MM Story Teller

Chapter 68
တစ်​ယောက်​ယောက်က​တော့ ပြဿနာ လာရှာ​နေပြီ

ကျန်းကျန့်က သူ့မိသားစု ထိုအလုပ်ကို လုပ်နိုင်မည် မဟုတ်​ကြောင်း ​တွေးမိသည့်အတွက် ဝက်တစ်​ကောင် ဝယ်ရန် အကုန်အကျ ခံလိုက်သည်။ လတ်တ​လော ရာသီဥတုကလည်း အလွန် ပူ​နေသဖြင့် သူက ဝက်ကို တစ်ရက်ကြို မသတ်ထားဘဲ ထိုမနက်မှသာ သတ်ခဲ့ခြင်း ဖြစ်သည်။ အ​ကြောင်းမှာ အခြား နည်းလမ်းလည်း မရှိသည့် အတွက်​ကြောင့်ပင်။ ​ကျောက်မိသားစုတွင် ကူညီ​ပေးနိုင်မည့် ​ဆွေမျိုး နည်းနည်းသာ ရှိသည်။

"သတို့သားက ​​သွေးမြင်​နေရတာ မ​ကောင်းဘူး​နော်" ​

ကျောက်လျူက ကျန်းကျန့်ကို ကြည့်၍ သက်ပြင်းချလိုက်သည်။ သတို့သားက ဘယ်လိုလုပ်ပြီး ဝက်ကို ကိုယ်တိုင် သတ်​နေရတာလဲ...

"အဆင်​ပြေပါတယ်... ဝက်က အသား​ကောင်းပြီး အဆီပြည့်​နေတာပဲ... ဒါ ​ကောင်းတဲ့လက္ခဏာပဲ​လေ" 

ကျန်းကျန့်က ဝက်​သွေးများ ထည့်ထား​သော သစ်သားပုံး​လေးထဲသို့ ​ရေနှင့် ဆားများ ထည့်ကာ ​မွှေလိုက်သည်။ ဝက်​သွေးကို ​ရေနှင့် ဆားတို့ဖြင့် ​မွှေ​နှောက်ပြီး​နောက် တစ်ခဏအကြာ ခဲလာခဲ့ပြီး ၎င်းကို ​ရေအချို့နှင့် ပြုတ်လိုက်သည်နှင့် ​သွေးခဲတို့ဖူးထွက်လာသည်။ ၎င်းက အ​တော်​လေး အရသာ ​​ကောင်း​ပေသည်။ ဤ​နေရာ၌ ဝက်သတ်ကြပါက ဝက်​သွေးနှင့် အူများကို အိမ်နီးချင်းများနှင့် မျှ​ဝေ​လေ့ ရှိကြ​ပေသည်။

"အဲ့လိုလား"​ကျောက်လျူ အလိမ်ခံလိုက်ရပြီး​နောက် ​ခေါင်းငြိမ့်သွားလေသည်။

မင်္ဂလာပွဲသို့ ဖိတ်ကြားထားသူ များများစားစား မရှိသည့်အတွက် စားပွဲ ငါးလုံးသာ ရှိ​နေသည်။ ကျန်းကျန့်က ကြက်တစ်​ကောင်ကိုမှ သတ်မထားဘဲ ငါးအချို့ကိုသာ ပြင်ဆင်ထားခဲ့သည်။

ဝက်သားနှင့် ငါးအချို့ဖြင့်ပင် ​သူနှင့်ကျောက်ကျင်း​ကောတို့၏ မင်္ဂလာပွဲက အ​​​တော်​လေး ကြီးကျယ်​နေခဲ့​လေပြီ။

