အပိုင်း၄၃

Chapter 43

October 10, 2023

ညဉ့်ကောင်းကင်များမှာ အစီအစဉ်ကျကာ ယဉ်ကျေးသောပရိသတ်များဖြစ်ကြသည့်အတွက် အလိုအလျောက်ပင် သူ့အတွက်လမ်းပေးလိုက်ကြသည်။

အချို့သောမိန်းကလေးများမှာ တီးတိုးပြော‌ဆိုနေကြသည် : " ဟဲ့ ဟဲ့ ဟိုမှာကြည့်စမ်း ကောင်ချောလေး…"

" သူကမျက်နှာတောင်မဖော်ထားတာကို ချောမှန်းဘယ်လိုလုပ်ပြီးသိတာလဲ…"

" သူ့ပုံစံနဲ့ဝတ်ထားတာကို ကြည့်လေဟယ်…ငါတော့ ကောင်ချောလေးတွေ ဒီလိုလွတ်လွတ်လပ်လပ်ဝတ်စားထားရင် အရမ်းသဘောကျတာပဲ…"

" ဟုတ်တယ် ဟုတ်တယ် ငါရောပဲ … သူကအရမ်းလည်းမွှေးတယ်နော်… လာဗင်ဒါနဲ့ဖာလာမွန်အနံ့ပါလား…ဒါက နို့လိုကောင်လေးတွေရဲ့ ဖယ်ရိုမုန်းအနံ့မဟုတ်ဘူးလား… ဟီးဟီးဟီး…"

အသံများမှာ ချီရှင်းချန်၏နားထဲသို့ ဆက်တိုက်ဆိုသလို ဝင်ရောက်နေကြသည်။ ချီရှင်းချန် ဖယ်ရိုမုန်းဟူသောစကားကို ကြားလိုက်ရချိန်တွင် မသိစိတ်မှ သူဖတ်မိခဲ့ထိုစာကြောင်းကို ပြန်လည်တွေးမိသွားသည်။

မကြာသေးမီကမှ ဖျော့တော့သွားသော သူ၏မျက်နှာပေါ်မှအနီရောင်မှာ ပြန်လည်ရောက်ရှိလာခဲ့သည်။

ချီရှင်းချန် ခေါင်းကိုငုံ့ကာ မိန်းကလေးဖန်များကို ကာထားရန်အတွက် ဖုန်းသာသုံးနေလိုက်ရသည်။

ခဏအကြာတွင် ညဉ့်ကောင်းကင်များထံမှအော်သံထွက်ပေါ်လာပြီးနောက် ပိုင်ရဲ့၏စာရောက်လာခဲ့သည်။

ပိုင်ရဲ့ : [ ထွက်လာပြီနော်…]

ချီရှင်းချန် အလျင်အမြန်ထရပ်လိုက်သည်။ ပိုင်ရဲ့သည်လည်း သူ၏ဘက်သို့ကြည့်နေသည့်အတွက် သူတို့၏မျက်လုံးများ လေထဲတွင်‌ဆုံတွေ့သွားကြသည်။

ထို့နောက် တစ်ဦးကိုတစ်ဦးမသိကြသည့်အတိုင်း တမင်တကာရှောင်ရှားသွားလိုက်သည်။

ပိုင်ရဲ့ လူအုပ်ကြားမှဖြတ်သွားချိန်တွင် ညဉ့်ကောင်းကင်များမှာ သူ၏နောက်မှ ဖြည်းဖြည်းချင်းသာလိုက်လာကြပြီး အချင်းချင်း တွန်းခြင်းတိုက်ခြင်းနှင့် သူတို့၏အိုင်ဒေါကိုသွားထိခြင်းမျိုး မရှိကြချေ။

ထိုအတွက်ကြောင့်ပင် ပိုင်ရဲ့ ဗီအိုင်ဗီဂိတ်မှ ထွက်လာ၍ရသည့်တိုင် ပုံမှန်ဂိတ်မှထွက်လာရဲခြင်းဖြစ်သည်။

သူ၏အိုင်ဒေါနှင့် ညဉ့်ကောင်းကင်များ၏အပြုအမူကောင်းများကြောင့် ချီရှင်းချန် လူအုပ်ကြားထဲမှလိုက်လာချိန်တွင် အလွန်ဂုဏ်ယူမိသလို ခံစားလိုက်ရသည်။

