MM Story Teller

အပိုင်း ၁၉၈

Viewers 32k

Chapter 198

- ဝက်များပေးပို့ရန်သွားခြင်း

လူစု၏အသံများက ကျယ်လွန်းလှ၍ ကျောက်လျူပင်ခေါင်းကိုက်လာရသည်။သူမက အိမ်ထဲရှိပိုက်ဆံများအကြောင်းတွေးနေဆဲဖြစ်၍ ဤလူများအားဖြေရှင်းရန် အနည်းငယ်စိတ်မရှည်ဖြစ်လာသည်။

"အဲ့ဒါ ကျွန်မသားမက်လေ..သူက အံ့သြစရာပဲ ဒီတစ်ခေါက်မှာ ပိုက်ဆံအများကြီးရှာလာခဲ့တာ"

ထိုသို့ပြောလိုက်ပြီး ထိုလူများက သူမအား ဆက်မေးချင်နေသေးကြောင်း တွေ့လိုက်ရ၍ ချက်ချင်းပြောပစ်လိုက်သည်

"ကျွန်မရှင်တို့ကို အရင်က တစ်ခါမှမလိမ်ခဲ့ဖူးဘူး...ရှင်တို့ပဲကျွန်မကို မယုံကြတာ...အခု ကျွန်မကိုပြောချင်နှောင့်ယှက်ချင်နေတာတွေကို ရပ်လိုက်ပါ"

ကျောက်လျူက တည့်တိုးပင်ပြောချလိုက်သော်လည်း မည်သူမှဝမ်းနည်းမသွားပဲ ကျောက်လျူအား ပြုံးပြလာကြသည်။

သူတို့က ကျောက်လျူ၏လက်ကို ဆုပ်ကိုင်လိုက်ကြပြီး ကောင်းမွန်သည့်အရာများအကြောင်း ပြောလာကြသည်။ထိုခဏ ကျောက်လျူမှာ ငွေသိန်းပေါင်းများစွာအကြောင်းမေ့သွားပြီး သူတို့အားစကားပြန်ပြောချင်လာသည်။

"ကျွန်မတို့မိသားစုရဲ့ကျန်းကျန့်က ထူးချွန်တယ်...ဒီခရီးမှာလည်း ပိုက်ဆံအများကြီးရှာလာခဲ့တာ..ဒီကမ္ဘာပေါ်မှာ သူ့လောက်အောင်မြင်နိုင်မယ့်လူ အများကြီးမရှိလောက်ဘူး..အဓိကအကြောင်းရင်းကတော့ သူက ကျောက်ကျင်းကောအပေါ်ရော ကျွန်မတို့အပေါ်မှာပါ အရမ်းကောင်းတာပဲ"

ကျောက်လျူက ခေါင်းစောင်းလိုက်ပြီး ဂုဏ်ယူဝင့်ကြွားစွာပြောဆိုနေစဥ် သူမရှေ့ကလူများကလည်း သဘောတူသည့်အနေနှင့် ခေါင်းညိမ့်ပြလာကြသည်။

ကျောက်လျူက စကားပြောလိုက်ရ၍ စိတ်ငြိမ်သွားလေသည်။

ကျန်းကျန့်က ငွေသိန်းပေါင်းများစွာဝင်ရင်ကော ဘာဖြစ်လဲ။သူက ကျန်းကျန့်ဖြစ်နေတုန်းပဲလေ။ပုံမှန်အတိုင်း ကိုယ့်ဘဝနဲ့ကိုယ်နေရမှာပဲ။

သူမစိတ်တည်ငြိမ်သွားမှ ကျောက်လျူက ထိုလူများနှင့်စကားဆက်မပြောတော့ပဲ အထဲဝင်သွားလေသည်။

ခြံထဲတွင်လူများနေ၍ ကျောက်လျူက အိမ်ထဲတန်းဝင်သွားလိုက်သည်။သူမအထဲဝင်သွားလိုက်ချိန် ထိုင်နေသောကျောက်ဖူကွေ့အား တွေ့လိုက်ရသည်။

