အခန်း ၁၅၁
Viewers 43k
Chapters 702

အခန်း (၁၅၁) – သူမခင်ပွန်းသည်သာ အဓိက ဦးစားပေးရာ ဖြစ်သည်


လင်းချင်းဟယ်သည် အိုးသစ်ကို အိမ်မှာ သုံးဖို့ နေရာချခဲ့ပြီး တတိယမောင်လေးလင်းကို အိုးဟောင်းပေးခဲ့သည်။


လင်းချင်းဟယ်သည် တတိယမောင်လေးလင်းကိုရှာရန် စက်ဘီးဖြင့် သွားရှာခဲ့ပြီး သူတို့ နောင်အခါ အသုံးပြုရန်အတွက် အိုးကို လာသယ်ခိုင်းခဲ့သည်။


ဒါပေါ့၊ သူမက အရင်ဆုံး ပိုက်ဆံပေးပြီး အိမ်ကို အရင်ဆောက်ခိုင်းခဲ့သည်။


တတိယမောင်လေးလင်းသည် မိသားစုမှ အိမ်ထောင်စုခွဲထွက်သောအခါက သူ့ကို ယွမ်တစ်ဒါဇင်ခန့်သာ ပေးခဲ့သည်။ ဒီငွေလောက်နဲ့ အိမ်ဆောက်ဖို့က မလုံလောက်ဘူး။ သူသည် လင်းအိမ်ဟောင်းက လူတွေနှင့် အကျင့်စရိုက် ကွာခြားသောကြောင့် ရွာမှာ နာမည်ကောင်း ရှိပြီး သူ့ကို ကူညီလုပ်ကိုင်ပေးမည့် လူပေါများသော်လည်း ‌ဆောက်လုပ်ရေး ကုန်ကျစရိတ်အတွက် ပိုက်ဆံ လိုအပ်နေသေးသည်။


"မြေသားအိမ်ဆောက်ဖို့ မေ့ထားလိုက်ပါ၊ မိုးရွာရင် ဒါက နေရထိုင်ရ ခက်ခဲတယ်။ ငါ နင့်ယောက်ဖကို ဒီအနားပတ်လည်မှာ အုတ်ကြွပ်တွေ အလွယ်တကူ ရ မရ စစ်ဆေးခိုင်းလိုက်မယ်၊ ရှိရင် နင့်အိမ်ကို အုပ်ကြွပ်မိုး၊ အုပ်နံရံကာအိမ်ဆောက်လို့ရအောင် အစွမ်းကုန် ကြိုးစားကြည့်။" လင်းချင်းဟယ်က သူ့ကို အကြံပေးသည်။


တတိယမောင်လေးလင်းဖက်တွင် သူတို့အိမ်ဆောက်မည့်နေရာကို အတည်ပြုပေးခဲ့သည်။ ရပ်ရွာအတွင်းရေးမှုးသည် လင်းမိသားစုမှ ဖြစ်ပြီး အရင်က သူ့သားအကြီးဆုံး လျှောက်ထားခဲ့သည့် မြေနေရာကို တတိယမောင်လေးလင်းထံ လွှဲပြောင်းပေးခဲ့သည်။


ဒါပေမယ့် ရွာရှိ တခြားသူတွေက ဒီလို အလေ့အကျင့်နဲ့ ပတ်သက်ပြီး အကျွမ်းတဝင် မရှိကြဘူး။ နောက်ဆုံးတော့ သူတို့က ပစ္စည်း တစ်ခုနဲ့ တစ်ခု လဲလှယ်ကြတာ ဖြစ်သည်။ သူတို့က ဒီလိုမျိုး တစ်ခါမှ မတွေ့ကြုံခဲ့ကြဖူးဘူး မဟုတ်ပါလား။


တတိယမောင်လေးလင်းသည် အိမ်တစ်လုံး စတင်ဆောက်လုပ်ပါတော့မည်။


ယောက်ဖဖြစ်သူ ကျိုးချင်းပိုင်က လာရောက် မကူညီနိုင်သော်လည်း အုတ် နှစ်စီးတိုက် ပို့ဆောင်ပေးခဲ့သည်။

