Chapter 114
ကြီးမာသော အစာစားချင်စိတ်
ကျန်းကျန့် ထိုဆိုင်ရှင်ကျူး၏ စကားကို နားထောင်ပြီး ရှန်းအန်ရှင်းကို အံ့အားသင့်စွာ ကြည့်လိုက်သည်။ သူနဲ့ စီးပွားရေးစကားပြောနေတဲ့သူက တကယ်တော့ ကော လား...
ကျန်းကျန့် ဂရုတစိုက်ကြည့်လိုက်သောအခါ ရှန်းအန်ရှင်း၏မျက်ခုံးကြားမှာ အမာရွတ်ရေးရေးရှိနေသည်ကို တွေ့လိုက်ရသည်။သူက ကျောက်ကျင်းကောကဲ့သို့ သူ၏ ဟင်္သာပြဒါးရိုင်းမှဲ့ကို ဖြတ်ထုတ်ထားခြင်းဖြစ်လောက်သော်လည်း ၎င်းကို ပိုဂရုစိုက်ထားကာ အမာရွတ်မှာ သတိထားမိခဲလှသည်။
"ကောတစ်ယောက်က ဘယ်လိုလုပ် စီးပွားရေးကောင်းတစ်ခုလုပ်နိုင်မှာလဲ"
ဆိုင်ရှင်ကျူးက ဆက်ပြောသည်။
"သခင်ကျန့်... ကျွန်တော့်ရှန်းမိသားစုမှာ ဆိုင်တွေ အများကြီးရှိပါတယ်...ပြီးတော့ ကျွန်တော်လည်း ငွေတချို့ ယူလာနိုင်ပါတယ်... "
စိတ်အားထက်သန်စွာပြောနေစဉ် ရှန်းအန်ရှင်း၏မျက်နှာ ဖြူဖျော့သွားခဲ့သည်။ လူတော်တော်များများက သူနှင့်စီးပွားရေးလုပ်ရန် ငြင်းဆိုကြပြီး တချို့က သူ့ကို အခွင့်ကောင်းယူချင်ကြသည်။ဝမ်လုံကုန်သည်လုပ်ငန်းစုမှ သူဌေးလေးက သူ့ကို လက်ထပ်ပြီး ရှန်းမိသားစု၏ ပိုင်ဆိုင်မှုကို သိမ်းပိုက်လိုခဲ့သည်. . .
ဤရက်ပိုင်းမှာ အခက်အခဲတွေ အများကြီး ကြုံထားသဖြင့် ယခုအချိန်မှာ သူတကယ်ကို စိုးရိမ်နေပြီး ကျန်းကျန့်က သူ့စကားကို ပြန်ရုတ်သိမ်းပြီး သူ့ကို မရောင်းမှာကို ကြောက်နေသည်။
"သခင်ကျန့်... ငါတို့ရဲ့ ဝမ်လုံကုန်သည်လုပ်ငန်းစုက သူ့ထက် ဈေးပိုပေးနိုင်ပါတယ်"
ဆိုင်ရှင်ကျူးက သေချာစွာ ပြောကြားခဲ့သည်။
စီးပွားရေးလုပ်ကိုင်နေသောယောကျာ်းအများအပြားသည် ကောများကို ခင်ပွန်းဖြစ်သူနှင့်အတူ အိမ်တွင်နေပြီး သားသမီးများကို ပြုစုပျိုးထောင်သင့်သည်ဟု တွေးကာ အထင်အမြင်သေး နှိမ့်ချကြသည်။ ဆိုင်ရှင်ကျူးက ပိုမိုမြင့်မားသောစျေးနှုန်းကို ကမ်းလှမ်းရန် ဆန္ဒရှိသောကြောင့် ရှန်းအန်ရှင်း လုပ်ငန်းကျိန်းသေ ကျရှုံးမည်မှာ သေချာလုနီးပါးဖြစ်သည်။
အနည်းငယ် စိတ်ဓာတ်မကျဘဲ သူမနေနိုင်ခဲ့။
"ကျုပ်က သူ့ကိုရောင်းဖို့ သဘောတူထားတယ်"