အပြင်ဘက်ရှိလူများနှင့် အကြောင်းအရာများစွာပြော၍မရနိုင်သော်လည်း ကျောက်ဖူကွေ့က မတူပေ။သူမက ကျောက်ဖူကွေ့အား မြင်သည်နှင့် ကျောက်လျူက ပြောလာသည်။

"ကဲ အဖေကြီး...ရှင်ကရော ကျန်းကျန့်ပိုက်ဆံတွေအများကြီးရလာတာကို ဘယ်လိုတွေးလဲ"

အတိတ်က ကျန်းကျန့်မှာ မြို့တော်သို့သွားပြီးပြန်လာသည့်အချိန် ငွေပြားများပါလာခဲ့သော်လည်း ယခုတစ်ကြိမ်၌ ကျောက်လျူရော ကျောက်ဖူကွေ့ပါ ပမာဏတိတိကျကျမသိချေ။သို့သော်ငြား ယခုတစ်ကြိမ်က ကွာခြားပေ၏။သူတို့က သူတို့မျက်လုံးများနှင့် ငွေတုံးများမြင်ခဲ့ရ၍ စိတ်လှုပ်ရှားမှုက အလွန်အမင်းကြီးသွားသည်။

“မသိဘူးလေ"ကျောက်ဖူကွေ့က ပြောလိုက်သည်။

ကျောက်လျူက ကျောက်ဖူကွေ့အား လက်နှင့်ပုတ်လိုက်ရင်း ထပ်မေးလိုက်သည်

:"သူ မကောင်းတာတစ်ခုခုလုပ်ခဲ့တယ်လို့တော့ မထင်ဘူးမို့လား"

“မသိဘူးလေ"

ကျောက်လျူက ထပ်ပုတ်လိုက်သည်။

"ပိုက်ဆံတွေအများကြီးဆိုတော့ သူများတွေမနာလိုကြတော့မှာပဲ"

“ငါလည်း အဲ့လိုထင်တယ်"

. . .

“ကျန်းကျန့်...သား အဲ့လိုငွေတွေအများကြီးယူလာတာ အဆင်ပြေပါ့မလား"

ကျောက်လျူတစ်ယောက်တည်း စိုးရိမ်နေသည်မဟုတ်။ကျောက်ကျင်းကောကပါ မသက်မသာဖြစ်နေသည်။

“ဘာမှမဖြစ်ပါဘူး..အမေမသိလို့ ကျွန်တော်ပိုက်ဆံအများကြီးရခဲ့တယ်ဆိုပေမယ့် ပမာဏသေးသေးလေးပါ"

ကျန်းကျန့်က ဆိုလိုက်သည်။

ဟုန်ကျင်းဆားသင့်မြေမှ ဖွဲ့စည်းထားသည့် စိတ်ဝင်စားဖွယ်အုပ်စုတစ်ခုက အလွန့်အလွန်ကြီးမားပြီး လူများစွာပါဝင်လေ၏။သို့သော်ငြား ဟုန်ကျင်းဆားသင့်မြေကလည်း ဆားထုတ်လုပ်ရာနေရာဖြစ်နေသည်။

ထိုနေရာရှိလူများက ဆားရောင်းပြီး ပိုက်ဆံများစွာရှာနိုင်သော်လည်း ဟုန်ကျင်းဆားသင့်မြေမှဆားကို အခြားနေရာသို့ယူရောင်းသည့် ဆားကုန်သည်ကြီးများနှင့်မယှဥ်နိုင်ချေ။

သံတမန် ယန်ချင်းက စစ်တပ်အာဏာကိုချုပ်ကိုင်ပြီးနောက် ဆားကုန်သည်အိမ်များကိုဝင်ရောက်စီးနင်းပြီး ငွေသန်းပေါင်းများစွာရခဲ့သည်။

သူတို့နှင့်ယှဥ်ပါက ငွေသိန်းအနည်းငယ်ရသည့်သူက ဘာမှမဟုတ်ပေ။တော်ဝန်သံတမန်လည်း သူ့ကို မနာလိုဖြစ်နေမည်မဟုတ်။တရားရုံးတော်နှင့်ဧကရီမယ်တော်ကြီးအဖို့ သူတို့က ဤအကြောင်းသိပင်မသိလောက်ချေ။

