အခန်း(၅၆)

အခန်း(၅၆)《 အခြေစိုက်စခန်းသို့ ၀င်ရောက်ခြင်း》

Author: Drunken Light Song

Source: Jostena M

Translator: オタク

ကျန့်ယွင်နှင့်အဖွဲ့သည် ဤနေရာ၏ စနစ်သည် အမှန်တကယ်ကို အလွန်ကျိုးကြောင်းသင့်လျော်ကြောင်း ထင်ကြ၏။ ငြိမ်းချမ်းသောကာလတွင် နိုင်ငံတော်၏ ထောက်ပံ့ရေးများကိုခံစားနေသည့်အချိန်တွင် အခွန်များကို အ‌ရင်မပေးဆောင်သင့်ပေဘူးလား။ ယခုက ကမ္ဘာကြီး၏ အဆုံးသတ်အချိန်ဖြစ်သည်။ ပိုက်ဆံသည် သည်ထပ်ပိုပြီး အသုံးမ၀င်ပါတော့ချေ။ အလုပ်မှ အလုပ်ရမှတ်များရရှိခြင်းသည် အလွန် သင့်လျော်၏။ ထို ချမ်းသာသောဒုတိယမျိုးဆက်များ၊ နိုင်ငံရေးမိသားစုဒုတိယမျိုးဆက်များ နှင့် အမြဲတစေစိုးရိမ်ပူပန်နေတတ်သော သက်ကြီးရွယ်အိုများ နှင့် ထိုလူမျိုးများသည်သာ ရေဆိုးရေညစ်၏အခွင့်ကောင်းကိုယူကာ မကျေမနပ်ခံစားနေမည့်သူများသာဖြစ်နိုင်သည်။ 

သူတို့၏ကိုယ်ရေးအချက်အလက်များကို မှတ်ပုံတင်ကြပြီးနောက် ကျန့်ယွင်တို့အဖွဲ့သည် တစ်ယောက်ချင်းစီတိုင်း ယာယီနေထိုင်ခွင့်ကတ်လေးတစ်ခုကို ရရှိခဲ့ကြသည်။ ကတ်ပေါ်တွင် သူတို့၏နာမည်၊အသက်၊ အရပ်အမြင့်၊ အလေးချိန် နှင့်တခြားအချက်အလက်များငိုရေးထားပြီး အရွယ်အစားသည် ကွက်တိဖြစ်၏။ 

ကတ်၏အနောက်ဘက်တွင် လေးထောင့်ဇယားကွက်လေးများများစွာရှိပြီး တစ်ပါတ်ခုနစ်ရက်အတွက် ကော်လံခုနစ်ခုခွဲထားပြီး နေထိုင်စရာ၊ မနက်စာ၊ နေ့လည်စာ၊ ညစာ၊ လဲလှယ်မှု၊ ပေးချေမှု၊ လွှဲပြောင်းမှုနှင့် အခြား ဆိုပြီး အကွက်ရှစ်ခုရှိကာ အလုပ်ရမှတ်များကို မှတ်တမ်းတင်ရန် အဆင်ပြေစေဖို့ရာဖြစ်၏။ 

နေထိုင်မှု ပထမဆုံးသုံးရက်သည် အခမဲ့ဖြစ်သည်။ ၎င်းသည် အသက်ရှင်ကျန်ရစ်သူအသစ်တစ်ယောက်အတွက် ပတ်၀န်းကျင်အသစ်နှင့် လိုက်လျောညီထွေဖြစ်ရန်အတွက်ဖြစ်၏။ အကယ်၍ သူတို့အလုပ်မလုပ်လျှင် ကိစ္စမရှိပေ။ သို့သော် နောက်ပိုင်း၌ သူတို့အနေဖြင့် အခြေစိုက်စခန်းတွင်ဆက်လက်နေထိုင်လိုပါက သူတို့သည် တစ်စုံတစ်ခု ပေးချေရမည်ဖြစ်သည်။ သူတို့သည် လုပ်အားနှင့် အလုပ်ရမှတ်များဖြင့်သော်လည်းကောင်း သို့မဟုတ် ပစ္စည်းကိရိယာများဖြင့် ပေးချေခြင်းသော်လည်းကောင်း တခြားဆိုရသော် အလုပ်မလုပ်ဘဲ တစ်ခုခုရနိုင်ဖို့ မဖြစ်နိုင်သည်ပင်။ 

