Welcome To MM Storyteller
LOGIN
Part 811
ကျန်းယွီ သူမ၏ ငြင်းခုံမှုကြောင့် ရှော့ရသွား၏။
သူမ၏ယောက်ျားက ဟန်ချင်စုန့်နှင့် ပြဿနာမရှိပေ။ဆန့်ကျင်ဘက်အနေဖြင့် ညွှန်မှူးချင်က ဟန်ချင်စုန့်ကို အလွန်လေးစားခဲ့ပြီး ဟန်ချင်စုန့်က အနာဂတ်တွင် အကောင်းဆုံးလုပ်ဆောင်နိုင်သည်ဟု ဆိုသောကြောင့် သူမ ဟန်ချင်စုန့် ခရိုင်သို့ရောက်လာသည်ကို ကြိုဆိုခဲ့သည်။
သို့ပေမဲ့ မိန်းမနှစ်ယောက် ပြင်းပြင်းထန်ထန် ရန်ဖြစ်သည်နှင့် တော်လှန်ရေး ကော်မတီ အတွင်းရေးမှူးနှင့်ညွှန်မှူး၏ဇနီးဖြစ်သူ သူမက အမြဲတမ်း မျက်နှာမွဲမှုန်မှိုင်းမှိုင်း ဖြစ်နေတတ်၏။
သူတို့ဘာမှပြန်မပြောကြသည်ကိုမြင်သောအခါ မြောင်ဟုန်ယင်းက ကျန်းချွင်ရှားက လင်းလန်နှင့် ခပ်မြန်မြန် လက်တွဲသွားသည်ဟုထင်သွားသည်။
"လင်းလန်...လင်းလန်... ထွက်ခဲ့စမ်း...နင်ပုန်းနေတာနဲ့ပဲ ငါရှာလို့မတွေ့ဘူးမထင်နဲ့..."
လင်းလန်က သူမကိုခြေထိုးမှုကြောင့် သူမ ခလုတ်တိုက်ကာ ဆိုးဆိုးရွားရွား လဲကျထားသဖြင့် သူမ၏ မေးစေ့သည် ခရမ်းရောင် ဖြစ်နေကာ အနည်းငယ် ကြောက်စရာကောင်းသည်။
တခြားသူတွေက သူမဆီက အဖမ်းခံရမှာကြောက်သည့်အတွက် ပုန်းနေကြ၏။
မြောင်ဟုန်ယင်းက ဒေါသတကြီးဆိုလေသည်။ "နင်စောင့်နေလိုက်"
သူမ ဒေါသတကြီးနှင့် ဘေးနားက ရဲစခန်းကို သွားရာ လျှို့ကျန့်ယွမ်ကိုတွေ့သဖြင့် အော်ပြောလိုက်၏။
"လျှိုကျန့်ယွမ်... ညီအစ်ကိုတချို့ကို မြန်မြန်ခေါ်လိုက်... ငါ သူ့မရိုက်နိုင်ဘူးဆိုတာ မယုံဘူး"
လျှိုကျန့်ယွမ်က ဟန်ချင်စုန့်နှင့် ခုဏကအပြင် ထွက်သွားပြီး အခုမှပြန်လာတာခြင်းဖြစ်သည်။ သူတို့၏မကျေနပ်မှုများကို သူမသိပေ။ မြောင်ဟုန်ယင်း၏မျက်နှာထက်က ဒဏ်ရာကိုမြင်သောအခါ အံ့သြသွား၏။
"ဘယ်သူလုပ်တာလဲ...ဘာဖြစ်တာလဲ"
သူက လက်ထောက်ညွှန်မှူးလီက မြောင်ဟုန်ယင်းကို မထိန်းနိုင်ဘဲရိုက်လိုက်သည်ဟုထင်သွားသည်။ မဟုတ်ရင် ဘယ်သူက သူ့ကို ရိုက်ရဲမှာလဲ..