ကျန်းကျန့်ခြံထဲရှိငွေတုံးများချိန်လိုက်ရသည်က အချိန်နှစ်ရက်ကြာသွားခဲ့သည်။

ကျောက်မိသားစုထံ ငွေလာယူသည့် ငွေစက္ကူအိမ်တော်မှာ ကျန့်ရီဇနီးဖြစ်သူ၏မိသားစုဝင် ဟူမိသားစုမှဖွင့်ထားခြင်းဖြစ်သည်။ထို့ကြောင့် ထိုသူတို့အား ကျန့်မိသားစုဝင်များဟု သတ်မှတ်ထား၍လည်းရပေသည်။ကျန်းကျန့်ကလည်း ထိုသူတို့နှင့် သက်သက်သာသာပင်ဖြစ်၍ ငွေတုံးအားလုံးအား ငွေစက္ကူများအဖြစ်ပြောင်းလိုက်ပြီး ရေလိုက်ရာ ငွေလေးသိန်းငါးသောင်းရလေသည်။

သူက ညတွင်းချင်း ချမ်းသာသွားပေသည်။

. . .

ကျန်းကျန့်က ပိုက်ဆံယူလိုက်ပြီးသည်နှင့်ချက်ချင်း ကျန့်ရီကိုဆက်သွယ်ကာ ဖူချောင်တွင် အိမ်အကြီးကြီးတစ်လုံးဝယ်လိုက်သည်။ကျောက်ကျင်းကောဝယ်ထားသည့်အိမ်အဖို့ သူက ကျင်းကျန့်ကိုယ်ရံတော်လုပ်ငန်းအဆောင်အနေနှင့် သုံးရန်စီစဥ်ထားသည်။

သို့သော်ငြား ကျန်းကျန့်က အိမ်တစ်လုံးဝယ်လိုက်သော်လည်း ပြောင်းရန်အလျင်မလိုပေ။သူက ကျူးအားလင်နှင့်အခြားသူများထံ ပစ္စည်းပို့ပေးရန်အတွက် ပင်လယ်သို့သွားရမည့်အတွက်ကြောင့်ဖြစ်သည်။

ထိုကျွန်းက ပစ္စည်းများစွာပြတ်လပ်နေပြီး အဓိကပြတ်လတ်မှုက အစားအစာနှင့်ဆေးဝါး

များပင်။ဤတစ်ကြိမ်တွင် ကျန်းကျန့်က ပင်လယ်ကူးသင်္ဘောကြီးတစ်စင်းငှားခဲ့ပြီး သင်္ဘောတစ်ဝက်ကို အစေ့အနှံများတင်ခဲ့ပြီး ကျန်တစ်ဝက်အား လယ်ယာလုပ်ငန်းသုံးတိရစ္ဆာန်များတင်ခဲ့သည်။

ထိုနေ့တွင် ဖူချောင်ဆိပ်ကမ်း၌ လူများစုက သင်္ဘောနံဘေးတွင်ရပ်နေပြီး တီးတိုးတီးတိုးပြောရင်းကြည့်နေကြသည်။သူတို့နားတစ်ဝိုက်တွင် ဝက်များက တစ်ဆူဆူအော်နေကြသည်။

လူအချို့က ဆူညံဆူညံဖြစ်နေသည်အား သိချင်နေကြ၍ ကြည့်လိုက်ကြရာ လူသန်ကြီးများက ကြိုးချည်ထားသည့်ဝက်များကိုသယ်ရင်း သင်္ဘောပေါ်တင်ပေးနေသည်အား တွေ့လိုက်ကြရသည်။

“ဘာတွေဖြစ်နေကြတာလဲ"

ပင်လယ်သို့သွားမည့်ထိုသင်္ဘောကြီးများက အစေ့အနှံတွေတင်ပြီး နောက်ပိုင်းသတ်စားဖို့ တိရစ္ဆာန်တွေလည်းတင်သွားတယ်...သူတို့တင်သွားတဲ့ဝက်တွေအကုန်လုံးက သင်္ဘောပေါ်မှာ တကယ်စားကုန်မှာလား။

“ကျွန်မတို့လည်း သိချင်မိတယ်...ဘယ်သူမှလည်း ဒီဝက်တွေကို အခြားသွားရောင်းမှာတော့မဟုတ်ဘူးမလား..ဒီဝက်တွေက စျေးကြီးကြီးတောင်ရပါ့မလား"

