အပိုင်း ၈၃၅-၈၃၆
Viewers 37k
Chapters 532

Part 835


 ရှေးခေတ်တရုတ်ကျောက်မျက်လက်မှုပညာသည်များသည် ကျောက်စိမ်းကို အဓိကအားဖြင့် အရောင်တင်ကြသော်လည်း ကျောက်စိမ်း၏အသားမှာ ကော်ရွန်ဒမ်ထက် ပိုမိုနူးညံ့သည်။ ထို့ကြောင့် ရှေးခေတ်ကျောက်မျက်ရတနာအများစုသည် ကြည်လင်ပြတ်သားပြီး နောက်ပိုင်းမျိုးဆက်များကဲ့သို့ ပုံစံများ ပေါများခြင်းမျိုးမဟုတ်ဘဲ ရိုးရိုးရှင်းရှင်းဖြင့် အရောင်တင်ကြသည်။


လင်းလန် ကျောက်မျက်ရတနာများကို မည်ကဲ့သို့ စီမံဆောင်ရွက်ရမည်ကို စိတ်မပူခဲ့ပေ။သုတေသီများနှင့် လက်သမားဆရာများ ရှိနေသရွေ့ ၎င်းတို့သည် နည်းလမ်းကောင်းကို အမြဲရှာဖွေနိုင်မည်ဖြစ်သည်။ ယခုအချိန်တွင် လျှပ်စစ်ပစ္စည်းများ ၊ ဓားနှင့်ခွဲစက်များသည် လူအင်အားကို သက်သာစေရုံသာမက နည်းပညာကိုပါ တိုးတက်ကောင်းမွန်လာစေသည်။


သူမလုပ်ရမှာက တော်လှန်ရေး ကော်မတီက သုတေသနရုံးတစ်ခု တည်ထောင်ရန် သဘောတူပြီး သူမ ပါဝင်နိုင်ရန်ဖြစ်၏။


တပ်မှူးချန်က ခေါင်းညိတ်ပြပြီးဆိုသည်။


 "ကဲ...ခရိုင်တော်လှန်ရေးကော်မတီအမည်နဲ့ ရုပ်ဝတ္ထုပစ္စည်းသုတေသနရုံးတစ်ခု ထူထောင်လိုက်ရအောင်"


သူက ဟန်ချင်စုန့် ကို တစ်ချက်ကြည့်လိုက်ပြီး "မင်းက လုံခြုံရေးနဲ့ လျှို့ဝှက်ရေးတာဝန်ယူရမဲ့ရုံးရဲ့ညွှန်မှူးပဲ ဖြစ်လိမ့်မယ်... ရဲဘော်လင်းလန်ကတခြားအလုပ်အားလုံးကို တာဝန်ယူရတဲ့ နည်းပညာဆိုင်ရာအဖွဲ့ခေါင်းဆောင်ပေါ့... တစ်ခုခုလိုအပ်ရင် တော်လှန်ရေးကော်မတီညွှန်မှူးဖန့်ဆီဖောင်တင်လိုက်ပါ...သူက ဆောင်ရွက်ပေးပါလိမ့်မယ်"


ညွှန်မှူးဖန့်က ခရိုင်တော်လှန်ရေးကော်မီတီ၏ လက်ထောက်ညွှန်မှူးများထဲမှ တစ်ဦးဖြစ်သည်။ သူ့ကို တပ်မှူးချန်က ဆွဲခေါ်ထားခြင်းဖြစ်၏။ သူက အစိုးရ အုပ်ချုပ်ရေးကို တာဝန်ူခြင်း မဟုတ်ပေ။ ၎င်းအစား သူက တပ်မှူးချန်၏ တပ်ရေးဗိုလ်ကြီးကဲ့သို့ဖြစ်ပြီး တပ်မှူးချန်၏ယုံကြည်မှုကို ရရှိထားသည်။ သူက တခြားလက်ထောက်ညွှန်မှူးများထက် ပိုလွတ်လပ်ပြီး ပါဝါပိုရှိလေသည်။ ဤဓာတ်ခွဲခန်းကို စီစဉ်ရသည်က သူနှင့်အကိုက်ဆုံးဖြစ်၏။


