Welcome To MM Storyteller
LOGIN
Part 793
ဆယ်နာရီထိုးသောအခါ ကေဒါအများစုက ပင်ပန်းလာကြသဖြင့် အစည်းအဝေးကိုခဏရပ်ကာ မနက်ဖြန်မှဆက်ဆွေးနွေးရန် လုပ်လိုက်ကြသည်။
ဟန်ချင်စုန့်က ညွှန်မှူးဟောင်းနောက်ကို လိုက်သွား၏။
ညွှန်မှူးဟောင်းက သူ့ကိုတစ်ချက်ကြည့်လိုက်ကာ သဘာဝကျစွာပင် သူဆိုလိုချင်သည်ကို သိလိုက်သည်။
“ ချင်စုန့် ငါကမင်းဘော့စ်ဆိုရင်တောင်မှ ငါ့မှာ မင်းရဲ့နုတ်ထွက်စာကို လက်ခံပေးခွင့်မရှိဘူး၊ ပါတီကလူတွေက မင်းကိုခန့်ထားတာ၊ မင်းအလုပ်ထုတ်ခံလိုက်ရတာက လွဲပြီး အလုပ်ထွက်ခွင့်မရှိဘူး။ ငယ်နေတဲ့အချိန်မှာ မင်းကတိုက်ခိုက်နေသင့်တာ နောက်ဆုံးအချိန်ထိ”
“ တကယ်လို့ ကျွန်တော်သာဝေစုတွေကို မယူပေးနိုင်ရင် ချင်းရှီကွန်မြူနတီရဲ့ ဒေါသကို
ဖြေလျှော့ပေးနိုင်မှာ မဟုတ်ဘူး၊ ဒါကြောင့် ကျွန်တော်က အပြစ်ကိုဝင်ခံလိုက်ပြီး နုတ်ထွက်လိုက်သင့်တာ”
“လူငယ်လေး အရမ်းဒေါသထွက်မနေပါနဲ့၊ ဆွေးနွေးဖို့ အစည်းအဝေးမရှိသေးဘူး၊ ညွှန်မှူးကျား အာဏာပြလာဝာာကို စောင့်ကြည့်နေလိုက်”
ညွှန်မှူးဟောင်းက လက်ရမ်းပြလိုက်သည်။
“ငါ့အတွပ်တော့မဖြစ်ပါဘူး ငါက သေလောက်အောင် အိုစာနေပြီဘဲ၊ မင်းတို့လူငယ်လေးတွေလောက် အင်အားမရှိတော့ပါဘူးကွာ”
ဟန်ချင်စုန့်၏မျက်နှာကပင်ပန်းမနေပဲ သူ့မျက်လုံးများက တောက်ပနေဆဲဖြစ်သည်ကို မြင်လိုက်ရသောအခါ သူတကယ် မနာလိုဖြစ်မိသွား၏။ သူကျ ဘာမှမလုပ်လျှင်တောင်မှ နှစ်ရက်လောက်မအိပ်ရသေးသလို ခံစားနေရကာ ဆယ်နာရီကျော်မအိပ်သေးဘူးဆိုပါက အရမ်းအင်အားကုန်ဆုံးသွားပြီဖြစ်သည်။
ညွှန်မှူးဟောင်းက အလျင်အမြန်ပင်ထွက်ပြေးသွားကာ ကေဒါဟောင်းများက ဘယ်လိုနေမကောင်းနေသည်ဟူသော အရာများကို မမြင်လိုက်ရပေ။
ဟန်ချင်စုန့်ပြန်လာသောအခါ လက်ထောက်ဗျူရိုမှူးလီ၏ တားခြင်းကိုခံလိုက်ရသည်။
“ဟန်ချင်စုန့် မင်းလုပ်ရဲလား”
လက်ထောက်ဗျူရိုမှူးလီက အလွန်ဒေါသထွက်နေ၏။
ဟန်ချင်စုန့်:“ ဘယ်လိုဘဲဖြစ်ဖြစ် ကျွန်တော်တို့က ကသောင်းကနင်းဖြစ်နေတာတွေကို ပိုင်းခြားရမှာဘဲလေ”
“မင်းလုပ်ချင်သလိုလုပ်၊ ငါမပြောတော့ဘူး”
လက်ထောက်ဗျူရိုမှူးလီက ဒေါသတကြီးနှင့်ပင် ပြန်ထွက်သွားရ၏။သူကတကယ်ကို တစ်ချက်လေးတောင် မကြည့်ချင်ပေ။
ကောင်းဝေ့တုန်းနဲ့ လက်တွဲရတယ်လို့။