ဒါက သူ့ကို ထောက်ပံ့ပေးတယ်လို့ အများစုက ယူဆကြသည်။


ရွာရှိ လူတော်တော်များများက လာရောက်ကူညီပေးခဲ့ကြပြီး တတိယမောင်လေးလင်းရဲ့ အိမ်က တစ်လခွဲကြာပြီးနောက် ဆောက်လုပ်ပြီးစီးသွားခဲ့သည်။


အိမ်က အခန်းတစ်ခန်းနှင့် မီးဖိုချောင် တစ်ခုသာ ပါဝင်လေသည်။


ဒါက တော်တော်လေး သေးငယ်ပေမယ့် အိမ်ခွဲပြီး သီးသန့်နေထိုင်နိုင်တာဖြစ်ပြီး ဒါက သူတို့ကိုယ်ပိုင် ပိုင်ဆိုင်မှုဖြစ်လို့ ကောင်းချီးတစ်ခုလို့ ဆိုရပေမည်။


အိမ်ဆောက်လုပ်ပြီးနောက် သူတို့က တစ်ခါတည်း ရွှေ့ပြောင်းလာခဲ့ကြသည်။ အိမ်ဆောက်လုပ်စရိတ် စုစုပေါင်း ယွမ် ၁၂၀ ကုန်ကျခဲ့သည်။ ဒီကုန်ကျစရိတ်တွင် အုတ်နှင့် အုတ်ကြွပ်ဖိုးအတွက်ပါ သဘာဝအတိုင်း ပါဝင်သည်။ ကျိုးချင်းပိုင်က အုတ်နှင့် အုတ်ကြွပ် လှည်းနှစ်စီးတိုက် ကူညီပေးခဲ့သည်မှာ အတော်လေး ကောင်းမွန်ခဲ့သည်။ ဒီအတွက် သူ ပြန်မပေးပဲ မနေသင့်ဘူး။


လူကောင်းတစ်ယောက်က ဒီလို မပြုမူသင့်ဘူး။


တတိယမောင်လေးလင်းရဲ့အိမ်က ဆောက်လုပ်ပြီးစီစသွားသည်နှင့် တစ်မိသားစုလုံး အိမ်ပြောင်းလာခဲ့ကြသည်။


ပြောစရာ မလိုလောက်အောင်ပင်၊ လင်းမိသားစုက အိမ်ဆောက်ဖို့ ပိုက်ဆံက ဘယ်က ရတာလဲ၊ အုတ်နှင့် အုတ်ကြွပ်တွေကရော ဘယ်က ရတာလဲလို့ မေးမြန်းခဲ့ကြသည်။


မူလတုန်းက ကျိုးချင်းပိုင်က ကူညီပေးခဲ့တယ်လို့ သူတို့ သံသယရှိခဲ့ပေမယ့် ရပ်ရွာအတွင်းရေးမှုးက ရှေ့ထွက်လာပြီး သူ့အဆက်အသွယ်တချို့ကို အသုံးပြုပေးခဲ့ကြောင်း ဆိုလာခဲ့သည်။


ရပ်ရွာအတွင်းရေးမှုးရဲ့မြေးကို တတိယမောင်လေးလင်းက ကယ်တင်ပေးခဲ့ဖူးသောကြောင့် ရပ်ရွာအတွင်းရေးမှုးသည် တတိယမောင်လေးလင်းအပေါ် အမြဲတမ်း ကောင်းမွန်စွာ ဆက်ဆံခဲ့သည်။ 

တစ်ခါတုန်းက သူ့မြေးလေးဟာ သူ့ထက်ကြီးသော ကလေးတွေနှင့်အတူ ရေကစားဖို့ အတူပါသွားခဲ့ပြီး ရေနစ်တော့မလို ဖြစ်ခဲ့ကာ တတိယမောင်လေးလင်းက ကယ်တင်ပေးခဲ့သည်။


ကလေးလေး ရေနစ်သွားသောအခါက ကလေးကြီးတွေအကုန် ထွက်ပြေးသွားခဲ့ကြသည်။ တတိယမောင်လေးလင်း ဖြတ်အသွားနှင့် ကြုံကြိုက်ခဲ့ကာ သူက ကလေးလေးကို ကယ်တင်ပေးခဲ့၍သာ မဟုတ်ပါက ကလေးလေး အန္တရာယ်တွေ့ကြုံရနိုင်သည်။


