အခန်း(၁၁)

အခန်း(၁၁)《ကောင်းမွန်သောအရာများ ဆက်လက်ဖြစ်ပွား》

Author: Drunken Light Song

Source: Jostena M

Translator: オタク

စုရွေ့ကျယ်သည် နေ့လည်စာအတွက် ကြက်စွတ်ပြုတ်အား ဟင်းချက်နည်းလမ်းညွှန်အတိုင်းချက်ပြုတ်လိုက်၏။ အဘယ့်ကြောင့်ဆိုသော် သူ့ပထမဆုံးအကြိမ် ချက်ပြုတ်ခြင်းဖြစ်၍ အလယ်နားလောက်ရောက်သောအခါ ကြက်သား၏နူးနပ်မှုကို တူများဖြင့် မြည်းလိုက်ကာ စွတ်ပြုတ်ရည်၏အရသာကို ဇွန်းတစ်ချောင်းဖြင့်မြည်းကြည့်လိုက်၏။ စွတ်ပြုတ်ကျက်ခါနီးချိန်တွင် လှီးထားသောမှိုများအား ကြက်စွတ်ပြုတ်ထဲသို့ထည့်လိုက်၏။ ထိုလတ်ဆတ်သောမှိုများသည် သူ့နေရာလွတ်ထဲမှ ထုတ်ယူထားခြင်းဖြစ်ကာ ထိုအရာများသည် ကြက်စွတ်ပြုတ်အား သေချာပေါက်ပို၍အရသာရှိလာစေလိမ့်မည်။ ကြက်စွတ်ပြုတ်အပြင် ကြက်တောင်ပံကြော်တစ်ခွက်နှင့် သခွားသီးကြက်ဥမွှေကြော်ကို ပြုလုပ်လိုက်သည်။ 

သူ အစားအသောက်များနှင့် အခန်းထဲသို့၀င်လာသောအခါ ကျန့်ယွင်သည်ပြုံးကာ သူ့အားပြောလာ၏။ “ဘာတွေချက်လာတာလဲ။ ကိုယ် အဝေးကြီးကနေ ဟင်းအနံ့တွေကိုတောင် ရတယ်”

“ကြက်စွတ်ပြုတ်ပါ ”

စုရွေ့ကျယ် နူးနူးညံ့ညံ့ပြုံးလိုက်ပြီး ပါးချိုင့်နှစ်ဖက်စလုံးကိုထုတ်ဖော်ပြလိုက်ကာ ထို့နောက် ဟင်းပွဲများကို စားပွဲပေါ်သို့ တစ်ခုပြီးတစ်ခုချလိုက်၏။ 

သူတို့သည် စားပွဲနားတွင် အတူတကွစားသောက်ခဲ့ကြသည်။ ကြက်စွတ်ပြုတ်သည် အရသာရှိကာ သည်။ ကြက်စွတ်ပြုတ်သည် အနံ့အရသာအပြည့်ရှိကာ နူးညံ့သောမှိုများကိုထပ်ထည့်ထားခြင်းဖြင့် အရသာအားပိုကောင်းလာစေသည်။ ကြက်တောင်ပံကြော်နှင့် သခွားသီးကြက်ဥမွှေကြော်သည်လည်း အလွန်အရသာကောင်းမွန်လေသည်။ အရိုးရှင်းဆုံးဟင်းပွဲများဖြစ်သော်လည်း ကျန့်ယွင်အား အစားစားချင်စိတ်ကြီးတစ်ခုပေါ်လာစေသည်။ သူသည် ထမင်းနှစ်ပန်းကန်တောင် စားခဲ့ပြီး ကြက်စွတ်ပြုတ်လား အပြောင်ရှင်းလိုက်လေသည်။ 

ကျန့်ယွင်သည် ရုတ်တရက်စာကြောင်းတစ်ခုကိုသတိရသွား၏။ 

‘ အကယ်၍ ယောကျ်ားတစ်ယောက်ရဲ့နှလုံးသားကို ဆုပ်ကိုင်လိုပါက ထိုယောက်ျား၏အစာအိမ်ကို အရင်ဆုံးသိမ်းသွင်းလိုက်ပါ ’

