အပိုင်း ၈၃၁-၈၃၂
Viewers 37k
Chapters 532

Part 831


ထိုသည်ကိုတွေးရင်း လင်းလန် ယမန်နှစ်က စိတ်ပူပန်မှုများ ရုတ်ချည်း ပျောက်ကွယ်သွားရသည်။


ယခင်က သူမက အချိန်ခရီးသွားနေခြင်းဖြစ်ပြီး သာမန်ထက်လွန်လွန်ကဲကဲ ဖြစ်နေသောကြောင့် လူအများအတွက် သံသယဖြစ်စရာဖြစ်နိုင်သည်ဟုတွေးမိခဲ့သည် ။ဟန်ချင်စုန့်နှင့်သူမပတ်ဝန်းကျင်က ကလေးတွေ တစ်စုံတစ်ခုကို သံသယဖြစ်မှာကို စိုးရိမ်သောကြောင့် အမြဲလိုလို  နေရာတိုင်းမှာ ချုပ်တည်းထားခဲ့၏။


ယခုချိန်မှာ သိပ်ပြီး  စိုးရိမ်နေစရာ မလိုတော့ဘူးဟုခံစားရသည်။ကလေးတွေက သူမနှင့်နက်ရှိုင်းသည့် ဆက်ဆံရေးရှိထားပြီးသားပင်။သူတို့က သူမကို စိတ်နှလုံးဖြင့် အကြွင်းမဲ့ ယုံကြည်ပြီး သူမ၏စစ်မှန်မှုကို ဘယ်တော့မှ သံသယမဝင်သည့်အတွက် သူမ ဖုံးကွယ်ထားစရာ မလိုအပ်ပါချေ။


သူမအနေဖြင့် သူမသိထားသော ပိုအဆင့်မြင့်သည့် ဗဟုသုတအချို့ကို သူတို့ဆီ ဖြည်းဖြည်းချင်း ဖြန့်ဝေပေးသင့်သည်။


လင်းလန် သူမစိတ်ပိုင်းဖြတ်ပြီးနောက် သားသမီးများကို  သူမသိသော ပထဝီဝင်နှင့်နီလာ သမိုင်းကြောင်းတို့ကို ပြောပြလေတော့သည်။သူမ၏ယခင်ဘဝတွင် အယ်ဒီတာ၊ သတင်းထောက်၊ အယ်ဒီတာချုပ်အဖြစ် လုပ်ကိုင်ခဲ့ပြီး အထူးပြုစာအုပ်အချို့ကို ပြုစုပြုစုခဲ့သည်။ ၎င်းကို စနစ်တကျ မလေ့လာခဲ့သော်လည်း စိတ်ဝင်စားစရာအချို့ကို မှတ်မိနေဆဲဖြစ်သည်။


ဤသည်များကို ကလေးများကို ပြောပြသည်က သူတို့ကို တွန်းအားပေးရန် လုံလောက်ပေ၏။


ယနေ့တွင် ကျောက်များကို ကောက်ယူကြရင် သူတို့ မီးတောင်များ၊  မီးတောင်သေများ၊ ဒိုင်နိုဆောများ၊ ကျောက်ဖြစ်ရုပ်ကြွင်းများ၊ ရေနံနှင့် ကျောက်မျက်ရတနာများ ဖန်တီးခြင်း စသည်တို့ကို အများအပြား ပြောဆိုခဲ့ကြပြီး ၎င်းတို့ပ ကျောက်မျက်ရတနာများအကြောင်းမှ ခွဲထွက်လာကြခြင်းဖြစ်လေသည်။ တရုတ်လူမျိုးများသည် ကျောက်စိမ်းကို နှစ်သက်ကြသည်။ ရိုးရာကျောက်စိမ်းမှာ ပြည်တွင်း ဟဲထျန် ကျောက်စိမ်းဖြစ်၏။ ထိုနောက်မှသာ သူတို့က ကျောက်စိမ်း၊ ကျောက်မျက်ရတနာ အမျိုးမျိုးကို နိုင်ငံခြားမှ ယူဆောင်လာခြင်းဖြစ်ကာ ကလေးများကလည်း အားတက်သရော နားထောင်ကြသည်။