“ဝက်တွေက နေရာတိုင်းမှာမွေးလို့ရတယ်...ပြီးတော့ အခြားနေရာမှာ ပိုပြီးစျေးကောင်းကောင်းနဲ့ ရောင်းလို့ရရင်တောင်မှ မများလွန်းဘူးလား..ဒီလူဘာတွေးနေမှန်း မသိတော့ပါဘူးဟယ်"

“ဒီလူတွေက ပင်လယ်ထဲနေတဲ့အခါ နေ့တိုင်းသတ်စားဖို့လားမသိ"

ပြောကြဆိုကြနှင့် သူတို့က အလွန်ထူးဆန်းလာရသည်။သို့သော်လည်း သူတို့က တစ်ခဏမျှသာ သိချင်နေကြပြီး မကြာလိုက် အခြားအကြောင်းအရာများပြောင်းလိုက်ကြသည်။

"ဆားစျေးကလည်း နောက်ဆုံးကျသွားပြီပေါ့"

“ဟုတ်တယ်...အရင်တုန်းက ဆားတစ်ကီလိုကို ကြေးပြားတစ်ရာကျတယ်...စျေးကြီးလွန်းတာကြီး"

“ကျွန်မအမေတို့မိသားစုက အရင်က ဆားကိုမသိုလှောင်ထားရဘူးလေ...ဒါကြောင့် လဝက်လောက်ကြာတော့ ဆားမရှိတော့ဘူး"

“ကျွန်မကြားတာ ဆားစျေးကခုချိန်မြင့်နေတာကလေ ဆားကုန်သည်တွေက ဆားမရောင်းဖို့တိုင်ပင်ထားကြတာတဲ့...မျိုးမစစ်တွေကတော့"

“ကံကောင်းလို့သာ ယန်ချင်းက အဲ့ဆားကုန်သည်တွေကို ဖမ်းလိုက်နိုင်လို့"

. . .

ဟယ်ရှင်းစီရင်စုရှိ သာမန်ပြည်သူများက ဟုန်ကျင်းဆားလွင်ပြင်နှင့် ဆားစျေးပြောင်းလဲမှုအကြောင်း ဘာမျှမသိကြ၍ ဤသည်က လုပ်ငန်းရှင်အချို့ကြောင့်ဟုသာ တွေးကြသည်။

မည်သူမှလည်း သူတို့အား အကျိုးအကြောင်းရှင်းပြမလာသလို တရားရုံးတော်က ပို၍ပင် ရှင်းမပြချင်ပေ။ယခုအခါ၌ ယခင်ဟုန်ကျင်းဆားလွင်ပြင်အတွင်း ဆားသင့်မြေအသစ် ပြင်ဆင်ထားပြီးဖြစ်သည်။

ဆားသင့်မြေအသစ်၏အမည်က ချန်ဟယ်ဆားသင့်မြေဖြစ်ပြီး အနာဂတ်တွင် ယန်ချင်းမှ ဦးစီးလိမ့်မည်ဖြစ်သည်။

ချန်ဟယ်ဆားသင့်မြေက တစ်ခဏတွင်းချင်း ပြုလုပ်လိုက်သည်မဟုတ်ပေ။ကံကောင်းစွာနှင့် ယန်ချင်းက ဆားကုန်သည်အိမ်များကို စီးနင်းလိုက်သည့်အခါ သူက ဆားတော်တော်များများကို တွေ့လိုက်ရပြီး နောက်ဆုံးဆားစျေးငြိမ်သွားရန် လုပ်လိုက်နိုင်သည်။

ကျန်းကျန့်က ဤအကြောင်းသိသော်လည်း ကြားမဝင်နိုင်၍ မနှောင့်ယှက်ခဲ့ချေ။

သူက ကျူးအားလင်နှင့်အခြားသူများကို အစားအစာပေးပို့ရန်အတွက် ပင်လယ်သို့ နောက်တစ်ခေါက်ထွက်လာရသည်။

