Ch-8

Chapter-8

"မဟုတ်ဘူး၊ သူက ကျွန်တော့်ရဲ့ တတိယ​ညီနဲ့ လက်ထပ်ပြီးကတည်းက သူ့အကြောင်းမတွေးတော့တာ နှစ်တွေတောင်ကြာပြီလေ။" လီချန်ဖုန်းက ဝိုင်နောက်တစ်ခွက်ကို သောက်လိုက်သည်။ "သူတို့ အဆင်ပြေပြေနေနိုင်မယ်လို့ မျှော်လင့်တယ်။ ကျွန်တော် တခြားကိစ္စတွေကို ဘယ်လိုတွေးနိုင်မှာလဲဗျာ"

စစ်မှုထမ်းနေဆဲ ဒုတိယမြောက်နှစ်မှာ သူနဲ့ တံခါးမှမဖြတ်ရသေးတဲ့ စေ့စပ်သူဟောင်းက လက်ထပ်လိုက်ပြီဖြစ်ကြောင်း တတိယညီဆီက စာတစ်စောင်ရခဲ့သည်။ သူ့ကို ဒီလိုပြောပြတာရော ဘာကောင်းလို့လဲ? တစ်နှစ်ပတ်လုံး သူ့ကိုယ်သူ မအားမလပ်အလုပ်တွေရှုပ်အောင်နေခဲ့တယ်။ သူများတွေ မလုပ်ချင်တဲ့အလုပ်တွေ အားလုံးပါ လုပ်ခဲ့တာ။ အဲ့ဒီအကြောင်းတွေ သူ့ကိုယ်သူ မစဉ်းစားမိအောင် တားဆီးဖို့ပါပဲ။

တတိယမြောက်နှစ်တွင် သူက ဆက်လက်၍ အလုပ်ကြိုးစားခဲ့ပြီး တဖြည်းဖြည်း စိတ်ငြိမ်လာခဲ့သည်။ သူ့စိတ်နှလုံးအေးချမ်းမှုက သူ့ညီနဲ့ သူ့အရင်ချစ်သူဟောင်းကို စွန့်လွှတ်ပြီး ခွင့်လွှတ်လိုက်ပြီဆိုတာ သိလိုက်ရ၏။ နောက်နှစ်နှစ်လောက်ကြာတော့ ဘာစိတ်အနှောင့်အယှက်မှမရှိတော့ဘဲ ရွာကိုပြန်လာခဲ့တာဖြစ်သည်။ အဆိုးရွားဆုံးခံခဲ့ရတဲ့သူက ကောင်းမွန်စွာ ဆက်ဆံခံရခြင်းမရှိခဲ့ဘူး။ သူ၏တတိယ​ညီဖြစ်သူမှာ မိသားစုခွဲရန် ရန်ဖြစ်နေခဲ့ပြီး အကြောင်းရင်းကတော့ လီချန်ဖုန်းသည် ဝမ်လိအတွက် ခံစားချက်များရှိနေသေးတယ်လို့ သူခံစားခဲ့ရတာကြောင့်ဖြစ်တယ်တဲ့လေ။

သားသတ်သမားလျိုက သူလိုချင်တဲ့ အဖြေကိုကြားပြီး သူ့နှလုံးသားထဲမှာ ကျောက်တုံးကို လွတ်ချလိုက်၏။ သူက ဝိုင်ပုလင်းကိုယူပြီး လီချန်ဖုန်းရဲ့ ခွက်ကို ထပ်ဖြည့်လိုက်သည်။ ဝိုင်က အရမ်းမပြင်းတဲ့အတွက် သူတို့အရက်မူးသွားမှာကို မကြောက်ချေ။

"ငါ မင်းကို မဖုံးကွယ်ထားတော့ဘူး" သားသတ်သမားလျိုက သူ့လည်ပင်းကို ဆန့်တန်းပြီး သူ့မိန်းမရှိရာနေရာကို ကြည့်လိုက်သည်။ တစ်ယောက်မှမရှိဘူးဆိုတာကို သေချာသိပြီးနောက် သူက လီချန်ဖုန်းထံ ချဉ်းကပ်ပြီး ပြောလိုက်၏ "တစ်ယောက်ယောက်က မင်းရဲ့အဒေါ်လျိုကို မင်းက ခင်ပွန်းအဖြစ်လက်ခံလိုလားဆိုတာ လာမေးတယ်"

