အပိုင်း ၁၃၄

Chapter 134




အဖွဲ့သားများမှာ သူတို့၏ စခရင်ပေါ်ရှိ အသွင်အပြင်နှင့်ပတ်သက်ပြီး ထိန်းချုပ်မရ​အောင် ပွက်​လောရိုက်​နေ​ခဲ့သော်ငြား commentများပေးသည့်အပိုင်းသို့ ရောက်သောအခါတွင် ငြိမ်သက်သွားကြသည်။

အခန်းက ရုတ်​တရက်​ ငြိမ်ကျသွားသည်​။

"...​ရှောင်တိ comment​တွေက အမှန်တရားကို မသိတဲ့သူ​တွေ ​ရေးထားတာ။ မင်း အလေးအနက်ထားဖို့ မလိုဘူး"

​ကျောက်ချွင်က သူမ၏ ဒေါသကို မျိုသိပ်ဖို့ ကြိုးစားရင်း အရင်ဆုံးပြောလိုက်သည်။

"သူတို့က ဘာမှမသိသလို နင့်ကိုလည်း နားမလည်ကြဘူး။ သူတို့က ​မော့လျှို​ကွေ့ရဲ့ စကား​တွေကိုပဲ နားထောင်ပြီး နင့်ကို တိုက်ခိုက်ဖို့ ဒီကို​ရောက်​နေကြတာ။ ဦးနှောက်မရှိတဲ့ အရူးတစ်စု​ကြောင့် စိတ်ရှုပ်ခံမ​နေနဲ့"

"အတိအကျပဲ။ သူတို့အားလုံးက ​မော့လျှို​ကွေ့ရဲ့ စကား​တွေကိုပဲ နား​ယောင်​နေကြတာ ​နောက်ပြီး သက်သေမရှိဘဲ မင်းကို​နှောင့်ယှက်ချင်လို့ သူတို့ ဒီကို​ရောက်လာကြတာ!"

အမြဲတမ်း သည်းခံနိုင်သည့် ကျန်းကျယ်မုံ့ပင်လျှင် ဒေါသထွက်နေသည်။

"သူတို့ ရေတပ်ကို ငှားထားတာပဲဖြစ်ရမယ်”

ဟန်ချောင်လည်း စိတ်တိုသွားပြီး

“ဒါမှမဟုတ်ရင် ဘယ်လိုလုပ် သူတို့​တွေအများကြီး ဒီကို​ရောက်လာမှာလဲ?"

"ငါတို့နိုင်ငံမှာ ဒီရေတပ်တွေကို ဆန့်ကျင်ဖို့ စည်းမျဉ်းတွေ ချမှတ်ရမယ့်အချိန်ပဲ။ သူတို့မှာ အသိဥာဏ်မရှိဘူး”

လင်ကျွင်းဖုန်က ဒေါသတကြီး ​လေမှုတ်ထုတ်လိုက်သည်။

"​မော့လျှို​ကွေ့က သူတို့ကို ဆေးမှတ်တမ်း​လေးတစ်ခု ပြလိုက်ရုံနဲ့ သူမ ပြောသမျှကို ခြွင်းချက်မရှိ ယုံကြည်သွားကြတယ်။ နည်းနည်းတော့ မထူးဆန်းဘူးလား?!"

“…..”

​မော့တိက သူ့မ​ကောင်းသတင်း​များကြောင့် အသင်းအတွက် မည်သို့ ထိခိုက်သွားစေမည်ကို စိုးရိမ်ရမည့်အစား သူဘယ်လို အနိုင်ကျင့်ခံ​နေရလဲဆိုတာကိုသာ စိုးရိမ်​နေကြသည့် သူ့သူငယ်ချင်းများကို ကြည့်ရင်း သူ စိတ်ထိခိုက်သွားရသည်။

သူ ပြုံးပြီး သူတို့ကို ပြန်နှစ်သိမ့်ပေးလိုက်သည်။

“ငါက တကယ် အဆင်​ပြေတယ်။ အွန်လိုင်း commentတွေကို အရမ်း အာရုံမစိုက်ရမယ့် လူတွေက မင်းတို့​တွေဖြစ်​နေပြီ"

"​ရှောင်တိ မင်းတကယ် စိတ်အ​နှောင့်အယှက်ဖြစ်​နေရင် ဖုံးကွယ်ထားစရာ မလိုဘူး။ ဒီမှာရှိ​နေတဲ့ ငါတို့ထဲက တစ်ယောက်မှ မင်းကို ပြက်ရယ်ပြုမှာမဟုတ်ဘူး"

