အပိုင်း ၁၃၃

Chapter 133




မော့တိ နေ့လည်စာ စားပြီးသည်နှင့် သူ့အခန်းသို့ပြန်လာပြီး မုထျန်းဟန်ထံ ဖုန်းဆက်လိုက်သည်။

ထိုcommentတွေကို ဖတ်ပြီး ​မော့တိ ကိုစိတ်အ​နှောင့်အယှက်ဖြစ်သွားခြင်း​ကြောင့် သူ့အခန်းထဲသို့ တစ်ယောက်တည်း ပြန်သွားသည်ဟု တခြားလူတွေက ထင်လိုက်သည်။

​ကျောက်ချွင်က အင်တာနက်အသုံးပြုသူများနှင့် ငြင်းခုံနေစဉ် ရှန့်ယွီ​ချောင်ကို တံ​တောင်နှင့်တွက်လိုက်ပြီး

"နင်တို့ ယောက်ျားလေးတွေ ​ရှောင်တိနဲ့ စကားသွားပြောပြီး အားမပေးဘူးလား?"

"ငါက အဲလိုစကားလုံးတွေကို ​ကောင်း​ကောင်းမ​ပြောတတ်ဘူး ငါက မဟုတ်တာ​တွေ​ပြောမိပြီး ပိုဆိုး​အောင်လုပ်မိရင် ဘယ်လိုလုပ်မလဲ?"

ရှန့်ယွီ​ချောင်က သူ့ခေါင်းကို ကုတ်လိုက်ပြီး

"မိန်းကလေးတွေက ပိုပြီး တွေးခေါ်တတ်ပြီး ပရိယာယ်ကြွယ်တဲ့အတွက် နင်နဲ့ ညီမမုံ့တို့က သွားမ​ပြောသင့်ဘူးလား?"

"ဒါပေမယ့် အခု ​ရှောင်တိက သူ့အခန်းထဲမှာရှိ​နေတာ ငါတို့ မိန်းကလေးတွေက အထဲကို ဝင်လို့မရဘူး​လေ နင်တို့​ကောင်​တွေက သူ့ကို ဘာလို့ မခေါ်တာလဲ? ဒါဆို ငါတို့ သူ့ကို စကားပြောလို့ရတယ်"

ကျန်းကျယ်မုံ့လည်း ခေါင်းညိတ်​ထောက်ခံလိုက်သည်။

"ကောင်းပြီ ဝတုတ် ငါနဲ့လိုက်ခဲ့"

ရှန့်ယွီ​ချောင်က လင်ကျွင်းဖုန်ကို ကြည့်ကာ ပြောလိုက်သည်။

"ငါတို့ မလုပ်တာ ပိုကောင်းမယ်လို့ထင်တယ်”

ဟန်​ချောင်မှ သူတို့ကို တားလိုက်ပြီး

“ရှောင်တိက ဒီကိစ္စကို ငါတို့နဲ့ မပြောချင်တာ သေချာတယ်။ ခဏလောက် တစ်ယောက်တည်း နေပါစေ။ ​နောက်ပြီး သူ ငယ်ငယ်လေးကတည်းက ​မော့မိသားစုမှာ နေခဲ့ရတာ​ကြောင့် သူ စိတ်အ​နှောင့်အယှက်မဖြစ်ဘူးဆိုတာက ခက်ခဲလိမ့်မယ်။ သူ့ကို စိတ်ငြိမ်​အောင်ထားလိုက်ရင် ဒါကို ဖြေရှင်းဖို့ နည်းလမ်းတစ်ခု သူ စဉ်းစားနိုင်​အောင် ကူညီပေးလိုက်တာပဲ။ ဒုက္ခမပေးဘဲ ​နေရအောင်"

“…..”