မြေအောက်ကားပါကင်သို့သွားသည့် ဓာတ်လှေကားရှေ့သို့ရောက်ချိန်တွင် ဖန်တစ်ယောက်မှ မနေနိုင်ဘဲ တောင်းဆိုလိုက်မိသည် " ရဲ့ကော ညီမကိုလက်မှတ်လေးထိုးပေးလို့ရမလားဟင်…"

" ရတာပေါ့ ဘယ်နားမှာထိုးပေးရမလဲ…"

ညဉ့်ကောင်းကင်လေးမှ သူမကိုင်လာသည့်ဆိုင်းဘုတ်ကို လှမ်းပေးလာသည်။

ပိုင်ရဲ့လက်မှတ်ထိုးလိုက်ပြီးနောက် နောက်ထပ်ဖန်တစ်ယောက်၏မှတ်စုစာအုပ်မှာလည်း သူ၏ရှေ့သို့ရောက်ရှိလာသဖြင့် ငြင်းပယ်ခြင်းမရှိဘဲ လက်မှတ်ထိုးပေးလိုက်သည်။

ပိုင်ရဲ့၏လက်ရေးမှ အလွန်စူးရှပြီး သူ၏မာနကိုဖုံးကွယ်ထားခြင်းမရှိချေ။ အနုပညာလောကတွင် နှိမ့်ချကျိုးနွံခြင်းနှင့် မလုပ်ခင်ကြိုတင်စဉ်းစားခြင်းတို့မှာ မရှိမဖြစ်လိုအပ်သောအရာဟု ‌ဆိုရိုးရှိခဲ့သော်လည်း ပိုင်ရဲ့အတွက်မှာမူ ၎င်းမှာလုံးဝလိုအပ်မနေပေ။ ဤသည်မှာ သူ၏သန်မာသောနောက်ခံအင်အားကြောင့် အကာအကွယ်ရထားခြင်းလည်း ဖြစ်နိုင်လိမ့်မည်ပင်။

" မင်းအလှည့်ပဲ.." ချီရှင်းချန်၏အတွေးများရှုပ်ထွေးနေစဉ် သွယ်လျသောလက်တစ်ဖက်မှာ သူ၏ရှေ့သို့ရောက်လာခဲ့သည် " ဘယ်နားမှာထိုးပေးရမလဲ…"

ချီရှင်းချန် မျက်ခုံးကိုပင့်ကာ တည်ငြိမ်သောအမူအယာဖြင့်ရှိနေသည့် ပိုင်ရဲ့ကို တစ်ချက်ကြည့်လိုက်သည်။

ဒါကအဆိုတော်မှမဟုတ်တာ… ရုပ်ရှင်မင်းသားအ‌ဆင့်ရောက်နေပြီဟ… ချီရှင်းချန် တွေးလိုက်မိသည်။

ချီရှင်းချန်အနေဖြင့် အိုင်ဒေါထံမှလက်မှတ်ရယူရန်မဟုတ်ဘဲ ထမင်းဖိတ်ကျွေးရန်လာခဲ့သည်ဖြစ်ရာ မည်သည့်အရာကိုများ ယူလာခဲ့မိမည်နည်း။ သူ၏မျက်လုံးထောင့်မှတစ်ချက်ကြည့်လိုက်ချိန်တွင် ပိုင်ရဲ့ဘောပင်တစ်ချောင်းကိုင်ထားသည်ကို မြင်လိုက်ရသဖြင့် " ကျွန်တော့်လက်ဖဝါးပေါ်မှာ ထိုးပေးပါ…" ဟုသာပြောလိုက်ရသည်။

" ကောင်းပြီ မင်းရဲ့နာမည်ကဘာလဲ…"

ပိုင်ရဲ့၏စကားကိုကြားလိုက်ရချိန်၌ ကျန်ရှိသော မိန်းကလေးညဉ့်ကောင်းကင်များမှာ ချဉ်စူးသွားရသည်။ နာမည်ဘာလဲမေးတယ်ဆိုတာ ဒီယောင်္ကျားလေးဖန်အတွက် ရဲ့ကောက လက်မှတ်ထိုးပေးချင်နေတာလို့ ဆိုလိုတာပဲ…

သူတို့လည်းလိုချင်ပါတယ်နော်…

သို့သော်လည်း နာမည်ရေးပေးခံရမည့်ဖန်ကောင်လေးမှာ လိုချင်ပုံမရနေသဖြင့် ညဉ့်ကောင်းကင်မလေးများမှာ ပူပင်လာပြီး အမြန်လောဆော်လိုက်ကြသည် " ဟေးး ရဲ့ကောက နာမည်မေးနေတယ်လေ…"

" အာ…" ချီရှင်းချန် သူ့ကိုယ်သူတွန်းအားပေး၍ နာမည်တစ်ခုထုတ်သုံးလိုက်ရသည် 

" ကျွန်တော့်နာမည်က ချီရှင်းပါ.."