လင်းလန်  *ရှစ်နိုင်ငံ မဟာမိတ်တပ်များ တရုတ်ပြည်ကို ကျူးကျော် လာမှု အကြောင်းကိုလည်း ပြောပြခဲ့သည်။ အင်အားကြီး နိုင်ငံများသည် တားမြစ် မြို့တော်ကို လုယက် ကာ လွန်ခဲ့သည့် မင်းဆက်များက စုဆောင်း ထားသော အဖိုးတန် ကျောက်မျက်ရတနာ အများအပြား အပါအဝင် နိုင်ငံ ဘဏ္ဍာ အများအပြား ကို သိမ်းယူခဲ့သည်။

(T/N– ဂျာမနီ၊ဂျပန်၊ဗြိတိန်၊ပြင်သစ်၊အမေရိကန်၊အီတလီနှင့်ဩစတေးလျ-ဟန်ဂေရီ)


အားဝမ်ူက ဆက်တွေးနေပြီး အပြာရောင် ကျောက်မျက်တွင်းကို ကိုင်ထားရင်းဆို၏။


 "မားမား... ဒီကျောက်ကို မွမ်းမံလိုက်ရင် ဥရောပသားတွေ အရမ်းကြိုက်တဲ့ နီလာဖြစ်သွားတယ်မလား"


လင်းလန်က ခေါင်းညိတ်လိုက်သည်။


မိုင်စွေ့:  "ဒါက သိပ်တန်ဖိုးကြီးတာ မဟုတ်ဘူးလား"


အားဝမ်: "ဒါက ဘူဇွာပစ္စည်းတွေပဲလေ... ငါတို့နိုင်ငံမှာ လောလောဆယ် တန်ဖိုးမရှိလို့ အမှားတွေ လုပ်မိနိုင်တယ်"


ထိုသို့ဖြစ်ရာ အဓိကသော့ချက်က ဤအရာကို တရားမျှတပြီး ရိုးသားသောနည်းလမ်းဖြင့် အမှားမဖြစ်အောင် ဘယ်လိုလုပ်ရမလဲဆိုသည်ပင်။


ရှောင်ဝမ်: "ဒါက အရင်းရှင်စနစ်ရဲ့ ရတနာမဟုတ်ဘူး...ဆိုရှယ်လစ်စနစ်ရဲ့ ကျောက်ခဲပါ"


လင်းလန်က သူ့ခေါင်းကို ပွတ်သပ်ပြီးဆိုလိုက်၏။

"ဟုတ်တယ်...ဒါက ငါတို့ကျောက်ပဲ...ပျိုးပင်တွေပေါ့"


ဟန်ချင်စုန့်၏ စကားကြောင့် စိတ်အားထက်သန်လာပြီး သူမ လာရောက်စုံစမ်းလိုခဲ့သည်။အနှီဆိုရှယ်လစ်ကျောက်တုံးကို ဆွေးနွေးနိုင်မလားဆိုသည်ကို သိနိုင်ရန် ခရိုင်ကော်မတီကို အစီရင်ခံစာ တင်သွင်းခဲ့၏။တကယ်တမ်းတွင် ၎င်း ကိုနိုင်ငံခြားငွေလဲလှယ်နှုန်းနှင့်လဲလှယ်နိုင်လေသည်။ နည်းပညာနဲ့ စက်တွေ...ငါတို့ ဆိုရှယ်လစ်ဝါဒ အားကောင်းလာဖို့လာခဲ့စမ်းပါ့...


တူညီသောအရာနှင့်ပတ်သက်သည့် ကွဲပြားသောစကားများသည် မတူညီသောရလဒ်များကို ဖြစ်ပေါ်စေလိမ့်မည်။


အားဝမ်: "မားမား...ဟဲထျန်ကျောက်စိမ်းကို ဘယ်လိုအရောင်တင်ရတာလဲ...ဒီနီလာကို ဘယ်လို ပိုကောင်းအောင်အရောင်တင်နိုင်မှာလဲ" 


သူက ကျောက်မျက်ရတနာ နှစ်ခုကို တစ်ခုနှင့်တစ်ခု ပွတ်တိုက်ကြည့်ပေမဲ့ တုံ့ပြန်မှု မရှိသလို ကျန်ကျောက်တွေက သဘာဝအတိုင်း အလုပ်မဖြစ်ပါချေ။