ရှန့်ယွီ​ချောင်က အတင်းပြုံး၍ ပြောလိုက်သည်။

"ဟုတ်တယ် ​ရှောင်တိ။ မင်းက ဒီမှာ အငယ်ဆုံးဆိုတော့ လူကြီးဖြစ်ဖို့ ကြိုးစားမ​နေနဲ့။ မင်း ငါတို့ကို ဘာမဆိုပြောပြလို့ရတယ်။ ပြီး​တော့ ငါတို့က ကူပြီး ​အ​ဖြေရှာ​ပေးမယ်"

​ကျောက်ချွင်က ​မော့တိကိုကြည့်ပြီး

"​မော့လျှို​ကွေ့က ဆေးမှတ်တမ်းပြခဲ့တယ်။ ပြီး​တော့ သူ့နောက်မှာ ရေတပ်လည်းရှိတယ်။ ဒါတွေအားလုံးက နင့်အတွက် မကောင်းဘူး။ ငါတို့ တစ်ခုခုလုပ်မှရမယ်။ မဟုတ်ဘူး… ငါတို့လည်း ရေတပ်ကို ငှားသင့်တယ်! ​မော့မိသားစုကိုလည်း ရှုံ့ချဖို့ သူတို့ကို လုပ်ခိုင်းသင့်တယ်!"

"ဟုတ်တယ် ဟုတ်တယ် ဟုတ်တယ် အဲဒီအကြံ​ ကောင်းတယ်!"


ရှန့်ယွီ​ချောင် အကျယ်ကြီး​အော်ကာ သ​ဘောတူလိုက်သည်။

​မော့တိ ခေါင်းခါလိုက်ပြီး

“မလိုပါဘူး။ အခု ရေတပ်ကို ငှားတာက ငါ့ရဲ့ ဂုဏ်သိက္ခာကို ပြန်ရစေမှာ မဟုတ်ဘူး။ အရှုပ်အ​ထွေး​တွေပဲ ဖြစ်​စေလိမ့်မယ်"

"ဒါဆို ငါတို့ ဘာလုပ်သင့်လဲ?"

လူတိုင်း စိုးရိမ်​နေကြသည်။

"ငါ့မှာ အစီအစဉ်ရှိတယ်။ မနက်ဖြန်မှာ အကောင်အထည် ဖော်မှာ။ မင်းတို့ ယုံကြည်ထားလိုက်စမ်းပါ”

​မော့တိက သူတို့ကို ပြုံးပြပြီး

“ပြီးတော့ ငါ့မှာ ငါ့ကို ကူညီ​ပေး​နေတဲ့ ကိုကို ရှိတယ်။ မင်းတို့ ငါ့ကို ယုံကြည်မ​ပေးရင်တောင် ငါ့အစ်ကိုက ဘယ်လောက်ထိ ယုံကြည်လို့ရလဲဆိုတာ မင်းတို့သိသင့်တယ်"

"ဟုတ်တယ်။ ငါတို့ဘက်မှာ ဘော့စ်မု ရှိတယ်! ​ရှောင်တိကို ​သေချာ​ပေါက် ဆဲဆို အနိုင်ကျင့်တာကို သူ ခွင့်ပြုမှာမဟုတ်ဘူး!”

လင်ကျွင်းဖုန်က သူ၏ညာဘက်လက်သီးကို လက်ဖဝါးထဲသို့ ထိုးလိုက်သည်။

"တကယ်လား?"

ဟန်ချောင်မှာ မယုံကြည်သေး​ပေ။

ဒါ​ပေါ့ သူ မုထျန်းဟန်ကို ယုံကြည်ပေမယ့် အခုအချိန်မှာတော့ အရာအားလုံးက လွန်သွားခဲ့ပြီ။ သူ ဒါကို ပြန်လှည့်နိုင်ပါ့မလား။

"တကယ်​ပေါ့”

မော့တိက သူ့ပခုံးကို ပုတ်လိုက်ပြီး

“ငါ လုံးဝ စိတ်ဓါတ်ကျနေတာကို မင်းတို့ သတိထားမိလို့လား အခုချက်ချင်း မင်းတို့ ငါ့ကို သိသင့်တယ် ငါတကယ် စိတ်အနှောင့်အယှက် ဖြစ်တယ်ဆိုရင် မင်းတို့​ကောင်​တွေနဲ့ စကားပြောမယ့်အစား ငါက ​ဖြေရှင်းဖို့ တစ်ခုခုလုပ်​နေမှာ​ပေါ့"

"ဒါကြောင့် အခု ငါ စိတ်အေးလက်အေး ဖြစ်နေတာ​က ငါ့မှာ အစီအစဉ်တစ်ခု ရှိတယ်ဆိုတဲ့ သက်သေပဲ​လေ"

"အစီအစဥ်က ဘာလဲ?"

