Title -နှင်း‌တောင်ယံကိုပွေ့ဖက်ခြင်း 

သိုင်းလောကတစ်ခုလုံးကို တုန်လှုပ်သွားစေမယ့် သတင်းကြီး : အရှေ့တိုက်ကြီးရဲ့ နံပါတ်တစ်မိသားစုက သခင်လေး ပျောက်ဆုံးသွားပြီတဲ့

သူက ထျန်းတောင်တန်းမှနှင်းများကို ဝိုင်ချက်လျှင် မည်သည့်အရသာရှိမည်ကို ရုတ်တရက်ပင် သိချင်သည့် စိတ်ကူး ပေါ်ပေါက်လာသည်ဟုဆိုကြသည်။

သို့သော်လည်း နှစ်ပေါင်းသောင်းချီမှ တစ်ကြိမ်သာ ပေါ်ပေါက်တတ်သည့် နှင်းမုန်တိုင်းကြီးနှင့်တိုးကာ အဆုံးသတ်ခဲ့ပြီး ဘေးအန္တရာယ်များလှသည့် တောရိုင်းဆီသို့ လွင့်ပါးသွားရကာ ခြေရာရှာမရအောင်ပင် ပျောက်ဆုံးသွားတော့သည်။

ထိုသတင်းကြောင့် လောကတစ်ခုလုံး ရုတ်ရုတ်သဲသဲ ဖြစ်သွားရသည်။ ချိုးမိသားစုမှ သခင်လေးမှာ ရင်သပ်ရှုမောဖွယ်အလှအပ၊နုနယ်လွန်းသော ပုံစံနှင့် စိတ်လည်းကြီးသည်ဟု လူသိများသည်။

ယခုလက်ရှိ သူရောက်ရှိသွားသည့် မြေရိုင်းဒေသမှာ ထာဝရ ဆောင်းရာသီသာကြီးစိုးသည့်ဒေသဖြစ်သည်။ကြောက်မက်ဖွယ် သားရဲတိရစ္ဆာန်များ ပေါများရုံသာမက အဆိုးညစ်ဆုံးသော မိစ္ဆာအကြီးစားများကိုသာ နှင်ဒဏ်ပေးရာ အရပ်ဖြစ်သည်။

လူတိုင်း တညီတညွတ်တည်း ချက်ချင်းကောက်ချက်ချလိုက်သည်: သခင်လေးက ပထမဆုံးနေ့မှာတင် အေးခဲပြီး ရေခဲလိုမျိုးဖြစ်သွားမှာပဲ!

___

ဂုဏ်သိက္ခာရှိသော နာမည်ကြီး ဂိုဏ်းပေါင်းစုံတို့သည် ချိုးမိသားစု၏ တောင်းဆိုမှုကို အကြောင်းပြကာ သခင်လေးကိုရှာရန်အတွက် မြေရိုင်းဒေသထံသို့ အလုံးအရင်းနှင့်ဝင်ရောက်သွားတော့သည်။ သခင်လေးကိုရှာဖွေခြင်းမှာ အပေါ်ယံရည်ရွယ်ချက်မျှသာဖြစ်ပြီး သူတို့၏ အဓိကရည်ရွယ်ချက်မှာ အရှေ့တိုက်ကြီးမှ အချမ်းသာဆုံးမိသားစု၏ ဩဇာအာဏာကိုသုံးကာ ထိုမြေရိုင်းဒေသထံမှ အရာများကို အဓမ္မလုယူရန်ပင်ဖြစ်သည်။

သို့သော်လည်း သူတို့သည် ကြောက်မက်ဖွယ် သားရဲများ၏ တိုက်ခိုက်မှုကြောင့် အသည်းအသန် ထွက်ပြေးခဲ့ရပြီး နှင်းတောင်ကြားတစ်ခုထဲသို့ လူစုကွဲပြီး ရောက်သွားချိန်တွင် မြင်လိုက်ရသည့် မြင်ကွင်းကြောင့် အားလုံးမှာ ဆွံ့အသွားကြရတော့သည်။

မိစ္ဆာကြီးငယ်၊အရွယ်မျိုးစုံသည် နာနာခံခံဖြင့် အုတ်သယ်ကာ တံတိုင်းများကို ဆောက်နေကြသည်။

ကြောက်မက်ဖွယ် သားရဲကြီးများမှာမူ အမြီးနန့်ကာ အပြစ်ကင်းစင်ဟန် ဆောင်နေကြသည်။

တောင်ကြားတစ်ခုလုံးသည်လည်း ကျောက်စိမ်းသစ်ပင်များနှင့် တလက်လက်တောက်ပနေသည့် ဖန်များ ရှိနေသကဲ့သို့ သလင်း‌ကျောက်လိုမျိုး ကြည်ရှင်းနေသည့် လောကသစ်တစ်ခု ဖြစ်နေသည်။

ထို့ပြင် သခင်ငယ်လေးမှာ သူတို့ထင်ထားသကဲ့သို့ ရေခဲဖြစ်မနေခဲ့ဘဲ... သူသည် ဖီးနစ်ငှက်မွှေးများဖြင့် ရက်လုပ်ထားသည့် ဝတ်ရုံကို ခြုံကာ၊ နှင်းဝံပုလွေဘုရင်၏ ခေါင်းပေါ်တွင် ခန့်ညားစွာ ရပ်နေပြီး ကြောက်စရာအကောင်းဆုံးဖြစ်သည့်၊ ငွေရောင်မျက်လုံးနှင့် မိစ္ဆာ၏ လက်ချောင်းများကို ဆော့ကစားနေရင်း သူတို့ကို ကြည့်ကာ ကျားတစ်ကောင်လို ပြုံးပြလာသည်:

"ဒီတောင်ကြားက ငါ့အပိုင်...ဒီမြေရိုင်းကလည်း ငါ့အပိုင်...ဒီနေရာကနေ ဖြတ်သွားချင်တယ်ဆိုရင် "

"အသက်ရဲ့အဖိုးအခအဖြစ် ပိုင်ဆိုင်သမျှအကုန်ထားခဲ့ကြ"

ဂိုဏ်းပေါင်းစုံမှ လူများ:!!!

[ငါ့မှာ [ချိုးကျန်းယွဲ့]ဆောင်းဦးမြစ်ထက်က လမင်းရှိတယ်...ထျန်းတောင်ယံကနှင်းတွေကိုလည်း ပွေ့ဖက်နိုင်တယ်] ps:အရမ်းချိုတဲ့ဇာတ်လမ်းလေးပါ

Content Tags: ကောင်းကင်ကဖန်တီးပေးတဲ့ဖူးစာ၊ချိုမြိန်တဲ့အချစ်ဇာတ်လမ်း၊အရှေ့တိုင်းဒဏ္ဍာရီ၊ဇာတ်လမ်းဇာတ်အိမ် ခိုင်တဲ့ ဒရာမာ