားလည်သည်။ ထို့ကြောင့် သူမက တဝမ်ကို လိုက်ပို့လိုက်သည်။ တဝမ်က ရေဘူး၊ သဘက်နှင့် သူ့အဝတ်များကိုသယ်လိုက်သည်။ ခြံဝန်းထဲမှထွက်လာပြီးနောက် တဝမ်က လင်းလန်တို့ကို ဆက်ပြီးလိုက်မပို့ရန်ပြောလိုက်သည်။
တဝမ်က အရှေ့ဘက်ရှိအဓိကလမ်းမကြီးအတိုင်းသွားမည့်အစား အနောက်ဘက်ရှိလမ်းသွယ်လေးဆီကိုသာ သွားလိုက်သည်။
တဝမ်၏နောက်ကျောကို မမြင်နိုင်တော့သောအခါ လင်းလန်တို့က အိမ်ထဲပြန်ဝင်လိုက်ကြသည်။ သူမအိမ်ထဲရောက်လာသောအခါ အပ်ချုပ်စက်ပေါ်တွင် အပြာရောင်ကျောက်တုံးလေးကို တွေ့လိုက်ရလေသည်။
သူမက၎င်းကို သဘောကျသည်ကို သူကြားခဲ့သောကြောင့် ပေးထားခဲ့ခြင်းဖြစ်သည်။
လင်းလန်: ....အိုးး ငါ့ရင်ထဲအရမ်းထိသွားပါပြီနော်၊ ငါ့သားကြီးက ငါ့အတွက်နီလာကျောက်ကြီးပေးခဲ့တာ။
တွေးကြည့်လိုက်ပြီးနောက် သူမ၎င်းကို ဗီရိုထဲထည့်လိုက်၏။ သူမအချိန်ရလျှင် မြစ်ကမ်းဘေးသို့သွားကြည့်ရမည်။ ကံကောင်းလျှင် တစ်ခုလောက်ကောက်ရနိုင်ပေသည်။
သူမဤအကြောင်းနှင့် ပတ်သက်ပြီး အစိုးရကိုတင်ပြရမလားဟု တွေးမိသည်။ အကယ်၍ တကယ်သာကျောက်ရိုင်းတွင်းရှိနေပါက သဘာဝသယံဇာတအားလုံးသည် နိုင်ငံတော်နှင့်သာသက်ဆိုင်ခြင်းရှိသည်။
Xxxxxx
Part 768
သို့သော်အခုချိန်တွင် သူမသတင်းပို့လိုက်လျှင်တောင်မှ မည်သူကမှဂရုစိုက်ကြမည်မဟုတ်ပေ။ အခုကာလများတွင် ရွှေတွင်း၊ငွေတွင်း၊ သံရိုင်း၊ ကြေးနီတွင်းများနှင့် အခြားသတ္တုများကိုသာ အလေးပေးကြသည်။ အခြားသောကျောက်မျက်ရိုင်းများသည် လျစ်လျူရှုခံထားရသောကြောင့် သူမပြောသည်ကို နားထောင်ပေးလိုသူရှိမှသာ ကျောက်ရိုင်းတွင်းကို ကိုင်တွယ်နိုင်မှာဖြစ်သည်။ အခုချိန်များတွင် လူများက အလုပ်ကြိုးစားခြင်းနှင့် ရိုးရှင်းစွာနေထိုင်ခြင်းတို့ကိုသာ ထောက်ခံကြပြီး အနီရောင်အဝတ်အစားများကို မနှစ်သက်ဘဲ ကြည်းရေလေတပ်မတော်ပုံစံဝတ်စားမှုဘက်သာ အလေးသာကြ၏။ ကျောက်မျက်ရတနာများကဲ့သို့ အရင်းရှင်ဝါဒ၏အရိပ်အယောင်များထင်ဟပ်စေသောအရာများကို ခေတ်စားလာခွင့်မပြုချေ။