သူက ညွှန်မှူးဖန့်ကိုအခေါ်ခိုင်းလိုက်ပြီး  နှစ်ဖက်စလုံးကို အချင်းချင်းမိတ်ဆက်ပေးကာ လင်းလန်အား ညွှန်မှူးဖန့်ကို အသေးစိတ် တင်ပြခိုင်းလေသည်။


၎င်းကိုကြားပြီးနောက်မှာ ညွှန်မှူးဖန့်က တပ်မှူးချန် ထက် ပိုစိတ်ဝင်စားခဲ့၏။သူက စာတတ်ပေတတ်အသိုင်းအဝိုင်းကနေ ဆင်းသက်လာပြီး တပ်မှူးချန်၏ အကာအကွယ်အောက်မှာ နှိပ်စက်ညှဉ်းပန်းခံရတာမျိုး မရှိသည့်အတွက် လုံလောက်သည့် တက်ကြွမှုနှင့်စိတ်ဝင်စားမှုကို ထိန်းသိမ်းထားနိုင်ခဲ့လေသည်။


သူက တပ်မှူးချန်ကို ပြုံးပြလိုက်ပြီးဆို၏။

 "ဆရာ ဒါဆို အသေးစိတ်ဆွေးနွေးဖို့ တံခါးနားက ရုံးခန်းကို ခေါ်သွားလိုက်မယ်...နောက်မှ အသေးစိတ် သတင်းပို့ပါ့မယ်" 

 

တပ်မှူးချန်က သူ့လက်ကို ဝှေ့ယမ်းပြီး

 "သွားတော့" 


တပ်မှူးချန်ဆီက  ထွက်လာပြီးနောက် သူတို့အခြားရုံးခန်းငယ်တစ်ခုသို့ ရောက်ရှိလာကြသည်။ အစည်းအဝေးခန်းတွင် ညွှန်မှူးဖန့်က လင်းလန်နှင့်အားဝမ်ကအား စိတ်ဝင်တစားဖြင့်  ထပ်မံပြောဆိုရန် တောင်းဆိုခဲ့သည်။


သူတို့နှစ်ယောက် သူတို့နားလည်ထားသည့်အကြောင်းကို ပြောပြ လိုက်ပြီး ညွှန်မှူးဖန့်က   မကြာခဏ ခေါင်းညိတ်ကာ "ဒါအမှန်ပဲ"ဟုထောက်ခံနေ၏။


သူကဆိုသည်။

" ကျွန်တော်တို့ သုတေသနအဖွဲ့တစ်ခုလိုတယ်...ဒါပေမဲ့  ကျွန်တော်တို့က ဒါကို အလျင်စလိုလုပ်လို့မရဘူး...အုတ်အော်သောင်းနင်းဖြစ်အောင်လုပ်လို့  မရဘူး" 


သူက ထရပ်ကာ အစည်းအဝေးခန်းထဲတွင် အပြန်ပြန်အလှန်လှန် ခေါက်တုံ့ခေါက်ပြန် လျှောက်ကာ ခဏလောက်  တွေးတောနေသည်။


 "ခရိုင်တော်လှန်ရေး ကော်မတီမှာ သုတေသနရုံးကို တိုက်ရိုက် တည်ထောင်လို့မရဘူး" 


ခရိုင်တော်လှန်ရေး ကော်မတီ၏ ပန်းတိုင်က ကြီးလွန်းပြီး အများအာရုံကို ဆွဲဆောင်မိရန် လွယ်ကူလေသည်။ ထိုအချိန်ကျလျှင် ရှင်းပြရန် လွယ်ကူမည်မဟုတ်ပါချေ။


လင်းလန်က အကြံပေးလိုက်၏။

 "ညွှန်မှူးဖန့်... ကျွန်မတို့ ခရိုင်မှာဆို ရနိုင်တယ်"


