အပိုင်း၂၁၁

Chapter 211

October 09, 2023

မြို့ထဲကကောလဟာလများ

ဝမ်ယင်နျန်း မူးလဲမသွားပေမဲ့ မူးလဲလုနီးပါး လန့်သွားခဲ့သည်။

သူမက အမြဲတမ်း ကျန်းမာရေးကောင်းနေပေငြား ဤတစ်ခါ၌ မူးလဲလုနီးပါးပါပင်။

ဝမ်ယင်နျန်းက သူမ၏အသက် ဆုံးရှုံးမည်အား အလွန်ကိုမလိုလားသ​ဖြင့် မဒမ်ကျန်းအား ဒေါသထွက်နေစေကာမူ သူမ မိသားစုနေရာတွင် လှဲလျောင်းကာအနားယူနိုင်ရန် တစ်စုံတစ်ဦးကို  အမြန်တွဲပို့ခိုင်းခဲ့သည်။ ထို့နောက် သူမ၏အစေခံမိန်းကလေးအား သူမအတွက် သမားတော်ရှာရန် တိုက်တွန်းခဲ့သည်။

သူမ ဤရက်ပိုင်းအတွင်း စိတ်အေးချမ်းသာသာရှိခဲ့ပြီး မသေချင်ပေ။

ကျန့်ရီက ချင်ဖုန့်အဆောက်အဦးတွင် အမျိုးသမီးများ ဆော့ကစားရန်နှင့် အနားယူရန် ဥယျာဥ်ကို ပြင်ဆင်ထားစဉ်တွင် သူက ဤဥယျာဉ်အတွက် အမျိုးသမီးသမားတော်တစ်ဦးကိုလည်း ငှားရမ်းခဲ့သည်။

တချီတွင် အမျိုးသမီးသမားတော်များ အမြဲရှိခဲ့သည်။မည်သို့ပင်ဆိုစေကာမူ အမျိုးသမီးပြဿနာများစွာအတွက် အမျိုးသားသမားတော်များကိုကြည့်ခိုင်းသည် မကောင်းပေ။ကျန့်ရီက ဖုချောင်၏ ချမ်းသာသော မိသားစုများကို ဆွဲဆောင်ရန်အတွက် ထိုအမျိုးသမီးသမားတော်ကို ဥယျာဉ်ထဲတွင် ထားရှိခဲ့သည်။

ကလေးမွေးဖွားပြီးနောက်တွင် အမျိုးသမီးနှင့် ကောအများအပြားသည် ပြောရခက်သည့် ပြဿနာအချို့ရှိကြသဖြင့် တခမ်းတနားဖြင့် ဆေးကုသမှုခံယူရန် ရှက်ရွံ့ခဲ့ကြသည်။သို့ပေမဲ့ ချင်ဖုန့်အဆောက်အဦးမှာ အမျိုးသမီးသမားတော် တစ်ယောက်ရှိသည်ဆိုခြင်းကို သူတို့သိလျှင် သူတို့သည်ကို ခဏခဏလာရန် ဆန္ဒရှိကြပေလိမ့်မည်။

တစ်ချိန်တည်းမှာပင်၊ ဤနေရာတွင် သမားတော်ရှိသောကြောင့် အချို့သော အရေးပေါ်အခြေအနေများကို ကိုင်တွယ်ဖြေရှင်းရန် အဆင်ပြေမည်။

ကျန့်ရီက ရေရှည်စီမံချက်ချခဲ့သော်လည်း ချင်ဖုန့် အဆောက်အဦးစဖွင့်သည့် ပထမဆုံးနေ့တွင် အမျိုးသမီးသမားတော်ကို မသုံးချင်ခဲ့ပေ။

ဝမ်ယင်နျန်းအား ရွဲ့စောင်းနေကြသော သူများသည် ဝမ်ယင်နျန်း ဖြူဖျော့သွားသည်ကို တွေ့လိုက်ရသောအခါတွင် အနည်းငယ် စိုးရိမ်သွားကြသည်။ သို့သော် နောက်ပိုင်းမှာ ဝမ်ယင်နျန်းက လူတစ်စု ဝန်းရံလျက် လှဲနေသည်ကို တွေ့လိုက်ရသောအခါ မနာလိုစိတ် အနည်းငယ်မဖြစ်မိအောင် မထိန်းနိုင်လိုက်ကြပေ။

ထိုသို့သော မနာလိုစိတ်ကြောင့် သူတို့ စကားပြန်ပြောဖြစ်ကြလေသည်။

"အရင်က လမ်းပေါ်မှာ လူတွေကို ရိုက်နှက်ဆုံးမနေတာလေ... အခုကျတော့ ဒေါသစကားနည်းနည်းကို နားထောင်ပြီး သည်းမခံနိုင်တော့ဘူး ... ဒီရက်ပိုင်း သူဘယ်လိုတွေ ဖြတ်သန်းနေလဲ မသိဘူး"