လင်းလန်: “ရှေးတုန်းက ကျောက်စိမ်းနဲ့ ကျောက်မျက်အနည်းအကျဉ်းကို အရောင်တင်ရာမှာ အရောင်တင်ကျောက်မှုန့်တွေကို သုံးကြတယ်...ဒါပေမဲ့ ကျောက်မျက်တွေက အရမ်းမာကျောတယ်...အရောင်တင်ဖို့ 

အချိန်နဲ့အားစိုက်မှုလိုတယ်...ကျောက်မျက်တွေကပျက်စီးဖို့ လွယ်တယ်... ရှေးတုန်းက ကြမ်းကြမ်းတမ်းတမ်းအရောင်တင်မိလို့ ပျက်စီးကုန်တဲ့ ကျောက်မျက်တွေ အများကြီးရှိတယ်..."


ရှောင်ဝမ်က တဟီးဟီးရယ်ကာဆို၏။  

 “မားမားက ရေဒီယိုကနေ  နားထောင်တာလား”


လင်းလန်က လေးနက်စွာပြောလိုက်သည်။

“ ခရိုင်ဒေတာဘေ့စ်မှာ   အရင်က မမြင်ဖူးသေးတဲ့စာအုပ်တွေအများကြီးတွေ့ခဲ့တယ်”


ကလေးတွေက ရယ်မောပြီး ဘာမှပြန်မပြောကြပေ။ အသိပညာကို ဘယ်မှာ သင်ယူခဲ့သလဲဆိုသည်က အရေးမကြီးပါချေ။  အဓိကမှာ စိတ်ဝင်စားစရာကောင်းခြင်းပါပင်။


အားဝမ် သူ့မှာ ဒီကျောက်တုံးတွေကို အရောင်တင်ရန် ကိရိယာများ မရှိသည့်အတွက်အနှီသုတေသနက တိုးတက်မှု ရှိလာမှာ မဟုတ်ဘဲ ခရိုင်တော်လှန်ရေး ကော်မတီကိုထောက်ပံ့ ပေးရန်တောင်းဆိုရဦးမည်ဟုထင်မိသည်။ သူတို့အနေဖြင့်  ဤကျောက်များကို စမ်းသပ်ထုတ်လုပ်ပြီး အရောင်တင်နိုင်ရန် လက်သမားနှင့် ကိရိယာတန်ဆာပလာများ ပံ့ပိုးပေးရန် တောင်းဆိုနိုင်သည်။ပြုလုပ်ပြီးနောက် ပြည်တွင်း၌ လိုအပ်သောပစ္စည်းများနှင့် လဲလှယ်နိုင်ရန်အတွက် နိုင်ငံခြားနှင့် ရောင်းဝယ်ဖောက်ကားရန် ကြိုးစားနိုင်သည်။


လင်းလန်က အစိုးရကို သတင်းပို့ချင်မှန်း လင်းလန်၏လေသံကိုကြားကတည်းက သူသိထားပြီးသားဖြစ်၏။ သို့ရာတွင် သူမက အမှားတစ်ခုခုကြောင့် အရင်းရှင်စနစ်ကို လိုက်စားသည့် ရတနာတွေ  လူအများက ပြောမှာကို စိုးရိမ်သည့်အတွက် သူမ တုံ့ဆိုင်းနေခြင်းပင်။


"မားမား... ကျွန်တော်  မားမားကို အစီရင်ခံစာရေးဖို့ ကူညီပေးနိုင်တယ်"


 လင်းလန်က သူ့ကို အံ့အားသင့်စွာ ကြည့်ကာပြော၏။


 "သား...တကယ်လား"


 အားဝမ်: "ဟုတ်တယ်... မားမားကို ဘာလို့ လိမ်ရမှာလဲ"


 "အရမ်းကောင်းတယ်"


လင်းလန်က သူ့လက်ကိုဆွဲပြီး

 "သား...ဒီကိစ္စပြီးရင် မားမားက မားမားတို့မိသားစုရဲ့ ကျောက်မျက်ရတနာတွေကို သားတို့ကို ဝေမျှပြီး သားတို့မိန်းမတွေ ဝတ်ဖို့ ပေးမှာပါ"


အားဝမ်: "..."


 ရုတ်တရက်ကြီး အလေးအနက်ဖြစ်သွားတယ်... မေးခွန်းကိုဘယ်လိုဖြေရမှန်းမသိတော့ဘူး...


