လူမှားလက်ထပ်မိသော အမြောက်စာလေး

Description

လင်းချောင်က သူမသူငယ်ချင်းထံမှသာကြားခဲ့ဖူးပြီး အမျိုးသားဇာတ်ဆောင်၏ အမည်ကိုပင် မမှတ်မိသော ဝတ္ထုတစ်ခုထဲသို့ ကူးပြောင်းသွားခဲ့၏။ လိုက်ဖက်မညီသည့် မထင်မရှား အမျိုးသမီးဇာတ်ရံတစ်ယောက်အနေဖြင့် အမျိုးသားဇာတ်ဆောင်က သူမကို စီးပွားရေးနှင့် အသက်မွေးဝမ်းကြောင်း အလုပ်များကို လွတ်လွတ်လပ်လပ် လုပ်နိုင်ရန် အိမ်ထောင်ရေး သဘောတူညီချက်ဖြင့် လက်ထပ်လိုက်လေသည်။ အမျိုးသားဇာတ်ဆောင်၏ လုပ်ငန်းအောင်မြင်သွားလျှင် သူမကိုယ်သူမ လူတိုင်းသဘောမကျလောက်မည့်သူအဖြစ် ပြောင်းလဲပစ်ကာ စိတ်ညစ်ဖွယ်ကွာရှင်းခြင်းဖြင့် အဆုံးသတ်မည်ဖြစ်သည်။

ဒါက အရမ်း အရမ်းကောင်းလွန်းသည့်ကိစ္စဟု လင်းချောင်တွေးမိ၏။

သူမတွင် အစားအသောက်က အဆင်သင့်ရှိနေပြီး အိမ်ထောင်မှုတာဝန်လည်း ဘာမှလုပ်စရာမလိုသလို ဇနီးမယား ထောက်ပံ့စရိတ်ကလည်း အများကြီးပင်။ ဘာလို့ အိမ်ထောင်မပြုဘဲ ဦးလေးနဲ့ အဒေါ်တို့ရောင်းစားမှာကို ထိုင်စောင့်နေရမှာလဲ။

ကြင်ဖက်တွေ့သည့်နေ့တွင် အရပ်ရှည်ရှည် ခပ်ချောချောအမျိုးသားတစ်ဦးက ဝန်ထမ်းဝတ်စုံဖြင့် ကြင်ဖက်တွေ့သည့်အခန်းထဲတွင် စစ်ပွဲထဲရောက်နေသလို မျက်နှာထားတည်တည်နှင့်ထိုင်နေ၏။ ဒါပေမဲ့လည်း သူက လစာကတ်နှင့် အမွေစာအုပ်ကိုတော့ လက်ကမ်းပေးလာသည်။ လင်းချောင်က စိတ်အေးအေးဖြင့် လက်ခံလိုက်ပြီး သူမခင်ပွန်း ကွာရှင်းခွင့်တောင်းမည့်နေ့ကိုသာ စောင့်နေလိုက်တော့သည်။

လက်ထပ်ပြီး ပထမနှစ်တွင် သူမက တစ်ခုခုမှားနေသည့် ခံစားချက်ဖြင့် နာကျင်နေသည့်ခါးကို ပွတ်နေရ၏။ ဒုတိယနှစ်တွင်တော့ ထိုလူ၏ ပခုံးပေါ်တွင်ကြယ်ပွင့်များပိုများလာသောကြောင့် ပိုပြီးတစ်ခုခုလွဲနေသလိုလို...

တစ်ရက်မှာတော့ ထိုလူ၏ အကြီးဆုံးတူက အရက်မူးပြီး သူမအိမ်သို့်ရောက်လာကာ ဒီလိုစီစဉ်ထားတဲ့လက်ထပ်ပွဲက်ို သူ့ထံထိုးချပေးခဲ့မိသည့်အတွက် နောင်တရကြောင်း လာပြောတော့၏။ သူမအတွက် ပုစွန်အခွံခွာပေးနေသူက သူ၏တူကို စိုက်ကြည့်လိုက်ရာ လုံးဝမူးနေသူ၏ မျက်နှာက ကြောက်ရွံမှုကြောင့် သွေးရောင်ပျောက်သွားတော့သည်။ ထိုအခါမှ သူမလက်ထပ်ခဲ့မိသည်မှာ အမျိုးသားဇာတ်ဆောင် မဟုတ်ဘဲ သူ၏အေးတိအေးစက် ဦးလေးဖြစ်သူဆိုသည်ကို လင်းချောင် သဘောပေါက်သွားတော့၏။

သူမက ကိုယ်ဝန်တောင်ရှိနေပြီဖြစ်ပြီး သူက ယခုထိကွာရှင်းမည့်စကားမပြောသေးသည်မှာ လုံးဝအံ့သြစရာမရှိတော့ပါ!