သို့ရာတွင် သူတို့နှစ်ယောက်က မတည့်ကြပါချေ။မြောင်ဟုန်ယင်းက ယောက်ျားများရှေ့မှာ ကျားမတစ်ကောင်မဟုတ်သောကြောင့် သူမ အပြင်လူများကိုသာ နည်းနည်းအနိုင်ကျင့်ခဲ့သည်။ လက်ထောက်ညွှန်မှူးလီက သူမအရှက်ရပြီး ပြောင်းလဲမှာမဟုတ်ဟုပဲထင်သည့်အတွက် သူမကို မထိခဲ့ပေ။
မြောင်ဟုန်ယင်း: "ကြည့်ဦး...ကြွက်စုတ်လင်းလန်က ငါ့ကို လုပ်တာ"
လျှိုကျန့်ယွမ် မရယ်ဘဲမနေ နိုင်လောက်အောင်ဖြစ်သွားပြီး နှစ်ကြိမ်တိုင်တိုင် သီးသွားခဲ့သည်။ ညွှန်မှူးလင်းကတကယ်ကိုတော်တာပဲ... သန်မာတဲ့သူနဲ့ တွေ့တဲ့အခါ သူက အရမ်းသန်မာသွားတယ်...
သူက မြောင်ဟုန်ယင်းကို အထဲကိုဝင်ရန်အမူအရာပြပြီးပြောလိုက်၏။
"အခန်းထဲမှာ စကားပြောရအောင်"
"သွား... သူ့ကို ဖမ်းဖို့ တစ်ယောက်ယောက်ကို ခေါ်သွား... သူ့နောက်ခံကို ငါစစ်ဆေးကြည့်ရမယ်...နောက်ဆုံး မျိုးဆက်သုံးဆက်က လင်းB ရဲ့ တန်ပြန်တော်လှန်ရေး မိသားစုနဲ့ သက်ဆိုင်သလားဆိုတာ"
လွန်ခဲ့သောနှစ်အနည်းငယ်က သူမ ထင်တိုင်းကြဲခဲ့ချိန် မှင်စာမည်မျှကို သူမဝေဖန်ခဲ့သည်ကို သူမ(လင်းလန်)မသိပေ။ တော်လှန်ရေး ကော်မတီတွင် ရုပ်ရည်ချောမောသော အမျိုးသမီး ၀န်ထမ်းများ အများအပြားမရှိသော်လည်း အမျိုးကောင်းသားများ၏အကြည့်က အမျိုးသမီးများ၏ ခန္ဓာကိုယ်တွင်မဟုတ်ပဲ မျက်လုံးအိမ်များတွင်သာ ရှိနေကြသည်ကိုတွေ့နိုင်သည်။ ဤအရာက သူမ၏ လက်ရာကောင်း ဖြစ်ကြောင်း အမျိုးသမီးများ စိတ်ချလက်ချ ယုံကြည်နိုင်သည်။(T/N သူဝေဖန်ပြောဆိုထားလို့ ကိုယ်လုံးကိုမကြည့်ရဲပဲ ရုပ်မချောရင်တောင် မျက်နှာ(မျက်လုံး)ကိုပဲကြည့်ကြတယ်)
လျှိုကျန့်ယွမ် : ...! ! !
နင်ဘယ်လိုလုပ်ရဲတာလဲ... ငါဆိုမလုပ်ရဲဘူး... နင်က တော်လှန်ရေး ကော်မတီရဲ့ ဗိုလ်(ဗိုလ်ကျသူ)... ညွှန်မှူးလင်းက အများနှစ်သက်တဲ့ အလံနီ စစ်သား...သူ့ကိုဝါဒဖြန့်စေချင်တဲ့ တပ်မဟာ ဘယ်လောက်ရှိလဲ သိလား... အဲ့ဒါ့အပြင် လူတွေက နင့်ကိုယောက်ျားတစ်ယောက်လို အထင်သေးနေကြတာ... နင် ဘာလို့ အလျင်လိုနေတာလဲ...