ဘာလို့ ကိုယ့်ဘာသာမိန့်ခွန်းမလုပ်လိုက်လဲ။ ဘာလို့ဒီလိုရိုးရှင်းတဲ့အရာလေးကို မှန်ကန်အောင်မလုပ်နိုင်ရတာလဲ။ တကယ်တော့ ရိုးရှင်းနေတဲ့ကိစ္စပဲကို။ မှန်သွားပြီဆိုရင်တောင်မှ အဲ့ဒါက အရင်တုန်းက မှားနေခဲ့ဖူးတယ်လို့ ဆိုလိုတာမလား။ ရန်ပွဲတွင် ရှူံးနိမ့်ခဲ့ရသည့် ပြီးခဲ့သည့် ဆုံးဖြတ်ချက်ချသူများမှ လွှဲလျှင် အခြားဆုံးဖြတ်သူများမှာ စီရင်စုနှင့် အခြားဝေးလံသည့် ကော်မတီပါတီများမှဖြစ်သည်။ ခေါင်းဆောင်အိုကြီးတွေရဲ့ ပေါ်လစီဟောင်းကို ဘယ်လိုလုပ်ရင် တိုက်ရိုက်ငြင်းဆိုနိုင်မှာလဲ။ ခေါင်းဆောင်ဟောင်းများက လှုပ်တောင်မလှုပ်သေးပေ။
ဤကိစ္စနှင့် ပတ်သက်ပြီး သံသယဝင်စရာများရှိနေ၏။အစပိုင်းကတည်းက ဆန်စပါးပြန်လည်ရောင်းချမှုကို ဖျက်သိမ်းခဲ့သော်လည်း ချင်းရှီကွန်မြူနတီကကျ ဘာလို့မဖျက်သိမ်းခဲ့ဝာာလဲ။
ထိုအကြောင်းပြောရလျှင် ပုံပြင်ဟောင်းတစ်ပုဒ်လည်းရှိနေ၏။ ၎င်းက လူအများကြားထဲမှ ညစ်ပတ်နေသောအရာများထက် မပိုပေ။
ထိုအချိန်တွင် ပါတီကွန်မြူနတီ၏အုပ်စုနှစ်ခု က အပြင်းအထန်တိုက်ခိုက်နေကြကာ ဘယ်သူကမှ တစ်ဖက်လူအပေါ် မနာခံချင်ကြပေ။ ဘယ်လိုဘဲဖြစ်ဖြစ် ၎င်းက သူတို့တစ်ခုခုလုပ်နေဖို့သာဖြစ်သည်။မှန်သည်ဖြစ်စေ၊ မှားသည်ဖြစ်စေ အရင်ဆုံးငြင်းဆန်ရမည်ဖြစ်သည်။နှစ်ဖက်လူများက ဒီအတိုင်းလက်သီးပုန်းထိုးနေကြ၏။
ရလဒ်အနေဖြင့် ကျားနှစ်ကောင်ကိုက်သောအခါ အခြားသူများအားမြေစာပင်ဖြစ်ခွင့်ပြုလိုက်သလို ဖြစ်သွား၏။
ချင်းရှီကွန်မြူနတီက အပြစ်မရှိသူများကြားတွင် ရှုပ်ထွေးခံလိုက်ရသည့် ကံမကောင်းသည့် လူတစ်ဦးလိုပင်ဖြစ်ကာ ဆယ်နှစ်ကျော်လာသည့်တိုင်အောင် အမှန်မပြင်နိုင်ခဲ့ပေ။
မကိုင်တွယ်နိုင်ပါက လူခေါ်ပြီး အကူညီလျှောက်ထားသင့်တာ မဟုတ်ဘူးလား။ ဒါဆို ဘယ်သူက လျှောက်လာလဲ။ ဒီစိုက်ခင်းအကြောင်း ဘယ်သူပြောပြလာလဲ။ဒါက ခေါင်းဆောင်ဟောင်းရဲ့ ဒဏ်ရာကို ဓားထိုးလိုက်ဝာာဘဲမလား။ မရှက်မိဘူးလား။
ဘယ်တော့မှ ထုတ်ပြောမှာမဟုတ်ဘူးဆိုပြီးရည်ရွယ်ချက်ရှိရှိ မေ့လိုက်တာများလား။
'နောက်ဆုံးတော့ တစ်ယောက်ယောက်က သတိပြန်ပေးလာရော။ ဟားဟားး ဆုံးဖြတ်ချက်ချနိုင်တဲ့ ကေဒါအားလုံးက အခုချိန်မှာ နောက်ဆုံးပြောခွင့်ရှိနေတုန်းဘဲ၊ အခုချိန်မှာ စည်းမျဉ်းစည်းကမ်းတွေက သူတို့ကြောင့် ဖြန်ဖြေခံလိုက်ရပြီ။ သူတို့အားလုံးက အပြောင်းအလဲမရှိလာဘူး'