"ဒါမှမဟုတ် သူ နောင်တရနေတာလား...လျောင်မိသားစုကို ရှင်းထုတ်ပြီး သခင်လျောင် သူ့ကို ပြန်လာဖို့ တောင်းပန်လိမ့်မယ်လို့ ထင်နေပုံပါပဲ... ဒါပေမဲ့ ရလဒ်အနေနဲ့ သခင်လျောင်က တခြားတစ်ယောက်နဲ့ လက်ထပ်ဖို့ ဆုံးဖြတ်လိုက်တယ်... ဝမ်းနည်းပူဆွေးပြီး သေတော့မှာလား" 

"အဲဒီတော့ နင့်မှာ ပိုက်ဆံရှိရင်ရောဘာဖြစ်တုန်း...နောက်ဆုံးကျ ဘယ်ဟာက ဈေးသက်သာမလဲ မသိတုန်းပဲလေ"

ဝမ်ယင်နျန်း အနားက အစေခံက ထိုလူတွေကို ပြင်းပြင်းထန်ထန် စိုက်ကြည့်ပေမဲ့ ဝမ်ယင်နျန်းကို ထပ်ပြီး ဒေါသထွက်စေမှာကို ကြောက်သောကြောင့် သူတို့နှင့်စကားမများခဲ့ပါချေ။

ထိုအချိန်မှာပဲ ချင်ဖုန့်အဆောက်အဦးမှ အမျိုးသမီးသမားတော်ရောက်လာသည်။

ဤအမျိုးသမီးသမားတေယ်က အသက်လေးဆယ်ခန့်ရှိပြီး အစိမ်းရောင်အဝတ်အစားကို အလွန်ရိုးရှင်းစွာ ဝတ်ဆင်ထားသည်။ သူမသည် ဆယ်ကျော်သက် တပည့်နှစ်ယောက်နှင့် အမြန်ဝင်ကာ ဝမ်ယင်နျန်း၏ နံဘေးတွင် ဝင်ထိုင်ကာ သူမ၏ သွေးခုန်နှုန်းကို စမ်းရင်း အဆင်မပြေသည့်နေရာကို မေးသည်။

"ဒီနေ့ မစားမသောက် နိုင်လောက်အောင် အိပ်ငိုက်နေတယ်...သမားတော် ငါ ဘာဖြစ်နေတာလဲ" 

ဝမ်ယင်နျန်းက အတော်လေး စိုးရိမ်နေသည်။

"ကျွန်မနေကောင်းပါတယ်နော်ဟုတ်တယ်မလား ...အရင်က ကျန်းမာရေးကောင်းပါတယ်....." 

လျောငိမိသားစုမှ မထွက်ခွာမီတွင် သူမသည် သွေးခုန်နှုန်းကို စစ်ဆေးရန် သမားတော်ထံ မကြာခဏ သွားရောက်ခဲ့ပြီး သူမ၏ ကျန်းမာရေးသည် အမြဲတမ်း ကောင်းမွန်နေသောကြောင့် ယခုလို ရုတ်တရက် မဖျားမနာသင့်ပါချေ။

"မင်းက မဒမ်ဝမ်လား"

သမားတော်က ရုတ်တရက် မေးသည်။

"ဟုတ်ကဲ့"

ဝမ်ယင်နျန်းက ပြောသည်။

ထို့နောက် ထိုသမားတော်က သူမအား အံ့သြတကြီးကြည့်ကာမေးသည်။ 

"မဒမ်ဝမ် အနီရောင်လကို ဘယ်အချိန်က နောက်ဆုံးတွေ့ခဲ့တာလဲ" 

ဝမ်ယင်နျန်း ဤရက်များတွင် အလုပ်များနေသဖြင့် လုံးဝမစဉ်းစားမိခဲ့ပေ။တစ်စုံတစ်ယောက်မေးသည်ကို ရုတ်တရက်ကြားလိုက်သောအခါတွင် သူမ အေးခဲသွားသည်။

ဝမ်ယင်နျန်း အနားရှိ အစေခံကထ၍ဆိုသည်။ "ကျွန်မတို့သခင်မက အနီရောင်လကို လွန်ခဲ့တဲ့ နှစ်လကျော်က နောက်ဆုံး မြင်ခဲ့ရပါတယ်ရှင်"

ဝမ်ယင်နျန်းက ၎င်းကို တွေးကြည့်ပြီးနောက် မှန်ကန်ကြောင်း သဘောပေါက်ခဲ့သည်။

"ဒါနဲ့ ဆက်စပ်နေနိုင်လား...အလုပ်အရမ်းပင်ပန်းလို့ နောက်ကျသွားတယ်ထင်တယ်"

ထိုမတိုင်ခင်က အများကြီးစားခြင်းကြောင့် နာကျင်လုနီးပါး ဖြစ်နေသဖြင့် နေ့တိုင်း ဆေးသွားပြခဲ့ရသည်။ယခု သူမ သိပ်အဆင်မပြေသဖြင့် သမားတော်ဆီသွားမပြချင်တော့ပေ။

"ဂုဏ်ယူပါတယ် မဒမ်ဝမ်... ဂုဏ်ယူပါတယ်...မဒမ်ဝမ်မှာ ကိုယ်ဝန်နှစ်လရှိနေပါပြီ..."

