နောက်ဆုံးတွင်၊ ချောကလက်နှင့် အိတ်ဆောင်အရွယ် ချောကလက်ကိတ်ပေါ်တွင် စေးကပ်သော မှတ်စုလေးတစ်ခုပါရှိသည်။ လက်ရေးသည် အလွန်လှပပေသည်...
"ဒီနေ့စားမှရမယ်နော်! မကြိုက်ရင်လဲ မဖြုန်းတီးပစ်ပါနဲ့╭(╯^╰)╮"
သူ၏ညီမသည် တခါတရံ စိတ်အနှောက်အယှက်ဖြစ်ပုံရသော်လည်း သူမသည် အလွန်ချစ်ဖွယ်ကောင်းသည်။လင်းရွှမ်သည် ကလေးမလေး၏ နူးညံ့သိမ်မွေ့သော နှုတ်ခမ်းစူခြင်းကို မြင်ယောင်နေသည်။
မထွက်ခွာခင်မှာ လင်းရွှမ် အမြန်ဆုံးပြန်လာသင့်သလားဟု တွေးနေမိသည်။
လင်းယောင်ယောင် မလိမ်ခဲ့ပေ။ သူမသည် ကြယ်ပွင့်ကွန်ရက် မှ လူချောတစ်ယောက်အတွက် အရသာရှိသော အစားအစာများကို ဖန်တီးနေသည်။
သို့သော် ဤချောမောသောကောင်လေးသည် သူမကို ဖြားယောင်းသွေးဆောင်ရန် ရည်ရွယ်ထားသူတစ်ဦးမဟုတ်သော်လည်း တစ်ဖက်လူသည် ခေါင်းမာကာ သူမကို အတင်းအကြပ်ဆွဲခေါ်လာခဲ့သည်။
"ငါတွန့်တိုနေတယ်" သည် သူမ၏ မာပိုတို့ဟူး အသစ်ကို ယနေ့နံနက်အစောပိုင်းတွင် မြည်းစမ်းသပ်ခဲ့သော်လည်း "ကျန်း" သည်ပေါ်မလာချေ။ ဆုငွေပမာဏမှာ လူအများ၏အာရုံစိုက်မှုကို ဆွဲဆောင်နိုင်လွန်းသောကြောင့် ဖြစ်နိုင်သည်၊ ကျန်ရှိသော မာပိုတို့ဟူးကို မည်သူမျှ မစမ်းကြည့်ကြပေ။
"ငါတွန့်တိုနေတယ်" သည် မနေ့တုန်းကကဲ့သို့ပင် ရမှတ်နှင့်အနည်းငယ်ရှက်စရာကောင်းသော အမှာစာကို ပေးနေဆဲဖြစ်သည်။
"သူဌေးကြီး ငါ မင်းကို သိချင်တယ်၊ ငါ မင်းကို တွေ့ချင်တယ်၊ ငါ သခွားသီးနဲ့ တို့ဟူး ပိုလိုချင်တယ်"
လင်းယောင်ယောင်သည် အွန်လိုင်းတွင် လွှင့်တင်သောအခါ၊ ဤလူသည် ဘယ်ကလာသည်ကို သိရှိပြီး ပလပ်ဖောင်း၏ စီမံခန့်ခွဲပိုင်ခွင့်အာဏာကို အသုံးပြု၍ ပလပ်ဖောင်းတွင် ပရိုမိုးရှင်းနှင့် ပူးပေါင်းဆောင်ရွက်မှုကို ဆွေးနွေးရန် မျက်နှာချင်းဆိုင် ချိန်းဆိုတောင်းဆိုခဲ့သည်။ လင်းယောင်ယောင်သည် စီမံခန့်ခွဲသူ၏အမည်ကို ဂရုမစိုက်သောကြောင့် သဘောတူရန် ကလစ်နှိပ်ခဲ့သည်။
ထို့ကြောင့် သူ့ခေါင်းပေါ်တွင် ID အမည်ပူဖောင်းဖြင့် သူမငှားထားသော လင်းယောင်ယောင်၏ အလုပ်သင်ဓာတ်ခွဲခန်းနှင့် မီးဖိုချောင်တွင် "ငါတွန့်တိုနေတယ်" သည် ရုတ်တရက် ပေါ်လာသည်။ သူသည် ခပ်ညံ့ညံ့ မျက်နှာအမူအရာဖြင့် ချောမောသော ကောင်လေးတစ်ယောက်ဖြစ်သည်။
လောလောဆယ်တွင်၊ လင်းယောင်ယောင်သည် ကြယ်ပွင့်ကွန်ရက်ပေါ် တွင် ကိတ်မုန့်မျိုးစုံကို ချောကလက်/စတော်ဘယ်ရီ/ဘလူးဘယ်ရီ/ဗန်နီလာ... သန့်စင်ထားသော ထုတ်ယူမှုဖြင့် ပြုလုပ်နေသည်။