လီချန်ဖုန်းက ဒီလိုကိစ္စမျိုးဖြစ်မယ်လို့ တကယ်မမျှော်လင့်ထားခဲ့ဘူး "ကျွန်တော့်ကို? ခင်ပွန်းအဖြစ်ခေါ်ယူဖို့လား?"

"ဟုတ်တယ် မင်းဆန္ဒရှိလား။ စိတ်ဝင်စားရင် အဲဒီလူက ဘယ်သူလဲဆိုတာ ပြောပြမယ်။" သားသတ်သမားလျိုက နောက်ပြန်ဆုတ်သွားပြီး သူ့အရက်ကို တစ်ငုံသောက်လိုက်၏။

"ငါမင်းကို နည်းနည်းပြောမယ်။ ​ဘေးရွာက တစ်​​ယောက်​ပဲ"

လီချန်ဖုန်း အနည်းငယ် လှုပ်လှုပ်ရှားရှားဖြစ်သွားသည်။ သူ ဒီနှစ်ဆို ၂၅ နှစ်ရှိပြီ။ စစ်မှုမထမ်းမနေခဲ့ရရင် အိမ်ထောင်ကျပြီးနေလောက်ပြီ။

အသက် ၂၄နှစ်ပြည့်ပြီးသူ အမျိုးသားတစ်ယောက်သည် အစိုးရမှ သတ်မှတ်ပေးထားသောတွဲဖက်ကို လက်ခံရမည်။ စစ်မှုထမ်းပြီးကတည်းက သူ့မွေးရပ်မြေကို ပြန်ရောက်ပြီးနောက် နှစ်ဝက်လောက် လက်ထပ်ဖို့ နှောင့်နှေးနိုင်ပေသည်။ ထို့အပြင် အနီးနားရွာတွင် မည်သူမျှ သူတို့မိသားစုအရေးကို လုံးဝမပြောကြပေ။ သူ အေးအေးချမ်းချမ်းနေနိုင်မှ သူ့မိသားစုလည်း ပိုအဆင်ပြေမှာလေ။

"ကျွန်တော် ဆန္ဒရှိတယ်။ တစ်ဖက်က အဆင်ပြေရင် မိသားစုနဲ့ခွဲပြီးတာနဲ့ ကိစ္စတွေစတင်နိုင်မှာပါ"

"ဒါဆို အဲဒီလူအကြောင်း ဘာသိချင်တာလဲ။ ဟမ်? ဦးလေးနဲ့ တည့်တည့်ပဲပြော"

လီချန်ဖုန်းက ဘာကောင်းသလဲ ဘာဆိုးသလဲဆိုတာကို မသိတဲ့လူမဟုတ်သလို "ကျွန်တော်က မိုက်မဲတဲ့လူပါ။ ကျွန်တော် သိပ်မသိပါဘူး။ တခြားလူက အကျင့်စာရိတ္တကောင်းပြီး မပျင်းမရိဖြစ်နေသရွေ့။"

သားသတ်သမားလျိုက ရွှီချင်းရဲ့ မျက်နှာကိုတွေးပြီး "အသွင်အပြင်ကရော ဘယ်လိုလဲ။ လိုအပ်ချက်တွေရှိလား"

"မရှိဘူး!"