လှည့်ပတ်ကြည့်ရှုလိုက်ပြီးနောက် သူ ပြင်ဆင်ရမည့် အရာအားလုံး အသင့်ဖြစ်​နေသည်ကို ​တွေ့လိုက်ရသည်။ ကျန်းကျန့်က စိတ်သက်သာရာ ရစွာဖြင့် သက်ပြင်းချလိုက်သည်။ ထို့​နောက် ​ရေချိုးလိုက်ပြီး ဖု​​ချောင်မှ အပ်ချုပ်သမားကို ပြုလုပ်ခိုင်းခဲ့သည့် ဝတ်စုံကို ဝတ်လိုက်​လေသည်။ အနီရောင် လက်ထပ်ဝတ်စုံများကို တစ်ခါသာ ဝတ်ဆင်ရ​ပေမည်။ ဤ​ခေတ်တွင် ​ကျေးလက်မှ မည်သူကမှ အနီ​ရောင် အဝတ်အစားများ မဝတ်ဆင်နိုင်ကြသဖြင့် ကျန်းကျန့်က ၎င်းတို့ကို မပြုလုပ်​စေခဲ့​ပေ။ ထိုအစား သူက သာမန်ဝတ်စုံနှစ်စုံထက်ပို၍ ပြုလုပ်ထားခဲ့​လေသည်။

ထိုသာမန် အဝတ်အစားနှစ်စုံမှာ အနီ​ရောင် အစင်းများပါ​သော လ​​ရောင်ဖြူ အစဖြစ်ကာ အနီ​ရောင်ရင့်ရင့် အစဖြင့် တွဲချုပ်ထားပြီး ​ပျော်ရွှင်မှုကို ကိုယ်စားပြုသည့် အနီ​ရောင် ခါးစည်းလည်း ချည်ထား​သေးသည်။ ကျန်းကျန့်၏ ခါးက အဆီပိုများ မရှိ​ပေ။အဝတ်အစားများ ဝတ်လိုက်ပြီး ခါးပတ်ကို ကြပ်လိုက်​သောအခါ ချက်ချင်းပင် အလွန်အမင်း အင်အားပြည့်​နေပုံ​ပေါ်သွားပြီး ​ကျောက်ကျင်း​ကောသည်လည်း ထို့နည်းတူပါပင်။ ​သေချာပေါက် ကျန်းကျန့်က ​ထိုအခိုက်တွင် ​ကျောက်ကျင်း​​ကောကို မ​တွေ့ရ။ 

ယမန်​နေ့ညက ​ကျောက်မိသားစုမှာ အိမ်အသစ်အတွင်းသို့ အထူး ပြုလုပ်ထား​သော ကုတင်ကို ထည့်သွင်းခဲ့ကြသည်။ ထို့​နောက် ​​ကျောက်ကျင်း​ကောက အိပ်ရာကို ​ကောင်းချီးများ ရရှိရန်အတွက် ဝမ်ဟိုင်ရှန်း၏ အငယ်ဆုံးသား ဝမ်တနျိုနှင့် အတူ အိပ်ခဲ့သည်။

ကျန်းကျန့်က သိသိသာသာပင် သူ့အိမ်အသစ်ထဲမှ သူ့အိပ်ရာ​ပေါ်တွင် ဝမ်တနျိုတစ်​ယောက် ​သူ့​ကျောက်ကျင်း​​ကော​လေးနှင့် အတူအိပ်မည်ကို တွန့်ဆုတ်​နေပါ​သော်လည်း ထိုကိစ္စနှင့် ပတ်သက်ပြီး မည်သည်ကိုမှ မလုပ်နိုင်ခဲ့ပါပေ။ ထပ်​ပေါင်းရလျှင် အခြား​သော ဓ​လေ့ထုံးတမ်းများလည်း ရှိ​နေ​သေး​ပေသည်။ ဥပမာအားဖြင့် ယမန်​​နေ့ညတွင် ကျန်းကျန့်က ​ကျောက်မိသားစု၏ အိမ်အသစ်၌ အိပ်ခဲ့စဥ်တွင် ​ကျောက်ကျင်း​​ကောက သူ့အိမ်တွင် အိပ်ခဲ့​ပေသည်။ 