အမျိုးသမီးသမားတော်က ပြုံးပြုံးလေးပြော၏။

ဝမ်ယင်နျန်း စိတ်ရှုပ်ထွေး သွားသည်။

သူမက ကိုယ်ဝန်ရှိနေတာလား...သူမကကလေးမမွေးနိုင်ဘူးမဟုတ်လား...

"တကယ်လား" 

ဝမ်ယင်နျန်း အနားရှိ အစေခံများသည်လည်း အံ့သြမှင်တက်သွားသော်လည်း ယင်းက သေချာပေါက် ဝမ်းသာမှုကြောင့်ပင်။

"အမှန်ပါပဲ...မဒမ်ဝမ်မှာ ကိုယ်ဝန်ရှိနေတယ်..." 

ထိုအမျိုးသမီးသမားတော် သူမက အလွန်ကံကောင်းသည်ဟု ခံစားရရင်းထပ်ပြောလိုက်သည်။

ဝမ်ယင်နျန်းက ချမ်းသာသည်ကို မည်သူက မသိသနည်း။ သူမသည် ဤမျှကြီးမားသောသတင်းကောင်းကို တွေ့ရှိလိုက်သဖြင့် ဝမ်မိသားစုက သူမအား ရက်ရက်ရောရော ဆုကြေးပေးမှာ သေချာသည်။

သူမ မှန်းဆသည်က မှန်၏။

ဝမ်ယင်နျန်း အနားက အစေခံက သူမကို ငွေ ၅ စလက်ဆောင်ပေးခဲ့ပြီး ဝမ်ယင်နျန်းကမူ တုန်လှုပ်ချောက်ချားမှုကနေ ပြန်လည်းမကောင်းမွန် နိုင်သေးပါချေ။

ဝမ်ယင်နျန်း သတိပြန်ဝင်လာသောအခါ သူမကအမြန်ထအော်သည်။

"ဆုလာဘ်"

ဤနည်းဖြင့် သူမ နောက်ထပ် ငွေ ၅စအပေးခံလိုက်ရသည်။

အမျိုးသမီးသမားတော်က ချက်ချင်းပြုံးလိုက်ပြီး “မဒမ်ဝမ် ပထမသုံးလအတွင်းမှာ သန္ဓေသားက မတည်ငြိမ်တဲ့အတွက် သတိထားသင့်တယ်...အပင်ပန်းမခံနဲ့ ဒေါသမထွက်ပါနဲ့....."

ဝမ်ယင်နျန်း  တစ်စုံတစ်ခုကရုတ်တရက် သူမဆီမှာဖြစ်ပေါ်လာသောအခါတွင် အထပ်ထပ်အခါခါ ခေါင်းညိတ်လိုက်ရုံသာတတ်နိုင်သည်။

သူမက ကလေးရနိုင်ခဲ့သည်မှာ ထင်ရှားသော်လည်း သူမမှာ နှစ်အတော်ကြာသည့်တိုင် ကလေးမရခဲ့ပေ. . . လျောင်ချင်းဟယ်က ကလေးမရနိုင်တာကြောင့် ဖြစ်နိုင်လား. . .

လျောင်ချင်းဟယ်က ဤနယ်ပယ်တွင် ပြဿနာမရှိခဲ့ဘဲ အလှသစ်များကို အမြဲရှာဖွေနေသောကြောင့် ၎င်းသည် သူမ၏ကိုယ်ပိုင်ပြဿနာဟု အမြဲတွေးနေမိခဲ့သည်. . .တကယ်ကို. . .လျောင်ချင်းဟယ် ရဲ့ ပြဿနာပဲလား. . .