ကျန်းကျန့်က ရှန်းအန်ရှင်းကို လက်ညှိုးထိုးပြပြီး မမျှော်လင့်ထားသည့် ဆုံးဖြတ်ချက်တစ်ခုကို ချလိုက်သည်။ ဤလူက ကျောက်ကျင်းကောလိုမျိုး သူ့ဟင်္သာပြဒါးရိုင်းမှဲ့ဖြတ်ထုတ်ထားသောကြောင့် ကျန်းကျန့် သူ့အပေါ် မှာ အထင်အမြင်ကောင်းရှိခဲ့သည်။
ကျန်းကျန့်က ၎င်းကိုပြောပြီးသည်နှင့် ဆိုင်ရှင်ကျူး၏ မျက်နှာက မည်းမှောင်သွားသည်။
"ဆိုင်ရှင်ရှန်းက လူတွေကို လက်ချင်းထိပြီး ချိတ်တဲ့နေရာမှာ တော်ပါပေတယ်"
ဆိုင်ရှင်ကျူးက ရှန်းအန်ရှင်းကို စက်ဆုပ်ဖွယ်အကြည့်ဖြင့် ကြည့်ကာ လှည့်ထွက်သွားလေသည်။
ထိုဆိုင်ရှင်ကျူး ထွက်သွားသောအခါ ပြောသွားသောစကားကြောင့် ရှန်းအန်ရှင်း၏မျက်နှာမှာ အနည်းငယ်ရုပ်ဆိုးသွားခဲ့သည်။
သူက စီးပွားရေးကို ကောင်းမွန်စွာလုပ်ဆောင်ရန် ကြိုးစားနေသော်လည်း ထိုလူများက သူ့ကို ဤကဲ့သို့ အမြဲကြည့်နေကြသည်. . . မဟုတ်လျှင်လည်း သူတို့သည် သူ့ကို ဤနည်းဖြင့် မကြည့်ဘဲ ထိုကဲ့သို့သော စကားလုံးများနှင့် အပြုအမူများဖြင့် သူ့ကို တိုက်ခိုက်ရန် ဆန္ဒရှိကြသည်။
ကောများကလည်း ဇနီးနှင့် ကလေးယူနိုင်သော်လည်း ၎င်းတို့သည် ယောကျာ်းများထက် ပိုမိုဖိအားပေးခံရမည်ဖြစ်သည်။
ဆိုင်ရှင်ကျူးထွက်သွားပြီးနောက် အခြားကုန်သည်များသည် ဆိုင်ရှင်ကျူးကဲ့သို့ပင် အသီးသီးထွက်ခွာသွားကြသည်။ သူတို့ထွက်သွားသောအခါတွင် ရှန်းအန်ရှင်း၏ ပြုံးနေသယောင် ပုံသဏ္ဍာန်ကြောင့် ဒေါသဖြစ်သွားကြသည်။
သို့သော် ရှန်းအန်ရှင်းလည်း သူသည်းခံရုံသာတတ်နိုင်မှန်း သိသည်။
ကျန်သူများ ထွက်သွားသောအခါ ရှန်းအန်ရှင်းက ကျန်းကျန့်ကို ချက်ချင်း တောင်းပန်လိုက်သည်။
"သခင်ကျန်း ...ခင်ဗျားကို ဒုက္ခရောက်စေခဲ့တဲ့အတွက် ကျွန်တော် အနူးအညွတ် တောင်းပန်ပါတယ်"
"ရပါတယ်"
ကျန်းကျန့်က ထိုကိစ္စနှင့်ပတ်သတ်ပြီး အလွန်တည်ငြိမ်နေခဲ့သည်။
