အပိုင်း ၃၈

Chapter 38

ထိုအချိန်က ဝမ်ရူယာမှာ မော့ယီချန်းနှင့် ကွာရှင်းပြီးကာစဖြစ်သည်။ သူမ သူ့အားလာတွေ့ချိန်တွင် သူမက မည်သည့်စကားမှ မဆိုခဲ့ပေ။ သူမအနေဖြင့် ဘာပြောရမှန်းမသိသည်လည်း ဖြစ်နိုင်၏။ သိူ့မဟုတ်ပါက သူမဘာပြောပြော အသုံးမဝင်မှန်းသိ၍လည်း ဖြစ်နိုင်သည်။ အားလုံးပြီးသည့်နောက် သူ့အားကူညီရန် သူမလုပ်နိုင်သည့်အရာ မရှိပါချေ။

မော့တိကလည်း ဝမ်ရူယာနှင့် စကားမပြောချင်ခဲ့သလို သူမအခြေအနေကိုလည်း မေးမြန်းလိုခြင်းရှိမနေခဲ့ပေ။ သူက စိတ္တဇဆေးရုံမှ အရူးတစ်ယောက်သာဖြစ်ပြီး နေ့တိုင်းပင် ညှင်းပန်းမှုအမျိုးမျိုးအား ခံစားနေခဲ့ရသည်။ အသက်ရှင်ရသည်ကို ပင်ပန်းနေသူတစ်ဦးအနေဖြင့် အခြားသူများကို စာနာသနားနေခြင်းငှာ မတတ်နိုင်သလို ထိုသို့စာနာရန် အရည်အချင်းလည်းမရှိပါချေ။

သို့ပေသိ ဤဘဝတွင် အရာအားလုံး ပြန်လည်စတင်နေပေပြီ။

ဖြစ်နိုင်လျှင် ဝမ်ရူယာအပါအဝင် ထိုအပြစ်ကင်းသည့်အမြှောက်စာအားလုံး မော့မိသားစု၏မီးတွင်းမှ ဝေးဝေးနေနိုင်ဖို့ရာ မျှော်လင့်မိပါ၏။ မော့မိသားစုသို့ ဝင်မိသည်နှင့် ရွေးချယ်စရာ နှစ်ခုသာရှိ၏။ တစ်ခုမှာ ကိုယ့်စိတ်ကိုယ်စုစည်းကာ အနှီနှုတ်ချိုသော အဒေါ်များကဲ့သို့ ကျန်မိသားစုများနှင့် တစ်စိတ်တစ်ဝမ်းတည်း ဖြစ်ဖို့ဖြစ်၏။ ဒုတိယတစ်ခုမှာ ခြေနင်းတုံးဖြစ်လာရန်ပင်။

သို့ပေသိ လက်ရှိတွင်တော့ သူ့အဒေါ်များကဲ့သို့ ဖြစ်လာရန်မှာ ထပ်မံ၍ မဖြစ်နိုင်တော့ချေ။ အားလုံးပြီးသည့်နောက် သူတို့မိသားစုထဲ ဝင်သည့်အချိန်က မော့လျှိုကွေ့ မမွေးသေးပေ။ သူတို့ ကလေးတစ်ယောက်ပြီးတစ်ယောက် မွေးနေချိန်၌လည်း မိသားစုထဲရှိ အနေအထားမှာ တည်ငြိမ်နေခဲ့သည်။ မောလျှိုကွေ့နှင့်အတူ သူ မွေးဖွားပြီးနောက် လူတိုင်း၏ ခြေနင်းပြားဖြစ်လာကာ သူ့အဒေါ်များမှာလည်း မော့မိသားစုအား ကိုးကွယ်သူများအဖြစ် လွယ်လင့်တကူ ပြောင်းလဲလိုက်ပြီး အနိုင်ကျင့်သူများ ဖြစ်လာကြသည်။

သို့ပေသိ မော့မိသားစု၏ တည်ဆောက်ပုံမှာ သိပ်မတူညီတော့ချေ။ သူတို့၏ ခြေနင်းပြား(md)မရှိတော့ချေ။