အခြေစိုက်စခန်းတွင် အထူး ဥပဒေစိုးမိုရေးအဖွဲ့တစ်ခုရှိပြီး ၎င်းသည် အခြေစိုက်စခန်း၏ ပြည်သူလူထုထိန်းသိမ်းရေးကို တာ၀န်ရှိသည်ဟု စစ်သားများကပြောခဲ့သည်။ ထိုကဲ့သို့ပင် အထူးကြီးကြပ်ကွပ်ကဲရေးအဖွဲ့သည် ဥပဒေစိုးမိုးရေးအဖွဲ့အား ကွပ်ကဲရန် တာ၀န်ရှိပြီး လူများထံမှ ‌တိုင်ကြားချက်များနှင့် တောင်းဆိုချက်များကို လက်ခံနိုင်လေသည်။ 

ခိုးခြင်း၊ လုယက်ခြင်း၊ တိုက်ခိုက်ခြင်းနှင့် ဆူပူခြင်းများကို အခြေစိုက်စခန်းတွင် တားမြစ်ထားသည်။ အကယ်၍ တစ်စုံတစ်ယောက်သာ အခြေစိုက်စခန်း၏ စည်းမျဉ်းများကိုဖောက်ဖျက်ပါက သူတို့အားအခြေစိုက်စခန်းမှ ထုတ်ပယ်ခြင်းကဲ့သို့ ပေါ့ပါးသောပြစ်ဒဏ် နှင့် ပိုဆိုးဝါးသည့်တစ်ခုအတွက်မူ ပြစ်မှုသည် အတည်ပြုပြီးပါက တိုက်ရိုက် ပစ်သတ်ခြင်းခံရနိုင်သည်။ အကျဉ်းထောင်ကဲ့သို့သော အရာမျိုးများ တစ်ခုမှ မရှိချေ။ 

တစ်ပါတ်ကြာပြီးနောက် ယာယီနေထိုင်ခွင့်ကတ်အချိန်ပြည့်သွားသောအခါ သူတို့သည် ကမ္ဘာပျက်ကပ်မတိုင်မီက ID ကတ်နှင့်ဆင်တူသော သာမာန်ID ကတ်တစ်ခုနှင့် လဲလှယ်ရန် မှတ်ပုံတင်ဌာနရုံးသို့သွားနိုင်သည်။ သို့သော်လည်း ၎င်းတွင် စက်၌ တိုက်ရိုက်ပွတ်ဆွဲနိုင်သည့် ဘတ်စ်ကားကတ်၊ အစားအသောက်ကတ်ကဲ့သို့ အလုပ်အမှတ်မှတ်တမ်း လုပ်ဆောင်မှုအပိုတစ်ခုပါပြီး အလွန် အဆင်ပြေလှသည်။ 

မှတ်ပုံတင်ရုံး၏ဘေးရှိတစ်ခုသည် အခြေစိုက်စခန်း၏ စီမံခန့်ခွဲရေးဗဟိုဖြစ်ကာ ၎င်းသည် အထပ်သုံးထပ်ခွဲထား၏။ ပထမထပ်သည် အလုပ်စီမံခန့်ခွဲရေးရုံး၊ ဒုတိယထပ်သည် စစ်ဆင်ရေးခန်းမနှင့် တတိယထပ်သည် ဗဟိုစီမံခန့်ခွဲရေး၏ ရုံခန်းနယ်မြေဖြစ်၏။ 

ယာယီနေထိုင်ခွင့်ကတ်ရရှိပြီးသော အသက်ရှင်ကျန်သူများသည် အလုပ်အမှတ်များရနိုင်ရန်အတွက် သူတို့နှင့် သင့်လျော်သောအလုပ်တာ၀န်များ ရွေးချယ်ရန် ဒုတိယထပ်ရှိ စစ်ဆင်ရေးခန်းမသို့သွားနိုင်သည်။ သူတို့သည် ပထမထပ် ‌အလုပ်အမှတ်စီမံခန့်ခွဲရေးရုံး၌ အလုပ်အမှတ်များကို လဲလှယ်ခြင်း၊ ရောင်းခြင်းနှင့် ၀ယ်ခြင်းများကိုလည်း လုပ်နိုင်သည်။ အခြေစိုက်စခန်းသို့ကားဖြင့် ရောက်လာကြသော အသက်ရှင်ကျန်သူများစွာရှိကြ၏။ အနည်းဆုံးတော့ ကားထဲတွင် ပစ္စည်းရိက္ခာအချို့ရှိကြသည်။ အသက်ရှင်ကျန်သူများသည် ထိုပစ္စည်းများကို အလုပ်အမှတ်များဖြင့် လဲလှယ်နိုင်ကြသည်။ 