ဤကဲ့သိုသောအရာမျိုးက ရှောင်လွှဲ၍မရပေ။မော်ဒန်ခေတ်မှာပင် အမျိုးသမီးတွေ တော်တော်များများက ယခုလိုမျိုး ဖိနှိပ်ခံရ၏။ လှပသည့်အမျိုးသမီးတွေက သူတို့၏ခန္ဓာကိုယ်ကို စီးပွားရေးလုပ်ရန်အသုံးပြုသည်ဟုပင် တချို့က ထင်ကြသည်။ သို့ရာတွင်၊ ထိုကဲ့သို့ တွေးခေါ်သူသည် အင်မတန်ကို တန်ဖိုးမရှိဟု သူခံစားရသည်။ အမျိုးသမီးတွေက သူတို့မလုပ်နိုင်သော အရာကို လုပ်သည့်အခါ အမျိုးသမီးတွေကို တိုက်ခိုက်ကာ သူတို့၏ မနာလိုမှုနှင့် အရည်အချင်းမရှိမှုကို ပြသကြသည်။
ရှန်းအန်ရှင်း စိတ်သက်သာရာရပြီး တစ်ခုခုပြောချင်ပေမဲ့ ကျန်းကျန့်က ပြောလိုက်သည်။
"သခင်ရှန်း တခြားပစ္စည်းတွေကို ကြည့်ချင်လား"
"ဟုတ်ကဲ့"
ရှန်းအန်ရှင်းက ကျန်းကျန့်ကို ပြုံးပြလိုက်ရာ ပါးချိုင့်လေး ပေါ်လာပြန်သည်။
ရှန်းအန်ရှင်းက ငယ်စဉ်ကတည်းက ယောက်ျားတစ်ယောက်အဖြစ် ကြီးပြင်းလာခဲ့သည်။သူက ကောတစ်ယောက်ဖြစ်သော်လည်း သူ၏ အပြောအဆိုနှင့် အပြုအမူသည် ငယ်စဉ်ကတည်းက မိန်းကလေးကဲ့သို့ ၀တ်စားထားသူများနှင့် အတော်လေး ကွာခြားသည်။ သူ့အသွင်အပြင်က ယောက်ျားတွေနှင့်ပိုနီးစပ်၏။
ယောက်ျားလေးများကြားတွင် နူးညံ့သိမ်မွေ့သောကျောင်းတော်သား စာပေပညာရှင်အမျိုးအစားအဖြစ် သတ်မှတ်ခံရမည်ပြီး လူများစွာက နှစ်သက်ကြလိမ့်မည်ဟု မှန်းဆမိသည်။သို့သော်လည်း ကောတစ်ယောက်က ဤကဲ့သို့ဖြစ်နေခြင်းမှာ သေချာပေါက်ကြည့်မကောင်းပေငြား သူ ပြုံးလိုက်သောအခါတွင် အနည်းငယ် ဆွဲဆောင်မှုရှိပုံရလေသည်။
ထိုကြောင့် သူပြုံးပြီးသည်နှင့် အမြန်ရပ်ပြီး လေးနက်သည့်အမူအရာပြလိုက်သည်။
ကျန်းကျန့်က သူ့အတွေးငယ်လေးကို သတိမထားမိလိုက်ပေ။ အခြွေအရံများပါသော ထိုကုန်သည်များက အယောက်နှစ်ဆယ်ခန့်ရှိသောကြောင့် သူတို့ ကျောက်ကျင်းကောကို တစ်ဖက်သို့ တွန်းတိုးမိမည်ကို စိုးသဖြင့် အနားယူရန် အခန်းထဲသို့ လွှတ်လိုက်သည်။ ယခု ထိုလူတွေ ထွက်သွားသောအခါ သူက ကျောက်ကျင်းကောကို လှမ်းခေါ်လိုက်သည်။
"ကျင်းကော"
ကျန်းကျန့် လှမ်းအော်လိုက်သည်နှင့် ကျောက်ကျင်းကောက မဝေးသောအခန်းမှထွက်လာသည်။
ပထမတုန်းက သူလမ်းလျှောက်သည်က အနည်းငယ် မြန်ပေမဲ့ ကျန်းကျန့်က သူ့ကို စိုက်ကြည့်နေသည်ကို မြင်လိုက်ရသောအခါ သူ အရှိန်လျှော့သွားပြန်သည်။ကျန်းကျန့်က သူ့ကို အရမ်းကြီး မြန်မြန် လှုပ်ရှားခွင့်မပေးဘူး. . .
