အခန်း ၁၇၉
Viewers 43k
Chapters 702

အခန်း (၁၇၉) - ချေးငှားယူခြင်းဟု သတ်မှတ်နိုင်


လင်းချင်းဟယ်သည် ရွာထဲတွင် နောက်ဆုံးမှာ အတင်းစကားကို ကြားရတာ ဖြစ်သည်။ သူမက အချက်အလက်ရင်းမြစ် မရှိ၊ ရွာသားများနှင့် ပြောဆိုတာ ရှားသည်။


သူမ ကျောင်းကနေ အိမ်ပြန်ရောက်သည့်အချိန်တွင် ဘေးမှ ဟွမ်မိသားစု၏ အကြီးဆုံးချွေးမ ထိုအကြောင်းကို ပြောတာ ကြားလိုက်ရသည်။


ထိုထက်ပိုသည်က ဟွမ်တာ့၏ ဇနီးက စိတ်ရှုပ်နေသော မျက်နှာထားဖြင့် ပြန်လာသောကြောင့် လင်းချင်းဟယ်က သတိထူးများရှိသလားဟု သာမန်ကာလျှံကာ မေးခဲ့သည်။


ပြီးနောက် ဟွမ်တာ့၏ ဇနီးက သူမကို တိုးတိုးလေး ပြောပြတော့သည်။


သည်တော့မှ လင်းချင်းသယ် သိသွားသည်။


“နင်မသိသေးဘူး၊ လောင်မားရဲ့မိသားစုက မနေ့ညက ရန်ဖြစ်ကြတာလေ၊ တတိယမားရဲ့ သားအငယ်ဆုံးက သူ့သားမဟုတ်ဘူးတဲ့လေ၊ စတုတ္ထမားရဲ့သားလို့ ကြားတယ်” ဟွမ်တာ့၏ ဇနီးက ခပ်တိုးတိုး သတင်းပေးသည်။


ထိတ်လန့်သွားသော်ငြား လင်းချင်းဟယ်က ၎င်းကို လက်ခံရန် မခက်ခဲပေ။


သူမနှင့် ကျိုးချင်းပိုင်သည် ဝမ်လင်းနှင့် စစ်မား(လေးယောက်မြောက်သား)တို့ ဖောက်ပြန်တာကို အရင်တည်းက မျက်မြင်တွေ့ခဲ့သည်။


သူမက ၎င်းကို မထုတ်ဖော်ရုံသာ ဖြစ်သည်။ ဆိုရလျှင် သူမ၏ ကလေးများက ငယ်သေးသည်။ ထိုနယ်ပယ်တွင် တစ်ယောက်နှင့်တစ်ယောက် မကြာခဏ တွေ့နေရသောကြောင့် သူမက တခြားသူများအတွက် ထွက်ပေါက်တစ်ခု ထားရမည်။ မဟုတ်လျှင် သူမက ရေတွင်းထဲ ခုန်ချရန် ဖိအားပေးခံရလျှင် မည်သို့ ဖြစ်မည်နည်း။


ထိုစုံတွဲ၏ အမူအကျင့်အရ သူတို့မည်သည့်အချိန်က စတင်ဖောက်ပြန်ခဲ့မှန်း မည်သူက သိမည်နည်း။


ဝမ်လင်းသည် သမီးလေးယောက်မွေးခဲ့ပြီး ပဉ္စမတစ်ယောက်ကျမှ သားတစ်ယောက်ရခဲ့တာ ဖြစ်သည်။


ထို့အပြင် လင်းချင်းဟယ်နှင့် ဝမ်လင်းကြား အမုန်းတရား မရှိပေ။ ဝမ်လင်းက လင်းချင်းဟယ်သည် သူမထက် ကောင်းကောင်းမွန်မွန် နေထိုင်နေရသောကြောင့် မနာလို ဖြစ်နေခြင်းသာ ဖြစ်သည်။ 