ထိုသို့ကြင်နာတတ်သည့် လင်းလန်က မြောင်ဟုန်ယင်းနှင့် မည်သို့များ ပဋိပက္ခဖြစ်နိုင်လဲဆိုသည်ကို သူတကယ်မတွေးနိုင်ခဲ့ပါချေ။
"မြန်မြန်လုပ်..."
မြောင်ဟုန်ယင်းက သူ့ကို တိုက်တွန်းသည်။
ထိုအခိုက်တွင် တံခါးအပြင်ဘက်မှ အေးစက်သောအသံတစ်ခုထွက်ပေါ်လာ၏။
"လင်းလန်ကို ဘယ်သူဖမ်းချင်တာလဲ"
တစ်စုံတစ်ယောက် ချဉ်းကပ်လာသည်ကိုမြင်သောအခါ မြောင်ဟုန်ယင်းက တန်းပြီးအော်ပြော လိုက်သည်။
"အမြန်လာ... လူတစ်ယောက်ကို ဖမ်းဖို့ ငါ့နောက်လိုက်ခဲ့"
ထို့နောက် တံခါးကနေ ဝင်လာသည့် အရပ်မြင့်မြင့်နှင့် ချောမောသော လူတစ်ယောက်ကို တွေ့လိုက်ရသည်။သူ့မျက်နှာက အေးစက်နေပြီး သူ့မျက်လုံးများကနက်ရှိုင်းနေ၏။ ဟန်ချင်စုန့် လား...
မြောင်ဟုန်ယင်း မသိစိတ်ကနေ နောက်သို့ ခြေနှစ်လှမ်းဆုတ်ကာ လျှိုကျန့်ယွမ်၏ အနားတွင် ရပ်လိုက်သည်။
လျှိုကျန့်ယွမ် တကယ်ကို ရယ်ချင်နေပြီး အတော်လေးကို အောင့်ထားရလွန်း၍ ဗိုက်တွေပင်နာလာ၏။ မြောင်ဟုန်ယင်းက မကောင်းဆိုးဝါးကြယ်တစ်ပွင့်နှင့် တွေ့ရသလို ဖြစ်နေသည်။ အနည်းဆုံး လျှိုကျန့်ယွမ်၏မျက်လုံးထဲတွင် ဟန်ချင်စုန့်က မည်သူ့အတွက်မျှ ကြောက်စရာမရှိပေ။
ဟန်ချင်စုန့်က မြောင်ဟုန်ယင်းကို အေးစက်စွာ စိုက်ကြည့်ပြီးဆို၏။
"ခင်ဗျားက ရဲဘော်ရဲဘက်တွေရဲ့ မကောင်းကြောင်းပြောနေတယ်"
သူက လျှိုကျန့်ယွမ်ဆီကို လက်ဆန့်လိုက်သည်။
လျှိုကျန့်ယွမ်၏ မျက်နှာ ပြောင်းလဲသွားပြီး တီးတိုးဆို၏။
"ခေါင်းဆောင်ဟန်"
ဟန်ချင်စုန့်က အေးစက်စွာပြောသည်။
"လက်ထိတ်..."
...
မြောင်ဟုန်ယင်း ထိတ်လန့်သွားပြီး အော်တော့သည်။
"အဘိုးကြီး...နင်က မိန်းမတွေကို အနိုင်ကျင့်နေတာပဲ"
သူမအိမ်ဆီသို့ အမြန်ပြေးကာ သူမကို ကျောထောက်နောက်ခံပေးရန် သူမယောကျာ်းကိုပြေးရှာ၏။
လက်ထောက်ညွှန်မှူးလီ ပထမတုန်းက သူမအတွက် စိတ်မပူချင်ခဲ့ဘဲ ခဏနေ ကောင်းသွားမည်ဟု ထင်ထားခဲ့သည်။ သို့ပေမဲ့ ဟန်ချင်စုန့် ရောက်လာသောအခါတွင် သူ့မှာ ရွေးချယ်စရာမရှိတော့ဘဲ ပြုံးလျက်ပြောလိုက်ရ၏။
"ဘာကိစ္စရှိလို့လဲ...အိုး ညွှန်မှူးဟန်ရောက်လာတာပဲ..."