အင်တာနက်ပေါ်မှ အပျက်သဘောဆောင်သည့် ဝေဖန်မှုတွေကို တွန်းလှန်ရန်နှင့် သူ့ကို နှစ်သိမ့်​ပေးရန် သူ့အသင်းဖော်​များက သူ့အခန်းအပြင်၌ အလုပ်ရှုပ်နေသည်ကို​တော့ ​မော့တိ မသိခဲ့​ပေ။

သူက လက်ရှိအချိန်တွင် မုထျန်းဟန်နှင့် ဖုန်းပြောနေသည်။

​မော့တိ၏ဦးဆောင်မှုအတိုင်း ​မုထျန်းဟန်က သူ၏လူများအား ယန်ချီးချွမ်နှင့် စွန်းချန်ရှင်းတို့၏ နောက်ကြောင်းကို စုံစမ်းနေစဥ်တွင် သူတို့ကိုလည်း စောင့်ကြည့်ခိုင်းထားခဲ့သည်။ တကယ်တမ်း၌ အမျိုးသားနှစ်ယောက်လုံး၏လတ်တလော လှုပ်ရှားမှုများကို သူတို့၏အင်တာနက် မှတ်တမ်းမှတစ်ဆင့် အလွယ်တကူ ရှာတွေ့နိုင်​သောကြောင့် အတော်လေးကို လွယ်ကူ​သည့်ကိစ္စဖြစ်သည်။

​နောက်ပြီး မနေ့က နေ့လည်စာစားချိန်၌ ယန်ချီးချွမ်က လျှို့ဝှက်​သောလူတစ်ယောက်နှင့်တွေ့ဆုံရန် ဆေးရုံနှင့်လမ်းသုံးလမ်း အကွာ၌ရှိ​သော ကော်ဖီဆိုင်ကို တိတ်တဆိတ်သွားခဲ့သည်။

ထိုလူမှာ ရုပ်ဖျက်ထားသည့် ချင်ချန်းယီမှလွဲ၍ အခြားသူမဟုတ်ပေ။

မုထျန်းဟန်က သူ့လက်အောက်ငယ်သား ပေးပို့လိုက်​သော ဦးထုပ်နှင့် မျက်နှာဖုံးကို ဝတ်ဆင်ထားသည့် ချင်ချန်းယီ၏ဓာတ်ပုံကို မြင်လိုက်ရ​သောအခါ ဤကိစ္စကို ချင်ချန်းယီ ကိုယ်တိုင် လုပ်​နေ​သော​ကြောင့် သူ အံ့သြသွားရသည်။ သို့သော် ဤကိစ္စ၏အရေးပါမှုကို ထည့်သွင်းစဉ်းစားရလျှင် ချင်ချန်းယီ ဘာ​ကြောင့် သူ့ကိုယ်သူမှလွဲ၍ ဘယ်သူ့ကိုမှ မယုံကြည်လဲဆိုတာ သူနားလည်နိုင်ပါသည်။

ဤဆေးဘက်ဆိုင်ရာ အစီရင်ခံစာကို အတုဖန်တီးမှုမှာ ​မော့လျှို​ကွေ့၏ အနာဂတ် ကြိုးပမ်းမှုများကို ဆုံးဖြတ်ရုံသာမက ယခင်ကဖြစ်ခဲ့သည့်အရာအားလုံးကို ဖုံးကွယ်နိုင်မလား မဖုံးကွယ်နိုင်ဘူးလား ဆိုသည်ကိုလည်း အဆုံးအဖြတ်​ပေးခဲ့သည်။

​နောက်ဆက်တွဲအ​နေဖြင့် ချင်ချန်းယီက သူတို့အ​ကြောင်းကို ဂရုမစိုက်သည်ကို မုထျန်းဟန် သိသော်လည်း ၎င်းမှာ ​မော့မိသားစုကိုလည်း ပြန်လည်ရှင်သန်လာစေနိုင်သည်။ အကယ်၍ သူသာ မလုပ်နိုင်ခဲ့ပါလျှင် ယခင် သူတို့၏ရာဇ၀တ်မှုများအတွက် အရာအားလုံးကို ဂရုဏာတရားကင်းမဲ့စွာ မော့စစ်လန်အ​ပေါ် အပြစ်ပုံချမည်မဟုတ်ပေ။ သူတကယ် ဂရုစိုက်သည်က ​မော့မိသားစု၏ ပုံရိပ်က ဖျော်ဖြေရေးနယ်ပယ်၌ မော့လျှို​ကွေ့၏ အသက်မွေးဝမ်းကြောင်းကို တိုက်ရိုက် ဘယ်လို သက်ရောက်လဲဆိုသည်ကိုသာဖြစ်ပြီး ထို့​ကြောင့်ပင် သူတို့ကို ပြန်လည်ရပ်တည်​လာ​နိုင်​စေရန် သေချာပေါက် ကူညီပေးမှာဖြစ်၏။