ဒီမတော်တဆမှုကြောင့် ရပ်ရွာအတွင်းရေးမှုးက တတိယမောင်လေးလင်းကို အခါအခွင့်သင့်တိုင်း ကူညီစောင့်ရှောက်ပေးခဲ့သည်။


တတိယမောင်လေးလင်းသည် လင်းအိမ်ဟောင်းက သူ့အစ်မကို ပြဿနာရှာမည်ကို စိုးကြောက်သောကြောင့် အစောကြီးကတည်းက ရပ်ရွာအတွင်းရေးမှုးကို ကြိုတင် အကူအညီတောင်းထားခဲ့သည်။


"အုတ်နဲ့ အုတ်ကြွပ်တွေကို ထားလိုက်ပါဦး၊ မင်းတို့မိသားစုရဲ့ ဒီအိုးကတော့ ရပ်ရွာအတွင်းရေးမှုး ပေးတာ မဖြစ်နိုင်ဘူး မဟုတ်လား။" အမေလင်းက မေးခွန်းထုတ်သည်။


"ငါ မြို့ပေါ်တက်တုန်းက ဒီအိုးကို လဲလှယ်ချင်တဲ့သူနဲ့ ကြုံကြိုက်ခဲ့လို့ ငါ ဒါကို ရလာခဲ့တာပဲ။ အိမ်မှာလည်း တစ်လုံး ရှိပြီးသားမို့ ဒါကို အသုံးမပြုဖြစ်ဘူးလေ။ အနာဂတ်မှာ ငါ ဒါကို သားကြီးတို့အတွက် ပေးဖို့ အစီအစဥ်ဆွဲထားခဲ့တာ။ ဒါပေမယ့် တတိယကောင်လေးက ဒါကို အရေးတကြီး လိုအပ်နေတာ မဟုတ်လား။ ဒါ့ကြောင့် ငါ သူ့ကို အရင် ပေးလိုက်တာပဲ။" ရပ်ရွာအတွင်းရေးမှုးက ဤသို့ ရှင်းပြခဲ့သည်။

လင်းအိမ်ဟောင်းက လူတွေလည်း တိတ်ဆိတ်သွားခဲ့သည်။


ဒါက ကလေးတစ်ယောက်ကို ကယ်တင်ပေးခဲ့ရုံပဲ မဟုတ်လား။ မင်း သူ့ကို ဒီလောက် ဂရုစိုက်ပေးစရာ လိုအပ်လို့လား။


သို့သော် ရွာသားတွေက ရပ်ရွာအတွင်းရေးမှုးကို ချီးကျူးဂုဏ်ပြုကြသည်။


ရပ်ရွာအတွင်းရေးမှုးရဲ့ လုပ်ဆောင်ချက်က ကျေးဇူးဆပ်ခြင်း သဘောတရားကို ထင်ရှားစေသည်။ ဒါ့အပြင်၊ သူက သူ့မြေးနှင့် တတိယမောင်လေးလင်းတို့ရဲ့ အဖြစ်အပျက်ကို ဆွဲထုတ်ခဲ့သောကြောင့် သူ့မြေးဖြစ်သူက အသက်ကြီးမှ ကျေးဇူးပြန်ဆပ်လို့ မရလို့လား။


အတိုချုပ်ပြောရရင် တတိယမောင်လေးလင်းရဲ့ အိမ်ပြောင်းခြင်းကိစ္စက ဒီလိုနဲ့ ပြီးဆုံးသွားခဲ့သည်။


အဆုံး၌ ယခု သူသည် လင်းအိမ်ဟောင်းမှ ပြောင်းရွှေ့လာခဲ့သောကြောင် သူသည် လင်းအိမ်ဟောင်းမှ တခြားသူတွေနှင့် အိမ်တစ်မိုးတည်းအောက်တွင် နေထိုင်စရာ မလိုတော့ပေ။


တတိယမောင်လေးလင်းက ဒီအကြောင်းကို ပြန်ပြောသောအခါတွင် သူ့မျက်နှာပေါ်မှာ အတော်လေး ပျော်ရွှင်နေဟန်ပေါ်သည်။