ဟန်ချင်စုန့်က သူ့ကို တစ်ချက်ကြည့်လိုက်ပြီး
သူ့မျက်နှာက အေးစက်နေကာသူ့ကို လုံးဝ နှုတ်ဆက်ချင်ပုံမရပေ။
မြောင်ဟုန်ယင်းက သူမယောက်ျားနောက်မှာ ပုန်းနေပြီး ဟန်ချင်စုန့်ကို လက်ညိုးထိုပြကာဆိုသည်။
"သူက ငါ့ကို ရိုက်ချင်နေတာ..."
လက်ထောက်ညွှန်မှူးလီက ရယ်ပြီးပြော၏။
"မဟုတ်မဟတ်တွေ မပြောနဲ့...ညွှန်မှူးဟန်က အမျိုးသမီးတွေကို မထိဘူး "
ဟန်ချင်စုန့်က အေးစက်စွာပြောလေသည်။
"ကျုပ် ယောကျာ်းဖြစ်သူခင်ဗျားကို ရိုက်လို့ရတယ်"
လက်ထောက်ညွှန်မှူးလီ: ...
သူက မြောင်ဟုန်ယင်းကို ချက်ချင်း မေးလိုက်၏။
"ဘာဖြစ်နေတာလဲ ...ညွှန်မှူးဟန်ကို မင်းဘယ်လို စော်ကားလိုက်တာလဲ...ညွှန်မှူးဟန်က ပြဿနာသွားရှာလို့ရတဲ့လူမဟုတ်ဘူးကွ"
မြောင်ဟုန်ယင်း:"ဘယ်မှာလုပ်လို့လဲ...သူ့မိန်းမကသာ ငါ့ကို လုပ်လိုက်တာ...ငါ့ကိုကြည့် "
သူမက သူမမျက်နှာကို လက်ညှိုးထိုးပြပြီး အကုန်လုံး အပြာရောင်သန်းနေသော လက်ဖဝါးများကို လီခွမ်းကျိုးအား ပြသလိုက်သည်။
လီခွမ်းကျိူး : "... ညွှန်မှူးလင်း နဲ့ ဘာလို့ ရန်ဖြစ်တာလဲ "
မြောင်ဟုန်ယင်း : "မြေခွေးမတစ်ကောင်နဲ့ နေရတာကို မကြိုက်လို့..."
ဟန်ချင်စုန့်က အေးစက်စွာ နှာမှုတ်လိုက်ပြီး လီခွမ်းကျိုးကို အေးစက်စွာကြည့် လိုက်၏။ 'အမျိုးသမီးတွေရဲ့ကိစ္စကို အမျိုးသားတွေကဖြေရှင်းပေးသင့်တယ်... သူရဲဘောကြောင် မနေနဲ့'ဟုပြောနေသကဲ့သို့ပင်။
လီခွမ်းကျိူး သူကိုယ့်သူ ဟန်ချင်စုန့်၏ ပြိုင်ဘက်မဟုတ်ကြောင်းကိုလည်းသိ၏။ထို့အပြင် အထက်လူကြီးများက အလှည့်တိုင်းတွင် လူရိုင်းများကဲ့သို့ မည်သို့ ရန်ဖြစ်နိုင်မည်နည်း။ တောမှာလိုပဲ ထင်နေသလား။သူက မြောင်ဟုန်ယင်းကို တစ်ချက်သာကြည့်လိုက်သည်။
"ဘာဖြစ်တာလဲ"
Xxxxxx
Part 812
မြောင်ဟုန်ယင်း :"မသိဘူး... ငါ့ကိုမြင်တော့ သူက ရွဲ့နေတာ...ငါ့ဘာငါ လမ်းကောင်းကောင်းလျှောက်နေတာကို ခြေထိုးပြီး လဲအောင်လုပ်တယ်... သူရောက်လာတာနဲ့ တန်းပြဿနာတက်သွားတာ သိသာတယ်...သူက တာဝန်မကျေဘူး”