ထို့ကြောင့် ညွှန်မှူးကျားက သူ့ထင်မြင်ချက်ကို ထုတ်မပြောလာခြင်း ဖြစ်သည်။
ထို့ပြင် ခေါင်းဆောင်ဟောင်းကလည်း လက်ထောက်ဗျူရိုမှူးလီ၏ ကြီးကြပ်သူဖြစ်နေကာ သူကအခုထိပံ့ပိုးပေးနေဆဲဖြစ်သည်။ ထို့ကြောင့် ထိုသူကိုကာကွယ်ရန် သူအကောင်းဆုံးကြိုးစားရလိမ့်မည်။
ညွှန်မှူးဟောင်းဆိုတဲ့ လူကတော့ လုံလုံခြုံခြုံပင်စင်ယူချင်စိတ်ဘဲ ရှိနေတာ ဘာလို့ ရေဆိုးလောင်းချနေရမှာလဲ။
ကောင်းဝေ့တုန်းက ရှာတွေ့လာသဖြင့် ဟန်ချင်စုန့်အား သတိသွားပေးခဲ့သော်လည်း အုပ်စုအမျိုးမျိုးကြောင့် သူက ဟန်ချင်စုန့်အပေါ်တွင် အနိုင်လိုချင်တာ၊ သို့မဟုတ် အသုံးချလိုခြင်းသာဖြစ်သည်။
ဟန်ချင်စုန့်က ဤအရာကိုမသိသလို စိတ်လည်းမ၀င်စားပေ။
ညလယ်ခေါင်တွင် လျိုကျန်းယွမ်က ဟန်ချင်စုန့်ဆီလာကာ ယွီခန်းယီတစ်ယောက် အစာအငတ်ခံနေသည်ဟုသတင်းပို့လာ၏။
ဟန်ချင်စုန့်:“ဒါက အပြစ်ရှိစိတ်ကြောင့် ကိုယ့်ကိုကိုယ်သတ်သေနေတာပဲလို့ သူ့ကိုပြောပြလိုက်ပါ”
ယွီခန်းယီက ဟန်ချင်စုန့်ကို အရှက်ရစေမှာစိုးရိမ်သောကြောင့် သူရဲကောင်းဆန်ဆန်သေလိုခြင်းဖြစ်သည်။ သူသေသွားပါကာတော်လှန်ရေးကော်မတီသည် ဝေစုများအကြောင်းစဉ်းစားပေးလာလိမ့်မည်။သူမသိသည်က ဟန်ချင်စုန့်က သူ့ကိုဂရုမစိုက်ရုံသာမက ဘာမပြောညာမပြောနှင့် ထွက်သွားလိုက်ခြင်းဖြစ်သည်။
ထိုအရာက ယွီခန်းယီအား ရပ်တန့်သွားစေ၏။
လော့ဟိုင်ချန် :“ခေါင်းဆောင်ဟန် တစ်နေကုန် မျက်လုံးမပိတ်ရသေးဘူး ခနလောက်အိပ်လိုက်ပါလား”
ဟန်ချင်စုန့်က ခေါင်းညိတ်ပြလိုက်သည်။ သူကမျက်နှာသစ်လိုက်ကာ ကောင်တီမှပေးထားသည့် အဆောင်သို့သွားလိုက်သည်။
တံခါးဖွင့်လိုက်သည့်အချိန်တွင် ထိုညကဖြစ်ခဲ့သည့် အရာအားလုံးကို သတိရလာ၏။
လင်းလန်က ပြုံးနေသောမျက်လုံးများနှင့် နူးညံ့သောအသံများက သူ့စိတ်ထဲတွင် ပြန်ပေါ်လာသည်။ သူက ရှုပ်ယှက်ခတ်သော မှတ်ဉာဏ်များနှင့်အတူ အိပ်ရာပေါ်တွင်လှဲလိုက်သော်လည်း အိပ်မပျော်ပေ။
“အဲ့ဒါမကောင်းဘူးလား၊ ကျောက်သွားတူးကြမယ်လေ”
“ စန်းကော ကျွန်မတို့ပင်စင်ယူတဲ့အခါကျရင် ရှင့်ကို တရုတ်ပြည်တစ်ခုလုံးလိုက်ပြမယ်၊ အစားအစာအသစ်တွေစားပြီး၊ ရှုခင်းတူတူကြည့်ကြမယ်။ ပြီးရင် တရုတ်ပြည်ကနေ တစ်ကမ္ဘာလုံးကို.....”