ကျန့်ယွင်သည် စုရွေ့ကျယ်က သူ့နှလုံးသားနှင့်အစာအိမ်အား သိမ်းသွင်းထားလိုက်ပြီးဖြစ်သည်ဟု ခံစားခဲ့ရသည်။ 

စုရွေ့ကျယ်သည် တံခါးခေါက်သံရုတ်တရက်ထွက်လာချိန်တွင် ပန်းကန်ကိုသန့်ရှင်းဆေးကြောနေခဲ့သည်။ စူပါမားကတ်မှလူများ အိမ်သုံးပစ္စည်းများလာပို့ခြင်းဖြစ်လေသည်။ ပစ္စည်းများကို အိမ်ထိပို့ပေးလာသည့်အပြင် ၀န်ထမ်းများသည် သူတို့အားတပ်ဆင်ပေးခဲ့လေသည်။ ၀န်ဆောင်မှုသည် အလွန်နောက်ကျသည်ဟု ပြောနိုင်သည်။ 

လေအေးပေးစက်နှင့် အ၀တ်လျှော်စက်ကို တပ်ဆင်ပြီးနောက် ချက်ချင်းအသုံးပြုနိုင်သော်လည်း TVကိုတော့ မသုံးနိုင်ပေ။ စုရွေ့ကျယ်၏အိမ်တွင် TVချိတ်ဆက်ရန် ကေဘယ်လ်ကြိုးမရှိပေ။ အရင်တုန်းက သူ့အဖိုးနှင့်အတူ သူ့အပန်းဖြေချိန်သည် ခေတ်ဟောင်းရေဒီယိုတစ်လုံးသာ ဖြစ်ခဲ့သည်။ 

ဖန်သားပြင်တစ်ခုလုံးပေါ်ရှိ နှင်းပွင့်ချပ်လေးများကိုကြည့်နေရင်း စုရွေ့ကျယ်သည် ခေါင်းကုတ်လိုက်ကာ ရှက်ကိုးရှက်ကန်းနှင့် တိုးတိုးလေးပြောလိုက်၏။ 

【T/N ; နှင်းပွင့်ချပ်လေးတွေဆိုတာ ❄️ ဒါမျိုးပုံလေးတွေကိုပြောချင်တာပါ 】

“နောက်ပိုင်း ကျွန်တော်အပြင်ထွက်ပြီး တစ်ယောက်ယောက်ကို ကေဘယ်လ် ဆင်ပေးဖို့ခေါ်လာလိုက်မယ် ”

“မလိုပါဘူး ”

ကျန့်ယွင်သည် သူ့လက်ကို ညင်သာစွာ ယမ်းလိုက်ပြီး သူ့ဖုန်းကိုယူကာ တယ်လီကွန်းလုပ်ငန်းဆီသို့ တိုက်ရိုက်ဖုန်းခေါ်လိုက်သည်။  ထို့ကြောင့် သူတို့ ဘရော့ဘန်း*နှင့် IPTV ကို သူတို့တံခါးအပြင်တွင်တပ်ဆင်ထားနိုင်သည်။ ဘရော့ဘန်းတပ်ဆင်သောအခါ IPTVသည် အခမဲ့ဖြစ်သည်။ သူငှားထားသောအိမ်တွင် IPTVနှင့် TVကြည့်ရန် အလွန်သင့်တော်သည်။ ထို့အပြင် စုရွေ့ကျယ်သည် ဤနေရာတွင် ဘရော့ဘန်းတစ်ခုမရှိပေ။ သူ့ဖုန်းဖြသ့် အင်တာနက်သုံးရန် သူ့အတွက် မသင့်တော်ပေ။ သူအိပ်ယာပေါ်တွင် အင်တာနက်သုံးနိုင်ရန် ဘရော့ဘန်းတစ်ခုတပ်ဆင်ကာ လပ်တော့ပ်ကွန်ပျူတာတစ်လုံး၀ယ်သင့်သည်။ 

【T/N ; Broadband ကတော့ ကြိမ်နှုန်းတွေနဲ့ထုတ်လွှင့်ပေးနဲ့နည်းပညာပါတဲ့။ IPTV (Internet Protocol Television)ကတော့ ဘရော့ဘန်းကနေ ချန်နယ်တွေက‌နေ လွှင့်ပေးတာမျိုးပါတဲ့။ 