လင်းအိမ်ဟောင်းက တခြားသူတွေနှင့် အတူမနေထိုင်ရတာ သေချာပေါက် ပျော်ရွှင်စရာပါပင်။ လင်းချင်းဟယ်သည်လည်း သူ့အတွက် ဝမ်းသာပျော်ရွှင်မိသည်။


သူ ထွက်သွားတာက တခြားသူတွေနှင့် အတူ တွဲနေထိုင်ဖို့ မလိုအပ်ဘူးလို့ ဆိုလိုတာပါပဲ။ သူတို့က တစ်နေ့ကို ထမင်းသုံးနပ် မစားနိုင်ပေမယ့် လူတွေက ပျော်ရွှင်စေပါသည်။


မျက်စိတစ်မှိတ်အတွင်း ဇွန်လသို့ ရောက်ရှိလာခဲ့ပြီ။


ရာသီဥတုက တကယ်ပူသည်။ ဒါ့အပြင် ဒီလအကုန်တွင် နွေစပါးရိတ်သိမ်းချိန် စတင်မည် ဖြစ်သောကြောင့် သူတို့အားလုံး အလွန်အမင်း အလုပ်ရှုပ်နေကြသည်။


လင်းချင်းဟယ်သည် မြို့ပေါ်သို့ ဝက်သားရောင်းချဖို့ တက်လာခဲ့သည်။ လောင်စန်းက သူမနောက်သို့ လိုက်လာချင်ပေမယ့် လင်းချင်းဟယ်က သူ့ကို မခေါ်ခဲ့ဘူး။


ဒါပေါ့၊ လင်းချင်းဟယ်က သူလေးကို နေမကောင်းဖြစ်နေလို့ ထားရစ်ခဲ့တာ ဖြစ်သည်။ သူလေးနှင့်အတူ သူလေးရဲ့ ဒုတိယအစ်ကိုပါ ရှိနေတာက ပိုကောင်းလိမ့်မည်။ ဒါ့ကြောင့် သူလေးကို အိမ်မှာ တစ်ယောက်တည်း မနေခိုင်းပဲ သူ့အဖွားထံ ပို့ထားခဲ့သည်။


သူမက ထန်ဟူလုတစ်ချောင်း ဝယ်ခဲ့မယ်လို့ ကတိပေးခဲ့သည်။


လင်းချင်းဟယ်က သူမလက်ဝယ်ရှိသော ဝက်နံရိုးတွေကို ရောင်းချပြီး‌နောက် မှောင်ခိုစျေးမှ ကြက်ဥ သုံးခြင်း ဝယ်ခဲ့သည်။


မှောင်ခိုစျေးမှ လူတွေက သူမကို ဘာဖြစ်လို့ ဒီလောက် အများကြီး ဝယ်ယူရတာလဲလို့ မေးမြန်းခဲ့ကြသည်။ လင်းချင်းဟယ်က ပေါ့ပေါ့ပါးပါးပင် ဒါတွေကို တစ်မိသားစုတည်းအတွက် မဟုတ်ပဲ အိမ်မှာ လူများတာကြောင့် ဒီလောက် အများကြီး ဝယ်ယူရတာလို့ ပြန်ဖြေခဲ့သည်။


လင်းချင်းဟယ်သည် သူမမျက်နှာကို အဝတ်တစ်စဖြင့် ဖုံးအုပ်ထားသော်လည်း သူက ပုံမှန်လာနေကျ ဖောက်သည်တစ်ဦးမှန်း ထိုလူက သိသောကြောင့် ဒီအကြောင်းကို သိပ်ဂရုမစိုက်ပေ။ တစ်ဖက်က ငွေပေးလျှင် တစ်ဖက်က ကုန်ပစ္စည်း ပြန်ပေးရုံပဲလေ။


လင်းချင်းဟယ်သည် ကြက်ဥ သုံးခြင်းကို ဖယ်ခိုင်းထားခဲ့ပြီး အိမ်မပြန်မီ အခြားအရာတွေ ဝယ်ယူဖို့ ထွက်လာခဲ့သည်။


အိမ်အပြန်လမ်းတွင် သူမသည် အသား ခါးလိုင်းတစ်ခုကို ထုတ်ယူခဲ့ပြီး ဒါက နှစ်ကျင်းခန့် အလေးချိန်ရှိသည်။