ရှန့်ယွီ​ချောင် ​မေးလိုက်သည်။

"ဒါက... ငါ့အစ်ကို ပြင်ဆင်တာမပြီးသေးလို့ လောလောဆယ်​တော့ ငါ လျှို့ဝှက်ထားဖို့လိုတယ်။ ဒါပေမယ့် ငါ​ရော ငါတို့အဖွဲ့​ရော အဆင်​ပြေမှာပါ။ မင်းတို့ စိတ်ချယုံကြည်ထားလိုက်စမ်းပါ"

"ဒါဆို…” ​

မော့တိက ပြုံးပြီး

“အဲဒီအစား မနက်ဖြန် စင်ပေါ်မှာ ဘာဝတ်ရမလဲဆိုတာကို မင်းတို့ စဉ်းစားထားသင့်တယ်”

…..

နောက်တစ်နေ့တွင် အဖွဲ့သည် ပုံမှန်အတိုင်း သူတို့အလုပ်ကို ဆက်လုပ်​နေသည်။

​မော့မိသားစုမှာ လူထုက မှားယွင်းစွပ်စွဲခံရ​သော မိသားစုအဖြစ် သူတို့ကိုယ်သူတို့ အပြစ်ကိုဖုံးကွယ်ရန် ဤအခွင့်အရေးကို အသုံးပြုဖို့ ကြိုးစားနေမှန်း သိသည့်တိုင် မော့တိက လျစ်လျူရှုကာ သူတို့၏နားချိန်အတွင်း အမုန်းပွားဖွယ် commentများကို ဆက်လက်ကြည့်ရှုခဲ့သည်။ ​မော့ဝုဟန်က နောက်ဆုံးတွင် သူ၏မျက်နှာကို အွန်လိုင်းတွင် ပြသလာခဲ့ပြီး အမုန်းပွားစေသော commentများစွာကို တင်ခဲ့သည်။

​မော့လျှို​ကွေ့အတွက်​တော့...သူမက တိုက်ပွဲတွင် အနိုင်ရသည်ဟု ခံစားလာရပြီး ဟန်ဆောင်​ရေးသားထား​သော စာအရှည်ကြီး​တွေကို Weiboတွင် တင်ခဲ့သည်။

'အားလုံး ​ရှောင်တိကို ​စော်ကား​ပြောဆိုတာ​တွေရပ်ကြဖို့ ကျွန်မ​မျှော်လင့်ပါတယ်။ ဘာကြောင့်လဲဆိုတော့ မင်းတို့ကို လူထောင်ပေါင်းများစွာက ဆဲဆိုကြိမ်းမောင်းခံရတာ ဘယ်လောက်ကြောက်စရာကောင်းလဲဆိုတာ ကျွန်မကိုယ်တိုင်လည်း အရင်က အထင်လွဲ၊ ဆဲဆို၊ စော်ကားခံရဖူးလို့ တကယ်ကိုနားလည်ပါတယ်။ မင်းတို့ သူ့ကို ဒီလိုနည်းလမ်းမျိုးနဲ့ မဆက်ဆံဘူးလို့ ကျွန်မ မျှော်လင့်ပါတယ်။ နောက်ဆုံးအ​နေနှင့် ​ရှောင်တိက ကျွန်မ​မောင်​လေးပါ။ ကျွန်မ သူ့ကို လုံးဝ အပြစ်မတင်ပါဘူး'

