Mr.K' pov: 2

"Mr.K မင်း အလုပ်ကို ဘယ်လိုတွေ လုပ်နေတာလဲ ဒီနေ့ အပြီးတင်ရမယ်ဆိုတာ ငါပြောထားပြီသားလေ "

"ကျွန်တော် တောင်းပန်ပါတယ်  . . မနေ့က အလုပ်ဆင်းတော့ fileကို သေချာ မ saveခဲ့မိလို့ပါ ' 

"အလုပ်သေချာ မလုပ်တဲ့သူတွေက ဒီလိုပဲ ဆင်ခြင်ပေးနေကျ  . . ဒီနေ့အတွင်း အဲစာရင်းအကုန် ပြန်လုပ်ထားပါ . . မနက်ဖြန် ဒီစားပွဲမှာ အားလုံးရောက်နေတာပဲ  . မြင်ချင်တယ်" 

"ဟုတ်ကဲ့ပါ ဌာနမှူး" 

Mr.K  ဦးညွှတ်ပြီး နှုတ်ဆက်ကာ အခန်းထဲက ထွက်သွားဖို့ လုပ်တော့ အနောက်ဘက်ကနေ 

'အလုပ်ကျတော့ သေချာမလုပ်ကြဘူး  . . အချိန်တန်ရင်တော့ လစာရတာပဲဆိုပြီး. . အားနေ အချောင်ခိုဖို့ပဲ တွေးနေကြတာ' 

ဆိုသော စကားကြောင့် တံခါးလက်ကိုင်ကို အကြောတွေ ထောင်တဲ့အထိ တင်းနေအောင် ဆုပ်ကိုင်လိုက်မိပေမဲ့ ဒီတစ်ခေါက်က ကိုယ့်အမှားဖြစ်နေခဲ့တာမို့ လျစ်လျူရှုလိုက်ကာ ထွက်လာခဲ့လိုက်သည်. . 

လူဆိုတာမျိုးက အထက်ရောက်ရင် နိုင်စား လုပ်ချင်နေတဲ့သူက ခပ်များများပဲလေ 

ကူညီပေးတတ်တဲ့သူမျိုးက တကယ်ကိုရှားပါးပစ္စည်းပဲ . .   

နေ့လည်စာ စားဖို့အချိန်ရောက်နေပေမဲ့. . 

သုံးပုံ တစ်ပုံခန့်သာ ပြီးသေးတဲ့ စာရင်းတွေကို ကြည့်ရင်း Mr.K သက်ပြင်းချကာ 

"နေ့လည်စာကတော့ ပေါင်မုန့်နဲ့ငါ ညားပြီပဲ"

အသင့်ဝယ်ထားတဲ့ ပဲပေါင်မုန့်ကို အိတ်ထဲက ထုတ်ကာ ရေရွတ်လိုက်တယ်  . . . 

ပေါင်မုန့်ကို ပါးစပ်မှာ ကိုက်လိုက်  . . ကွန်ပျူတာမှာ စာရိုက်လိုက်နဲ့  . .  

တရွေ့ရွေ့ သွားနေတဲ့ နာရီလက်တံတွေ ရှေ့သို့ ခရီးဆက်နေတာ . . . မနားတမ်းပဲ  . . . 

နောက်ဆုံး အားလုံးပြီးသွားချိန်မှာ saveဆိုတဲ့ ခလုတ်ကို သေချာနိုပ်လိုက်ပြီးမှ 

'Yo!!!!! ပြီးပြီကွ  . . မနက်ကျရင် ဟိုဝက်ပုတ် ဌာနမှူးမျက်နှာကို ဟောဒီမှာ စာရင်းဆိုပြီး ပေါက်ပြလိုက်အုန်းမယ်..ဟင်းဟင်း  ' 

နာရီကို ကြည့်လိုက်တော့ ညကိုးနာရီခွဲနေပြီ ရုံးခန်းထဲမှာလည်း သူတစ်ယောက်တည်းသာ ကျန်နေတော့သည် ။ 

"တော်သေးတာပေါ့ နောက်ဆုံး ဘတ်စ်ကားချိန် မှီသေးလို့ "

လက်ကိုင်အိတ်လေး ဆွဲကိုင်ပြီး ရုံးထဲက ထွက်လာတာနဲ့ ပြင်ပက အေးစိမ့်လှတဲ့ လေအေးတွေ တိုးဝင်လာတာကြောင့် လက်မောင်းနှစ်ဖက်ကို ပွတ်ကာ 

"အေးနေတာပဲ . . မိုးရွာတော့မဲ့ အငွေ့အသက်တွေ ရနေတယ် . . အိမ်မရောက်ခင်အထိတော့ မရွာနဲ့အုန်းကွာ" 

ဆုတောင်းလိုက်ပေမဲ့ ဆုတောင်းလေးသည် မပြည့်ဝလိုက်ပါ ။ 

ကားမှန်ကို မှီကာ တရွေ့ရွေ့ သွားနေတဲ့ ကားရဲ့နောက်မှာ ကျန်နေခဲ့တဲ့ အဆောက်အအုံတွေ သစ်ပင်လေးတွေကို ငေးကြည့်နေတုန်း  . .   

