MM Story Teller

အခန်း ၁၅၈

Viewers 26k

အခန်း(၁၅၈) - ဖြစ်ကောင်းဖြစ်နိုင်တာက သူ ဘယ်တော့မှ ကွာရှင်းခဲ့မှာ မဟုတ်ဘူး (၃)

ဖန့်ကျွင်းရုံက “ငါ တောင်းပန်ပါတယ်ဟယ်။ ရက်အနည်းငယ်အတွင်း မင်းကို နေ့လည်စာလိုက်ကျွေးမယ်လေ။”

"မရဘူး၊ နင် ငါ့ကို အလှအပဆေးလုံး နည်းနည်းပါပေး။"

"ကောင်းပြီ၊ ငါ နင့်ကို နောက်ထပ် အပိုတစ်ဗူးပေးမယ်"

သူတို့နှစ်ယောက်လမ်းလျှောက်ရင်း စကားပြောဖြစ်ကြသည်။ ဤရာသီ၏ညများသည် အတော်လေးအေးနေသေးသည်။ ဖန့်ကျွင်းရုံသည် သူမ၏အပေါ်ထပ်အင်္ကျီကို ကားအတွင်းမှထားခဲ့ကာ အိမ်ကြီးမှကားပါကင်သို့ အနည်းဆုံးဆယ်မိနစ်ခန့် လမ်းလျှောက်ရသည်။

"မစ္စဖန် " ဟု တည်ငြိမ်သော ခေါ်သံတစ်ခု ထွက်လာသည်။

ဖန့်ကျွင်းရုံ လှည့်ကြည့်လိုက်တော့ ကျန်းကျစ်ဆုနှင့် မျက်နှာကျ အနည်းငယ် ဆင်တူသောမျက်နှာတစ်ခုကို တွေ့လိုက်ရသည်။ သူမသည် သူ့အကြောင်း သတင်းအချက်အလက်များကို သုမခေါင်းထဲ လျင်မြန်စွာ ဆွဲယူစဥ်းစားလိုက်သည်။ ထိုလူသည် ကျန်းကျစ်ဆု၏ဝမ်းကွဲဖြစ်သူ ကျန်းကျစ်ယန်ဖြစ်သည်။

ကျန်းကျစ်ယန်သည် အရည်အချင်းရှိသူတစ် ဦး ဖြစ်သည်။ ဒီလိုမှမဟုတ်ရင် သူဟာ သူမရဲ့အရင်ဘဝက အိမ်တော်သခင်ကြီး မဖြစ်လာနိုင်ပါ။ ကျန်းယာ့ကောနှင့် သူ့ရဲ့ပတ်သက်ဆက်နွယ်မှုကြောင့် ဖန့်ကျွင်းရုံသည် သူနှင့်ပတ်သက်ပြီး သတိရှိနေဆဲဖြစ်သည်။ ပြောစရာမလိုပါဘူး၊ သူမဟာ ဒီပြပွဲကို ဘယ်တော့မှခွင့်ပြုမှာမဟုတ်ဘူး။

ကျန်းကျစ်ယန်က သူမကို ပြုံးပြလိုက်သည်။ သူ ပြုံးသောအခါ သူ၏စူးရှသောသွားစွယ်များကိုပင် မြင်နိုင်သည်။ သူသည် စိတ်သဘောထားကောင်းသူတစ်ဦးဖြစ်ပုံရသော်လည်း ကျန်းယွမ်ကျားကို ကျောထောက်နောက်ခံပြုထားပြီး သူမ၏ယခင်ဘဝက သူမကိုစောင့်ကြည့်ရန် လူများကို စေလွှတ်ခဲ့သည်။ သူမအစ်ကို၏စီးပွားရေးလုပ်ငန်းနှင့် လက်တွဲလုပ်ကိုင်ခဲ့သော ကုမ္ပဏီများအားလုံးသည် အခွန် သို့မဟုတ် အခြားအသိအမှတ်ပြုလက်မှတ်များအတွက် မကြာခဏ စစ်ဆေးခံနေခဲ့ရသည်။

ထိုစကားသံများထွက်လာသည်နှင့်တစ်ပြိုင်နက် သူမ၏အစ်ကို ဖန့်ရွှယ်ပေါ်သည် ကျန်းကျစ်ယန်အား စိတ်ဆိုးစေခဲ့သည်ကို လူတိုင်းသိကြသည်။ ဘယ်သူကမှ သူတို့ကို ဆွဲခေါ်မသွားစေချင်တာကြောင့် သူတို့အားလုံးက သူမအစ်ကိုရဲ့ကုမ္ပဏီနဲ့ စီးပွားရေး အဆက်အဆံမလုပ်ကြတော့ဘူး။