သင်္ဘောပေါ် လယ်ယာလုပ်ငန်းသုံးတိရစ္ဆာန်များတင်လိုက်၍ အချိန်အတော်ကြာသွားကာ ညနေစောင်းမှထွက်ခဲ့ရသည်။

ကျန်းကျန့်က သင်္ဘောသားမဟုတ်၍ သင်္ဘောပေါ်တွင် ဘာမျှလုပ်စရာမရှိချေ။သူက ညတွင်အိပ်မည်ဟု တွေးထားသော်လည်း ဝက်၊ကြက်များနှင့်ဘဲများက ဆူညံနေ၍ ကျန်းကျန့်က အိပ်မရတော့ပေ။

သို့သော်လည်း ကျောက်မင်ကျူးကဖြင့် ဂရုစိုက်မနေချေ။သူမပတ်ဝန်းကျင်တွင် မည်မျှဆူညံနေစေကာမူ ပင်ပန်းနေ၍ ချက်ချင်းအိပ်ပျော်သွားသည်။တစ်ခါတစ်ရံ သူမအိပ်ရာစိုသွားလျှင်ပင် နိုးမလာတော့။

ကျောက်မင်ကျူးအိပ်နေသည်အား မြင်ပြီးနောက် ကျန်းကျန့်မှာ ကျောက်ကျင်းကောကိုထိရန် တုံ့ဆိုင်းမနေတော့ချေ။

"ကျင်းကော..ကိုယ့်ပေါ်လာထိုင်"

ကျောက်ကျင်းကောက ကျန်းကျန့်အား စိုက်ကြည့်လိုက်ပြီး နာနာခံခံနှင့်ထိုင်ချလိုက်သည်။

ကျန်းကျန့်တွင် ညပိုင်းဖျော်ဖြေရေးရှိနေ၍ အကောင်ပလောင်အသံများအား လျစ်လျူရှုထားနိုင်သော်လည်း အခြားသူများက မလုပ်နိုင်ပေ။

မြို့တော်မှပြန်လာပြီးမကြာမီ ကျန့်ရီမှကျန်းကျန့်ထံငှားပေးထားသည့် သမားတော်ဟူက သင်္ဘောပေါ်တွင် မကျေမနပ်နှင့်လှဲနေသည်။

သူက နည်းနည်းအိပ်ရန်ကြံလိုက်သည်နှင့် ဝက်များက ရုတ်တရက် အော်လာကြသည်။သူတို့က ရှင်းရှင်းလင်းလင်းပင် သူအား အိပ်ခွင့်မပေးချေ။

ကျန်းကျန့်က ဒီဝက်တွေသတ်ပြီး ဝက်ပေါင်ခြောက်လုပ်လိုက်လို့မရဘူးလား။

သင်္ဘောက ပင်လယ်ထဲသို့ တဖြေးဖြေးရွက်လွှင့်နေသည်။

ကျန့်ရီက ထိုကျွန်းပေါ်တွင် ကျူးအားလင်နှင့်အခြားသူများပါနေထိုင်နိုင်ရန် အိမ်အချို့ဆောက်ပေးထားသော်လည်း လူတိုင်းနေရန်အတွက် မလောက်ငချေ။

လွန်ခဲ့သောရက်အနည်းငယ်တွင် ကျူးအားလင်က အသက်ကြီးပြီးအားနည်းသူများအား အိမ်ထဲတွင်နေရန်စီစဥ်ပေးထားကာ သူနှင့်ငယ်ရွယ်တောင့်တင်းသူများက အိမ်အချို့ဆောက်ပြီး လိုဏ်ဂူများတူးထားပေသည်။

ရက်အနည်းငယ်ကြာပြီးနောက် သူတို့က လေနှင့်မိုးဒဏ်မှ ကာထားနိုင်သွားသည်။

ထိုနေ့မနက်စောစော၌ သူတို့က ချက်ပြုတ်ရန် မီးစဖိုကြသည်။

ကျန့်ရီက အစားအစာများစွာချန်ထားခဲ့၍ ကျူးအားလင်က ထမင်းခြောက်များချက်ထားခိုင်းလိုက်ပြီး နောက်ထပ်အစားအစာအတွက်ကမူ သေချာပေါက်ငါးဆားနယ်များပင်။