ထို့နောက်တွင် လင်းလန်နှင့် ဟန်ချင်စုန့်တို့က အလွန်အလုပ်များလာကြသည်။
လင်းလန်က ကွန်မြူနတီထဲတွင် အစည်းအဝေးပြုလုပ်ရရုံတင်မက၊ ကျေးလက်သို့သွားကာ သတင်းပြန်ကြားရေးနှင့် လေ့လာသင်ယူမှုများကို စီမံပေးရ၏။ ဤအခွင့်ရေးကို အခွင့်ကောင်းယူကာ သူမက မြေရှင်ယာရှင်ကံကြွေးချစနစ်ကို အယူသည်းခြင်းအားတိုက်ဖျက်ခြင်း၊ သမားရိုးကျပုံသေဖြစ်နေသော အကျင့်ဆိုးများကိုဖျက်ဆီးခြင်း၊ ဆွေမျိုးနီးစပ်များကြားလက်ထပ်မှုကိုတားမြစ်ခြင်း၊ ကလေးသူငယ်အိမ်ထောင်ပြုခြင်းကိုတားမြစ်ခြင်းနှင့် အမျိုးသမီးများအားရောင်းချခြင်းတို့ကို တိုက်ဖျက်ရန် မဲဆွယ်စည်းရုံးခဲ့သည်။ ထိုမျှသာမက အမျိုးသမီးတစ်ဦး၏အဆင့်အတန်းကို မြင့်တင်ရန်၊ ကလေးများအားကာကွယ်မှုပေးရန် အစရှိသည်တို့ကိုလည်း အားစိုက်ထုတ်ခဲ့သည်။
သူမက အမျိုးသမီးများနှင့်ကလေးများအား အကြမ်းဖက်ခြင်းကို ပြင်းထန်စွာတိုက်ထုတ်ရန်အတွက် ဝါဒဖြန့်ချီရေးဌာနကိုလည်း အမျိုးသမီးရေးရာ၊ ပြည်သူ့လုံခြုံရေးဗျုရို၊ စစ်ဘက်အရာရှိများနှင့် ပူးပေါင်းလုပ်ဆောင်ရန် အကြံပြုခဲ့သည်။ အဖွဲ့ဝင်များအား သတင်းပို့ရန် အားပေးကာ သတင်းကိုအတည်ပြုပြီးပါက ဂျုံငါးကတ်တီကို ဆုချမှာဖြစ်သည်။ ထို့နောက် ကွန်မြူနတီထဲတွင် အရင်းရှင်စနစ်အား တစ်ရှိန်ထိုးတိုက်ထုတ်ရေးကိုလည်း လုပ်ဆောင်ခဲ့သည်။ အမျိုးသမီးနှင့် ကလေးများကိုလည်း စာလေ့လာရန်၊ မိမိကိုယ်ကိုထုတ်ဖော်နိုင်ရန် စီစဉ်ပေးပြီး တပ်မဟာထဲတွင် ပုန်းအောင်းနေသော အဓ္ဓမကျင့်သူများ၊ အမျိုးသမီးနှင့်ကလေးများအား ကိုယ်ထိလက်ရောက်စော်ကားသူများကိုလည်း ရှာဖွေခဲ့သည်။
ထိုအရာကိုတွေးကြည့်လိုက်ပြီးနောက် လင်းလန်က အသေးစိတ်အစီအစဉ်ချကာ ဝန်ကြီးကျွမ်းအား တင်ပြလိုက်သည်။ ဤအကြောင်းအရာကို မည်သို့စီစဉ်ရမည်၊ အမှတ်များ၊ လိုင်းများနှင့် ဒေသဧရိယာများကို ဘယ်လိုပေါင်းစပ်ရမည်၊ ဝါဒဖြန့်ချီရေးဌာနတစ်ခုလုံးက မည်သို့ပူးပေါင်းဆောင်ရွက်ရမည်၊ အစရှိသည်တို့ကို ရှင်းလင်းစွာ စာရင်းပြုစားထား၏။