ရှောင်ဝမ်က ဝမ်းသာအားရ ရယ်မောရင်းဆို၏။  "မားမားက သားဟာဝတ်"


 "မားမား... အိမ်မှာနေပြီး တံတိုင်းဆောက်ရအောင်နော်"


လင်းလန်:"ဟားဟား...မင်းတို့က တော်လိုက်တာ...  မားမားမှာ ပြဿနာတွေနဲ့ ရင်ဆိုင်ခဲ့ရတာ ရက်အတော်ကြာနေပြီ...အခုတော့  မင်းတို့ကြောင့် ဖြေရှင်းပြီးလုနီးပါးဖြစ်နေပြီ"


ရှောင်းဝမ်က သံသယဖြစ်စွာမေးလိုက်သည်။ “မားမား... သားတို့ ဘာဖြေရှင်းခဲ့လို့လဲ”


လင်းလန်: “ကျောက်ကောက်တာလေ...မားမားတစ်ယောက်ထဲထက်စာရင် မင်းတို့နဲ့ဆိုဘယ်လောက် လုပ်နိုင်သလဲ ကြည့်...မားမားက မကောက်နိုင်မှာကြောက်နေတာ ဟားဟား”


ထို့ကြောင့် အနှီ သုံးရက်အတွင်း မိုးမလင်းမီကနေ နေ့ခင်းဘက်တွင် နီလာရိုင်းများကို သွားကောက်ပြီး ညဘက်တွင် တည်းခိုခန်းသို့ ပြန်လာခဲ့သည်။ ဟန်ချင်စုန့်က ကြိုပြောထားခြင်းကြောင့် ဘယ်သူမှ သူတို့ကိုမမေးပေမဲ့  ပြည်သူ့လုံခြုံရေးဗျူရို ခရိုင်တော်လှန်ရေးကော်မတီက သူတို့ကူညီချင်တာလား မကူညီဘူးလားဆိုသည်ကို လာဂရုစိုက်ပေလိမ့်မည်။


အားဝမ်က နီလာရိုင်းများနှင့် ကစားရင်း ခရိုင်တော်လှန်ရေးကော်မတီခေါင်းဆောင်များက ပြဿနာမဖြစ်စေဘဲ ရှောင်ရွှမ်တောင်ရှိ အပြာရောင်မီးခတ်ကျောက်မိုင်းကို လေ့လာခြင်းအား သဘောတူနိုင်စေရန် အစီရင်ခံစာကို မည်သို့ရေးရမည်ကို စဉ်းစားခဲ့သည်။


သူက ဥာဏ်ရည်ထက်မြက်စွာ မွေးဖွားလာသူဖြစ်ပြီး အခြားသူများ၏ အတွေးအမြင်များကို ဖော်ထုတ်ရန် လွယ်ကူသည်။ လင်းလန်၏စကားများအရဆိုပါလျှင် သူ၏မျှဝေခံစားတတ်မှုက အလွန်ကောင်းမွန်ပြီး မတူညီသောလူများကို ၎င်းတို့၏ပြဿနာများကို စဉ်းစားရန် အစားထိုးနိုင်သည်။


ဟန်ရုံဖန်  နှင့်ဆက်သွယ်ရာတွင် ဤစွမ်းရည်က ထင်ရှားပေါ်လွင်ခဲ့ပြီးသားဖြစ်သည် ယခုအခါတွင် တမင်တကာလုပ်နေရခြင်းမျိုး တန့်နေခြင်းမျိုးတို့မရှိဘဲ ပိုပို၍ သဘာဝကျပြီး သဟဇာတဖြစ်နေပြီဖြစ်သည်။

Part 832


ဟန်ရုံဖန်  နှင့် ဆက်ဆံရာတွင် သူဟန်ရုံဖန်ထံမှ များစွာသင်ယူခဲ့ပြီး တော်လှန်ရေးသမား မျိုးဆက်ဟောင်းများက တန်ဖိုးအထားဆုံးအရာ၊ ဂရုပြု၍ သည်းမခံနိုင်သည့်အရာ၊ ၎င်းတို့၏ အဓိကအချက်နှင့် ၎င်းတို့၏ အကြီးမားဆုံး မျှော်လင့်ချက်များကို နားလည်ခဲ့သည်။


ပိုမိုကောင်းမွန်သည့်မျှော်လင့်ချက်များအတွက် သူတို့မကြိုက်သည့်အရာများကို ခဏတာသည်းခံနိုင်ကြစေရန် ငြင်းခုံမှုများကို ဘယ်လိုဖြတ်ကျော်ရမလဲဆိုသည်ကိုလည်း သူသိ၏။