ငါးဆားနယ်များက ဟယ်ချောင်စီရင်စုကဲ့သို့နေရာမျိုးတွင် အစားများကြပြီး လူတိုင်းကလည်း ကြိုက်ကြသည်။သို့သော်လည်း ကျူးအားလင်တို့အုပ်စုတွင်မူ ကြိုက်သည့်သူတစ်ယောက်မှမရှိချေ။

လူတိုင်းက သူတို့၏ထမင်းပန်းကန်များကိုင်ထားရင်း စားသောက်နေကြသော်လည်း ငါးဆားနယ်ဆီသို့ တူတစ်ချက်မှမရွေ့ကြချေ။

ထမင်းက မွှေးပျံ့နေပြီး အရသာရှိလှ၍ ထိုအစားအသောက်ကောင်းပေါ် ငါးကြီးမဖုံးပစ်ချင်ကြ။

ညစာစားပြီးနောက် ကျူးအားလင်က လူများအား သူတို့နေထိုင်ရာနေရာသို့ ခေါ်သွားသည်။

သူတို့နှင့်အတူပါလာသည့်လူများက ဖျားနာနေကြပြီး အချို့ကလည်း အခြေအနေကောင်းဟန်မတူ။ဤကျွန်းတွင် မူလနေထိုင်သူများက သူတို့အား ရန်ပြုခဲ့ဟန်ရှိသည်။

“ဒီကျွန်းက နဲနဲသေးတယ်...အနာဂတ်မှာနေဖို့ အခြားတစ်နေရာရှာရမယ်"ကျူးအားလင်က စိုးရိမ်မှုအပြည့်နှင့် သူ့ဘေးကလူများအား ပြောလိုက်သည်။

“ဟုတ်တယ်"လူတစ်ယောက်က ခေါင်းညိမ့်ပြလာပြီးဆိုလိုကိသည်။

"ကျန်းကျန့်က ကျွန်တော်တို့ကို ကျင်းကျန့်ကိုယ်ရံတော်လုပ်ငန်းမှာ ပါလို့ရတယ်လို့ ပြောခဲ့တယ်မို့လား..အနာဂတ်ကျရင် အဲ့ဒီမှာ သွားလုပ်ရုံပဲလေ"

ဒါ....ကျူးအားလင်က ဤအကြောင်းတွေးရင်း သူစိတ်ပူနေခြင်းက အပိုသာဖြစ်ကြောင်း နားလည်သွားသည်။

သူတို့က အနာဂတ်တွင် ဤကျွန်း၌ နေကြလိမ့်မည်မဟုတ်ပေ။

ကျန်းကျန့် သူတို့ကို ဘယ်အချိန်မှလာခေါ်မှာဆိုတာလေးပဲ။သူတို့ကိုပြောထားတဲ့ ကြက်တွေ၊ဘဲတွေ၊ဝက်တွေကရော ဘယ်အချိန်မှပို့ပေးမှာလဲ။သူတကယ်ကို ဝက်သားစားချင်နေတာနော်။

ကျူးအားလင်က ပင်လယ်ဘက်သို့ တမျှော်မျှော်ကြည့်နေစဥ် ခပ်လှမ်းလှမ်းမှ သင်္ဘောတစ်စီးက ဖြေးဖြေးချင်းလာနေသည်အား တွေ့သွားလေ၏။ထိုသင်္ဘောက သူနှင့်အတော်ရင်းနှီးနေသည်။အမှန်တွင်ဖြင့် ယခင်က ထိုသင်္ဘောပေါ်ရွက်လွင့်ဖူးသလိုပင်.......

.ကျန်းကျန့်သင်္ဘောကြီးလာနေတာ...။သူ့ဝက်တွေလည်း လာနေပြီပေါ့။

စကားပုံတစ်ခုရှိသည်"ဝက်သားမစားဖူးပေမယ့် ဝက်ပြေးတာကိုတော့ မြင်ဖူးတယ်"ဆိုသည်ပင်။

ခေတ်သစ်ရှိလူများ၏မျက်လုံးထဲတွင်ဖြင့် ဤသို့မဟုတ်ကြသဖြင့် ကြားရသည်မှာ ထူးဆန်းပေ၏။သူတို့အားလုံးဝက်သားစားဖူးကြသော်လည်း ဝက်ပြေးသည်ကို မမြင်ဖူးကြ၌၍ဖြစ်သည်။

