English Title - Wildfire

Genre - BL, Mature, Drama, Romance, Slice of Life

🔥 Description


ထောင်ရှောင်တုန်းထံတွင် မျက်မမြင် ညီလေးတစ်ယောက်ရှိသည်။ သဘောကောင်းပြီး တည်ငြိမ်လှသည့် ထန်ဆောယန်မှာ သူ့ညီလေး သဘောအကျဆုံးသော ဆရာဝန်ဖြစ်ရာ ထောင်ရှောင်တုန်းအနေဖြင့် ထိုအချက်ကြောင့်ပင် သူ့ကို သဘောမကျဘဲမနေနိုင်ခဲ့ချေ။

တစ်ခါတရံတွင် လူတို့မှာ အလွယ်တကူ ရရှိထားသောအရာများကို တန်ဖိုးထားရန် မေ့လျော့နေတတ်ကြစမြဲပင်။

ကုန်လွန်ခဲ့သော နှစ်များတစ်လျှောက် ထုံနင်မှာ ထန်ဆောယန်၏ အလိုလိုက်အကြိုက်ဆောင်မှုကို အလွန်အမင်းရရှိခဲ့သဖြင့် ဤကဲ့သို့သော လူမျိုးမှာ မည်မျှအထိ နှစ်လိုဖွယ်ကောင်းပြီး ရှားပါးသည်ကို တန်ဖိုးမထားနိုင်ခဲ့ပေ။

ထို့ကြောင့်လည်း သူက ထန်ဆောယန်ကို ဘာမှမစဉ်းစားဘဲ ပစ်ပယ်ခဲ့ပြီး စိတ်ကူးပေါက်သည့်အခါမှသာ တစ်ဖန်ပြန်၍ရယူရန် ကြိုးစားခဲ့ခြင်း ဖြစ်သည်။

သို့သော် ယခုတစ်ကြိမ်တွင်မူ သူသည် ခြေတစ်လှမ်း နောက်ကျသွားခဲ့ချေပြီ။ ထောင်ရှောင်တုန်းက သူ့ထက်ဦးအောင် လှုပ်ရှားခဲ့ပြီး နေ‌ပြီဖြစ်၏။

ထောင်ရှောင်တုန်းက ထုံနင်ကိုကြည့်ကာ ပြုံးလျက် ပြောလိုက်၏။
"ထန်ဆောယန်က သူ အရင်က ဘယ်သူနဲ့ပဲ တွဲခဲ့တွဲခဲ့ အရေးမကြီးဘူး.. အခု သူက ငါ့လူ... ငါ့ဘက်က လက်မလွှတ်သရွေ့ မင်း ဘယ်တော့မှ ငါ့ဆီကနေ သူ့ကို လုယူသွားနိုင်မှာ မဟုတ်ဘူး"


(အမည် ရှင်းလင်းချက် - ML နာမည်က Tang Suoyanပါ၊ အသံထွက်အရဆို ထန်ဆွော်ယန် (ထန်ဆဝေါ်ယန်)ဆိုတဲ့ အသံထွက်မျိုးပေါ့နော်။ ဒါမဲ့ မြန်မာတွေအတွက် ဆွော်ဆိုတဲ့စကားလုံးမရှိတဲ့အတွက် အသံထွက်ရလွယ်အောင် ထန်ဆောယန်လို့ ရေးလိုက်ပါတယ်)

Spoiler alert: MC Gongမဟုတ်ပါနော်


🔥🔥🔥