Mr.J' pov : 1

Mr.Jတစ်ယောက်  . . အခန်းတံခါးနားကပ်ကာ အပြင်ဘက်က အသံကို နားစွင့်လိုက် . .  နာရီကို ကြည့်လိုက် . . တံခါးလေးကို အသာဟကြည့်လိုက်နဲ့  . .  ယောက်ယက်ခတ်နေတာက မနက်ခင်းတိုင်း သူဖြစ်နေကျအရာပင်  . . . 

"ဒီနေ့လည်း အိပ်ရာထ နောက်ကျပြန်ပြီနဲ့ ထင်တယ် . အခုထိ ထွက်မလာသေးဘူး . . ပြီးရင် ခြေထောက်တိုတိုလေးတွေနဲ့  . . ကားမှတ်တိုင်ကို အပြေးသွားအုန်းမှာ . . မြင်ယောင်နေမိပြီ  . ."

Mr.J တံခါးမှာ မှီရင်း ရေရွတ်လိုက်ပြီးမှ ရုံးဝတ်စုံလေးနဲ့အတူ ကားမှတ်တိုင်ဆီ လုံးလုံး လုံးလုံးနဲ့ အမြန်သွားနေမဲ့ပုံကို မြင်ယောင်မိကာ  . . 

"ah!!!!!! သူရဲ့ အဲလိုပုံလေး တွေးကြည့်မိရုံနဲ့  တင်  အသည်းယားလို့ သေတော့တယ်"

Mr.J အသည်းယားလာတာကြောင့် သူမျက်နှာသူအုပ်ကာ ခုန်ဆွ ခုန်ဆွ လုပ်နေတုန်း  . . . အပြင်ဘက်ကနေ တံခါးဖွင့်သံနဲ့အတူ လှုပ်ရှားမှု ကြားလိုက်တာကြောင့် . .  အဝတ်အစားတွေ ဆံပင်တွေကို သပ်သပ်ရပ်ရပ် ဖြစ်အောင် ပြင်ပြီး  အခန်းတံခါး ဖွင့်ကာ ထွက်လိုက်တော့  . .   

မျက်နှာချင်းဆိုင်ဘက်က အခန်းတံခါးကို သော့ခတ်နေတဲ့ပုံရိပ်လေး  . . . 

ထိုကောင်လေးက စစတွေ့ဆုံခြင်းတည်းက  . .  ကျွန်တော်အသည်းကို ခိုးသွားတဲ့ Mr.Kဆိုတဲ့ ကောင်လေးပေါ့ဗျာ . . . . . 

"Good Morning "

ဒီကို ပြောင်းလာတည်းက နှုတ်ဆက်နေကျတဲ့အတိုင်း  . . . . .  နှုတ်ဆက်လိုက်ပြန်တော့  . . ပြန်ရလာတာက အသိအမှတ်ပြုတဲ့ အပြုံးလေးတစ်ခုနဲ့အတူ ခေါင်းညိတ်ပြဟန်လေး 

အဲလို အပြုံးလေးပဲဖြစ်ဖြစ် သူဆီက အာရုံစိုက်မှုလေးကို . . ရရင်ကို ဒီကောင်ကကျေနပ်နေပါပြီ ~~ 

နာရီကို ငုံ့ကြည့်ကာ . . . ခေါင်းတစ်ချက်ကုတ်ပြီး တိုက်လှေကားပေါ်ကနေ  . . ခပ်သွက်သွက် ပြေးဆင်းသွားပြန်တဲ့ ကောင်လေးကြောင့်  . . . Mr.Jတစ်ချက် ပြုံးလိုက်မိ၏။

* ထင်တဲ့အတိုင်းပဲ . . အလုပ်နောက်ကျမှာစိုးလို့  . . . ပြေးနေပြန်ပြီ* 

ကားမှတ်တိုင်ကို သွားနေတဲ့ လမ်းတလျှောက်  . . ရှေ့ကနေ ခပ်သွက်သွက် လျှောက်နေတဲ့ ကောင်လေးနောက်ကို သုံးလေးလှမ်း အကွာကနေပဲ . . . အသာလေး လိုက်ပါနေခဲ့တယ် 

> အခုလို မနီးမဝေးကနေ အမြဲလိုက်ပါပြီး  သူ့နောက်ကျောလေးကို ငေးကြည့်နေရုံနဲ့တင် . . ကျွန်တော် နှလုံးခုန်သံတွေ တားဆီးမရတော့ဘူး . . မျက်စိချင်း အကြည့်ချင်းသာ ဆုံပြီး စကားသာ ပြောဖြစ်ရင်  . . ကျွန်တော် ဘယ်လိုများ ဖြစ်နေလောက်မလဲ  . . < 

"Mr.J မနက်စောကြီး ဘယ်သွားမလို့လဲ" 

လမ်းမှာ တွေ့တဲ့ အဒေါ်ကြီးတစ်ယောက်က နှုတ်ဆက်စကား လာပြောတော့  . . . 