အတိတ်တွင် ဟယ်ရှီကျေးရွာ၌ ကလေးများက ဝက်စာအတွက် နေ့တိုင်းမြက်ရိတ်ကြရကာ စစ်ဆေးကြရသည်။သို့သော်လည်း ဤဝက်များအသတ်ခံရသောအခါ အသားတစ်တုံးမှမစားရက်နိုင်ကြချေ။ဤဆားအလုပ်သမားများကဖြင့် မဆိုပါနှင့်။

ငါးဖမ်းနိုင်သော်လည်း ဝက်က....။

ဟုန်ကျင်းဆားသင့်မြေရှိလူများက သူတို့အား ဝက်မပေးခဲ့ကြချေ။

ကျူးအားလင်အား သူပုန်အဖွဲ့၏တစ်စိတ်တစ်ပိုင်းအဖြစ် သတ်မှတ်၍ရသည်။ သူ၏ပြစ်မှုကြောင့် မျိုးဆက်ကိုးဆက်ထိအသတ်ခံရမည်ဖြစ်ပြီး ကျိုးကြောင်းပြောရပါက သူက ဝက်သားပင် မစားဖူးသေးချေ။

ယှဥ်ကြည့်ပါက ထိုသူတို့မှာ တံငါသည်ရွာသေးများမှ ရွာသားများဖြစ်ကြပြီး ငါးဆားနယ်နှင့်ပင်လယ်မှော်အား အပြင်လူများထံရောင်း၍ ဝက်သားစားဖူးသည့်သူများနှင့်အလှဲအလှယ်လုပ်ကာ အချို့မိသားစုကြီးများက ဝက်များပင်မွေးကြလေသည်။

ကြီးမားသည့်ပင်လယ်ကူးသင်္ဘောကြီးက ကျွန်းလေးနားကပ်သွားပြီး ကျန်းကျန့်အမိန့်အောက် ပစ္စည်းများအကုန်ချလာကြကာ လယ်ယာသုံးတိရစ္ဆာန်များအား ပထမဆုံးသယ်ချလာကြသည်။

ဤခေတ်တွင် ဝက်များက ဆူဖြိုးမနေကြ၍ အသားချည်းငါးဆယ်ကီလိုသာရှိသည်။ဤတစ်ကြိမ်၌ ကျန်းကျန့်က များစွာဝယ်လာခဲ့၍ စျေးကောင်းရမည်ပင်။အချို့က သူတို့မိသားစု၏ခြောက်ဆယ်ခုနစ်ဆယ်ကီလိုရှိဝက်များကိုပင် ရောင်းလိုက်ကြသော်ငြား ထိုအလေးချိန်ရှိဝက်များက ဖမ်းရန်မလွယ်ကူချေ။

ကျူးအားလင်က သင်္ဘောပေါ်တက်ပြီး ဝက်တစ်ကောင်ဆွဲချလာခဲ့သည်။

သနားစဖွယ်ဝက်ကလေးအား ဂုတ်ပေါ်တင်လိုက်ချိန် ကျယ်ကျယ်လောင်လောင်အော်နေ၍ သနားစဖွယ်ကောင်းလှသည်။

ကျန်းကျန့်:"......"

ဤကျွန်းပေါ်ရှိ ဆားလုပ်သည့်အိမ်များက ပုံမှန်ရေမချိုးကြ၍ ဝက်များလောက်ပင် မသန့်ရှင်းကြရာဝက်များကိုလည်း ရွံရှာခြင်းမရှိကြချေ။သို့သော်လည်း မလှမ်းမကန်းတွင်ရပ်နေသည့် ကျန်းကျန့်ကမူ ဤဝက်များကိုမထိရန် ဆုံးဖြတ်ထားလေ၏။

သူ့ကိုယ်ကသာ အနံ့နံလာရင် မင်ကျူးလေးက ဖက်တော့မှာမဟုတ်ဘူး။

ဝက်များ၊ကြက်ဘဲများအားလုံးကို ကျူးအားလင်က အိမ်ထဲသော့ခတ်သိမ်းထားလိုက်ပြီး အသားဟင်းမချက်မီ တချို့တလေသတ်ရန် တစ်ယောက်ယောက်ခေါ်လိုက်သည်။

