လင်းချင်းချင်း ရဲ့ မိခင်ဖြစ်သူဟာ မြို့ပြကိုပြန်ဖို့အတွက် ခင်ပွန်းနဲ့ သမီးအရင်းခေါက်ခေါက်ကို ရက်ရက်စက်စက် စွန့်ပစ်သွားခဲ့တဲ့ "မြို့ပြန်ပညာတတ်လူငယ်" တစ်ယောက်ပါ။

 သူမနောက်ကို လိုက်ဖို့အတွက် ဖခင်ဖြစ်သူ လင်းချန်ရှန်း ဟာ ဘတ်စ်ကားပေါ် တက်လိုက်တဲ့အချိန်မှာပဲ...

 အတိတ်ဘဝက မှတ်ဉာဏ်တွေနဲ့အတူ ပြန်လည်မွေးဖွား လာခဲ့ပြီး ကားပေါ်ကနေ ပြတ်ပြတ်သားသား ပြန်ဆင်းလာခဲ့ပါတယ်။

အတိတ်ဘဝတုန်းကတော့ လင်းချန်ရှန်း ဟာ ဇနီးသည်နောက်ကို မြို့ပြအထိ လိုက်ရှာခဲ့ပေမဲ့ ဇနီးဖြစ်သူက အိမ်ပြန်ဖို့ ငြင်းဆန်ရုံတင်မကဘဲ နောက်အိမ်ထောင်ပြုပြီး သူများကလေးတွေရဲ့ မိထွေးဘဝကို ခံယူသွားခဲ့ပါတယ်။ 

အိမ်ကို သူပြန်ရောက်လာချိန်မှာတော့... သုံးနှစ်ခွဲအရွယ် သမီးလေးဟာ ရေနစ်ပြီး သေဆုံးသွားခဲ့ပါပြီ။

 အဲဒီနောက်ပိုင်း လင်းချန်ရှန်း ဟာ ဇနီးဟောင်းရဲ့ မိသားစုသစ်ကို လက်စားချေဖို့ပဲ ဘဝတစ်ခုလုံးကို အသုံးချခဲ့ပေမဲ့၊ တကယ်တမ်းတော့ သူဟာ ဝတ္ထုတစ်ပုဒ်ထဲက ဗီလိန်ဇာတ်ကောင် သက်သက်သာဖြစ်လို့ ဇာတ်လိုက်တွေကို ဘာမှတုန်လှုပ်အောင် မလုပ်နိုင်ခဲ့ပါဘူး။

သမီးလေး လင်းချင်းချင်း ကတော့ မိဘနှစ်ပါးစလုံးက သူမကို ပစ်သွားကြပြီအထင်နဲ့ ဝမ်းနည်းနေတုန်း ဖခင်ဖြစ်သူကို မြင်လိုက်ရတဲ့အခါမှာတော့ မျက်ဝန်းလေးတွေ အရောင်တောက်သွားခဲ့ပါတယ်။

ဒီတစ်ကြိမ်မှာတော့ လင်းချန်ရှန်း တစ်ယောက် သမီးလေးကို လူတန်းစေ့ထားနိုင်ဖို့၊ ကျေးလက်ကနေ မြို့ပြအထိ၊ မူကြိုအရွယ်ကနေ တက္ကသိုလ်တက်တဲ့အထိ ဘဝကို ကောင်းမွန်စွာ ပျိုးထောင်ပေးပြီး အတိတ်ဘဝက နောင်တတွေကို အစားထိုးဖို့ ဆုံးဖြတ်လိုက်ပါတော့တယ်။

 တစ်ချိန်တည်းမှာပဲ လင်းချန်ရှန်း ရဲ့ ဘဝနောက်ခံသမိုင်းကြောင်း အမှန်ကလည်း ပေါ်ပေါက်လာခဲ့ပါတယ်။ သူဟာ ရက်စက်တတ်တဲ့ အဘွားအို လင်းရဲ့ သားအရင်း မဟုတ်ခဲ့ပါဘူး...။