ထိုအချိန်တွင် လင်းလန်၏အသံက အပြင်ကနေ ထွက်ပေါ်လာ၏။
"ဒါက ပြည်သူ့လုံခြုံရေး ဗျူရိုပါ... ကျွန်မ အဲဒါကိုသတင်းပို့ချင်လို့... တချို့လူတွေက စျေးကစား၊ ဝယ်ရောင်းပြီး ကျွန်မကို အတင်းဝယ်ခိုင်းတယ်"
ခြံဝင်းထဲကို ဝင်သွားသောအခါ ဟန်ချင်စုန့်ကိုတွေ့သည်နှင့် ရှေ့ကို ပြေးသွားပြီး လျှိုကျန့်ယွမ်ကို ပြောလိုက်သည်။
"အရာရှိလျှို.. ဒီအမျိုးသမီးကို သတင်းပို့ချင်လို့ပါ...သူက လက်ပတ်နာရီတွေကို ထောက်ပံ့ရေးနဲ့ ရောင်းဝယ်ရေး သမဝါယမကနေ ပြန်ရောင်းနေတာ ...မဝယ်တော့ သူက ကျွန်မကို လိုက်ဖမ်းတယ်"
သူမက နှုတ်ခမ်းထောင့်များကိုမဲ့လိုက်ရင်း ချက်ခြင်းပင် သူမ၏ မျက်လုံးများက မျက်ရည်များ ပြည့်သွားပြီး ဟန်ချင်စုန့်၏ လက်မောင်းကို ဆုပ်ကိုင်ကာ ဟင့်ခနဲ ရှိုက်လိုက်သည်။
"စန်းကော ~~သူ ကျွန်မကိုလုပ်တယ်..."
သူမက ထိုသို့ပြောသည့်အခါ ဟန်ချင်စုန့်၏ ခန္ဓာကိုယ်က ရုတ်တရက် တင်းမာလာပြီး သူ့လက်သီးတွေကို တင်းတင်းဆုပ်ထားလိုက်၏။
လင်းလန် သူတကယ်ဒေါသထွက်မည်ကို ကြောက်သောကြောင့် သူ့လက်မောင်းကို အလျင်အမြန် တင်းတင်းဆုပ်ကိုင်ကာ သူမက သရုပ်ဆောင်နေခြင်းဖြစ်ပြီး သူ့အနေဖြင့် ပူးပေါင်းလုပ်ဆောင်ရန်သာလိုကြောင်း အချက်ပြ လိုက်သည်။
သူမက သူမခေါင်းကို သူ့ပုခုံးပေါ်တင်ကာ တိုးဝှေ့လျက်ဆို၏။
"သူက ကျွန်မကို တောသူမလို့ပြောတယ်...ညွှန်မှူးချင်းတူရင်တောင် မတူဘူးတဲ့... အိမ်တစ်လုံးတောင် မရှိဘဲနဲ့ မြို့သူကြီး ဖြစ်ချင်နေတာလို့လည်း ပြောတယ်...ကျွန်မတို့ကို တောကိုပြန်ကြတဲ့ ဝူးးး~ ~ သူ့အဖေနဲ့ သူ့ယောက်ျားကို ကျွန်မတို့မိသားစုအတွက် ခွဲဝေပေးထားတဲ့အိမ်ကို ပြန်ယူခိုင်းမယ်လို့ပြောတယ်... "
ဟမ်...နင်က အမှားနဲ့အမှန်ကို ရောထွေးပြောနေတာမဟုတ်ဘူးလား...
