Mr.J' pov : 3

"အား!! ကျွတ်ကျွတ် . . ခေါင်းတွေ ကိုက်လိုက်တာ. . မနေ့က မိုးမိတာ အခုတော့ ဖျားပြီ ထင်တယ်"

Mr.J သူနားထင်သူ ဖိကာ အိပ်ရာထက်မှာ ထိုင်နေလိုက်ရင်း နာရီကို ကြည့်လိုက်မိတော့ 

"ဟာ Mr.Kတောင် အလုပ်သွားခါနီးနေပြီ"

ကမန်းကတန်း ထရပ်လိုက်ပြီးမှ မှန်ထဲမှာ တွေ့နေရတဲ့ အဖျားရှိန်ကြောင့် နီရဲနေတဲ့ မျက်လုံး . . ဖြူဖျော့နေတဲ့ မျက်နှာဖြစ်နေတဲ့ သူပုံကို မြင်လိုက်ရတာကြောင့်

"မဖြစ်သေးပါဘူး ဒီလိုပုံကို Mr.K မြင်သွားရင် စိတ်ပူနေအုန်းမယ်. . ဒီနေ့တော့ မလိုက်တော့တာပဲ ကောင်းမယ် ထင်ပါရဲ့" 

နွားနို့တစ်ခွက်နဲ့ cakeတစ်ခုကို ယူကာ ပြတင်းပေါက်နားမှာ ထိုင်ရင်း . Mr.K ထွက်အလာကို စောင့်နေခဲ့လိုက်တယ် . . . 

တွေ့ပါပြီ . . အပေါ်ကနေ လှမ်းမြင်နေရတဲ့ ကျောပြင်သေးသေးလေး . . .  အနောက်ကနေ ပြေးလိုက်ချင်စိတ် ဖြစ်ပေါ်နေပေမဲ့ စိတ်ကသာ ရောက်သွားတယ် ခန္ဓာကိုယ်ကတော့ အဖျားကြောင့် ငြင်းဆန်နေခဲ့သည် ။ 

*အနောက်ကနေ အမြဲလိုက်နေရင်း တစ်ချက်တစ်ချက် လေအတိုးမှာ လွှင့်ပျံလာတဲ့ သူရဲ့ ကိုယ်သင်းနံ့လေးကို အမြဲရှုနေခဲ့တာ  . . ဒီနေ့တော့ အဲရနံ့လေးကို လွမ်းရတော့မယ်ကွာ * 

တဖြည်းဖြည်းနဲ့ ဝေးကွာလာကာ မြင်ကွင်းကနေ ပျောက်သွားတဲ့အထိ Mr.J  ထိုင်ကြည့်နေပြီးမှ ပြတင်းပေါက်လေးကို ပြန်ပိတ်ကာ တစ်ဝက်ကျန်နေသေးတဲ့ နွားနို့ခွက်ကို ပြန်သိမ်းပြီး ရေစိမ်ထားတဲ့ တဘက်တစ်ထည်ကို ယူကာ နဖူးပေါ် တင်လိုက်ပြီး အိပ်ရာထက်မှာ ပြန်လှဲနေလိုက်တယ် . . 

"အိပ်မယ်ကွာ . . အိပ်ရာက နိုးလာရင်တော့ အားပြည့်ပြီး နေကောင်းသွားမှာပဲ" 

ပူနေတဲ့ နဖူးထက်မှာ တဘက်လေးကို တင်ထားရင်း အဖျားရှိန်ကြောင့် ခေါင်းလေးနေကာ မကြာခင်မှာပဲ Mr.J အိပ်ပျော်သွားခဲ့တယ် . . 

........     

နားထဲ တိုးဝင်လာတဲ့ ဖုန်းသံကြောင့် Mr.J အိပ်ပျော်နေရာက နိုးလာကာ ဖုန်းကိုင်လိုက်တော့ 

"အစ်ကို ဒီနေ့ dance practiceလုပ်ဖို့  မလာဘူးလား"

ဆိုတဲ့ စူးထွက်လာတဲ့ Mr.Tရဲ့ အသံကြောင့် ဖုန်းနဲ့ အနည်းငယ် ခွာလိုက်ကာ

*အားးပါးးးပါးး. . စူးလိုက်တဲ့အသံ . . ဒီအကောင် အဆိုတော်ပဲ လုပ်သင့်တာ* 

"လာမလားဆိုပြီး စောင့်နေတာ ညနေတောင် ရောက်နေပြီ . အရေးကြီးကိစ္စရှိနေလို့လား" 

တစ်ဆက်တည်းမှာပဲ ဘေးနားကနေ Mr.Yရဲ့အသံပါ ထွက်လာတာကြောင့် . . 