ဝမ်ယင်နျန်း လျောင်ချင်းဟယ်ကို ခဏလောက် မုန်းတီးမိခဲ့သော်လည်း မကြာမီ သူမ၏ အမုန်းတရားများ ပျောက်ကွယ်သွားခဲ့သည်။

ဝမ်မင်က သူကရုပ်ပိုင်းဆိုင်ရာ ဒဏ်ရာတွေရခဲ့ပြီး ကလေးမရနိုင်ဘူးဟုပြောခဲ့သဖြင့် ပထမတုန်းက သူ ကုန်းကုန်းဖြစ်သွားပြီဟု သူမထင်ခဲ့ပေမဲ့ မင်္ဂလာဆောင်ညမှာ သူမမှားမှန်းသိလိုက်ရသည်။နောက်ပိုင်းမှာ သူ မမြင်ရသည့် ဒဏ်ရာတစ်ခုခုရသွားသည် သို့မဟုတ် အဆိပ်တစ်ခုခု စားမိခဲ့သည်ဟုသူမထင်ခဲ့မိသည်။

သို့ပေမဲ့ ယခုကြည့်ရသည်မှာ.  . . အကုန်လုံးကမှားယွင်းနေပြီး ထိုယောကျာ်းက အမှန်တကယ် သူမကို  လိမ်ညာထားခြင်းဖြစ်သည်။

သို့ရာတွင် ဤလှည့်စားမှုကြောင့် ဝမ်ယင်နျန်း ဒေါသလုံးဝ မထွက်မိခဲ့ပေ။

အမှန်တွင် ထိုလူက သူမအပေါ် ရိုးသားခဲ့သည်က သေချာ၏။

ဝမ်ယင်နျန်းက သမားတော်ပြနေသည့်အချိန်မှာ ဘေးကနေကြည့်နေသည့် ကျောက်ကျင်းကောတစ်ယောက် ဝမ်ယင်နျန်းအတွက် မပျော်နိုင်ခဲ့ပါချေ။

အမျိုးသမီးသမားတော် ကြည့်ပြီးသွားသည်ကိုမြင်သောအခါ သူက ချက်ချင်း နှုတ်ဆက်ပြီးပြောလိုက်၏။

"သမားတော် ကျွန်တော့်ကိုလည်း ကြည့်ပေးပါလား"

ကျောက်မင်ကျူးကို ကိုယ်ဝန်ရှိတုန်းက ကိုယ်ဝန်ရှိမှန်းပင် သတိမထားမိဘဲ တိုက်ခိုက်ခဲ့သည်. . . ယင်းက သူ့ကို အတော်လေး စိတ်မသက်မသာဖြစ်စေခဲ့ပြီး အခုချိန်မှာ သူ့ကို တခြားသူတွေကို ကြည့်ခွင့်ပြုရန် အထူးဆန္ဒရှိနေခဲ့သည်။

ထိုအမျိုးသမီးသမားတော်က ချက်ချင်းပင် ကျောက်ကျင်းကော၏ သွေးခုန်နှုန်းကို စမ်းခဲ့သည်။

"မဒမ် မင်းလည်း ကိုယ်ဝန်ရှိနေပြီ..."

အမျိုးသမီးသမားတော်က အံ့သြစွာပြောသည်။

ကျောက်ကျင်းကော ဤအမျိုးသမီးသမားတော်ကို သူ့သွေးခုန်နှုန်းစမ်းခိုင်းခဲ့ပေမဲ့ သူ ကိုယ်ဝန်မရှိသည်က သေချာ၏။ကျန်းကျန့် ထိုအရာကို လုပ်စဥ်က. . . သူအမြဲသတိထားခဲ့သည်။

ဒါပေမဲ့ မထင်မှတ်ပဲ သူ ကိုယ်ဝန်ရှိနေတာလား...

"နှစ်လနီးပါးရှိပြီ..."

ထိုအမျိုးသမီးသမားတော်က ကျောက်ကျင်းကောကို ကြည့်လိုက်သည်။

ကျောက်ကျင်းကောက သူမကို ငွေငါးစ ပေးလိုက်သည်၊သူ အနည်းငယ် စိတ်ဆင်းရဲနေ၏။ ပုံမှန်အားဖြင့် သမားတော်ဆီသွားပြီး ဆေးမညွှန်ခိုင်းပါဘဲ ငွေငါးစ ပေးစရာ မလိုပါချေ။

ဒါပေမဲ့ သူအရမ်း​ပျော်​​နေ​တုန်းပဲ...

"ငါတို့က တကယ်ကို တစ်ယောက်နဲ့ တစ်ယောက် ကံပါတာပဲ" 

ဝမ်ယင်နျန်းက ကျောက်ကျင်းကော၏လက်ကို ဖမ်းကိုင်လိုက်ပြီး ရုတ်တရက် ထငို၏။

ဝမ်ယင်နျန်း ဝမ်းသာအားရ ငိုနေချိန်မှာ သူမ၏ ကိုယ်ဝန်အကြောင်းကို သိလိုက်ရသော ဝမ်မင်တစ်ယောက် အေးခဲသွားသည်။

သူ ခဏရပ်ပြီး အစေခံ ကောင်မလေးကို ကြည့်ရန် သူမ၏ တောင့်တင်းနေသော လည်ပင်းကို လှည့်လိုက်၏။