သူမ မြို့ပေါ် တက်သွားပြီး အပြန်တွင် အသားနှင့် ဥတွေ ပြန်ပါလာတာကို အမေကျိုး မြင်ရသော်လည်း သိပ်မအံ့သြတော့ပေ။ သူမက တီးတိုးလေးဖြင့်သာ စကားဆိုသည်၊ "နင် မှောင်ခိုစျေးကို သတိထားပြီး သွားသင့်တယ်။"


"အမေ၊ စိတ်မပူပါနဲ့၊ ကျွန်မက မှောင်ခိုစျေးနဲ့ အကျွမ်းတဝင် ရှိပါတယ်။ ကျွန်မကို လူတွေ သတိမပြုစေရပါဘူး။" လင်းချင်းဟယ်က ပြန်ဖြေသည်။


ထို့နောက် သူမသည် အသားဟင်းချက်ဖို့ စတင်ပြင်ဆင်ခဲ့သည်။


လင်းချင်းဟယ်က လူတိုင်း စားသောက်နိုင်ရန် ခါးပိုင်းကို ဝေပုံတကျ ပိုင်းဖြတ်ခဲ့သည်။ ဒါပေါ့၊ တစ်ဝက်ကို ဘေးဖယ်ထားခဲ့သည်။ ဒါတွေက ကြော်လိုက်ရန် ဘာမှ မကျန်တော့ဘူး။ မနက်ဖြန်အတွက် ချန်ထားတာက မကောင်းတဲ့အကြံ မဟုတ်ဘူး။


ဒါပေမယ့် အမေကျိုးကတော့ အသားက နည်းနည်းများသေးတယ်လို့ ခံစားရသည်။ ဒါပေမယ့် သူမသားဖြစ်သူနှင့် မြေးတွေ ပျော်ရွှင်စွာ စားသောက်နေတာကို မြင်လိုက်ရတော့ ဒါကို ပြောစရာ မရှိဘူး။

ဇွန်လကုန် နွေစပါးရိတ်သိမ်းခြင်းသည် ငွေအများကြီး ရရှိဖို့ အစပင် ဖြစ်သည်။ အခြေခံအားဖြင့် လင်းချင်းဟယ်သည် နေ့တိုင်း ပစ္စည်းကောင်းတွေ အများကြီး ပြုလုပ်သုံးစွဲခဲ့သည်။ ကျိုးချင်းပိုင်အတွက် ကိုယ်ခန္ဓာ အရင်းအမြစ်ကောင်းအောင် တည်ဆောက်ပေးရမည်။


ဒီအချိန်မှာ သူ ပင်ပန်းနွမ်းနယ်နေရင်တောင် သူ့ခန္ဓာကိုယ်ကို လုံးဝ မထိခိုက်စေရဘူး။


အဖေကျိုးနှင့် ကောင်လေးအတွက်ကမူ ဒါက ပတ်သက်ဆက်နွယ်ရာတစ်ခု ဖြစ်သွားခဲ့သည်။ လင်းချင်းဟယ်ရဲ့ မျက်လုံးထဲမှာ ကျိုးချင်းပိုင်ကသာ အဓိက အရေးပါဆုံးပင်။


ကျိုးချင်းပိုင်က သူမ မျှော်လင့်ထားသည့်အတိုင်း ရှင်သန်နေထိုင်ခဲ့သည်။ သူက ထမင်းအနပ်တိုင်းကို ဗိုက်ပြည့်တင်းအောင် စားသောက်ခဲ့ပြီး အချိန်ရရင် အပြင်ထွက်ပြီး ငါးရှဥ့်တွေကိုတောင် ဖမ်းခဲ့သေးသည်။


အထူးသဖြင့် သူက ဒီနှစ်မှာ ကြက်နှစ်ကောင် အပို ထပ်မမွေးဖြစ်ဘူးဆိုတာကို သိသည်။ ဒါကြောင့် နွေစပါးရိတ်သိမ်းချိန် မပြီးဆုံးခင် ရေအင်တုံတစ်ခုတွင် မွေးမြူသိမ်းဆည်းထားနိုင်ဖို့ လယ်ငါးတွေနှင့် ငါးရှဥ့်တွေကို ဖမ်းဆီးခဲ့သည်။