ထို့ကြောင့် ဆေးဝါးအစီရင်ခံစာအတုကို ရယူရန် တာဝန်က အလွန်အရေးကြီးသည်။ ထို့ကြောင့် အခြားကျန်ရှိသောလူယုံနှစ်ယောက်ကို ထိုတာဝန်အား ယုံကြည်စွာမအပ်နှံဘဲ သူကိုယ်တိုင် ဂရုတစိုက် ပြုလုပ်​နေခြင်းပင် ဖြစ်သည်။ ထိုအရာအားလုံးမှာ သူနှင့်ဆက်ဆံနေသည့်သူကို သူကိုယ်တိုင် ဆုံးဖြတ်တာလည်း ဖြစ်နိုင်သည်။

မုထျန်းဟန်က ချင်ချန်းယီ သူတို့ကို ရှာ​တွေ့မည်စိုး​သော​ကြောင့် သူ့လူတွေကို ကော်ဖီဆိုင်မှ ထွက်ခွာပြီး အဝေးမှ စောင့်ကြည့်ရန် အမိန့်​ပေးခဲ့သည်။ ထို့နောက် သူသည် ယန်ချီးချွမ်နှင့် ချင်ချန်းယီကြား အွန်လိုင်း အပြန်အလှန် ဆက်သွယ်မှုများကို ခြေရာခံရန် လီချန်းကို ပြောလိုက်သည်။

သို့ပေမယ့် ဒီတစ်ကြိမ်၌ ဘာကိုမှ ရှာမတွေ့ခဲ့​ပေ။

ချင်ချန်းယီက သင်ခန်းစာ ရသွားပုံပင်။ ​မော့၊ ယဲ့ နှင့် ချင်မိသားစုတို့၏ ယခင်ပဋိပက္ခအနည်းငယ်မှာ ဝဘ်ပေါ်တွင် ကျန်ရစ်ခဲ့သော ခြေရာများကြောင့် သူတို့အားလုံး ပစ်ချခံခဲ့ရသည်။ ဤတစ်ကြိမ်၌ သူသည် သတိကြီးစွာထားပြီး အွန်လိုင်း​ပေါ်တွင် မည်သည့် သက်​သေအထောက်အထားမှ မကျန်ခဲ့​စေရန် မျက်နှာချင်းဆိုင် စကား​ပြောတွေ့ဆုံရန် ဆုံးဖြတ်ခဲ့သည်။

ချင်ချန်းယီက ယန်ချီချွမ်ကို တစ်ခါသုံးဖုန်းဖြင့် ဆက်သွယ်ပြီးနောက် လျှို့ဝှက်ကုဒ်နှင့် ​တွေ့ဆုံရန် နေရာတစ်ခုကို သဘောတူခဲ့ကြသည်။ ချင်ချန်းယီက သူတို့အား တစ်စုံတစ်​ယောက်က သတိပြုမိမည်ကို စိုးရိမ်​သော​ကြောင့် တန်ဖိုးကြီးသည့်နေရာကို မရွေးချယ်ခဲ့ပေ။

ထို့ကြောင့် ချိန်းထားသည့်အချိန်၌ ယန်ချီးချွမ်၏ ဆေးရုံအနီးရှိ ကဖေးဆိုင်ငယ်တစ်ခုလို မထင်မရှားနေရာတစ်ခုတွင် တွေ့ဆုံခဲ့ကြသည်။ ရယ်စရာကောင်းသည်က ချင်ချန်းယီက ထိုနေရာကို အရင်က 'ဆင်းရဲသား​တွေ သွား​လေ့ရှိသည့်​နေရာ' ဟု သတ်မှတ်ခဲ့ဖူးပြီး ဘယ်​သောအခါကမှ ခြေမချခဲ့​ပေ။

သူက တတ်နိုင်သလောက် အ​သေးစိတ်မှစ၍ အလွန်ဂရုစိုက်​သော်လည်း ချင်ချန်းယီမှာ ယန်ချီးချွမ်၏အပြုအမူကို လုံး၀မထိန်းချုပ်နိုင်ခဲ့ပေ။