ယ​​နေ့တွင် သူက ​ကျောက်မိသားစုအိမ်ဘက်၌ အလုပ်ရှုပ်​နေခဲ့ရသည်။ အဝတ်အစားသစ်များ လဲလှယ်ပြီး​နောက် ​ကျောက်မိသားစုအိမ်မှ သူ့ကိုယ်ပိုင်အိမ်သို့ သွား​ရောက်ရမည် ဖြစ်ပြီး ထို့​​နောက် မင်္ဂလာပွဲအတွက် ​ကျောက်မိသားစုအိမ်သို့ ပြန်သွားရ​ပေလိမ့်မည်။ နောက်တွင် သူက ​ကျောက်ကျင်း​ကောအား ​ကျောက်မိသားစု၏ ဘိုး​ဘေးခန်းမဆီသို့ ပြန်​ခေါ်သွားရန် လို​ပေသည်။ ၎င်းက ကရိကထ များ​နေလျှင်​တောင် ​ယောကျ်ားတစ်​ယောက်က အမျိုးသမီး တစ်​ယောက် သို့မဟုတ် ​ကောတစ်​ယောက်နှင့် လက်ထပ်ရ​သောအခါ ထိုသို့ လုပ်​ဆောင်ရန် လိုအပ်​နေဆဲ ဖြစ်သည်။ 

မနက်ပိုင်း ဆယ်နာရီဝန်းကျင်ခန့်တွင် ကျန်းကျန့်က ​ကျောက်မိသားစုအိမ်မှ သူ့အိမ်ဘက်သို့ ထွက်လာခဲ့သည်။ သူ့မှာ မိသားစု မရှိသည့်အတွက် ​ကျောက်ဖူ​ကွေ့ ရှာ​ပေးထား​သော လူငယ်​လေးနှင့် ဝမ်ဟိုင်ရှန်းတို့ကို သူ့ကို အတူတကွ ကြိုဆို​ပေးကြရန်အတွက် ​ခေါ်ထားရသည်။

သူ့အိမ်ထဲတွင် ​ကျောက်​ကျင်း​​ကောက စန်း​ရှောင်ရှန်းနှင့် အခြားရွာမှ မိန်းမငယ်​လေး တစ်​ယောက်တို့နှင့် အ​ဖော်ပြုကာ ​စောင့်​နေခဲ့သည်။

အခြားလူများ လက်ထပ်ကြ​သောအခါ တံခါးကို ဖွင့်​ပေးရန်အတွက် အနီ​ရောင်စာအိတ်များ ​တောင်းဆိုကြမည်သာ ဖြစ်သည်။ သို့​သော်ငြား ​ကျောက်ကျင်း​​ကောနှင့် ကျန်းကျန့်တို့၏ အ​ခြေအ​နေက ကွဲပြားနေပြီး ၎င်းတို့ အားလုံးဖြင့် မျှ​ဝေ​ပေးခဲ့သည်။ ​နောက်ဆုံးတွင် ကျန်းကျန့်က ​ကျောက်ကျင်း​ကောကို ​ကျောက်မိသားစုအိမ်သို့ လွယ်လွယ်ကူကူ ​ခေါ်သွားနိုင်ခဲ့သည်။

အမိုးမြင့်မြင့်နှင့် ​ဝေါယာဥ် သို့မဟုတ် မြင်းကြီးတစ်​ကောင် စသည့် ပစ္စည်းများ ရှိမ​နေ​ပေ။ ကျန်းကျန့်က အနီ​ရောင် ​ပုဝါစ ​ဆောင်းထားသည့် ​ကျောက်ကျင်း​ကောကို ​ခေါ်ယူလာခဲ့ပြီး နှစ်​ယောက်သားက ​နောက်ပြန်​လျှောက်ကာ ဘိုး​ဘေးများကို အရိုအ​သေ ​ပေးလိုက်ခြင်းဖြင့် အဆုံးတွင် လက်ထပ်ပြီးသွားခဲ့သည်။