ထို့ကြောင့် သူမရဲ့အစ်ကို၏ကုမ္ပဏီသည် စတင်ကျဆင်းလာခဲ့သည်။

“အပြင်မှာ အရမ်းအေးတယ်၊ မင်း ဝတ်ထားတဲ့ အင်္ကျီ‌နဲ့ဆို အရမ်းအေးနေလိမ့်မယ်။ မင်း ဒီဂျာကင်ကို ဘာလို့မယူတာလဲ။ မင်းလို လှပတဲ့အမျိုးသမီးတစ်ယောက် အအေးမိသွားမှာကို စိုးရိမ်မိတယ်။"

ဖန့်ကျွင်းရုံသည် သူမရဲ့အရင်ဘဝမှာ ဖြစ်ခဲ့တာတွေကို အမှတ်ရပြီး သူ့ကမ်းလှမ်းချက်ကို လက်မခံချင်ခဲ့ဘူး။ သူမသည် သူ့ကို ယဉ်ယဉ်ကျေးကျေး ငြင်းပယ်လိုက်သည်။ "မေ့လိုက်ပါရှင်။ ကျွန်မကို ရှင့်ရဲ့ကောင်မလေး မနာလိုမဖြစ်စေချင်ဘူး။"

ကျန်းကျစ်ယန်သည် မရေမတွက်နိုင်သော ရည်းစားများရှိသည့် မြှာပွေသူတစ်ဦး ဖြစ်သည်။ မရေမတွက်နိုင်သော မော်ဒယ်များ၊ အင်တာနက်သြဇာလွှမ်းမိုးမှုများ (သို့) မင်းသမီးများပင် သူ့ကောင်မလေးစာရင်းမှာ ပါဝင်ပေသည်။ သူသည် ရက်အနည်းငယ်တိုင်းမှာ လူကြိုက်အများဆုံးစာရင်းတွင် ပါ၀င်သူတစ်ဦးလည်းဖြစ်သည်။ သူမ နောက်ဆုံးတွေ့ခဲ့သည့် အရှုပ်တော်ပုံသည် သိပ်မကြာသေးခင်က ပွဲဦးထွက် အဆိုတော်ကောင်မလေးတစ်ဦးနဲ့ ပတ်သတ်ခဲ့သည်ကို သူမ သဲသဲကွဲကွဲ အမှတ်ရမိခဲ့သည်။

"ဘာမှမဖြစ်ပါဘူး။ သူမက စိတ်မဆိုးပါဘူး" ဟု ကျန်းကျစ်ယန်က ပေါ့ပေါ့ပါးပါးဟန်ဖြင့် စကားဆိုလိုက်သည်။

ဖန့်ကျွင်းရုံက အနည်းငယ် မျက်မှောင်ကြုတ်ကာ "ဒါပေမယ့် ကျွန်မ မရဘူး။ သမီးရည်းစား အတင်းအ‌ဖျင်းကိစ္စ အရှုပ်အရှင်းတွေ မလိုချင်ဘူး။ " သူမက သူ့ဆီက ဂျာကင်အင်္ကျီကိုလက်ခံလိုက်ရင် ဘယ်လိုစကား အတင်းအ‌ဖျင်းတွေထွက်လာခဲ့ရင်ဆိုတာကို စိတ်ကူးနဲ့တောင် မတွေးချင်ခဲ့ဘူး။ သူမဟာ ဒီလူနဲ့ဆက်နွယ်ဖို့ ဘာရည်ရွယ်ချက်မှ မရှိခဲ့ပါဘူး။

ထို့အပြင် ကျန်းကျစ်ယန်၏ရည်းစားအားလုံးသည် အသက်နှစ်ဆယ်ကျော် မိန်းကလေးများ ဖြစ်ကြသည်။ အဲဒါက ဘယ်တော့မှ မပြောင်းလဲဘူး။ အခု သူက ရုတ်တရက် သူမကို ကောင်းကောင်းမွန်မွန်ဆက်ဆံခဲ့တာက သူ့မှာ အကြောင်းတစ်ခုခုရှိရမယ်လို့ သူမ ယုံကြည်သည်။

ဟဲကျန့်ပင်းက သူမလည်ချောင်းကိုရှင်းပစ်လိုက်ပြီး ကျန်းကျစ်ယန်ကို "အဟမ်း... ကျွန်မလည်း ဒီမှာရပ်နေတယ်လေ။ ကျွန်မက ကျွင်းရုံလောက်မလှရင်တောင် ရှင် ကျွန်မကို ဒီလို လျစ်လျူမရှုထားသင့်ဘူး။ ကျွန်မလည်း အေးတယ်ရှင့်။ ရှင် ကျွန်မအတွက် အဲ့အင်္ကျီကို ဘာလို့မပေးတာလဲ။"

