ဇာတ်လမ်းအကျဉ်း 👇👇

ကောင်းယန်တစ်ယောက် ဇာတိမြေမှ အားလပ်ရက်ခရီးစဉ်အပြီး ပြန်လည်ရောက်ရှိလာချိန်တွင် သူ့ခရီးဆောင်အိတ်အတွင်း၌ အလွယ်တကူ စွန့်ပစ်၍မရနိုင်သည့် သစ်သားဖြင့် ပြုလုပ်ထားသော လက်ရှစ်ချောင်းပါရှိသည့် နတ်ဆိုးကွမ်ရင်ရုပ်တုကို တွေ့ရှိလိုက်ရလေသည်။

ဘုရားကျောင်းထဲ ခြေချမိလိုက်သည်နှင့် ကောင်းယန်တစ်ယောက် ကွမ်လော့ယင် အခင်းအကျင်းထဲသို့ ကျရောက်သွားခဲ့၏။ 

ထိုနောက် နားထဲ၌ အချက်ပေးသံတစ်ခု ပေါ်ပေါက်လာခဲ့သည်။

"နတ်ဘုရားတို့၏ ကစားပွဲမှ ကြိုဆိုပါတယ်။ပထမဦးစွာ နတ်ဘုရားတို့၏ စကားကို နားထောင်ပြီး မပျက်မကွက် လိုက်နာနိုင်ရန် ကြိုးစားပါ"

.…......

နောက်ဆုံးရ သတင်းထိပ်ဆုံးခေါင်းစဉ်၌ ဤသို့ ဖော်ပြထား‌၏။ 

"တုန်လှုပ်ဖွယ်ရာ! တစ်ကမ္ဘာလုံးမှာ အမြင့်ဆုံး နတ်ဘုရားအဆင့် အခက်အခဲကို ကျော်ဖြတ်နိုင်ခဲ့တဲ့ တစ်ဦးတည်းသောပုဂ္ဂိုလ် ချူစွေ့ပိရဲ့ တည်နေရာက လျှို့ဝှက်ချက် ဖြစ်နေဆဲ ဆိုပေမယ့် အတွင်းသတင်းတွေအရတော့ ချူစွေ့ပိက သူ့ဇနီးဖြစ်သူကို လိုက်လံရှာဖွေနေတယ်တဲ့။ ဟုတ်ပါတယ်၊ သင်တို့ အခုဖတ်ရှုလိုက်ရသည်မှာ အမှန်ပဲ။ ထိုအသက်ကြီးတဲ့ ခွေးကဲ့သို့ ချူစွေ့ပိမှာ ဇနီးသည်ရှိနေလေပြီ"

လောကီရေးရာနှင့် ပတ်သက်မှုမရှိသော ကောင်းယန်တစ်‌ယောက် စည်းမျဉ်းများကို ချိုးဖောက်ရန် အလွန်ပင် စိတ်အားထက်သန်နေသည့် ချူ‌စွေ့ပိနှင့် တွေ့ဆုံလိုက်ရသည့်အချိန်၌.…...

"ကျွန်တော်က လူကောင်းတစ်ယောက်ပါ"

ကောင်းယန်က ပြောလိုက်သည်။

"ကိုယ်လဲ အတူတူပါပဲ"

ချူစွေ့ပိက ပြန်ပြောလိုက်သည်။

"မဖြစ်နိုင်တာတွေ ! "

နတ်ဘုရားတို့က အော်ဟစ်လိုက်၏။

သူ ဘာတွေများ ကြံစည်နေပါလိမ့်...?။

***