ကျန်းမိသား၏ ​ဆွေမျိုး အနည်းငယ်သာ ရှိ​နေပါ​သော်လည်း သူတို့ ​ဟောခန်းထဲသို့ ဝင်သွားကြ​​သောအခါ ရွာသားများစွာက လာကြည့်ခဲ့ကြပြီး သူတို့အားလုံးက ​ကျောက်ကျင်း​ကောကို ကြည့်ရင်းဖြင့် တီးတိုး ​ပြော​နေခဲ့ကြသည်။

"​ကျောက်ကျင်း​ကောရဲ့ အဝတ်အစား​​တွေက တကယ်လှတာပဲ"

"ကျန်းကျန့်က အဲ့အဝတ်​တွေကို ဖု​ချောင်မှာ လုပ်ထားတာလို့ ​ပြောတာပဲ... ဖု​ချောင်မှာတဲ့..."

"ကျန်းကျန့်က ဝက်တစ်​ကောင်ကို ​သေ​သေချာချာ သွားဝယ်ထားခဲ့တာ... ​ကျောက်မိသားစုရဲ့ လက်ထပ်ပွဲက​တော့ အရမ်း ခမ်းနား​နေမှာပဲ"

"ကျန်းကျန့်က အခု ​ငွေအများကြီး ရှိ​နေပြီ... သူ အခု လက်ထပ်ဖို့ ပြဿနာ မရှိ​တာ့ဘူး... ဘာလို့ လက်ထပ်ဝင်သွားဖို့ လက်ခံလိုက်ရတာလဲ"

"​ပြောကာမှ သူက တကယ် လုပ်ရည်ကိုင်ရည် ရှိသားပဲ... ကျန်းမိသားစုထဲမှာတုန်းက အရမ်း တိတ်ဆိတ်​နေ​ပေမယ့် အခု​တော့ ကျန်းမိသားစုထဲက ထွက်သွားပြီးပြီးချင်း ချမ်းသာသွားကြတာပဲ"

ကြည့်ရှု​နေကြသူများ၏ စိတ်အ​ခြေအ​နေမှာ အ​တော်​လေး ရှုပ်​ထွေး​နေခဲ့ကြပြီး စိတ်ရှုပ်​ထွေးရဆုံးလူမှာ သံသယဖြစ်စရာ မလို​အောင်ပင် ပွဲလာကြည့်သည့် သားသတ်သမားကျန်းသာ ဖြစ်သည်။ 

ကျန်းကျန့်က အဝတ်အစားသစ်များ ဝတ်ဆင်ထားသည်။ သူ့အမူအယာက ယခင်ကကဲ့သို့ ​အေးစက်ကာ ​တောင့်တင်းမ​နေ​တော့​​​​ပေ။ သူ့တစ်ကိုယ်လုံးက လန်းဆန်းတက်ကြွပြီး ​​ချောမောပုံ​ပေါ်​နေသည်။ ထို့​နောက် သားသတ်သမားကျန်းမှာ သူ့သားများအနက် သူ့အကြီးဆုံးသားသည်သာ သူနှင့်အတူဆုံး ဖြစ်သည်ဟု ရုတ်တရက် ​တွေ့ရှိလိုက်ရသည်။ ထိုအ​ကြောင်း ​ပြော​လေမှသာ သူတတ်​မြောက်ထား​သည့် လက်မှုအတတ်များဖြစ်​​သော ဝက်များကို သားထိုးခြင်း၊ လယ်ယာလုပ်ကိုင်ခြင်းနှင့် အရာအားလုံးတို့ကို သင်ယူတတ်​မြောက်ခဲ့သူမှာလည်း ကျန်းကျန့်သာ ဖြစ်သည်။

သူ့သားကို ဘာလို့များ တုံးအတယ်လို့ ​တွေး​နေပြီး အမြဲတမ်း မုန်းတီး​နေခဲ့ပါလိမ့်... သူက အမြဲတမ်း ​သေ​သေသပ်​သပ်လုပ်ခဲ့တဲ့ အလုပ်သမား တစ်​ယောက် ဖြစ်ခဲ့တာပဲ... သူနဲ့ ပတ်သက်ပြီး ဘာက မှားယွင်း​နေပါလိမ့်...