တကယ်တော့ရှင်းရှင်းနားလည်အောင်ပြောရရင် ဝိုင်ဖိုင်သုံးပြီး Netflixကြည့်တာမျိုးပေါ့ကွယ်။ အတိအကျတူတယ်လို့မဟုတ်ဘူးနော် သဘောပြောပြတာပါ (?・・)σ】

စုရွေ့ကျယ်သည် ပိုက်ဆံအတွက် နာကျင်မှုတချို့ရှိနေခဲ့သော်လည်း ကျန့်ယွင်ပျော်နေသ၍ အဆင်ပြေပါသည်ဟု တွေးခဲ့ပြီး အများကြီးမပြောတော့ပဲ ပန်းကန်များဆေးကြောရန်သာ တန်းသွားလိုက်သည်။ 

ပန်းကန်များကို ဆေးကြောပြီးနောက် ကျန့်ယွင်ဆေးသောက်နိုင်ရန် ရေတစ်ခွက် ထည့်ခဲ့လိုက်သည်။ 

“ရှောင်ကျယ် ကျောင်းစတက်‌ရတော့မယ်မဟုတ်လား ”

ကျန့်ယွင်ရုတ်တရက်မေးလာ၏။ 

စုရွေ့ကျယ်သည် ကျန့်ယွင်ထိုအကြောင်းအား ရုတ်တရက်မေးလာမည်ဟု မမျှော်လင့်ထားခဲ့ပေ။ သူအနည်းငယ် ထိတ်လန့်သွားပြီး ရိုးရိုးသားသားပင်ပြန်ဖြေလိုက်သည်။ 

“ဟုတ်ကဲ့ ”

“ဘယ်အချိန်လဲ။ မင်းရဲ့စာလေ့လာမှုကို မနှောင့်နှေးစေနဲ့”

“အိုး ...ကျွန်တော်သိပါပြီ ”

တကယ်တော့ သူကျောင်းစတက်ရမည့်နေ့သည် ယနေ့ဖြစ်၏။ သို့သော်လည်း သူကျောင်းကိုသွားပြီး ကျောင်းလခပေးရန် ရည်ရွယ်ချက်မရှိချေ။ 

အရင်ကျောင်းလခများသည် ဦးလေးနှင့်အဒေါ်တို့ပေးခဲ့ကြခြင်းဖြစ်သည်။ တကယ်တော့ မြို့မှာဆို တစ်နှစ်စာကျောင်းလခသည် ဈေးမကြီးပေ။ သို့သော်လည်း စားသောက်စားရိတ်၊ ကျူရှင်စားရိတ်၊ စာရေးကိရိယာဖိုး စသည့်ဖြင့်ထပ်ပေါင်းလျှင် ယွမ် 3000 နီးပါးရှိသည်။ ကျောင်းသွားဖို့ရန် ပိုက်ဆံရှာရမည့် သူ့အဖိုးတန်အချိန်ကို ဖြုန်းတီးခြင်းတစ်ခုပင်။ သူသင်ယူရသမျှသည် အကုန်လုံးအသုံးမ၀င်ချေ။ ကမ္ဘာကြီး၏အဆုံးသတ် ရောက်လာတော့မည်ကို သိနေပြီး ကျောင်းသွားပြီး ပိုက်ဆံနှင့် အချိန်ဖြုန်းရန် သူဆန္ဒမရှိပေ။ 

“မင်းဒီနေ့ ဟင်းသီးဟင်းရွက်တွေ ရောင်းဖို့မသွားဘူးလား။ ကိစ္စမရှိပါဘူး။ မင်းဒီမှာ ကိုယ်နဲ့နေပေးစရာမလိုဘူး။ ကိုယ်တစ်ယောက်တည်းလုပ်နိုင်ပါတယ်။ ဗိုက်ပဲနာနေတာပါ။ ကိုယ့်လက်တွေခြေတွေကတော့ ကောင်းနေတုန်းပဲ ”

ဤအကြိမ်သည် ကျန့်ယွင်ဒဏ်ရာရသော ပထမဆုံးအကြိမ်မဟုတ်ပေ။ သူ့တွင် ဒဏ်ရာများကုသခြင်းတွင် အလွန်ပေါများသောအတွေ့အကြုံရှိလေသည်။ သူ့မှာ TVနှင့် ကွန်ပျူတာရှိနေပြီး သူပျင်းနေမှာကို မစိုးရိမ်ပေ။ 

ကျန့်ယွင်‌သူ့ကို ပြောလိုက်သောအခါ စုရွေ့ကျယ်၏ နှလုံးသားလေးသည် စည်းချက်တစ်ချက်ပင်‌ချော်သွားရတော့၏။ အခုကတော့ သူပိုက်ဆံမြန်မြန်ရှာရမည်ဖြစ်သည်။ ပြင်ဆင်ထားဖို့အတွက် ပစ္စည်းတွေအများကြီး လိုနေသေးတယ်....