ပိုင်ရဲ့နားလည်ကြောင်းဖော်ပြလိုက်ပြီး ခေါင်းကိုငုံ့ကာ သူ၏လက်ပေါ်တွင်ရေးပေးလိုက်သည်။ ရေးနေစဉ်တွင် ပိုင်ရဲ့၏လက်မှာအလွန်ဖော့ထားကာ နှုတ်ခမ်းထောင့်တွင် အပြုံးဖျော့ဖျော့ရှိနေခဲ့သည်။

ချီရှင်းချန်၏လက်မှာမူ ယားယံနေရသည့်အတွက် မနေနိုင်ဘဲ အံသာတင်းတင်းကြိတ်ထားမိသည်။ ကံကောင်းစွာဖြင့် နှာခေါင်းစည်းဝတ်ဆင်ထားသောကြောင့် မည်သူကမှသတိမပြုမိခဲ့ကြပေ။

ပိုင်ရဲ့ရေးပြီးနောက် သူ၏ဘောပင်ကိုမလိုက်ချိန်မှသာ ချီရှင်းချန် တစ်ဖက်လူမှ သူ၏‌နာမည်အတုကိုမရေးခဲ့ကြောင်း သိလိုက်ရသည်။ ထိုအစား ပိုင်ရဲ့မှကြယ်ပုံလေးကိုသာ ဆွဲပေးထားခဲ့သည်။

ကြယ်ပုံလေး၏အစွန်းနှစ်ဖက်မှာ အလွန်ချွန်မြနေကာ အပေါ်ဆုံးထောင့်မှာမူ ခပ်တိုတိုရှိသည်။  ၎င်းမှာချစ်စရာကောင်းသော်လည်း ထိပ်ပိုင်းမပါလာသကဲ့သို့ ဖြစ်နေသည်။

ချီရှင်းချန် သူ၏လက်ကိုအလျင်အမြန်အနောက်တွင် ဖွက်ထားလိုက်ပြီး လူအုပ်ကြားထဲမှ ထွက်လာလိုက်သည်။ ထို့နောက် အခြားတစ်ဖက်မှ ဓာတ်လှေကားကို အပြေးသွားကာ မြေအောက်ကားပါကင်သို့ ဆင်းလာခဲ့သည်။

ကားပါကင်တွင် ပိုင်ရဲ့၏နာနီကားသုံးစီးမှာ မတူညီသောနေရာတွင် ပါကင်ထိုးထားခဲ့ပြီး ဤသည်မှာပါပါရာဇီများနှင့် စစ်ရှန်းဖန်များကို ရှောင်ရှားရန်အတွက်ဖြစ်သည်။

ချီရှင်းချန် ပိုင်ရဲ့ ယမန်နေ့ကပေးထားခဲ့သည့်ကားနံပါတ်ကို ရှာတွေ့သွားချိန်တွင် တံခါးဖွင့်ရန်အတွက် ဖုန်းခေါ်ဖို့ပြင်လိုက်‌သည်။

ထိုစဉ် လျှပ်စစ်ကားတံခါးမှာ ဘေးနှစ်ဖက်စီမှ ပွင့်လာခဲ့သည်။

ချီရှင်းချန် မတုံ့ပြန်နိုင်ခင်မှာပင် အထဲမှလက်တစ်ဖက်ထွက်လာပြီး သူ၏လက်ကောက်ဝတ်ကိုဆွဲယူကာ ကားထဲသို့တိုက်ရိုက်ပစ်သွင်းလိုက်သည်။

ချီရှင်းချန် ထိုင်မချမီအထိ မည်သည့်အရာများဖြစ်ပျက်နေသည်ကို မသိခဲ့ရပေ။

သူ၏မျက်လုံးများမှ အတွင်းထဲရှိအလင်းရောင်နှင့် ကောင်းကောင်းအသားကျသွားသည့်အချိန်တွင် ချီရှင်းချန် သူ့ကိုဝိုင်းရံကာ ပန်ဒါတစ်ကောင်ကဲ့သို့ ကြည့်နေကြသည့်လူတစ်စုကို မြင်လိုက်ရသည်။