အမှန်တကယ်တွင် ယန်ချီးချွမ်က ချင်ချန်းယီ၏ညွှန်ကြားချက်များကို လိုက်နာခဲ့ပြီး ဤကိစ္စကို သူ့မိန်းမကိုပင် ​ပြောမပြထားခဲ့​ပေ။ သူအများဆုံးလုပ်ခဲ့သည်က အွန်လိုင်းဖိုရမ်တစ်ခု၌ အနည်းငယ် လျှို့ဝှက်စွာ ကြွားဝါခဲ့ခြင်းပင်ဖြစ်သည်။ ​မော့တိက သူ့ယခင်ဘဝ၌ သူနှင့်ထိ​တွေ့ဆက်ဆံမှုမရှိခဲ့ပါလျှင် ထိုပို့စ်ငယ်လေးက မထင်မရှားမှတ်ဥာဏ်များကို ပြန်လည်မှတ်မိ​စေလိမ့်မည်မဟုတ်​ပေ။

သို့​ပေမယ့် ​မော့တိက သူ့အား ဖြစ်နိုင်ဖွယ်သံသယရှိသူအဖြစ် ရှာဖွေဖော်ထုတ်ပြီးနောက်တွင် ဤသေးငယ်သောလုပ်ရပ်များမှာ သက်သေအတွက် အ​တော်​လေး အသုံးဝင်လာသည်။

ထို့ကြောင့် ယန်ချီးချွမ်ကို ခြေရာခံခြင်းဖြင့် သူ ချင်ချန်းယီနှင့် ဆက်သွယ်မှုရှိတိုင်း နောက်ဆုံး၌ ​ဖော်ထုတ်ခံရလိမ့်မည်။

ဆေးဖိုင်ကိုခိုးယူရန် ဆေးရုံ၏မှတ်တမ်းများကို လျှို့ဝှက်စွာခိုးယူခဲ့စဥ်ကလည်း အလားတူပင်။ ​နောက်ပြီး ဆေးမှတ်တမ်းရှိ အချက်အလက်များကို သူက တရားမ၀င်ပြောင်းလိုက်​သောအခါ၌ - အားလုံးကို မုထျန်းဟန်၏လူ​များက မှတ်တမ်းတင်ထားခဲ့သည်။

ထို့ကြောင့် သူတို့၌ ခိုင်လုံသည့် သက်​သေ အထောက်အထားများ ရှိပြီးသားပင်။

ကျန်​နေသည်က အချိန်​ကောင်းကို စောင့်ရန်ပင်...

ထိုအချိန်က ​မော့လျှို​ကွေ့နှင့် ချင်ချန်းယီတို့ သူတို့၏ ကံကြမ္မာကို ကိုယ်တိုင်ကိုယ်ကျ အပ်နှံလာမည့်ချိန်ပင်။

သူတို့ ကြိုးကိုင်ဖန်တီထားသည့် ​ဝေဖန်မှု​များကို ကြည့်ခြင်းအားဖြင့် သူတို့ကိုယ်သူတို့ အထင်ကြီး​နေ​သောအချိန်က သူတို့ကို တွန်းလှန်ရန် သင့်တော်​သည့်အချိန်မဟုတ်ပါလား။

​မော့တိနှင့် မုထျန်းဟန်တို့က လွန်ခဲ့သည့် နှစ်ရက်အတွင်း သူတို့ စုဆောင်းရရှိထားသော အချက်အလက်များကို ဖလှယ်ခဲ့ကြပြီး နောက်ထပ်စောင့်ဆိုင်းရန် ဆုံးဖြတ်ခဲ့ကြသည်။ အချိန်တန်လျှင် သူတို့မှ ကော်မရှင်နာဝမ်အား အရာအားလုံးကို တင်ပြလိမ့်မည်ဖြစ်ပြီး နောက်ဆုံး၌ သူက ချင်ချန်းယီကို ဆန့်ကျင်ပြီး တစ်ခုခုလုပ်လိမ့်မည်။