ဝန်ကြီးကျွမ်းက စားပွဲကို ပုတ်လိုက်မိသည်။
“ ကောင်းတယ် ”
အရာရှိလင်းလန်ကို ဝင်ခွင့်ပြုလိုက်သည်မှာ ပညာရှိသောလှုပ်ရှားမှုဖြစ်ရုံတင်သာမက အလုပ်တွင် ပိုပိုပြီး အဆင်ပြေချော့မွေ့လာခဲ့ပေသည်။ သူက ကောင်တီရှိ သတင်းပြန်ကြားရေးဌာနမှ မော်ဒယ်တစ်ယောက်ကဲ့သို့ ပိုပိုတူလာလေသည်။ ဝန်ကြီးကိုယ်၌ကိုက မျက်နှာပန်းလှနေသည်။
(Tn: မော်ဒယ်နဲ့တူလာတယ်ဆိုတာက သူဘာမှသိပ်မလုပ်ရဘူး၊ ကိုယ်ဟန်ပြမော်ဒယ်လိုငြိမ်ငြိမ်လေးထိုင်နေရရုံဘဲလို့ ပြောချင်တာ )
“ ဒီအတိုင်းဘဲ စီစဉ်လိုက်ပါ၊ လူတိုင်းက ဘယ်သူဘာလုပ်ရမယ်ဆိုတာကို မင်းဆုံးဖြတ်လိုက်။ ငါဝန်ကြီးကိုယ်တိုင် မင်းနဲ့ ပူးပေါင်းမယ် ”
ဝန်ကြီးကျွမ်းက အလွန်ပျော်နေသည်။
လင်းလန်က ပြုံးလာလေသည်။
“ ဝန်ကြီး ဒီစကားကိုက ရှင့်ရဲ့ အကြီးမားဆုံးသော ထောက်ပံ့မှုကြီးပါ ”
သဘာဝအားဖြင့် ဤအလုပ်ကို ဝါဒဖြန့်ချီရေးအလုပ်သမားအနည်းငယ်ဖြင့် လုပ်ဆောင်နိုင်မည်မဟုတ်ပေ။ တပ်မဟာတစ်ခုလုံးရှိဝါဒဖြန့်ချီရေးအလုပ်သမားများနှင့် ကျယ်ပြောသောလူပမာဏကို စုဆောင်းရမည်ဖြစ်သည်။ဤသို့ဖြင့် သူတို့ဝါဒဖြန့်ချီရေးဌာနမှသူများသည် ကျေးလက်များသို့ကွင်းဆင်းကြရမှာဖြစ်သည်။
ဝန်ကြီးကျွမ်းက မှတ်မိသွား၏။
“ ငါတို့ဝါဒဖြန့်ချီရေးဌာနက နောက်ထပ်စက်ဘီးတစ်စီးထောက်ပံ့ပေးရမယ်၊ အဲ့ဒီတော့ မင်းအတွက် တစ်စီးထောက်ပံ့ပေးမယ်”
ဝါဒဖြန့်ချီရေးဌာနမှ တာဝန်ရှိသူများသည် တစ်ခါတစ်ရံတွင် ကျေးလက်ဒေသများကို သွားရသောကြောင့် စက်ဘီးများကိုမရှိမဖြစ်လိုအပ်ကြသည်။ ခြေထောက်နှစ်ဖက်ထဲနှင့် ရွာနှစ်ရွာကို လမ်းလျှောက်သွား၍မရပေ။ မူလအားဖြင့် သူတို့၏ဝါဒဖြန့်ချီရေးဌာနတွင်လူလေးယောက်ရှိပြီး စက်ဘီးသုံးစီးရှိ၏။ သူ့အတွက်တစ်စီး နှင့်လက်ထောက်ဝန်ကြီးအတွက်တစ်စီး၊ ကျန်လူနှစ်ယောက်အတွက် တစ်စီးဖြစ်သည်။ ချောင်ကွမ်းရုန်တွင်ကိုယ်ပိုင်စက်ဘီးရှိသော်ငြား လင်းလန်တွင်မရှိပေ။