ညွှန်မှူးဖန့်က  ခေါင်းညိတ်ပြီး

"မင်းတို့ခရိုင် ဒါမှမဟုတ် ရှောင်ရွှမ်တောင်နားက တပ်မဟာမှာ... မင်းမှန်တယ်...ခရိုင်က ပိုသင့်တော်တယ်"


ရှိပြီးသား အပေါ်ယံ ကျောက်ရိုင်းများသည် လုံလောက်ပြီး မိုင်းတွင်းကို တခမ်းတနား တူးဖော်ရန် မလိုအပ်သောကြောင့် သုတေသနခန်းကို မည်သည့်နေရာတွင် ဆောက်သည်ဖြစ်စေအရေးမကြီပါချေ။ အဓိကအချက်မှာ လင်းလန်နှင့် အခြားသူများအတွက် အဆင်ပြေစေရန်ဖြစ်သည်။


 အတန်ကြာ စကားစမြည်ပြောဆိုပြီးနောက် လင်းလန်နှင့်အားဝမ်တို့ စာရင်းတစ်ခုပြုလုပ်ခဲ့သည်။ သုတေသနခန်းတွင် ကိရိယာများ၊ လက်သမားနှင့် နည်းပညာရှင်အချို့ တပ်ဆင်ထားရန် လိုအပ်၏။


ကိရိယာများကို ရှေးယခင်က ကျောက်စိမ်းလုပ်ငန်းအတွက် ကိရိယာတန်ဆာပလာများကို အသုံးပြုနိုင်ပြီး လက်သမားဆရာများအတွက်မှာ ယခင်ရိုးရာလက်မှုပညာသမားများကို ရှာဖွေနိုင်ကာ ပညာရှင်များအတွက်မူ လုပ်သားပြုပြင်ရေးသို့ စေလွှတ်ထားသော ဘူမိဗေဒပညာရှင်များကို ငှားရမ်းနိုင်သည်။


 ညွှန်မှူးဖန့်: "ဒါတွေကို ပြင်ဆင်ဖို့ ကျွန်တော့်တာဝမန် ထားလိုက်ပါ...နောက်ရက်အနည်းငယ်အတွင်း ကျွန်တော့်ဆီကို အသေးစိတ် အစီရင်ခံစာ ရေးပေး "


"ကောင်းပြီ" 


လင်းလန် အလွန် ပျော်သွားသည်။


ညွှန်မှူးဖန့်: "ရဲဘော်လင်းလန်...ဓာတ်ခွဲခန်းမှာ ရလဒ်တွေထွက်လာဖို့ ဘယ်လောက်ကြာမယ်ထင်လဲ"


လင်းလန် သူ ပေါ့ပေါ့တန်တန်  မေးနေသည်ထင်ပြီး သူ့ကို ကြည့်လိုက်သောအခါ အားဝမ် မျက်လုံးထဲက အရိပ်အမြွက်တစ်ခုရလိုက်သည်။ ညွှန်မှူးဖန့်ရဲ့  စကားထဲမှာ တစ်ခုခုရှိနေပြီး သူမကို စမ်းသပ်နေတာလား...


သူမက ခဏလောက်စဉ်းစားပြီး ဂရုတစိုက်ပြောလိုက်၏။


 "ညွှန်မှူးဖန့်... ရိုးရိုးသားသားပြောရရင် အဲဒါက နှစ်နှစ်လောက် အချိန်ယူရလိမ့်မယ်...တစ်ခုက ကျွန်မတို့ရဲ့နည်းပညာက နေရာမကျဘူး နည်းပညာနဲ့ ကိရိယာတွေကို မြှင့်တင်ဖို့လိုတယ်... နောက်တစ်ခုက  သင့်လျော်တဲ့ လက်မှုပညာ ရှင်နဲ့ နည်းပညာရှင်တွေကို ရှာဖွေဖို့ အချိန်တချို့ယူရလိမ့်မယ်...အရာအားလုံး အဆင်သင့်ဖြစ်ပြီးလို့ သုတေသန စတင်ပြီးရင်လည်း အချိန်အကုန်ဆုံးဖြစ်လိမ့်မယ်... တရုတ်နိုင်ငံက ကျောက်မျက်ရတနာ အရောင်တင်တဲ့နေရာမှာ  အတွေ့အကြုံ ရင့်ကျက်မှု မရှိသေးတဲ့အတွက် ကျောက်တွေကို စိတ်မှန်းအရလုပ်ရမှာလေ"