“ဒါဆို.. ကျွန်တော်အပြင်သွားလို့ရလား ”

“အမ်း”

ကျန့်ယွင် မမေးမြန်ခင် သဘောတူလိုက်၏။ 

“မင်းစားသောက်ဆိုင်ကိုအရင်ဆုံးသွားရမှာ ဟုတ်တယ်မလား။ ပိုက်ဆံကောအလုံအလောက်ရှိရဲ့လား။ ကိုယ်မင်းကို နည်းနည်းလောက်ပေးရမလား ”

“အာ ”

“ဟားဟား...မင်းငါ့ကိုငတုံးလို့ထင်နေတာလား။ ချယ်ရီပင်တွေက ကြီးထွားဖို့ခက်ခဲတယ်လို့ နာမည်ဆိုးနဲ့ကျော်ကြားတယ်လေ။ မင်းဘယ်လိုလုပ် ချယ်ရီသီးတွေကို အဲ့လောက်ကြီးကြီးကောင်းအောင်စိုက်နိုင်မှာလဲ။ မင်းရဲ့အိမ်က ချယ်ရီဥယျာဉ်ခြံလည်းမဟုတ်ဘူး”

စုရွေ့ကျယ်၏ ကြောင်တောင်တောင်ရယ်စရာအမူအရာလေးကိုကြည့်လိုက်ပြီး ကျန့်ယွင် ရွှင်မြူးလျက် ခေါင်းခါလိုက်၏။ 

“အဲ့ဒါတွေက တစ်နေရာကနေ ရတာ ဟုတ်တယ်မလား။ အဲ့လိုကောင်းတဲ့ချယ်ရီသီးတွေကို မင်းဈေးပိုရောင်းပြီး တစ်ယောက်ယောက်ဆီက ၀ယ်ခဲ့တာ”

“ဟမ်...”

စုရွေ့ကျယ် နာနာခံခံနှင့် ဝန်ခံလိုက်ရုံသာရှိ၏။ သူထိုချယ်ရီသီးများနှင့်အခြားချယ်ရီသီးများကို သူကိုယ်တိုင်စိုက်ထားသည်ဆိုသည်မှာ အမှန်ကိုပြောနေခြင်းဖြစ်သည်။ သူတို့ကိုစိုက်ပျိုးကြီးထွားစေဖို့ အလွန်လွယ်ကူကာ သူ့စွမ်းအားကအဆင်ပြေသောကြောင်ါသာလျှင်ဖြစ်သည်။ ယခုတော့ သူ့မြင်းခြေထောက်*ကို သူပြမိလျက်သားဖြစ်နေသည်ကို သိလိုက်ရသည်။ ကံကောင်းစွာပင် သူကထိုအ ကြောင်းအများကြီးမတွေးခဲ့ပေ။ 

【A/N; အများအပြားဖော်ပြမိပြီး အမှန်တရားကိုထုတ်ပြခြင်းကိုဆိုလိုပါတယ်။ 】

စုရွေ့ကျယ်သည် အိမ်မှ အထိတ်တလန့်ဖြင့်ထွက်လာခဲ့သည်။ စုရွေ့ကျယ် သူ့ကျွမ်းကျင်မှုအဟောင်းကိုပင် ထပ်သုံးလိုက်သည်။ သူရောင်းရန် အသီးအရွက်နှင့် သစ်သီး၀လံများအဆင်သင့်ရရန် လမ်းကြားထဲသို့သွားလိုက်ပြီး အရှေ့လမ်းရှိဟင်းသီးဟင်းရွက်ဈေးသို့ နောက်တစ်ကြိမ်သွားခဲ့သည်။ 