နွေစပါးရိတ်သိမ်းချိန် ပြီးဆုံးသည့် ခရာမှုတ်သံကို ကြားပြီးနောက် လင်းချင်းဟယ်သည် သူ့အတွက် ချက်ပြုတ်ပေးရန် ထသွားခဲ့သည်။


ဟင်းလျာတွေကတော့ လယ်ငါးနှင့် တို့ဟူးစွပ်ပြုတ်၊ လယ်ငါးဟင်းတစ်ခွက်၊ ငါးရှဥ့်ဟင်းတစ်ခွက်နှင့် ဟင်းရွက်ချဥ်နှင့်ငါးရှဥ့် ရောချက်ထားသည့် ဟင်းလျာတစ်ခွက် ပါဝင်ပြီး အရမ်းချိုမြိန်ပေသည်။

အသားပြတ်လပ်နေတာမျိုး မရှိဘူး။ လင်းချင်းဟယ်ရဲ့ နေရာလွတ်မှာ အသားတွေ သိပ်မကျန်တော့ပေမယ့် နည်းနည်းတော့ ရှိပါသေးသည်။ သူမသည် အစ်မမိန်ထံသို့ သွားရောက်ကာ နောက်ထပ် အသားနည်းနည်းလောက် ထပ်ဝယ်ခဲ့ပြီး အရသာရှိမည့် ဟင်းလျာတွေအဖြစ် ပြောင်းလဲပေးကာ သူတို့ကို ကျွေးမွေးခဲ့သည်။


အမေကျိုးသည် ဖြစ်စဥ်တစ်ခုလုံးကို စောင့်ကြည့်နေခဲ့သည်။ သူမရဲ့ ဖြုန်းတီးသည့် နည်းလမ်းတွေက သူမသားဖြစ်သူအတွက် ဖြစ်နေတာကြောင့် သူမ စိတ်ထဲတွင် သက်ပြင်းချမိရုံမှတစ်ပါး အခြားမလုပ်နိုင်ပေ။


သူမသည် ညစာစားပွဲတွင် အချိန်တိုင်း‌ တွေ့မြင်ခဲ့ရသည်။ သူမသည် ကလေးတွေထက်ပင် ကျိုးချင်းပိုင်ကို အများကြီး ပိုစားခိုင်းခဲ့သလို သူ့ကို စွပ်ပြုတ် များများသောက်ဖို့လည်း ညွှန်ကြားခဲ့သေးသည်။


ဒါက နွေစပါးရိတ်သိမ်းချိန်မှာ ပင်ပန်းရမှန်းကိုလည်း သူမ သိသောကြောင့် အိမ်နောက်ဖေးက ဝက်ခြံတွေ၊ ကြက်ခြံတွေနှင့် ပတ်သက်သည့် ကိစ္စအဝဝကို သူမကိုယ်တိုင် တာဝန်ယူခဲ့သည်။


သူမက အလွန်စေ့စပ်သေချာတယ်လို့ ဆိုတာက ချဲ့ကားပြောဆိုရာ မရောက်ပေ။


ဒါပေါ့၊ အမေကျိုးသည်လည်း အချိန်တော်တော်များများ ကူညီပေးခဲ့သည်၊ သူမသည် ဒီတစ်ခေါက် နွေစပါးရိတ်သိမ်းရာတွင် မပါဝင်ခဲ့သောကြောင့် အိမ်မှာ အားလပ်နေပြီး ထုံးစံအတိုင်း ကူညီလုပ်ကိုင်ပေးသည်။


လင်းချင်းဟယ်ရဲ့ ပြုစုစောင့်ရှောက်သည့် နည်းလမ်းက အမှန်တကယ် အသုံးဝင်သည်။ နွေစပါး ရိတ်သိမ်းချိန် တစ်လခွဲကြာပြီးနောက် ကျိုးချင်းပိုင်ရဲ့ မျက်လုံး၊ မျက်ခုံးတွေက ပင်ပန်းနွမ်းနယ်နေဟန်ပေါ်သော်လည်း သူ့ရဲ့စိတ်ဝိညာဥ်ကတော့ လန်းဆန်းတက်ကြွနေဆဲ ဖြစ်သည်။

Prev Next