လီချန်ဖုန်း၏အဖြေသည် မြန်ဆန်လွန်းသဖြင့် သားသတ်သမားလျိုပင် မတုံ့ပြန်နိုင်ဖြစ်သွား၏။

လီချန်ဖုန်းက သားသတ်သမားလျို နားမလည်ဘူးလို့ ထင်ပြီး "သူတို့က သဘာဝအတိုင်း ကောင်းနေသရွေ့တော့ အရုပ်ဆိုးရင်တောင်မှ မင်းကို စိတ်သက်သာရာရစေလိမ့်မယ်။ ရုပ်ရည်ချောမောပေမဲ့ စိတ်ဓာတ်မကောင်းရင်တော့ ဘယ်ကောင်းပါ့မလဲဗျာ"

သားသတ်သမားလျိုဆီက နားထောင်ကြည့်ပြီးနောက် လီချန်ဖုန်းက ဤအရာသည် တကယ့်အကြောင်းအရင်းဖြစ်ကြောင်း ခံစားခဲ့ရသည်။ ဝမ်ကောအာသည် ရွာရှိ ရုပ်ရည်အကောင်းမွန်ဆုံးကောတွေထဲမှ တစ်ဦးဖြစ်သည်လေ၊ သို့သော် သူက...

"ငါပြောပြမယ်၊ ငါ သူ့ကို သိပါတယ်။ သူက ရက်ရောတဲ့သူလေးဖြစ်ပြီး သပ်သပ်ရပ်ရပ်နေတတ်ပေမယ့် သူ့မျက်နှာမှာ ဝက်ခြံတွေပေါက်နေတာ၊ ​​နည်းနည်းတော့ ဆိုးနေပေမယ့် တကယ်ကောင်းတဲ့သူတစ်ယောက်ပါ။ ဒီနှစ်မှာ အသက် ၂၀ရှိပြီဆိုပေမယ့် သူ့ရဲ့အနီဖုပိမ့်တွေကြောင့် အိမ်ထောင်မပြုရသေးဘူးလေ။ ပြီးတော့ မိသားစုထဲမှာ အကြီးအကဲတွေလည်းမရှိတော့ဘူးဆိုတော့ ထောက်ပံ့ဖို့ တယောက်ယောက်ကို ခေါ်ယူချင်နေတာကွာ"

"ဦးလေးလျိုက ရှင်းဖူရွာက ချင်းကောအာအကြောင်း ပြောနေတာလား။"

သားသတ်သမားလျိုက ထိတ်လန့်သွားပြီး "မင်းဘယ်လိုသိတုန်းကွ။ ဒါမှမဟုတ် သူများတွေ သူ့ကို ရုပ်ဆိုးဆိုးကောလို့ခေါ်တာ ကြားဖူးတာလား။”

လီချန်ဖုန်းက သူ့ခေါင်းကို ခါယမ်းလိုက်ပြီး "ကျွန်တော် သူ့ကို တစ်ခါမှ မတွေ့ဖူးပေမယ့် အိမ်မှာ ကျွန်တော့်ညီလေးဆီက ကြားဖူးတယ်" ထိုအချိန်က သူ့ရဲ့ညီငယ်အား အခြားသူများကဲ့သို့ သူများဂုဏ်သိက္ခာထိခိုက်စေသော စကားလုံးများ မပြန့်ပွားစေရန်လည်း သင်ကြားပေးခဲ့သည်။ သူသည် ထိုလူဖြစ်နေမည်ဟု မမျှော်လင့်ခဲ့ပေ။

"ဒါဆို မင်းဆန္ဒရှိသေးလား" သားသတ်သမားလျိုက စိတ်လှုပ်ရှားစွာမေးသည်။ ဒုတိယသားလီက မကျေမနပ်ဖြစ်ပြီး နောက်ပြန်ဆုတ်သွားမှာ မဟုတ်ဘူးမလား။

"ကျွန်တော်ဆန္ဒရှိပေမယ့် ကျွန်တော် သူ့ကို အမှားလုပ်မိလိမ့်မယ်။ မိသားစုနဲ့ခွဲရရင် ကျွန်တော့်မှာ စုဆောင်းငွေ သိပ်မရှိဘူးလေ"

"ဟေး အဲ့ဒါဘာကိစ္စရှိလို့လဲ။ ရိုးသားနေသရွေ့ မင်းဘဝက အနှေးနဲ့အမြန်ဆိုသလို ပိုကောင်းလာလိမ့်မယ်။"