မမျှော်လင့်စွာပင် သူထွက်ပေါ်လာသည်နှင့် သူသည် လူအုပ်ကြီးထံမှ အဝိုင်းခံလိုက်ရ၏။ 

များစွာသော ရင်းနှီးသည့် အဒေါ်ကြီးများသည် စိုးရိမ်တကြီးဖြင့် သူ့ကိုဆွဲထားကြသည်။ 

“ကောင်ငယ်လေး မင်းဒီမနက်က ဘာလို့မလာခဲ့တာလဲ။ မင်းရဲ့အသီးအရွက်တွေက ရောင်းလို့ကုန်ခါနီးနေပြီလား ”

ဤကလေး၏ ကိုယ်ပိုင်ဟင်းသီးဟင်းရွက်များ ခန့်မှန်း ပမာဏသည် သိပ်မများလောက်ပေ။ ဒါကြောင့် ဒီပစ္စည်းကောင်းတွရဲ့အရည်အသွေးက ထိုကဲ့သို့သော နေ့စဉ် ကြီးမားလှသည့်ရောင်းအားကို ဘယ်ကနေ‌ခံနိုင်ရည်ရှိပါ့မလဲ။ 

စု‌ရွေ့ကျယ်သည် ရှက်ရွံ့စွာ ပြုံးလိုက်ပြီး “အဒေါ်, ကျွန်တော့်မိသားစုမှာ အများကြီးရှိနေပါသေးတယ်။ စိတ်ချလို့ရပါတယ်။ အဲ့ဒါက ဒီမနက် ကျွန်တော့်အိမ်မှာ လုပ်စရာတချို့ရှိလို့ ကျွန်တော်မလာနိုင်ခဲ့တာပါ ”

“အဲ့ဒါကောင်းတယ် အဲ့ဒါကောင်းတယ် ”

ထိုမှသာ အဒေါ်ကြီးများနှင့် အမေများ၏သူတို့စိုးရိမ်မှုများကျသွားကာ သူတို့၀ယ်ချင်သည်များကို စတင်ရွေးကြတော့သည်။ 

‌စုရွေ့ကျယ်သည် ကျန့်ယွင်ပြောလိုက်သည်ကို ပြန်တွေးမိလိုက်သောအခါ ချယ်ရီသီး‌များ၏ဈေးနှုန်းကို တစ်ကီလိုလျှင် ဆယ့်ငါးယွမ်ဟု ဖော်ပြလိုက်သည်။ အကြောင်းပြချက်ကတော့ အိမ်တွင်ချယ်ရီသီးအများကြီးမကျန်တော့၍ဟူ၏။ လူများသည် နားထောင်ပြီးနောက် ချက်ချင်းပင် ဈေးနှုန်းကိုမနှစ်သက်တော့ပေ။ သူတို့၀ယ်နိုင်သလောက် ချယ်ရီသီးများ၀ယ်ချင်ကြသည်။ ဒီနေရာက ချယ်ရီသီးများအားလုံးကို ထုပ်ယူသွားလိုက်ချင်သည်။ သို့မဟုတ်လျှင် သူတို့အကုန်ရောင်းကုန်သွားပါက စားဖို့တတ်နိုင်တော့မည်မဟုတ်ပေ။ 

ကလေး၏ချယ်ရီသီးများသည် ဘာချယ်ရီသီးအမျိုးအစားမှန်းသူတို့မသိကြပေ။ သူတို့သည် အတော်လေးကို ချိုမြပြီးအရည်ရွှမ်း၏။ တစ်ကြိမ်လျှင် ပါးစပ်အပြည့်မစားပဲမနေနိုင်ပေ။ အခြေခံအားဖြင့် လူတိုင်းသည် နှစ်ကီလိုမှ သုံးကီလိုအထိ ၀ယ်သွားကြသည်။ 

စုရွေ့ကျယ်သည် ပိုက်ဆံအများအပြား ရှာလိုက်နိုင်ပြီး သူ့အိတ်ကပ်ထဲသို့ ပိုက်ဆံပမာဏအများကြီးထည့်လိုက်ကာ သူ့ကိုယ်သူအလွန်ကျေနပ်နေလေသည်။ 

