Welcome To MM Storyteller
LOGIN
Part 833
လင်းလန်: "ကျွန်မစဥ်းစားနေတာ... ဒီနေရာကို စီမံခန့်ခွဲနိုင်တဲ့သူကို ရှာပြီး စီမံခန့်ခွဲဖို့ အစိုးရကို ပြောရင် ဘယ်သူမှ မထိခိုက်တော့ဘူး... ကျွန်မတို့နိုင်ငံက ဒါကိုသုံးပြီး နိုင်ငံခြားသားတွေနဲ့ စီးပွားရေးလုပ်မယ်... နိုင်ငံခြားငွေလဲမယ်... သူတို့ရဲ့ နည်းပညာနဲ့ စက်တွေကို ဖလှယ်ကြမယ်... အဲ့လိုဆိာ ပိုတန်ဖိုးရှိမယ် မဟုတ်ဘူးလား”
နိုင်ငံခြားငွေလဲမယ်...
ဤသည်မှာ ဟန်ချင်စုန့် အတွက် အလွန်ဆန်းသစ်သော အသုံးအနှုန်းဖြစ်သော်လည်း သူမက သိနေ၏။
ဟန်ချင်စုန့်က သူမကို လေးလေးနက်နက် စေ့စေ့ကြည့်ပြီးနောက် ခေါင်းငုံ့ကာ အပြာရောင်ကျောက် ဆက်ရှာနေသည်။ ရှာတွေ့ပြီး သူ့အိတ်ထဲ ပစ်ထည့်လိုက်သော်လည်း ဘာမှ မပြောသေးပါချေ။
သူက စကားမပြောလေရာ လင်းလန်က ဘာလုပ်ရမှန်းမသိသဖြင့် ထရပ်ပြီးသူ့ဆီလျှောက်သွားလိုက်သည်။
"စန်းကော... ကျွန်မတို့ နည်းလမ်းရှာသင့်တယ်လို့ ရှင်ထင်လား"
ဟန်ချင်စုန့်: "မင်း အစိုးရကိုလွှဲပေးရင်...အဲဒါကို ကောက်လို့ မရတော့ဘူး"
လင်းလန်က ရယ်မောရင်းဆို၏။
"ကျွန်မတို့ အများကြီး ကောက်ထားတယ်လေ...ဒါပေမဲ့ အမှန်တော့ အဲဒါက အတူတူပါပဲ....."
လင်းလန် ကပျာကယာပြောလိုက်သည်။
"စန်းကော... ကျွန်မက ကိုယ်အတွက်ကိုယ် သိမ်းထားချင်တာမဟုတ်ပါဘူး...လေ့လာဖို့ ကောက်ထားတာ"
ဟား ဟား...ရှင်ကျွန်မကိုမယုံဘူးဆိုရင်တောင်..
ကျွန်မက လောဘကြီးပြီး တောင်ကို သိမ်းပိုက်ဖို့ မရမကပြောနေမဲ့လူမဟုတ်ဘူးဆိုတာကို ရဲရဲဝံ့ဝံ့ပြောရဲပါတယ်...ကောက်သင့်သလောက်ပဲကောက်မှာပါ...အဲ့ဒါက ကျွန်မ တစ်သက်လုံး ထိုင်ကြည့်ဖို့ လုံလောက်ပါတယ်...
ဟန်ချင်စုန့်က ခေါင်းညိတ်ပြပြီး သူမကို ဆက်ကူကောက်ပေး၏။ ခဏအကြာတွင် သူကပြောလေသည်။
"ညကျရင် ဌာနချုပ်ကို လိုက်ခဲ့"
လင်းလန်က ချက်ချင်း သတိပြန်ဝင်လာကာပြောလိုက်၏။
"စန်းကော... ရှင်ဘာလုပ်မလို့လဲ"
ဟန်ချင်စုန့်က သူမကို စိုက်ကြည့်နေသည်။
လင်းလန် ချက်ချင်းပင် သူ့လက်မောင်းကို ဖမ်းဆုပ်ကာဆိုတော့သည်။
"ညွှန်မှူးဟန်...ကျွန်မက ကျောက်ရုံပဲကောက်တာပါ... ကျေးဇူးပြုပြီး ကျွန်မကို မဖမ်းပါနဲ့...ကျွန်မ တကယ်ကောက်ခဲ့တာ...ခိုးတာမဟုတ်ရပါဘူး"
ဟန်ချင်စုန့် : "… ..."