"ငါတွန့်တိုနေတယ်" က လင်းယောင်ယောင် ၏ မျက်နှာအား သာမာန်ပုံသေပုံစံ မျက်နှာထားဖြင့် ကြည့်လိုက်ပြီး သူ၏ချောမောသောမျက်နှာမှာ အနည်းငယ်စိတ်ပျက်သွားသည်။သူမသည် ဟင်းချက်ကောင်းသူဖြစ်သောကြောင့် လှပသော အမျိုးသမီးဖြစ်ရမည်ဟု သူထင်ထားသည်။
သူသည် အခြေခံအလုပ်သင်ဓာတ်ခွဲခန်းနှင့် မီးဖိုချောင်ကို ကြည့်လိုက်သည်။ ထို့နောက် သူက
"မင်းရဲ့ မာပိုတို့ဟူး ဘာလို့ ငါးနပ်စာလောက်ပဲ ကန့်သတ်ထားတာလဲ အရသာရှိပေမယ့် အရမ်းစားတဲ့အခါ နည်းနည်းတော့ ထုံသွားတယ်... ကံအားလျော်စွာငါက ဉာဏ်ကောင်းတယ်လေ...အကောင့်ထွက်ပြီး ပြန်ဝင်ပြီးရင်ညစ်ညမ်းတဲ့ဒေတာတွေကို ပြန်လည်ဆန်းသစ်လိုက်လို့ရတယ်လေ...နောက်ပြီး မင်းရဲ့ အရသာရှိတဲ့ သခွားသီးနဲ့ တို့ဟူးကို ဒီလိုသေးငယ်တဲ့နေရာမှာ လုပ်ထားတာ ဖြစ်နိုင်ပါ့မလား"
သူ၏လေသံသည် မယုံနိုင်လောက်အောင် ယုတ္တိမဲ့လွန်းနေသည်။
"ငါတွန့်တို့နေတယ်" ရောက်ရှိလာခြင်းသည် လင်းယောင်ယောင် အဆင်သင့်လုပ်ထားသော အရသာကို ပေးဆောင်ခဲ့သည်မှာ သေချာပါသည်။
ဤလူသည် အဘယ်ကြောင့် စီမံခန့်ခွဲရေးအာဏာရှိနေသည့်အကြောင်း သူမဂရုစိုက်ဖို့စိတ်ရှုပ်မခံချင်ပေ။ သူမ သူ့အား ချောကလက်မုန့်တစ်လုံးကို တိုက်ရိုက်ပေးပြီး
"အချည်းနှီးစကားမပြောပါနဲ့ စားပါလေ အစားအသောက်အကြောင်းပြောပြီးရင် အရန်ကုထုံးရဲ့ အကျိုးသက်ရောက်မှုအကြောင်း ပြောပြပါ"
အဖြူရောင် ပန်းကန်ပြားပေါ်တွင် ချောကလက်မုန့် ထိပ်ပိုင်းကို အခွံမာသီး ချယ်ရီနှစ်လုံးတို့ဖြင့် အလှဆင်ထားသည်။ အလွန်နှစ်သက်ဖွယ်ကောင်းပြီး ဆွဲဆောင်မှုရှိသည်။ ချောကလက်၏အရသာသည် ချမ်းသာကြွယ်ဝပြီး သိပ်သည်းသည်။ ကိတ်မုန့်၏ ဖွဲ့စည်းပုံမှာ နူးညံ့ပြီး အရသာလဲရှိသည်။
"ငါတွန့်တို့တယ်"သည် ချောကလက်ကိတ်အား မြန်မြန်ဆန်ဆန်ပင် ၀မ်းသာအားရစွာ ချထားလိုက်ပြီး မသိလိုက်ခင်မှာ ပါးစပ်အဟောင်းသားဖြစ်နေသည်။
အစားအသောက်အရသာကြောင့် ပူလောင်နေသော ရှောင်ချီသည် နူးညံ့ပြီး ဆွဲဆောင်မှုရှိသော ဟင်းချက်စားပွဲပေါ်ရှိ အခြားကိတ်မုန့်များကို စိုက်ကြည့်နေသည်။ အားလုံးကိုဖမ်းဆုပ်ပြီး အားလုံးကိုစားပစ်ရန် တွန်းလှန်နေရသည်။ သူယဥ်ကျေးစွာ ကိုယ့်ကိုယ်ကိုမိတ်ဆက်လိုက်သည်။
"ငါ့နာမည် ရှောင်ချီပါ...မင်းနာမည် ဘယ်လိုခေါ်လဲ... မိန်းမလှလေး..."