အသက်ရှင်ကျန်သူအများစုသည် အချိန်တခဏလောက် ဆာလောင်ခြင်းကို နှစ်သိမ့်နိုင်ဖို့အတွက်ကောင်းမွန်သည့် ဘီစကစ်များ၊ အသင့်စား ခေါက်ဆွဲခြောက်များကို သယ်ဆောင်လာကြသည်။ သို့သော်လည်း ပူပူနွေးနွေး ဘန်းမုန့်ပေါင်းနှင့် စွပ်ပြုတ်ပူပူတို့နှင့် ရွေးချယ်ရသောအခါ ပူပူနွေးနွေးစားစရာများကိုသာ စားရသည်က ပိုကောင်း၏။ 

အချိန်တိုအတွင်းမှာပင် အလုပ်အမှတ်လဲလှယ်သည့် နေရာတွင် လူတန်းရှည်ကြီးဖြစ်သွားခဲ့လေ၏။ အခြေခံအားဖြင့် အရာအားလုံးကို ဤနေရာတွင် လဲလှယ်နိုင်ကြသည်။ အစားအစာများအပြင် အခြေစိုက်စခန်းထဲတွင် သဘက်အသစ်များ၊ သွားတိုက်တံများ၊ တစ်ရှူးများ စသဖြင့် နေ့စဉ်သုံးပစ္စည်းများအား ဤနေရာတွင် စုဆောင်းထားခဲ့သည်။ ကားများကိုပင် အလုပ်အမှတ်များဖြင့် လဲလှယ်နိုင်သည်။ 

ကောင်းမွန်သောလုပ်ဆောင်ချက်ရှိသည့် ကားများကို အလုပ်မှတ်ဒါဇင်ပေါင်းများစွာဖြင့် လဲလှယ်နိုင်သည်။ လုပ်ဆောင်မှု ညံ့ဖျင်းသောကားများကိုလည်း အလုပ်မှတ်ဒါဇင်များစွာဖြင့် လဲလှယ်နိုင်ကြသေးသည်။ ကမ္ဘာပျက်ကပ်မတိုင်ခင်က ထိုကားများသည် ပိုက်ဆံများစွာ တန်ကြေးရှိသော်လည်း ကမ္ဘာပျက်ကပ်ကြီးနောက်မှာတော့ တန်ဖိုးမရှိကြတော့ချေ။ ဂတ်စ်မရှိဘဲနှင့် ၎င်းတို့သည် သံထည်ကြီးတစ်ခုနီးပါးပင်ဖြစ်၏။ ထို့ကြောင့် အသက်ရှင်ကျန်သူများစွာသည် သူတို့၏ကားများကို အလုပ်အမှတ်များဖြင့် လဲလှယ်ရန် ရွေးချယ်ခဲ့ကြသည်။ 

အလုပ်အမှတ်များအဖြစ်သို့ ပြောင်းလဲရန် ဆန္ဒမရှိသည့် ကားများအတွက် အခြေစိုက်စခန်းအစွန်နားတွင် ကားပါကင်တစ်ခုထားပေးခဲ့ပြီး ပါကင်အခကြေးအတွက် အပါတ်စဉ် အလုပ်အမှတ်အနည်းငယ်ပေးဆောင်ရသည်။ 

‌တကယ်တော့ နောက်ပိုင်းတွင် အသက်ရှင်ကျန်ရစ်သူများသည် ကားတစ်စီးလိုအပ်ပါက သူတို့သည် ကားပြန်ဝယ်ရန် သို့မဟုတ် ငှားရန် အလုပ်အမှတ်များကို အသုံးပြုနိုင်သည်။