သူက လက်မြောက်ကာ သူမဆံပင်တွေကို ပွတ်သပ်ရင်း ဆိုလိုက်၏။
"မင်းကို တပ်မှူးဆီ သတင်းပို့ပြီး ကုသိုလ်ကောင်းမှု လုပ်ခိုင်းမလို့ခေါ်သွားမှာ"
လင်းလန်: "ကျွန်မကို နားလည်တဲ့သူက စန်းကောပဲ"
ဟန်ချင်စုန့်က ပြုံးပြီးပြောသည်။
"ဒါကအစိုးရမိုင်းတွေ... မင်းက သုတေသနမှာ ပါဝင်နေပြီး ကျောက်တွေရောင်းတာ...တစ်လက်စတည်းကြည့်လိုက်တာ"
လင်းလန်က ကျယ်လောင်စွာ ရယ်မောလိုက်ပြီးဆိုလေ၏။
"စန်းကော...ရှင်က အရမ်းဆိုးတာပဲ”
သူက သူမစိတ်ကို တကယ်ဖတ်တတ်သည်။ သူမက ကျောက်မျက်ပုံစံများ၏ ဖွံ့ဖြိုးတိုးတက်မှု၊ သုတေသနနှင့် ဒီဇိုင်းများတွင် အမှန်တကယ်ပါဝင်လိုပြီး ပညာရှင်များအား ၎င်းတို့ကို ဖြတ်တောက်၊ အရောင်တင်ကာ နိုင်ငံခြားသားများထံ ရောင်းချခွင့်ပေးစေလိုသည်။
သေချာသည်က သူမလည်းပါဝင်ချင်သည်ပင်။
ဒါပေမဲ့ လုပ်နိုင်ပါ့မလား...
သူမ ဟန်ချင်စုန့်ကိုကြည့်ရင်း တုန်လှုပ်သွားပြီးပြောလိုက်၏။
"စန်းကော...သူတို့က မြည်းကို သတ်ရင် ဘယ်လိုလုပ်မလဲ"
(T/N–ဘုရားပြီးငြမ်းဖျက်လိုမျိုး ဆီကြိတ်ပြီးမြည်းကိုသတ်)
ဟန်ချင်စုန့် "... မြည်း..."
သူ လင်းလန်ကို ရှော့ရစွာ ကြည့်လိုက်သည်။
လင်းလန် : ငါဘာလို့ ရုတ်တရက် ငတုံးဖြစ်သွားရတာလဲ...စန်းကော ကျွန်မကိုယုံပါ...ကျွန်မ အဲ့လိုပြောတာမဟုတ်ဘူး!
ဟန်ချင်စုန့် မထိန်းနိုင်ဘဲ ပြုံးကာ သူအခေါင်းကို ပွတ်သပ်လိုက်၏။
"ကိုယ်သိပါတယ်"
" ဘာကိုသိတာလဲ ...ရှင်မသိဘူး ...လုံးဝမသိဘူးနော်"
လင်lလန် အနည်းငယ် စိုးရိမ်သွားသည်။
"မြန်မြန် ကျောက်ခဲတွေကို ကောက်လိုက်... သတင်းမပို့ခင်မှာ ကောက်ထားတဲ့ ဟာတွေက မင်းပိုင်တယ် "
"ဟုတ်တယ်...မဟုတ်တဲ့ စကားတွေ မပြောနဲ့... မြန်မြန် ကောက်"
လင်းလန်က ၎င်းကို သိပြီးသည်နှင့် ချက်ချင်းပဲလက်တွေ့ ကောက်တော့၏။မဆုံးရှုံးရတော့မှန်းသိသည်နှင် သူမ ချက်ချင်း သဘောကျသွားတော်သည်။
ညနေ လေးနာရီမှာ ဟန်ချင်စုန့် သူ့အိတ်တွေကို ကားထဲထည့်ပြီး တည်းခိုခန်းဆီ ပြန်ရန် အချက်ပြလိုက်၏။
လင်းလန်က စဥ်းစားနေဆဲဖြစ်သည်။
"စန်းကော ...မနက်ဖြန်မှဆိုရင်ရော..."