သေချာပေါက်ပင် သူအကြံပေးသည်အား အရေးမစိုက်ပါက သူသည်လည်း သူတို့အပေါ် အင်အားများဖြုန်းတီးနေတော့မည်မဟုတ်ပေ။ သူက ဓားပြတစ်ဦး မဟုတ်ရပါချေ။ သူ့ကိုယ်သူ ကြောက်စရာကောင်းသော အဆုံးသတ်သို့ ကျရောက်သွားမည်ကို ကာကွယ်ရန်အလို့ငှာ ရေခဲအလွှာပါးပါးလေးထက်၌ စိတ်ရောကိူယ်ပါ စိုက်ထုတ်ထားရသည်။ အခြားလူများအား ကူညီရန် အင်အားများစွာ ရှိမနေပါချေ။

မုထျန်းဟန်က မော့တိ၏စကားလုံးများကြောင့် အနှောင့်အယှက်မဖြစ်ပေ။ သူက အနည်းငယ် စဥ်းစားပြီးနောက် ပြောလိုက်သည်။

"မင်းသူမကို ဆွဲဆောင်ချင်ရင် ဒါမှမဟုတ် အကြံပေးချင်ရင်၊ အမည်မဖော်ပဲ လုပ်လို့ရတယ်၊ တိုက်ရိုက်ဆုံဖို့ မလိုပါဘူး၊ ဘာပဲဖြစ်ဖြစ် လတ်တလောမှာ မော့မိသားစုရဲ့စိတ်သဘောထား အကျင့်စရိုက်တွေပြည့်နေတဲ့ ဗီဒီယိုတွေ ပြန့်နေတာပဲ၊ ဒါကြောင့် အများကြီး ထပ်ရှင်းပြစရာမလိုပါဘူး၊ မင်းလုပ်ရမှာက တွန်းအားနည်းနည်းလေး ပေးရုံပဲ၊ ဒါဆို လုံလောက်ပြီ၊ ဗီဒီယိုကြည့်ပြီး မင်းဆီက အမည်မသိအကြံပေးချက်ကို ရပြီးတာတောင် မော့ယီချန်းကို လက်ထပ်ချင်တုန်းပဲ၊ သူ့နောက်ကနေ ကူညီချင်တုန်းပဲဆို သူ့ကိုဆွဲဆောင်ဖို့ မျှော်လင့်ချက်မရှိဘူး။

“နားလည်ပါပြီ...”

မော့တိက မုထျန်းဟန်အား ပြိုင်ဘက်မရှိနိုင်သည့်အာရုံစိုက်မှုမျိုးဖြင့်ကြည့်ကာ လိမ္မာစွာ ခေါင်းညိတ်ပြလိုက်လေသည်။ နောက်ထပ် သူက ရိုးသားခြင်းလွန်လွနိကဲကဲဖြင့် မြှောက်ပင့်ကာ "ကိုကို၊ ခင်များက မယုံနိုင်စရာပဲ၊ ကိစ္စတွေကိူ ယုတ္တိကျကျနဲ့ အကျိုးကြောင်းဆီလျော်အောင် ဖြေရှင်းတတ်တယ်၊ ဒီမတိုင်ခင်က ကျွန်တော် အဲလိုမျိုး တွေးတောင်မတွေးမိဘူး"

"မြှောက်နေလည်း အသုံးမဝင်ဘူး" 

မုထျန်းဟန်က အကူညီမဲ့စွာဖြင့် ကျေနပ်နေသည့်အပြုံးတစ်ခု သူ့မျက်နှာထက်၌ ရှိနေသည်။ သူက ပဲစိမ်းနဲ့ကြာစေ့စွပ်ပြုတ်ကို ဖြည့်လိုက်ပြီး မော့တိရှေ့သို့ ချပေးလိုက်သည်။

"သောက်လိုက်၊ ပြီးရင် အခု လှည့်ကွက်လုပ်ခဲ့တာကို ခွင့်လွှတ်ပေးမယ်"

"ဟုတ်ကဲ့ပါ၊ ဆြာ"

မော့တိက အလေးပြုလိုက်ပြီးနောက် စွပ်ပြုတ်ပန်းကန်အား လက်လှမ်းလိုက်ပြီး အလင်းကဲ့သို့အရှိန်ဖြင့် သောက်ချလိုက်သည်။

ထို့နောက်တွင် သူကလေချဥ်တက်လိုက်ပြီး မုထျန်းဟန်အား လှပသည့်မျက်ဝန်းတစ်စုံဖြင့် ကြည့်လိုက်လေသည်။

"ကိုကို ကျွန်တော့်ကို အခု ခွင့်လွှတ်မှာလား"