လဲလှယ်ရေးနေရာနှင့် နှိုင်းယှဉ်ပါက ဤနေရာတွင် စျေးကွက်ဧရိယာ၌ လူအနည်းငယ်မျှသာ ရှိပြီး ဤနေရာတွင် အားလုံးသည် အသစ်ဖြစ်ကာ ဝန်ထမ်းများလည်း အလွန်နည်းပါးသည်။

ကျန့်ယွင်၏အဖွဲ့သည် စျေးနှုန်းစာရင်းကို အကြမ်းဖျင်းကြည့်ရှူရန် ရောက်ရှိလာကြ၏။ သူတို့တွင် အခြေခံအားဖြင့် စူပါမားကတ် အသေးတစ်ခုနှင့် ဆင်တူသည့် နေရာတွင် စားသောက်ရန် အားလုံးရှိသည်။ အလုပ်အမှတ်များရှိသ၍ မည်သည့်အရာကိုမဆို လဲလှယ်နိုင်သည်။ စျေးနှုန်းသည် အလွန်တန်၏။ ကားတစ်စီးကိုပင် ဤနေရာတွင် လဲလှယ်နိုင်သည်၊၊ အလုပ်အမှတ် 30 ခန့်လောက်သာရှိ၏။ တံဆိပ်သည် အတော်ကောင်း၏။ အတော်လေးဈေးကြီးပါသော်လည်း လူတိုင်းသည် အလုပ်မှတ်များဖြင့် ဓာတ်ဆီအချို့ကို ဝယ်ယူနိုင်သည်။ အလုပ်မှတ် 100 တွင် 50 လီတာဓာတ်ဆီ တစ်စည်ဝယ်လို့ရပါသည်။ ထို့အပြင် လူတစ်ဦးလျှင် တစ်စည်သာ ကန့်သတ်ထားသည်။

ပထမထပ်တွင် လူများလွန်းသဖြင့် လမ်းပတ်လျှောက်ကြပြီးနောက် သူတို့သည် ဒုတိယထပ်သို့ သွားကြ၏။ 

ဒုတိယထပ်ရှိ စစ်ဆင်ရေးခန်းမကို အဖြူရောင်နယ်မြေ နှင့် အနီရောင်နယ်မြေဟူ၍ နှစ်ပိုင်းခွဲထားသည်။ အဖြူရောင်နယ်မြေသည် သာမန်အသက်ရှင်ကျန်ရစ်သူများအတွက်ဖြစ်ပြီး အနီရောင်နယ်မြေသည် စွမ်းအားရှင်များနှင့် သန်မာသောတိုက်ပွဲဝင်နိုင်သည့် သာမန်လူများအတွက်ဖြစ်သည်။ အဖြူရောင်နယ်မြေတွင် အသက်ရှင်ကျန်ရစ်သူများသည် ၎င်းတို့လက်ခံလိုသည့်အလုပ်များကို စစ်ဆေးနိုင်သည့် အီလက်ထရွန်းနစ်စာတင်ဘုတ်ကြီးတစ်ခုရှိသည်။ သင့်လျော်သောအလုပ်တစ်ခုကို ရွေးချယ်ပြီးနောက် သင့်ဘေးရှိ ကောင်တာတွင် သင်၏ယာယီနေထိုင်ခွင့်ဖြင့် စာရင်းသွင်းနိုင်ပါသည်။

အဖြူရောင်နယ်မြေရှိ စာ‌တင်ဘုတ်ကြီးပေါ်ရှိ အလုပ်များသည် အခြေခံအားဖြင့် ရိုးရှင်းသော ကာယအလုပ်အမျိုးအစားများဖြစ်သည်။ အဆင့်မြင့်သော အလုပ်များရှိသော်လည်း ကျွမ်းကျင်နည်းပညာရှင်ဝန်ထမ်းများအတွက် ကန့်သတ်ထားပြီး လစာကောင်းနှင့်ဖြစ်သော်လည်း ရာထူးမတက်မီ အကဲဖြတ်ခံကြရမည်ဖြစ်သည်။