ထို့နောက် ဦးလေးဝူ၏ဆိုင်သို့သွားလိုက်ပြီး ယွမ်200ဖိုးတန်သော ဟင်းရွက်များကို ပို့ပေးလိုက်သည်။ ရလာဒ်အနေဖြင့် သူသတင်းကောင်းနှစ်ခုရလိုက်သည်။ ပထမတစ်ခုမှာ သူ့သင်းသီးဟင်းရွက်များ၏ ကောင်းမွန်လှသော အရသာနှင့်အရည်အသွေးကြောင့် ဝူချီဘာဘီကျူးဆိုင်၏ ဟင်းသီးဟင်းရွက်ကင်များသည် အလွန်ရောင်းကောင်းပြီး အသီးဖျော်ရည်သည်ပင် နေ့တိုင်းရောင်းမလောက်ဖြစ်နေသည်။ ဝူချီသည် သူ့အား ပိုတိုးပြီးပို့ပေးရန်နှင့် မနက်ဖြန်မှစကာ ယွမ်ငါးရာဖိုးတန်သော ဟင်းသီးဟင်းရွက်များနှင့်အသီးအနှံများစတင်ပို့ပေးရန်ပြောလိုက်သည်။ စုရွေ့ကျယ်သည် အပြုံးကြီးတစ်ခုနှင့် သဘာ၀ကျကျပင် သဘောတူလိုက်သည်။ 

ဒုတိယတစ်ခုမှာ ရွှီကျိစားသောက်ဆိုင်မှလည်း ဝူချီအားဖုန်းခေါ်လာပြီး စုရွေ့ကျယ်မှ ဟင်းသီးဟင်းရွက်များ ပိုပြီးပို့ပေးဖို့မေးပေးပါရန်ပြောလာသည်။ သူတို့သည် ထိုသစ်သီး၀လံများနှင့် ဟင်းသီးဟင်းရွက်များ၏ ကောင်းမွန်သောအရည်အသွေးကို ယုံကြည်ကြသည်။ သူတို့၏စီးပွားရေးသည် ယမန်နေ့ဆိုင်စဖွင့်ပြီးနောက် အလွန်ကျော်ကြားလာလေသည်။ ထို့အပြင် စားသုံးသူဧည့်သည်များသည် အသီးအရွက်များနှင့် သစ်သီးများကို အမှန်တကယ်နှစ်သက်ကြလေသည်။ မကြာခဏဆိုသလိုပင် ထိုကြီးမားသည့်ခေါဂျုံ*နှင့် ဟင်းသီးဟင်းရွက်များစသည့် လူကြိုက်များသည့် ဟင်းပွဲများထက်ပင် ထပ်ပေါင်းထည့်ရသည့် အခြေအနေမျိုးရှိတတ်သည်။ ယနေ့တွင် အလွန်လူကျနေကာ စုရွေ့ကျယ်ဘက်မှပစ္စည်းများသာ မမျှော်လင့်စွာပင် ရောင်းကုန်လုနီးပါးဖြစ်သွားသည်။ ထို့ကြောင့် သူတို့သည် သူ့အားအလျင်စလိုအကူအညီ‌ တောင်းလာကြခြင်းပင်။ 

【T/N; Buckwheatကို မြန်မာလို ခေါဂျုံဆိုပြီးတွေ့ပါတယ်။ သူကအနှံတွေကိုဆိုလိုတာမျိုးပေါ့ ဥပမာ ဂျုံတို့ပြောင်းတို့ကိုပါ။ တရုတ်ဆိုတော့ သိတဲ့အတိုင်း ခေါက်ဆွဲကိုပြောချင်တာဖြစ်မယ်ထင်ပါတယ်။ Chinese rawမှာကတော့ 大荤和大菜 လို့သုံးထားပါတယ်။ အဓိပ္ပါယ်က သူတို့ဆိုင်ရဲ့ အဓိကအသားဟင်းနှင့် အသီးအရွက်ဟင်းကိုဆိုလိုပါတယ်တဲ့(ရွှီးထားတာ)။】 