လင်းချင်းဟယ်သည် သားသုံးယောက်ဆက်တိုက်မွေးဖွားခဲ့စဉ် ဝမ်လင်းက သမီးလေးယောက် ဆက်တိုက် မွေးခဲ့သောကြောင့်ဖြစ်၏။ ဥ ဥရာ၌ မတော်ဟူ၍ သူမ၏ယောက္ခမ ကြိမ်းမောင်းတာကို မကြာခဏခံခဲ့ရသူဖြစ်သည်။


သို့သော် ပဉ္စမတစ်ယောက်က သားတစ်ယောက်ဖြစ်သည်နှင့် သူမက ထိုအချိန်မှစပြီး ရွာတွင်း၌ ခြေကုပ်ရယူနိုင်ခဲ့တာပဲဖြစ်သည်။


လင်းချင်းဟယ်က စာသင်ခန်းသွားရန်အလျင်လိုနေ၏။ ထို့ကြောင့် စပ်စုရန် အချိန်သိပ်မရှိပေ။ သူမက တမင်တကာပင် နေ့လယ်အလုပ်ဆင်းသည့်အချိန်ကျမှ အကြီးဆုံးမရီးကို မေးရန် ပြင်ဆင်ထား၏။ ထင်သည့်အတိုင်းပင် ထိုအကြောင်းကို အကြီးဆုံးမရီး သိနေ၏။


ဝမ်လင်းနှင့် သူ၏မတ်တို့အရေးကိစ္စကို မျက်မြင်တွေ့သည့်အကြောင်းပြောနေစဉ် မနေ့ညကိုသာ အပြစ်တင်ရမည်။


မနေ့ညတွင် နှင်းကျခဲ့သည် မဟုတ်ပါလော။ ဝမ်လင်းက ညသန်းခေါင်ယံတွင် မည်သူမှမသိလိုက်ဘဲ စစ်မား၏အခန်းထဲသို့ ခိုးဝင်ခဲ့မှန်း မည်သူမှမသိပေ။


ထိုအရာကို တွေ့သွားသူက ဝမ်လင်း၏ ဒုတိယယောက်မဖြစ်သည်။ သူမက အပေါ့၊ အလေးစွန့်ရန် ညသန်းခေါင်တွင် ထနေကြဖြစ်၏။ ဤကိစ္စရပ်ကို ပက်ပင်းတိုးမိလိမ့်မည်ဟု ဘယ်သူမှ မတွေးခဲ့ပေ။ ထိတ်လန့်လွန်းသောကြောင့် အာ့မားကို ချက်ချင်းသွားရှာခဲ့သည်။ အာ့မားနှင့် စန်းမားကြားရှိ ဆက်ဆံရေးက သဟဇာတမဖြစ်ပေ။ သူတို့က မကြာခဏ စကားများနေကြ ညီအစ်ကိုများအဖြစ် သတ်မှတ်နိုင်သည်။


ဤနေရာရှိသွေးရင်းညီအစ်ကိုများက မကြာခဏရန်ဖြစ်ကြပြီး ကြမ်းကြမ်းတမ်းတမ်း တိုက်ခိုက်နေကြဖြစ်၏။ ဥပမာအားဖြင့် အာ့မားနှင့်စန်းမား သူတို့က ရန်သူတော်များနှင့် ဆင်တူသည်။


အာ့မားက ထိုကဲ့သို့အရေးကိစ္စနှင့်တွေ့ကြုံရသည့်အချိန်တွင် ဤကိစ္စကို မည်ကဲ့သို့ လွှတ်ထားမည်နည်း။ သူက လက်နှိပ်ဓာတ်မီးဖြင့် တမင်တကာဝင်ရောက်ခဲ့၏။ သူက ဖင်ပြောင်ဖြစ်နေသော စစ်မားနှင့် ဝမ်လင်းကို ဖမ်းမိသည်ဟု ဆိုရမှာပဲဖြစ်သည်။ 


လောင်မားအိမ်တော်တစ်ခုလုံးက တုန်လှုပ်သွားလေ၏။ 


စန်းမားနှင့်စစ်မားတို့က အချင်းများ ကြတော့သည်။ အာ့မားကမူ ဘေးကရပ်ကြည့်ပြီး မီးစာထည့်ပေးနေ၏။ စန်းမား၏ အငယ်ဆုံးသားက စန်းမား၏သားမဖြစ်နိုင်။ စစ်မား၏သားဖြစ်နိုင်သည်ဟု ဆိုခဲ့သည်။