ရွှီချင်းက မနက်ခင်းမှာ ဝက်ကလေးကို အစာကျွေးပြီး တောင်တွေဆီနောက်တခါသွားခါနီးမှာ အဒေါ်ရှဲ့ရောက်လာခဲ့၏။

"ဒီကိုလာခဲ့။ မင်းအတွက် တစ်စုံတစ်ယောက်ကို ငါတွေ့ပြီ။ သူက ငါတို့ဇာတိရွာရဲ့လီမိသားစုကပဲ။ သူ့နာမည်က လီချန်ဖုန်းတဲ့။ သူက ဒီနှစ် ၂၅ရှိပြီ။ အရင်က လက်ထပ်စာချုပ်ရှိခဲ့ပေမဲ့ စစ်မှုထမ်းခြင်းကြောင့် ဖျက်သိမ်းခံခဲ့ရတာ။ မင်းကျေနပ်တယ်ဆိုရင် ဆက်​ပြောပြမယ်။ မဟုတ်ရင်လဲ နောက်ဆက်ရှာလို့ရပါတယ်။ ငါအချိန်မဖြုန်းဘဲ နောက်တစ်ယောက်ကို ချက်ချင်းရှာလိုက်မယ်။" အဒေါ်ရှဲ့က ရွှီချင်းကိုကြည့်တယ်။ ဒါက ရွှီချင်းရဲ့ ကိုယ်ပိုင်ဘဝဖြစ်ရပ်ဖြစ်ပြီး သူကိုယ်တိုင် ဆုံးဖြတ်ရမှာပေါ့။ ရွှီချင်းသည် ခဏမျှစဉ်းစားလိုက်သည်။ အနီးနားရွာက သူတွေက မူလပိုင်ရှင်ကို မသိကြဘူး။ သူတို့သိခဲ့ရင်တောင် တစ်ယောက်နဲ့တစ်ယောက်ဝေးနေတာကြောင့် သိပ်အရေးမကြီးပေ။ အသက်အရွယ်အရတော့ အဆင်ပြေမယ်ထင်တာပဲ။ "ကောင်းပါတယ် ဒါဆို ကျွန်တော်တို့ ဆက်ပြောကြတာပေါ့"

အဒေါ်ရှဲ့က ချက်ချင်းပြုံးလာရင်း ပြောခဲ့သည် "သူက မိသားစုမှာ ဒုတိယမြောက်သား၊ သူ့မှာ အစ်ကိုကြီးတစ်ယောက်နှင့် ညီငယ်နှစ်ယောက်ရှိသည်။ အငယ်ဆုံးနဲ့ သူကိုယ်တိုင်ကလွဲရင် တခြားသူတွေ အိမ်ထောင်ကျပြီးသား။ သူလဲ မင်းရဲ့အခြေအနေကို နားထောင်ပြီး သု့မှာစုဆောင်းငွေအများကြီးမရှိတာကို မင်းမကြိုက်သရွေ့တော့ အဆင်ပြေမှာပါ"

ထိုစကားကိုကြားတော့ ရွှီချင်းအနည်းငယ် တုန်လှုပ်သွားသည်။ အဒေါ်ရှဲ့သည် ဘာ​လို့ လီချန်ဖုန်းက ရွှီချင်းကို ဒီလိုပြောလဲဆိုတဲ့အကြောင်းရင်းဖြစ်တဲ့ လီချန်ဖုန်းက သူ့မိသားစုနှင့်ခွဲမည့်အကြောင်းကို အမြန်ရှင်းပြခဲ့သည်။ နောက်ဆုံးတော့ နောင်တွင် နားလည်မှုလွဲမှားမည်ကိုစိုးရိမ်၍ ထိုသို့သောကိစ္စများကို ဖုံးကွယ်၍မရပေ။

"ကျွန်တော် သူ့ကို တိတ်တိတ်လေးကြည့်လို့ရမလား" အဒေါ်ရှဲ့၏ဖော်ပြချက်ကိုကြားပြီးနောက် ရွှီချင်းသည် လီချန်ဖုန်းကို အမြင်ကောင်းရှိခဲ့သော်လည်း သူ့မျက်လုံးနှင့်သူမြင်ချင်ဆဲပင်။