ညွှန်မှူးဖန့်က ၎င်းကိုအချိန်ကြာသည်ဟုထင်ရုံသာမက သူ့မျက်နှာတွင် စိတ်ချသွားသောအရိပ်အယောင်ပေါ်လာသည်။လင်းလန်နှင့်အခြားသူများက ယုံကြည်စိတ်ချရပြီး အောင်မြင်မှုအမြန်ရရန် စိတ်အားထက်သန်သူများမဟုတ်ဟု သူတွေးကာ စိတ်အေးသွားခြင်းဖြစ်၏။


သာမန်လူများက မြှောက်ပင့်ပြီး အကျိုးအမြတ်ရှာလျှင်  မနက်ဖြန်မှာ ရလဒ်များ ထွက်လာရန် ဆန္ဒရှိကြလိမ့်မည်ဖြစ်သည်။ ဂြိုလ်တု လွှတ်တင်သည့်ကိစ္စက ကြောက်စရာကောင်းလွန်း၏။

(T/N–သူက ဘယ်ကိစ္စကိုပြောမှန်းမသိပေမဲ့ တရုတ်က 1970ကတည်းက ဒုံးပျံလွှတ်တင်ရေး လုပ်ငန်းစတင်ခဲ့တာပါ။ John Mintz– Washington Post Staff Writerရဲ့1998ခုနှစ်က ဆောင်းပါးအရ ပြီးခဲ့တဲ့ 27အတွင်း လွှတ်တင်ခဲ့တဲ့ အကြိမ်ရေ50ခန့်မှာ 7ခုလောက်က ဆိုးရွားတဲ့ချို့ယွင်းမှုတွေ၊ဂြိုလ်ပတ်လမ်းကြောင်းဆိုင်ရာအမှအယွင်းတွေကြုံတွေ့ခဲ့ရပါတယ်တဲ့)


လင်းလန်းက နှစ်နှစ်ကြာမည်ဟုပြောသောအခါ သူ မျှော်လင့်ချက်ရှိသည်ဟု ခံစားခဲ့ရသည်။


"ကောင်းပြီ"


ခဏအကြာ စကားစမြည်ပြောပြီးနောက် ညွှန်မှူးဖန့် ခရိုင်တော်လှန်ရေးကော်မတီ၏ စာကြည့်တိုက်ရှိ စာအုပ်များကို ရှာဖွေရန် ၎င်းတို့ကို ကိုယ်တိုင်ခေါ်သွားခဲ့သည်။


ဤစာအုပ်များအားလုံးကို 66/67 ညွှန်မှူးဖန့်က ကာကွယ်ထားခဲ့သည်။ ထိုစဥ်က *အနီရောင်အစောင့်များက နေရာတိုင်းကို ဖြိုခွင်းမီးရှို့ခဲ့ပြီး ရှေးဟောင်းစာအုပ်များ၊ ရှားပါးစာအုပ်များ၊ ကြိုးချည်ထားသည့်စာအုပ်များလည်း မီးရှို့ခံခဲ့ရသည်။ညွှန်မှူးဖန့်က တပ်မှူးချန်၏ အကာအကွယ်အောက်တွင် ဘေးကင်းလုံခြုံခဲ့ပြီး တပ်ဖွဲ့ဝင်များကို ဦးဆောင်၍ လျှို့ဝှက်စာရွက်စာတမ်းများအဖြစ် သူတာဝန်ယူထားသည့် စာကြည့်တိုက်အတွင်းသော့ခတ်ထားသော စာအုပ်အချို့ကို ကယ်ဆယ်နိုင်ခဲ့သည်။ဤနေရာကို သူမှတပါး မည်သူမှ စိတ်ကြိုက်  မဝင်နိုင်မထွက်နိုင်ပေ။