ညသိန်းငှက်၏ ထိပ်တန်းတပ်ဖွဲ့များ၏ စစ်သင်္ဘောပေါ်တွင် နယ်ခြားကြယ်ကို ရောက်ဖို့ သုံးရက်လောက် ကြာမည်။လင်းရွှမ် သူ၏ ကိုယ်ကာယ လေ့ကျင့်မှု ပြီးဆုံးပြီးနောက်တွင် ချွေးများ တပြင်လုံး စီးကျနေသဖြင့် အခန်းကို ပြန်သွားပြီး ရေချိုးလိုက်သည်။ဆံပင်တွေကို သုတ်ရင်း ရေချိုးခန်းထဲက ထွက်လာသောအခါ ဉာဏ်ရည်ထက်မြက်တဲ့ ဝန်ဆောင်မှုစက်ရုပ်က
"ဗိုလ်ချုပ်၊ ညစာစားချိန်ရောက်ပြီ ဒီနေ့ ဘယ်အထုပ်ကို ရွေးမလဲ"
လင်းရွှမ် က "အထုပ် အေ" ဟု တိုးတိုးလေးပြောသည်။
"ကောင်းပြီ ငါးမိနစ်လောက်စောင့်ပါ။"
လင်းရွှမ် က ထပ်၍"အလယ်အလတ်အရွယ်အစားပဲနော် "
ဉာဏ်ရည်ထက်မြက်သော ဝန်ဆောင်မှုစက်ရုပ်တွင် တိကျသောတွေးခေါ်နိုင်စွမ်းရှိသည်။
"ဒါပေမယ့် ဗိုလ်ချုပ် အကောင်းဆုံး ကိုယ်ကာယကြံ့ခိုင်မှုရဖို့အတွက် အထုပ်ကြီးတစ်ခုလိုအပ်တယ်..."
လင်းရွှမ် စိတ်မရှည်စွာဖြင့် ထပ်ပြောလိုက်သည်။
"အလယ်အလတ်ပဲ"
ဉာဏ်ရည်ထက်မြက်တဲ့ ဝန်ဆောင်မှုစက်ရုပ်က မပြောဝံ့တော့ပေ။ မဟုတ်လျှင် အလုပ်လက်မဲ့ စက်ရုပ်ဖြစ်သွားနိုင်သည်။ "ကောင်းပြီ" ဟု လျင်မြန်စွာပြောလိုက်သည်။
စက်ရုပ်ထွက်သွားပြီးနောက် လင်းရွှမ် သည် သူ၏အာကာသခလုတ်အတွင်း အရေးကြီးပစ္စည်းများကို ဖယ်ထုတ်က ခရီးဆောင်စားစရာပုံးတစ်ပုံအား ထုတ်ယူသွားခဲ့သည်။
စစ်ဗိုလ်ချုပ်ကြီးသည် သူ့လက်ဖဝါးတစ်ဝက်မျှမပြည့်သည့် ချောကလက်ကိတ်မုန့်ကို အချိန်အတော်ကြာ စိုက်ကြည့်နေသည်။ ထို့နောက် သူနှင့် လိုက်ဖက်သော ဇွန်းတစ်ချောင်းကို ကောက်ယူလိုက်ပြီး တစ်ကိုက်စာယူလိုက်သည် ။
အထူးသဖြင့် ကလေးများနှင့် မိန်းကလေးများ ကြိုက်နှစ်သက်သော ချောကလက်အချိုများကိုသူမနှစ်သက်၊ ချိုပြီး အဆီများလွန်းသောကြောင့် ငယ်ငယ်လေးကတည်းကပင် မစားချင်ခဲ့ပေ။
ကလေးမလေးက မနက်ခင်းမှာ အအေးမိသော ကုသမှုကို တမင်တကာ လက်စားချေလိုက်သလိုခံစားလိုက်ရသောကြောင့် သူ့ကို ချောကလက်ကိတ်မုန့်လုပ်ပေးခဲ့သည်။
ရွှေဖရုံသီးဘောလုံးကို သူစားပြီး ရက်အတော်ကြာအောင်ပင် အစာကောင်းကောင်းမစားဘဲ တကယ်ဗိုက်ဆာနေခဲ့သည်။ ထို့နောက် အရသာကောင်းသောကြောင့် အများကြီးစားလိုက်သည်။
လင်းရွှမ်သည် ပထမအကြိမ် ကိုက်လိုက်ရာ ကိတ်မုန့်သည် အနည်းငယ် ချိုသော်လည်း အဆီမပြန်ဘဲ ချိုမြိန်မှု အရိပ်အမြွက်ဖြင့် ခါးသီးမှု အရိပ်အမြွက် ရောထွေးနေသည်ကို တွေ့ရှိခဲ့သည်။ အရသာက နူးညံ့ပျော့ပျောင်းပြီး မိန်းကလေးအများစုကြိုက်သောကိတ်မုန့် အရသာနှင့် လုံးဝ ကွဲပြားလေသည်။
သူမသိခင်မှာ ချောကလက်ကိတ်မုန့်ကို နည်းနည်းစားရုံနှင့် ပြီးသွားခဲ့ပြီး နောက်ထပ်နည်းနည်းထပ်စားချင်နေပါသေးသည်။အနည်းငယ် ဝမ်းနည်းစရာပင်၊ သူမ ဘာကြောင့် ချောကလက်ကိတ်မုန့် တစ်လုံးတည်းသာ ပြုလုပ်ထားတာလဲ...