"ဒါဆို ယင်နျန်းအဆင်ပြေရဲ့လား"

"အရှင့်ကို ပြန်ဖြေရမယ်ဆိုရင် မဒမ်ကအဆင်ပြေပါတယ်... ဒါပေမဲ့ ကိုယ်ဝန်ရှိနေတာမလို့ ကောင်းကောင်း အနားယူသင့်တယ်"

"သူ အဆင်ပြေတာ ကောင်းတယ်" 

ဝမ်မင်က အသက်ပြင်းပြင်းရှူလိုက်ပြီး ခုနလောက်စိတ်မလှုပ်ရှားတော့ဘဲဆိုသည်။

"နင် ပြန်သွားပြီး မဒမ်ကို ဂရုစိုက်ပါ"

ဝမ်မင် ပြောနေစဉ်မှာပဲ ကျန်းကျန့်ရောက်လာသည်။

"ဘာဖြစ်တာလဲ"

"ဒါက ပျော်စရာကောင်းတဲ့ကိစ္စပါ...သခင်ကျန်း မင်း ငါ့ကို ဒီဥယျာဉ်ထဲ ဝင်ခွင့် ပေးနိုင်မလား..." 

ဝမ်မင် သူ၏စိတ်လှုပ်ရှားမှုကို မထိန်းနိုင်တော့ပေ။

"အထဲက လူတွေကို တစ်ယောက်ယောက်က အကြောင်းကြားပြီးရင် မင်းဝင်လို့ရပြီ" 

ကျန်းကျန့်က သူ တခြားသူတွေကို အကြောင်းကြားရန် ဥယျာဉ်ထဲကို တစ်ယောက်ယောက်ကို စေလွှတ်လိုက်ကြောင်းဆိုသည်။

အမှန်တွင် အမျိုးသမီးတစ်ယောက်နှင့်ဝင်တိုက်လျှင်ပင် ကိစ္စရှိမှာမဟုတ်သော်လည်း သူက တစ်ယောက်ယောက်က ဝင်ပြီး သူတို့၏အမျိုးသမီးတွေကို မရိုသေပြုမှာ ကြောက်သဖြင့် ယခုလို စည်းကမ်းတွေ ချမှတ်ခဲ့ခြင်းဖြစ်သည်။

တစ်စုံတစ်ယောက်က ချက်ခြင်းကြေညာရန် ဝင်သွားပေမဲ့ ထိုအချိန်မှာ ဝမ်မင်က ကျန်းကျန့်ကို ရုတ်တရက်ကြည့်လိုက်သည်။

"သခင်ကျန်း...လွန်ခဲ့တဲ့ ရက်အနည်းငယ်က မင်း ပင်လယ်နားမှာ သင်္ဘောကျင်းတစ်ခု ဆောက်ခဲ့တယ် မဟုတ်လား... မင်းငါ့ကို မင်းနဲ့ လက်တွဲခွင့်ပြုမလား"

ကျန်းကျန့် ယခင်က ငြင်းပယ်ခံရစဥ်က ဝမ်မင်က  ဝမ်မိသားစုမှ မထွက်ခွာလိုသောကြောင့် မဟုတ်ဘဲ မလိုအပ်ဟု ထင်သောကြောင့် ဖြစ်သည်။

ယခု သူ့မှာရှိသည့် ချမ်းသာကြွယ်ဝမှုက သူ့တစ်သက်လုံး သုံးစွဲရန် လုံလောက်နေပြီဖြစ်လေရာ အဘယ်ကြောင့် ငွေရှာရန် ပင်လယ်ထဲသွားပြီး  သူ့အသက်ကို စွန့်စားရမည်နည်း။ သူ့မှာ ကလေးတွေလည်း ရှိသည်မဟုတ်ပေ။

ပင်လယ်ကုန်သည်ဖြစ်ရန် အလွန်ခဲယဉ်းပြီး ပင်လယ်ထဲကဘဝက မကောင်းပေ။သဘာဝအတိုင်း အပြင်ထွက်လျှင် ပြန်လာရန် လအနည်းငယ်ကြာလိမ့်မည်၊ထို့အကြောင့် ထိုအချိန်က သူ ကျန်းကျန့်နှင့် စီးပွားရေးမလုပ်ချင်ခဲ့ပေ။

ဤအခြေအနေကြောင့် သူ ဝမ်ယင်နျန်း နှင့် အချိန်ပိုရနိုင်သည်ဟု သူထင်ခဲ့သည်။

ယခုမူ ဝမ်ယင်နျန်းမှာ ကိုယ်ဝန်ရှိနေပြီဖြစ်သည်။

ဝမ်ယင်နျန်း၏ ဗိုက်ထဲက ကလေးက သူ့ကိုယ်ပိုင်သွေးသားဖြစ်သဖြင့် ယခုကနေစပြီး ဤကလေးအတွက်ကိုလည်း သူ အမြဲတွေးနေရပေမည်။