ဥပမာအားဖြင့် ဆိုရှယ်လစ်စနစ်၏ ကျောက်ခဲများကို အရင်းရှင်စနစ်၏ ကျောက်မျက်များအဖြစ်အရောင်တင်ရောင်းချပြီး ဆိုရှယ်လစ်စနစ် ဖွံ့ဖြိုးတိုးတက်မှုအတွက် လိုအပ်သော နည်းပညာနှင့် လဲလှယ်ပေးခြင်းဖြစ်သည်။


သူက စာရေးရန် အလျင်မလိုပါဘဲ ပထမဦးစွာ စဉ်းစားခဲ့ပြီး အသေးစိတ် အချက်အလက်အားလုံးကို ချိတ်ဆက်ရန် တစ်ရက် သို့မဟုတ် ရက်အနည်းငယ် ကြာနိုင်လေသည်။ မည်သို့ပင်ဖြစ်စေ  ချိတ်ဆက်ပြီးသည်နှင့် အခက်အခဲမရှိဘဲ တစ်ညလုံး လုပ်နိုင်မည်ဖြစ်၏။


“မားမား..ကျွန်တော်တို့ပြည်နယ် တော်လှန်ရေးကော်မတီရဲ့ ညွှန်မှူးက ဘယ်လိုလူလဲ သိလား” အားဝမ်က မေးသည်။


လင်းလန်က ခေါင်းခါကာဆို၏။

 "မင်းအဖေကို ဒီအကြောင်းမေးရမှာ စိုးမိတယ်"


ခရိုင်တော်လှန်ရေးကော်မတီ၏ညွှန်မှူးကလည်း သူတို့စစ်တပ်တပ်ခွဲ၏ တပ်မှူးချန်ဖြစ်လေသည်။မြောင်ဟုန်ယင်း သူမအဖေ၏ညီအစ်ကိုဟု ဟန်ဆောင်ထားသောသူဖြစ်ပြီး  လင်းလန်ကို ပင်ခြိမ်းခြောက်ခဲ့ဖူးသည်။


သို့သော် လင်းလန် မြောင်ဟုန်ယင်း၏ အရေးကိစ္စများကြောင်း လူများက တိုင်မည်ကို စိုးရိမ်ခြင်း မရှိပေ။ စင်စစ်အားဖြင့် တပ်မှူးရာထူးကို ထမ်းဆောင်နိုင်သည်ဆိုကတည်းက ထိုသူသည် ပါချီပါချက်ဖြစ်လိမ့်မည် မဟုတ်ပေ။


ဤသည်က အာမခံချက်ရှိသေး၏။

အားဝမ်: "ကျွန်တော်တို့ဒေသက တော်တော်ကောင်းပါတယ်"


အနည်းဆုံးတွင် တခြားဒေသများထက် မူဝါဒက ပိုဖြေလျှော့ထားသည်။အားကစားနှင့်ပတ်သက်ရင် တခြားဒေသများထက် ပိုပျော့ပြောင်း၏။ထို့အပြင် ဤဒေသသည် အခြားဒေသများထက် အားကစား၊ ယဉ်ကျေးမှုနှင့် အခြားလုပ်ငန်း ဖွံ့ဖြိုးတိုးတက်ရေးကို ပိုမိုအာရုံစိုက်ပြီး တပ်မဟာ၏ ဘေးပေါက်စီးပွားရေးကို ပိုမိုအောင့်အီးထားကြသည်။


အမျိုးမျိုးသော လက်တွေ့ကျသောမူဝါဒများမှ အားဝမ် နိဂုံးချုပ်လိုက်သည်–ဒေသတွင်းရှိ တပ်မှူးချန်သည် အသစ်အသစ်သောအရာများကို ပိုမိုလက်ခံနိုင်စွမ်းရှိသူဖြစ်သင့်သည်။


လက်မခံဘူးဆိုလျှင်ပင် သူများကလက်မခံလျှင် မတူကွဲပြားသည့် အမြင်များကို စွန့်လွှတ်ရန် အတင်းအကျပ် ဖိနှိပ်ကြသည့်တချို့လူများကဲ့သို့ ဖြစ်မှာမဟုတ်ပါချေ။