သူတို့အားလုံးက ညီအစ်ကိုများဖြစ်သောကြောင့် ယခင်က များများစားစားမတွေးခဲ့ပေ။ ယခုမူ သူတို့သိသွားပြီဖြစ်သည်။ သူတို့ညီအစ်ကိုများဖြစ်နေသောကြောင့်မဟုတ်။ အမှန်တကယ်ပင် စစ်မား၏ မျိုးစေ့ဖြစ်နေ၏။


အာ့မားဇနီးနှင့် ဝမ်လင်းကြားဆက်ဆံရေးကလည်း ကြောက်စရာကောင်းပေသည်။ သူမက စန်းမားနှင့် သားတစ်ယောက်မမွေးနိုင်သောကြောင့် စစ်မားနှင့်ငှားယူပြီး ကလေးတစ်ယောက် အတင်းယူခဲ့သည်ဟု ဆိုသည်။


လောင်မားအိမ်တော်တစ်ခုလုံးက ဗရမ်းဗတာဖြစ်ကုန်သည်။


“ဒါဆို သူတို့အခု အဲ့ဒါကိုဘယ်လိုဖြေရှင်းလိုက်လဲ” လင်းချင်းဟယ်က ကြက်သေသေနေသည်။


ဤရက်ပိုင်းအတွင်း မိသားတစ်စုကြီးတစ်ခုက အတူတကွ စုနေထိုင်ကြလေရာ အငြင်းပွားမှု ဖြစ်မည်ဆိုတာ ပြောရန်မလိုပေ။ မိသားစု၏ အရုပ်ဆိုးသည့်ကိစ္စကို ဘေးပတ်ဝန်းကျင် သိခွင့်ပေးအောင် မစောင့်နိုင်တော့သောကြောင့် အမုန်းတရား မည်မျှ နက်ရှိုင်းနေသနည်း။


“သူတို့ ဘယ်လို ဖြေရှင်းလိုက်လဲ ငါမသိဘူး။ စန်းမားက အခု သူ့သားက သူ့သားလား။ စစ်မားရဲ့သားလား ဆိုတာကိုပဲ သိချင်နေတာ” အကြီးဆုံးမရီးက ရှင်းပြလိုက်၏။


“ဝမ်လင်း ကကော” လင်းချင်းဟယ်က မေးလိုက်သည်။


အကြီးဆုံးမရီးကပြောလိုက်သည်။ "သူ့ကို ဝမ်အိမ်တော်ဟောင်းက လာခေါ်သွားတယ်လေ။ မနေ့ညတုန်းက အာ့မားရဲ့ ပြင်းပြင်းထန်ထန်ရိုက်တာ ခံလိုက်ရတယ်။”


ထိုစဉ် အခန်းထဲကနေ ဒုတိယမရီးထွက်လာ၏။ လင်းချင်းဟယ်က မျက်ခုံးပင့်ကာ ပြောလိုက်တော့သည်။


“ရာသီဥတုက အခုအတော်လေးအေးနေပြီ။ ဆောင်းဦးရိတ်သိမ်းမှုပြီးတဲ့အချိန်ကို ဖြတ်သန်းရမှာ စိုးရိမ်နေကြမှာပဲ။ ဒီဟာက ဝမ်အိမ်တော်ဟောင်းမှာ ဖြစ်လာလိမ့်မယ်လို့ တစ်ခါမှ မတွေးမိဘူး။ ဒုတိယမရီး ကြားမိသေးလား”


ဒုတိယမရီး၏ မျက်နှာထက်တွင်လည်း အနေခက်မှု အရိပ်အယောင် ပေါ်လာ၏။ ပြီးနောက် သူမက ဆုံးဖြတ်ချက် ပြတ်သားစွာ ပြောလိုက်သည်။ "ငါ ဝမ်လင်းနဲ့ အဆက်အသွယ်ဖြတ်လိုက်ပြီ”