ဟန်ချင်စုန့်က လင်းလန်ကို တိုက်ရိုက်ပွေ့ခေါ်သွားပြီး ကလေးတွေကလည်း တိတ်တဆိတ်ပြုံးကာ အမြန် လိုက်သွားကြသည်။
တည်းခိုခန်းကိုပြန်ရောက်သောအခါ ဟန်ချင်စုန့်က ကလေးတွေကို တည်းခိုခန်းမှာ ခဏစောင့်ခိုင်းပြီး လင်းလန်နှင့် ခဏထွက်သွား၏။
လင်းလန်: "အားဝမ်ကောကိုလည်း ခေါ်သွားမယ်"
ဒုတိယသားက ယခု ကြီးလာပြီဖြစ်သည့်အတွက် သူ့ကို အစ်ကိုဟုပင် ခေါ်နေရလေပြီ။
ဟန်ချင်စုန့်က သူ့ကို စိုက်ကြည့်နေသည်။
အားဝမ်က ပြုံးပြီးပြော၏။
"အဖေ..ဒီရက်ပိုင်း ကျောက်တွေအကြောင်း တော်တော်များများ သင်ယူခဲ့ပြီးပြီမလို့...မားမားမေ့နေတဲ့ အရာတွေကို ကျွန်တော် ကူဖြည့်ပေးနိုင်မှာပါ"
လင်းလန်ကလည်း အားတက်သရော ခေါင်းညိတ်လိုက်ပြီးဆိုသည်။
"ဟုတ်တယ် "
ဟန်ချင်စုန့်က ခဏခေတ္တရပ်နေပြီးနောက် သဘောတူလိုက်၏။ မိုင်စွေ့နှင့် ရှောင်ဝမ်ကို တည်းခိုခန်းတွင် ရေဒီယိုနားထောင်နေခိုင်းလိုက်ပြီး သုံးယောက်သား ထွက်သွားကြသည်။
ဟန်ချင်စုန့်က တပ်မှူးချန်ကို အစည်းအဝေး ခေါ်ရန် တောင်းဆိုထားပြီး၊ တပ်မှူးချန်ကလည်း သူ့အတွက် ညစာစားပြီးနောက် တော်လှန်ရေး ကော်မတီ ရုံးခန်းသို့ သွားရန် အချိန်ကို စီစဉ်ပေးခဲ့သည်။
တပ်မှူးချန်တွင် ရုံးနှစ်ရုံးရှိပြီး တစ်ခုမှာ တော်လှန်ရေးကောင်စီ၏ ရုံးခန်းဖြစ်ပြီး နောက်တစ်ခုမှာ စစ်ဌာနချုပ်ရုံးဖြစ်သည်။
ဟန်ချင်စုန့်က လင်းလန်နှင့် အားဝမ်ကို တော်လှန်ရေး ကော်မတီသို့ ခေါ်သွားကာ တံခါးဝရှိ လက်နက်ကိုင်ရဲများအား သူ၏ သက်သေခံလက်မှတ်ကို ပြသလိုက်၏။ လက်နက်ကိုင်ရဲများက သူ့ကို တပ်မှူးချန် သူတို့ကို စောင့်ခိုင်းထားသူမှန်း သိကြသည်။
တစ်ယောက်က သူတို့သုံးယောက်ကို လိုက်ပို့လေ၏။
တပ်မှူးချန်၏ အစောင့်များက ရုံးခန်းတံခါးဝတွင် ရပ်နေကြကာ သူတို့ လာနေသည်ကို မြင်သောအခါ တံခါးခေါက်ပြီးဆိုသည်။
"အကြီးအကဲ...ညွှန်မှူးဟန်နဲ့တခြားသူတွေ ဒီနေရာကိူ ရောက်နေပါပြီ"
"ဝင်ခဲ့"
ဘဝ၏လောကဓံအနည်းငယ်ကိုကြုံတွေ့ဖူးဟန်ရှိသော အသံက သူ၏ကိုယ်ပိုင် ကြီးကျယ်ခမ်းနားမှုနှင့်အတူ ကျယ်လောင်စွာ ထွက်ပေါ်လာ၏။
လင်းလန် အားဝမ်ကို ကြည့်ကာ သူစိတ်မလှုပ်ရှားရန် မျှော်လင့်နေသည်။
အားဝမ်က လုံးဝမစိုးရိမ်ဘဲ သူမကို ပြုံးပြလာသည်။
လင်းလန် : တကယ်တော့ ငါ နည်းနည်းတော့ စိတ်လှုပ်ရှားမိပါတယ်...