ကားမှန်ကို ရိုက်ခတ်လာတဲ့ မိုးစက်လေးတွေကြောင့်  . . . kyung soo ကောင်းကင်ကို မော့ကြည့်လိုက်ကာ 

"ခဏလောက်ဖြစ်ဖြစ် အောင့်အည်းပေးတာ မဟုတ်ဘူး အခုတော့ ထီးမပါတဲ့ငါက မိုးရေထဲမှာ ကြွက်စုတ်ဖြစ်တော့မှာပဲ "

ရေငွေ့တွေကြောင့် မှုန်ဝါးနေတဲ့ မှန်မှာ အသည်းတစ်ခြမ်းပုံ ဆွဲကာ 

*ငါရော ဘယ်တော့များမှ အချစ်နဲ့တွေ့ဆုံမှာလဲ* 

ဆိုတဲ့ အတွေးကြောင့် kyung soo ရယ်မိကာ 

"မိုးရွာလာတာနဲ့ပဲ နေရင်းထိုင်ရင်း အထီးကျန်နေသလိုဖြစ်လာပြီး . ပေါက်ကရ အတွေးတွေ ဝင်လာပြန်ပြီကွာ "

ကားရပ်သွားတော့ သူဆွဲထားတဲ့ အသည်းပုံတစ်ခြမ်းကို လက်ဝါးနဲ့ ပွတ်ကာ ဖျက်ပစ် လိုက်ပြီး ကားပေါ်ကနေ ဆင်းလာခဲ့သည် ။ 

ကားပေါ်က ဆင်းဆင်းချင်းပဲ လာရောက်ထိခတ်တဲ့ မိုးစက်တွေကြောင့် ကားမှတ်တိုင် အမိုးအောက်သို့ Mr.K အမြန်ပြေးဝင်ရတော့သည် ။ 

တော်တော်နဲ့ကို တိတ်မဲ့ပုံ မပေါ်တဲ့ ကောင်းကင်ကို တစ်ချက်မော့ကြည့်ပြီးမှလက်ကိုင်အိတ်ကို ခေါင်းပေါ်မှာ အုပ်လိုက်ပြီးနောက် ကားမှတ်တိုင်ကနေ ပြေးထွက်လိုက်ပေမဲ့  သုံးလေးလှမ်းလောက် ရောက်ပြီးတော့မှ မိုးစက်တွေ သူအပေါ်ကို ကျမလာတာကို Mr.K သတိထားမိပြီး ခေါင်းမော့ကြည့်လိုက်မိတော့ အနီရောင် ထီးလေးတစ်ချောင်းက သူကို အုပ်မိုးလျက်သား ဖြစ်နေတာမို့ လှည့်ကြည့်လိုက်တော့ အနောက်ကနေ ထီးဆောင်းပေးထားသူက Mr.J ဖြစ်နေခဲ့သည်  . . 

"မိုးရေထဲကို ဒီအတိုင်း ပြေးသွားဖို့ လုပ်နေတာ.. ဖျားသွားမှာ မကြောက်ဘူးလား Mr.K"

ထီးကို ဆောင်းပေးရင်း Mr.Jက ပြောလာတော့  . . . 

> သူ ငါကို Mr.Kလို့ ခေါ်လိုက်တာလား .   ငါတောင် သူနာမည်သိသေးတာပဲ  . သူလည်း ငါ့နာမည်သိနေတာ မဆန်းပါဘူးလေ < 

Mr.K တွေးနေတုန်း  . . . 

"ထီးမပါဘူး မှတ်လား အိမ်ပြန်မဲ့နေရာက လည်း တူနေတာပဲဟာ. ကိုယ်တို့ အတူတူ ပြန်ကြတာပေါ့" 

ဆိုပြီး ပြောလာတဲ့ Mr.J ကြောင့် Mr.Kလည်း ခေါင်းညိတ်လိုက်ကာ မျက်နှာချင်းဆိုင် ဖြစ်နေရာကနေ ဘေးချင်းယှဉ်ရပ်လိုက်ချိန် အပြုံးတစ်ခု ဖြစ်သွားတဲ့ Mr.Jရဲ့မျက်နှာကို မျက်စိထောင့်အစွန်းကနေ ရိပ်ခနဲ မြင်လိုက်ရသည် ။ 

မိုးစက်တွေ ကျဆင်းနေတဲ့ လမ်းမထက်မှာ အနီရောင်ထီးတစ်ချောင်းအောက် အတူလျှောက်နေတဲ့ သူတို့နှစ်ယောက်ကြားမှာတော့ မိုးစက်သံတွေ လွဲပြီး တိတ်ဆိတ်နေခဲ့တယ်  . . . . 

~ ပုံမှန်ဆို စကားနည်းသူ မဟုတ်ပေမဲ့ သူနဲ့ဆို ကျွန်တော်ဆီမှာ ပြောဖို့ စကားလုံးတွေ ရှာမရခဲ့ပါ ~  

Mr.K တစ်ယောက် အခန်းထဲ မဝင်ခင် တစ်ဖက်မှာ အခန်းတံခါး ဖွင့်နေတဲ့ Mr.J ဘက်ကို လှည့်ပြီး 

'ဒီနေ့အတွက် ကျေးဇူးပါပဲMr.J' 

ဆိုပြီး ကျေးဇူးတင်စကားပြောလိုက်တော့ Mr.Jက အံသြသွားသလို လှည့်ကြည့်လာခဲ့တော့

> သူ ဘာလို့ အဲလောက် အံသြသလို ဖြစ်နေရတာလဲ  . . အာ~ စဉ်းစားကြည့်လိုက်တော့ ဒါက သူကို ပထမဆုံး စကား စပြီး ပြောဖူးတာပဲ < 

################################