“စန်းကော စိတ်ဆင်းရဲနေစရာမလိုဘူးနော်၊ အရာအားလုံးက ရှင့်ပေါ်မှာဘဲ မူတည်တယ်”
ဟန်ချင်စုန့်က ရုတ်တရက်ထထိုင်လိုက်မိသည်။ သူကအလွန်အင်အားပြည့်နေကြောင့် အိပ်မပျော်နိုင်ပေ။ ချက်ချင်းပင် ကုတင်ပေါ်မှဆင်းကာ ဖိနပ်စီးပြီး တော်လှန်ရေးကော်မတီ၏ မော်ကွန်းတိုက်နှင့် ကိုးကားခန်းသို့သွားလိုက်သည်။
လော့ဟိုင်ချန်နှင့် လျိုကျန်းယွမ်တို့က သူအပြေးလာရောက်လာသည်ကို မြင်လိုက်ရ၏။
“ ခေါင်းဆောင်ဟန်....”
ဟန်ချင်စုန့်က အချက်အလက်အခန်းဆီညွှန်ပြလိုက်သည်။
“ အချက်အလက်တွေ စစ်ကြည့်မလို့”
တံခါးသော့ခတ်ထားသော်လည်း သာမာန်သော့မျိုးသာဖြစ်သည်။ တံခါးတွင်ချိတ်ထားကာ လက်တစ်ချောင်းစာရှိသည့် သံချောင်းဖြင့် ပိတ်ထား၏။
(Tn:တရုတ်ရှေးခေတ်က သော့ခလောက်လိုမျိုးပါ)
လျိုကျန်းယွမ်:“ ကျွန်တော် ရှောင်ကျန်းကို သွား..ယူ.....”
စကားမဆုံးသေးခင်ကန်ချက်တစ်ခုနှင့်အတူ တံခါးပွင့်သွား၏။
Xxxxxxx
Part 794
လျိုကျန်းယွမ်နှင့် လော့ဟိုင်ချန်တို့က အချင်းချင်းကြည့်လိုက်မိကာ တိတ်တဆိတ်ပင် လိုက်ဝင်သွားလိုက်သည်။ ခေါင်းဆောင်ဟန်ရဲ့ဒေါသက နည်းနည်းအထိမခံဖြစ်နေသလိုပင်။
အချက်အလက်များရှာနေချိန်တွင် လျိုကျန်းယွမ်က လျင်မြန်စွာပင် ဟန်ချင်စုန့်အား အချက်အလက်များ ထောက်ပံ့ပေးလာ၏။
အရင်တုန်းက အုပ်စုနှစ်ခုရန်ဖြစ်ခဲ့သည်များ အစရှိသည့် အချက်အလက်များဖြစ်သည်။ နားထောင်လိုက်ပြီးနောက်တွင် ဟန်ချင်စုန့်က ခဏလောက်တိတ်ဆိတ်သွား၏။
မိုးကောင်းကင်ကိုအံတုကာ ကမ္ဘာမြေကြီးကိုဆန့်ကျင်ရခြင်းက လူအချင်းချင်းတိုက်ခိုက်ရခြင်းလောက်မကောင်းပေ။ သို့သော် အမှန်တွင် လောကကြီးထဲရှိ ရုန်းကန်းလှုပ်ရှားမှုအားလုံးကို လူနှစ်ယောက်အကြား ရုန်းကန်လှုပ်ရှားမှုဟု မှတ်ယူနိုင်၏။
နေထွက်လာချိန်ရောက်သောအခါ နောက်ဆုံးတွင် ဟန်ချင်စုန့်တစ်ယောက် သူအလိုရှိသော ဖိုင်ကိုရသွား၏။
ချင်းရှီကွန်မြူနတီရှိ တပ်မဟာတစ်ချို့တွင် ဝေစုများဖြန့်ဝေခြင်းကို ငြင်းပယ်သည့်သဘောကို မှတ်ယူထားကာ ဝေစုများပြန်လည်ရောင်းချခြင်းအပေါ် အကျဉ်းချုပ်ထားသော ဖိုင်တွင်စာကြောင်းတစ်ကြောင်းပါရှိနေ၏။