အခြားသေတ္တာများကိုဖွင့်ကြည့်လိုက်သောအခါ အခြားကိတ်မုန့်လေးလုံး၏အလေးချိန်က များလွန်းသဖြင့် အနည်းငယ်သက်သာရာရသွားသည်ကို တွေ့လိုက်ရသည်။
နှင်းဆီပေါင်မုန့်ကို စက္ကူဗန်းထဲတွင် ထည့်ထားပြီး နှင်းဆီကဲ့သို့ လှပသည်။ အဓိကပါဝင်ပစ္စည်းများမှာ ပန်းသီး၊ မုန့်ညက်၊ ဂျုံမှုန့်၊ ပျားရည်၊ ထောပတ်နှင့် သကြားတို့ဖြစ်သည်။ နူးညံ့သိမ်မွေ့သော ပြုပြင်ခြင်းနှင့် ဖုတ်ပြီးနောက်၊ အရသာမှာ ချိုမြိန်ပြီး အရသာရှိသည်။ စားလို့ကောင်းပေသည်။
လင်းရွှမ် မသိစိတ်၏ စေ့ဆော်ချက်အရ တခုပြီး တခု စားချင်နေလေသည်။ ပဲနီကိတ်၊ နို့ပေါင်မုန့်နဲ့ လက်ဖက်စိမ်းကိတ်တွေလည်း ရှိသေးသည်။သို့သော် သူ့စိတ်အား ချုပ်ထိန်းထားပြီး အရာအားလုံးကို ချန်ထားခဲ့လိုက်သည်။သူတစ်ခါထဲကုန်အောင် မစားချင်ပေ။ နောက်ဆုံး မြို့တော်ကို ပြန်ရောက်ဖို့ တစ်လ နှစ်လလောက် လိုနေသေးသည်။
ဉာဏ်ရည်ထက်မြက်သော စက်ရုပ်သည်အစားအသောက်အထုပ် အေ ကို ယူဆောင်လာသောအခါတွင် လင်းရွှမ် ဗိုက်ပြည့်ခြင်းမရှိသလို ခံစားမိသော်လည်း စိတ်ဝင်စားခြင်းမရှိပေ။
ဉာဏ်ရည်ထက်မြက်သော စက်ရုပ်ထွက်သွားပြီးနောက် လက်ထောက် ချိန်ပင်း ဝင်လာပြီး သူဌေး လင်းရွှမ် အား သတင်းအချက်အလက်အချို့နှင့် အလုပ်ကိစ္စအချို့ကို အစီရင်ခံရန် ပြင်ဆင်လာသည်။
စားပွဲပေါ်မှ ဖွင့်ထားသော သရေစာသေတ္တာကို မြင်သောအခါ မျက်လုံးများ ကြည်လင်လာပြီး
"ဘော့စ် ရှုပ်ထွေးပြီး လက်ရာမြောက်တဲ့ သရေစာပဲ ကြည့်ရသလောက်ဆို ဉာဏ်ကောင်းတဲ့ ညီမလေးတစ်ယောက်က လက်နဲ့ကိုယ်တိုင်လုပ်ထားတာဖြစ်မယ်...ဘော့စ်က မိန်းကလေးတွေဆီက လက်ဆောင်တွေကို ဘယ်တော့မှ လက်မခံပါဘူး...ဒီတစ်ခါ အိမ်ပြန်တာ တစ်ခုခုဖြစ်ခဲ့ပုံရတယ်ထင်တယ်"
လင်းရွှမ် က လက်ဆောင်အားယူရုံတင်မက စားလို့တောင် တစ်ဝက်လောက်ပင်မရှိတော့ချေ။ သူ့ဘေးနား အထုပ် အေ က နေရာပင်မရွေ့ပေ။ လင်းရွှမ် အချိုများကို မစားတတ်သူဖြစ်သည်ကို သူသိသည်။