"ကျင်းကော ... ကိုယ်တို့ပစ္စည်းတွေကို ဒီကသခင်ကျန့်ကို ရောင်းလိုက်မယ်... အခုတော့ သူ့ကို ပစ္စည်းတွေကြည့်ဖို့ ခေါ်သွားကြမယ်"
ကျန်းကျန့်က ပြောလိုက်သည်။
"သခင်လေးရှန်း"
ကျောက်ကျင်းကော ဆွေကြီးမျိုးကြီးဖြစ်ဟန်ရှိသော ရှန်းအန်ရှင်းကို နှုတ်ဆက်ရင်း အနည်းငယ် တောင့်တင်းသွားသည်။
ရှန်းအန်ရှင်း၏ အကြည့်သည် ကျောက်ကျင်းကော၏ မျက်ခုံးများကို လွှမ်းခြုံသွားပြီး ကျန်းကျန့်ကို တအံ့တသြ ကြည့်နေလေသည်။
"သခင်ကျန်း...ဒါက ဘယ်သူလဲ"
"ဒါ ငါ့ဇနီးပါ"
ကျန်းကျန့်က ကျောက်ကျင်းကောကို မိတ်ဆက်ပေးပြီး ပြောလိုက်သည်။
"တခြားပစ္စည်းတွေက တခြားသင်္ဘောပေါ်မှာ ရှိနေပါတယ်...မင်းပေးတဲ့ဈေးမှန်ရင် မင်းကိုငါရောင်းမယ်"
ကျန်းကျန့် လူတွေကို လှေခါးဆီသို့ ဦးဆောင်ခေါ်သွားပြီး ရှန်းအန်ရှင်း သင်္ဘောခန်းတွင်းမှ ဦးစွာ တက်ခိုင်းပြီးမှ ကျောက်ကျင်းကောကိုတက်ခိုင်းသည်။
"ကျင်းကော သတိထား"
လှေခါးလေးတင်ကို . . .
ကျောက်ကျင်းကော တက်သွားလိုက်ပြီးနောက် ရှန်းအန်ရှင်းက သူ့ကို မော့ကြည့်နေသည်ကို တွေ့လိုက်ရသောအခါ ရှန်းအန်ရှင်းကို ရှက်ရွံ့စွာ ပြုံးပြလိုက်၏။
ရှန်းအန်ရှင်းက ကျောက်ကျင်းကောကိုပြန်ပြုံးပြသည်။ကျောက်ကျင်းကောက ကျန်းကျန့်၏ကောဖြစ်သောကြောင့် ဤတစ်ကြိမ်တွင် သူ့အပြုံးကို အမြန်ပြန်မရုပ်သိမ်းခဲ့ပါချေ။
ကျောက်ကျင်းကောကလည်း သူ၏ အပြုံးကို မကြည့်ဘဲ နေသည်မှာ အမှန်ပင် ဖြစ်၏။အကြောင်းမှာ ထိုအချိန်တွင် ကျောက်ကျင်းကော၏ မျက်လုံးများက သူ့နောက်လိုက်နေသော ကျန်းကျန့်ကို လုံးလုံးလျားလျား ကြည့်နေသောကြောင့်ပင်။
ကျန်းကျန့် သင်္ဘောခန်းတွင်းမှ တက်လိုက်သည်က မြန်လွန်းသဖြင့် ကျောက်ကျင်းကောက လမ်းပေါ်မှာ မိုးတိုးမတ်တပ်ရပ်နေဆဲဖြစ်လေရာ ကျန်းကျန့်က သူ့ကို ဆွဲကာနေရာချင်းလဲလိုက်သည်။သူက သင်္ဘော၏အပြင်ဘက်ခြမ်းတွင်ရပ်ပြီး ရှန်းအန်ရှင်းနှင့် မဝေးသော သင်္ဘောတစ်စင်းကို ညွှန်ပြလိုက်သည်။
"သခင်ရှန်း... အဲဒီသင်္ဘောပေါ်မှာ ကြွေထည်နဲ့ သစ်သားတချို့ရှိတယ်"
ထို့နောက် ကျန်းကျန့်က သူ့လူတွေကို ပြောလိုက်၏။
"ငါတို့ ဟိုကို သွားမယ်"
"ဟုတ်"
တစ်ယောက်ယောက်က ပြန်ဖြေပြီး အမြန်ပြေးသွားသည်။
ထိုသင်္ဘောနှစ်စင်းကြားတွင် လူများ ဖြတ်ကျော်သွားလာနိုင်သော ပျဥ်ပြားတစ်ခုရှိနေသည်ကို အဘယ်ကြောင့် ထိုပေါ်ကနေပဲ မကူးရသနည်း။ရှန်းအန်ရှင်း အနည်းငယ် အံ့သြသွားသည်။ ထို့နောက် ကျန်းကျန့်၏လူများက အကျယ်သုံးပေရှိသော သစ်သားပျဉ်ချပ်ကို အမြန်မလိုက်ပြီး သင်္ဘောနှစ်စင်းကြားတွင် ထားထားသည်ကို သူတွေ့လိုက်ရသည်။