ကျန်းကျစ်ယန်ကအပြုံးဖြင့် သူ့ဂျာကင်ကို ဟဲကျန့်ပင်းထံကို လွှဲပေးလိုက်ပြီး ရှက်ကိုးရှက်ကန်း စကားအနည်းငယ်ပြောပြီး ထွက်သွားခဲ့သည်။

ဟဲကျန့်ပင်းက သူ့ဂျာကင်ကို လက်ခံခဲ့ပေမယ့် သူမ မဝတ်ဆင်ခဲ့ဘူး။ သူမသည် ထိုဂျာကင်အင်္ကျီကို သူမ၏လက်မောင်းပေါ်တွင် တင်ထားခဲ့သည်။

သူမက ဖန့်ကျွင်းရုံအနားကို လျှောက်လာပြီး “နင် အခု Single ဖြစ်နေတာပဲ။ နင် တခြားဆက်ဆံရေးတစ်ခုကို ထပ်ရှာချင်ရင် ဒါက မကောင်းတဲ့အရာ မဟုတ်ဘူး၊ ဒါပေမယ့် ဒီလူကတော့ တကယ်ကောင်းတဲ့ရွေးချယ်မှုညမဟုတ်ဘူး။”

ဟဲကျန့်ပင်းသည် ဒီအသိုင်းအဝိုင်းအကြားမှာ ကျန်းကျစ်ယန်အကြောင်း အတင်းအဖျင်းအချို့ကို ခဏခဏ ကြားဖူးခဲ့သည်။

“ဒီကျန်းကျစ်ယန်က ကောင်မလေးတွေကို လိုက်လံပိုးပမ်းတဲ့အခါမှာ အမြဲတမ်း အရမ်းရက်ရောတယ်။ ဒါပေမယ့် သူတို့စပြီးချိန်းတွေ့လိုက်တာနဲ့ သူက သူတို့ကို မြန်မြန်ငြီးငွေ့လာလိမ့်မယ်။ အဲဒါက ကြီးကြီးမားမားကိစ္စမဟုတ်ဘူး၊ နောက်ဆုံးတော့ သူတို့အားလုံးက အရွယ်ရောက်ထားကြတဲ့လူတွေပဲ။ ပြဿနာက သူက သူ့ရည်းစားတွေကို သူ့သူငယ်ချင်းတွေနဲ့ ဝေမျှရတာကို ကြိုက်တာပဲ။"

ဟဲကျန့်ပင်းက သူမမျက်နှာပေါ်တွင် စိတ်မသက်မသာဖြစ်နေသည့်အသွင်ရှိနေသည်။ အဲ့တာက သူမဟာ သူမသူငယ်ချင်းကို ဘာကြောင့် ကူညီခဲ့တာလဲဆိုတဲ့ တကယ့်အကြောင်းအရင်းပဲ။

ဖန့်ကျွင်းရုံသည် ဟဲကျန့်ပင်းက သူမအား ပြောပြသောစကားကို ကြားလိုက်ရပြီး‌သောအခါ ထိုလူအား ရွံမုန်းသွားသည်။ ထိုကဲ့သို့သောလူများသည် အနှေးနဲ့အမြန်ဆိုသလို အပြစ်ပေးခံရလိမ့်မည်။

ဤပွဲသို့တက်ရောက်ခြင်းသည် သူမအတွက် မည်သည့်နည်းနှင့်မဆို ဖြစ်နိုင်သည်။ အပြုသဘောရှုထောင့်ကကြည့်လျှင် သူမသည် တစ်ချိန်ကလို လွယ်လွယ်ကူကူ တွန်းအားပေးနိုင်သည့် လူတစ်ယောက် မဟုတ်တော့ကြောင်းကို လူတိုင်းအား ထောက်ပြနိုင်ခဲ့သည်။ သူတို့က သူမကိုကျော်ချင်ရင် သူတို့ ဒုတိယအကြိမ် ထိုအတွေးကို အရင်ပြန်တွေးတော်သင့်တယ်။

အနုတ်လက္ခဏာဘက်၌ကြည့်ရမယ်ဆိုရင် သူမသည် ယခုအချိန်တွင် တစ်ယောက်တည်းဖြစ်နေခြင်းက သူမအား အခြားသူများအတွက် ချိုမြိန်သောအရာတစ်ခုဖြစ်ပြီး ရယူနိုင်တယ်လို့ မြင်နိုင်စေခဲ့သည်။

Prev Next