မြောင်ဟုန်ယင်း လင်းလန်ကသူမကို သွားပုပ်လေလွင်ပြောဝံ့မည်ဟု မမျှော်လင့်ထားပေ။အမြဲတမ်း သူမကသာ အခြားသူများကို သွားပုပ်လေလွင့်ပြောခဲ့ခြင်းသာဖြစ်ပြီး အခြားသူများက သူမကို ပြောဆိုခြင်းမပြုခဲ့ပေ။သူမ ချက်ချင်း ခုန်ဆွခုန်ဆွဖြစ်သွားသည်။
လီခွမ်းကျိူး တော်တော်လေး ထိတ်လန့်သွား၏။ လင်းလန်က သွားပုပ်လေလွင့်ပြောသည်ဟု သူမထင်ပေ။မြောင်ဟုန်ယင်းက ဗိုလ်ကျတတ်ကာ ကျေးလက်ကအမျိုးသမီးတွေအပေါ် အထင်သေးပြီး အထူးသဖြင့် ရုပ်ရည်ချောသည့် အမျိုးသမီးတွေကိုဖြစ်၏။ သူက မြောင်ဟုန်ယင်း၏ လက်မောင်းကို ချက်ချင်း ဆုပ်ကိုင်လိုက်သည်။
"အဓိပ္ပါယ်မရှိလိုက်တာ"
မြောင်ဟုန်ယင်း သူမယောက်ျားက လင်းလန်အစား သူမကို မယုံဘဲနေလိမ့်မည်ဟု မမျှော်လင့်ထားခဲ့ပေ။ သူမက ဒေါသတကြီး ခြေဆောင့်ကာ ပြောလိုက်၏။
"ကြည့်...ကြည့်... သူကငါ့ကို လုပ်တာကို ဂရုမစိုက်ဘဲ ငါ့ကိုငေါက်နေတယ်... နင်တို့အားလုံး ငါမဟုတ်ပဲ မြေခွေးမတစ်ကောင်ပြောတာကို နားထောင်နေကြတာ... ငါအရမ်းဒေါသထွက်တယ်..."
"မြောင်ကျွီဟွားးး..."
လီခွမ်းကျိူး ပျာယာခတ်နေသည်။
"ပြဿနာမရှာစမ်းနဲ့...ညွှန်မှူးဟန်နဲ့ ညွှန်မှူးလင်းက ဒီလိုနောက်ပြောင်တာကို မကြိုက်ဘူး"
လီခွမ်းကျိူးက သူမကို မြောင်ကျွီဟွားဟုခေါ်လျှင် သူဒေါသထွက်နေ၍ဖြစ်သည်။
မြောင်ဟုန်ယင်း မကျေမနပ်ဖြစ်မိပြီး အထူးသဖြင့် ဟန်ချင်စုန့်က လင်းလန်ကို အလွန်အမင်း ခုခံကာကွယ်နေသည် ကိုမြင်ရာတွင် သူမ ပို၍ပင် ဟန်ချက်မညီတော့ပေ။
"နင်ငါ့ကိုအနိုင်ကျင့်တယ်... ဖေဖေ့ကိုသွားရှာမယ်..."