ချိန်ပင်း ၏စိတ်ထဲတွင် ကျီစယ်လိုစိတ်များအပြည့်ရှိနေသည်။
ချိန်ပင်း သည် လင်းရွှမ်၏လက်ထောက်ဖြစ်သည်သာမက ကောလိပ်တွင် အခန်းဖော် သူငယ်ချင်းကောင်းတစ်ဦးလည်းဖြစ်သည်။ နှစ်ဦးထဲပေါင်းသင်းဆက်ဆံသောအခါ သူ့သဘောထားက ပို၍ပေါ့ပေါ့ပါးပါးပင်။
သေတ္တာထဲရှိ ကိတ်မုန့်များသည် စက်ရုပ်များဖြင့် ပြုလုပ်ထားသည့် ကိတ်မုန့်များထက် ပိုမိုခေတ်မီပြီး ဆန်းသစ်သောပုံရှိသည်။
ချိန်ပင်း က လက်လှမ်းပြီး မြည်းစမ်းကြည့်ရန်ပြင်သောအခါ လင်းရွှမ် သူ့လက်ကို ပုတ်လိုက်ပြီး အစားအသောက်ပုံးကို အမြန်ပိတ်လိုက်သည်။ သူ့အားမစားစေချင်သော အဓိပ္ပါယ်ဖြစ်သည်။
ချိန်ပင်း က အံ့ဩစွာဖြင့်
"ကျွတ် ကျွတ် ငါတို့တော့ ခယ်မတစ်ယောက်ရတော့မယ်ထင်တယ် မင်းကိုချစ်နေကြတဲ့ ထောင်နဲ့ချီတဲ့ ကောင်မလေးတွေတော့ အသဲကွဲတော့မှာပဲ"
လင်းရွှမ်က မျက်မှောင်ကြုတ်လိုက်ပြီး
"ငါ့ညီမလေးအရင်းက လုပ်ထားတာကွ မင်းစကားမပြောရင် မင်းကိုအရူးလို့ ဘယ်သူမှမထင်တော့ဘူး"
လင်းရွှမ် မှာ ညီမတစ်ယောက်ရှိသည်ကို ချိန်ပင်း သိသည်။ သူတို့ကျောင်းတက်နေစဉ် ချိန်ပင်းသည် လင်းမိသားစု၏အိမ်သို့သွားရောက်ခဲ့ပြီး ကလေးမလေး လင်းယောင်ယောင် နှင့်တစ်ကြိမ်တွေ့ဆုံခဲ့ဖူးသည်။
ချိန်ပင်း ရုတ်တရက်ပင် ပို၍ပင် သိချင်လာသည်။
"ဒေါင်းကလေးလို မာနကြီးတဲ့ ညီမလေး ဘယ်တုန်းက အရမ်း ဉာဏ်ကောင်း လာတာလဲ မိန်းမတွေက ဆယ့်ရှစ်နှစ်မှာ တကယ်ပဲကြီးကြီးမားမားပြောင်းလဲတတ်ကြတာပဲ လှပပြီး အကျင့်စရိုက်ကောင်းတယ်... အမယ်လေး ငါ လော၀မ်ဟွေ့ ကို တောင်မလိုက်ချင်တော့ဘူးကွာ ...သူက အကျင့်လဲမကောင်းဘူး ဟင်းချက်နည်းကိုတောင် ငါကိုသင်ခိုင်းတာလေ...ဒါမှမဟုတ် မင်းညီမလေးကိုပဲလိုက်ရမယ်ထင်တယ်.."
လင်းရွှမ်: "အိုး..."
