Second-Hand Love Letter

Author: 寒菽

Chapters: 53 Chapters + 4 Extras

Synopsis

လုရုံ အသက်တစ်ဆယ့်ခြောက်နှစ်အရွယ်ဖြစ်စဥ်က သူသည် မည်သည့်အရာတွင်မှ မထူးချွန်ခဲ့သလို လေးလံထိုင်းမှိုင်းကာ သိမ်ငယ်သူဖြစ်ခဲ့သည်။ ခြေလက်အင်္ဂါလည်းမသန်စွမ်း၊ အမြဲတစေ စိတ်ဓာတ်ကျလျက် စကားပြောဆိုရာတွင် မတော်သည့်အတွက် သူငယ်ချင်းတစ်ဦးမျှမရှိသည့် အမှိုက်ကောက်သမား တစ်ဦးသာဖြစ်၏။

ရှန့်ဝမ့်ချိုး၏ တစ်ဆယ့်ခြောက်နှစ်အရွယ်ကမူ သူသည် ရုပ်ရည်ချောမောကျော်ကြားပြီး လူတိုင်းမှ ကြိုက်နှစ်သက်ခြင်းကိုခံရသော စိတ်နှလုံးကြင်နာလှသည့် မင်းသားလေးတစ်ပါးပင်။

လုရုံ နှစ်ဆယ့်ရှစ်နှစ်အရွယ်ရောက်သောအခါတွင်မူ သူက အဆင့်မြင့်သတ္ထုစပ်လက်အတုတပ်ဆင်နိုင်သွားခဲ့သည်။ သူ၏အိမ်တွင်လည်း အမှိုက်များကိုပြန်လည်သန့်စင်အသုံးပြုသည့် စနစ်သေးသေးတစ်ခုကို စတင်တည်ဆောက်ရင်း သူသည် စျေးကွက်ထဲ၌ electronic recycle group တစ်ခု၏ တတ်သစ်စ CEO တစ်ယောက် ၊ နယ်ပယ်တွင်း၌ ထူးချွန်ထက်မြက်လှသော လူကြီးလူကောင်းတစ်ဦး ဖြစ်လာ၏။

ရှန့်ဝမ့်ချိုး နှစ်ဆယ့်ရှစ်နှစ်အရွယ်တွင်၊ မိဘများ၏ စီးပွားရေးမှာ ဒေဝါလီခံလိုက်ရ၍ သူ့အား ကြီးမားသောအကြွေးနွံထဲတွင် ချန်ရစ်ခဲ့လေသည်။ သူ၏သူငယ်ချင်း၊ မိသားစုဝင်များကပါ သူ့အား စွန့်ပစ်သွားကြ၏။ သူသည် သူ၏ရည်ရွယ်ချက်၊ ရည်မှန်းချက်အကုန်အစုံအား စွန့်ပစ်လိုက်ကာ အသုံးမဝင်သော ဆန်ကုန်မြေလေးတစ်ဦးသာ ဖြစ်လာခဲ့တော့သည်။

【Gong’s POV】

ရှမ့်ဝမ်ချိုးက တံတားအစွန်းတွင်ထိုင်လျက် သူ့ကို ထက်မြလှသော အေးစက်စက်အပြုံးတစ်ခုဖြင့် လှောင်ပြောင်လာသည်။ "ဥက္ကဌလု၊ ကျွန်တော် ငွေအခက်အခဲဖြစ်နေတယ်။ အဲ့ဒီနှစ်တွေတုန်းက ခင်ဗျား ကျွန်တော့်ကို ရူးရူးမူးမူးကို ချစ်ခဲ့တာမဟုတ်လား။ အခုရော ကျွန်တော့်ကို လိုချင်သေးလား။ ကျွန်တော့်ကိုယ်ကျွန်တော်သာ စျေးပေါပေါနဲ့ခင်ဗျားဆီရောင်းမယ်ဆိိုရင်ရော ခင်ဗျား အလိုရှိမလား။"

သူ၏နှလုံးသားထဲတွင် အတိတ်ကတည်းက နေရာယူခဲ့သော လရောင်ဖြူလေးမှာ ယခုအချိန်တွင်တော့ အားအင်ကုန်ခမ်းကာ ညိုးငယ်နေချေသည်။

ဆယ်နှစ်ကြာ တစ်ဦးတည်းဖြတ်သန်းပြီးသည့်နောက် ထိုသူ့ကို တစ်ဖန်ပြန်တွေ့ရခြင်းမှာ သူ၏နှလုံးသွေးများကိို နှလုံးအိမ်အတွင်း ပူနွေးလာလျက် လျင်မြန်စွာ စီးဆင်းခုန်မြန်လာအောင် လုပ်နိုင်စွမ်း ရှိပေသည်။

ရှန့်ဝမ့်ချိုးသည်ကား ရှန့်ဝမ့်ချိုးသာလျှင် ဖြစ်၏။

လူတိုင်းက ရှန့်ဝမ့်ချိုးအပေါ်၌ အမှိုက်တစ်စကဲ့သို့ ဆက်ဆံလျှင်တောင်မျှ ရှန့်ဝမ့်ချိုးသည်ကတော့ သူ၏အသဲရတနာလေး ဖြစ်နေဆဲပါပင်။

【Shou’s POV】

ရှန့်ဝမ့်ချိုးတစ်ယောက် စိတ်ဓာတ်အလွန်အမင်းကျလျက် မည်သူမှလည်း သူ့အားမကယ်နိုင်တော့သည်ဖြစ်ရာ သေဆုံးရန်ဆုံးဖြတ်ခဲ့သည်ကို ဝန်ခံပါသည်...သို့သော်ငြား သူ မသေဆုံးခင်အချိန်တွင် သူသည် လုရုံကို နောက်ဆုံးအကြိမ်အဖြစ် တွေ့ချင်လာမိ၏။

သူ လုရုံကို တွေ့ချင်မိသည်၊ ကမ္ဘာလောက၌ အကောင်းဆုံးဖြစ်ခဲ့သော လုရုံကို တွေ့ချင်လာမိ၏။ ထို့နောက် သူ၏ ငယ်ရွယ်မှုများကိုလည်း နှုတ်ဆက်ကာ နှလုံးသား၏အနက်ဆုံးတစ်ထောင့်တစ်နေရာတွင် ကွယ်ဝှက်ထားသော တစ်ဖက်သတ်ချစ်ခြင်းမေတ္တာကိုလည်း နှုတ်ဆက်တေးဆိုခဲ့ချေမည်။

တကယ်လို့ မင်းသာ ကျိုးပဲ့နေဆဲငါ့ကို လက်ခံခဲ့မယ်ဆိုရင်...

ငါကလည်း မင်းအတွက် လူသားတစ်ယောက်ပြန်ဖြစ်လာဖို့ ဆန္ဒရှိပါရဲ့။

Content tags: mutual love, reunion with a lost love, childhood sweetheart, sweet story