သားသတ်သမားကျန်းက ကျန်းကျန့်အား မနှစ်သက်ဆဲ ဖြစ်ပါ​သော်လည်း ထိုအခိုက်တွင် သူ့​ရှေ့တွင် တစ်​နေ့လုံး ကျန်းကျန့်၏ မ​ကောင်း​ကြောင်းများကိုသာ ​ပြောခဲ့သည့် အဘွားကြီးကျန်းနှင့် မ​ကျေလည်မှုအချို့ ရှိသွား​လေသည်။ အဘွားကြီးကျန်းကသာ ကျန်းကျန့်၏ မ​ကောင်း​ကြောင်းများ နှင့်ကလန်ကဆန် လုပ်​သည့်အ​ကြောင်းများ မ​ပြောပြခဲ့ပါက သူ့သားကို ထိုမျှလောက် မုန်းတီးခဲ့မည် မဟုတ်​​ပေ။

သားသတ်သမားကျန်းက မင်္ဂလာပွဲကို လာခဲ့သည့်အတွက် အဘွားကြီးကျန်းသည်လည်း ​ရောက်လာခဲ့သည်။ သို့​သော်လည်း သူမက ထိုအ​ကြောင်းကို အ​တွေးလွန်​နေခြင်းမရှိဘဲ ကျန်းကျန့်က ​ကျေးဇူးမသိတတ်​ကြောင်းကိုသာ လူအများအား အဆက်မပြတ် ​ပြော​နေခဲ့​လေသည်။

သူမ၏ စကားများကို ​ထောက်ခံကြသည့် လူများစွာ ရှိ​နေဆဲ ဖြစ်သည်။ ရွာထဲမှ လူအချို့က ကျန်းကျန့်ကို ​လေးစား​နေကြ​သော်လည်း အချို့က မနာလိုပင် ဖြစ်​နေကြ​သေးကာ သူတို့က ကျန်းကျန့်မှာ ​ကျေးဇူးမသိတတ်သူဟုလည်း ခံစား​နေကြရသည်။ကျန်းကျန့်က အလွန် သန်မာလှပြီး မည်သူကမှ သူ့အား မဆန့်ကျင်ရဲကြသည်​ကြောင့်သာပင်။

အဘွားကြီးကျန်း ​ပြော​နေစဥ်မှာပင် ​ကျန်းကျန့်နှင့် ​ကျောက်ကျင်း​ကောတို့က ခန်းမထဲတွင် အရိုအ​သေ​ ​ပေးပြီးသွားပြီ ဖြစ်​သော​ကြောင့် ကျန်းကျန့်က ​ကျောက်ကျင်း​ကောအား သူတို့၏ အိမ်အသစ်ဆီ ​ခေါ်လာခဲ့သည်။ အပြင်ဘက်တွင် ဧည့်ခံပွဲ စတင်​နေခဲ့​​လေပြီ။

​ကျောက်မိသားစုက အိုးသူကြီး တစ်​ယောက်ကိုလည်း ဖိတ်ထားခဲ့ပြီး စားပွဲ​ပေါ်သို့ တည်ခင်းလာ​သော ဟင်းပွဲများအားလုံးမှာ အလွန် ဆွဲ​ဆောင်မှု ရှိလှသည့် ဝက်​ခြေ​ထောက်နှပ်၊ ပင်လယ်​ရေညှိနှပ်၊ ဝက်သားနှပ်နှင့် ငါးနှပ်တို့ ဖြစ်ကြ​လေသည်။

ကျန်းမိသားစုက အသားမစားရသည်မှာ အ​ချိန်အတော်ကြာ​နေခဲ့​လေပြီ။ ၎င်းတို့အားလုံးကို ​​တွေ့လိုက်ရ​သောအခါ အဘွားကြီးကျန်းမှာ အကြည့်မလွှဲနိုင်​တော့​ပေ။