"ဒါပေါ့ ရတာပေါ့" 

ကျန်းကျန့်က မဆိုင်းမတွ သဘောတူခဲ့ပြီး ဝမ်မင်က ယခုလိုလုပ်ရန် ရွေးချယ်ခဲ့သည်ကို လုံးဝ မအံ့သြပါချေ။

မိဘများက သားသမီးများအတွက် အများကြီး ချန်ထားရန် မလိုအပ်၊ယင်းက သူတို့ကိုအလိုလိုက်ဖျက်စီးရုံသာဖြစ်လိမ့်မည်ဟု သူတွေးခဲ့ဖူးသည်။သို့ပေမဲ့ သူ့မှာ သားသမီးရှိလာသောအခါ ထိုသို့မတွေးတော့ပေ။

အထူးသဖြင့် ကျောက်မင်ကျူးက သမီးတစ်ယောက်ဖြစ်သောကြောင့် သူ့ကို ပို၍ပင် စိုးရိမ်စေသည်။

ကျန်းကျန့် နှင့် ဝမ်မင်တို့ စကားအနည်းငယ် ဖလှယ်နေကြစဥ်မှာ ဥယျာဉ်ထဲသို့ ဝင်နိုင်သည်ဟု ပြောလာသည်။သို့ပေမဲ့ ရလဒ်အနေဖြင့် ခြေလှမ်းအနည်းငယ်လှမ်းဝင်လိုက်သည်နှင့် တခြားတစ်ယောက်ယောက် ပြေးထွက်လာ၏။

ဤတစ်ခါထွက်ပြေးလာသူက ကျောက်ကျင်းကော၏ ဘေးမှာ အမြဲရှိနေသည် ကောလေး ရို့အာ ဖြစ်သည်။

"ရို့အာ ဘာဖြစ်နေတာလဲ" 

ကျန်းကျန့် အနည်းငယ် စိတ်ပူသွားသည်။

"သခင်....မဒမ် သူ့မှာ ကိုယ်ဝန်ရှိနေပြီ" 

ကျန်းကျန့်ကိုတွေ့သောအခါ ရို့အာ ချက်ချင်းပင် အံ့အားသင့်သွားသည်။

ကျန်းကျန့်လည်း မှင်တက်သွားသည်။

ကျန်းကျန့် နှင့် ဝမ်မင် တို့သည် အံ့အားသင့်သည်ထက် ပိုပျော်နေကြသော်လည်း အချို့သောသူများက ထိုကဲ့သို့ မခံစားခဲ့ကြရပေ။

ဒေါသတွေချည်းပဲ ခံစားလာကြရသည်။

မဒမ်ကျန်းနှင့် ဝမ်ယင်နျန်းကို ခုနက ကဲ့ရဲ့ခဲ့ဖူးသော တခြားသူတွေက ဝမ်ယင်နျန်း၏ မျက်နှာက ကိုယ်ဝန်ရှိနေသောကြောင့် နေမကောင်းဖြစ်နေပုံရခြင်းဖြစ်ကြောင်း ကြားလိုက်ရသည်။

ဒီဝမ်ယင်နျန်းက အသက် ၃၀ နီးပါးရှိပြီမို့ သူမရဲ့ခန္ဓာကိုယ်က မသက်မသာဖြစ်ပြီး ခံနိုင်ရည်မရှိတာက ပုံမှန်ဖြစ်ပေမဲ့ ...ဝမ်ယင်နျန်းက ဘယ်လိုလုပ် ကိုယ်ဝန်ရနိုင်တာလဲ...

ထိုလူများသည်လည်း ဝမ်ယင်နျန်းကဲ့သို့ပင်၊လျောင်ချင်းဟယ်ကို ချက်ချင်းနီးပါးတွေးမိကြသည်။

ဝမ်ယင်နျန်းက ကလေးရနိုင်သည်ဆိုကတည်းက ယခင်က လျောင်ချင်းဟယ်မှာ ပြဿနာရှိသောကြောင့် ဖြစ်နိုင်ခြေများပါ၏. . . ကလေးတစ်ယောက် ကိုယ်ဝန်ရှိနေသည့် လျောင်မိသားစုမှ အမျိုးသမီးအတွက်မူ မည်သူမည်ဝါ၏ကလေး ဖြစ်သည်ကို သူတို့ သေချာမသိနိုင်ပေ။

လျောင်ချင်းဟယ်တွင် ယခင်က အမျိုးသမီးများစွာရှိသည့်တိုင် ကလေးတစ်ယောက်မှမရှိသည်ကအံ့သြစရာမဟုတ်ပေ။လက်စသတ်သည့်အခါ သူက ပြဿနာရှိသူဖြစ်နေသည် . .