အနီရောင် နယ်မြေတွင် အီလက်ထရွန်းနစ် ဂိတ်နှစ်ခုသာ ရှိပြီး ၎င်း၏ဘေးဘက်တွင် လက်ရေးဖြင့်ရေးထားသော စာစောင်ဘုတ်တစ်ခု ပါရှိသည်။၎င်းတွင်‌ ပြောထားသည်က အသက်ရှင်ကျန်သူများသည် အလုပ်များကို ရွေးချယ်ကြည့်ရှုရန် အီလက်ထရွန်းနစ် ဂိတ်များသို့ ဝင်ရောက်ပြီး တာ၀န်များ ကြည့်ရှုရွေးချယ်ရန် သူတို့၏ အဖွဲ့ကတ် သို့မဟုတ် ကိုယ်ရေးကိုယ်တာ IDကတ်ကို ပွတ်ဆွဲရန် လိုအပ်သည်။ တာ၀န်များကို အဆင့်အမျိုးမျိုးဖြင့် ပိုင်းခြားထားပြီး အချို့မှာ တစ်ဦးချင်းလုပ်ဆောင်ရမည့် အလုပ်များဖြစ်ပြီး၊ အချို့မှာ စွမ်းအားရှင်တစ်ဦးသာ လုပ်ဆောင်နိုင်သည့် အလုပ်ဖြစ်ပြီး အချို့မှာ အဖွဲ့လိုက်လုပ်ဆောင်ရမည့် အလုပ်များဖြစ်သည်။

သို့သော်လည်း မည်သည့်လုပ်ငန်းတာဝန်ကိုမဆို လျှောက်ထားသူများသည် မစ်ရှင်ကိုရရှိပြီးနောက် တာ၀န်ထမ်းဆောင်သူသည် အနီရောင် နယ်မြေရှိ ကောင်တာတွင် စာရင်းသွင်းရန် လိုအပ်သည်။ တာ၀န်ရရှိပြီးနောက် တာ၀န်ထမ်းဆောင်သူသည် သူ၏အလုပ်အမှတ်များဖြင့် သေနတ်ကဲ့သို့ လက်နက်များကို လဲလှယ်နိုင်ကြသည်။ ထို့အပြင် အခြားအကျိုးခံစားခွင့်များကို လဲလှယ်နိုင်ပါသည်။

သို့သော် ပိုမိုတိကျသော အချက်အလက်များကို သိရှိနိုင်စေရန်အတွက် မှတ်ပုံတင်ရန် လိုအပ်ပါသည်။

အနီရောင် နယ်မြေသည် ပိုမြင့်မားသော ခွန်အားနှင့် စွမ်းအားရှင်များအတွက်ဖြစ်သောကြောင့် ဤနေရာမှထွက်ရှိထားသောမစ်ရှင်များသည် အန္တရာယ်ရှိသော်လည်း အကျိုးအမြတ်များသည် သေးငယ်နည်းပါးသည်မဟုတ်ချေ။ 

ကိုယ့်ခွန်အားကို ယုံကြည်မှုရှိသော လူတော်တော်များများသည် တိုင်ပင်ဆွေးနွေးပြီး မှတ်ပုံတင်ဖို့ရန်အတွက် အနီရောင် နယ်မြေရှိ ကောင်တာဆီသို့ သွားကြသည်။ လူငယ်တစ်ဦးသည် သူသည် စွမ်းအားရှင်တစ်ယောက်ဖြစ်ကြောင်း လူသိရှင်ကြားပြသမှုတစ်ခုလုပ်ခဲ့သလိုဖြစ်ပြီး သူ့ပတ်ဝန်းကျင်ရှိလူများကို တယောက်ပြီးတယောက် သူ့အားကြည့်လာစေရန် ဆွဲဆောင်နိုင်စွမ်းရှိသည်။သို့သော်လည်း သူတို့၏မျက်လုံးများတွင် အမျိုးမျိုးသော စိတ်ခံစားမှုများ ရှိနေပြီး စူးစမ်းချင်စိတ်နှင့် မနာလိုခြင်းသာမက မနာလိုခြင်းနှင့် မုန်းတီးခြင်းများလည်း ရှိကြသည်။ 

ကျန့်ယွင်၏အဖွဲ့တွင် စွမ်းအားရှင် ရှစ်ဦးနီးပါးရှိသောကြောင့် အုတ်သယ်ခြင်းနှင့် ကြမ်းပြင်သုတ်ခြင်းတို့ကို လုပ်ဆောင်ရန် မဖြစ်နိုင်ပေ။ သူတို့သည် စာရင်းသွင်းဖို့ အလျင်စလို မဖြစ်ကြသေးချေ။ ၎င်းသည် 'ဦးဆောင်သောငှက်ကို ပစ်သည်' လို့ ပြောသည်နှင့် အတူတူပင်ဖြစ်ကာ အစပိုင်းမှာတင် လူတွေရဲ့ အာရုံစိုက်မှု အရမ်းများလာတာ မကောင်းပေ။ 