(T/N–​ယဥ်ကျေးမှုတော်လှန်ရေးအဖွဲ့က ဟောင်းလေးဟောင်းကို ဖျက်ဆီးရန် တာဝန်ပေးထားသူများကို အနီရောင်အစောင့်များဟုခေါ်သည်)


Xxxx

Part 836


လင်းလန်နှင့် အားဝမ်တို့စာအုပ်များရှာရန် ညွှန်မှူးဖန့်၏နောက်သို့ လိုက်သွားခဲ့ကြသည်။ ရတနာ တောင်သို့ရောက်ခြင်းထက် သူတို့ ပို၍စိတ်လှုပ်ရှားနေကြသည်။စာအုပ်ကို ခဏအကြာရှာရသည်က အလွန်ကောင်းလှသည်။ 


လင်းလန်၏ စိတ်လှုပ်ရှားမှုမှာဤသို့ဖြစ်၏။

 အိုး...သူ့မှာ တကယ် ဒီစာအုပ်ရှိတာပဲ...


အားဝမ်၏ စိတ်လှုပ်ရှားမှုမှာ ဤသို့ဖြစ်သည်။ စာအုပ်အများကြီးပဲ... ငါ တစ်ခါမှ မဖတ်ဖူးတဲ့ စာအုပ်တွေလည်းအများကြီးပဲ...ဖတ်ကြည့်ချင်လိုက်တာ...


စာအုပ်များငတ်နေသော ကလေးအတွက် ရေတစ်စက်ကဲ့သို့ သူ့အတွက် တောက်ပသော ရတနာများထက် ပို၍ ဆွဲဆောင်မှုရှိပြီး သူ မထွက်ခွာချင်ပေ။


လင်းလန် အားဝမ်ကို ခိုးကြည့်လိုက်ရာ သူ စာအုပ်ကိုင်လိုက်သောအခါ စန်းဝမ် ဝက်ခြေထောက်နှပ်အကြီးကြီးကို မြင်လိုက်ရသလိုမျိုး သို့မဟုတ် တစ်နှစ်လောက် ရေကူးနိုင်သည့်ကိုသိရသောအခါမျိုးကဲ့သို့သော တစ်ခါမှ မမြင်ဖူးသည့် ပျော်ရွှင်မှုနှင့် စိတ်လှုပ်ရှားမှုမျိုးကို ပြသနေသည်ကို တွေ့လိုက်ရသည်။ 


 လင်းလန်  : "ညွှန်မှူးဖန့်... တစ်ခုခုထူးရင် ကျွန်မတို့ ရှင့်ကို လာအကြောင်းကြားမှာပါ"


ညွှန်မှူးဖန့်ကဆို၏။

 "မင်းမှာ လုပ်စရာရှိရင် ကျွန်တော့်ကို ခေါ်လိုက်ပါ...လာခဲ့မယ်...လိုအပ်တာကိုသာပြောလိုက်"


လင်းလန်: "ကျွမ်းကျင် စာအုပ်တချို့..."


ညွှန်မှူးဖန့်: "အချိန်ကျရင် ကျွန်တော်  ဓာတ်ခွဲခန်းကို ပို့လိုက်မယ်... မင်းတို့သုံးလို့ရတဲ့အရာတွေကို ရှာပြီး စာရင်းပြုစုထားပါ"


လင်းလန်: ကောင်းပြီ...ဒီလိုခေါင်းဆောင်မျိုးကို သဘောကျတယ်...


 သူမ အားဝမ်ကို မျက်ရိပ်ပြကာ နှစ်ယောက်သား စာအုပ်ကိုလှန်ကြည့်တော့သည်။ပထမဆုံးအကြိမ်မှာ အဝေးကြီးမသွားသင့်သဖြင့် ကျောက်မျက်ရတနာများနှင့်ရင်းနီးအောင်ကြိုးစားကာ သမိုင်း၊ ပထဝီဝင်နှင့် အခြားရှုထောင့်များနှင့် အံဝင်ခွင်ကျဖြစ်စေခဲ့သည်။အချို့ကို တရုတ်ပြည်သူ့သမ္မတနိုင်ငံရှိ နာမည်ကြီးစာရေးဆရာများက ရေးသားခဲ့ကြပြီး ထိုအချိန်ကဘူဇွာစိတ်ကူးယဉ်ဆန်သောစာအုပ်များအဖြစ်  ပိတ်ပင်ခံခဲ့ရသည်။ဥပမာအားဖြင့်ဘသူတို့က  ဥရောပ၊ ဂျပန်၊ ရှုခင်းများ၊ သက်တောင့်သက်သာဘဝစသည်တို့ကို ရေးသားထားကြ၏။