"မင်းသူ့ကိုတွေ့ချင်နေမယ်ဆိုတာ အဒေါ်သိသားပဲ။" အဒေါ်ရှဲ့က "ဒါဆို ငါ လီချန်ဖုန်းကို မနက်ဖြန်ကျရင် သားသတ်သမားလျိုအား ဝက်ကလေးတွေ စျေးဆီမောင်းခိုင်းစေလိုက်မယ်။ မနက်စောစော နောက်ဆုံးအကြိမ်တုန်းက ၀က်ကလေးဝယ်ခဲ့တဲ့လျိုရဲ့ဆိုင်နားကို သွားပြီး အဝေးကကြည့်ကြတာပေါ့။ မင်းသူ့ကိုကြိုက်ရင် လက်ထပ်ဖို့အတွက် အောင်သွယ်ကို တရားဝင်သွားခွင့်ပြုလိုက်ပေါ့၊ ပြီးရင် မင်းတို့နှစ်ယောက်လုံး ဆုံတွေ့နိုင်ပြီ"

အစဉ်အလာအရ လင်ခင်ပွန်းကိုခေါ်သွင်းယူရန်အတွက် ဇနီးမယားသည် အမျိုးသား၏အိမ်သို့သွားပြီး လက်ထပ်ခွင့်တောင်းမည့် အောင်သွယ်ကို ရှာရပေမည်။ အခြားသူတစ်ဦးမှ သဘောတူခွင့်ပြုပါက ၎င်းတို့နှစ်ဦးသည် သီးသန့်တွေ့ဆုံပြီး လက်ထပ်မည့်ရက်ကို ဆုံးဖြတ်နိုင်သည်။ ထိုနေ့ထူးနေ့မြတ်တွင် အမျိုးသားသည် မြည်း သို့မဟုတ် နွားလှည်းစီး၍ သတို့သား၀တ်စုံကို၀တ်ဆင်ကာ သတို့သမီး၏အိမ်သို့ သူကိုယ်တိုင်လာရောက်မည်ဖြစ်သည်။ ရိုးရိုးရှင်းရှင်း အခမ်းအနားပြီးရင်တော့ လုပ်ငန်းစဉ်ပြီးဆုံးပေမည်။

"ကောင်းပြီ။ ဒါဆို မနက်ဖြန်မနက် အဒေါ့်အိမ်ကို ကျွန်တော်လာခဲ့မယ်" ရွှီချင်းက တစ်ဖက်လူကို အခုလို အမြန်မြင်ရလို့ ကျေနပ်သွား၏။

"စကားမစပ်၊ ဒီမှာ မင်းပေးခဲ့တဲ့ အထည်စတွေနဲ့ ငါလုပ်ထားတဲ့အဝတ်တွေ။ ကြည့်ကောင်းအောင် မနက်ဖြန်ဝတ်ရမယ်နော်" အဒေါ်ရှဲ့သည် နောက်ဆုံးအကြိမ် စျေးသို့သွားသောအခါ ရွှီချင်းဝယ်ခဲ့တဲ့ အထည်စတွေနဲ့ ချုပ်ထားသည့်အဝတ်များကို ထုတ်ယူပြီး ရွှီချင်းအား ပေးလိုက်သည်။

ရွှီချင်းသည် သူ့ရှေ့တွင် သပ်သပ်ရပ်ရပ် ခေါက်ထားသော အဝတ်သုံးထည်ကြောင့် အံ့အားသင့်သွားကာ "ဒီလောက်တောင်မြန်တယ်? အဒေါ် ခဏစောင့်ဦး။" ရွှီချင်းက အခန်းထဲသို့ပြေးသွားပြီး နေရာလွတ်ထဲမှ ကြေးပြား ၄၅ပြားကို ထုတ်ယူလိုက်သည်။ ပိုက်ဆံတွေကို အဝတ်နဲ့ ထုပ်ထား၏။ အဒေါ်ရှဲ့က သူလုပ်ထားတဲ့အဝတ်အစားအတွက် ပေးချေတာကို လက်မခံရင် သူထွက်သွားခွင့်မပေးဘူး။