ချိန်ပင်းသည် ထိုနူးနူးညံ့ညံ့ "အိုး"ထဲတွင် မည်သို့သော အဓိပ္ပါယ်မျိုးရှိေနသည်ကို သူသတိမပြုမိလိုက်ချေ။
ထို့နောက် လင်းရွှမ်သည် သူ့ကို လေ့ကျင့်ရေးခရီးစဥ်နှစ်ရက်အတွင်း တစ်နေ့လျှင် သုံးကြိမ်လေ့ကျင့်ရန် ညွှန်ကြားခဲ့သည်။တစ်ကြိမ်လျှင် တစ်နာရီကျော်ကြာသည်အထိ လေ့ကျင့်ရပြီး ခွေးတစ်ကောင်လိုမျိုး အမောင်းခံရလေသည်။ သူ့ခန္ဓာကိုယ်မှာ ဒဏ်ရာဟောင်းတွေ မပျောက်သည့်အပြင် ဒဏ်ရာအသစ်တွေပင် ထပ်တိုးလာသေးသည်။
ထို့အပြင် လင်းရွှမ်သည် စစ်ဆရာဝန် လော၀မ်ဟွေ့နှင့် အတူတူရှိရန် အခွင့်အရေးပေးသည်ဟုလည်း ပြောေသးသည်။ ဒါ့အပြင် သူက "ဘဝမှာ ရည်ရွယ်ရာ တစ်ခုပဲ ရှိရမယ် "ဟု ထပ်ပြောသေးသည်။ ထိုအခါမှ ချိန်ပင်းသည် သဘောပေါက်သွားေလသည် ။
ဖာ့ခ်... ငါကစလိုက်တာလေ...
သူကချောမောလှပပြီး ဆွဲဆောင်မှုရှိသူဖြစ်ကြောင်း သူ့ညီမနှင့်ပတ်သက်သော စကားအနည်းငယ်မျှသာ ကြွားဝါခဲ့ခြင်းဖြစ်သည်။ သူမကို တကယ်လိုက်ရန်စိတ်ကူးမရှိခဲ့ပေ။
လင်းရွှမ်က သဘောထားသေးလွန်းလှသည်။
"သူအိမ်ပြန်သွားတာတစ်ရက်ပဲရှိသေးတာကို ဘယ်လိုဖြစ်ပြီးတော့ ညီမကို အရမ်းကာကွယ်ပေးတဲ့ အစ်ကိုကြီး အဖြစ်ပြောင်းလဲသွားရတာလဲ..."
အချိန်က နည်းနည်း နောက်ပြန်ရောက်သွားသလိုပင်ထင်ရသည်။
ကြယ်ပွင့်ကွန်ရက်တွင်
လင်းယောင်ယောင် ကမေးလိုက်သည်။
"ရှောင် တော်ဝင်မိသားစုရဲ့ ရှောင်"
မနက်ခင်းအပြင်မထွက်ခင်တုန်းကပင် သူမအစ်ကိုက ရှောင် လို့ခေါ်တဲ့ ဘယ်ကောင်လေးနဲ့မှမပတ်သက်ဖို့ ပြောခဲ့သေးသည်။နောက်ဆုံးတွင် လင်းယောင်ယောင်သည် ရှောင်ချီ ၏အသွင်အပြင်ကို အနီးကပ်ကြည့်လိုက်သည်။ ကောင်လေးသည် အသက်ဆယ့်ရှစ်နှစ် သို့မဟုတ် ဆယ့်ကိုးနှစ်ရှိပုံရပြီး ကြည်လင်သောမျက်ခုံး၊ နှုတ်ခမ်းနီနှင့် သွားဖြူများရှိသည်။ သူဟာ ချောမောပြေပြစ်ပြီး ပေါ့ပေါ့ပါးပါး နှုတ်ခမ်းပေါ်မှ အပြုံးဖြင့် အလိုလိုက်ပြီးချမ်းသာသူများသာ ပြုစုပျိုးထောင်နိုင်သူဖြစ်သည်။ မထီလေးစားပြုပုံနှင့် ရက်စက်မည့်ပုံရသည်။
သူ၏မျက်နှာအစစ်အမှန်ကိုကြယ်ပွင့်ကွန်ရက်ပေါ်တွင် စကင်န်ဖတ်ကြည့်လျှင် သူ့အသွင်အပြင်မှာ ကိုက်ညီမှုရှိသော်လည်း အမူအရာနှင့် အလေ့အထသည် လက်ရှိမင်းသားသုံးပါးဖြစ်သည့် ရှောင်လွေ့၊ ရှောင်မင် နှင့် ရှောင်ကျန်းတို့နှင့် လိုက်လျောညီထွေမှုရှိမနေသောကြောင့် သူဟာ ရှောင်မိသားစု၏ အမျိုးအနွယ်အချို့မှ ဆင်းသက်လာသူ ဖြစ်နိုင်သည်။
ရှောင်ချီ က ပြုံး၍
"အဲဒီ ရှောင်...ငါက မင်းသားမဟုတ်သလို ဘာမှမဟုတ်ပါဘူး၊ ငါက အဲဒီမင်းသားတွေထက် နည်းနည်းပိုချောတယ်ထင်တယ်နော်...ဒီသခင်လေးကို မချစ်မိသွားနဲ့ဦး...မဟုတ်ရင် ဒုက္ခရောက်လိမ့်မယ်..."