'​ရှောင်တိနဲ့ကျွန်မရဲ့ ဆက်ဆံရေးက အင်တာနက်မှာ ပြောထားသလောက် မဆိုးပါဘူး။ ​ရှောင်တိက ကျွန်မအပေါ် နားလည်မှုလွဲနေပေမယ့် သူက ကျွန်မကို လေးစားဆဲပါ။ ကျွန်မတို့ရဲ့ နားလည်မှုလွဲ​နေတာတွေကို ဖြေရှင်းပြီးရင် ကျွန်မတို့ မိသားစုပြန်ဖြစ်လာလိမ့်မယ်လို့ ယုံကြည်တယ်။ မိသားစု စုံစုံလင်လင်ရှိခဲ့တဲ့ချိန်ကို ကျွန်မလွမ်းမိတယ်။ အဲဒါက ကျွန်မဘဝမှာ အပျော်ရွှင်ရဆုံးအရာပါပဲ။ ​နောက်လာမယ့် နွေဦးပွဲတော်မှာ ကျွန်မမိသားစုဝင်တွေ ပျော်ရွှင်စရာနေ့ရက်တွေကို ပြန်လည်ပိုင်ဆိုင်နိုင်ပါစေလို့ ကျွန်မ ဆုတောင်းပေးလိုက်ပါတယ်'

'အားလုံး ​ရှောင်တိကို တိုက်ခိုက်တာ​တွေ ရပ်တန့်နိုင်လိမ့်မယ်လို့ မျှော်လင့်ပါတယ်။ သူက ကျွန်မ​မောင်​လေး အမြဲတမ်း ဖြစ်နေမှာပါ။ ကျွန်မ သူ့ကို ဘယ်တုန်းကမှ စိတ်မဆိုးခဲ့ပါဘူး အမြဲတမ်း ခွင့်လွှတ်နေမှာပါ။ ကျွန်မက သူ့အစ်မဖြစ်လို့ သူ့ကို ပြုစုစောင့်ရှောက်ဖို့က ကျွန်မတာဝန်ပါ။ အဲဒါက ဘယ်တော့မှ ပြောင်းလဲမှာမဟုတ်ဘူး။ ဒါကြောင့် မင်းတို့ သူ့ကို ဆက်တိုက်ခိုက်​နေရင် ကျွန်မ စိတ်ဆိုးရလိမ့်မယ်။ အားလုံးပဲ ဒီကိစ္စကို မေ့သွားလိမ့်မယ်လို့ မျှော်လင့်ပါတယ်'

‘….’

​မော့လျှို​ကွေ့၏ပို့စ်မှာ ဤကိစ္စကို အထွတ်အထိပ်သို့ တွန်းပို့​ပေးခဲ့ပြီး ​မော့တိအတွက် လူအများ၏ ပြစ်တင်ရှုတ်ချမှုကို ထိပ်ဆုံးသို့ရောက်အောင် ထိရောက်စွာ ပြုလုပ်နိုင်ခဲ့သည်။

မှန်သည်။ ​​မော့တိ၏ဘေး၌ ပြတ်ပြတ်သားသား ရပ်တည်နေကြသူများလည်း ရှိနေဆဲပင်။ ​မော့တိက ​မော့မိသားစုတစ်ခုလုံး၏ သားကောင်ဖြစ်ခဲ့ကြောင်း မျက်မြင်ကိုယ်​တွေ့ တွေ့ဖူးသူများက ​မော့လျှို​​ကွေ့ ပြောသမျှကို မျက်စိမှိတ် ယုံလိမ့်မည်မဟုတ်ပေ။ ပြဿနာက သူတို့ ဖိုရမ်တွင် တစ်ခုခု ပြောမည်ဆိုလျှင်​ပင် ပရိသတ်များနှင့်ရေတပ်၏ ပြင်းထန်သော ဝေဖန်မှုများကြောင့် သူတို့၏ ပို့စ်များမှာ ​သေချာ​ပေါက် ပျောက်ကွယ်သွားလိမ့်မည်ဖြစ်သည်။

အစကတည်းက ​မော့တိက အင်တာနက်ပေါ်ရှိ ရုတ်ရုတ်သဲသဲဖြစ်မှုကို စောင့်ကြည့်​​နေခဲ့ပြီး တစ်ချိန်တည်း၌ စာရင်းဇယားများကို အ​သေးစိတ် စစ်​ဆေးရာတွင် အ​ထောက်အကူပြုရန် ပရိုဂရမ်လေးတစ်ခုကို ဖန်တီးခဲ့သည်။ ယခုလက်ရှိအ​ခြေအ​နေအရ လူထု၏​ဝေဖန်မှုများ ရပ်တန့်သွားပုံရသည်။ ​မော့လျှို​ကွေ့၏ ပရိသတ်က ဆယ်သန်းအထိ တိုးလာပြီးနောက်တွင် ဆက်လက်တိုးမလာ​တော့ဘဲ ရပ်တန့်သွားခဲ့သည်။

အခု​...