"ဒါက အဒေါ်ရဲ့လုပ်ခပဲလေ။ အဒေါ်မယူရင် ဒီဝတ်စုံတွေကို ကျွန်တော်ဝတ်မှာမဟုတ်ဘူးနော်။ နက်ဖြန်မှာ ဒီလိုလှပတဲ့အဝတ်အစားသစ်တွေကို မဝတ်တော့ဘဲ၊ လီချန်ဖုန်းက ကျွန်တော့်ကို မတော်တဆတွေ့သွားရင် လိုချင်မှာမဟုတ်တော့ဘူးနော်။"

"မဟုတ်တာတွေ!" အဒေါ်ရှဲ့သည် ရွှီချင်းလျှောက်ပြောနေတာတွေကို အမြန်ဟန့်တားလိုက်ပြီး သူ့ထံမှ ပိုက်ဆံကိုယူကာ ရွှီချင်း၏လက်မောင်းတွင်းသို့ အဝတ်တွေကို ထိုးထည့်လိုက်သည်။ "မနက်ဖြန် မနက်စောစောထဖို့ သတိရနော်။ အဒေါ် မင်းကိုစောင့်နေမယ်။"

"ကောင်းပါပြီဗျာ၊ ကျေးဇူးပါဗျာ၊ ကျေးဇူးပါ၊ ကျေးဇူးတင်ပါတယ်နော်။ မနက်ဖြန်တွေ့မယ်။"

အဒေါ်ရှဲ့ထွက်သွားပြီးနောက် ရွှီချင်းသည် အဝတ်သုံးထည်စလုံးကို ၀တ်ကြည့်ရင်း "ဟေး၊ ဒီအရည်အချင်းနဲ့တင် ​ဒီလူက သူ့အရင်ဘဝက အမျိုးသမီးတွေထက် ပိုဆိုးတာမဟုတ်ဘူး"

ရွှီချင်းသည် အဝတ်သစ်သုံးထည်ကို သပ်သပ်ရပ်ရပ်ခေါက်ပြီး ဗီရိုထဲတွင်ထည့်လိုက်သည်။ ဖာထေးထားသော ၀တ်စုံကိုထုတ်ကာ တောင်ပေါ်သို့သွားရန် ပြင်ဆင်သည်။ သူ့ဇနီးသည်ဖြစ်လာမဲ့သူက အိမ်ထောင်ရေးမှာ နစ်နာမှုတွေ အများကြီးမကြုံရဖို့အတွက် သူ တစ်ခုခုတော့လုပ်ရမယ်။ ငွေနည်းနည်းလောက်ရှာပြီး အနည်းဆုံးတော့ လှပတဲ့မင်္ဂလာပွဲလေးဖြစ်ရမယ်။

ဤတစ်ကြိမ်တွင် သူသည် ဆေးဖက်ဝင်ပစ္စည်းများကို အဓိကရှာဖွေရန် တောင်ပေါ်သွားခဲ့သည်။ ဆေးဖက်ဝင်ပစ္စည်းများ များလေလေ တန်ဖိုးကြီးလေဖြစ်သည်။

ရံဖန်ရံခါတော့ အချို့တိရိစ္ဆာန်ငယ်လေးတွေက သူ့ပတ်ဝန်းကျင်မှာ ခုန်ပေါက်နေသည်။ သူက သူတို့ကို မထိခိုက်စေဘူးဆိုတာကိုမြင်တော့ သူတို့ကမရှောင်ပုန်းကြတော့ပေမယ့် တိရိစ္ဆာန်တွေရဲ့ သဘောသဘာဝ​အရ  ရွှီချင်းနဲ့ ခပ်ဝေးဝေးမှာနေကြတုန်းပါပဲ။ ဘာပဲဖြစ်ဖြစ် အရင်က ဒီကိုရောက်တဲ့လူ တော်တော်နည်းလေ၏။ တောင်အတွင်းပိုင်းက နက်တဲ့အတွက် တိရစ္ဆာန်တွေရဲ့ အကြပ်အတည်းအာရုံက မပြင်းထန်ခဲ့ပေ။