လင်းယောင်ယောင်က
"စိတ်မပူပါနဲ့၊ နုနယ်တဲ့အသားအရည်နဲ့ နုနယ်ပြီး အသားဖြူတဲ့ မင်းရဲ့မျက်နှာက ဒီမမရဲ့ ဟင်းပွဲမဟုတ်ဘူးကွယ့်..."
ကြီးမားသော ဟွာနို့အင်ပါယာထဲတွင်၊ တော်ဝင်မိသားစုအပြင်ဘက်မှ ရှောင် ဟူသော မျိုးရိုးအမည်များစွာရှိသည်။ သူမသည် ယခု အမည်မသိ။ သူမ၏ကြယ်ပွင့်ကွန်ရက်ကိုယ်ပွားအတွက်ပင်၊ သူမသည် စနစ်အတွင်းရှိ ကျပန်း အများသူငှာ ပုံသေမျက်နှာကိုသာ ရွေးချယ်ခဲ့သည်။ သူတို့နှစ်ဦးမှာ ကြယ်ပွင့်ကွန်ရက်တွင် ဘေးချင်းကပ်တွေ့ခဲ့ကြသည့် ဖြတ်သွားဖြတ်လာလူများသာ ဖြစ်သောကြောင့် အလွန်သိရန်မလိုအပ်ပေ။
ရှောင်ချီ က လင်းယောင်ယောင် ရဲ့ စကားကို စက်ဆုပ်ရွံရှာပြီး
"ဒီမိန်းကလေးကတော့ အလှတရားကို ဘယ်လိုတန်ဖိုးထားရမယ်ဆိုတာ နားမလည်ဘူးပဲ ငါ့ထက်သာတဲ့ လှပတဲ့ ယောက်ျားကို မင်းမြင်ဖူးရဲ့လား"
လင်းယောင်ယောင် စိတ်ထဲတွင် 'မြင်ဖူးတယ်လေ ယောက်ျားပီသပြီး ချောမောတဲ့ သူမအစ်ကိုကြီးလေ...အရပ်မြင့်မြင့် တင်းမာပြီး သတ္တိရှိတဲ့ ယောက်ျားလေးမျိုးပဲလိုချင်တာ...ချောလွန်းလို့ ခြေထောက်တွေတောင် မစိနိုင်ဘူး'
သို့သော် လင်းယောင်ယောင် ယခုအချိန်တွင် အစားအသောက်ကိုသာ အာရုံစိုက်သည်။
"ကိတ်မုန့်စားပြီးရင် မင်းခံစားရတဲ့ စိတ်အဆင့်နဲ့ အရန်ကုထုံးအကျိုးသက်ရောက်မှုအကြောင်း ငါ့ကို ပြောပြပါ"
အစားအသောက်အကြောင်းပြောရင် ရှောင်ချီ က ရုတ်တရက် စိတ်ဓာတ်ကျသွားသည်။
"အရမ်းအရသာရှိပေမယ့် နည်းလွန်းတယ် နောက်ထပ်နည်းနည်းလောက် စားလို့ရမလား ငါ့မှာအရသာခံဖို့ အချိန်တောင်မရှိလိုက်ဘူး..."
'သူမချက်တဲ့ အစားအစာတွေ ဘယ်လောက်စားကောင်းလဲ သူမမသိဘူးလား'
လင်းယောင်ယောင်က...