"မနက်တည်းက မလာတာကို ဖုန်းမဆက်ဘဲ ဒီအချိန်ကျမှ ဖုန်းဆက်ရလားကွာ"

ဆိုပြီး Mr.J ပြောလိုက်တော့မှ . . 

" ဒါကလေ အစ်ကို မလာသေးဘူးဆိုပြီး ကျွန်တော်တို့ နှစ်ယောက် ခဏလျှောက်လည်မယ်ဆိုပြီး သွားတာ ခုနမှ ပြန်ရောက်လို့"

"အေးကွာ! ညနေလည်း လာမှာ မဟုတ်လို့ . . night outပါ ထွက်ပြီး Dateထပ်လုပ်ကြ"

'Mr.Tရာ ဒါဆို ညကျရင်လည်း date ထပ်လုပ်ကြရအောင်နော် . . နော် . . ' 

ဖုန်းကနေ တဆင့် Mr.Tရဲ့ဘေးမှာ တတွတ်တွတ် ပူဆာနေတဲ့ Mr.Yရဲ့ အသံကို ကြားနေရတော့ Mr.J ပြုံးမိလိုက်တယ် . .

"Yလေး အသာနေစမ်းပါ .. အစ်ကိုJ ဘာလို့လဲ တစ်ခါမှ practiceလုပ်တာ မပျက်ဖူးပါဘူး" 

"နေလို့မကောင်းလို့ ဒီနေ့ တစ်ရက်လောက် နားမလို့ပါ . . မင်းတို့လည်း အေးဆေး နားကြကွာ bye!!"

Mr.J ဖုန်းချလိုက်ပြီးတော့ ရေသောက်ချင်လာတာနဲ့ ထဖို့ လုပ်လိုက်ပေမဲ့ ခေါင်းမူးပြန်တာကြောင့် ခေါင်းကို ကိုင်ကာ ပြန်ထိုင်လိုက်ပြီး 

"ဆေးလည်း သွားမဝယ်ရသေးဘူး. . ခုနေ သွားဝယ်ရင်လည်း Mr.K နဲ့ တိုးနိူင်တယ် . . ဖုန်းဆက်ပြီး ဆေးဆိုင်က ဦးလေးကိုပဲ အကူအညီတောင်းရတော့မယ်"

………………………………………………………

ထွက်ပေါ်လာတဲ့ တံခါး ခေါက်သံကြောင့် 

'ဦးလေးကြီး လာပို့ပြီ ထင်တယ်' 

တံခါးဖွင့်လိုက်တော့ တွေ့လိုက်ရတဲ့ မျက်နှာလေးကြောင့် Mr.J အံသြသွားခဲ့တယ် 

*Mr.Kက ဘယ်လိုလုပ်ပြီးတော့ ??? * 

"ဆေးလာပို့ပေးတာ . .   

အိမ်ထဲ ဝင်ခွင့်မပေးတော့ဘူးလား"

သူအသံလေး ကြားမှ Mr.J သတိပြန်ဝင်လာကာ 

"ဗျာ? မဟုတ် မဟုတ်ပါဘူး .. ဝင် ..ဝင်ခဲ့ပါ"

အိမ်ထဲ ဝင်လာပြီးတော့ ရုတ်တရက် ကျွန်တော့်နဖူးပေါ် ရောက်လာတဲ့ သူရဲ့လက်ဖဝါးလေးကြောင့် အသက်ရှုမှားရပြန်ပြီ . . 

"အင်း..အဖျားက ရှိသေးတာပဲ . . ဆေးဆိုင်က ဦးလေးက ဆေးထည့်ပေးလိုက်တယ် . . နေအုန်းး. . အစာရော စားထားသေးလား"

Mr.Kက မေးလာတော့ ကျွန်တော် ခေါင်းယမ်းပြကာ.. 

"အိမ်မှာရှိတဲ့ နွားနို့နဲ့ cakeလေးပဲ စားရသေးတယ်" 

"ဒါဆိုဆန်ပြုတ် အရင်လုပ်ပေးမယ်. . ခဏစောင့်နေ့အုန်း. . စားပြီးမှ ဆေးသောက်ရမယ်လေ... Mr.J မင်းက အိမ်ထဲ မဝင်တော့ဘူးလား. . တံခါးဝမှာပဲ ရပ်နေတော့မလို့လား" 

သူပြောတော့မှ ကျွန်တော် ကျောက်ရုပ်လို ရပ်နေမိတာကို သတိရသွားတယ် . . 