ယခုတစ်ကြိမ် ရွှီချင်းသည် တောင်၏အစွန်အဖျားတစ်ဝိုက်တွင်သာမက တောနက်ကြီးဆီသို့ တည့်တည့်သွားခဲ့သည်။ ဒီနေရာမှာ ရှေးကျတဲ့သစ်ပင်အိုကြီးတွေ အများကြီးရှိလေသည်။ လမ်းမှာ ဝံပုလွေတွေနဲ့ ဝက်ဝံတွေနဲ့ ရံဖန်ရံခါတွေ့တဲ့အခါ သူ့နေရာလွတ်ထဲကို ဝင်ပြီး ပြန်ထွက်မလာခင် တစ်ဖက်က ထွက်သွားတာကို စောင့်ကြည့်နေခဲ့သည်။

သူသည် သွေးထွက်လွန်တာသက်သာစေတဲ့ပျိုးပင် သို့မဟုတ် အအေးမိခြင်းမှကာကွယ်နိုင်သည့် ပျိုးပင်များကို မတော်တဆတွေ့ရှိခဲ့သည်။ သူတို့ကို နေရာလွတ်ထဲ ရွှေ့ရမယ်။ ၎င်းတို့ကို ဂရုတစိုက် ပြုစုပျိုးထောင်ရမည်။ ဒါဆိုရင် နောင်အနာဂတ်မှာ ဤတောနက်ထဲသို့ ပြန်လာစရာမလိုတော့ပေ။ ၄င်းတို့ကို နေရာလွတ်ထဲတွင် ထိန်းသိမ်းထားခြင်းဖြင့် ၎င်းတို့ကို မလိုလားအပ်သော ဖော်ထုတ်ခံရခြင်းမှလည်း ကာကွယ်နိုင်ပေသည်။

"ဝါး၊ ကောင်းလိုက်တဲ့ဟာလေး" ရွှီချင်းသည် အလွန်အဖိုးတန်သော ဆေးဖက်ဝင်ပစ္စည်းတစ်ခုကို ရှာဖွေတွေ့ရှိခဲ့သည်။ အဲ့ဒါက အနည်းငယ်သေးငယ်တဲ့ အပွင့်တစ်ပွင့်ထဲရှိသည့် လင်ဇီးမှိုတစ်ခုပင်။ ၎င်းကို လင်ကျီးချောင်၊ ကျီးချောင်၊ ရှန်းချောင် သို့မဟုတ် ရွေ့ချောင်ဟုလည်း လူသိများကြသည်။ လင်ဇီးသည် မှိုတစ်မျိုးဖြစ်သည်။ အရောင်နှင့်တောက်ပမှုအပေါ်အခြေခံ၍ လင်ဇီးအမျိုးအစားခြောက်မျိုးရှိသည်။ အရောင်တွေအရ အနီ၊ အဝါ၊ အဖြူ၊ အစိမ်း၊ အနက်၊ ခရမ်းဆိုပြီး ၆မျိုးရှိသည့်အနက် ခရမ်းရောင်လင်ဇီးမှိုက အဖိုးတန်ဆုံးဖြစ်သည်။ အခုတွေ့တာကတော့ တန်ဖိုးအနိမ့်ဆုံးအမျိုးအစားဖြစ်ပေမဲ့လည်း စျေးကြီးတာပဲလေ။

"ဒီဟာကို ငါမရောင်းသင့်ဘူး။ သိမ်းထားတာပဲ ပိုကောင်းပါတယ်။" ဒီမြို့သေးသေးလေးမှာ ရောင်းရင်တောင် သူလိုချင်တာမရဘဲ အဝေဖန်ခံရမှာကို ကြောက်တယ်လေ။