မူလပျဉ်သည် အကျယ်ပေတစ်ပေခန့်သာရှိသော်လည်း သင်္ဘောသားများသည် ယင်းပေါ်တွင် လမ်းလျှောက်လေ့ရှိပြီး ဘာမှမခံစားရပေ။ ထိုကုန်သည်များပင် ထိုလမ်းပေါ်တွင် လမ်းလျှောက်လေ့ရှိကြသည်။ သို့သော် အချိန်အတော်ကြာ စီးပွားရေးလုပ်ရန် ထွက်လာပြီးနောက်၌ပင် ရှန်းအန်ရှင်းသည် အနည်းငယ် ကြောက်ရွံ့နေ ဆဲဖြစ်သောကြောင့် ဤအထူးကျယ်ဝန်းသော ပျဉ်ပြားကို မြင်လိုက်ရသည့်အခိုက်တွင် သူ အနည်းငယ် ပျော်ရွှင်သွားသည်။
ကျောက်ကျင်းကောလည်း ပျော်နေသော်လည်း အနည်းငယ် ရှက်သွားသည်။သူက ကျဉ်းမြောင်းသော ပျဥ်ပြားပေါ်တွင် ဘေးကင်းစွာ လျှောက်လှမ်းနိုင်မည်ဟု သေချာသော်လည်း ကျန်းကျန့်က လူများကို သူ့အတွက် ဤမျှလောက်ကျယ်သော ပျဉ်ပြားကို လုပ်ခိုင်းရန်ခေါင်းမာနေခဲ့သည်။
"ကျင်းကော သတိထားပါ"
ကျန်းကျန့် သူ့ကို ထပ်ပြောလိုက်သည်။ ပျဉ်ချပ်ကနေ မြစ်ထဲကို ပြုတ်ကျထားသည်ကို သူ့ကို စိတ်ပိုင်းဆိုင်ရာ အရိပ်တွေ ထားခဲ့၏။ သို့သော် သူက သူ မြစ်ထဲသို့ နောက်တစ်ကြိမ် ပြုတ်ကျမည်ကို မစိုးရိမ်ဘဲ ကျောက်ကျင်းကောမြစ်ထဲသို့ ပြုတ်ကျမည်ကို စိုးရိမ်ခဲ့ခြင်းဖြစ်သည်။
ကျန်းကျန့်က ကျောက်ကျင်းကော၏ နောက်သို့ အနည်းငယ် ဆုတ်သွားပြီး ကျောက်ကျင်းကေယ ပျဉ်ပြားပေါ်မှ ပြုတ်မကျအောင် ကာကွယ်ရန် ကျောက်ကျင်းကော၏ နောက်သို့ သူ့လက်ကို ဆန့်ထုတ်လိုက်သည်။
ရှန်းအန်ရှင်း သူ သူတို့နောက်ကို လိုက်သွားချိန်မှာ အမြဲ မျက်လုံးအနည်းငယ်ကျိမ်းသလို ခံစားရသည်။
ကျန်းကျန့်၏ကြွေထည်များသည် အကောင်းရော အဆိုးပါရှိသည်။ရှန်းအန်ရှင်းက အလွန်တတ်နိုင်သော မတူညီသည့်စျေးနှုန်းများပေးထားသည်။ သစ်သားနှင့်ပတ်သက်၍မူ—
"သခင်ကျန်းကို ရိုးရိုးသားသားပြောရရင်...ကျွန်တော်နာမည်အောက်မှာ သစ်ဆိုင်မရှိဘူး...ဒါကြောင့် ကျွန်တော်က ဒီသစ်သားဝယ်ပြီးရင် တခြားသူကို ပေးမှာ"
"ဘယ်ဈေးပေးမလဲ"
ကျန်းကျန့်က မေးလိုက်သည်။
ရှန်းအန်ရှင်း ပေးသောစျေးနှုန်းသည် ကျန့်ရီ ၏ဘဏ္ဍာစိုးပေးသောစျေးနှုန်းထက်ပိုမိုမြင့်မားနေဆဲဖြစ်သည်။သူက တိုက်ရိုက် စျေးခေါ်ပြီးဆိုသည်။
"ဒီမှာ တော်တော်ကောင်းတဲ့ သစ်သားတွေ ရှိတာပဲ"
"ကောင်းပြီ... ဒီဈေးနဲ့ရောင်းမယ်"
ဈေးနှုန်းမှန်သောကြောင့် ကျန်းကျန့်က သဘောတူလိုက်သည်။
