အမျိုးသားဇာတ်လိုက်၏ သူကြွယ်မေမေလေး

Description

ဝမ်ယွီထုံ မျက်လုံးဖွင့်လိုက်တော့ သူမ လက်မောင်းထဲမှာ တစ်နှစ်ခွဲလောက်ရှိတဲ့ နူးညံ့ကာ ချစ်ရာကောင်းသည့် ဖက်ထုပ်လုံးလေး ရှိနေသည်။ ထိုဖက်ထုပ်လုံးလေးက ငိုနေရှာသည်။

ဝမ်ယွီထုံနဲ့ ဖက်ထုပ်လုံးလေးနဲ့ မျက်နှာချင်းဆိုင်လိုက်တော့ ကလေးက ရုတ်တရက် အော်ငိုလာပြန်သည်။ ချော့လိုက်တော့မှ ရှိုက်သံလေးနှင့် ပြန်ပြုံးလာသည်။

ဝမ်ယွီထုံ - "……"

'ဖက်ထုပ်လုံးလေး မင်းက ဘယ်သူလဲ? ငါကလည်း ဘယ်ရောက်နေတာလဲ?'

ဝမ်ယွီထုံသည် ကလေးထိန်း စနစ်တစ်ခုနှင့် ချိတ်ဆက်မိသွားကာ  " ဆိုးသွမ်းတဲ့ဥက္ကဌကြီးးး ကျေးဇူးပြူပြီး လွှတ်ပေးပါ" ဆိုသည့် ဝတ္ထုထဲ ကူးပြောင်းလာခဲ့ရပြီး အမျိုးသားဇာတ်လိုက်၏ လှပကာ ရက်စက်သည့် မိထွေးဖြစ်လာခဲ့ရသည်။

ရင့်နင့်သနားဖွယ်ရာ အမျိုးသားဇာတ်လိုက်၏ ငယ်ဘဝ‌ဇာတ်လမ်းတွင် သူ၏မိဘများက သူ မွေးကတည်းက ဆုံးပါးသွားရကာ သူ့ဦးလေးက မွေးစားခြင်း ခံခဲ့ရရှာသည်။ ရက်စက်သည့်မိထွေးကလည်း သူ့ကို အနိုင်ကျင့်ခဲ့၍ သူ၏ငယ်ဘဝက အမှောင်အတိဖြစ်ခဲ့ရကာ အကျိုးဆက်ကြောင့် ကြီးလာတော့ ဆိုးသွမ်းသည့်သူဖြစ်ခဲ့ရ၏။

ဝမ်ယွီထုံသည် အမျိုးသားဇာတ်လိုက်ရဲ့မွေးစားအဖေက သူ၏ လုပ်ငန်းပြဿနာ ဖြေရှင်းနိုင်ဖို့အတွက် လက်ထပ်ခဲ့သည့် အမျိုးသမီးဖြစ်ကာ အမျိုးသားဇာတ်လိုက်အတွက်လည်း အိပ်မက်ဆိုးဖြစ်ခဲ့၏။

ဝတ္ထုပါဇာတ်ကြောင်းအရ ဝမ်ယွီထုံက သူ့မွေးစားသားကို အနိုင်ကျင့်နေကြာင်း ဇာတ်လိုက်၏ မွေးစားအဖေက သိသွားကာ ဝမ်ယွီထုံကို နှင်ထုတ်လိုက်သည်။လက်စားချေဟည့်အနေဖြင့်  စိတ္တဇဆေးရုံကို ပို့လိုက်ကာ ဆေးရုံမှာပဲ အထီးကျန်စွာ သေသွားရအောင် လုပ်လိုက်လေသည်။

ဝမ်ယွီထုံ -  "………"

ကလေးထိန်းစနစ် - "ကလေးကို သေချာ ပြုစုပျိုးထောင်ပါ။ ကလေးကြီးလာလို့ ကွာရှင်းရင် ဇာတ်လိုက်အဖေက သင့်ကို တစ်သက်သုံးမကုန်နိုင်တဲ့ လျော်ကြေးငွေ အများကြီးပေးမှာပါ။ အာ့အချိန်ကစပြီး ကောင်းကင်ကြီးမြင့်သလောက် ပျံသန်းနိုင်မယ့် လွတ်လပ်မှုနဲ့ ပိုက်ဆံတွေ အများကြီးရယ် တစ်သက်လုံးပျော်ပျော်ရွှင်ရွှင် နေသွားရပါလိမ့်မယ်"