After The Villainess Awaken

Description 

လန်မုရှီသည် မမျှော်လင့်ထားစွာဖြင့် အသိစိတ်နိုးလာခဲ့ပြီး သူမကဝတ္ထုထဲမှ ဗီလိန်မဖြစ်နေကြောင်းသိလိုက်ရသည်။ သူမသာ ဝတ္ထုထဲမှဇာတ်ကြောင်းကို မပြီးမြောက်နိုင်ရင် သူမဘဝတွင်လွတ်လပ်မှုကို ဘယ်တော့မှပြန်ရမည်မဟုတ်ကြောင်း ဝတ္ထု၏စည်းမျဉ်းက သူမကိုပြောခဲ့သည်။ 

သူမသည် ဗီလိန်မဇာတ်ကောင်ကို တာဝန်ကျေကျေနဲ့ စတင်သရုပ်ဆောင်ခဲ့ပြီး ဇာတ်လိုက်မကို အသရေဖျက်သည့် ဝတ္ထု၏အင်မတန်တုံးအသည့် နည်းလမ်းများအတိုင်းလိုက်ပြီး ဇာတ်လိုက်မင်းသားကို အရူးအမူးချစ်နေတဲ့လူဇာတ်ရုပ်ကို အရူးအမူးသရုပ်ဆောင်ခဲ့သည်။ 

ယိုယွင်းပျက်စီးနေသည့် တောင်ကမ်းပါးတွင် အရူးအမူးပုံစံဖြင့် သူမပြောလိုက်သည်။

"အစ်ကိုရှောင်း ရှင်သဘောမတူဘူးဆိုရင် ကျွန်မဒီကနေခုန်ချလိုက်မယ်။"

လျှို့ဝှက်နယ်မြေထဲက တောင်ကမ်းပါးပေါ်တွင် ရှုံ့မဲ့နေတဲ့ပုံစံနဲ့ သူမပြောလိုက်သည်။ 

"အစ်ကိုရှောင်း ရှင်သူ့ကိုသွားတွေ့မယ်ဆိုရင် ကျွန်မဒီကနေခုန်ချလိုက်မှာနော်။"

နတ်ဆိုးနယ်မြေထဲက တောင်ကမ်းပါးပေါ်တွင် မျက်ရည်အပြည့်နဲ့ ရုပ်ဆိုးနေသည့်ပုံစံဖြင့် သူမပြောသည်။ 

"အစ်ကိုရှောင်း ရှင်သူ့ကိုလက်ထပ်မယ်ဆိုရင် ကျွန်မဒီကခုန်ချလိုက်မှာနော်။"

မြေအောက်ကမ္ဘာနယ်စပ်တွင် စိတ်ပျက်လက်ပျက်ငိုကြွေးနေရင်း သူမပြောလာသည်။ 

"ရှင် ကျွန်မကိုဘာဖြစ်လို့မချစ်ရတာလဲ။ ရှင်ကျွန်မကိုမချစ်မှာတော့ အသက်ရှင်နေရတာ ဘာအဓိပ္ပါယ်ရှိမှာလဲ။ ကျွန်မဒီကနေ ခုန်ချလိုက်တော့မယ်။"

ရှောင်းမြန်: ....ဆင်းလာခဲ့၊ ကိုယ်မင်းကိုချစ်တယ်။

လန်မုရှီ: ဟမ်?

—

ဇာတ်ရုပ်ထဲ ဈာန်ဝင်လွန်းသွားတဲ့ ဗီလိန်မလေး ဇာတ်လိုက်မင်းသားကို ပိုးလို့အောင်မြင်သွားချိန်မှာ ဗီလိန်မလေးဘာလုပ်ရမလဲ။ သူ့ကိုငြင်းဖို့ နောက်ကျလွန်းသွားပြီလား။

ရှောင်းမြန်: ကိုယ့်ကိုလူတစ်ယောက်က ဒီလောက်အရူးအမူးချစ်တာမျိုး တစ်ခါမှမခံဖူးဘူး။ ဒီလိုပြင်းပြင်းပြပြနဲ့အချစ်ခံရရင် ဘယ်သူ့ကိုမဆို ချစ်ကျွမ်းဝင်သွားမိနိုင်တယ်။

......