ကျန်းကျန့်က ဤလူများအားစဥ်းစားပေးသည့်အနေဖြင့် လယ်ယာတိရစ္ဆာန်များနှင့်ဆေးဝါးများအပြင် ပဲပိစပ်အနှစ်အပါအဝင် ဟင်းခတ်အမွှေးအကြိုင်များပါ ယူလာခဲ့သည်။ နောက်ဆုံးတွင် သူတို့က ရိုးရိုးဝက်ကင်လုပ်ရန် ဆုံးဖြတ်လိုက်ကြသည်။

သေချာပေါက် သူတို့၏ဝက်သားနှပ်က သိပ်မကောင်းလှ။သူတို့က ဝက်သားတုံးကို အတုံးသေးလေးများတုံးပြီး ရေနှင့်ပြုတ်ကာ ပဲပိစပ်အနှစ်ထည့်ထားခြင်းဖြစ်သည်။သို့ဆိုလျှင်တောင် အသားအရသာက ရှိသေး၍ မွှေးကြိုင်နေ၏။

ကျူးအားလင်က အိုးကြီးများနှင့် တည်လိုက်ပြီး ဝက်အကောင်နှစ်ဆယ်သတ်လိုက်လေသည်။

ကျွန်းပေါ်ရှိ မူလအိမ်တော်များက ဤသို့ရုတ်တရက်ရောက်လာသူများအား ငြင်းပယ်ကြသည်။သူတို့မောင်းထုတ်၍မရနိုင်သည့် ကျူးအားလင်၏အုပ်စုကြီးကြောင့်သာမဟုတ်လျှင် သေချာပေါက် ကျူးအားလင်နှင့်အခြားသူများကို မောင်းထုတ်ရန်ကြိုးစားလိမ့်မည်ပင်။

သိုသော်ငြား ထိုခဏ၌ သူတို့ကို ဝက်သားနံ့မွှေးမွှေးလေးက ဆွဲဆောင်နေ၍သာ ရန်လိုချင်စိတ်နည်းနေခြင်းဖြစ်သည်။

မူလနေထိုင်သူများက ဤမြင်ကွင်းအား ခပ်လှမ်းလှမ်းမှ ငေးကြည့်နေကြသည်။ထို့နောက်တွင်မူ လူတစ်ယောက်က ကျူးအားလင်နှင့်အခြားသူများထံသွားကာ အသီးအရွက်များနှင့်ပင်လယ်စာခြောက်များအား ဝက်နှင့်လှဲရန်ကြိုးစားလာ၏။

ကျူးအားလင်က ဟင်းသီးဟင်းရွက်များကို လက်ခံလိုက်ကာ ညစာအတွက်သိမ်းထားရန် စီစဥ်လိုက်သည်။ပင်လယ်စာများကိုဖြင့် ကျန်းကျန့်ကို ပေးလိုက်သည်။

သူတို့မစားချင်သည့် ပင်လယ်စာများပေးလာသည်ပင် ကျန်းကျန့်က ယူလိုက်လေသည်။သူက ပိုက်ဆံရှာရန်အတွက် ရောင်း၍ရသည်ပင်။

ဤပင်လယ်စာများကို ရောင်းလိုက်လျှင် ပိုက်ဆံများစွာရှာနိုင်သည်။ကျန်းကျန့်က ပင်လယ်စာများမှာ နှစ်ရာ၊သုံးရာကီလိုခန့်ရှိသည်ကို မြင်လို

က်၍ ပိုက်ဆံများများရှာနိုင်ပြီဟု တွေးလိုက်မိသည်။

အထဲတွင်လည်း ပင်လယ်မျှော့ခြောက်နှင့် ပင်လယ်ခရုခြောက်များပင် ပါသေး၏။

ဖူချောင်ရှိချင်းဖုန်အိမ်တော်က ဖွင့်တော့မည်ဖြစ်၍ အနာဂတ်တွင် ထိုနေရာ၌ ပင်လယ်စာများရောင်းချနိုင်သည်ပင်။

Prev Next