Nမြို့ Sမြို့ နှင့် A မြို့များမှ လွတ်မြောက်လာသူများအပြင် အခြားမြို့များမှ လွတ်မြောက်လာသူများလည်း ၎င်းတို့စခန်းသို့ ရောက်လာခဲ့ကြသည်။ သူတို့သည် သူတို့ရောက်လာသည့်အချိန်ထက်ပင် စော၍ရောက်လာခဲ့ကြသည်။ တပ်ခွဲမှူး ကျန်း၏ အဆိုအရ ယခုအချိန်တွင် အခြေစိုက်စခန်း၏ စုစုပေါင်းလူဦးရေသည် 50000 သို့မဟုတ် 60000 ထက်မနည်းရှိသည်။ အခြေစိုက်စခန်းတွင် စွမ်းအားရှင်အချို့ရှိရမည်ဖြစ်သော်လည်း သူတို့အတွက် သတင်းအချက်အလက်များစွာရနိုင်သော အနီရောင်မစ်ရှင် နယ်မြေတွင် လူအနည်းငယ်သာရှိသေးသည်။ 

ထို့ကြောင့် ကျန့်ယွင်သည် နှိမ့်ချသောကိုယ်ရေးအကျဉ်းကို အရင်ဦးစွာထားရန် ဆုံးဖြတ်ခဲ့သည်။ ဘာပဲဖြစ်ဖြစ် သူတို့သည် ယခုအခါ စစ်တပ်နှင့် ရင်းနှီးနေပြီဖြစ်ပြီး နောက်ပိုင်းတွင် ကိစ္စများစွာကို တွေ့ရှိရန် ကျန်နေသေးပေသည်။

သင်္ဘောကို နှစ်ထောင်ပေါင်းများစွာ မောင်းနှင်ဖို့ သတိကြီးကြီးထားပါ။

ပထမထပ်ကိုပြန်ရောက်လာသည့်အချိန်တွင် လူနည်းလာပြီဖြစ်၏။ အဆုံးမှာတော့ လူတိုင်း၌ အလုပ်အမှတ်အတွက် လဲလှယ်ဖို့ ပစ္စည်းများမရှိကြ‌ပေ။ အရင်က လူအုပ်ကြီးထဲမှ လူအများစုသည် စောင့်ကြည့်နေကြရုံသာဖြစ်၏။ ယခုမှသာ သူတို့သည် အတော်လေးကျေနပ်သွားကြပြီး ထွက်သွကြကုန်၏။ သူတို့ထဲမှ တချို့သည် ဒုတိယထပ်ကို သွားပြီး ကျန်သည့်သူများကတော့ စစ်ဆေးဖို့သွားကြသည်။

A မြို့ ၌ ကျန့်ယွင်တို့အဖွဲ့မှ စုဆောင်းရရှိသော ပစ္စည်းများ၏ တစ်စိတ်တစ်ပိုင်းကို ကားထဲတွင် ထည့်ထားသည်။ ကားကို စစ်တပ်စခန်း၏ ဂိတ်ပေါက်တွင် ရပ်ထားကာ စစ်သားများက စောင့်ကြပ်ပေးထား၏။ တစ်စုံတစ်ယောက်က ကားကိုရိုက်ခွဲကာ ပစ္စည်းများ ခိုးယူမည်ကို စိုးရိမ်နေစရာ မလိုပေ။ သူတို့သည် ဤနေရာတွင် ပစ္စည်းများကို အလုပ်မှတ်များနှင့် အရင်လဲလှယ်ဖို့ ဆုံးဖြတ်ဘိုက်ကြပြီး check in ဖို့ သွားခဲ့ကြသည်။ သူတို့သည် တခြားသူများနဲ့ အုံဖွဲ့မနေချင်သည့်အတွက် သီးခြားအိမ်ရှိတာ ပိုကောင်းပါသည်။