"အရန်ကုထုံးရဲ့ အကျိုးသက်ရောက်မှုကို ငါမေးနေတာ အရင်က ငါ့ရဲ့ သခွားသီးကြော်နဲ့ မာပိုတို့ဟူးကြော်စားဖူးတယ်မလား ငါထည့်ထားတဲ့ အရန်ပါဝင်ပစ္စည်းတွေရဲ့ အချိုးအစားက မတူပေမယ့် မင်းရဲ့သတ်မှတ်နှုန်းက အရန်ကုထုံး 20% ပဲရှိတာ လုံးဝ ယုတ္တိမရှိဘူးလေ...ဒီလို ပူးပေါင်းဆောင်ရွက်တာ မလုပ်ဘူးဆိုရင် အခြားအရသာရှိသူတွေကိုပဲ ရှာဖို့ ဆုလာဘ်ဧရိယာထဲ ငါသွားရလိမ့်မယ် "
ရှောင်ချီက သူ့မျက်နှာပေါ်ရှိ ရယ်စရာကောင်းသော အပြုံးပျောက်သွားပြီး သူ့မျက်နှာသည် စက္ကန့်အနည်းငယ်ကြာအောင် အထီးကျန်ဆန်နေပုံရသော်လည်း မကြာမီပင် စိတ်အေးလက်အေးနှင့် ဘာမှမထူးခြားသည့် အခြေအနေသို့ ပြန်လည်ရောက်ရှိသွားခဲ့သည်။ သူက
"ငါက စိတ်ပိုင်းဆိုင်ရာ မသန်စွမ်းဖြစ်နေလို့ တိကျတဲ့ အရန်ကုထုံးဒေတာတွေကို မခံစားနိုင်တော့ဘူး"
လင်းယောင်ယောင်က ဤလူ တမင်တကာ ဒုက္ခရောက်အောင် လုပ်နေသည်ဟု ထင်ခဲ့သော်လည်း သူမ မမျှော်လင့်ထားပေ'ဒီအကြောင်းပြချက်ကြောင့်လား...'
ပြိုကွဲသွားသော လူတစ်ဦး၏ စိတ်ပိုင်းဆိုင်ရာ နယ်ပယ်သည် အချိန်ကြာလာသည်နှင့်အမျှ ပိုကောင်းလာနိုင်သည်။ သို့သော် တစ်ခါတစ်ရံတွင်၊ တိုက်ခိုက်မှုအတွင်း လူတစ်ဦး၏ စိတ်ပိုင်းဆိုင်ရာ နယ်ပယ်သည် လွန်ကဲလာသောအခါစိတ်စွမ်းအားကို ပြင်းထန်စွာ ဆုတ်ယုတ်သွားစေပြီး ဒီဂရီအမျိုးမျိုးသော ခေါင်းတစ်ခြမ်းကိုက်ခြင်းများဖြစ်စေတတ်သည်။ ဤကဲ့သို့သောလူမျိုးကို စိတ်ပိုင်းဆိုင်ရာ ချို့တဲ့သူများဟု ယူဆကြေလသည်။
ဝိညာဉ်ရေးပိုင်နက် ပျက်စီးသွားသော အုပ်စုသည် လင်းယောင်ယောင်၏ အာရုံစူးစိုက်မှု ပစ်မှတ်လည်း ဖြစ်ခဲ့သည်။ သူမက
"ငါ့ကို သေချာပြောပြပေးနိုင်မလား"
ဟုမေးလိုက်သည်။ရှောင်ချီက စကားပြောပုံးတစ်ခုလို ဖွင့်ပြောခဲ့ပြီး
"ငါ့မှာ SS စိတ်ပိုင်းဆိုင်ရာ စွမ်းအားရှိခဲ့ဖူးပေမယ့် ငယ်ငယ်က မတော်တဆမှုတစ်ခု ကြုံဖူးပါတယ်... အတိုချုပ်ပြောရရင်တော့ ငါ့ရဲ့ စိတ်ပိုင်းဆိုင်ရာ ခွန်အားက အခု D အဆင့်ပဲ ရှိတော့တယ် ကြယ်ပွင့်ကွန်ရက်ပေါ် အနည်းမျှပဲနေနိုင်ပြီး တစ်နေ့လုံး သိပ်ကြာကြာမနေနိုင်ဘူး ...ဒါပေမယ့် မင်းလုပ်ထားတဲ့ ဖြည့်စွက်စာအတုကို စားပြီးရင် ငါ့ရဲ့ ခေါင်းတစ်ခြမ်းကိုက်တာ တော်တော်သက်သာသွားတယ်... ကြယ်ပွင့်ကွန်ရက်မှာ ဆက်နေနိုင်တဲ့ အချိန်တွေလည်း ပိုကြာလာပါပြီ...အာနိသင်က တခြားဖြည့်စွက်စာတွေထက် ပိုကောင်းတယ်... စကားမစပ် မင်းလက်တွေ့မှာ ဖြည့်စွက်အစားအစာများ လုပ်နိုင်လား မင်းကို လစာကြီးမြင့်တဲ့ ငါ့ရဲ့သီးသန့် အစားအသောက်လက်ထောက်ကုထုံးဆရာဖြစ်အောင် ငါ ငှားလို့ရတယ်..."
Xxxxxx
Ei Thet Hmue