“ကြိုးစားကြည့်ရအောင် မားမား"

တပ်မှူးချန်က တိုင်းပြည်ဖွံ့ဖြိုးတိုးတက်ရေးကို အလေးထားပြီး ပိုမိုသည်းခံတတ်ပြီး စွမ်းရည်ရှိသော ခေါင်းဆောင်တစ်ဦးဖြစ်သည်ဟု အားဝမ် ယူဆသည်။


လင်းလန်အတော်လေးပျော်သွား၏။

"မားမားကျေးဇူးတင်ပါတယ်သားရေ... အောင်မြင်ရင် မားမားတို့အားလုံးအတွက် ကောင်းချီးတစ်ခုပဲ" 


ယခုအခါမှာ တစ်ကမ္ဘာလုံးက တရုတ်ပြည်ကို စည်းခြားထားလေရာ တရုတ်အစိုးရက အာရှမှာခြေဆန့်ပြီး ထိုင်ဝမ်ကို  အစားထိုးရန် ကြိုးပမ်းအားထုတ်ခဲ့ရပြီး စရိတ်စကတွေ အများကြီးကုန်ခဲ့သည်။သို့ရာတွင် အာဖရိကနှင့် အာရှနိုင်ငံများကို့ မိမိအား ပံ့ပိုးပေးစေချင်ပါက ငွေကြေးအရင်းအမြစ်တွေ အများကြီးလိုအပ်လေသည်။ ချစ်ကြည်ရေးကို ဦးစွာအားကိုးနေရုံနှင့် မပြီးပါချေ။


အကယ်၍  နီလာကို ဥရောပသားများ၏ အာရုံစိုက်မှုကို ဆွဲဆောင်ရန်၊ ၎င်းတို့၏ တောင်းဆိုမှုကို နှိုးဆွရန်နှင့်နီလာအတွက်  နည်းပညာ၊ အဆင့်မြင့် စက်ယန္တရားများနှင့် ပိုမိုဖော်ရွေသော သဘောထားတို့ဖြင့် ၎င်းတို့ဘာ၎င်းတို့လာရောက်ဖလှယ်အောင် အသုံးပြုနိုင်လျှင် ယင်းသည် နီလာ၏ အကြီးမားဆုံး တန်ဖိုးဖြစ်သည်။


အောင်မြင်ပါက အားဝမ်၏ အကျိုးပြုမှုက အလွန်ကောင်းမည်ပင်။


အားဝမ်က ကျိုးနွံစွာပြောလေသည်။

 "မားမား... ကျွန်တော် ကြိုးစားကြည့်မယ်... အရမ်းကြီး စိတ်ပျက်ဖို့ကောင်းမှာတော့ မဟုတ်ဘူး"


လင်းလန် သူမဒုတိယသားအပေါ် အလွန်ယုံကြည်မှု ရှိသည်။


ဒုတိယနေ့တွင် သူတို့ အရုဏ်မတက်မီထမင်းစားပြီးနောက် ရှောင်ရွှမ်တောင်ဆီသို့ စက်ဘီးစီးသွားကြပြီး အခြားတောင်ကုန်းများစွာကို စူးစမ်းလေ့လာရန် သွားကြသည်။


ကိုးနာရီခန့်တွင် ဟန်ချင်စုန့်က ဂျစ်ကားဖြင့် မောင်းနှင်လာခဲ့သည်။


ကားကိုရပ်ပြီး စက်ပိတ်၊ တံခါးဖွင့်ကာ ကားပေါ်မှ ခုန်ဆင်း၍ ပတ်ပတ်လည်ကို ကြည့်လိုက်ရာ လင်းလန့်နှင့် အခြားလူများကို တွေ့လိုက်ရသဖြင့် ခြေလှမ်းကျဲကြီးများနှင့် လျှောက်သွားခဲ့သည်။


ရှောင်ဝမ် : "အဖေ..."


လင်းလန်က ပြုံးပြီးဆိုလိုက်၏။

 "အိုး စန်းကော... ရှင် ကျွန်မတို့ကို ဘယ်လိုရှာတွေ့တာလဲ..ရှင် ရှာမတွေ့အောင် တမင်ရှောင်ခဲ့တာ" 

 

ဟန်ချင်စုန့် : "..." 


