အချက်အပြုတ်နတ်ဘုရားလေး၏ ခရီးစဉ်

Description 

စားဖိုမှူးစုခယ်သည် အိပ်ရာမဝင်မီ ခေတ်အခြေခံဝတ္ထုတစ်ပုဒ်ကို ဖတ်ခဲ့သော်လည်း စာအုပ်ထဲသို့ မတော်တဆဝင်သွားကာ ဝတ္ထုထဲက အမျိုးသမီးဇာတ်ပို့ဖြစ်လာခဲ့သည်။ သူမသည် ကောင်းမွန်သောဘဝရှိခဲ့သော်လည်း အရှက်တကွဲအကျိုးနည်းဖြင့် အဆုံးသတ်ကာ သေဆုံးသွားခဲ့ရသည်။

မူရင်းစာအုပ်ထဲ၌ စုခယ်သည် ဖခင်ဖြစ်သူ၏ ပံ့ပိုးမှုဖြင့် အရည်အသွေးမြင့် အမျိုးသားဇာတ်လိုက် ချန်းလင်နှင့် လက်ထပ်ခဲ့သည်။ အိမ်ထောင်ကျပြီးနောက်တွင် စုခယ်သည် အမျိုးသားဇာတ်လိုက်၏ သန်မာသော ခန္ဓာကိုယ်နှင့် ချစ်ကြည်နူးဖွယ်မကောင်းတာကို မကြိုက်ဘဲ ကွာရှင်းရန် နည်းလမ်းပေါင်းစုံဖြင့် ကြိုးစားခဲ့သည်။ 

သူမသည် ချန်းလင်ကို သူမနှင့် အတူ အိပ်ခွင့်မပြုသောကြောင့် ချန်းလင်က စစ်ဘက်အဆောင်တွင် မကြာခဏ အိပ်လေ့ရှိသည်။ စုခယ်သည် တည်ငြိမ်သောဘဝတွင် မနေထိုင်ချင်ကြောင်း စစ်မိသားစု အသိုင်းအဝိုင်းရှိလူတိုင်း သိကြသည်။  ချန်းလင်က သူမကို လွှတ်လိုက်ပြီးနောက် အမျိုးသမီးဇာတ်လိုက်ဖြင့် ပျော်ရွှင်စွာ နေထိုင်ခဲ့ကာ သူမရဲ့ နောက်ပိုင်းနှစ်တွေ၌ သနားစရာကောင်းစွာ နေထိုင်ခဲ့ရသည်။

 အခုချိန်၌ ဝတ္ထုစာအုပ်အရ အမျိုးသားဇာတ်လိုက်က သူမနဲ့ မကွာရှင်းခင် နှစ်ဝက်သာ လိုတော့သည်။

ပြတင်းပေါက် အပြင်ဘက်ရှိ စစ်သားများ၏ ကျယ်လောင်ျသာ အော်ဟစ်မှုများ၊ eight-pack များနှင့် အိမ်အလွတ်ကို ကြည့်ရင်း၊  စုခယ်က သူမ လုပ်နိုင်တယ်လို့ ကြွေးကြော်လိုက်သည်။

သူမသည် အရသာရှိသော အစားအစာများကို ချက်ပြုတ်နိုင်ပြီး အိမ်နီးချင်းများကို ညစာစားရန် ဖိတ်ခေါ်ကာ သူမ၏ဘဝသည် အရသာမျိုးစုံနှင့် ပြည့်စုံခဲ့သည်။

......

ချန်းလင် မစ်ရှင်မှပြန်လာပြီးနောက် သူ့အိမ်၌ ကြီးမားသော အပြောင်းအလဲများ ကြုံတွေ့ခဲ့ရသည်။  အိမ်ရှင်မကောင်း တစ်ဦးမဖြစ်ခဲ့ဖူးသော သူ့ဇနီးသည်လည်း ပြောင်းလဲသွားခဲ့သည်။

အိမ်က သန့်ရှင်းသပ်ရပ်သည်။ လေ့ကျင့်ပြီးတာနဲ့ အဝေးကလာတဲ့ သူ့အိမ်က အရသာရှိတဲ့ အစားအသောက် အနံ့ရသည်။ အရမ်းအရသာရှိပြီး အနယ်နယ် အရပ်ရပ်ကလူတွေလည်း လာရောက် စားသုံးကြသည်။

"ကပ္ပတိန် ချန်း၊ ဒီနေ့ မရီး ဝက်သားပြား ပြုတ်မှာလား။  ကျွန်တော် နည်းနည်းရနိုင်မလား?"

"မရီး ဘဲကင်လုပ်မှာလား မသိဘူး။ အဲဒါ စားချင်တယ်။"

လူတော်တော်များများက သူ့အိမ်မှာ ညစာစားဖို့ လာရတာကို ဘယ်တုန်းက ကြိုက်သွားတာလဲ။