သူမသည်လည်း စားပွဲ​ပေါ်တွင် ဝင်ထိုင်ချင်​နေသည်။ သူမက ကျန်းကျန့်ရဲ့ အ​မေပဲ... ဘယ်သူက သူမကို တားနိုင်မှာလဲ... ယွမ်ဝမ်​​လေးအတွက်​တောင် အစားအ​သောက်​တွေ ပြန်သယ်သွားလို့ ရချင်ရဦးမယ်... အဘွားကြီးကျန်းက ဝင်သွားရန် ပြင်​နေချိန်မှာပင် လူအ​ယောက် နှစ်ဆယ်ခန့်က အ​ဝေးတစ်​နေရာမှ ဤ​နေရာသို့ ​လျှောက်လာ​​နေ​သည်ကို ​ရုတ်တရက် ​တွေ့လိုက်ရ​လေသည်။

ထိုလူများမှာ အမျိုးသားအမျိုးသမီး အသက်အရွယ်စုံဖြစ်ကာ ဟယ့်ရှီရွာသားအများစုက သူတို့ကို မည်သူမှန်း မသိကြ။ သို့​သော်လည်း သူတို့သိ​နေသည့် လူတစ်​ယောက်လည်း ပါ​နေသည်။ ထိုသူမှာ လွန်ခဲ့သည့် ရက်အနည်းငယ်က လူများကို ပြန်​ပေးဆွဲရန်အတွက် ဟယ့်ရှီရွာသို့ ​ရောက်လာခဲ့သည့် လျူဟိုင်ထုန် ဖြစ်​နေသည်။

ထို​​နေ့က ကျန်းကျန့် လျူဟိုင်ထုန်အား ရိုက်နှက်ပြီးသွား​သောအခါ ဟယ့်ရှီရွာထဲမှ လူများက အလွန် ​ပျော်ရွှင်​နေကြ​သော်လည်း ကျန်းမိသားစု၏ ဒုတိယဦး​​လေး ဦး​ဆောင်သည့် လူတစ်စုကမူ လျူဟိုင်ထုန် ဟယ့်ရှီရွာသို့ ​ရောက်လာပြီး သူတို့အား ပြဿနာ လာရှာမည်ကို အလွန် စိုးရိမ်​နေခဲ့ကြသည်။ ​နောက်ပိုင်းတွင် လျူဟိုင်ထုန်၏ အရိပ်အ​ယောင်ကို မ​တွေ့ရဘဲ ပြဿနာရှာရန်လည်း လူလုံးထွက်ပြမလာ​သော​ကြောင့် လူတိုင်းမှာ စိတ်​အေးသွားကြ​လေသည်။ မည်သူကမှ ဤအချိန်တွင် လျူဟိုင်ထုန်အား ​တွေ့လိုက်ရမည်ဟု မထင်ထားခဲ့ကြ​ပေ။

လျူဟိုင်ထုန်မှာ ကျန်းကျန့် လက်ထပ်သည့်​နေ့၌ သူ့အိမ်တံခါးကို ​ခေါက်လာခဲ့သည်။ 

သူ ပြဿနာ လာရှာတာများလား... သူ့​ဘေးက လူ​​တွေက ဘယ်သူ​တွေများလဲ...

ဟယ့်ရှီရွာသားများမှာ ထိတ်လန့်​နေကြသည်။ လျူဟိုင်ထုန်က ထိုသူများကို သနား​နေသည့်ဟန်ဖြင့် ကြည့်ကာ သူ့နှုတ်ခမ်းစွန်းများက ခပ်​ရေး​ရေး​ ကော့တက်သွား​လေသည်။ သူက ကျန်းကျန့်ကို ပြဿနာ လာရှာတာပါပဲ... ထို​​နေ့က ကျန်းကျန့်ထံမှ အရိုက်ခံလိုက်ရပြီး အကြီးအကျယ် အရှက်ကွဲခဲ့ရပြီး သူကလည်း မ​ကျေလည်မှုများကို လွှတ်ထားမ​ပေးတတ်သူ ဖြစ်​လေရာ ကျန်းကျန့်ကို လက်တုံ့ပြန်ရန် စဥ်းစား​နေသည်မှာလည်း သဘာဝကျ​ပေသည်။ သို့​သော်လည်း ထိုအချိန်က သူ့အတွက်လည်း သိက္ခါငဲ့​နေရ​သေးသည်။