ဟန်ချင်စုန့်က ရှေ့ဦးစွာ လှမ်းဝင်သွားပြီး တပ်မှူးချန်ကို အလေးပြုလိုက်၏။
"မင်္ဂလာပါ တပ်မှူး"
တပ်မှူးချန်က သစ်သားကုလားထိုင်မှ ထကာ ဟန်ချင်စုန့်ကို ပြန်အလေးပြုပြီးနောက် လင်းလန်နှင့်အားဝမ်ကို ကြည့်ကာဆိုသည်။
"ဟန်ချင်စုန့် ... မင်း ဒီမှာဘာကိစ္စကောင်းတွေလုပ်နေတာလဲ"
ဟန်ချင်စုန့်: "ခေါင်းဆောင်ဟောင်းကို အရှက်မခွဲဝံ့ပါဘူး"
ဟန်ချင်စုန့်က သူ့မိန်းမနှင့်ဒုတိယသားကို မိတ်ဆက်ပေးလိုက်၏။
လင်းလန်နှင့်အားဝမ်တို့က တပ်မှူးအား နှုတ်ဆက်ကြသည်။ သူမရှေ့ရှိ တပ်မှူးချန်သည် အရပ် သိပ်မရှည်သော်လည်း အလွန်သန်မာ မျက်ခုံးမွှေးထူးထူ၊ မျက်လုံးကျဥ်းကျဥ်း၊မေးရိုးကျယ်ကျယ်၊ မီးခိုးရောင်ဆံပင်ကြမ်းကြမ်းတို့ဖြင့် အလွန်သန်မာလေသည်။
တပ်မှူးချန်က သူတို့ကို ထိုင်ခိုင်းပြီး လင်းလန်၏ အလုပ်နှင့်အားဝမ်၏ ပညာရေး အခြေအနေများကို အတိုချုံး မေးခဲ့၏။
လင်းလန်နှင့် အားဝမ်နှစ်ယောက်စလုံးက လေးနက်စွာ ဖြေကြသည်။
တပ်မှူးချန် ကခေါင်းညိတ်ပြီးဆို၏။
"ကောင်းပါ့ ... မင်းက အလုပ်ကြိုးစားပြီး မင်းရဲ့ သားသမီးတွေကို ကောင်းကောင်း သင်ပေးထားတာပဲ...ငါကြားမိပါတယ်... မင်းတို့မိသားစုက တတိယသားက အာရှအားကစားပွဲကို သွားပြိုင်တယ်ဆို "
လင်းလန် တပ်မှူးချန် အရာရာ အလုပ်ရှုပ်နေချိန်မှာ သူမကလေးက အာရှအားကစားပြိုင်ပွဲမှာ ပါဝင်သည့်အကြောင်းကို ကြားလိမ့်မည်ဟု မမျှော်လင့်ထားပါချေ။
Xxxxx
Part 834
ဟန်ချင်စုန့် လာမည်ဆိုသည်ကို သူသိသည့်အတွက်ကြောင့် ခဏလောက်မေးမြန်းထားခြင်းဖြစ်နိုင်၏။
လင်းလန်က ရို့ရို့ကျိုးကျိူးဖြေလိုက်သည်။ "ကလေးက ရေကူးရတာ ကြိုက်တယ်... နည်းပြဆီက အရွေးချယ်ခံရပြီး သူ့ကို ကမ္ဘာနဲ့တွေ့ဖို့ ခေါ်သွားခဲ့တာပါ"
"မဆိုးဘူး"
စကားအနည်းငယ်လောက်ဖလှယ်ပြီးနောက် သူက လေထုကိုနွေးထွေးစေရန် သူမတို့နှင့် အချိန်ဖြုန်ရန် အမှန်တကယ်ဆန္ဒရှိနေကြောင်း သူမသိလိုက်ရသည်။တချို့လူတွေဆိုလျှင် စိတ်မရှည်စွာနှင့် အဓိကအကြောင်းအရာကို တိုက်ရိုက်ရောက်သွားမှာ သူမစိုးမိ၏။
နောက်လာမည့် ဆွေးနွေးပွဲများနှင့်ပတ်သက်၍ သူမသည် နှစ်မှတ်ပို၍ ယုံကြည်မှုရှိလာသည်။