သူမက ခြေဆောင့်ပြီး ထွက်ပြေးတော့မည်ပြု၏။
လင်းလန်: "ရှင် ကျွန်မ သမဝါယမက မှာထားတဲ့ နာရီကို အရင်ထုတ်လိုက်ပါ"
လီခွမ်းကျိူး ဘာတွေဖြစ်နေလဲဆိုသည်ကို သဘာဝကျကျသိသည်။ သူတကယ်ကို ဒေါသထွက်၍ သေတော့မည်၊ သူက ပိုက်ဆံမရှိ၍ မဟုတ်ပါဘဲ အနှီအမျိုးသမီးက ငွေရှာခြင်းကို စွဲလမ်းသူတစ်ယောက် ဖြစ်၏။ ဝင်းအတွင်းရှိလူများက သူမ၏ဒေါသကို သိကြကာ သူမအား ရန်စရန် မတတ်နိုင်သောကြောင့် သူမနှင့် ထိပ်တိုက်ရင်မဆိုင်နိုင်ကြပေ။
သို့သော် ဤကိစ္စက ရှက်ဖွယ်ကောင်းပြီး ကေဒါတစ်ဦးနှင့် ရန်ဖြစ်သရွေ့ သူမက လုံးဝ ကျိုးကြောင်းမဆင်ခြင်ပါဘဲ အရှက်ကွဲရသည်။နောက်အလွှာတစ်ခုက ရှိသေး၏၊ကောင်းဝေ့တုန်းက ဤကိစ္စကို လှုပ်ရှားမှု အသေးအမွှားလေးများလုပ်ရန် အသုံးချမှာ သူကြောက်ရွံ့နေခဲ့သည်။ကံကောင်းထောက်မစွာဖြင့် ဗျူရိုအကြီးအကဲဟောင်းက လူတိုင်းကို ပညာမတတ်အမျိုးသမီးတစ်ယောက်နှင့်ယှဥ်ပြီး ပညာမမဲ့ရန်နှင့် သူမကို ဖြည်းဖြည်းချင်း တိုးတက်လာပါစေဟုပြောထားသောကြောင့် ဤအချိန်ထိ ဘာမှဖြစ်မလာခဲ့ပေ။
လီခွမ်းကျိူး တောသားငနုံငအ ဟန်ချင်စုန့်က အစိုးရနှင့် မည်သို့ ပေါင်းသင်းရမည်ကို မသိကြောင်းကို တစ်ဖန်ထပ်၍ သဘောပေါက်သွားခဲ့သည်။ သူက(ဟန်) လင်းလန်ကိုထိန်းပြီး ဤကိစ္စကို သီးသန့်ဖြေရှင်းသင့်သည် မဟုတ်ပါလော။
ဝင်းတစ်ခုလုံး ပွဲကြည့်နိုင်လောက်အောင်အထိ ဘယ်လောက်တောင် အသံတွေက ကျယ်သွားလို့လဲ...
သူက မြောင်ဟုန်ယင်းကိုပြောလိုက်၏။
"ငါ နာရီဝယ်ပြီး ဝတ်ချင်စိတ်မရှိတော့ဘူး... ညွှန်မှူးလင်းကို ပေးလို့ရတယ်"
ဟန်ချင်စုန့်က သူ့ကိုယ်ပိုင်ပစ္စည်းဝယ်မည်မဟုတ်ကြောင်း သေချာသောကြောင့် သူ့အနေဖြင့် မြောင်ဟုန်ယင်းကို အမှန်တရားကို ဝန်ခံခြင်းမှ တားဆီးကာကွယ်ပေးရန် နည်းလမ်းရှာရုံသာတတ်နိုင်သည်။ သူတို့ ထောက်ပံ့ရေးနှင့် ရောင်းဝယ်ရေး သမဝါယမမှ ကုန်ပစ္စည်းများကို တိတ်တဆိတ် အမြန်ပြန်ပို့ကာ ထောက်ပံ့ရေးနှင့် စျေးကွက်ရှာဖွေရေး သမဝါယမအား လင်းလန်ကို အသစ်ရောက်ရှိလာသူအဖြစ် ဆက်ဆံခိုင်းလိုက်အည်။
ဤသည်က အသင့်တော်ဆုံး ဖြေရှင်းနည်းလည်း ဖြစ်ပေ၏။