ရုတ်တရက်ဆိုသလို တိရိစ္ဆာန်ဆန်ဆန်အတွေးတို့က မုထျန်းဟန်၏ စိတ်ထဲသို့ ဝင်ရောက်လာသည်။ ခေတ္တမျှ ကောင်ငယ်လေးကို သူ့လက်အတွင်း ဆွဲသွင်းကာ အနှီ မှင်ဆေးပန်းချီပမာ မျက်ဝန်းတို့အား အနမ်းပေးချင်မိ၏။

သို့ပေသိ အဆူံးတွင် သူ၏လူသား အသိစိတ်က အတွင်းမှ သားရဲဗီဇတို့အား ဖိနှိပ်နိုင်လိုက်ပါသည်။ မုထျန်းဟန်က တည်တည်ငြိမ်ငြိမ်ဖြင့် ချောင်းဟန့်လိုက်ကာ "အမ်း..."

ပြီးနောက် သူက လက်ဆန့်ကာ မော့တိ၏ နူးညံ့သည့်ဆံသားလေးများကို အသာအယာပွတ်သပ်ရင်း နမ်းလိုစိတ်အား လျှော့လိုက်တော့သည်။

….အမှန်တော့ ယင်းကလည်း တိရိစ္ဆာန် ဆန်နေဆဲသာ။

ထိူညက မော့တိနှင့်မုထျန်းဟန် အိမ်ပြန်ရောက်သည့်အခါ ဆယ်နာရီပင် ကျော်သွားချေပြီ။ တစ်ဦးနှင့်တစ်ဦး ကောင်းသောညပါ ဟူ၍ နှုတ်ဆက်ပြီးနောက် ဆေးကြာကာ အနားယူကြသည်။

သူစိတ်အားအထက်သန်ဆုံး သတင်းဖြစ်သော ကျန်းခွမ်းချန်နှင့် မော့ရှစ်ဟုန်တို့အား စီရင်ချက်ချမှုကို နောက်တစ်နေ့တွင် ထုတ်ပြန်လိမ့်မည်။

ထို့ကြောင့် သူက သိပ်အလျင်မလိုပါချေ။ အချိန်အား နောက်တစ်နေ့ အစားအသောက် ခရီးစဥ်အတွက် အစီအစဥ်ချရာတွင် သုံးခြင်းက ပိုကောင်းသည်။ မုထျန်ဟန်းက အလုပ်နှစ်ရက်နားပြီး နောက်နေ့တွင် ပြန်လည်အလုပ်များလာမည့် အဓိပ္ပါယ်ပင်။ မနက်ဖြန်အတွက် အစီအစဉ်အား သေချာပေါက် ပြည့်စုံအောင် လုပ်ရမည်။

သို့သော်လည်း…

ထိုသို့ဆိုခြင်းက မော့တိအနေဖြင့် အစားအသောက်ခရီးစဥ်အတွက်သာ လုံးလုံးပူပန်နေခြင်း မဟုတ်ရပါချေ။ အားလုံးပြီးသည့်အခါ အကြီးမားဆုံးသော ချိန်ကိုက်ဗုံးဖြစ်သည့် ချင်ချန်းယီမှာ တစ်နေနေရာ၌ ချောင်းမြောင်းကာစောင့်ဆိုင်းရင်း သူမမှန်းဆနိုင်သော အရာတစ်ခုကို စီစဉ်နေလိမ့်မည်။

…

ထိုအချိန်တွင် မြို့တော်ရှိအကောင်းဆုံး ဇိမ်ခံဗီလာ၌ ချင်ချန်းယီက သူ့ဖခင် ချင်ကျယ်ကွမ်းနှင့် ဗီဒီယိုဆက်သွယ်မှု လုပ်နေ၏။

ချင်ကျယ်ကွမ်းတွင် ကောင်းမွန်သည့်စိတ်အခြေအနေမရှိသည်မှာ ထင်ရှား၍နေပါ၏။ စိတ်ပျက်နေသော အမူအယာနှင့် သူကဆိုသည်။

"ငါ့နောက်ကွယ်မှာ မင်းလုပ်နေတာတွေက ဘယ်မှာများ ယုတ္တိရှိလို့လဲ၊ မင်းအရမ်းတွေ လုပ်နိုင်စွမ်းရှိနေမှတော့ ငါ့ကိုမင်းလုပ်ထားတဲ့ အရှုပ်တွေရှင်းဖို့ ဘာလို့လိုနေသေးတာလဲကွ"