တပ်မှူးချန်:"မင်း တစ်ခုခု သတင်းပို့ချင်တယ်ဆို... အဲဒါက အရမ်းအရေးကြီးလောက်မယ်လို့ငါထင်တယ်... မဟုတ်ရင် မင်းငါ့ကို တိုက်ရိုက် သတင်းပို့မှာ မဟုတ်ဘူး"
ဟန်ချင်စုန့်က ရှောင်ရွှမ်တောင်မှာ ကျောက်မျက်ရတနာ မိုင်းရှာတွေ့သည့် သတင်းကို တပ်မှူးချန်ကို ပြောပြလိုက်သည်။
သူ့စကားကြားပြီးနောက် တပ်မှူးချန်၏ ကျဉ်းမြောင်းသော မျက်လုံးများ ပြူးကျယ်သွားကာဆို၏။
"ဘာ...ကျောက်မျက်တွေ...ရှောင်ရွှမ်တောင် ဟုတ်လား"
ဟန်ချင်စုန့်က ခေါင်းညိတ်ကာပြောသည်။ "ဟုတ်ကဲ့"
တပ်မှူးချန် အနည်းငယ် မယုံနိုင်စရာကောင်းသည်ဟု ခံစားရ၏။ ရတနာများနှင့်ပတ်သတ်၍ သူတစ်ခုခုကို သိနေသေးသည်။ ထိုအချိန်တုန်းက ချွေးတပ်က ရှုံးနိမ့်သွားပြီး အိမ်ကြီးအိမ်ကောင်းများကို ဓါးပြတိုက်ကြ၏။သူတို့က ရွှေငွေ လုယက်ရသည် ကြိုက်ကြပြီး ကျောက်မျက်များလည်း ပါလေသည်။
ငယ်ငယ်က သူ့အဖိုးက ရွှေကွပ်ထားသည့် ပတ္တမြားလက်စွပ်ကို ဝတ်ခဲ့သည်ကိုပင် မှတ်မိမေသည်။ ထိုစဥ်က သူ့အဖိုးက ၎င့်ကရွှေထက် ဈေးကြီးပြီး တရုတ်ပြည်မှာ မထွက်ဘဲ ပြည်ပမှဝယ်ရခြင်းဖြစ်ကြောင်းပြောခဲ့၏။
ထိုစဥ်က သူစိတ်မဝင်စားခဲ့သဖြင့်ယခုမှ ပြန်စဉ်းစားနေရသည်။
ဟန်ချင်စုန့်က စကားစမြည်ပြောရန် အလွန်ငြီးငွေ့နေသည်ကို မြင်လိုက်ရသဖြင့် တပ်မှူးချန်က လင်းလန်ဘက်သို့ လှည့်ကာပြောလိုက်၏။
"ရဲဘော် လင်းလန်... မင်း ဘာပြောချင်လဲ"
လင်းလန်ကပြောလိုက်သည်။
"အကြီးအကဲ...ညွှန်မှူးဟန် သိသွားပြီးတဲ့နောက် ကျွန်မတို့ စုံစမ်းစစ်ဆေးမှုတွေ ချက်ချင်းလုပ်ခဲ့တယ်... ဒီနီလာမျိုးဟာ နိုင်ငံခြားတိုင်းပြည်တွေ အထူးသဖြင့် ဥရောပမှာ အလွန်ရေပန်းစားတယ်ဆိုတဲ့ အချက်အလက်တချို့ကို ကျွန်မဖတ်ဖူးတယ်”
တပ်မှူးချန်၏ မျက်လုံးများသည် တစ်ခဏမျှ လင်းလက်သွားသော်လည်း ခဏအကြာတွင်မှိန်သွား၏။သူက လက်များကို ဝှေ့ယမ်းကာ အခိုင်အမာဆိုလေသည်။
"မဟုတ်ဘူး... ဒါက အမှားတစ်ခုပဲ... ငါတို့က အရင်းရှင်စနစ်ရဲ့ ကျောက်မျက်တွေထက် ဆိုရှယ်လစ်စနစ်ရဲ့ ကျောက်ခဲတွေကို ပိုလိုချင်တယ်"