အားဝမ်: "ညွှန်မှူးဖန့်...မားမား... ကျွန်တော် စာအုပ်ဖတ်ပြီး အစီရင်ခံစာကို တစ်ခါတည်းရေးနိုင်တယ်"


သူ့အနေဖြင့်  ဘူမိဗေဒဆိုင်ရာ အပေါ်ယံဗဟုသုတအချို့ကို လေ့လာရန်နှင့်အချို့သော အသုံးအနှုန်းများကို နားလည်ပြီး  အစီရင်ခံစာ၏ ကျွမ်းကျင်ပိုင်နိုင်မှုနှင့်အဆင့်အတန်းမြှင့်တင်ပေးနိုင်ရန်အတွက် အစီရင်ခံစာတွင် အသုံးပြုရန် လိုအပ်သည်။


အခြားသော ကျွမ်းကျင်မှုဆိုင်ရာ အသိပညာများအတွက်မူ နည်းပညာရှင်များ နေရာယူသည်အထိ စောင့်ရပေမည်။


ညွှန်မှူးဖန့်ကရယ်၏။


 "ကျောင်းသားဟန်ဝမ်ကျွင်း... အလျင်လိုတာ ဖြုန်းတီရာကျစေတယ်...လေ့လာတာကအရေကြီးပေမဲ့ အနားယူဖို့က ပိုအရေးကြီးတယ်...အနားယူပြီးမှသာ မင်းက ပိုစိတ်အားထက်သန်နိုင်မှာ... ပြန်အိပ်ပြီး မနက်ဖြန် ပြန်လာခဲပါ" 

 

အားဝမ်ကို ညွှန်မှူးဖန့်က အနာဂတ်မှာ စာအုပ်လာဖတ်၍ရကြောင်းပြောသဖြင့် အားဝမ်က ချက်ချင်း သူ့အမွှာညီမကလည်း ကူညီနိုင်သည်ကို ပြောခဲ့သည် ။


ညွှန်မှူးဖန့် ကလည်း ငြင်းဆိုခြင်းမရှိပေ။ ဟန်ချင်စုန့်က စည်းကမ်းတင်းကြပ်ပြီး ယုံကြည်ထိုက်သူဖြစ်ကြောင်း သူသိသည်။ လင်းလန်နှင့်အားဝမ်ကလည်း  ဘယ်အချိန် ရှေ့တိုးရမည်၊ နောက်ဆုတ်ရမည်ကို သိကြသည်။ကျန်သည့် မိသားစုဝင်များကလည်း သဘာ၀အတိုင်း ဆိုးရွားမည်မဟုတ်ပေ


"လာခဲ့လေ"


လင်းလန် အားဝမ်နှင့်ညွှန်မှူးဖန့်ကို ခေါ်ကာထွက်သွားခဲ့သည်။


ဆန့်ကျင်ဘက်အနေဖြင့် ဆရာဖန့်က သူလုပ်ချင်သည်ကို လုပ်နေတုန်းပါပင်။တကယ်တမ်းတွင် လက်ရှိအချိန်မှာ နိုင်ငံရေးအခြေခံအချက်ကို မထိဘဲ ယဉ်ကျေးမှုအကြောင်း ပျော်ပျော်ရွှင်ရွှင် စကားပြောနိုင်သည့်သူကို ရှာတွေ့ရန် မလွယ်ကူပါချေ။ 


ဟန်ချင်စုန့်က စာအုပ်ခန်းထဲသို့ မ၀င်ဘဲ အပြင်တွင် စောင့်နေကာ သူတို့ထွက်လာသောအခါ တံခါးဆီသို့ လျှောက်သွားခဲ့သည်။