"ကျွန်တော် သတိလက်လွတ်ဖြစ်သွားပြီး အမှားတစ်ခုလုပ်လိုက်မိတယ်၊ အဖေစိတ်ပူစရာမလိုပါဘူး၊ မနက်ဖြန် ကျွန်တော် အဲဒါကို ဖြေရှင်းနိုင်ပါတယ်"

ချင်ချန်းယီက မှုန်မှိုင်းနေသော်ငြား သူ့သဘောထားကတော့ ကောင်းမွန်၍နေသေးသည်။

“ကြည့်ရတာ အဖေ့ဇနီးလေးတွေက(အပျော်ဇနီး) အဖေ့ကို ပျော်အောင်မလုပ်ပေးနိုင်ပုံပဲ၊ ကျွန်တော့်ကို နှောင့်ယှက်ဖို့တောင် အချိန်တွေရနေသေးတယ် “

“သောက်ကောင်လေး! မင်းအဖေကို ဘယ်လိုလုပ် ဒီလိုပုံစံနဲ့ ပြောနိုင်ရတာလဲ?”

 ချင်ကျယ်ကွမ်း၏မျက်နှာက ဒေါသကြောင့် အမဲသားရောင် ပြောင်းနေချေပြီ။

 “ငါမင်းကိုပြောလိုက်မယ်၊ မော့မိသားစုရဲ့အရှုပ်တွေကို ဖြေရှင်းပေးခွင့်မပြုဘူး၊ မင်း အဲ့မော့မိန်းကလေးကို တရားစွဲချင်ရင် ရတယ် မင်းသဘောပဲ၊ ဒါပေမယ့် အခြားဘာကိုမှ ဝင်စွက်ဖက်ခွင့်မရှိဘူး ၊ အထူးသဖြင့် အဲဒီ့ သက်သေအတုလုပ်တဲ့ပြစ်မှုပဲ၊ မင်းပြဿနာကြားမဝင်ရင် ပိုကောင်းမယ် !”

"အဲဒီ့ ကောလိပ်ဝင်ခွင့်စာမေးပွဲပြဿနာက တစ်တိုင်းပြည်လုံးသိနေပြီဆိုတာ မင်းသိရဲ့လား၊ အထက်တန်းလွှာအားလုံးက အဲ့အပေါ်မှာ အာရုံစိုက်နေတာကွ၊ ငါအဆက်အသွယ် ဘယ်လောက်ရှာရမလဲမင်းသိရဲ့လား၊ မင်းရဲ့ အရှုပ်တွေရှင်းဖို့ ငွေဘယ်လောက်ပေးရမလဲဆိုတာရော သိရဲ့လား၊ ကောင်စုတ်လေး ဘာမှမသိတာကပဲ မင်းအတွက်ကောင်းပါတယ်လေ"

"အဖေရှင်းပေးစရာမလိုပါဘူး၊ ကျွန်တော် ကိုင်တွယ်နိုင်ပါတယ်၊ ကျွန်တော့်အရှုပ်ကို ကျွန်တော်ရှင်းနိုင်တယ်၊ ကျောက်ခွမ်းချန် ကျွန်တော့်ကို မဖော်ထုတ်နိုင်အောင် လုပ်ဖို့ နည်းလမ်းတွေရှိပြီးသားပါ၊ ခင်များက အဲဒါလေးအတွက်နဲ့ ငွေအများကြီးသုံးပြီး အဆက်အသွယ်တွေ ခက်ခက်ခဲခဲရှာနေမှတော့ ခင်များအိုနေပြီ အသုံးမဝင်တော့ဘူးဆိုတဲ့ အဓိပ္ပါယ်ပဲ"

“ပြီးတော့ နောက်တစ်ခုက” 

ချင်ချန်းယီက ချင်ကျယ်ကွမ်းအား အေးစက်စက်မျက်လုံးတစ်စုံဖြင့် စိုက်ကြည့်လိုက်သည်။

"ခင်များ ရှောင်ကွေ့ကို ထိလို့မရဘူး၊ မဟုတ်ရင်တော့ လူအိုကြီး ခင်များနောင်တရမယ်နော် ...”