လင်းလန် ယုံကြည်မှုရှိနေ၏။ သူမအခုလေးတင် တပ်မှူးချန်၏မျပ်လုံးထဲက အလင်းရောင်ကို ရှင်းရှင်းလင်းလင်း မြင်လိုက်ရသည်။
လင်းလန်နှင့် အားဝမ်တို့သည် တစ်ယောက်ကိုတစ်ယောက်ကြည့်ကာ ပြောရန်အချက်ပြလိုက်၏။
အားဝမ်က ပြုံးပြီးဆိုသည်။
"အကြီးအကဲ...ကျွန်တော်တို့ရဲ့ ဆိုရှယ်လစ်ကျောက်တုံးဟာ တကယ်တော့ အရင်းရှင်ကျောက်မျက်ရတနာပဲ...ကျွန်တော်တို့က တကယ်ကို အံ့ဩစရာကောင်းတယ်ဗျ...ကျွန်တော်တို့ရဲ့ ကျောက်တုံးတွေကို ကျွန်တော်တို့လိုအပ်နေတဲ့ ပစ္စည်းကောင်းတွေနဲ့ လဲလှယ်လို့ရရင် ပိုကောင်းမှာပဲမဟုတ်ဘူးလားခင်ဗျာ"
တပ်မှူးချန် ပထမက ကလေးကို အလည်သက်သက်ခေါ်လာသည်ဟုထင်ခဲ့ပြီး အနှီကလေးက မရိုးရှင်းဟု မမျှော်လင့်ထားခဲ့ပေ။သူက ဒါကိုတောင်ပြောနိုင်တယ်...
ဒီလိုလေးပြောလိုက်တာက သူ့ရင်ဘတ်ကိုတန်းထိတာပဲ...
တပ်မှူးချန်က ကြားဖြတ်မနှောင့်ယှက်ဘဲ ဤကိစ္စကို ကျေနပ်လောက်ဖွယ် ဖြေရှင်းနိုင်သည့် နောက်ထပ် ဆန်းသစ်သော ထိုးထွင်းဥာဏ်များရှိသေးသလားသိရန် ဆက်ပြောဖို့ရာအချက်ပြလိုက်သည်။ အခြားသူများ၏မေးခွန်းထုတ်မှုများကို တားဆီနိုင်လျှင် သင်ဘာလုပ်သည်ဖြစ်စေ ကိစ္စမရှိပါချေ၊
အားဝမ်က လင်းလန်ကို တစ်ချက်ကြည့်လိုက်ပြီး လင်းလန် သူ့ကိုပြောရန် အချက်ပြလိုက်၏။သူမ အားဝမ်ကို ကောင်းကောင်းသိသည်။သူက ငယ်ငယ်ကတည်းက အလွန် သတိကြီးပြီးသာမန်ကာလျှံကာ စကားမပြောတတ်ပေ။
အားဝမ်က ဆက်ပြောသည်။
"အကြီးအကဲ.... နိုင်ငံခြားသားတွေက ရှေးခေတ်ကတည်းက ကျောက်မျက်ရတနာ အမျိုးမျိုးကို နှစ်သက်ကြပြီးတော့ အရှေ့တောင်အာရှ၊ ပါရှားနဲ့အိန္ဒိယတို့က ကျောက်မျက်ရတနာတွေကလည်း ကျွန်တော်တို့နိုင်ငံကို လွှဲပြောင်းရောက်လာခဲ့တယ်... ချင်မင်းဆက်နှောင်းပိုင်းမှာ အင်အားကြီးနိုင်ငံတွေက ကျွန်တော်တို့ကို ကျူးကျော်တဲ့အခါ မြို့တော်မှာ လုယက်ဓားပြတိုက်ကြတယ်...ကျောက်မျက် မျိုးစုံ အပါအဝင် ရတနာတွေလည်း အနည်းအကျဉ်းပါတယ်...သူတို့ရဲ့ မှူးမတ်တွေက ကျောက်မျက်တွေကို ကြိုက်ကြပြီး ပိုကောင်းတဲ့ ကျောက်မျက် တွေ ကို ဝယ် ဖို့ စျေးကြီးပေးကြလိမ့်မယ်..."