“အဆက်အသွယ်ဖြတ်လိုက်တာ ကောင်းတယ်။ မဟုတ်ရင် ရှင့်ရဲ့ဂုဏ်သတင်းလည်း စွန်းထင်သွားမှာ” လင်းချင်းဟယ်က ခံစားချက်မဲ့စွာပြောလိုက်၏။


ဒုတိယမရီးက ဘာမှမပြောတော့ဘဲ ထမင်းတည်ရန် ပြင်ဆင်လိုက်တော့သည်။


လင်းချင်းဟယ်ကသူမကို လျစ်လျူရှုထားလျက် အကြီးဆုံးမရီးဖက် မျက်နှာလှည့်လိုက်၏။

“ဒီနှစ်ထဲ အဝတ်အစားလက်မှတ် တစ်ချို့ ရထားတယ်။ ဒါပေမဲ့ ကျွန်မမိသားစုက အခု သုံးစရာ မလိုသေးဘူး။ အကြီးဆုံးမရီး လဲလှယ်ဖို့ လိုချင်လား”


အကြီးဆုံးမရီး၏ မျက်လုံးက အနည်းငယ်တောက်ပသွားကာပြောလိုက်တော့သည်။ “ငါ လိုချင်တယ်။ လိုချင်တယ်”


ကျိုးတာ့နီသည် နှစ်သစ်ကူးပြီးနောက် ဆယ့်ခုနစ်နှစ်ပြည့်တော့မှာဖြစ်သည်။ ထို့ကြောင့် သူမက အဝတ်အစားသစ်များချုပ်ချင်နေ၏။


သမီးယောက်မနှစ်ယောက်သား ဖလှယ်မည့်ဈေးအကြောင်း ပြောနေ၏။ လင်းချင်းဟယ်က ထို့နောက် ပြန်သွားတော့သည်။


အကြီးဆုံးမရီးက ကျိုးတာ့နီကို ပိုက်ဆံယူလာခိုင်းပြီးနောက် အဝတ်အစားလက်မှတ်တစ်ချို့ လဲလိုက်သည်။ အမေကျိုးကလည်း စုရွှင်းလေးကို ချီထားလျက် ဝင်ပြောသည်။ အိမ်ပြန်ရောက်သည့်အချိန်၌ သူမက လောင်မားမိသားစု၏အရေးကိစ္စကိုထည့်မပြောပေ။


“ဒီလိုအေးခဲတဲ့ ဆောင်းရာသီမှာ စုရွှင်းလေး အအေးမိမှာ မကြောက်ဘူးလား အမေ” လင်းချင်းဟယ် က ပြောလိုက်သည်။


“ရပါတယ်။ သူကို့ ဂွမ်းသားအနွေးဝတ်နဲ့ သေချာထုပ်ထားတာပါ” အမေကျိုးက ပြောလိုက်၏။


စုရွှင်းလေးက အိပ်ပျော်နေပြီဖြစ်သည်။ အမေကျိုးက အကောင်ပေါက်လေးကို အခန်းထဲသို့သယ်သွားပြီးနောက် အာလူးအခွံခွာပေးရန် ပြန်ထွက်လာ၏။


နေ့လယ်စာက ဝက်သားနှင့် အာလူးကို မန်ထိုနှင့်စားကြမှာပဲ ဖြစ်သည်။ လင်းချင်းဟယ်က မုန်လာဥဟင်းချိုလည်းချက်ထား၏။


နေ့လယ်၌ နှင်းများ သည်းထန်စွာကျသည်။ လူတိုင်းက ဤရာသီဥတုတိုင်း ကျောင်းမသွားချင်ကြပေ။ လင်းချင်းဟယ်သည်လည်း ကျောင်းမသွားချင်ပေ။


အနွေးခုတင်ပေါ်၌ ကျိုးချင်းပိုင်ကို သူမက လောင်မား၏ မိသားစုကိစ္စအကြောင်း ပြောပြလိုက်သည်။ ထိုကဲ့သို့ အခြေအနေကြီးတွင် ကျိုးချင်းပိုင်က သိတာသဘာဝကျ၏။ သူကပြောလိုက်၏။ “နွေဦးစကျတာနဲ့ သူတို့တွေ မိသားစုခွဲနေကြလိမ့်မယ်”