“မင်းဘာကိုဆိုလိုတာလဲ ခွေးမသားလေး၊ အဖေကို ခြိမ်းခြောက်နေတာလား၊ မင်းငါ့ကို အဖေလို့ရော သတ်မှတ်သေးရဲ့လား၊ မော့လျှိုကွေ့က မင်းကို ဘာဆေးတွေများ တိုက်ထား …. beep——!”

ချင်ကျယ်ကွမ်းက ဒေါသဖြင့် သူ၏ကွန်ပျူတာကို မြေပြင်ထက် ပစ်ပေါက်ပစ်လိုက်လေသည်။

"အဲ့အယုတ်တမာလေးက ငါ့ဖုန်းကိူချရဲတယ်၊ သူငါ့စကား ထပ်နားမထောင်တော့ဘူးကွ !!!”

“ဒါရိုက်တာချင်” 

အထက်တန်းလွှာဟန်ပန်ရှိသည့် အမျိုးသားတစ်ဦးက သူ့နံဘေးတွင် ရိုသေမှုအပြည့်ဖြင့် ရပ်နေကာ ချင်ကျယ်ကွမ်း စိတ်လျှော့သွားသည်ကို စောင့်နေ၏။

"ခင်များ အရင်ကပြောတာကို ... ကျွန်တော်တို့ လုပ်ရဦးမှာလား"

"ဒါပေါ့၊ လုပ်လိုက်"

ချင်ကျယ်ကွမ်းက အတွင်းရေးမှူးစွန်းအား သူ့အတွက် ဆေးပြင်းလိပ်ကို ဖြတ်ပေးလိုက်သည်။ 

"ငါသာ အဲ့ကောင်စုတ်လေးကို မရပ်နိုင်ရင် ငါ့အတွက် ကျင်းတစ်ခု တူးပေးသွားလိမ့်မယ်၊ သူအသက်ပိုကြီးလာလေလေ ပိုရက်စက်လာလေလေပဲ၊ သူက ဥပဒေကိုတောင် ချိုးဖောက်နေပြီ၊ ငါသူ့အရွယ်တုန်းက ငါ့လက်တွေက သန့်ရှင်းနေတုန်းပဲကွ"

သူ့ဘေးရှိ အတွင်းရေးမှူးစွန်းက ဦးသာညွတ်လိုက်ပြီး စိတ်ထဲမှ တွေးလိုက်သည်။

`ကောင်းပြီ၊ အခု ခင်များလက်တွေကလည်း လုံးဝသန့်ရှင်းမနေတော့ပါဘူးနော်´

"ယန်ဖန်းနှင့် သူ့လူတွေကို အရင်က ငါပြောခဲ့တာတွေကို ကိုင်တွယ်ဖို့ စည်းကမ်းတင်းတင်းကြပ်ကြပ် ထုတ်လိုက်၊ ကောင်စုတ်လေး ဒီကိစ္စကနေ လုံးလုံးလွတ်ကင်းတာ သေချာပါစေ၊ ကျောက်ခွမ်းချန်ကိုလည်း ကိုင်တွယ်ဖို့ လိုအပ်တယ်၊ ပြီးတော့ အရေးကြီးတာတစ်ခုက ဟိုမိန်းကလေး ဒါမှမဟုတ် မော့လျှိုကွေ့ရဲ့အဖေကိုဖြစ်ဖြစ် ကူညီလို့ အဲကောင်စုတ်လေးကို လူတွေဒေါသထွက်တာမျိုး မဖြစ်စေနဲ့၊ ပြဿနာတက်လိမ့်မယ်"

"ဟုတ်ကဲ့" အတွင်းရေးမှူးစွန်းက ပေါ့ပါးသည့် ဆေးပြင်းလိပ်ကို ချင်ကျယ်ကွမ်းထံ ပေးကာ အလျင်အမြန် နောက်ဆုတ်လိုက်၏။ သူထွက်သွားပြီးနောက်တွင် သူ့မျက်နှာမှာ သိပ်မကောင်းပါချေ။

သခင်ငယ်လေး၏ အာဏာမှာ သခင်ကြီး၏အချိတ်အဆက်အရင်းအမြစ်များနှင့်ပင် ရင်ဘောင်တန်းနိုင်သည်အထိ အလျင်အမြန် တိုးတက်လျက် ရှိသည်။ သူ့ဖက်မှ လှုပ်ရှားမှုများရှိမလာစေရန် တားဆီးလိုပါမူ သူတို့အင်အားစု၏ ရှစ်ဆယ် ရာခိုင်နှုန်းခန့်ကို စိုက်ထုတ်ရပေမည်။