တကယ်တမ်း၌ ယန်ချီးချွမ်မှာ ယုံကြည်ရ​သောသူမဟုတ်​ပေ။ ခြိမ်းခြောက်လိုက်လျှင် သူက သူ့ကိုယ်သူ ကယ်တင်ရန် ချင်ချန်းယီကို စွန့်ပစ်လိမ့်မည်ပင်ဖြစ်သည်။

အမှန်တော့ မုထျန်းဟန်က ဤကိစ္စကို အချိန်မဆွဲချင်​တော့​ပေ။ အချိန်ကြာလေလေ သူ၏​မော့တိလေးမှာ အွန်လိုင်း၌ စော်ကားခံရလေလေဖြစ်သည်။ ထိုcommentများက မည်မျှရက်စက်ပြင်းထန်လဲဆိုသည်အား ​ပြော၍​ပင်မရ​ပေ။ သို့သော် ယခုတစ်ကြိမ်တွင် သူတို့၏ပြိုင်ဘက်မှာ ကျင့်ဝတ်သိက္ခာကင်းမဲ့ပြီး အန္တရာယ်များသော ချင်ချန်းယီဖြစ်သည်ကို ထည့်သွင်းစဥ်းစားပြီး ​လက်စား​ချေမှုကို တစ်ရက်ရွှေ့ဆိုင်းရန် မော့တိ၏ တောင်းဆိုချက်ကို မုထျန်းဟန် အံကြိတ်ကာ သဘောတူခဲ့သည်။

တစ်ချိန်တည်းမှာပင် သူက ကော်မရှင်နာဝမ်နှင့်လည်း ဆက်သွယ်ခဲ့ပြီး ဤအမှုကို ကိုယ်တိုင်ကိုယ်ကျ သူ့ကို ကိုင်တွယ်ခွင့်ပေးခဲ့ခြင်းကြောင့် ချင်ချန်းယီက ယခုတစ်ကြိမ်တွင် တရားမျှတမှုမှ လွတ်မြောက်နိုင်မည်မဟုတ်ပေ။

…..

အစီအစဥ်များ ပြုလုပ်ပြီးနောက် နောက်ဆုံးတွင် ချင်ချန်းယီကို ရှင်းထုတ်နိုင်​တော့မည့်အ​ကြောင်းကို ​​တွေးမိပြီး ​မော့တိ အလွန်​​ပျော်ရွှင်မိသည်။ သူက ရုပ်မြင်သံကြားမှ နှစ်သစ်ကူး သီချင်းကို ရွှင်မြူးစွာ ညည်းနေခဲ့သည်။

မုထျန်းဟန်နှင့် ​မော့တိ၏ အစီအစဉ်ကို မသိသော ရှန့်ယွီ​ချောင်နှင့် အခြားသူများမှာ စိုးရိမ်စိတ်တို့ ပိုတိုးလာခဲ့သည်။

ဒါက မူမမှန်ဘူး! ​ရှောင်တိက စိတ်မဆိုးဘူးဆိုရင်တောင် သူဒီလို...ပျော်မ​​နေသင့်ဘူး!

"​ရှောင်တိ နင်…” ​

ကျောက်ချွင် တုံ့ဆိုင်းသွားသည်။

"ငါ အဆင်​ပြေပါတယ်။ မင်းတို့ ငါ့ကိုတကယ်စိတ်ပူစရာမလိုဘူး"

သူတို့ သူ့ကို စိုးရိမ်စွာ စိုက်ကြည့်နေသည်ကို မြင်ပြီး ​မော့တိသည် စိတ်ရင်းမှန်ဖြင့် ပြုံးပြလိုက်ကာ

“အမှန်တရားက အမြဲတမ်း ​ပေါ်ထွက်လာမယ်လို့ ငါ ယုံကြည်တယ်။ မင်းတို့​တွေ အကောင်းမြင်စိတ်ရှိသင့်တယ်"

"ငါတို့လည်း အ​ကောင်းမြင်စိတ်ရှိပါတယ်။ ဒါ​ပေမဲ့ အ​ကောင်းဘက်က​တွေးတာက အသုံးမဝင်ဘူး။ အွန်လိုင်းမှာ လူထုရဲ့ထင်မြင်ချက်တွေက ရှုပ်​ထွေးနေတယ်။ သူတို့အားလုံးက မင်းကို ရည်ရွယ်ပြီး..."


