ဖျော်ဖြေရေး နယ်ပယ်ထဲက ထိပ်တန်းအဆင့် အန်တီလေး

Description

နာမည်ကြီး ဖျော်ဖြေရေးသမား စုန့်လင်းချွမ်ဟာ သူ့အန်တီလေးအပေါ်မှာ အရူးအမူးဖြစ်ကြောင်း လူတိုင်းသိကြသည်။ သူ့အသက်မွေးဝမ်းကြောင်းကို စကတည်းက သူဟာ အမျိုးမျိုးသော အခါတိုင်းမှာ သူမကို ထည့်ပြောလေ့ရှိသည်။

သတင်းထောက်တစ်ယောက်က အင်တာဗျူးတစ်ခုမှာ  သူ့ကိုမေးခဲ့သည်။ "ဘယ်လိုမျိုး မိန်းကလေးက ချစ်စရာအကောင်းဆုံးလို့ ထင်ပါသလဲ?"

သူပြန်ဖြေလိုက်သည်။ "ကျွန်တော့်အန်တီလေးနဲ့ တူတဲ့လူမျိုး"

သတင်းထောက်လည်း အကြံအိုက်သွားသည်။

ပရိတ်သတ်တွေ လာရောက်လည်ပတ်တဲ့အခါမှာလည်း တစ်ယောက်ယောက်က သူ့ကိုမေးလာသည်။ " ဒီဒရာမာရိုက်ပြီးရင် ဘာအစီအစဉ်ရှိလဲဟင်?"

သူကပြန်ဖြေလိုက်သည်။ "ငါ့အန်တီလေးကို သွားပြန်တွေ့မှာပါ"

ပရိတ်သတ်တွေလည်း စိတ်ရှုပ်ထွေးသွားကြသည်။

အက်တာနက်ပေါ်က လူအသီးသီးဟာလည်း စုန့်လင်းချွမ်ရဲ့ အန်တီလေးအကြောင်း သိချင်နေကြတဲ့အတွက် သူက သူမကို လူနေမှုဘဝ variety showဆီ ခေါ်လာခဲ့သည်။ ကင်မရာပေါ်မှာ သူမပေါ်လာတဲ့အခါ သူမက ဆယ်ကျော်သက်အရွယ် လှပချောမောတဲ့ ကောင်မလေးတစ်ယောက်ကို တွေ့လိုက်ရတဲ့အခါ လူတိုင်းက အံ့ဩထိတ်လန့်သွားကြသည်။

ရှိုးတွင် ကောင်မလေးမှာ ငယ်ရွယ်ပေမယ့် ခေတ်နောက်ကျတဲ့ အပြောအဆိုနဲ့ အမူအကျင့်တွေ ရှိနေသည်။

စုန့်လင်းချွမ်အနေနဲ့ အချိန်မှန်စားဖို့ အရမ်းအလုပ်များနေတဲ့အခါ သူမက မျက်နှာထားတင်းတင်းနဲ့ ပြောလေ့ရှိသည်။ "မင်းရဲ့ခန္ဓာကိုယ်က တန်ဖိုးအရှိဆုံး အရာတစ်ခုဘဲ။ အချိန်မှန်စားဖို့ မမေ့နဲ့၊ မဟုတ်ရင် အစာအိမ် ဒုက္ခရောက်လိမ့်မယ်!"

သူက ဂိမ်းကစားရင်း နောက်ကျတဲ့အထိ နေတဲ့အခါဆို သူမက သူ့ကို ဆူသည်။ " လူငယ်တွေက ဂိမ်းကို တော်ရုံသင့်ရုံဘဲဆော့သင့်တယ်။ ညဘက်နောက်ကျတဲ့အထိနေတာက မင်းရဲ့ ကျန်းမာရေးအတွက် မကောင်းဘူး!"

အင်တာနက်သုံးစွဲသူတွေက စုန့်လင်းချွမ်ကို စနောက်လှောင်ပြောင်ကြပေမယ့် သူ့အန်တီလေးရဲ့ အကြံဉာဏ်ကိုလည်းသဘောတူကြသည်။

ဖက်ရှင်မဂ္ဂဇင်း ဓာတ်ပုံရိုက်ရာတွင် စုန့်လင်းချွမ်ရဲ့ ရှပ်အင်္ကျီလည်ပင်းက နည်းနည်းအောက် ရောက်နေသည်။ ကောင်မငယ်လေးက သူ့အနားကပ်လာပြီး အလေးအနက် ပြောလာသည်။ "ယောက်ျားလေးတစ်ယောက်အနေနဲ့ ဘယ်လိုလုပ် အရမ်းဖော်ပြီး ဝတ်နိုင်ရတာလဲ?"

အင်တာနက်သုံးစွဲသူတွေက ရယ်ကာ ပြောလာသည်။ "ဟားဟား၊ သူ့အန်တီလေးက သူ့ကို ယောက်ျားတစ်ယောက် ဘယ်လိုဖြစ်ရမလဲဆိုတာ ပြင်ပေးနေတယ်!"

ဒီအတောတွင်းမှာဘဲ အခြား နာမည်ကြီးတဲ့ ဖျော်ဖြေရေးသမား ဖေးခွမ်က လူနေမှုဘဝရှိုးကို ရိုက်ကူးနေတုန်းမှာ စုန့်လင်းချွမ်အိမ်ကို လာရောက်လည်ပတ်ခဲ့သည်။ သူအိမ်ထဲ ဝင်ဝင်ချင်းမှာဘဲ စုန့်လင်းချွမ်က သူ့ကို သူးအန်တီလေးနဲ့ ပေးတွေ့ဖို့ ဆွဲခေါ်သွားသည်။

စုန့်လင်းချွမ်က ပြောလိုက်သည်။ "ဖေးခွမ် ဒါက ငါ့ရဲ့ချစ်လှစွာသော အန်တီလေးပဲ။ အဲ့ဒီမှာဘဲ ရပ်မနေနဲ့ သူကလည်း မင်းရဲ့ အန်တီလေးပဲလေ။ သူ့ကိုခေါ်လိုက်!"

ဖေးခွမ်မှာ ပြောစရာစကားမဲ့သွားသည်။

နှစ်အနည်းငယ်ကြာပြီးတဲ့နောက်မှာ၊ ‌ဖေးခွမ်ဟာ စုန့်လင်းချွမ်ရဲ့ အန်တီလေးနဲ့တူတဲ့ ကောင်မလေးနဲ့အတူ လမ်းလျှောက်နေတာကို ပါပါရာဇီတွေက ရိုက်မိခဲ့သည်။

 သူတို့က အရမ်းကို တရင်းတနှီးရှိပုံရပြီး အွန်လိုင်းပေါ်က လူတိုင်းဟာ စုန့်လင်းချွမ်ကို အော်ပြောလာကြသည်။ "ကြည့်ဦး၊ နင့်ရဲ့သူငယ်ချင်းကောင်းက နင့်ဦး‌လေးဖြစ်တော့မယ်!"

အဲ့ဒီအချိန် စုန့်လင်ချွမ်က နက်ရှိုင်းတဲ့တောင်တန်းတွေကြားမှာ ရိုက်ကူးရေး လုပ်နေတုန်းဖြစ်ပြီး ဘာဖြစ်နေလဲ‌ဆို မသိပေ။