နှစ်နှစ်အတွင်း သခင်ငယ်လေး၏ နောက်ခံအင်အားက သိပ်မကောင်းသည့် သခင်ကြီး၏အရင်းအနှီးတို့အား ဖိနှိပ်လိုက်နိုင်မည်ကို စိုးရိမ်မိပါ၏။ သို့ပေသိ အချိန်ကျလာသည့်အခါ သူတို့လို အရေးမပါသည့် လူလေးများက ဦးစွာ ခံစားရပေလိမ့်မည်။ 

…

ရေချိုးပြီးနောက်တွင် မုထျန်းဟန်သည် လက်ထောက်ကောင်းထံက ချင်မိသားစုအား ဝင်ရောက်စွက်ဖက်ရာမှ တားဆီးရာတွင် ကြောက်စရာကောင်းသည့် အင်အားတစ်ခုကို ခံစားမိခဲ့ကြောင်း အစီရင်ခံသည့်ဖုန်းကို ရရှိခဲ့သည်။ အနှီအင်အားမှာ ချင်ချန်းယီ၏နည်းလမ်းများနှင့် တူညီပုံရသည်ဟူ၍။ လက်ထောက်ကောင်းက မုထျန်ဟန်ကို ပြန်တုန့်ပြန်လိုပါသလားဟု မေးလာ၏။

မုထျန်းဟန်က အံ့အားသင့်စွာဖြင့် မျက်ခုံးပင့်လိုက်ကာ စဥ်းစားပြီးနောက် ပြောလိုက်သည်။ 

"မလိုဘူး၊ သူတို့ကို စောင့်ကြည့်ထား၊ ချင်ချန်းယီကို မကိုင်တွယ်နိုင်တဲ့ ဆန့်ကျင်ဘက်အင်အားကို ရှာတွေ့ရင်(သူတို့တွေ့တဲ့အင်အားက ချင်ချန်းယီကို မကိုင်တွယ်နိူင်ရင်) ဒါမှမဟုတ် သူတို့က ရပ်လိုက်တယ်ဆိုရင် ငါတို့ လှုပ်ရှားမယ်"

“နားလည်ပါပြီ...” 

မုထျန်းဟန်က ဖုန်းချလိုက်သည်။ သူ့သူငယ်အိမ်များက မသိမသာကျုံ့သွား၏ ။ ယခင်က စုံစမ်းစစ်ဆေးရေး၌ ဝင်ရောက်စွက်ဖက်ခဲ့သည့်တစ်ယောက်မှာ ချင်မိသားစုဝင်မဟုတ်သည့်အတိုင်းပင်။ မြို့တော်ရှိ မြေအောက်အင်အားက သူတွေးထားသည်ထက် ပို၍နက်ရှိုင်းစွာ တိုးပွားလာပုံရသည်။ချင်အဖေနှင့်သားတို့ နှစ်ယောက်စလုံး၌ တစ်ဦးနှင့်တစ်ဦး မတူကွဲပြားသော အမြင်ရှိပုံရသည်။ မိသားစုတိုင်း၌ ကိူယ်စီကိုယ်ငှ ပြဿနာရှိကြပုံပင်။ ထို့အပြင် အစိုးရ၊ သူ၏လူများနှင့် သူတို့၏အကျိုးစီးပွားတို့မှာ ရှုပ်ထွေးလွန်းနေ၏။ 

စိတ်ဝင်စားစရာ ကောင်းလာပုံပင်။

နောက်တစ်နေ့တွင်

ဒင် ဒင် ဒင်

မော့တိတစ်ယောက် သူ့ဖုန်းမှမြည်လာသည့် အချက်ပေးသံသုံးခုကြောင့် နိုးလာသည်။ 

မော့တိက အမှတ်တမဲ့ပင် မျက်နှာပြင်အား ဖွင့်လိုက်မိ၏။ အကြည့်တစ်ချက်ဖြင့်ပင် နောက်ဆုံးစကားလုံးကို မြင်လိုက်ရပြီးနောက် လန့်ဖျတ်ကာ အပြည့်အဝ နိုးကြားလာရတော့သည်။

Xxxxxxx