Title - ဉာဏ်များတဲ့မျက်မမြင်အလှလေးကလည်း အမြှောက်စာဖြစ်ပေးရမှာတဲ့လား။

 Genre - Comedy,Drama,Fantasy,Psychological,Romance,BL

 Description

 ယဲ့မန်သည် လူတိုင်း၏အချစ်ကိုရရှိထားသော သခင်လေးအတုအကြောင်းရေးသားထားသည့် ဝတ္ထုတစ်ပုဒ်ထဲမှ သခင်လေးအစစ်ဖြစ်ပြီး ဗီလိန်အမြောက်စာတစ်ယောက်ဖြစ်သည်။

 သူသည် သုန်မှုန်နေတတ်ပြီး ကိုယ့်ကိုယ်ကိုယ် ယုံကြည်မှုကင်းမဲ့နေတတ်ကာ အကြံအစည်များဖြင့် ပြည့်နှက်နေပြီး….

 စနစ် - နေဦး... သူက ဘာလို့ မျက်စိမမြင်ရတာလဲ။

 စနစ်က ယဲ့မန်အား ဇာတ်လိုက်ဖြစ်သူ ချီကျွယ်ဆီမှ အရာရာကိုခိုးယူရန် စေလွှတ်လိုက်သည်။

 ယဲ့မန်သည် ချီကျွယ်အား အတင်းအဓမ္မ ချောင်ပိတ်၍ ခြိမ်းခြောက်ရန် ကြိုးစားလိုက်သော်လည်း၊ သူ၏အနောက်ဘက်ဆီမှ ဇာတ်လိုက်ဖြစ်သူ၏ ဘာလုပ်ရမှန်းမသိဖြစ်နေသော လေသံကိုသာ ကြားလိုက်ရလေသည်။ "ရှောင်မန်၊ မစ္စတာရွှီကို အရင်လွှတ်ပေးလိုက်ပါဦး"

​ယဲ့မန်၏ခန္ဓာကိုယ်မှာ ရုတ်တရက် တောင့်တင်းသွားပြီး အရှေ့တည့်တည့်ရှိ မာကျောသော ရင်အုပ်ကြီးကို ထိတွေ့ခံစားလိုက်မိလေသည်။

အိုး... အို-

 ထို့နောက် စနစ်က ထိုစုံတွဲကြား ပြဿနာတက်စေရန် ဇာတ်လိုက်၏စေ့စပ်ထားသူကို ဆေးခတ်ပြီး သူ့ကုတင်ပေါ်တက်ရန် ယဲ့မန်အား အမိန့်ပေးခဲ့ပြန်သည်။

 အတော်လေး ကြိုးစားပမ်းစားလုပ်ပြီးနောက် ယဲ့မန်သည် အခန်းမှန်ကိုရှာတွေ့ကာ ဆေးခတ်လိုက်သော်လည်း အနောက်မှနေ၍ ဖမ်းဆွဲချုပ်နှောင်ခြင်းကိုသာ ခံလိုက်ရသည်။

 အကျွမ်းတဝင်ရှိလှသော ကျီစယ်သံတစ်ခု ထွက်ပေါ်လာ၏။ "ကိုယ့်ရှေ့မှာတင် ဆေးခတ်နေတာ၊ ကိုယ့်ကိုသေပြီလို့

ထင်နေတာလား”

 ယဲ့မန်က စိုးရိမ်တကြီးမေးလိုက်၏။ "ခင်ဗျား ဒီထဲကို ဘယ်တုန်းက... ဘယ်တုန်းက ရောက်နေတာလဲ"

 ရွှီဟွိုင်ထင် - "က အစကတည်းက ဒီမှာရှိနေတာလေ"

 စနစ် - 🙂

​သူကိုယ်တိုင်က လှပကာ သနားစရာကောင်းသော အသွင်မျိုးရှိမှန်း ယဲ့မန့် ကောင်းစွာသိရှိထားပြီး၊ ထိုအချက်ကို အမြဲတစေ အသုံးချလျက် လူအများ၏စိတ်ကို အောင်မြင်စွာ သိမ်းသွင်းနိုင်ခဲ့သူဖြစ်သည်။

ရွှီဟွိုင်ထင် သူ့အား ပထမဆုံးအကြိမ်တွေ့ခဲ့စဥ်က ယဲ့မန်သည် လက်ဖက်စိမ်း'တစ်ယောက်လို သရုပ်ဆောင်ခဲ့သည်။ သူက သနားစရာကောင်းစွာ ကြမ်းပြင်ပေါ်သို့ လဲကျသွားပြီး သူ၏ဘယ်ဘက်လက်ကိုဆုပ်ကိုင်ကာ အသည်းကွဲမတတ် ငိုကြွေးပြခဲ့လေ၏။

 ရွှီဟွိုင်ထင်က ၎င်းကို ထွင်းဖောက်မြင်သွားပြီး သူ့အရှေ့တွင်ရပ်ကာ ပြောလာသည်။ "မင်း ဒဏ်ရာရထားတာက ညာဘက်လက်လေ"

 ယဲ့မန်က ကြောင်အမ်းအမ်းဖြင့် သူ၏ညာဘက်လက်ကို စမ်းကြည့်လိုက်ရာ သွေးများစီးကျနေသော ပြတ်ရှဒဏ်ရာကြီးတစ်ခုကို တွေ့လိုက်ရသည်။

 ထိုနောက်ပိုင်း နှစ်များစွာကြာသည်အထိ ရွှီဟွိုင်ထင်က သူ့ကို အမြဲတမ်း ကာကွယ်ပေးခဲ့သည်။

 "မင်း တစ်ခုခုလိုချင်ရင် ပြောသာပြောလိုက် …ကိုယ့်ကိုယ်ကိုယ် ထပ်ပြီးထိခိုက်အောင်မလုပ်နဲ့တော့။”

 အဆုံးတွင် ထိုလှပသော မျက်မမြင်ကောင်လေးက ဗီလိန်အမြှောက်စာတစ်ယောက် လုံးဝမဖြစ်နိုင်မှန်း သိလိုက်ရတော့သည်။

သူကား တစ်စုံတစ်ယောက်၏လက်ဖဝါးပေါ်၌  ဂရုတစိုက်နှင့်အမြတ်တနိုး ကာကွယ်ပေးခံရဖို့သာ သင့်တော်ပေသည်။

သနားကမားဟန်ဆောင်ပြရတာကြိုက်တဲ့ မျက်မမြင်လူညာအလှလေး (တကယ်လည်း သနားစရာကောင်းပါတယ်)နဲ့ အဲ့ဒီလူညာအလှလေးရဲ့ပြုစားမှုကို လုံးလုံးလျားလျား ခံလိုက်ရပြီး သူ့ကို သေမတတ်ကာကွယ်ပေးချင်နေတဲ့ သြဇာအာဏာကြီးမားတဲ့ အဆင့်အတန်းမြင့် အမျိုးသား။