ပိုင်ရဲ့၏ကိုယ်ပိုင်မိတ်ကပ်ဆရာဖြစ်သော ရှောင်မန်မှ ပြောလာခဲ့သည် " ဘော့စ် ဒါကရှင်နာမည်နဲ့အတူလက်မှတ်ထိုးပေးခဲ့တဲ့ဖန်လေးမဟုတ်ဘူးလား… သူနဲ့‌သိနေကြတာလား…"

" ဘာလို့သူ့ကိုရင်းနှီးသလို ခံစားနေရတာလဲ…" ပိုင်ရဲ့၏ကိုယ်ပိုင်လက်ထောက် အားလွင်မှခေါင်းကိုကုတ်ကာ ပြောလိုက်မိသည် " သူ့ရဲ့ပုံစံက အဲဒီတစ်ယောက်နဲ့အရမ်းတူ…"

" အရမ်းတူတာမဟုတ်ပါဘူး.." ချီရှင်းချန် နှာခေါင်းစည်းကိုချွတ်ကာ ပြောလိုက်သည် " ကျွန်တော်ပါပဲ…"

" ဝိုးးး ရှင်းရှင်း မင်းဘယ်လိုလုပ်ပြီးဒီရောက်နေတာလဲ… ကျွန်တော့်ကိုလွမ်းလို့လား… ဟဲဟဲ…"

" လာပါ လာပါ ကျဲကျဲကိုအနမ်းလေးပေးပါဦး…နင် ကုမ္ပဏီကိုရင်ဆိုင်ပစ်လိုက်တာ အရမ်းမိုက်တာပဲဟယ်… ငါသာဆယ်နှစ်စောပြီးမွေးလာရင် သေချာပေါက်နင့်ကိုလိုက်မှာ…"

သူ၏ဝန်ထမ်းများမှ မျက်နှာပြောင်တိုက်ကာ သူ၏ညီငယ်လေးကို ဝိုင်းဝန်းဖလစ်နေကြသဖြင့် ပိုင်ရဲ့ ကူကယ်ရာမဲ့စွာဖြင့် အပြစ်တင်လိုက်မိသည် 

" ကလေးပဲရှိသေးတာကို သူ့ကိုဝိုင်းမခြောက်ကြနဲ့…"

ထို့နောက် ပိုင်ရဲ့ ချီရှင်းချန်ဘက်သို့လှည့်ကာ " အခုပဲ ကိုးနာရီထောင့်မှာ ပါပါရာဇီရှိနေလို့ မင်းကိုအမြန်လှမ်းဆွဲမိသွားတာ… ခိုက်မိသွားသေးလား…"

" မခိုက်မိပါဘူး…"

ပိုင်ရဲ့ ဤဖန်ငယ်ကလေး၏ ဒဏ်ရာကိုဖုံးကွယ်တတ်ခြင်းသမိုင်းကိုသိနေသည့်အတွက် ငုံ့၍ချီရှင်းချန်၏လက်ကောက်ဝတ်ကို စစ်ကြည့်လိုက်သည်။

ထိုအချိန်၌ အနံ့ဖျော့ဖျော့တစ်ခုမှာ သူ၏နှာခေါင်းထဲသို့ ဝင်ရောက်လာခဲ့သည်။

ပိုင်ရဲ့ ခဏမျှရပ်တန့်သွားပြီးနောက် ဆက်၍အရှေ့သို့ငုံ့ကာ ချီရှင်းချန်၏နားရွက်များအနားတွင် ကပ်၍အနံ့ခံကြည့်လိုက်သည်။

" မင်းစီမှာ ဘာမွှေးနေတာလဲ…အနံ့အရမ်းကောင်းတာပဲ…"

သူနှင့် အလွန်ကိုနီးကပ်​နေခဲ့သည်။

ချီရှင်းချန် သူ၏ နားစည်ထက်ဝယ် ပိုင်ရဲ့၏ ထွက်သက်ကိုပင် ရှင်းရှင်းလင်းလင်း ခံစားရနိုင်သည်။