ကျန်းကျန့်က ဒုက္ခများမည်ကိုကြောက်ကြောင်း ရှန်းအန်ရှင်းမြင်နေရပြီး အကယ်၍ သင်သည် သူနှင့် စီးပွားရေးလုပ်လိုပါက ရိုးသားရမည်ဖြစ်သည်။
ရှန်းအန်ရှင်း ကိုယ်တိုင်က ဈေးအလျှော့အတင်းလုပ်ရာမှာ သိပ်မတော်သည့်အတွက် သူချက်ချင်း ပိုပြီး စိတ်အေးလက်အေး ခံစားလိုက်ရသည်။သူက နောက်ထပ် အရာအချို့အတွက် ရိုးရိုးသားသားစျေးပေးခဲ့ပြီး ကျန်းကျန့်က သူတို့အားလုံးကို မဆိုင်းမတွ သဘောတူလိုက်သည်။ ငွေလွှဲပြီး နှစ်ရက်အကြာတွင် ကုန်ပစ္စည်းများ ပေးပို့ရန် နှစ်ဖက်လုံး သဘောတူခဲ့သည်။
"သခင်ကျန်း...သခင်ကျန်းကို အကူအညီတောင်းချင်တာ တစ်ခုရှိတယ်"
ရှန်းအန်ရှင်းက ထပ်ပြောသည်။
"ဘာကိစ္စလဲ"
ကျန်းကျန့်က မေးသည်။
"နှစ်ရက်အတွင်း သခင်ကျန်းက ရှန်း
မိသားစုဆီ လူတစ်ယောက်ကို ပို့ပေးနိုင်မလား"
ရှန်းအန်ရှင်းက မေးသည်။
"သခင်ကျန်းရဲ့လူတွေကို ပစ္စည်းတွေ ရွှေ့ဖို့ ကူညီပေးစရာ မလိုပါဘူး...ကျွန်တော့်အတွက် အဲဒါတွေကို စောင့်ကြည့်ပေး နေရုံပါပဲ"
အခြားကုန်သည်များမှာ အများဆုံး မနာလိုဒေါသထွက်ရုံဖြစ်ပြီး သူ့ စီးပွားရေးကို လုယက်ရန် စဉ်းစားလိမ့်မည်မဟုတ်သော်လည်း ဝမ်လုံကုန်သည်လုပ်ငန်းစုကမူ. . .
သူတို့သည် သူ့ကို အမှန်တကယ် ဘာမှ မလုပ်နိုင်ကြသော်လည်း၊ သူ့ကို ပြဿနာတချို့ပေးရန်ကမူ ပြဿနာ မဟုတ်ပေ။ လွန်ခဲ့သည့်တစ်နှစ်ခန့်က သူ့အဖေဆုံးပါးသွားပြီးနောက် ရှန်းမိသားစုမှ လူများစွာကို ဆွဲမသွားပြီး သူ့ကိုအလုပ်သမားမလုပ်လောက်ဖြစ်စေခဲ့သည်။
"ပြဿနာမရှိပါဘူး"
ကျန်းကျန့် ငွေနှင့် ပစ္စည်းများကို ရွှေ့ပြောင်းပေးမည်ဟု ကတိပေးခဲ့သည်။မည်သို့ပင်ဖြစ်စေ သူက စောင့်ကြည့်ရန် တစ်ယောက်ယောက်ကို လွှတ်ဖို့ စီစဉ်နေသည်ဖြစ်ရာ ယခုက နောက်ထပ် လူအနည်းငယ်ကို ပို့ရမည့် ကိစ္စမျှသာဖြစ်သည်။
ရှန်းအန်ရှင်း ထပ်ပြုံးချင်သော်လည်း ထိန်းထားလိုက်သည်။
"သခင်ကျန်း ...ဒီဆိပ်ကမ်းနားမှာ စားသောက်ဆိုင်ကောင်းကောင်းရှိတယ်...ကျွန်တော်က ပိုင်ရှင်ပါ...သခင်ကျန်းကို ဝိုင်သောက်ဖို့ ဖိတ်ခေါ်ချင်ပါတယ်"
ရှန်းအန်ရှင်း ယခင်က ထိုကဲ့သို့သော အဆိုပြုချက်ကို ရှေ့မတိုးခဲ့ပေ။ သူသည် ယခင်က စီးပွားရေးတစ်ခုလုပ်ခဲ့ပြီး လူတွေကို အရက်သောက်ဖိတ်ရန် အခြားသူများထံမှ သင်ယူခဲ့သော်လည်း ဖိတ်ခေါ်သူများ၏ စော်ကားခြင်းကို ခံခဲ့ရသည်။ အရက်သောက်ဖို့ ဖိတ်ရင် သူတို့ကို သဘောကျနေတယ်လို့ ယောက်ျားတွေက တွေးကြတယ်...