အဖြူကို အမည်း​ပြောင်းထားသော ဤပြဇာတ်တွင် အဓိကသရုပ်​ဆောင်ကို ပြောင်းလဲရန် အချိန်တန်​ပေပြီ။

​မော့တိ ​လှောင်ပြုံးပြုံးလိုက်ပြီး မုထျန်းဟန်ကို ဖုန်းခေါ်ရန် သူ့ဖုန်းကို ထုတ်လိုက်သည်။

ပြိုင်ပွဲ၏ကွာတားဖိုင်နယ်ပွဲစဉ်များကို ည ၈ နာရီ၌ စတင်မှာဖြစ်​သော်လည်း အစမ်းလေ့ကျင့်မှု အစီအစဉ်တွေကို အရင်ပြုလုပ်သွားမှာဖြစ်သည်။ ထို့ကြောင့် ငါးနာရီခွဲတွင် ညစာစားပြီးနောက် အဖွဲ့သားများက ရိုက်ကူး​ရေးခန်းတွင် စုရုံးခဲ့ကြသည်။

နောက်ဆုံးတွင် အဖွဲ့သားများမှာ ​အလွန်စိတ်လှုပ်ရှားလာသော​ကြောင့် မော့တိနှင့် အွန်လိုင်းအရှုပ်အ​ထွေးများအ​ကြောင်းကို ဆက်လက်မ​ပြောဆိုကြ​တော့​ပေ။

လင်ကျွင်းဖုန်က ရှန့်ယွီ​ချောင်၏ပခုံးကို ရိုက်လိုက်ပြီး

"ကြည့်... မင်းရဲ့ လူ​တောမတိုးတဲ့ပုံကို ကြည့်စမ်း။ ဘာ ဘာလို့ တုန်နေရတာလဲ?"

"ရှူး သွားစမ်း ငါတုန်​နေတာ မဟုတ်ဘူး! မင်း ကိုယ့်ကိုကိုယ် ပိုပြီးစိတ်ပူသင့်တယ်။ မင်းက ဘာလို့ စကားထစ်နေတာလဲ?"

"ကြည့်အုံး သူတို့နှစ်​​ယောက်​ ဘယ်​​လောက်​စိတ်ရှုပ်ဖို့​ကောင်းလဲ"

ဖန်ချန်းလောင်က ဟန်​ချောင်နှင့်စကား​ပြောရင်း ကြို့ထိုးလိုက်သည်​။

ဟန်ချောင်: “…” မင်းစိတ်လှုပ်ရှားတိုင်း ကြို့ထိုးတတ်တယ်ဆိုတာ ငါမသိဘူး မထင်နဲ့!

​မော့တိမှလွဲ၍ သူတို့၏အ​ခြေအ​နေကို တည်ငြိမ်​အောင် ထိန်းထားနိုင်သူများမှာ မမျှော်လင့်ထားသည့် ​ကျောက်ချွင်နှင့် အရှက်အ​ကြောက်ကြီး​သော ကျန်းကျယ်မုံ့တို့ပင် ဖြစ်သည်။

"ငါဝယ်ထားတဲ့ အလှကုန်ပစ္စည်း အသစ်တွေနဲ့ နာရီဝက်လောက်ကြာ​အောင် ငါ အလှပြင်ထားတယ်။ အဲဒါဘယ်လို​နေလဲ? ငါ့မျက်နှာက ပိုသေးသွားတယ်လို့ ထင်ရလား?" ​

ကျောက်ချွင်က ​မော့တိမြင်​​အောင် သူမ၏မျက်နှာကို ဘယ်ညာလှည့်ပြီး

"​ရှောင်တိ နင်ဘယ်လိုထင်လဲ?"

“…..” ​

မော့တိအနေဖြင့် ခြားနားချက်ကို တကယ် မပြောနိုင်သော်လည်း သူက သူမကို ချီးကျူးလိုက်ဆဲပင်။

“အဲဒါက နည်းနည်းပိုသေးသွားပြီး ပိုလှလာတယ်"

"ဟားဟား ငါအရမ်းပျော်သွားပြီ" ​

ကျောက်ချွင်က ​ကျေနပ်အားရစွာ ရယ်လိုက်သည်။

'မိန်းကလေးတွေကို ​စိတ်​ကျေနပ်အောင် လုပ်ဖို့က တော်တော်လွယ်တာပဲ' ​မော့တိ သူ့ကိုယ်သူ တိတ်တိတ်လေး တွေးနေမိသည်။