စုရွေ့ကျယ်သည် ပုံမှန်အတိုင်းပင် အလွန်ပျော်ရွှင်နေလေသည်။ သူကျန့်ယွင့်နှင့်ဆုံပြီးကတည်းက ထိုကောင်းမွန်သောအဖြစ်အပျက်များတစ်ခုပြီးတစ်ခုဖြစ်လာခဲ့သည် ခံစားခဲ့ရသည်။  ဥပမာအနေဖြင့် သူအကြီးဆုံးအဒေါ်သည် ပြန်လည်နေရာချထားရေးအတွက်ပိုက်ဆံကို ယွမ်သုံးသိန်းထက်ပိုပေးလာခဲ့သည်။ နောက်ဥပမာတစ်ခုမှာ ရောင်းအားကောင်းသော ဟင်းသီးဟင်းရွက်များနှင့် အသီးအနှံများပင်။ ဖောက်သည်ကြီးနှစ်ဦးဖြစ်သည့် ဝူချီနှင့် ရွှီကျိစားသောက်ဆိုင်မှ သူနေ့စဉ်နီးပါး၀င်ငွေရနေသည်။ 

စုရွေ့ကျယ်သည် ချက်ချင်းပင် ရွှီကျိစားသောက်ဆိုင်သို့ အသီးအရွက်နှင့် သစ်သီး၀လံအိတ်ကြီးအိတ်ငယ်များဖြင့် သွားခဲ့သည်။ ရွှီအမေနှင့်သားသည် သူ့အားအလွန်ကျေးဇူးတင်နေခဲ့ကြသည်။ သူတို့ကိုရေတွက်ပြီးနောက် ယွမ်တစ်ထောင်ကျော် လက်ငင်းပေးချေလိုက်ကာ သူတို့အားနေတိုင်းလာပို့ပေးရန်ပြောလိုက်သည်။ 

ထွက်လာခဲ့ပြီးနောက် သူ့နေရာလွတ်ထဲသို့သွားကာ သူ့ပိုက်ဆံများကို ရေတွက်လိုက်သည်။ သူယနေ့အတွက် ယွမ်နှစ်ထောင့်ငါးရာနီးပါ၀င်ငွေရခဲ့ကြောင်းတွေ့လိုက်ရသည်။ 

စုရွေ့ကျယ်သည် ခံစားချက်ကောင်းနေသဖြင့် အကယ်၍ဈေးပေါပြီး အသုံး၀င်သောပစ္စည်းတချို့ ၀ယ်နိုင်မလားဆိုသည်ကို လက်ကားဈေးသို့သွားကြည့်ရန် ဆုံးဖြတ်ခဲ့သည်။ 

လက်ကားဈေးထဲတွင်နှစ်ပါတ်မျှ ဈေးပတ်၀ယ်ပြီးနောက် နောက်ဆုံး၌ ချည်သားစစ်စစ်အတွင်း၀တ်များရောင်းသည့် ဆိုင်တစ်ဆိုင်ကိုရွေးလိုက်ကာ အစုံနှစ်ရာ၀ယ်လိုက်၏။ အစုံတစ်ရာမှာသူ့ဆိုဒ်ဖြစ်ပြီး နောက်အစုံတစ်ရာမှာ ကျန့်ယွင်၏ဆိုဒ်ဖြစ်သည်။ သည်လောက်အများကြီးဆိုလျှင် ဆယ်နှစ်ကျော်လောက်အတွက် လောက်ငှလိမ့်မည်ဟု ထင်ခဲ့သည်။ အတွင်း၀တ်တစ်စုံ၏ဈေးနှုန်းသည် ယွမ်နှစ်ဆယ်ဖြစ်သည်။ သို့သော်လည်းစုရွေ့ကျယ်သည် ပိုပြီး၀ယ်ယူခဲ့သောကြောင့် ဆိုင်မှသူ့အား လျှော့ဈေးပေးသဖြင့် တစ်စုံအတွက် ဆယ့်ခြောက်ယွမ်ပေးခဲ့ရကာ စုစုပေါင်း ယွမ် 3200ကျခဲ့သည်။  

လက်ကားဈေးတွင် ‌ဈေးပေါသောပစ္စည်းကောင်းများ အများအပြားရှိသည်။ စုရွေ့ကျယ်သည် ထိုအားလုံးကို၀ယ်ချင်သည်။ ကံမကောင်းစွာပင် သူ့တွင် လတ်တလော ပိုက်ဆံအလွန်နည်းနေသည်။ ထို့ကြောင့် သူအချိန်ပဲယူနိုင်လေသည်။