“ခွဲနေရင်တောင်မှ အဆင်မပြေဖြစ်နေဦးမှာပဲ” အမှန်တကယ်ပဲ မနှစ်မြို့စရာကောင်းသည် မဟုတ်ပါလော။ သူတို့က ဖောက်ပြန်မိခဲ့ကြတာဖြစ်သည်။


ကျိုးချင်းပိုင်က သူမနောက်ကျောကို ပုတ်လျက် စကားမပြောတော့ပေ။


“သူတို့ကို ဖမ်းဖို့ တစ်ယောက်ယောက် ရောက်လာတာလား” လင်းချင်းဟယ်က မေးလိုက်၏။


ယခုအချိန်တွင် ထိုကဲ့သို့ကိစ္စရပ်များပြောတာကို တင်းကြပ်ထား၏။ ယောက်ျားနှင့် မိန်းမကြား မသင့်တော်သည့်ဆက်ဆံရေး ပြုရဲလျှင် သူတို့က ဝေဖန်ခံရမှာပဲဖြစ်သည်။


“လောင်မားမိသားစုက ဒါကို ဖိနှိပ်ထားတယ်လေ” ကျိုးချင်းပိုင်ကပြောလိုက်သည်။


“ဒီကိစ္စမျိုးကို ဘယ်လိုလုပ် ဖိနှိပ်ထားတာလဲ” လင်းချင်းဟယ်က မျက်မှောင်ကျုံ့လိုက်သည်။


ကျိုးချင်းပိုင်က သူမ သိချင်နေမှန်းသိသောကြောင့် လောင်မားမိသားစုကိစ္စကို ပြောပြလိုက်၏။

လောင်မားမိသားစုကိစ္စကို သူတို့ဖာသာ ဖြေရှင်းလိုက်၏။ သူတို့က စတုတ္ထသမီးမွေးလာပြီးနောက် စန်းမားက မကျန်းမမာ ဖြစ်လာပြီး မစွမ်းဆောင်နိုင်တော့ဘူးဟု ကြေညာခဲ့သည်။ 


သို့သော် ဤမိသားစုခွဲက သားတစ်ယောက်မရှိ၍ မရပေ။ ထို့ကြောင့် လောင်မားလင်မယားသည် လက်မထပ်ရသေးသည့် စစ်မားဆီကနေ သွားငှားခိုင်းခဲ့သည်ဟု ပြောခဲ့သည်။


ထိုအဖြစ်အပျက်က ဖောက်ပြန်ခြင်း မဟုတ်။ အကြီးအကဲနှစ်ယောက်လုံး သိပေ၏။ ယင်းက မျိုးဥချေးငှားယူခြင်းသာ ဖြစ်၏။


လင်းချင်းဟယ်က မနှစ်မြို့ ဖြစ်သွားလေ၏။ ဒီအဘိုးကြီး၊ အဘွားကြီးလင်မယားက တကယ်ကြီး ကာပေးတယ်ပေါ့။ အတုအယောင် ဆန်လိုက်တာ။


“ဒီလိုကိစ္စမျိုးက ရွာတွေမှာတွေ့နေကြပဲလေ” ကျိုးချင်းပိုင်က ရှင်းပြလိုက်သည်။ သားတစ်ယောက် မမွေးနိုင်သောကြောင့် အမျိုးသမီးများသည် ကျန်သည့် အမျိုးသားဆီကနေ မျိုးဥ ချေးငှားလိုက်တာ ဖြစ်၏။


ထို့ထက်ပိုသည်က လောင်မား၏ လိုအင်ဆန္ဒနှင့် သားတစ်ယောက် အရေးပါမှုကြောင့် ဝမ်လင်းသည် စတုတ္ထမြောက်နှင့် ဆက်ဆံခဲ့ခြင်းက ဖောက်ပြန်တယ်လို့ မှတ်ယူ၍ မရပေ။

Prev Next