“ xxကောင်တီတွင်ရှိသည့် ကွန်မြူနတီနှင့် တပ်မဟာအားလုံးသည် ဝေစုများဖြန့်ဝေခြင်းနှင့် ဝေစုများပြန်လည်ရောင်းချခြင်းကိုပယ်ဖျက်ခြင်း ပြီးမြောက်သွားပြီဖြစ်သည်။” ဟုဆိုထား၏။
အစိုးရနဲ့ ကောင်တီရဲ့ အနီရောင်စည်းတံဆိပ်တွေကို ရှင်းရှင်းကြီးတံဆိပ်ခတ်ထား၏။ လုံးဝကြီးတော့ မဆိုးဝါးနေပေ။ ဘယ်သူလုပ်သည်ကို မသိသော်လည်း ခိုးကြောင်ခိုးဝှက်နှင့် လှည့်စားတတ်သောသူသာ ဖြစ်ပေလိမ့်မည်။
တစ်ယောက်ယောက်က အဲ့ဒီတပ်မဟာများကို ငြိစွန်းအောင်လုပ်ရန် မစောင့်နိုင်တော့တာ ဖြစ်နိုင်လောက်၏။ မည်သို့ပင်ဖြစ်စေ သူတို့က ဒီလိုဖိုင်တွဲတစ်ခုကို ကျန်နေခဲ့၏။
လွန်ခဲ့သည့် ဆယ်နှစ်လုံးတွင် ဤဖုန်တက်နေသော ဖိုင်တွဲအကြောင်းဘယ်သူမှဂရုမစိုက်ကြပေ။ ချင်းရှီကွန်မြူနတီ၏ သုံးပုံတစ်ပုံပမာဏရှိသည့် တပ်မဟာများကို ဆယ်နှစ်တိုင်တိုင် ဒုက္ခခံစားစေခဲ့၏။
ဟန်ချင်စုန့်က ဖိုင်တွဲကို စားပွဲပေါ်သို့ ပစ်ချလိုက်ရာ လော့ဟိုင်ချန်တို့က အပြေးလာကြည့်လိုက်ကြသည်။ ထို့နောက် သူတို့မျက်လုံးများကနီရဲလာကြ၏။ ဤအမှုကခက်ခဲသောကြောင့် ဖြစ်ပေလိမ့်မည်။ ဤဖိုင်တွဲရှိနေသည့်ဆိုမှတော့ သူတို့ခေါင်းဆောင်ဟန်က နှုတ်ထွက်စရာမလိုသလို စွန့်စားစရာလည်း မလိုတော့ဘူးဟုဆိုလို၏။ ထပ်ပြီးတော့ ခြိမ်းခြောက်ခံနေစရာလည်း မလိုတော့ချေ။
“ခေါင်းဆောင်ဟန်က မျက်လုံးအရမ်းထက်တာဘဲ”
လျိုကျန်းယွမ်က အလွန်အမင်းသဘောကျနေ၏။ ခေါင်းဆောင်ဟန်က ကြောက်စရာကောင်းသည့် မျက်လုံးများရှိသည်ဟု သူတို့ပြောကြသည်မှာ အလကားမဟုတ်တော့ပေ။ လျိုကျန်းယွမ်ကပြေးသွားကာ သူ့မျက်နှာအား ရွှေနှင့်ပြေးကပ်ပေးလိုက်ချင်၏။
ဟန်ချင်စုန့်:“ဒါကိုတော်လှန်ရေးကော်မတီဆီတင်ပြလိုက်ပါ ငါခဏလောက်သွားအိပ်လိုက်ဦးမယ်”
လော့ဟိုင်ချန်က သူ့ကိုခပ်တင်းတင်းလှမ်းဖက်လာ၏။ သူဟန်ချင်စုန့်ကို မရှုံးစေရဲပေ။ အကြိမ်တစ်ရာလောက် ရှူံးပြီးသွားပါက ပြန်ရနိုင်တော့မည် မဟုတ်ပေ။
