ကျင့်ကြံရေးလောကမှာနတ်ဆိုးကီးဘုတ်အင်မော်တယ်ဖြစ်လာတယ်

⌨️ Intro

ပျယ်ယွီသည် နှစ်ညဆက်တိုက် ဂိမ်းဆော့ပြီးနောက် အိပ်စက်နေစဉ် နှလုံးရပ်တန့်ကာ သေဆုံးသွားခဲ့ပြီး၊ ကျင့်ကြံခြင်းကမ္ဘာရှိ ဂိုဏ်းငယ်လေးတစ်ခု၏အသုံးမကျသော ဇာတ်ပိုဇာတ်ကောင်တစ်ဦး ကိုယ်ခန္ဓာအတွင်းသို ကူးပြောင်းရောက်ရှိလာခဲ့သည်။

သူမ နိုးလာသည့်အချိန်တွင် ဂိုဏ်းသားအားလုံးသည် ကျင့်ကြံသူတစ်ဦး၏အသက်သွေးကြောသဖွယ် အရေးပါလှသော ကိုယ်ပိုင်ဝိညာဉ်လက်နက်ကို သွန်းလုပ်ရန်အတွက်စုဝေးနေကြချိန်ဖြစ်သည်။

ပျယ်ယွီသည် အတိတ်ဘဝက အင်တာနက်နှင့် ဂိမ်းအပေါ် အလွန်အမင်းစွဲလမ်းခဲ့သည့် စိတ်အာရုံကြောင့် သူမ၏ စိတ်ဝိညာဉ်စွမ်း အားများကိုအသုံးပြုကာ ကိုယ်ပိုင်လက်နက်တစ်ခုကိုသွန်းလုပ်လိုက်သည်။ သိုသော် သူ့ရှေ့တွင် ပေါ်လာသည်မှာ ဓား သိုမဟုတ် လှံ မဟုတ်ဘဲ ခေတ်မီဆန်းပြားသည့် ကီးဘုတ်တစ်ခုသာဖြစ်တော့သည်။

ပျယ်ယွီသည် သူ့ကိုယ်ပိုင်မှော်လက်နက်ဖြစ်သော ကီးဘုတ်ကြီးကိုကြည့်ကာ မေးခွန်းသင်္ကေတ တစ်ခုကို ဖြည်းဖြည်းချင်း ရိုက်နှိပ်လိုက်မိသည်။

ဂိုဏ်းချုပ်နှင့် တောင်ထိပ်သခင်များက စိတ်ဝင်တစားဖြင့် မေးမြန်းလိုက်ကြသည်။ 

"မင်းရဲ့ မှော်လက်နက်က ဘာလဲ?"

ပျယ်ယွီက ဝေခွဲမရစွာဖြင့် ပြန်လည်ဖြေကြားလိုက်သည်။

"အင်း... ဒါက... ကီးဘုတ်လို ခေါ်မယ်ထင်တယ်?"

ဂိုဏ်းတစ်ခုလုံးသည် သူမ လက်နက်ကို အသစ်အဆန်းဖြစ်နေသော ဓားတစ်မျိုးဟုထင်မှတ်ကာ ဝမ်းသာအားရဖြစ်သွားကြသည်။ ဓားတောင်ထိပ်တွင် ဆက်ခံသူတစ်ယောက်ရပြီဟု ယူဆကာ ပျယ်ယွီအား ဓားတောင်ထိပ်၏စီနီယာအစ်မကြီးအဖြစ် ချက်ချင်း စီစဉ်ပေးလိုက်ကြတော့သည်။

ပျယ်ယွီကမူ သူ့ ကီးဘုတ်အားထုတ်လိုက်သည့်အခါ ဓားတောင်ထိပ်တပည့်များ ကြောင်တောင်တောင်ဖြစ်သွားကြသည်။ 

"?"

ဓားကျင့်ကြံသူစီနီယာအစ်ကိုက သံသယဖြင့် မှတ်ချက်ပေးလိုက်သည်။

 "ဒီဓားပုံစံကြီးကလည်း ထူးဆန်းလိုက်တာ၊ ကြည့်ရတာ ဘာအန္တရာယ်မှပေးနိုင်မယ့်ပုံလည်း မပေါက်ဘူး"

ပျယ်ယွီသည် နှာခေါင်းရှုလိုက်ပြီး Keyboard ကိုအားရပါးရ ရိုက်နှိပ်ကာ သူမ စီနီယာအစ်ကိုအပေါ် ဆဲဆိုသံများကို အဆက်မပြတ် လွှတ်ထုတ်လိုက်ရာ၊ ပြင်းထန်လှသော ဒြပ်စင်ဆိုင်ရာထိခိုက်မှုများက စီနီယာအစ်ကိုကိုထံသိုတရစပ် ရိုက်ခတ်သွားတော့သည်။

စီနီယာအစ်ကိုမှာ တအံ့တဩဖြင့် ရေရွတ်လိုက်သည်။

 "မိုက်လိုက်တာ"

ကျင့်ကြံသူများ အချင်းချင်းယှဉ်ပြိုင်ကြသည့်အခါတွင်လည်း ရန်သူမှ ကြုံးဝါးလိုက်သည်။

"ကောင်မလေး၊ ငါ့ရဲ့ ဒီကွက်ကို ဘယ်လိုမြင်လဲ?!"

ပျယ်ယွီကမူ ကီးဘုတ်ပေါ်တွင် Copy နှင့် Paste ကို အေးအေးဆေးဆေးနှိပ်လိုက်ပြီး "မဆိုးပါဘူး၊ ဒါပေမဲ့ နောက်တစ်စက္ကန့်မှာတော့ ဒါက ငါ့ဟာ ဖြစ်သွားပြီ"

ညဘက်တွင် တောလိုက်ထွက်ကြစဉ် အင်အားအကြီးဆုံးဟုကျော်ကြားလှသော "ဝါးမြိုခြင်းသားရဲ" ကြီးသည် ပျယ်ယွီအား ရန်လိုစွာစိုက်ကြည့်နေသည်။

စီနီယာအစ်ကိုမှာ စိုးရိမ်တကြီးဖြင့် သတိပေးလိုက်သည်။

 "ညီမလေး၊ သတိထားဦး”

ပျယ်ယွီ ဝါးမြိုခြင်းသားရဲကို ချိန်ရွယ်ကာ Delete ခလုတ်ကို နှိပ်လိုက်သည့်အခါ၊ အစောပိုင်းရန်လိုနေသည့် သားရဲကြီးမှာ ခြေရာလက်ရာမကျန် ပျောက်ကွယ်သွားတော့သည်။

ပျယ်ယွီ အမှိက်ပုံး (Recycle Bin) ကိုလှမ်းကြည့်ကာ တွေးတောလိုက်သည်။

"ဟင်း... ဒါက ဘာလို ၁.၈ GB တောင် နေရာယူနေတာလဲ? အပြီးဖျက်ပစ်လိုက်ရင် ကောင်းမလား”

ဝါးမြိုခြင်းသားရဲကြီးသည် မည်သိုဖြစ်သွားသည်ကို မသိဘဲ ငိုသံပါကြီးဖြင့် အော်ဟစ်လိုက်သည်။

 "မြောင်... မြောင်... မြောင်?"