မိတ်ကပ်ဆရာက လူတိုင်းကို မိတ်ကပ်ပြင်​ပေးပြီး​နောက် အစမ်းရိုက်ကူး​ရေးကို စတင်ခဲ့သည်။ သို့သော်လည်း အဆုံး၌ အချို့သောအပိုင်းများကို ကြိုတင် အစမ်းရိုက်ကူး၍ မရနိုင်သောကြောင့် ရိုက်ကူးရသည့်အချိန်မှာ သိပ်မကြာမြင့်​ပေ။

အစမ်းရိုက်ကူးမှုအပြီးတွင် ခုနစ်နာရီခွဲနေပြီဖြစ်ပြီး ပရိသတ်များသည်လည်း တဖြည်းဖြည်းနှင့် ထိုင်ခုံများအပြည့်ဖြစ်လာခဲ့သည်။

သူတို့ဖုန်းများကို မသိမ်းဆည်းခင် ​မော့တိက မုထျန်းဟန်ကို ဖုန်းခေါ်ခဲ့သည်။

မုထျန်းဟန်က သူ၏အစမ်းလေ့ကျင့်မှုအကြောင်း အရင်မေးလာသည်။ ထို့နောက် သူက

“အားလုံးစီစဉ်ပြီးသွားပြီ။ ကော်မရှင်နာဝမ်က ချင်ချန်းယီရဲ့နေရာသို့ တစ်ယောက်ယောက်ကို လွှတ်ထားပြီးပြီ။ သူ့ကို ဖမ်းပြီးသွားရင် အမှန်တရားက ​ပေါ်​ပေါက်လာမှာပါ။ ဘာမှ စိတ်ပူစရာမလိုဘူး။ အခမ်းအနားကိုပဲ အာရုံစိုက်"

"အင်း" ​

မော့တိက ယခုတစ်ကြိမ်တွင် ချင်ချန်းယီကို လက်ပူးလက်ကြပ် ဖမ်းမိမည်ဖြစ်​သော​ကြောင့် သူ လုံးဝ မစိုးရိမ်ပေ။

​မော့တိ ရွှင်မြူးစွာ​ပြောလိုက်သည်။

"ကိုကို ​စောင့်ကြည့်ဖို့မ​မေ့နဲ့​နော်။ ဒါ ကျွန်​တော် တီဗီမှာ ပထမဆုံးပါဖူးတာပဲ။ ကင်မရာ​ရှေ့မှာ ကျွန်​တော်ကြည့်ရဆိုး​နေရင် ကိုကို ကျွန်​တော့်ကို ​ပြန်​ပြော​ပေးရမယ်​နော်"

မုထျန်းဟန်၏ အသံမှာ အရင်အတိုင်း နူးညံ့သိမ်မွေ့​နေပြီး

"မင်းက သေချာပေါက် ကြည့်ကောင်းနေမှာပါ။ ကိုယ့်မိသားစုရဲ့​မော့တိ​လေးက အမြဲတမ်းကြည့်ကောင်း​နေပြီးသား"

​မော့တိက ပါးချိုင့်များ ​ပေါ်လာသည် အထိ ပြုံးလိုက်သည်။

မကြာခင်တွင် ည ရှစ်နာရီထိုး​ပေပြီ။

ကွာတားဖိုင်နယ်အဆင့်ပြိုင်ပွဲကို ရုပ်မြင်သံကြားမှ တိုက်ရိုက်ထုတ်လွှင့်ရုံသာမက အမျိုးမျိုးသောဝဘ်ဆိုဒ်များတွင်လည်း ပြန်လည်တိုက်ရိုက် ထုတ်လွှင့်ကြသည်။ ထို့​ကြောင့် စတင်ထုတ်လွှင့်လိုက်သည်နှင့် မရေမတွက်နိုင်​သော အင်တာနက်သုံးစွဲသူများက comment​ရေးသည့်​နေရာ၌ မနားတမ်း ရေးလာကြသည်။

တစ်ချို့က သူတို့၏ ထောက်ခံမှုကို ပြသရန်၊ တစ်ချို့က ရလဒ်များကို ခန့်မှန်းရန် ရှိနေခဲ့ကြ​သော်လည်း… တခြားသူများက​တော့ ပြဿနာရှာရန် ရှိနေခဲ့ကြခြင်းပင်။

'​မော့တိ မနုတ်ထွက်သရွေ့ ငါက​တော့ ဂိမ်းပြိုင်ပွဲကို ဆက်သပိတ်မှောက်​နေအုံးမှာပဲ'

'ဂိမ်းကော်မတီလူ​တွေက သေ​နေပြီ။ ဒီလိုစရိုက်ဆိုးမျိုးရှိတဲ့လူကို ဘယ်လိုလုပ် ဝင်ပြိုင်ခွင့်​ပေးရတာလဲ? ဒီလိုမျိုးရှိုးကို မကြည့်တော့ဘူး!!!'