သူကလင်းလန်၏အိတ်ကို ကူကိုင်လိုက်ပြီး လင်းလန်ကို တခြားတဖက်ဆီခေါ်သွားခဲ့သည်။


ရှောင်ဝမ်က လိုက်ချင်ပေမဲ့ မိုင်စွေ့က သူ့ကို ဆွဲခေါ်သွား၏။


"မောင်လေး... ဟိုဘက်သွားပြီး ကိုယ့်ဘာကိုယ် ကောက်ရအောင်"


လင်းလန်နှင့် ဟန်ချင်စုန်တို့  ခဏကြာမျှ ကောက်နေခဲ့ကြပြီးနောက် သူမက အနားယူရန် ကျောက်ဆောင်တစ်ခုပေါ်တွင် ထိုင်လိုက်သည်။ လင်းလန်က ဟန်ချင်စုန့်ကိုပြောလိုက်၏။ "စန်းကော... ကျွန်မပါတီနှင့်အစိုးရကို ဖွင့်ပြောချင်တယ်"


ဟန်ချင်စုန့်က အပြာရောင်မီးခတ်ကျောက်ကို  သစ်သားချောင်းဖြင့်  ဆွဲကာ သူမကိုကူကောက်နေဆဲဖြစ်သည်။ 


" ဘာကို ဖွင့်ပြောမှာလဲ"


 

လင်းလန်: "အဲဒါက... ဒီကျောက်က ကျောက်မျက်ပဲ"


ဟန်ချင်စုန့်က ခေါင်းညိတ်၏။

 "ကိုယ် သိတယ်"


ထိုသည်ကမီးခတ်ကျောက်နှင့် သံမဏိပဲသာဆိုလျှင် အရူးကပဲ အတောမသတ်နိုင်အောင်ကောက်ပေလိမ့်မည်။ထို့ပြင် သူ့မိန်းမက မတုံးပေ။


လင်းလန် : "ဒါပေမဲ့ ကျွန်မတို့အစိုးရက... ရှင်လည်း ဒါကို မြင်ပြီးပြီ... လူတိုင်းက ဒါကို ဂရုမစိုက်ဘူး"


ဟန်ချင်စုန့်က ဟမ့်ခနဲနှာမှုတ်လိုက်၏။ သူ ဂရုမစိုက်ခဲ့သည်ကအမှန်ပါပင်။ သူတို့အားလုံးက ခက်ခဲမှုနှင့်ရိုးရှင်းခြင်းကို အားပေးကြသည်။ရွှေငွေကို ၀တ်ဆင်ခွင့် မပြုကြလေရာ အနှီကျောက်မျက်မျိုးက ဘူဇွာအလွန်ဆန်ပုံရသည်ကိုကား ထည့်ပြောစရာပင်မလိုချေ။


"ဒါပေမဲ့..." 


လင်းလန်က သူမလက်ထဲက အပြာရောင်ကျောက်နှင့် ကစားနေပြီး နေရောင်အောက်မှာ ထ ကြည့်ကာဆို၏။


 "ဒီပစ္စည်းက နိုင်ငံခြားမှာ အရမ်းစျေးကြီးတယ်... အရမ်းတန်ဖိုးရှိတယ်" 


ဟန်ချင်စုန့် ကျောက်ကုန်းကောက်နေရာကနေ သူမစကားကိုကြားသောအခါ လှည့်ကြည့်လာသည်။


 

လင်းလန်က ပြုံးပြီးပြောလိုက်သည်။


 "တကယ်တန်ဖိုးရှိတယ်...ကျွန်မ ရှင့်ကိုမလိမ်ဘူး...နောက် ဆယ်နှစ် နှစ်နှစ်ဆယ်ကြာရင် လူတိုင်းက တန်ဖိုးကိုသိပြီး အရူးအမူး လုယက်ကြ လိမ့်မယ်...ရှင်ကပြောလိမ့်မယ်...ငါတို့ဘာလို့ ကိုယ့်ဘာသာကိုယ် မတူးဖော်ကြတာလဲဆိုပြီး ဟုတ်တယ်ဟုတ်...မိုင်းတွင်းစောစောတူးရင်ဒေသစီးပွားရေးကို စောစောစီးစီး ဖွံ့ဖြိုးစေတယ်လေ "


ဟန်ချင်စုန့်က သူမကို ကြည့်ပဲကြည့်နေပြီး စကားမပြောသေးပေ။


Xxxx

Prev Next