ယခင်က မဒမ်ကျန်း၏ဘက်မှာရှိသည့်လူတွေ အားလုံးက ယခု သူမကို စာနာစိတ်ဖြငွ ကြည့်နေကြ၏။

ဤအခိုက်အတန့်တွင် မဒမ်ကျန်း သူမသမီးကို ပြီးပြီးရော လက်ထပ်ထားပေးချင်နေသော ခင်ပွန်းဖြစ်သူကို မုန်းတီးသော်လည်း လျောင်မိသားစုကိုပို၍ပင် မုန်းတီးခဲ့ပြီး ဝမ်ယင်နျန်းကိုလည်း မုန်းတီးခဲ့သည်။

မဒမ်ကျန်းတစ်​ယောက် သူမ အံကြိတ်နေစဉ်  အဆောက်အဦးထဲမှ မဒမ်ဝမ်ထွက်လာသည်ကို ရုတ်တရက် မြင်လိုက်ရသည်။

သူမပတ်ဝန်းကျင်က လူတွေက စိတ်အားထက်သန်နေကြပုံရပြီး အနည်းငယ်ပင် ပျော်နေ ကြသည်။ဝမ်ယင်နျန်း ပင်ပန်းနေသေးပေငြား နေရ ပိုကောင်းလာသည်။

သူမက အစေခံများ ဝိုင်းရံထားလျက်အပြင်သို့ထွက်လာစဥ်မှာ မဒမ်ကျန်းအား တွေ့၏။

"မဒမ်က တခြားသူတွေကို ဥမဥနိုင်ဘူးလို့ ပြောနေပေမဲ့ အဲဒါ သူ့သမီးရဲ့ အလှည့်ရောက်ပြီဆိုတာ သူမသိရှာဘူး"

ဝမ်ယင်နျန်းက ပြုံးလိုက်သည်။

မဒမ်ကျန်း၏ မျက်နှာသည် မည်းမှောင်နေသော်လည်း မနီးမဝေးမှဝမ်မင်က ခပ်တိုးတိုးရယ်လိုက်သည်။သူ့အမျိုးသမီးလေးက အလွန်ချစ်စရာကောင်းသည်။

ကျန်းကျန့်က ရှေ့ကို ခြေလှမ်းအနည်းငယ်လှမ်းပြီး ကျောက်ကျင်းကောဆီကို ရောက်လာကယဆိုသည်။

 "ကျင်းကော ဘယ်လိုခံစားရလဲ... တစ်ခုခု အဆင်မပြေတာရှိလား"

"မရှိပါဘူး ကျွန်တော် အဆင်ပြေပါတယ်..." 

ကျောက်ကျင်းကောင သူအဆင်ပြေကြောင်း၊ နေ၍ကောင်းပြီး လုံးဝမသက်မသာဖြစ်နေသလိုမခံစားရကြောင်း ချက်ချင်းပြော၏။

ကျောက်ကျင်းကော ပြောသည်ကိုကြားသော ကျန်းကျန့်က သက်ပြင်းချလိုက်ပြီး သက်သာရာရသွားပေမဲ့ သည်မှာ ဆက်မနေချင်တုန်းပါပင်။ 

"ကိုယ်တို့ အရင်ပြန်သွားကြမယ်"

ဤနေရာတွင် ကျောက်ကျင်းကောကို တစ်ယောက်ယောက် ဝင်တိုက်မိနိုင်သလားဆိုသည်ကို မည်သူကသိနိုင်မည်နည်း။ဝမ်ယင်နျန်းကို ပစ်မှတ်ထားသည့်သူတွေ ရှိသည်ဆိုသည်ကို အရင်က သူကြားထားလိုပင်။

ဝမ်မင်ကလည်းဆိုလိုက်၏။

"အရင်ပြန်ကြရအောင်" 

ထိုသို့ပြောနေစဉ်တွင် ဝမ်မင်က သူ့မစေခံများကို ဝမ်ယင်နျန်းကို မည်သူမျှ မထိခိုက်စေရန် ဝန်းရံခိုင်းသည်။

ခဏအကြာတွက် သူတို့ထွက်သွားပြီး သူတို့ထွက်သွားသည်ကို စောင့်ကြည့်နေသည့် မဒမ်ကျန်းက စကားတစ်ခွန်းမှမပြောဘဲ ထွက်သွားခဲ့၏။

ကိုယ်ဝန်သုံးလအောက်ရှိနေသည့် အမျိုးသမီးတစ်ဦးသည် ၎င်းကို ပုံမှန်အားဖြင့် လူသိရှင်ကြား မထုတ်ပြန်သော်လည်း ဝမ်ယင်နျန်း၏ ကိုယ်ဝန်ရှိခြင်းသတင်းသည် မကြာမီတွင် ပျံ့နှံ့သွားခဲ့သည်။

တစ်ချိန်တည်းမှာပင် ဖုချောင်မှ လေတိုက်သည့် ဦးတည်ရာမှာလည်း လုံးဝပြောင်းလဲသွားခဲ့သည်။

ဝမ်ယင်နျန်းက အမှန်တကယ်ပင် ကလေး မွေးနိုင်သည်၊ ဆိုလိုသည်မှာ ပြဿနာရှိသူက. . .