ဤနောက်ဆုံးပိတ် ဖိုင်နှင့်ဆိုလျှင် နောက်ပိုင်း၌ ငြင်းခုန်နေစရာလိုတော့မည် မဟုတ်ပေ။ စကားလုံးချည်းဘဲဆိုလျှင်တောင်မှ နောက်ဆုံးညွှန်ကြားချက်များကို အကျဉ်းချုပ်ထားခြင်းဖြစ်သည်။ ပြီးခဲ့သည့် ငြင်းဆန်ခဲ့သမျှများကို ပြောင်းပြန်လှန်လိုက်နိုင်၏။ သက်သေအထောက်အထားအဖြစ် အသုံးပြုနိုင်သောဖိုင်ဖြစ်သည်။ မတော်တဆပျောက်သွားကာ ဘယ်သူမှမမြင်ခဲ့လျှင်တောင်မှ အခုဒါရှိနေပြီဖြစ်သဖြင့် ဒါကြောင့် ဘယ်သူမှအရှက်မရတော့သလို ဘယ်သူမှလည်း စိတ်ရှုပ်မည်မဟုတ်ပေ။
လူတိုင်းက ပျော်ရွှင်နေကြ၏။
ထို့နောက် ထန်ကျောက်ရှန်း၊ ယွီခန်းယီနှင့် အခြားသူများ၏ အပြစ်ကိုဆွေးနွေးကြသည်။
လက်ထောက်ဗျူရိုမှူးလီ:“ ထန်ကျောက်ရှန်းက ရုံးတာဝန်တွေကို လုပ်ဆောင်ခဲ့တာ အဲ့ဒါမှန်တယ်”
ကောင်းဝေ့တုန်း:“ ယွီခန်းယီကလည်း လူတွေအသက်ရှင်ဖို့ လုပ်ခဲ့တာ မှန်တယ်”
လက်ထောက်ဗျူရိုမှူးလီ၏ တိုက်ခိုက်သည့် လက်သည်းအားလုံးက အကျိုးမရှိဖြစ်သွားရသည်သူကနောက်ဆုံးတွင် ဒေါသတကြီးအော်ဟစ်လိုက်သည်။
“ တဝမ်ရွာမှာ စားစရာခိုးခဲ့တဲ့ ဝမ်တရွှင်နဲ့ ဝမ်အာ့ရွှင်နှစ်ယောက်လုံး အသတ်ခံရမယ်”
ကောင်းဝေ့တုန်းက ကန့်ကွက်စရာမရှိပေ။ ထိုသူတို့က ယွီခန်းယီလို စားစရာဝေစုများအလိုရှိခြင်းမှာတူနေသော်လည်း ယွီခန်းယီက သူ့ရွာအတွက်လုပ်ခဲ့ခြင်းဖြစ်ကာ ထိုလူနှစ်ယောက်ကမူ ကွန်မြူနတီ၏ ဆန်စပါးထိန်းချုပ်ရေးသို့ တိုက်ရိုက်သွားပြီး လုယူခဲ့ခြင်းဖြစ်သည်။
သူတို့၏သဘာဝမှာ လုံးဝကိုကွဲပြားနေ၏။
ထိုသူများကို သတ်ခြင်းက မမှားပေ။ အကယ်၍ သူတို့ကို မသတ်လိုက်ဘူးဆိုပါက အနာဂတ်မှာ ထပ်ပြီးဓားပြတိုက်လာရင် ဘယ်လိုလုပ်မလဲ။ အဲ့ဒီလိုဖြစ်လာရင် အဆင်ပြေမှာလား။
ဟန်ချင်စုန့်က ခဏလောက်သာအိပ်မည်ဟု ဆိုသော်ငြား တကယ်တမ်းတွင် နာရီဝက်ထက်ပိုကြာကြာအိပ်ပျော်သွား၏။
လော့ဟိုင်ချန်က ဟန်ချင်းယွမ်အား တံခါးစောင့်ခိုင်းလိုက်ကာ ဟန်ချင်စုန့်နိုးလာပါက အစည်းအဝေးခန်းအကြောင်း အစီရင်ခံခိုင်းလိုက်သည်။
ထို့ကြောင့် တော်လှန်ရေးကော်မတီက တဝမ်ရွာမှ စားနပ်ရိက္ခာခိုးသူများကို ရက်ရက်စက်စက် သေဒဏ်ပေးလိုက်သည့်အကြောင်း ဟန်ချင်စုန့်က ပထမဆုံးအကြိမ်ကြားလိုက်ရ၏။ သူကမျက်နှာသစ်လိုက်ကာ ပြည်သူ့လုံခြုံရေးဗျူရိုမှဦးထုပ်ကိုဆောင်းလိုက်ပြီး အစည်းအဝေးခန်းသို့ သွားလိုက်သည်။