ရှန်းအန်ရှင်း အလားတူအခြေအနေဆိုးတစ်ခုထက်မက ကြုံတွေ့ခဲ့ရပြီး လုပ်ငန်းပြင်ပမှလူများနှင့် အဆက်အသွယ်ရရန် အချိန်အတော်ကြာအောင် မပျော်မရွှင်ဖြစ်ခဲ့ရသည်။
သို့ပေမဲ့ ကျန်းကျန့်က မတူပါချေ။ သူ့ဘေးမှာ ကျောက်ကျင်းကော ရှိနေသေးသဖြင့် ရှန်းအန်ရှင်း ဖိတ်ခေါ်လိုက်ခြင်းဖြစ်သည်။
ဤအလုပ်တွေအကုန်ပြီးသွားပြီးနောက် နေ့လည်စာစားချိန်က ကုန်သွားပြီဖြစ်သဖြင့် ကျောက်ကျင်းကော ဗိုက်ဆာနေပေလိမ့်မည်။ သို့သော် သင်္ဘောပေါ်ရှိ အစားအသောက်က အဆင်မပြေသဖြင့် ကျန့်ရီ၏အိမ်သို့ ပြန်သွားရန် အချိန်ယူရဦးမည်ဖြစ်သည်. . . ထို့ကြောင့် ကျန်းကျန့် ခေါင်းညိတ်ကာ ရှန်းအန်ရှင်း၏ ဖိတ်ကြားချက်ကို သဘောတူလိုက်သည်။
ဤနေရာရှိ ဆိပ်ကမ်းများအနီးတွင် ကုန်သည်များ အများအပြား လာရောက်လည်ပတ်နေကြသောကြောင့် ဤနေရာတွင် စားသောက်ဆိုင်များသည် ဟယ်ချောင်စီရင်စုရှိ စားသောက်ဆိုင်များထက်ပင် ကြီးမားသည်။
ရှန်းအန်ရှင်း စားသောက်ဆိုင်သို့ လမ်းလျှောက်လာပြီးနောက် မေးလိုက်သည်။
"ခင်ဗျားတို့နှစ်ယောက်မှာ ရှောင်ချင်တဲ့ တစ်ခုခုရှိလား"
"မရှိဘူး"
ကျန်းကျန့်က ပြောလိုက်၏။
"ငါ ကြက်စွပ်ပြုတ် လိုချင်တယ်...ကျင်းကော ကြိုက်တယ်"
နှစ်တစ်နှစ်၏ဤအချိန်တွင်ကြက်များကို အကုန် လွတ်လွတ်လပ်လပ် လွှတ်ပေးထားကြသည်။ ယေဘုယျအားဖြင့်အသားသည်အနည်းငယ်ရင့်သည်။သို့ပေမဲ့ ကြက်စွပ်ပြုတ်၏ အရသာက ပိုကောင်းမလာနိုင်ပါချေ။ကျောက်ကျင်းကောက ကြက်စွပ်ပြုတ်ကို အလွန် ကြိုက်သည်။
လက်ရှိအချိန်တွင် ကြက်စွပ်ပြုတ်သည် အဆီမများသည့်အပြင် သဘာဝအတိုင်း ညစ်ညမ်းမှုကင်းစင်သောကြောင့် ကျန်းကျန့် သူ့အား သူ့စိတ်အတိုင်း သောက်ခွင့်ပေးလိုက်သည်။
ရှန်းအန်ရှင်းက ကြက်စွပ်ပြုတ်၊ ဘဲကင်နှင့်အသီးအရွက်ကြော်အချို့ကို မှာယူခဲ့သည်။ အဓိက ဟင်းလျာက ဘဲစွပ်ပြုတ်ခေါက်ဆွဲဖြစ်သည်။ သူက ဝိုင်တစ်ကရားလည်း မှာချင်ပေမဲ့ ကျန်းကျန့်က ငြင်းလိုက်သည်။