'ဆန် . . ဆန်က ဘယ်နားမှာလဲ . . အာဟားး တွေ့ပြီ . . '

ပြီးတော့ ရေခဲသေတ္တာဖွင့်လိုက်ပြီး 

'ကြက်သားရော. . ခရုရော ရှိနေတာပဲ, . . ဘယ်ဟာ ပိုကြိုက်လဲ. . ကြက်သားဆန်ပြုတ်?? ခရုဆန်ပြုတ်?? ' 

'ကြက်သားဆန်ပြုတ်' 

'Ok . . ခဏစောင့်နော်' 

အိမ်ရှင်ကျနေတာပဲ . . တစ်ယောက်တည်း မီးဖိုချောင်ထဲမှာ ချက်ပေးနေတဲ့ Mr.Kကို မြင်နေရတော့ အလိုလို ပြုံးနေမိပြန်ရော.. 

*ဒါကအိမ်မက်လား . . အိမ်မက်ဆိုရင်လည်း မနိုးထပါရစေနဲ့* 

---------

'အရသာ ဘယ်လိုနေလဲ' 

သိချင်စိတ်ကြောင့် အရောင်တောက်နေတဲ့ မျက်ဝန်းဝိုင်းဝိုင်းလေးကို Mr.J ကြည့်ကာ လက်မထောင်ပြလိုက်တော့ ပျော်သွားဟန်ဖြင့် သက်ပြင်းချလိုက်တာ တွေ့လိုက်ရတယ်

"ဒီတစ်ပန်းကန် အကုန်စားရမယ်နော်"

"စားမှာပေါ့ဗျာ. . ဒီလောက်ကောင်းတဲ့ ဆန်ပြုတ်ကို ဗိုက်ထဲ အကုန်ထည့်မှာ . ." 

Mr.J ခပ်သောက်လိုက်ချိန်မှာ နှုတ်ခမ်းမှာ ပေသွားတာကြောင့် တစ်ရှူး လှမ်းယူမလို့ လုပ်တုန်း နှုတ်ခမ်းကို ထိတွေ့လာတဲ့ Mr.Kရဲ့လက်ချောင်းလေးကြောင့် လှုပ်ရှားမှုတွေ ရပ်တန့်ခဲ့ရပြန်တယ် 

*သူ . . သူ ငါနှုတ်ခမ်းတွေကို ထိတွေ့နေတာလား* 

အဲအချိန် ဝုန်းဒိုင်းကြဲ ဝင်လာတဲ့ ညီဝမ်းကွဲ နှစ်ယောက်ကြောင့် Mr.Kလန့်သွားသလို Mr.Jကလည်း 

*ဒီငရှုပ်တွေ ဘာလာရှုပ်ပြန်တာလဲဟ* 

တစ်ယောက်နဲ့တစ်ယောက် မိတ်ဆက်ပြီးချိန်မှာတော့

"ဒီလိုပြုစုပေးမဲ့သူ ရှိနေလို့ . . ကျွန်တော်တို့ဆီ ဖုန်းဆက်ပြီး မခိုင်းတာကို . . အရင်ကဆို ဖုန်းဆက်ပြီး ဟိုဟာ ဝယ်ခိုင်းရ ဒီဟာ ဝယ်ခိုင်းရနဲ့  . . ."

ပြုံးစိစိနဲ့ ပြောလာတဲ့ Mr.Yကြောင့် 

Mr.Kမျက်နှာလေး နီမြန်းသွားတာ တွေ့လိုက်ရပြီး... 

"အစ်ကိုကက အခုပြန်တော့မှာ .Mr.J စားပြီးရင် သေချာဆေးသောက်လိုက်နော်' 

မျက်နှာနီနီလေးနဲ့Mr.K ပြန်သွားတော့မှ 

"Yလေးရေ မင်းက ပြုစုပေးမဲ့သူလို့ ပြောလိုက်တော့  မျက်နှာ နီသွားတာကို တွေ့လိုက်လား"

"တွေ့လိုက်တယ် . . ချစ်စရာလေး . . Ah!!!! Baeရာ ဘာလို့ ဗိုက်ကို လိမ်ဆွဲရတာလဲ" 

"သူများလူကို ချစ်ဖို့ကောင်းတယ် ထင်တယ်ပေါ့လေ" 

"ဟာ!! မဟုတ်တာ . . Baeကသာ ကိုယ်မျက်လုံးထဲမှာ ချစ်ဖို့အကောင်းဆုံးပါ "

"တကယ်လား"

"Omm . . တကယ်!"

သူရှေ့မှာ လာကြည်နှုးနေတဲ့ နှစ်ယောက်ကို သောက်မြင်ကတ်လာတာနဲ့ 

"Get Out!!!! သူများရဲ့ ကြည်နူးချိန်ကိုကျ လာဖျက်စီးတဲ့ ငမွှေထိုးလေးတွေ!"

ဆိုတဲ့ Mr.J စကားကြောင့်  နှစ်ယောက်သား လျှာထုတ်ကာ ခေါင်းလေးတွေ ပုဝင်သွားကြသည် ။ 

################################