သူ့ခန္ဓာကိုယ်အပေါ်ပိုင်းက နောက်သို့ ဆုတ်သွားသည်။ သူ့နောက်မှာရှိသည်က ကားပြတင်းပေါက်။ပိုင်ရဲ့က သူ့ခေါင်းကို ထိမှာစိုး၍ သူ့လက်ကို ခေါင်းနောက်မှာ အမြန်ထားလိုက်၏။

"ဘန်း"

ချီရှင်းချန်၏နောက်စေ့က ပိုင်ရဲ့၏လက်ကို တိုက်မိပြီး မသဲမကွဲအသံထွက်လာသည်။

ပိုင်ရဲ့က မျက်မှောင်ကြုတ်လိုက်သည်။ 

"နာသွားလား"

"ခေါင်းလျှော်ရည်" 

ချီရှင်းချန်က နားလည်ရခက်စွာဆို၏။

ထိုကဲ့သို့ပြောပြီးနောက် သူ့စကားတွေက မရှင်းမလင်းဖြစ်နေမှန်း သိလိုက်ရသဖြင့် ထပ်ဖြည့်ပြောလိုက်သည်။

"ကျွန်တော်သုံးတဲ့ ခေါင်းလျှော်ရည်က အနံ့ကောင်းတာ"

"ကောင်းပြီ" 

ပိုင်ရဲ့က ပြုံးပြီး သူ့လက်ကို ပြန်ဆွဲယူလိုက်သည်။ "အင်းပါ"

ချီရှင်းချန် ထိုကိစ္စကပြီးသွားသည်ကို မြင်လိုက်ရသောအခါ တိတ်တဆိတ် သက်ပြင်းချလိုက်သည်။

ထိုအချိန်မှာ ပွဲကြည့်နေသည့်ဒါရိုင်ဘာက နောက်ဆုံးမှာ ပြောလိုက်၏။

"ဘော့စ် ဘယ်ကို မောင်းရမလဲ"

ချီရှင်းချန်က စားသောက်ဆိုင်တစ်ခု၏နာမည်ကို ချက်ချင်းလှမ်းပြောလိုက်ပြီး ပိုင်ရဲ့ကို လှည့်ကြည့်လိုက်သည်။

"ဒါ ကျွန်တော်ဒကာခံမှာ... မငြင်းနဲ့"

ပိုင်ရဲ့ အံ့သြသွားသည်။ 

"ကောင်းပြီ... မင်းစကားနားထောင်မယ်"

သူဌေးဖြစ်သူက ပြောပြီးပြီးဆိုကတည်းက ဒါရိုင်ဘာက စားသောက်ဆိုင်ကို မောင်းသွားတော့သည်။ချီရှင်းချန် ကားထဲတွင် လူများစွာရှိနေသည်ကို သတိထားမိသဖြင့် အစမ်းသဘောဖြင့် ပြောကြည့်လိုက်သည်။

" အတူတူစားရအောင်..." 

ရှောင်မန်က "ငါကအကောင်းကြိုက်တယ်" ဆိုသည့်အမူအရာ ပြလေသည်။

"မလိုပါဘူး... မင်းရဲ့ကြင်နာမှုအတွက်ကျေးဇူးတင်ပါတယ်...ငါအိမ်ပြန်ပြီး ကောင်းကောင်းအိပ်ချင်တယ်"

"ငါ ပြန်သွားပြီး ကြောင်ကို အစာကျွေးချင်တယ်" 

အားလွင်က ဆို၏။

ကျန်သည့်လူတွေကလည်း လုပ်စရာရှိသည်ဟုပြောကြလေသည်။ချီရှင်းချန် ဝမ်းနည်းဟန်ဆောင်လိုက်သည်။ 

"အတော်ဆိုးတာပဲ...နောက်တစ်ခါမှ ကျွန်တော် ဒကာခံပါတော့မယ်"

ရှောင်မန်၊ အားလွင် နှင့် အခြားသူများ: "…"

သူတို့ကို နည်းနည်းထပ်ပြီး ဆွဲဆောင်လို့မရဘူးလား...ဒါက အတုအယောင် ဆန်လွန်းတယ်...

