ရှစ်ရှုန်းရေ ဒီလောက်လှတဲ့ရှစ်တိလေးအပေါ်ဘယ်လိုများစိတ်ယိုင်သွားရတာလဲ

☘️ Intro

လျန်လီတစ်ယောက် ဝတ္ထုထဲဝိညာဉ်ကူးပြောင်းလာပြီးတဲ့နောက် သူ့ဘဝရည်မှန်းချက်က ရှင်းရှင်းလေးပါ။ အဲ့ဒါကတော့ သူ့အသက်ကိုကယ်ထားသူတစ်ဖြစ်လဲ၊ သိုင်းပညာလည်း အရမ်းတော်တဲ့ သူ့ရဲ့ ရှစ်ရှုန်း "ယွင်ဟွေ့ကျိုး" ရဲ့ ပေါင်လုံးကြီးကို အမြဲဖက်ထားပြီး အေးအေးဆေးဆေးနေသွားဖိုပင်။

ဒါပေမဲ့ ပြဿနာတစ်ခုရှိနေတယ်။ မူရင်းဝတ္ထုထဲမှာ ဒီလောက်တော်တဲ့ရှစ်ရှုန်းက နောင်တစ်ချိန်မှာ သိုင်းပညာတွေ ဆုတ်ယုတ်ပြီး ဘဝပျက်သွားရမှာတဲ့!

"မဖြစ်ဘူး... ငါ့ရဲ့ အားကိုးရာ ကျောထောက်နောက်ခံကြီးပြိုလဲလိုမဖြစ်ဘူး!" 

လျန်လီ တစ်ယောက် ရှစ်ရှုန်းရဲ့ သိုင်းပညာတွေ ဘာကြောင့် ကျဆင်းရသလဲဆိုတာကို ခေါင်းစားခံစဉ်းစားရတော့သည်။

နောက်ဆုံးမှာတော့ သူ "အဖြေ" ရှာတွေ့သွားတော့သည်။

‘ရှစ်ရှုန်းက ကမ္ဘာ့အလှဆုံး အမျိုးသမီးကိုလုယူရင်းနဲ့ ချောင်းမြောင်းတိုက်ခိုက်ခံရတာပဲဖြစ်ရမယ်။ ဆိုလိုတာ ရှစ်ရှုန်းက မိန်းမလှလေးတွေရဲ့ အလှအပကြားမှာ မျက်စိလည်ပြီး သတိလက်လွတ်ဖြစ်သွားရတာပေါ့!’

အဲ့ဒီနေ့ကစပြီး လျန်လီရဲ့ "ရှစ်ရှုန်း နှလုံးသားကို ဘိလပ်မြေနဲ့ ပိတ်ဆိုရေး စီမံကိန်း" ကိုစတင်ပါတော့တယ်။

လျန်လီသည် မိန်းမလှလေးများစွာ၏ ပုံတူပန်းချီကားများကို ရှစ်ရှုန်း၏စားပွဲပေါ် ဖြန့်ခင်းလိုက်ပြီး...

"ရှစ်ရှုန်း... ဒါတွေကို ကြည့်စမ်းပါဦး၊ သူတိုက လှလား?"

ယွင်ဟွေ့ကျိုးက ပန်းချီကားများအား တစ်ချက်လေးပင်မကြည့်ဘဲ သူ့ဘေးရပ်နေသည့် လျန်လီ့မျက်နှာကိုသာ စိုက်ကြည့်ရင်း ခပ်တိုးတိုးဖြေလိုက်သည်။

"အင်း... လှတယ်..."

လျန်လီကတော့ သူ့ရှစ်ရှုန်း ပန်းချီကားကြည့်နေတယ်အမှတ်နှင့် ဝမ်းသာအားရ ဆက်ပြောတော့သည်။ 

"ဒါဆို ဒီထက်လှတဲ့ပုံတွေ အများကြီးထပ်ကြည့်ကြရအောင်၊ ရှစ်ရှုန်း မျက်စိထဲမှာ ဒီအလှအပတွေ ရိုးအီသွားတဲ့အထိကြည့်ရမယ်၊ ပြီးရင် ရှစ်ရှုန်းရဲ့ နှလုံးသားကို ဘိလပ်မြေနဲ့လောင်းသလိုမျိုး အသေသာပိတ်ထားလိုက်တော့၊ ဘယ်မိန်းမလှလေးကမှ ရှစ်ရှုန်း သိုင်းကျင့်နေတုန်း အာရုံထဲမနှောင့်ယှက်နိုင်စေရဘူး!"

"သိုင်းပညာကိုပဲ အာရုံစိုက်စမ်းပါ ရှစ်ရှုန်းရာ!"

လျန်လီ စိတ်အားထက်သန်စွာဖြင့် ရှစ်ရှုန်း ပုခုံးကို ပုတ်ကာအားပေးလိုက်သည်။ သိုသော်လည်း... သူ ရှစ်ရှုန်းအား အားပေးသည့် အနေဖြင့် ပုတ်လိုက်စဉ် တစ်ဖက်လူ၏အကြည့်များမှာ တစ်မျိုးဖြစ်နေသလိုပင်။

နေပါဦး... သူ ပုတ်လိုက်မိတာက ခြေထောက် အမှားကြီးလား ?

ယွင်ဟွေ့ကျိုး လျန်လီအား ပုခုံးပေါ်ထမ်းတင်ကာ ဆိတ်ငြိမ်သည့်နေရာတစ်ခုသိုခေါ်ဆောင်သွားခဲ့သည်။

အတော်ကြာပြီးမှ လျန်လီ တစ်ယောက် လုံးဝကိုအံ့ဩတုန်လှုပ်သွားကာ  "နေပါဦး... ရှစ်ရှုန်းက ကမ္ဘာ့အလှဆုံးအမျိုးသမီးကို လက်ထပ်မှာ မဟုတ်ဘူးလား ? အခု ဘာလုပ်နေတာလဲ ? တကယ်ကြီး ယောကျ်ားတစ်ယောက်ကို စိတ်ဝင်စားသွားတာလား?!"

ဘယ်နေရာမှာများ မှားယွင်းသွားခဲ့ရသနည်း?

အချိန်အတော်ကြာပြီးမှ လျန်လီ သိလိုက်ရသည်မှာ ယွင်ဟွေကျိုးပြောခဲ့သည့် "ကမ္ဘာ့အလှဆုံးသူကို လက်ထပ်မည်" ဆိုသည်မှာ မမှားခဲ့ပေ။ အား! သူ ဆိုလိုသည်မှာ ကမ္ဘာပေါ်တွင် အလှဆုံးဖြစ်သည့် သူ့ ရှစ်တိလေးကို လက်ထပ်လိုခြင်းသာ ဖြစ်နေတော့သည်။

မှတ်ချက်။  ။ ၎င်းတိုနှစ်ယောက်စလုံးသည် တုံးအနေသူများ မဟုတ်ဘဲ ညီအစ်ကိုသံယောဇဉ်သက်သက်သာဟု အမြဲယုံကြည်နေ ကြသော်လည်း တကယ်တမ်းတွင်မူ တစ်ယောက်အပေါ်တစ်ယောက် ပိုင်စိုးလိုစိတ်များရှိနေကြပြီးသားပင်။