လူသုံးယောက်ကိုခွဲဝေ၍မရနိုင်သောကြောင့် စက်ဘီးတစ်စီးထပ်ပေါင်းထည့်ရမည်ဖြစ်သည်။ အရင်အတိုင်းသာဆိုပါက ညွှန်မှူးရုံးသို့သွားကာ အစီရင်ခံကာ အခြားဌာနများတွင် ပြောင်းရွှေ့သူရှိ၊ မရှိကြည့်ပြီးကာမှ အသစ်တစ်ခုကို ကေဒါများဆီသို့ လွှဲပေးလာမှာဖြစ်သည်။
အခုတွင် ဝန်ကြီးကျွမ်းက ထိုသို့မလုပ်ချင်ပေ။ သူကဝါဒဖြန့်ချီရေးဌာနအတွက် စက်ဘီးတစ်စီးလိုချင်ကာ လင်းလန်ကိုပျော်သွားအောင်လုပ်ချင်ပေသည်။
အိုးး ပျော်ရွှင်မှုက မမျှော်လင့်ဘဲရောက်လာတာပဲ။ ငါ့ကိုစက်ဘီးတစ်စီးပေးလာတယ်။
လင်းလန်:“ ကျေးဇူးပါနော် ဝန်ကြီးကျွမ်း”
အခုကာလများတွင် တစ်ဦးတည်းအပိုင် စက်ဘီးများဝယ်ရန်မှာ မလွယ်ကူပေ။ သို့သော်ငြား အစိုးရအေဂျင်စီများအတွက် ရုံးသုံးစက်ဘီးများကိုမူ လျှောက်ထား၍ရနေဆဲဖြစ်သည်။ ထောက်ခံစာရပြီးပါက ကောင်တီ၏ထောက်ပံ့ရေးနှင့် ဈေးကွက်တင်ပို့ရောင်းချရေးအေဂျင်စီသို့သွားကာ ယူနိုင်သည်။ ၎င်းကလည်း ကွန်မြူနတီ၏အဆင့်အတန်းနှင့် အနေအထားပေါ်မူတည်ပေသည်။ အကယ်၍ကွန်မြူနတီက အဆင့်မြင့်ပြီး လူသိများပါက အထက်ပိုင်းမှပို၍လျင်မြန်စွာ ထောက်ခံပေးကြလိမ့်မည်။
သူတို့၏ကွန်မြူနတီသည် ပြည်သူ့လုံခြုံရေးဗျူရို၏လက်ထောက်ညွှန်မှူးရှိနေသည်မှာ အခွင့်ကောင်းဖြစ်သည်။ လင်းလန်ကလည်း အလံနီကိုင်ဆောင်သောဝါဒဖြန့်ချီရေးအရာရှိဖြစ်သောကြောင့် လျင်မြန်စွာပင် အသိအမှတ်ပြုခံလိုက်ရသည်။
ထို့ကြောင့် နှစ်ရက်အကြာတွင် လင်းလန်ကအထူးတလယ်စက်ဘီးတစ်စီးရလာသည်။ သက်တမ်းရှည်ဘရန်းဖြစ်ပြီး ဟန်ချင်စုန့်စီးနေသောတစ်ခုထက် ပိုကောင်း၏။ ၎င်းက ယွမ်200နီးပါးတန်ဖိုးရှိ၏
“ အရာရှိလင်းလန် ဒီစက်ဘီးကမင်းအတွက်ဘဲ ကောင်းကောင်းထိန်းသိမ်းပါ”
ဝန်ကြီးကျွမ်းက ကိုယ်တိုင်ကိုယ်ကျပင် ပိတ်စနီချိတ်ထားသော သော့ကို လင်းလန်အားပေးလာ၏။
အခြားသူများက မနာလိုဖြစ်ကြကာ လက်ခုပ်တီးပေးလာကြသည်။