ပိုင်ရဲ့ မပြုံးဘဲမနေနိုင်လိုက်ပေ။

သူတို့ စားသောက်ဆိုင်နားရောက်လာချိန်မှာ ချီရှင်းချန်က စားသောက်ဆိုင် ပိုင်ရှင်ကို ဖုန်းဆက်ပြီး အနောက်တံခါးကို ဖွင့်ခိုင်းလိုက်သည်။ပိုင်ရဲ့၏လက်ရှိ နာမည်ကျော်ကြားမှုကြောင့် အရှေ့တံခါးကနေ ဝင်သွားပါက စားသောက်ဆိုင်မှာ ပရမ်းပတာဖြစ်စေလိမ့်မည်။

ပိုင်ရှင်က ဆိုသည်။

"မနေ့က ငါပြောခဲ့တဲ့ နေရာကို လာလို့ရတယ်...ဒီနေ့ အဆင်မပြေတဲ့ တခြားဧည့်သည်တွေ ရှိသေးတယ်... ဒါကြောင့် မနက်ခင်းက အနောက်တံခါးကို ဖွင့်လိုက်တာ"

နောက်ထပ် စူပါစတား လာမှာလား...

ချီရှင်းချန် သူ့ကို ကျေးဇူးတင်စကားဆိုလိုက်သည်။

ချီရှင်းချန်း ညွှန်ကြားချက်များအတိုင်း ဗန်ကား ကရပ်သွား၏။ချီရှင်းချန်က သူ့မက်စ်ကို ၀တ်လိုက်သည်။ 

"ရဲ့ကော မလှုပ်နဲ့နော်...ကျွန်တော် အရင်ဆင်းပြီးကြည့်ဦးမယ်"

ပိုင်ရဲ့ သူဖန်ပေါက်စလေး၏ အစီအစဉ်ကို နားလည်သောကြောင့် သူ ခေါင်းညိတ်ကာ မလှုပ်ပေ...

နှစ်မိနစ်အကြာမှာ ချီရှင်းချန်က အန္တရာယ်မရှိဘူးဟုပြောပြီး ပိုင်ရဲ့က လိုက်သွားခဲ့သည်။ တံခါးဝကို လှမ်းကြည့်လိုက်သောအခါ VIP ဧည့်သည်တွေကို ကြိုဆိုဖို့စောင့်နေသည့် စားသောက်ဆိုင်ပိုင်ရှင်က သူတို့ကို မြင်ပြီး မျက်လုံးပြူးသွာ၏။ "ဆိုတော့ မင်းတို့ကအတူတူလား"

...............

စားသောက်ဆိုင်ပိုင်ရှင်နှင့်ပိုင်ရဲ့က တစ်ယောက်နှင့်တစ်ယောက် သိ၏။ သူက ပိုင်ရဲ့ကိုကြည့်ပြီး ဘာမှပြောရမှန်းမသိဖြစ်နေသည်။

ပိုင်ရဲ့က နှုတ်ခမ်းကို တင်းတင်းစေ့ပြီး သူ့အစားပြန်ဖြေလိုက်၏။

"တကယ်တော့ ငါလည်း မနေ့က ဒီစားသောက်ဆိုင်ကို ကြိုမှာထားတာ" 

ချီရှင်းချန်: "ဟင်..."

ချီရှင်းချန်၏မျက်နှာပေါ်ရှိ မေးခွန်းအမှတ်အသားကို မြင်လိုက်ရသဖြင့် ပိုင်ရှင်က တုံ့ပြန်ခဲ့သည်။ 

"သြော် ဒါဆို မင်းတို့နှစ်ယောက်က သီးခြားစီစားသောက်ဆိုင်တွေကို ကြိုမှာထားပေမဲ့ နှစ်ယောက်စလုံး ငါ့စားသောက်ဆိုင်မှာ ကြိုမှာထားမိကြတယ်... မင်းတို့က တော်တော် တော်တော်လေး…လာပြန်ပြီ ဘာတယ် အဲဒီ အခေါ်က"

"ဟုတ်တယ်...ဟုတ်တယ်...မင်းတို့က စိတ်ချင်းဆက်နေတာ...စိတ်ချင်းဆက်နေတာ"

စိတ်ချင်းဆက်နေတာလား...

သူဘယ်လိုများ အဲဒီလို ဖော်ပြလိုက်ရတာလဲ ... 