သူတို့ တံခါးဝသို့ရောက်သည့် အချိန်မှာပင် တပ်ခွဲမှူးကျန်း သည် အရာရှိနှစ်ဦးနှင့်အတူ လိုက်ပါလာသည်ကို တွေ့လိုက်ကြရသည်။

“ဟေး၊ ရှောင်ကျန့်၊ အခုလူတွေအများကြီးရှိနေပြီပေါ့။ မင်းက လျှပ်စီးလိုပျောက်သွားတာ၊ ဒါပေမယ့် ငါမင်းကိုတွေ့ဖို့လိုအပ်လို့ ”

“တပ်ခွဲမှူးကျန်းက ဘာလို့များ ကျွန်တော်တို့ကိုရှာချင်တာလဲ ”

“ဟားဟား၊ အရင်တစ်ခေါက်က ငါ့ဆီမှာ မင်းရဲ့ပစ္စည်းတစ်သုတ်ရှိတယ်လေ၊ မင်းမေ့သွားတာလား။ မင်းကို အလုပ်အမှတ်တွေ ဒါမှမဟုတ် ပစ္စည်းတွေကိုပဲ တိုက်ရိုက်ပေးစေချင်လား ”

တပ်ခွဲမှူးကျန်း သည် လယ်သမားဈေးမှ သူပြန်ယူလာသော သစ်သီးဝလံ၊ ဟင်းသီးဟင်းရွက်များ၊ ဆန်နှင့် ခေါက်ဆွဲများအကြောင်း ပြောနေခြင်းဖြစ်၏။ အခြေစိုက် စခန်းသို့ ပြန်ရောက်သောအခါ ၎င်းတို့ထဲမှ အချို့ကို ကျန့်ယွင်တို့အဖွဲ့အား ပေးမည်ဟု သူ ကတိပေးခဲ့သည်။

ကျန့်ယွင်သည် ပြုံးလျက် “ဒါဆိုရင် အဲ့ဒါတွေက အရမ်းအာရုံစိုက်စရာမဖြစ်စေဖို့ အလုပ်အမှတ်တွေနဲ့ လဲလှယ်ပေးဖို့ ကျွန်တော် ခင်ဗျားကို ဒုက္ခပေးရတော့မှာပဲ ”

“ဟားဟား၊ မင်းအလုပ်လုပ်ဖို့ ဆန္ဒရှိမှန်း ငါမှန်းမိသားပဲ။ ငါနဲ့လိုက်ခဲ့ ”

တပ်ခွဲမှူးကျန်း သည် စကားပြောပြီးနောက် သူတို့အား စီမံခန့်ခွဲရေးစင်တာ၏ တတိယထပ်သို့ တိုက်ရိုက်ခေါ်သွားကာ ကျန့်ယွင်အတွက် အလုပ်အမှတ်များ လဲလှယ်‌ပေးရန် ဝန်ထမ်းတစ်ဦးကို တွေ့ရှိခဲ့သည်။ အလုပ်အမှတ်လဲလှယ်ခြင်းမှတ်တမ်းသည် လက်ရေးဖြင့်ရေးထားခြင်းမဟုတ်သော်လည်း ပင်ပုံနှိပ်စက်တစ်ခုဖြစ်သည်။ ၎င်း၏ ဘေးအနားသတ်တွင် အမှတ်အသားသေးလေးတစ်ခုလည်းပါရှိပြီး အတုအပ ဆန့်ကျင်ရေး အခန်းကဏ္ဍတွင် ပါ၀င်သည့်အရာလေးဖြစ်သည်။

ကျန့်ယွင်သည် သူ၏ယာယီနေထိုင်ခွင့်ကတ်ကို ပြန်ယူလာခဲ့သည်။ ယနေ့ရက်စွဲတွင် လဲလှယ်ခြင်းကော်လံတွင် အပိုအမှတ်သုံးထောင်ရှိနေလေ၏ ! 