ညွှန်မှူးဖန့်က အနည်းငယ်ပြုံးကာဆို၏။


 "ဟန်ချင်စုန့်... သူက ဘယ်လိုရာထူးမျိုးမှာပဲဖြစ်ဖြစ်... ပြည်သူကို အလုပ်အကျွေးပြုနေတာ အမှန်ပါပဲ" 


ဟန်ချင်စုန့်နှင့်လင်းလန်တို့ကို လက်ဆွဲနှုတ်ဆက်ပြီးနောက်  အားဝမ်ကို ကလေးတစ်ယောက်လိုမဆက်ဆံဘဲ အလေးအနက်ထား လက်ဆွဲနှုတ်ဆက်ခဲ့သည်။


အားဝမ် အတော်လေး  စိတ်လှုပ်ရှားနေသည်။ ညွှန်မှူးဖန့်က သူ့ကို ဤမျှလောက်ထိလေးစားရန် မမျှော်လင့်ထားပေမဲ့ သူ့မျက်နှာက အလွန်ကို တည်ငြိမ်နေပြီး ညွှန်မှူးဖုန့်နှင့် ပြင်းပြင်းထန်ထန်  လက်ဆွဲနှုတ်ဆက်လိုက်ပါ၏။


ဟန်ချင်စုန့်က သူတို့ကို ဂျစ်ကားနှင့် တည်းခိုခန်းဆီ ပြန်လိုက်ပို့သည်။


အားဝမ်က လမ်းတစ်လျှောက်တွင် စိတ်လှုပ်ရှားမှုထဲ၌ နှစ်မြုပ်နေပြီး မျက်လုံးများ တောက်ပကာ ရယ်မောနေခဲ့သည်။ သို့ရာတွင်  သူ က စိတ်လှုပ်ရှားနေချိန်မှာ  ဆက်တိုက် စကားပြောခြင်းမရှိဘဲ ပိုပို၍တိတ်ဆိတ်လာတတ်လေသည်။


 လင်းလန်က သူ့ကိုပုတ်လိုက်၏။

 “သား လာပါဦး”


အားဝမ်: “မားမား ကျွန်တော် အရမ်းပျော်တယ်”


လင်းလန်က ပြုံးပြီး​

 “မားမားလည်း ပျော်ပါတယ်”


ဟန်ချင်စုန့် နောက်ကြည့်မှန်ကနေ သားအမိနှစ်ယောက်၏ရွှင်လန်းနေသော မျက်လုံးများကို  မြင်လိုက်ရသည်။ သူ့အမူအရာက အလိုအလျောက် ပျော့ပြောင်းလာခဲ့သည်။


သူတို့ တည်းခိုခန်းကို ပြန်ရောက်သည့်အခါ ရှောင်ဝမ်က ​​အိပ်ပျော်နေလေပြီ။ အခုရက်ပိုင်းမှာ ကျောက်ကောက်ရသည်အတွက် သူ ပင်ပန်းနေဆဲဖြစ်၏။


မိုင်စွေ့က စာအုပ်တစ်အုပ်ကို ဖတ်နေပြီး ပြန်လာသည်ကိုကြားသောအခါ တံခါးကို ချက်ချင်းဖွင့်ကာဆိုသည်။


 "အဖေနဲ့မားမား...အောင်မြင်ခဲ့လား"


လင်းလန်က သူမလက်ကို မြှောက်ကာ  လက်ဝါးခြင်းရိုက်လိုက်၏။


 "မင်းတို့လေးတွေ အကူအညီနဲ့ မဖြစ်နိုင်ဘဲနေ ပါ့မလား"

 


အားဝမ်က မိုင်စွေ့ကို ချက်ချင်းဆွဲခေါ်ပြီး သူစိတ်လှုပ်ရှားနေသည့်အကြောင်းကိုပြောပြလေသည်။


"မနက်ဖြန်ကစပြီး စာအုပ်တွေဖတ်ဖို့ စာကြည့်တိုက်ကို သွားလို့ရပြီ ...တခြားဘယ်မှာမှ ရှာမတွေ့နိုင်တဲ့ စာအုပ်တွေ အများကြီးရှိနေတယ်"


မိုင်စွေ့လည်း စိတ်ဝင်စားသွားသည်။

  "တကယ်လား... တကယ်လား..."