ချီရှင်းချန် ယနေ့ စတုတ္ထအကြိမ်မြောက် မျက်နှာနီသွားသည်။

ပိုင်ရဲ့၏ တုံ့ပြန်မှုက ဘယ်လိုလဲဆိုသည်ကို သူမသိပေမဲ့ သူ့ဦးထုပ်၏ အစွန်းအောက်ကနေ စောင်းငှဲ့မကြည့်ဘဲ သူ မနေနိုင်ခဲ့ပေ။

ထို့နောက်တွင်ကား ပိုင်ရဲ့က သူ့ကို ငုံ့ကြည့်နေသည်ကို သူတွေ့လိုက်ရသည်။သူက မျက်ခုံးပင့်လိုက်သည်။ 

"ဖြစ်နိုင်တာက... ကျွန်တော်က ကျွန်တော်ရဲ့idolနဲ့တူလို့"

ယင်းက အံ့သြစရာကောင်းသည့်ထမင်းတစ်နပ်ဖြစ်ခဲ့ပါ၏။

ပိုင်ရဲ့က တုလန်ရှင်း​၏ အဖြစ်အပျက်နှင့် ပတ်သက်၍ မေးခွန်းအချို့မေးခဲ့သည်။ချီရှင်းချန်က ခဏမျှ တုံ့ဆိုင်းသွားသောကြောင့် သူ ဆက်မမေးတော့ပါချေ။ဘက်ဂျက်ခရီးသွားကြမယ်နှင့် ၎င်းတို့၏ အနာဂတ်အစီအစဉ်များအကြောင်း စိတ်ဝင်စားဖွယ်အကြောင်းအရာများကိုသာ သူပြောခဲ့သည်။

ကျသင့်ငွေပေးချေရန်အချိန်တန်သောအခါ၊ ချီရှင်းချန်က အမြန်ပေးချေရန်လုပ်ခဲ့သည်။ကံမကောင်းစွာပဲ၊ ပိုင်ရှင်က ဘေလ်ကို ပိုင်ရဲ့ဆီ တိုက်ရိုက်လွှဲပေးလိုက်၏။ပိုင်ရဲ့က ဆိုသည်။

"ဒီတစ်ခါ ငါအရင်ကျွေးမယ်... နောက်တစ်ခါကျမှ မင်းကျွေးပေါ့" 

"နောက်တစ်ခါ" ဟူသော စကားကိုကြားသောအခါ ချီရှင်းချန် မသိစိတ်ကနေ သူ့လက်ကို ပြန်ရုတ်လိုက်သည်။

နောက်ရက်အနည်းငယ်တွင် ချီရှင်းချန် စက္ကန့်တိုင်း စာဖတ်နေခဲ့သည်။တုလန်ရှင်းနှင့် အဆင်မပြေခဲ့ပေမဲ့ "သမုဒ္ဒရာနှလုံသား" အတွက် စာချုပ်က ကျန်ရှိနေပါသေး၏။ သူ ရုပ်ရှင်တွင် သရုပ်မဆောင်ခြင်း သို့မဟုတ် စာချုပ်ကို ချိုးဖောက်ခြင်းနှင့်ပတ်သက်၍ နောက်ထပ်အရှုပ်အရှင်းများကို မဖန်တီးချင်တော့ပေ။ဖွင့်ပွဲအခမ်းအနားမစမီ နေ့ခင်းပိုင်းတွင် သူ့ခရီးဆောင်အိတ်ကိုဆွဲကာ လိမ်လိမ်မာမာဖြင့် ရိုက်ကူးရေးအဖွဲ့ထဲသို့ ဝင်ခဲ့သည်။

ဒါရိုက်တာ၏နာမည်ကရှန့်ယွီလျန်ဟုခေါ်၏။သူသည် ယခုနှစ်တွင် အသက် 50 သာရှိသေးပြီး ပေကျင်းခန်းမ၏ ပရိသတ်ထဲတွင်ထိုင်နေလျက် လက်ထောက်ဒါရိုက်တာနှင့် ရိုက်ညွှန်းဆွေးနွေးနေသည်။

သူလျှောက်လာသည်ကိုမြင်သောအခါ ရှန့်ယွီလျန်ကပြောလေသည်။

"ရို့...ငါတို့ရဲ့တတိယမင်းသားက ဘာလို့ဟိုတယ်ကိုအရင်မသွားတာလဲ"

ချီရှင်းချန်က လွန်ခဲ့သည့်ရက်အနည်းငယ်က ပြဿနာဖြစ်စေခဲ့ပြီး သမုဒ္ဒရာနှလုံးသားကို သွယ်ဝိုက်သောနည်းဖြင့် ကြော်ငြာပေးခဲ့သောကြောင့် ဒါရိုက်တာ၏ သဘောထားမှာ သူ့အပေါ် အတော်လေး ကောင်းမွန်ခဲ့သည်။

