ငါ့အတွေးတွေကိုလူယုတ်မာ A ကြားပြီးနောက်

🍊 Intro 

မတော်တဆမှုတစ်ခုကြောင့် စုဝမ်ချင်းတစ်ယောက် ABO ဝတ္ထုထဲ ဗီလိန် Alpha နှင့် အတင်းအဓမ္မ လက်ထပ် ပေးခြင်းခံရတဲ့ ဇနီးသည်နေရာကို ကူးပြောင်းရောက်ရှိသွားတော့သည်။

မိသားစုရဲ့ အတင်းအကျပ် စီစဉ်မှုကြောင့် လက်ထပ်လိုက်ရပြီးနောက်၊ တစ်ဖက် Alpha က အိမ်ထောင်ဖက်ကို နှိပ်စက်မယ်၊ အမှတ်အသား အတင်းလုပ်မယ်၊ ကလေးဖျက်ချခိုင်းမယ်၊ ဂလင်းတွေကို ဖျက်ဆီးမယ်... စတဲ့ ယုတ်မာမှုပေါင်းစုံလုပ်မယ့်သူပင်။

ဇာတ်လမ်းအသွားအလာကို သိပြီးသား စုဝမ်ချင်းကမူ "ဘယ်လိုပဲဖြစ်ဖြစ် သေရမှာပဲဆိုတော့ နေရသလောက်လေး ပျော်ပျော်နေသွားမယ်" လို့သာ ဆုံးဖြတ်လိုက်သည်။

ဒါပေမယ့် မင်္ဂလာဆောင်သည့်နေ့မှာပင် တစ်ဖက် Alpha ဖြစ်သူ ချူမူချင်းတစ်ယောက် တစ်ခုခုမှားနေတာ သတိထားမိလိုက်သည်။ သူ... စုဝမ်ချင်းစိတ်ထဲက အတွေးတွေကိုကြားနေရတာပဲ။

[စုဝမ်ချင်း၏ အတွေး  "ဒါက ဒဏ္ဍာရီထဲကလို မျက်တောင်မခတ်ဘဲ လူသတ်ရဲတဲ့ Alpha ဆိုတာလား? ဒါပေမယ့် သူက ငါ့ Type လေးပဲ၊ ဘယ်လိုလုပ်ရမလဲ?"]

ချူမူချင်း : "......"

လက်ထပ်ပြီးနောက် ဆေးစစ်ချက်အဖြေ 

[စုဝမ်ချင်း : အတွင်းစိတ်ကို ထုတ်မပြတတ်သော၊ နူးညံ့သိမ်မွေ့သော Omega၊ ချူမူချင်းနှင့် လိုက်ဖက်ညီမှု ၉၅% ရှိသည်။]

ချူမူချင်း : "လုံးဝ မဖြစ်နိုင်ဘူး!"

စုဝမ်ချင်းကမူ အပြင်ပန်းမှာ လိမ္မာရေးခြားရှိပုံပေါက်နေသော်ငြား စိတ်ထဲမှာတော့... [စုဝမ်ချင်း အတွေး  "သူက အိမ်မှာ ညအိပ်လေ့မရှိဘူး ကြားထားတာ၊ ဘာလို့ အခုထိ မသွားသေးတာလဲ? ညီအစ်မတွေနဲ့ ချိန်းထားတာ နောက်ကျတော့မယ်!"]

ချူမူချင်း : "? "

Heat ဝင်ချိန် : Rut ကာလ ချူမူချင်းတစ်ယောက် Heat ဝင်ပြီး စိတ်တွေဂနာမငြိမ်ဖြစ်ကာ ဘယ်သူ့ကိုမှ အနား မကပ်ခိုင်းပေ။ စုဝမ်ချင်းကမူ တရားမျှတသည့် မျက်နှာထားနှင့်ပြောရှာသည်။ 

"ကျွန်တော်က သူ့ရဲ့ Omega ပါ၊ ကျွန်တော် ကူညီပေးပါရစေ"

[စုဝမ်ချင်း အတွေး : "သူ့ Pheromones နံလေးက မွှေးလိုက်တာ၊ အကုန်ရှူရှိုက်ပစ်ချင်စရာကြီး..."]

မနက်မိုးလင်းထိ တစ်ညလုံး "အစားခံ၊ အထိတွေ့ခံ" လိုက်ရပြီးနောက်... 

[စုဝမ်ချင်း အတွေး : "ဒဏ္ဍာရီထဲက လူယုတ်မာ Alpha ဆိုတာ ဒါကိုး... ဒါပေမယ့်... အင်း... သူ့ Technique ကတော့ မဆိုးရှာဘူးပဲ"]

ချူမူချင်းတစ်ယောက် နဖူးကိုလက်နဲ့အုပ်ပြီး သက်ပြင်းချကာ တွေးလိုက်မိတော့သည်။

ငါ တကယ် လူယုတ်မာ Alpha မဟုတ်ရပါဘူးနော်...