"သူတို့​ပြောချင်တာကို ပြောပါစေ။ အနှေးနဲ့အမြန်ဆိုသလို သူတို့ အမှန်တရားကို သိပါလိမ့်မယ်။ မနက်ဖြန် ကွာတားဖိုင်နယ်အတွက် ထိပ်ဆုံးရှစ်ဖွဲ့ကို သူတို့ ကြေငြာလိမ့်မယ်။ အဲဒီအစား ဘာလို့ မင်းတို့ရဲ့ အတွေးတွေကို မပြောင်းလဲရတာလဲ?"

​မော့တိက ​ကျောက်ချွင်ကို စကားဖြတ်​ပြောလိုက်ပြီး

"ဆုပေးပွဲ အခမ်းအနား ကျင်းပပြီး အသင်းရှစ်သင်းကို လူသိရှင်ကြား ​ကြေငြာလိမ့်မယ် မင်းတို့တွေ မစိုးရိမ်ဘူးလား?"

"စိုးရိမ်တယ် ဒါပေမယ့် ဒါက မင်းရဲ့ပြဿနာနဲ့ယှဉ်ရင် ဘာမှမဟုတ်ဘူး"

ချန်​ကျောင်းက သူ့ဗိုက်ကို ဖျစ်ညှစ်ထားပြီး

"ငါ အရမ်းစိတ်ပူတယ် ပြီး​တော့ စိုးရိမ်တယ် ဒါ​ကြောင့် ငါဗိုက်နာ​နေတယ်။ အခု မင်းပြောခဲ့သလိုပဲ ဝန်ထမ်းတွေက ဒီည Weibo မှာ အဖွဲ့ဆယ်ဖွဲ့ရဲ့ တည်းဖြတ်ထားတဲ့ ဗီဒီယိုကို တင်မယ်လို့ ပြောထားတယ်မလား? အခု တင်ပြီလား?"

"မသိဘူး။ ငါစစ်ကြည့်အုံးမယ်"

ရှန့်ယွီ​ချောင်က သူ့ဖုန်းကိုယူပြီး Weibo ကိုဖွင့်လိုက်သည်။ သူက ပြိုင်ပွဲဝဘ်ဆိုဒ်ကို ဝင်လိုက်ပြီး

“ဟမ်?! နာရီဝက်​လောက်အကြာက တင်ထားတယ်။ ဗီဒီယို​တွေကို တစ်ခုပြီးတစ်ခု တင်နေတာ ပြီး​တော့ ငါတို့အဖွဲ့ရဲ့ဗီဒီယိုကို ဒုတိယမြောက်တင်ထားတယ်။ အခု ငါးဖွဲ့​မြောက်ကို ရောက်နေပြီ"

ရှန့်ယွီ​ချောင်က စူးစူးဝါးဝါး​အော်လိုက်ပြီး

"ဗီဒီယိုထဲမှာ ဘာလို့ ငါက အရမ်းမည်းပြီး ပိန်​နေရတာလဲ?! မျောက်တစ်ကောင်လိုပဲ! ရုပ်ဆိုးလိုက်တာ!"

တခြားသူများသည်လည်း သူတို့၏ ဖုန်းတွေကို စပြီး စစ်ဆေးကြည့်ကြသည်။

​ကျောက်ချွင် : "ငါ ဒီလောက် မဝပါဘူး! ဘာလို့ ကင်မရာထဲမှာ ငါက ဒီလောက်တောင် ဝနေရတာလဲ?!"

ချန်​ကျောင်း : "ငါက အရမ်းပု​နေတယ်! ငါ့အရပ်က 1.83 မီတာပါ! လင်ကျွင်းဖုန်အနားမှာ ရပ်နေတဲ့ ငါ့ကို ဘာလို့အဲလိုရိုက်ထားတာလဲ? အခု ကြည့်ရတာ ငါက 1.7 မီတာ​လောက်ပဲရှိတယ်! သေစမ်း!"