"ကျွန်တော် နေ့လည်ခင်း လက်ဖက်ရည်ဝယ်ခဲ့တယ်... ဟိုတယ်ကို မသွားခင် ခင်ဗျားတို့ဆီကို အရင်ပို့ပေးမလို့" 

ချီရှင်းချန်၊ အန်းရန် နှင့် ချင်ကောတို့က ခန်းမထဲရှိ လူတိုင်းအား အစားအသောက်များ ဝေငှခဲ့သည်။

ယခုလိုအရာမျိုးက သူ့အေးဂျင့်က လုပ်ရမည့်အရာဖြစ်သည်။ အဖွဲ့သားအားလုံး ဒါရိုက်တာမှစပြီး ဇာတ်ခုံကြီးကြပ်ရေးမှူးအထိ ချီရှင်းချန်၏ လက်ရှိအခြေအနေကို သိသည်။ သူတို့သည် သူ၏ဒဏ်ရာကို သွားမထိဘဲ "ကျေးဇူးတင်ပါတယ် ချီလောင်ရှီး" ဟု ပြုံး၍ အော်ပြောကြသည်။

"လောင်ရှီးလို့ မခေါ်ပါနဲ့ဗျာ"

ချိရှင်းချန်က သူ့လက်ကို အမြန်ဝှေ့ယမ်းလိုက်သည်။ 

"ကျွန်တော်က ဒီနေရာမှာ အငယ်ဆုံးဆိုတော့ ခင်ဗျားတို့ကို လောင်ရှီးခေါ်တာ ပိုသင့်တော်တယ်...ခင်ဗျားတို့ ကျွန်တော့်ကိုဒီလိုခေါ်ရင် ကျွန်တော့်စကားကိုပြန်ရုတ်သိမ်းလိုက်မယ်"

လက်ထောက်ဒါရိုက်တာက သူ့ကို စလေသည်။ "ဘယ်လိုမျိုးလဲ"

ချီရှင်းချန်ကဆိုလိုက်၏။

"ခင်ဗျားတို့ရဲ့ ရိုက်ကူးရေးကို Weibo မှာ တင်လိုက်မယ်"

ချီရှင်းရှန်း သူ့ကိုယ်သူ လှောင်ပြောင်နေမှန်း လူတိုင်းပြောနိုင်ပြီး ဝါးလုံးကွဲရယ်ကြ​လေသည်။

လက်ထောက်ဒါရိုက်တာကလည်း ပြုံးပြီး ရှန့်ယွီလျန်ကို ဆိုသည်။

"ဒီကလေးက တော်တော်စိတ်ဝင်စားဖို့ကောင်းတာပဲ"

"ရုပ်ရှင်ရိုက်တဲ့အခါလည်း ဒီလိုတော်ဖို့ ငါမျှော်လင့်တယ်" 

ရှန့်ယွီလျန်က မှတ်ချက်မပေးခဲပေ။ 

"သရုပ်ဆောင်တဲ့နေရာမှာပဲ အားထည့်ထားတဲ့ သရုပ်ဆောင်တွေကို ငါသဘောကျတယ်"

သူ့မျက်နှာကို အောင်မြင်စွာပြသပြီးနောက် ချီရှင်းချန် ရှန့်ယွီလျန်ကို နှုတ်ဆက်ပြီး ဟိုတယ်သို့ ပြန်သွားခဲ့သည်။

"မနက်ဖြန် မနက်ခြောက်နာရီမှာ ဇာတ်ညွှန်းဖတ်မယ်...ဖွင့်ပွဲအခမ်းအနားကို မနက်ကိုးနာရီခွဲမှာ လုပ်မယ်" 

ရှန့်ယွီလျန်က သူ့ကို သတိပေးလိုက်သည်။

"ကျေးဇူးတင်ပါတယ် ဒါရိုက်တာ ရှန့် ... ကျွန်တော် သိပါပြီ"

ချီရှင်းချန် ၎င်းကိုမှတ်ထားလိုက်သည်။

အဖွဲ့သားများက အဆင်ပြေစေရန်အတွက် ကားဖြင့်ဆိုလျှင် ငါးမိနစ်သာသာဝေးသော ပိုင်ရှာဆိပ်ကမ်းပိုင်အဏ္ဏဝါရေအောက်ကမ္ဘာအပြင်ဘက်တွင် ဟိုတယ်တစ်ခုကို ကြိုတင်မှာယူထားပြီးဖြစ်သည်။