လင်းလန်က အတည်ပြုပေးလိုက်၏။

 "အမှန်ပဲ"


အားဝမ်က စိတ်ခံစားမှုအပြည့်နှင့် ဆိုလေသည်။ 


" သစ်ပင်ကြီးတစ်ပင်ကို မှီပြီးအရိပ်ခိုရတာ အရမ်းကောင်းတာပဲ"


ညွှန်မှူးဖန့်ကို တပ်မှူးချန်က ကာကွယ်ထားပေးထားသောကြောင့်  သူ့ကို ခရိုင်တော်လှန်ရေး ကော်မတီမှာ ထိန်းသိမ်းထားနိုင်ခဲ့ပြီး  ရေထဲက ငါးတစ်ကောင်လို ခံစားနိုင်ခဲ့သည်။ ယင်းက တကယ်ကိုကောင်းမွန်၏။


လင်းလန်က ပြုံးရင်းဆိုလိုက်သည်။


 "ကိုယ့်ရဲ့ခွန်အားက အားနည်းနေတဲ့အချိန်မှာ ခွန်အားတွေစုဆောင်းဖို့အတွက် သစ်ပင်ကြီးတွေကို အားကိုးရမယ်... မင်းမှာ ခွန်အားတွေ လုံလုံလောက်လောက်ရှိတဲ့အခါ တခြားသူတွေကို လေနဲ့မိုးဒဏ်ကနေ ကာကွယ်ဖို့ ကောင်းကင်နဲ့မြေကြီးကို ထောက်မထားသင့်တယ်" 

 

ဘယ်သူကမှ အပေးမရှိဘဲ အယူချည်းအပေါ်အားကိုး၍မရပေ။တခြားသူများထံမှ ​ယူပြီးသောအခါ ပြန်လည်ပေးချေရ၏။


နောက်ရက်အနည်းငယ်အတွင်းတွင် မိုင်စွေ့နှင့်အားဝမ်တို့သည် စာအုပ်များဖတ်ရန်နှင့် အစီရင်ခံစာများရေးရန် ရည်ညွှန်းခန်း(မှတ်တမ်းခန်း)သို့သွားခဲ့ကြသည်။ ဟန်ချင်စုန့်ကမူ လင်းလန်ကိုခေါ်၍ ပစ္စည်းများနှင့် သုတေသနခန်းပြင်ဆင်ရာတွင် သွားကူခဲ့သည်။


ပစ္စည်းများနှင့်ပတ်သက်၍ ရှင်းရှင်းလင်းလင်းရှင်းပြရန် မလိုအပ်ပါချေ။ မည်သို့ပင်ဆိုစေကာမူ နေရာများစွာတွင် မရေမတွက်နိုင်သော နာမည်များနှင့် လုပ်ဆောင်ချက်များရှိသည့် အဖွဲ့အစည်းများ ရှိနေပေသည်။


ဤသုတေသနဓာတ်ခွဲခန်းအတွက် ကုန်ကျစရိတ်နှင့် စားနပ်ရိက္ခာအားလုံးကို ခရိုင်တော်လှန်ရေးကော်မတီ၏ စာရင်းများမဟုတ်ဘဲ စစ်ဘက်ခရိုင်ခွဲများမှ ထုတ်ယူသောကြောင့် ပြည်နယ်တော်လှန်ရေးကော်မတီထံ တင်ပြရန် မလိုအပ်ပေ။ တစ်ခုခုလုပ်ရန်အတွက် ရန်ပုံငွေခွဲဝေသုံးစွဲပိုင်ခွင့်ရှိ၏။လက်နက်မထုတ်သေးသရွေ့ စစ်ဘက်အဆင့်မြင့်ဌာနကိုသတင်းပို့စရာမလိုပါချေ။


Xxxxx

Prev Next