သူက ခဏရပ်ကာ တပ်မှူးချန်ကိုကြည့်ပြီး ဝမ်းနည်းဒေါသဖြစ်နေသည့်အမူအရာဖြင့်ဆက်ပြောလိုက်၏။
"အဲဒီစာအုပ်တွေဖတ်ပြီးရင် တကယ်ကို ဒေါသဖြစ်ရတယ်... ကံကောင်းထောက်မစွာနဲ့ အဲဒီလူယုတ်မာတွေကို မောင်းထုတ်ဖို့ ဥက္ကဋ္ဌေမာ် နဲ့ကွန်မြူနစ်ပါတီရှိတယ်... အခု ကျွန်တော်တို့ ဆိုရှယ်လစ်စနစ်ရဲ့ ကျောက်ခဲက သူတို့ အရင်းရှင်လိုက်စားမှုရဲ့ ရတနာပဲ...ပိုမိုကောင်းမွန်တဲ့ သိပ္ပံနည်းပညာနဲ့ ပိုအဆင့်မြင့်တဲ့ စက်ယန္တရားတွေအတွက် ကျောက်ခဲတွေကို လဲလှယ်ဖို့သုံးနိုင်တယ်မလား...ကောင်းမွန်တဲ့အရာတွေအတွက် ကျောက်ခဲတွေကို သူတို့နဲ့ လဲလှယ်နိုင်ပြီး ပြန်လည်လေ့လာပြီး ကွန်မြူနစ်အသွင်ပြောင်းနိုင်စေမှာ သေချာပါတယ်”
အားဝမ်က ဆိုရှယ်လစ်စနစ်၊ အရင်းရှင်စနစ် သို့မဟုတ် ကွန်မြူနစ်ဝါဒအတွက် ခံစားချက်များစွာမရှိသော်လည်း တပ်မှူးချန်က နားထောင်လိုကြောင်း သူသိသည်။ အထူးသဖြင့် ငါ့နိုင်ငံက ကျောက်ခဲတွေကို ဥရောပက ကောင်းတဲ့ပစ္စည်းတွေနဲ့ လဲလှယ်မယ်ဟုပြောသည်ကို ကြားရသည်အား ကြိုက်၏။
ကျောက်မျက်ရတနာများသည် အဖိုးတန်ပြီး ရှားပါးသော်လည်း ကျောက်မျက်ရတနာကို မနှစ်သက်သူများအတွက်မူ ၎င်းတို့သည် ကျောက်ခဲများသာဖြစ်ပြီး တန်ဖိုးအနည်းငယ်သာရှိသည်။
တပ်မှူးချန်၏ မျက်လုံးများ ပြန်လည်တောက်ပလာကာ ကျေနပ်စွာ နားထောင်ပြီး အားဝမ်ကို ဆက်ရန် အချက်ပြခဲ့သည်။
သို့ရာတွင် အားဝမ်က အကြောင်းအရာကို ပြောင်းလဲလိုက်ပြီး သူ့အိတ်ကပ်ထဲက လက်မအရွယ် ကျောက်တုံးတချို့ကို ထုတ်ကာ လက်ဖက်ရည် စားပွဲပေါ်တင်လိုက်၏။
"ဆရာ ကြည့်ပါဦး"
တပ်မှူးချန်က ကျောက်ရိုင်းကို ကောက်ကိုင်ပြီး ကြည့်လိုက်သောအခါ အပြာရောင်ဖြစ်နေသည်ကလွဲ၍ ထူးခြားသည့်အရာဘာမှ မရှိပေ။ တကယ်တမ်းတွင် သူမြင်လျှင်ပင် ကောက်ကိုင်မှာ မဟုတ်ချေ။ယင်းက ကျည်ဆန်၊ သေနတ်အဖြစ်မသုံးနိုင်သလို စား၍လည်းမရသည်ပင်။