စာရေးသူတွင်ပြောစရာရှိပါတယ်။

【 ထူးဆန်းသောပြဇာတ်ငယ်လေး 】

ကျန့်ရှောင်ယွင် ; ဇနီးလေးကအရမ်းဇီဇာကြောင်လွန်းတယ် ဘယ်လိုလုပ်ရမလဲ။

သူ့ဇနီးလေးကိုလိုက်ဖမ်းဖို့နည်းလမ်းတစ်ရာ့ရှစ်ခု ; သူ့ကိုခရက်ဒစ်ကတ်တစ်ခုသာပေးပြီး ပေါ့ပေါ့ပါးပါးသာပွတ်ဆွဲခွင့်ပြုလိုက်။ အဲ့ကာလမှာဆို မင်းရဲ့ချမ်းသာမှုနဲ့ လွှမ်းမိုးနိုင်မှုကိုပြသနိုင်တယ်။

ကျန့်ရှောင်ယွင် ; get! စုရှောင်ကျယ် ကြည့်၊ ခရက်ဒစ်ကတ်၊ ဘန်ရဲ့တိုက်ခိုက်မှု၀တ်စုံဘောင်းဘီအောက်မှာပဲ မြန်မြန်ကြီး ကျဆင်းမသွားပါနဲ့။

စုရှောင်ကျယ်; တစ်ယောင်ယောက်ကတော့ ဓားကိုဆွဲပြီးဖြတ်နေပြီ၊ ငတုံးကိုဖြတ်နေတာလား။

ကျန့်ရှောင်ယွင် ; မင်းကငါ့အာရုံစိုက်မှုရအောင်ကြိုးစားနေတာငါသိပါတယ်။ မင်းနိုင်တယ်လို့ငါ၀န်ခံပါတယ်။ Password က 66666 ယူသွားပြီး ပွတ်ဆွဲလိုက်။ မပြောင်မချင်းပြန်မလာနဲ့။

စုရှောင်ကျယ် ; ငါတကယ်ကိုအပြောင်သုံးပစ်ချင်တယ် ဒါပေမယ့် မင်းရဲ့password ကဂဏန်းတစ်လုံးလိုနေသလားလို့။ →_→

ကျန့်ရှောင်ယွင် ; 6တစ်လုံး၊ 6နှစ်လုံး...6ငါးလုံး။ ဟမ် ငါတမင်တကာကို မင်းမရေနိုင်ဘူးလားဆိုတာကိုစောင့်ကြည့်နေတာ။ ကြည့်ရတာမင်းကအတော်လေး ဉာဏ်ကောင်းပုံရတယ်။ 6လှိုင်းလုံးကြီးကိုသာသတိရလိုက်။

စုရှောင်ကျယ် ; အို့ အခိုးမခံရတာကံကောင်းတယ် →_→

【ရွှေဒင်္ဂါးများကျလာသည့်နေရာမှ ပြဇာတ်ငယ်လေး 】

ကျန့်ရှောင်ယွင် ; ကတ်ကို ဇနီးလေးက သိမ်းထားရမယ် (ကတ်နှစ်ကတ်) 

စုရှောင်ကျယ် ; သူ၀လာတဲ့အထိကျွေးမွေးဖို့ အရသာရှိတဲ့အစားအသောက်တွေ၀ယ်ဖို့ သေချာနေပါစေ။

【ငါးဆားနယ်အဖေ၏ ပြဇာတ်ငယ်လေး 】

ကျန့်ယွင် ; သေချာတာပေါ့၊ လစာကတ်ကို ဇနီးလေးကသာ သိမ်းထားရမယ်။

စုရှောင်ကျယ် ; ဝိုး၊ အရမ်းပျော်တာပဲ။

ကျန့်ယွင် ; မင်းသိလား ဒါကိုယ့်ရဲ့ ခရက်ဒစ်ကတ်၊ ပွတ်သာဆွဲလိုက်။ 

စုရှောင်ကျယ် ; ဝို

း၊ အရမ်းပျော်တာပဲ။

ကျန့်ယွင် ; ဇနီးလေး မင်းကိုအန္တရာယ်ပြုချင်နေတဲ့သူတွေ အမြဲရှိနေတယ်။ 

စုရှောင်ကျယ် ; မကြောက်နဲ့ ကျွန်တော်ခင်ဗျားကို ကာကွယ်ပေးမယ် ။