“တကယ်လို့ တစ်ခုခုလိုအပ်ရင် မင်းဈေးကွက်နယ်မြေကိုသွာပြီး မင်းရဲ့အလုပ်အမှတ်တွေနဲ့ ပစ္စည်းတွေ၀ယ်နိုင်တယ်။ မင်းလဲလှယ်လို့မရတဲ့ပစ္စည်းရှိရင် ငါ့ဆီလာပြီးပြောပါ။ ငါမင်းကို ကူညီဖို့ အကောင်းဆုံး ကြိုးစားပေးမယ်။ တကယ်တော့ တပ်မမှူးကျန်းက မင်းကို တရား၀င် ID ကတ်ရဖို့ ကူညီပေးချင်ခဲ့တာ။ ကံမကောင်းစွာပဲ အခြေစိုက်စခန်းရဲ့ ဓာတ်အားထောက်ပံ့မှုက နည်းနည်းကျပ်တည်းနေသေးတယ်။ ID ကတ်လုပ်ဖို့က အချိန်ကြာအုံးမယ်။ ကျေးဇူးပြုပြီး နည်းနည်းလောက် စောင့်ပေးပါအုံး ”

ကျန့်ယွင်နှင့် စုရွေ့ကျယ်ကဲ့သို့ စွမ်းအားရှင်များအတွက် ကျန်းရွှီကျိုးသည် သူတို့အား ထွက်သွား ခွင့်ပြုရန် ဆန္ဒမရှိချေ။ သူသည် သူတို့အား တောင်ပိုင်းအခြေစိုက်စခန်းတွင် ယခုမှစ၍နေထိုင်နိုင်စေရန် တရားဝင်IDကတ်များ ပေးလိုသည်။

“အဆင်ပြေပါတယ်။ ကျွန်တော်တို့ အလျင်မလိုပါဘူး။ ကျွန်တော်တို့ကို အထူးအရေးပေးမှုမလိုပါဘူး။ ”

ကျန့်ယွင်ပြုံးလျက်ပြောလိုက်၏။ 

“ခင်ဗျားနဲ့ ဗိုလ်ချုပ်ကျန်းတို့က ကျွန်တော်တို့ကိုအများကြီး ကူညီပြီးပါပြီ ”

“ဟားဟားဟား၊ ငါတို့က အချင်းချင်းကူညီနေကြတာ၊ ငါတို့က အချင်းချင်းကူညီကြတာပဲ ”

တပ်ခွဲမှူးကျန်းသည် ဟက်ဟက်ပက်ပက်ရယ်မောလျက် သူ့ဘေးနားရှိ အရာရှိအား လက်ညှိုးထိုးပြရင် ပြောလိုက်၏။ 

“ဒါက စီမံခန့်ခွဲရေးစင်တာရဲ့ တာ၀န်ခံ ကောင်းလန်။ မင်းတစ်ခုခုလိုအပ်ရင် သူ့ကိုသာတိုက်ရိုက်သွားရှာနိုင်တယ် ”

“နိဟောင်၊ ကျွန်တော်က ကျန့်ယွင်ပါ”

“နိဟောင် ”

သူတို့သည် တစ်ယောက်နှင့်တစ်ယောက် ယဉ်ကျေးစွာ လက်ဆွဲနှုတ်ဆက်ကြလေ၏။ 

ထို့နောက်သူသည် တခြားအရာရှိတစ်ဦးအား ညွှန်ပြပြီး ပြောလိုက်၏။ 

“ဒါက ဥပဒေစိုးမိုးရေးတပ်ဖွဲ့ရဲ့ တာ၀န်ခံ ရွှီစစ်ဟန်။ တကယ်လို့ မင်းတို့ပြဿနာတစ်ခုခုဖြစ်ခဲ့ရင် သူ့ကိုရှာနိုင်တယ်”

“နိဟောင် ”

နှစ်ဘက်သည် လက်ဆွဲနှုတ်ဆက်လိုက်ကြ၏။ 

ဗိုလ်ချုပ်ကျန်း နဲ့ တပ်ခွဲမှူး ကျန်း တို့သည် တကယ်ကိုအကူအညီဖြစ်ခဲ့ကြ၏။ သူတို့သည် သူတို့အား အရေးကြီးသော ဌာနတော်တော်များများနှင့် သိကျွမ်းနားလည်အောင် ကူညီပေးခဲ့ကြပြီး သူတို့အတွက် လမ်းဖောက်ပေးခဲ့ကြသည်။ သူတို့နှစ်ယောက်စလုံးသည် ကျန့်ယွင် နဲ့ စုရွေ့ကျယ်တို့‌ ပေးခဲ့သော အကူအညီကို အမှတ်ရနေခဲ့ကြပါသည်။