အားဝမ် တီးတိုးပြောလေသည်။
"ဆရာ...အဲဒါကို ပုံသဏ္ဍာန်ပေါ်အောင် အရောင်တင်ပေးရင် ဒီကျောက်တုံးလေးကို စက်သေနတ်နဲ့ လဲလှယ်လို့ရပြီ "
ပမာဏအတိအကျကို သူမသိသော်လည်း တပ်မှူးချန်ကို သွေးဆောင်ရန် အချိန်အတော်ကြာနေလိမ့်မည်မဟုတ်ပေ။
ဤသည်မှာ ကျောက်ရိုင်းပုံထဲမှ ရွေးချယ်ထားသည့် တောက်ပသောအဆင့်မြင့်အဆင့် ဖြစ်သည်။ အရည်အသွေး အများစုမှာ သိပ်မကောင်းသော်လည်း အရေးမကြီးပါချေ။ သူက ထိပ်တန်းအဆင့်၏ တစ်ဝက်ကို အမြဲရွေးချယ်နိုင်သည်။
တပ်မှူးချန် မျက်လုံးများကို မှေးစင်းကာ ကျောက်တုံးလေးကို ယူ၍ လှည့်ပတ်ကြည့်လိုက်၏။၎င်းနောက် အလင်းရောင်အောက်မှာထားကြည့်လိုက်သော်လည်း အလွန်တန်ဖိုးရှိသည်ဟု မပြောနိုင်ပေ။
သူ့အမြင်အရဆို ကျည်ဆံတစ်ခုနှင့်ပင် လဲမှာ မဟုတ်ပေ။
"အဲဒါဆိုရင်..."
တပ်မှူးချန် ခဏလောက်စဉ်းစားပြီးပြောလိုက်၏။
"ဒါကို မင်းတို့အရင်လေ့လာပြီး အရောင်တင်ကြည့်စမ်းပါ"
နယ်မြေထဲမှာ ကျောက်မိုင်းတွေရှိသည်ဟု သူ့လက်အောက်ငယ်သားများက သတင်းပို့သည်ြ့အခါ သူ့အထက်လူကြီးတွေကို အလျင်စလို သတင်းပို့မှာမဟုတ်ပေ။ထုံးစံအတိုင်း သူ ရလဒ်ကို စောင့်ကြည့်ရသေးသည်။
လင်းလန် : "အကြီးအကဲ နီလာကို အရောင်တင်ဖို့ အထူးလက်မှုပညာနဲ့ ကိရိယာတွေ လိုအပ်တယ်... အတွေ့အကြုံ ကျွမ်းကျင်မှု ရှိရမယ်"
သာမာန်လူများ မလုပ်နိုင်ပါချေ။ သူတို့အနေဖြင့် ၎င်းကို တုံ့ဆိုင်းမနေဘဲ လုပ်လျှင်ပင် အတွေ့အကြုံမရှိခြင်းက ကျောက်ရိုင်းများကို အလွယ်တကူ ပျက်စီးစေလိမ့်မည်။သူတို့ ကျောက်မျက်များ၏အမြင့်ဆုံး တန်ဖိုးကိုရအောင်လုပ်နိုင်မည်မဟုတ်ပေ။
Xxxxx
Welcome To MM Storyteller
LOGIN
Welcome To MM Storyteller
REGISTER