ခဏအကြာတွင် ဖုချောင်ကလူများ လျောင်မိသားစုအကြောင်းကို ပြောသည့်အခါ သူတို့၏ လေသံများ ပြောင်းသွား၏။လျောင်ချင်းဟယ်အကြောင်းကိုပြောသောအခါတွင်၊ သူတို့သည် ငါသိတယ်ဆိုသည့်ပုံစံမျိုးနှင့် သက်ပြင်းများဖလှယ်ကာ ခေါင်းယမ်းလိုက်ကြသည်။

နဂိုက ဝမ်ယင်နျန်းကို မကြိုက်သူတွေကပင် ယခု သူမကို ကိုယ်ချင်းစာကြသည်။မှန်ပေသည်၊ သူတို့က လျောင်ချင်းဟယ်ကိုလည်း စာနာမိခဲ့ကြသည်။

"အဲဒီဝမ်ယင်နျန်းက ကံဆိုးလွန်းလိုက်တာ...မှားယွင်းတဲ့လူကို လက်ထပ်မိလိုက်တဲ့အတွက် အများကြီးခံစားခဲ့ရတယိ"

"လျောင်မိသားစုက ဝမ်ယင်နျန်းကို မကွာရှင်းခဲ့ဘူးဆိုရင် တခြားသူတွေ သိမှာမဟုတ်ဘူး...ငါတကယ်မမျှော်လင့်ထားဘူး....."

"ဟုတ်တယ်...ဒီလျောင်ချင်းဟယ်ရဲ့ ကံတရားက တကယ်ကို ဆိုးပါတယ်"

"ဟေး ဒါဆိုလျောင်ချင်းဟယ် ပြန်ခေါ်လာခဲ့တဲ့ အဲဒီမိန်းမရဲ့ဗိုက်က ဘယ်သူနဲ့လဲ"

.......

ထိုနေ့တွင် အဖေလျောင်တစ်ယောက် လက်ရေးလှနှင့် ပန်းချီများကို ပေါင်ရန် ကိုယ်တိုင်သွားခဲ့သည်။

လက်ရေးလှနှင့် ပန်းချီကားများကို အပေါင်ခိုင်းသောအခါတွင် သူ့လက်အောက်ငယ်သားများက ပိုက်ဆံအနည်းငယ်သာရလေ့ရှိပြီး ယခုတစ်ကြိမ် အပေါင်ပေးလိုသော ပန်းချီကားမှာ သူအထူးနှစ်သက်သောကြောင့် ၎င်းကိုယူကာ အပေါင်ဆိုင်သို့ လူကိုယ်တိုင်သွားခဲ့သည်။

သို့ပေမဲ့ အပေါင်ဆိုင်က သူလိုချင်သည့်ဈေးကို မပေးနိုင်ပေ။

အဖေလျောင်က ငွေမချေးချင်ပေမဲ့ ပိုက်ဆံရရန် အလျင်လိုနေသောကြောင့် နောက်ဆုံးမှာ အပေါင်ထားရန်ကလွဲပြီး ရွေးချယ်စရာမရှိတော့ပေ။

ပန်းချီကားကို အပေါင်ထားပြီး ပြန်လာချိန်မှာ သူ သူ့သူငယ်ချင်းကောင်းတစ်ယောက်နှင့်တိုးသဖြင့် နှုတ်ဆက်လိုက်၏။

ထို့နောက် အဖေလျောင် သူ့သူငယ်ချင်း၏ အမူအရာမှာ ထူးဆန်းသည်ကို သတိပြုမိသည်။

"မင်းဘာလို့ဒီလိုကြီးလုပ်နေတာလဲ"

 အဖေလျောင်က မနေနိုင်ဘဲ မေးလိုက်သည်။

"မင်း . . ."

ထိုလူက တစ်ခုခုပြောချင်သော်လည်း ရပ်တန့်သွားသည်။ ထို့နောက် နောက်ဆုံးတွင် သူကအံကြိတ်ကာ ဆိုလိုက်၏။

"ဝမ်ယင်နျန်း ကိုယ်ဝန်ရှိနေပြီ၊ အဲဒါကို သိလား"

အဖေလျောင်၏ မျက်လုံးများ ရုတ်တရက် ပြူးကျယ်သွားသည်။