'​မော့တိ ​မော့လျှို​ကွေ့ကို တောင်းပန်စမ်း!'

'​မော့တိ ငရဲကိုသာ သွားလိုက်​တော့!'

'​မော့တိက တကယ်ကို လူကောင်းမဟုတ်ဘူး။ သူ့အစ်မက သူ့ကို ကြင်ကြင်နာနာ ဆက်ဆံ​နေတာ​တောင် သူက သူ့အစ်မကို မုန်းတီးရက်စက်စွာ အနိုင်ကျင့်ခဲ့တယ်။ သူက အရမ်းကို ရွံစရာ​ကောင်းလွန်းလို့ ငါ့ကို ​အော့အန်စေတယ်​!'

'ဟုတ်တယ်။ နှင်းဆီပန်းလေးက အရမ်းကြင်နာတတ်တယ်။ သူမက ခံရတဲ့သူဖြစ်​နေခဲ့တာ​တောင် ​မော့တိကို ပစ်မှတ်ထား တိုက်ခိုက်နေတာ​တွေ ရပ်တန့်ဖို့ လူတိုင်းကို တိုက်တွန်းခဲ့​သေးတယ်။ ​နောက်ပြီး သူ့ကို အမြဲတမ်း ခွင့်လွှတ်တယ်လို့လည်း ပြောသွား​သေးတယ်။ ငါ တကယ် သူမကို သနားတာပဲ'

'ဒါကြောင့်ပဲ ​မော့တိက အရမ်းရွံမုန်းစရာ​ကောင်း​နေတာ​​လေ။ ​မော့လျှို​ကွေ့သာ စိတ်ပျော့ညံ့ရင် သူမ သတ်သေသွားမှာ။ ​မော့တိက သေသင့်တယ် သေသင့်တယ် ​သေသင့်တယ်!'

'နတ်သမီး​လေး ​မော့လျှို​ကွေ့နဲ့ ယှဥ်ရင် ​မော့တိရဲ့စရိုက်က အရမ်းဆိုးရွားလွန်းတယ်'

‘…..’

မ​မျှော်လင့်ထားစွာပင် ထင်ရှားပြီး အနီရောင်တောက်တောက်စာလုံးဖြင့် ​ဖော်ပြထားသော ပို့စ်က ​​မော့တိအား ရှုတ်ချရန် ဝင်လာသော commentများကို ဖယ်ရှားပစ်လိုက်သည်။

'ဟားဟားဟားဟားဟား! အရင်က ပို့စ်တင်တဲ့သူတွေ​ရော ပို့စ်တင်တော့မယ့်သူတွေ​ရော ကိုယ်ကိုယ်တိုင် အရှက်သိက္ခာကိုကာကွယ်ဖို့ ဒီကိုမလာခင် hot searchကို အရင်ဆုံး စစ်ဆေးသင့်တယ်!'

'မျက်နှာကို ဖြတ်ရိုက်လိုက်တဲ့ မြင်ကွင်းက ဘယ်လို​တောင် ထူးခြားရတာလဲ! ငါ တကယ် ​ပျော်​နေတယ်ဆိုတာ ယုံ​တောင်မယုံနိုင်ဘူး! ​မော့လျှို​ကွေ့​နောက်က မျက်စိစုံမှိတ်ပြီး လိုက်နေတဲ့ မင်းတို့အရူး​တွေရဲ့ နာမည်အားလုံးကို မှတ်ထားဖို့ screenshotကို ရိုက်ထားအုံးမယ်!'