ကျန်းကျန့်က အရက်သောက်ရသည်ကို မကြိုက်ပေ၊ လောလောဆယ် သူလည်း ဗိုက်ဆာနေပြီဖြစ်သည်ကို မဆိုထားနှင့်. . . သူ အခုချက်ချင်းကို အစားကောင်းကောင်းတစ်နပ် စားချင်နေပြီဖြစ်သည်. . . ဘဲစွတ်ပြုတ်ခေါက်ဆွဲက တည်ခင်းရန် ခဏကြာမည်ဆိုသည်ကို သိလိုက်ရသောအခါ ကျန်းကျန့် ရိုးရိုးရှင်းရှင်းပဲ နောက်ထပ် ဘန်းမုန့်ပေါင်းလေးခုကို မှာလိုက်၏။
ကြက်စွပ်ပြုတ်က ပထမဆုံး တည်ခင်းသည့်ဟင်းလျာဖြစ်သည့် အရင်ကတည်းက တည်ထားခြင်းဖြစ်မည်ဟု သူမှန်းဆမိသည်။
ကြက်အကောင်တခြမ်းကို မြေအိုးတစ်လုံးထဲတွင် ထည့်ထားသောကြောင့် အောက်ခြေမှာ ကြွပ်ဆတ်နေပြီး ၎င်းပေါ်တွင် အနီရောင်ဂိုချီဘယ်ရီများလည်း ပေါ်လောပေါ်နေသဖြင့် ၎င်းကို အထူးကောင်းမွန်ပုံပေါက်စေသည်။
ကျန်းကျန့် ကျောက်ကျင်းကောအတွက် စွပ်ပြုတ်တစ်ပန်းကန်ကို လှမ်းခပ်ယူလိုက်ပြီး ကျောက်ကျင်းကော၏ ပန်းကန်ထဲသို့ ကြက်ပေါင်ထည့်လိုက်သည်။
ကြက်သားကို အချိန်အကြာကြီး ပြုတ်ထားတာကြောင့် ကြက်စွပ်ပြုတ်ရည်က အထူးအရသာရှိပေမဲ့ ကြက်သားကိုယ်၌ကမူ အရသာမရှိပါချေ။ရှန်းအန်ရှင်းက အနည်းငယ် ဇီဇာကြောင်သူဖြစ်ပြီး အခြေခံအားဖြင့် ဟင်းရည်ကိုသာ သောက်ပြီး အသားကို မထိဘဲ ထားခဲ့သည်။သို့ပေမဲ့ ကျောက်ကျင်းကောကမူ ကြက်သားကို လုံးဝမကြိုက်မဖြစ်ပါချေ။
ကြက်စွပ်ပြုတ်သောက်ရသည်ကို သူ ကြိုက်ပေမဲ့ ကြက်စွပ်ပြုတ်မှာ အရေးအကြီးဆုံးက ကြက်သားစားခြင်းဟု သူထင်၏။
"ဒါဘာလဲ"
ကျောက်ကျင်းကောက ဂိုချီဘယ်ရီကို လက်ညှိုးထိုးပြပြီး ကျန်းကျန့်ကို မေးသည်။
"ဒါက ဂိုချီဘယ်ရီ...ဒါ စားတာက ကျန်းမာရေးအတွက် ကောင်းတယ်"
ကျန်းကျန့်ကဆိုလိုက်သည်။
ထိုအချိန်တွင်၊ ကြော်ထားသော ဟင်းအမယ်များစွာကို သယ်ဆောင်လာခဲ့ပြီး အချို့မှာ ကျောက်ကျင်းကော မသိသောအရာများဖြစ်သောကြောင့် ကျန်းကျန့်က ၎င်းတို့အား တစ်ခုပြီးတစ်ခုမိတ်ဆက်ပေးခဲ့သည်။
ကျောက်ကျင်းကောက ဟင်းတိုင်းကို မြည်းစမ်းပြီး ဘန်းမုန့်ပေါင်းနှစ်ခုကို စားခဲ့သည်။ ဘဲစွပ်ပြုတ်ခေါက်ဆွဲကို ချပြီးနောက် ဘဲသားခေါက်ဆွဲ နောက်ထပ်တစ်ပန်းကန် စားလိုက်သည်။ရှန်းအန်ရှင်းက ကြက်သား မကြိုက်ကြောင်း သိရှိပြီးနောက်တွင် သူက သူ၏ ကြက်အကောင်တစ်ခြမ်းကို ဆယ်စားခဲ့သည်။