"ဟုတ်.. ကျွန်တော် သွားစရာလေး ရှိလို့ပါ  . . အဒေါ်ကြီးကရော ဈေးကနေတောင် ပြန်လာပြီလား" 

နဂိုတည်းက social ကောင်းတဲ့ အကျင့်လေးကြောင့် လူချစ်လူခင် ပေါတာ မဆန်းပါဘူးနော်  . . ဒါပေမဲ့ ကျွန်တော်ချစ်ရတဲ့ ကောင်လေးက  .   အဲလို မဟုတ်ဘူး . . ကျောက်ရုပ်လေး အတိုင်းပဲ  . . အေးတိအေးစက်လေးနဲ့ဗျာ

သူနဲ့တရားဝင်ချစ်သူ ဖြစ်ရင်တော့  . . သူ့အသံလေး ကြားရအောင် ကျွန်တော်နာမည်ကို အချိန်ရှိသရွေ့ ခေါ်ခိုင်းအုန်းမှ.. ဟဲဟဲ ကျွန်တော်က အဲလိုစိတ်ကူးနဲ့တင် အရူးရင့်နေသူ ဖြစ်နေပြီ  . . . 

အဒေါ်ကြီးကို Mr.J စကား ပြန်ပြောနေရင်း တဖြည်းဖြည်း ဝေးသွားတဲ့ ကျောပြင်သေးသေးလေးကို ကြည့်ရင်း Mr.J မနေနိုင် ဖြစ်လာခဲ့တယ်

*သူ အဝေးကြီး ရောက်နေပြီဟ . . တော်ကြာ ကားအတူတူ လိုက်မစီးလိုက်ရရင် ဒုက္ခပဲ * 

အဒေါ်ကြီးကို အမြန်နှုတ်ဆက်ကာ Mr.J ကားမှတ်တိုင်ဆီကို ခြေကုန်သုတ် ပြေးရတော့၏။. . . 

ဟော . . မြင်ရပါပြီ  . . ကားပေါ် တက်ဖို့ ပြင်နေတဲ့ သူကို  . . . .  

*ကျေးဇူးပြုပြီး  .   ကားဆရာကြီးရေ ကားမောင်း မထွက်သွားပါနဲ့အုန်း* 

ဆုတောင်းပြည့်တယ်ပဲ ပြောရမလား  . .ကားပေါ်ရောက်မှသာ  မှတ်တိုင်ကနေ ကားထွက်လာခဲ့တယ်  . . 

ကားပေါ်ရောက်တာနဲ့ . . ကောင်လေးကို Mr.Jလိုက်ရှာကာ အနားမှာ သွားရပ်လိုက်ပြီးး  . . . 

"ကားကို စောင့်နေပေးခိုင်းလို့ . . ကျေးဇူးပဲနော်"

ကျွန်တော် ကျေးဇူးတင်စကား ပြောလိုက်တော့ အံသြသွားတာကို မျက်နှာမှာ တွေ့လိုက်ရသည်

သူ ကားပေါ် တက်ခါနီး ကျွန်တော် ပြေးလာတဲ့ဘက်ကို လှည့်ကြည့်ပြီး ကားဆရာဦးလေးကြီးကို တစ်ခုခု ပြောလိုက်တာ ကျွန်တော် လှမ်းမြင်လိုက်တယ်လေ  . . . 

ဆင်းနေကျ မှတ်တိုင်ရောက်တော့ သူဆင်းသွားတဲ့အထိ ကျွန်တော် လိုက်ကြည့်နေမိတုန်း. . . ကျွန်တော်ရှိရာဘက်ကို လှည့်ကြည့်လာတဲ့ သူကြောင့် အလိုလို လက်တွေက မြောက်ယမ်းပြပြီးသား ဖြစ်သွားတယ်  . . . 

ကဲ  . . အခု ကျွန်တော် ဆင်းရမဲ့ မှတ်တိုင်က ရှေ့မှတ်တိုင်ပဲ  . . . ပြီးရင် 

တစ်ဖက် ကားလမ်းကူးပြီး အိမ်ပြန်ရမယ်လေ  . . ဘာလို့လဲဆိုတော့  . . သူကို အလုပ်လိုက်ပို့ရမဲ့ ကျွန်တော် တာဝန် ပြီးဆုံးသွားပြီမို့လေ. . . . 

################################