ကျန်းကျန့် သူ့ကို ရိုက်နှက်လိုက်သည့် အချိန်က ကျန်းကျန့် ​ဘေးတွင် ပုံထားသည့် ကုန်ပစ္စည်းများကို ​တွေ့လိုက်ရသည်။ ထို​နေရာတွင် ကုန်ပစ္စည်းများစွာ ရှိ​နေပြီး စီရင်စုမြို့တွင် သူဝယ်ချင်​နေလျှင်​ပင် ဝယ်လို့မရနိုင်သည့် ပစ္စည်းများစွာ ရှိ​နေခဲ့သည်။

ကျန်းကျန်က သူ့ကို တိုက်ခိုက်ရန် ရဲရင့်လွန်း​နေပြီး သူက ကိုယ်ခံပညာလည်း ​တော်ကာ ပစ္စည်း​ကောင်းများစွာကိုလည်း ပိုင်ဆိုင်ထားခဲ့သည်။ တစ်ခုခု​တော့ ရှိ​နေသည်မှာ ​သေချာ​ပေါက်ပါပင်။ ထိုအ​ခြေအ​နေများ ​အောက်၌ လျူဟိုင်ထုန်မှာ သဘာဝကျကျပင် ကျန်းကျန့်အ​ပေါ် ကတိုက်ကရိုက် လက်သွားမတင်ရဲ​​​ပေ။ ထိုရက်အတွင်း ကျန်းကျန့်၏ ကိစ္စရပ်များကို စုံစမ်းရသည်။ လွန်ခဲ့သည့် ရက်အနည်းငယ်အတွင်း၌ သူက အခြားသူ၏ အ​ကြောင်းကိစ္စရပ်များကို ရှာ​ဖွေရန် များစွာ အင်အား စိုက်ထုတ်ခဲ့ရပြီး လူများကို တစ်​ယောက်ချင်းစီ ​မေးမြန်းခဲ့ရသည်။ သို့​သော်လည်း ကျန်းကျန့်က ဟယ့်ရှီရွာ ဇာတိ ဖြစ်သည်။ လတ်တ​လောကာလများအတွင်း နှစ်ကြိမ်ခန့် အပြင်ထွက်သည်မှ လွဲ၍ ယခင်က ထိုနယ်အတွင်းမှ ထွက်မသွားဖူးခဲ့​ပေ။ လျူဟိုင်ထုန်က မကြာမီမှာပင် ထိုသူ၏ခရီးစဥ်များအ​ကြောင်း သိရှိသွား​လေသည်။ ထိုခရီးစဥ်နှစ်ခုအတွင်း မည်သည့်​နေရာသို့ သွားခဲ့သည်ကို မသိရပါ​သော်လည်း ကျန်းကျန့်ထံတွင် သူ ​ကြောက်ရမည့် မည်သည့် ​နောက်ခံမှ ရှိမ​နေသည်မှာ သံသယဖြစ်စရာပင် မလို​ပေ။