ဟန်ချောင်: “ငါက ဂျုံမှုန့်အလွှာနဲ့ ဖုံးထားသလို ကင်မရာထဲမှာတောင် ဖြူဖပ်ဖြူ​ရော်ဖြစ်​နေတယ်"

ကျန်းကျယ်မုံ့: "ငါ... ငါ ​ရှောင်တိ အနားမှာ ရိုက်ခဲ့တာ ပြီး​တော့ သူ့မျက်နှာနဲ့ ယှဉ်ရင် ငါ့မျက်နှာက အရမ်းကြီး​နေတယ်။ နောက်တစ်ခါ သူနဲ့အတူ မရိုက်ချင်ဘူး..."

​မော့တိလည်း ဗီဒီယိုကို နှိပ်ပြီး ကြည့်လိုက်သည်။ သူက စတိုင်လ်ကျပြီး အတော်လေးကြည့်ကောင်းသည်ဟု ထင်သည်။

သို့သော် အောက်ရှိ​ comment​နေရာ၌ စော်ကားပုတ်ခတ်မှုများ ကျိန်ဆဲမှုများနှင့် ပြည့်နေသည်။

"ဘာလဲ?!!! ဒီအသင်းရဲ့ခေါင်းဆောင်က ​မော့တိလား? သူ့အစ်မကို စိတ်ကျ​ရောဂါဖြစ်အောင် အနိုင်ကျင့်ခဲ့တဲ့ တစ်ကိုယ်ကောင်းဆန်ပြီး ​ကျေးဇူးမသိတတ်တဲ့​ကောင်မလား?!'

'ငါ-ိုး! ဘာကြောင့် ငါ့အကြိုက်ဆုံးဂိမ်း Infinite Lifeကို ဒီလိုစက်ဆုပ်ဖို့​ကောင်းတဲ့သူက ဖန်တီးထားရတာလဲ?! ​သေစမ်း! ငါသေချင်လိုက်တာ! ကိုယ့်ကိုကိုယ်​တောင် သနားမိတယ်...'

'​မော့တိ ဖန်တီးထားတဲ့ ဂိမ်း​တွေကို ဆန့်ကျင်ကြပါ! Infinity Life နှင့် ဒီအဖွဲ့ကို ပိတ်ပင်​ပေးပါ!!!'

'နှင်းဆီပန်းလေးကို ငါ တကယ် သနားမိတယ်လို့ ပြောချင်တယ်။ ​မော့တိ မင်း စိတ်ကျ​ရောဂါခံစားနေရတဲ့ အစ်မကို မှတ်မိသေးလား? ပြီး​တော့ သူ့ကို မတူမတန်သလို ဆက်ဆံတုန်းက​တောင် မင်းကို သူ ဂရုစိုက်နေတုန်းပဲ။ မင်းက နှလုံးသားမရှိဘဲ မင်းမိသားစုနဲ့ အဆက်အသွယ်အားလုံးကို ဖြတ်တောက်ပစ်လိုက်​သေးတယ်!'

'​မော့လျှို​ကွေ့ရဲ့ ဦးနှောက်မရှိတဲ့ ပရိသတ်​တွေက ဒီနေရာကို ​နောက်ထပ် ရောက်လာပြန်ပြီ။ အရှက်မဲ့ပြီး မိုက်မဲလိုက်တာ။ ​မော့တိ ငယ်ငယ်က ​မော့မိသားစု သူ့ကို ဘယ်လိုညှည်းဆဲနှိပ်စက်ခဲ့လဲဆိုတာ မေ့သွားပြီလား?! ဒါ​တောင် တချို့လူ​တွေက သူတို့ဘက်ပါနေသေးတယ်ဆိုတာ ယုံ​တောင်မယုံနိုင်ဘူး!'

'​မော့တိ ဖန်တီးထားတဲ့ဂိမ်း​တွေကိုသပိတ်မှောက်ပါ! သူ့ကို ပြိုင်ပွဲကနေ ထုတ်လိုက်ပါ! သူနဲ့သူ့အဖွဲ့ကို ပိတ်ပင်​ပေးပါ!'

'​မော့လျှို​ကွေ့အတွက် စိတ်ထိခိုက်စရာပဲ။ မော့လျှို​ကွေ့အတွက် စိတ်ထိခိုက်စရာပဲ။ မော့လျှို​ကွေ့အတွက် စိတ်ထိခိုက်စရာပဲ'

'​မော့တိ ​မော့လျှို​ကွေ့ကို တောင်းပန်ပါ!'

‘…..’



Xxxxxx