တာဝန်များကို အမြဲပြီးမြောက်အောင် စွမ်းဆောင်နိုင်ခဲ့သည့် အဖြည့်ခံလူသားလေး ထန်ယွဲ့အန်းသည် ဇာတ်ပို့ကတ် ဗီလိန်ကတ်နှင့် အမြှောက်စာဇာတ်ကောင်ကတ်တို့ကအစ ဆွဲခဲ့ဖူးသည်။ မည်သည့်အရာကမှ သူ့ကိုမခြောက်လန့်နိုင်ခဲ့ချေ။သို့သော်လည်း ဒီတစ်ကြိမ်တွင်တော့ ရွှေရောင်ဝင်းဝါနေသည့် ဇနီးကတ်ကို ကိုင်ရင်း စနစ်ကို ခေါ်ထုတ်လိုက်သည်။

"ရှင်းပြစမ်း"

စနစ် ; ရိုးရိုးလေးပါပဲ host ကဇာတ်လိုက်တွေရဲ့ စိတ်ရောကိုယ်ပါ ကျန်းမာအောင် အလေးအနက်ထား ဂရုစိုက်ပေးပြီး ဗီလိန်ကိုအနိုင်ယူနိုင်အောင် အဖွဲ့အတွက်အရေးပါအရာရောက်သူအနေနဲ့ ပူးပေါင်းဆောင်ရွက်ပေးရမှာပါ။

ထောင်ယွဲ့အန်း သဘောပေါက်သွားခဲ့သည်။လူတွေကိုဂရုစိုက်ပေးရုံပဲမလား ကိတ်မုန့်စားသလိုလွယ်ပါတယ်။

"သနားစဖွယ် အသွင်အပြင်" "ကြွေရုပ်လေးကဲ့သို့ အမူအရာ" နှင့် "သန့်ရှင်းစင်ကြယ်သောရောင်ခြည်" တို့ကဲ့သို့သော ထူးဆန်းသည့် စွမ်းရည်များ ရနေတတ်သည်မှလွဲ၍ ကျန်တာအကုန်အဆင်ပြေချောမွေ့သည်။

သို့သော်လည်း သိပ်မကြာခင်မှာပင် ဇာတ်လိုက်များ၏ အမူအကျင့်များ ပြောင်းလဲကုန်သည်ကို သတိထားမိလိုက်သည်။သူတို့အားလုံး သူ့ကိုဖန်ပုတီးလုံးလေးလို သဘောထားကာ ကြေကွဲသွားမည်ဆိုး၍ ဘာဆိုဘာမှမလုပ်နိုင်အောင် တားဆီးကြသည့်အပြင် နတ်ဘုရားလိုပါ ကိုးကွယ်ကြသေးသည်။

သွေးဆာနေတဲ့လူသတ်သမားက သူ့လက်ကိုကိုင်ပြီး အနားယူဖို့ တောင်းဆိုသည်။လှည့်စားတတ်လွန်းသည့် ပလေးဘွိုင်းလေးကလည်း သူ့လက်ကိုဆေးပြီး စွပ်ပြုတ်လုပ်ပေးသည်။အမြဲအေးတိအေးစက်နှင့် ဆင်ဆင်ခြင်ခြင်နေသည့် ခေါင်းဆောင်ကလည်း သူ့ဘေးတွင်ဒူးထောက်ကာ မျက်ရည်အပြည့်နှင့် ပြောခဲ့သည်။

"မင်းဘာလို့များ တစ်ကြိမ်လောက်ဖြစ်ဖြစ် ကိုယ့်အတွက်ကိုယ် မတွေးရတာလဲကွာ"

သူနားမလည်နိုင်တော့ပေ။အဖြည့်ခံလူသားတစ်ဦးအနေနှင့် ဤအရာသည် သူ့တာဝန်ဖြစ်သည်။

ထို့ကြောင့် သူပြုံးလိုက်ကာ ကော်လံကိုပြင်ပေးလိုက်ရင်း ,"ကျွန်တော် အဆင်ပြေပါတယ် လူတိုင်းအဆင်ပြေနေတာနဲ့တင် ကျွန်တော်စိတ်သက်သာရာ ရသွားပြီ"

"ခင်ဗျားတို့တစ်ယောက်ချင်းစီတိုင်းက ကျွန်တော့်အတွက် ညီတူမျှတူ အရေးပါတယ်"

အကုန်လုံးက ဇာတ်လိုက်တွေဖြစ်သောကြောင့် ဘယ်သူ့ကိုမှ ဆုံးရှုံးလိုက်လို့ မရချေ။

သို့သော်လည်း ဇာတ်ကြောင်းအရ သူဗီလိန်ရဲ့လက်ထဲသေဆုံးပြီးသွားတာတောင် စနစ်က သူ့ကို နောက်ကမ္ဘာသို့ မပို့ခဲ့ချေ။ထို့အစား သုံးနှစ်အကြာ အနာဂတ်ကိုပို့ပေးခဲ့သည်။

ဇာတ်လိုက်များအားလုံး ရူးသွပ်နေကြကာ သူတို့၏ နူးညံ့သိမ်မွေ့မှုနှင့် ကြင်နာမှုတို့ ပျောက်ကွယ်နေကြသည်။တစ်ချို့က သူ့ကိုအန္တရာယ်ပြုခဲ့သည့် အဖွဲ့အစည်းကို ရှင်းပစ်ကာ တစ်ချို့ကတော့ သူမသေသေးဘူးဟု အခိုင်အမာယုံကြည်ကာ ကမ္ဘာအရပ်ရပ်သို့ ရှာဖွေရန် ထွက်ခွါသွားကြသည်။

သူ "ဇနီးကတ်"ကို ဆွဲထုတ်ကြည့်လိုက်ကာ အောက်ခြေရှိ စာကြောင်းသေးသေးလေးကို သတိပြုမိသွားခဲ့သည်။

"သူတို့အားလုံး မင်းကိုလိုချင်နေကြတယ်"