နောက်ပိုင်းတွင် ရွှီချင်းသည် ကျောက်ကပ်ကို အာဟာရဖြည့်ပေးနိုင်သော၊ ချီနှင့်သွေးအားတို့ကို ဖြည့်တင်းပေးနိုင်သော၊ သရက်ရွက်နှင့် အစာအိမ်ကို အားကောင်းစေသည့် ဂျင်ဆင်းရိုင်းတစ်မျိုးကို တွေ့ရှိခဲ့သည်။ ဂျင်ဆင်းအမြစ်သည် သွေးတွင်းဇီဝဖြစ်စဉ်ကို ထိန်းသိမ်းရန်၊ ရောင်ရမ်းခြင်းကို လျှော့ချပေးကာ တက်ကြွမှုကို မြှင့်တင်ပေးပြီး နာကျင်မှုကို သက်သာစေသည့် ဂုဏ်သတ္တိများရှိသည်။ သူနည်းနည်းပဲသုံးရမယ်။ ၎င်းသည် အများပိုင်နေရာမှဖြစ်ပြီး အခမဲ့ဖြစ်လေသည်။

တောထဲက လတ်ဆတ်ပြီး နူးညံ့တဲ့ သမန်းမြက်ကိုလည်း သူခူးလိုက်သည်။ ကြီးမားသောဖန်းပင်က အပူကို လျှော့ချပေးပြီး အဆိပ်အတောက်များကို ဖယ်ရှားပေးသည့် ဂုဏ်သတ္တိရှိသည်။ ထို့အပြင် လွန်ခဲ့သောနှစ်ရက်က အသားစားထားသော ရွှီချင်းသည် သက်သတ်လွတ်ဟင်းလျာအချို့ကို စားချင်ခဲ့သည်။ အသားစားနိုင်ပေမယ့် သက်သတ်လွတ်စားချင်တယ်လို့ ညည်းညူနေတုန်း တောရိုင်းပင်တွေကို စားချင်စိတ်ပြင်းပြနေတဲ့ရွှီချင်းကို တခြားသူတွေသိသွားရင် သေတဲ့အထိ ကြိမ်းမောင်းခံရလိမ့်မည်။

ရွှီချင်း အိမ်ပြန်ရောက်သောအခါ ချက်ပြုတ်ရန် အလျင်စလိုမလုပ်ပေ။ အဲဒီအစား သူက နေရာလွတ်ထဲကို ဝင်သွားပြီး တောထဲ၌ တူးလာခဲ့တဲ့အပင်များအတွက် နေရာလွတ်ထဲမှ မြေကွက်ငယ်တစ်ခုကို ရွေးချယ်ခဲ့သည်။ စိုက်ပျိုးပြီးနောက် သူ့နေရာလွတ်ထဲမှ ထွက်လာခဲ့သည်။

အဲဒီညက သူ ရိုးရိုးညစာသာ စားလိုက်၏။

ထို့နောက် ရွှီချင်းသည် စမ်းရေကိုအသုံးပြု၍ ရေချိုးခေါင်းလျှော်ကာ မျက်နှာကို သန့်စင်ခဲ့သည်။ ဟုတ်တယ်လေ အမှန်ပဲ၊ စမ်းရေနဲ့ သူ့တစ်ကိုယ်လုံးကို ဆေးကြောလိုက်တာ။ ခဏအကြာတွင် သူ့ခန္ဓာကိုယ်သည် အလွန်ပေါ့ပါးသွားသလို ခံစားလိုက်ရသည်။ သူသက်တောင့်သက်သာရှိစွာ သက်ပြင်းချလိုက်ရင်း သူ့ပုံရိပ်ကို မြန်မြန်ဆန်ဆန် ပို၍ကောင်းအောင်လုပ်ဖို့ လိုတယ်လေ။ သို့မှသာ ဇနီးကောင်းတစ်ယောက်ကို သူရှာတွေ့နိုင်မည်ဖြစ်သည်။

အခု သူ့မျက်နှာပေါ်က ဝက်ခြံတွေကိုလုံးဝဂရုမစိုက်တော့ဘူး။ ၁၀ ရက်လောက်ကြာရင် သက်သာလာလိမ့်မယ်။

***