“ကျွန်တော်အနေနဲ့ ဂရုတစိုက်နဲ့ ထည့်သွင်းစဉ်းစားပေးဖို့ အကြံပြုချင်ပါတယ်၊ ဝမ်တရွှင်တို့ ညီအစ်ကိုနှစ်ယောက်ကို သတ်မယ်ဆိုရင် ထန်ကျောက်ရှန်းနဲ့ ဝမ်ကျန်းခန်တို့ကိုလည်း သတ်ရမှာပါ”
ဝမ်ကျန်းခန်က တဝမ်ရွာ၏ ပါတီအတွင်းရေးမှူးဖြစ်သည်။ သူကဒီနှစ်ထွက်သည့် ဆန်စပါးအားလုံးကိုချုပ်ကိုင်ထားသော်လည်း ပြန်ရောင်းချသည့်စပါးနှင့် အခြားစပါးများကို ဖြန့်ဖြူးပေးလာခြင်းမရှိပေ။ ရလဒ်အနေဖြင့် အဖွဲ့ဝင်တစ်ချို့က
အလျင်လိုလာကြ၏။ တစ်ချို့ကလည်း ညဘက်တွင် ဆန်စပါးထိန်းချုပ်ရေးသို့သွားကာ ခိုးယူလာကြသည်။
အဖွဲ့ဝင်များကို သူတို့စားစရာခိုးတာကြောင့်နှင့် မသတ်သင့်ပေ။ သူတို့ဘာလို့ ခိုးယူရသည်ကိုလည်း ထည့်စဉ်းစားပေးသင့်၏။
ပုံမှန်ဖြန့်ဖြူးခြင်းလိုမျိုး တိကျသည့် စားနပ်ရိက္ခာဖြန့်ဖြူးခြင်းကိုသာ လုပ်လာပေးပါက သူတို့အနေဖြင့် စားစရာခိုးရန်လိုမည်မဟုတ်ပေ။ သူတို့က အခုချိန်တွင် အပြစ်ပေးခံသင့်သည့် လူများမဟုတ်သောကြောင့် တာဝန်ယူစရာမလိုပေ။ ဤအကြောင်းအရင်းကြောင့် စားစရာခိုးရသည့်သူက ဘာလို့ပစ်သတ်ခံရမှာလဲ။
ဆာလောင်မှုကို အံ့တုနိုင်ရန် စားစရာတစ်ကိုက်ရှိနေသရွေ့ ဘယ်သူမှ ခိုးယူချင်ကြမည်မဟုတ်ပေ။ ယွီကျားရွာကိုကြည့်လျှင် ထိုအရာကိုတွေ့နိုင်၏။
ဝမ်ကျန်းခန်က ဆန့်ကျင်ရဲ့သည့် သတ္တိမရှိသောကြောင့် ကေဒါများကို မျက်စိမှိတ်အကြိုက်ဆောင်ထား၏။ ပို၍မုန်းစရာကောင်းသောအရာမှာ ပြန်လည်ပေးအပ်လာသည့် ဆန်စပါးများကို အနည်းငယ်လျှော့ယူထားခြင်းဖြစ်သည်။
၎င်းက စားပွဲကိုထုကာ ငြင်းခုန်ရမည့် အချိန်ဖြစ်သော်ငြား လက်ထောက်ဗျူရိုမှူးလီဘယ်လိုပဲငြင်းခုန်နေပါစေ ဟန်ချင်စုန့်ပုံစံက အေးစက်နေကာ ဒေါသမထွက်လာသည့်အပြင် တစ်ချက်လေးတောင် တွန့်မသွားပေ။
နောက်ဆုံးတွင် လက်ထောက်ဗျူရိုမှူးလီဆက်ပြောရန် အားပြတ်သွား၏။
Xxxxxx
Welcome To MM Storyteller
LOGIN
Welcome To MM Storyteller
REGISTER