သို့သော်ငြား သူ့အမျိုးသမီး၏ ဦးနှောက်ပတ်လမ်းက အများနှင့်မတူ ကွဲပြားသည်ကိုကား သူမထိန်းချုပ်နိုင်ခဲ့ပါချေ။သူမက လင်းလန်၏ အနိုင်ကျင့်ခြင်းကို ခံရသည်ဟု ခံစားရပြီး ပြန်တုန့် ပြန်နိုင်မည့်နည်းလမ်းကို ရှာကိုရှာရမည်ဟုတွေးနေသည်။
ဤအမျိုးသမီးကို သူကြာကြာ မထိန်းနိုင်တော့သည့်ကိုတွေ့ရာတွင် လီခွမ်းကျိူး လျှိုကျန့်ယွမ်ကို မျက်ရိပ်ပြပြီး ညွှန်မှူးဟောင်းကို လာရောက်ညှိုနှိုင်းခိုင်းရန် တောင်းဆိုလိုက်ရုံမှ လွဲ၍ ရွေးချယ်စရာမရှိတော့ပေ။
ဗျူရိုအကြီးအကဲဟောင်းအနေဖြင့် ၎င်းတို့ ပြဿနာဖြစ်သည်ကို မမြင်ချင်ပါချေ။ မည်သို့ပင်ဖြစ်စေ ဟန်ချင်စုန့်က အလုပ်သို့ လာရဆဲဖြစ်ပြီး သူ သူ့ကို အထင်မကြီးသလို အထင်လည်းမသေးပေ။
သူက ထွက်လာပြီး ပြုံးကာ လင်းလန်ကိုပြော၏။ "ညွှန်မှူးလင်း မှာထားတဲ့ နာရီကို တစ်ယောက်ယောက်က ဝယ်ခဲ့တာလား..."
လီခွမ်းကျိူး သက်ပြင်းချလိုက်သည်။
မြောင်ဟုန်ယင်းက လင်းလန်ကိုသာ စိုက်ကြည့်နေသည်။
လင်းလန်က မျက်ရည်ခြောက်တွေကို သုတ်လိုက်ပြီး ခေါင်းညိတ်ပြရင်းဆိုလိုက်၏။
"ညွှန်မှူးကို ရယ်စရာဖြစ်စေမိပါပြီ...ကျွန်မက ပိုက်ဆံနဲ့ ကူပွန်တွေကို တစ်နှစ်ခွဲလောက် စုဆောင်းထားခဲ့တယ်... နောက်ဆုံးမှာ အကုန်လုံးကို ထုတ်ပြီး စိတ်လှုပ်ရှားစွာနဲ့ လာဝယ်ခဲ့တယ်... တစ်စုံတစ်ယောက်က အကုန်လုံးကို ရုတ်တရက်ကြီး တစ်ခါတည်းဆွဲသိမ်းသွားလိမ့်မယ်လို့ဘယ်သူသိမှာလဲ"
သူမက မြောင်ဟုန်ယင်းကို စိုက်ကြည့်ခဲ့သော်လည်း အကြီးအကဲဟောင်း၏ဂုဏ်သိက္ခာကိုကာကွယ်ရန် မြောင်ဟုန်ယင်းကို ထပ်မံညွှန်ပြခြင်းမရှိခဲ့ပေ။
"ချင်စုန့် နဲ့လင်းလန် လာ... မင်းတို့နှစ်ယောက် ငါ့နေရာကို လာခဲ့"
ဗျူရိုအကြီးအကဲဟောင်းက သူတို့ကို နွေးထွေးစွာဖိတ်ခေါ် သည်။
ဟန်ချင်စုန့် ငြင်းခါနီးတွင် လင်းလန်က မြောင်ဟုန်ယင်းက သူမကိုကုတ်ခြစ်မည်ကို စိုးရိမ်သလိုမျိုး "စန်းကော... သွားကြရအောင်" ဟုဆိုကာ သူ့လက်မောင်းကို လှမ်းဆွဲပြီးနေပြီဖြစ်၏။သူမက သူ့ကို ညွှန်မှူးဟောင်း၏ရုံးခန်းထဲသို့ တွန်းလိုက်သည်။
Xxxx
Welcome To MM Storyteller
LOGIN
Welcome To MM Storyteller
REGISTER