ထိုအချိန်၌ လျူဟိုင်ထုန်က ဟယ်ချိုးရှန့်ကို မဖမ်းလာနိုင်ခဲ့သည့်အချိန်က သူ​ပြောခဲ့သည့် စကားများ ဖြစ်သည့် ဟယ်မိသားစုထံမှ အ​ကြွေးများကိုလာသိမ်းချင်​နေဆဲ ဖြစ်သည်ဟု ​ပြောခဲ့သည်ကိုလည်း ​တွေးမိသွားသည်။ ထိုအချိန်က သူထိုသို့ ​ပြောခဲ့သည်မှာ ​မျက်နှာမပျက်ရ​စေရန် ဖြစ်ပြီး ကျန်းကျန့်ကိုလည်း စမ်းသပ်ချင်ခဲ့​သော​ကြောင့် ဖြစ်သည်။ ပြီးနောက် ကျန်းကျန့်ကလည်း အမှန်ပင် ​နောက်ခံ ရှိ​နေပုံ မရ​​ပေ။ မဟုတ်ရင် ​ကောကို ကယ်တင်​ပေးပြီးတာ​တောင် သူအ​ကြွေးဆပ်ဖို့ ​ပြော​နေတာကို ဆက်ပြီး ခွင့်ပြု​ပေးထားရမှာလဲ... ဟယ်မိသားစုမှာ သူ့ကို အ​ကြွေးပြန်ဆပ်နိုင်ရန် မည်သည့် နည်းလမ်းမှ မရှိ​ကြောင်းကိုလည်း သူသိ​နေနိုင်သည်။

ထိုကဲ့သို့ ပြုမူလိုက်ရင်းဖြင့် လျူဟိုင်ထုန်မှာ ကျန်းကျန့်ကို အ​လေးမထားပုံ ​ပေါ်​နေခဲ့သည်။ ကျန်းကျန့်၏ အရည်အချင်းက အလွန်​ကောင်းပြီး ​သွေးကို မြင်ဖူးထားပုံ ​ပေါ်​နေသဖြင့် လျူဟိုင်ထုန်မှာ ကျန်းကျန့်အား လက်လွတ်စပယ် ပစ်မှတ်မထားရဲခဲ့ခြင်း ဖြစ်သည်။ သို့​​သော်လည်း သူ့ကို ကိုင်တွယ်ရန် နည်းလမ်း​ပေါင်း ​​မြောက်များစွာ ရှိ​နေ​ပေသည်။ ထိုကျန်းကျန့်က ​ကောတစ်​ယောက်နှင့် လက်ထပ်​တော့မည် ဖြစ်ကာ သူ လက်ထပ်​တော့မည့် ကော၏ အ​မေမှာလည်း သူတို့၏ လီကျားရွာမှ ဖြစ်သည်။ 

လီကျားရွာအတွင်းတွင် လျူဟိုင်ထုန်က ​ကောင်းကင်ကြီးကို လက်တစ်ဖက်နှင့်ပင် ချုပ်ကိုင်ထားနိုင်သည်။ သူက ရွာသားများကို အ​ကြောင်းအရင်း မရှိဘဲ အန္တရာယ် မ​ပေးတတ်သည့်အတွက် လီကျားရွာသားများကလည်း သူ့စကားကို နား​ထောင်ကြသည်။ ထိုကြောင့်ပင် သူက ​ကျောက်လျူ၏ မိသားစုကို သူနှင့်အတူ လိုက်ခဲ့ရန် ​ခေါ်လာခဲ့ခြင်း ဖြစ်သည်။

ကျန်းကျန့်က ​ကျောက်ကျင်း​ကောအား အိမ်အသစ်အတွင်းသို့ ​ခေါ်သွားခဲ့သည်။ ​ကျောက်လျူသည်လည်း လိုက်ပါသွား​သော်ငြား ​ကျောက်ဖူ​ကွေ့ကမူ အပြင်တွင် ဧည့်သည်များကို နှုတ်ဆက်ရင်း ကျန်​နေခဲ့သည်။ ထိုလူများကို ​တွေ့​သောအခါ ​ကျောက်ဖူ​ကွေ့၏ မျက်နှာ ရုတ်တရက် ​​ပြောင်းလဲသွားခဲ့​လေသည်။

 "မင်းတို့ ဒီကို ဘာလာလုပ်တာလဲ"
အပိုင်း၆၈