'​မော့လျှို​ကွေ့က မယုံနိုင်စရာပဲ! ပထမဆုံး သူမက ဘယ်လိုကြင်နာပြီး ဂရုစိုက်​ကြောင်း ပြသဖို့သာမက မော့တိကို သိက္ခါကျ​စေဖို့အတွက်လည်း စိတ်ကျ​ရောဂါရှိ​ကြောင်းကို ရည်ရွယ်ချက်ရှိရှိ ​ဖော်ထုတ်​ပြောဆိုလာတယ်။ ပြီး​တော့ ​မော့တိ အဆဲ​ခံရ​စေဖို့ အွန်းလိုင်း လှုပ်ရှားမှုတစ်ရပ်ကိုလည်း ဖန်တီးခဲ့​သေးတယ်'

'သူမရောဂါရဲ့ ခိုင်လုံ​တဲ့ သက်​သေအ​ထောက်အထားကို မေးမြန်းခဲ့တုန်းက သူမက ဆေးစစ်ချက် အစီရင်ခံစာကို အမှန်တကယ် ထုတ်ပေးခဲ့တယ်။ ​နောက်ပြီး သူမက ဘယ်လိုမျိုး နားလည်မှုလွဲမှားခံရကြောင်း တစ်ကမ္ဘာလုံးကို ပြသခဲ့ပြီး အင်တာနက်သုံးစွဲသူတွေကို ထိန်းချုပ်လှည့်ဖျားခဲ့တယ်။ ပြီးတော့ အရေးကြီးဆုံးက သူမက အားလုံးကို ခွင့်လွှတ်ဟန်ဆောင်ပြီး မော့တိကို လူဆိုးတစ်ယောက်ပုံစံဖြစ်အောင် လုပ်ခဲ့တယ်'

'နောက်ဆုံးတော့ အခု သူမရဲ့စိတ်ကျ​ရောဂါက အတုဖြစ်​ကြောင်းကို ရဲတွေက ဖော်ထုတ်ခဲ့ပြီးပြီ။ ​နောက်ပြီး အစီရင်ခံစာကို အတုလုပ်​ပေးတဲ့ ဆရာဝန်ကိုတောင် ဖမ်းဆီးပြီးပြီ။ ​မော့လျှို​ကွေ့က တကယ့်ကို အဆိပ်ပြင်းတဲ့ ကြာပန်းဖြူပဲ'

'-ိုး! hotsearchကို ဖတ်ပြီး အခု​လေးတင် ပြန်​ရောက်လာတာ! အရင်တုန်းက သူမကြင်နာပြခဲ့တဲ့ အပြုအမူတိုင်းကို စဥ်းစားရင်း ငါနဲ့ငါ့မိသားစုတစ်ခုလုံး တုန်လှုပ်​ခြောက်ခြားသွားရတယ်! သူမက အရမ်းမုန်းစရာ​ကောင်းလိုက်တာ!'

'ဘုရားရေ! ​မော့လျှို​ကွေ့က အရှက်ကင်းမဲ့ပြီး ကိုယ်ကျင့်သိက္ခါယုတ်ညံ့လိုက်တာ! သူမက စိတ်ကျရောဂါ ဝေဒနာရှင်​တွေကို လုံးဝအလေးမထားဘူး။ တစ်ချိန်တည်းမှာပဲ သူမ​မောင်​လေးကို နင်းချေခဲ့တယ်။ မယုံနိုင်စရာပဲ!'

'အိုင်း ​မော့လျှို​ကွေ့က အရမ်းလှပေမယ့် အတွင်းစိတ်ကတော့ အဆိပ်ပြင်းလွန်းတယ်။ စာအုပ်တစ်အုပ်ကို သူ့ရဲ့မျက်နှာဖုံးနဲ့ ငါတို့ အကဲဖြတ်လို့ မရဘူးဆိုတာ အမှန်ပဲ'

'နင်တို့ ဘယ်​ရောက်​နေကြလဲ? အရင်က ​မော့တိကို အားရပါးရ ကြိမ်းမောင်းခဲ့တဲ့သူတွေ​? နင်တို့မျက်နှာ​တွေ ​​ရောင်ကိုင်းနေလို့ ပုန်းနေတာလား ဒါမှမဟုတ် နင်တို့လျှာ​တွေ အဖြတ်ခံထားရလို့ စကားမ​ပြောနိုင်​တော့တာလား?'

'အပေါ်ကလူ​ရေ အဲဒါက ပါးရိုက်တာ အရမ်းအားပြင်းလွန်းတာကြောင့် သူတို့သွားတွေ ကျွတ်ထွက်သွားတာမျိုးလည်း ဖြစ်နိုင်တယ်'

'ဟားဟား ဒါက အရမ်းစိတ်ဝင်စားဖို့ ​ကောင်းတယ်!'

‘…’

Xxxxxxx