“ အရာရှိလင်း ဂုဏ်ပြုပါတယ်”
လင်းလန်သည်လည်း အလွန်ပျော်သွား၏။
“ အကုန်တူတူပျော်ကြတာပေါ့ ”
ဤအရာကိုမြင်သောအခါ ယွီရှင်းကနှုတ်ခမ်းစေ့လိုက်ပြီး ညွှန်မှူးရုံးခန်းသို့သွားလိုက်သည်။
“ ညွှန်မှူး ကျွန်မရော ဘယ်အချိန်ကျ စက်ဘီးရမှာလဲ ”
ညွှန်မှူးယန်က ကျေးလက်သို့သွားမည့် အရာများကို စီစဉ်ရင်းအလုပ်များနေ၏။ အခုချိန်တွင် သူက ၎င်းတို့ကိုနွေရာသီအတွက် တာဝန်ယူရမည်ဖြစ်ကာ နှစ်လအတွင်းတွင် ကောက်ရိတ်သိမ်းပြီး ဆောင်းတွင်းတွင် စိုက်ပျိုးရလိမ့်မည်။ အရာအားလုံးကို ကွန်မြူနတီမှ ကြီးကြပ်ရမှာဖြစ်သည်။ အစားအစာကိုလျော့စိုက်ကာ စီးပွားဖြစ်လယ်ယာများကို ပိုစိုက်ပျိုးရမည်။ တပ်မဟာအတွက် အဆီစေ့များနှင့် ဝါဂွမ်းများထောက်ပံ့ပေးရမည်။
“ မင်းမှာ စက်ဘီးရှိတယ်မဟုတ်ဘူးလား”
“ စုတ်ပြတ်နေတဲ့ဟာကို စက်ဘီးလို့ခေါ်လို့ရလို့လား ဘီးတွေက ပြန်ပြင်ထားတာအကြိမ်ပေါင်းမနည်းတော့ဘူး၊ အဆို့ရှင်တွေကလည်းကျိုးနေပြီ။အပြင်ဘက်စက်ဘီးတာရာတွေကလည်း စုတ်ပြဲနေပြီး ဘီးခွေကလည်း ပုံစံမပေါ်တော့ဘူး။ စက်ဘီးစီးတဲ့အခါတိုင်းချိန်းကကျနေတယ်၊ ဘောင်းဘီစကိုကိုင်ပြီး နောက်ထိုင်ကလည်းမရှိတော့ တစ်ကိုယ်လုံးကို ရွံ့ထဲပစ်ချနေရသလိုဘဲ ”
ဘယ်လိုဘဲဖြစ်ဖြစ် ဘာတစ်ခုမှအဆင်မပြေတော့ဘူး အသစ်တစ်ခုနဲ့လဲမှရမယ်။
ညွှန်မှူးယန်:“ မင်းရုံးမှာဘာလို့ သွားမလဲကြည့်တာလဲ။ ဘယ်လိုဘဲဖြစ်ဖြစ် အဲ့ဒါကအများသုံးပဲလေ ဘယ်သူဘဲစီးစီးပေါ့”
ယွီရှင်းမျက်လုံးများက အရောင်ထွက်လာ၏။
“ အခုဘဲဝါဒဖြန့်ချီရေးဌာနက စက်ဘီးအသစ်တစ်စီးရလာတယ်၊ လင်းလန်အတွက်တဲ့၊ သက်တမ်းရှည်တဲ့စက်ဘီးနော်။ ယွမ်200လောက်ရှိတယ်။ အရမ်းဘက်လိုက်တာပဲ”
သူအဲ့ဒါနဲ့လဲချင်တယ်လို့။
လက်ထောက်ညွှန်မှူးယန်က အလွန်ရှက်သွားသည်။
“ ကောင်းပြီလေ၊ မင်းတစ်ယောက်ယောက်နဲ့ လဲပေါ့”
Xxxxxxxx
Welcome To MM Storyteller
LOGIN
Welcome To MM Storyteller
REGISTER