ချွီးဟယ်ချင်းတွင် အလွန် ထူးချွန်လှသော သရုပ်ဆောင်စွမ်းရည်နှင့် ကောင်းမွန်လှသည့် ပါရမီတို့ ရှိသည်။ 

သူက ဒုက္ခိတဖြစ်သွားသော်လည်း လွတ်လပ်သော ဘဝနေထိုင်မှုနှင့် ပျော်ရွှင်စရာ ကောင်းအောင် နေထိုင်နေနိုင်ဆဲ ဖြစ်သည်။ 

မမျှော်လင့်ထားဘဲ မျက်စိတစ်မှိတ်အတွင်းမှာပင် သွေးလွှမ်းသော ဝတ္ထုတစ်ပုဒ်အတွင်းမှ အမြောက်စာဇာတ်ကောင်လေး ဖြစ်သည့် အလုပ်က အနားယူရလုဆဲဆဲနှင့် အကြွေးများ ပတ်လည်ဝိုင်းနေသော ၁၈ တန်း သရုပ်ဆောင်လေးတစ်ဦး ဖြစ်လာသည်။ 

လမ်းပေါ်တွင် မနေရရေးအတွက် ချွီးဟယ်ချင်းက သရုပ်ဆောင်လမ်းကြောင်းပေါ် တစ်ဖန် လျှောက်လှမ်းရလေသည်။ 

လူကြိုက်များတဲ့ web ဒရာမာလား။ 

အမျိုးသားရုပ်ရှင်ဇာတ်ကားလား။ 

သူ ပါဝင်လိုက်သမျှ တီဗွီဇာတ်လမ်းဖြစ်ဖြစ်၊ ရုပ်ရှင်ဖြစ်ဖြစ် အကုန် ကျော်ကြားလာပေသည်။ 

သူ၏ ဖန်များက သူ့ကို လူသားအယောင်ဆောင်ထားသည့် ခွိုင်ငါးလေး(Koi Fish)ဟု ခေါ်ကြသည်။ 

သို့ပေမယ့် မည်သူမှ မသိသည်က ချွီးဟယ်ချင်းသည် သူ၏ သူငယ်ချင်း ယွိချုံကမှ ခွိုင်ငါးလေး ဖြစ်သည်ဟု တွေးထင်နေခြင်းကိုပင်။ 

သူနှင့် ယွိချုံတို့ ပထမဆုံးစတွေ့စဥ်က ယွိချုံသည် နာရီအတု၊ တုပထားသော အဝတ်အစားများနှင့် သူဌေးအတုတစ်ယောက် ဖြစ်သည်။ 

သို့သော် မျက်စိတစ်မှိတ်အတွင်းမှာပင် ယွိချုံက သူဌေးပေါက်စလေး ဖြစ်လာသည်။ 

ချွီးဟယ်ချင်းက သူ့အတွက် ပျော်ရွှင်မိသလို စိတ်လည်း ပူပန်မိ၏။ 

ချွီးဟယ်ချင်း : "ယွိကော ကျွန်တော့်ကြောင့်နဲ့တော့ အင်တာတိန်းမန့်နယ်ပယ်ထဲမှာ ရင်းနှီးမြှုပ်နှံတာမျိုး မလုပ်ပါနဲ့။ အရမ်း အကုန်အကျများလွန်းတယ်။" 

ယွိချုံ : "ငါ့မှာ ပိုက်ဆံရှိတယ်။" 

ချွီးဟယ်ချင်း : "အဲဒါတွေက ခက်ခက်ခဲခဲ ရှာထားရတဲ့ ပိုက်ဆံတွေလေ။ အိမ်မှာ မိုင်းတွင်းရှိတဲ့ တခြားသူတွေဆီကနေ မသင်ယူပါနဲ့။" 

ယွိချုံ : "ငါ့မှာလည်း မိုင်းတွင်းရှိတယ်။" 

ချွီးဟယ်ချင်း : ???

ဆင်းရဲပါတယ်ဆိုတဲ့ကောင် ဘယ်ရောက်သွားတုန်းကွ!