Description

ဤနှစ်သည် ကျီယွဲ့ကျစ် အသွင်ကူးပြောင်းသည့် နှစ်ဖြစ်သည်။

လူတိုင်းမှာ ကျီမိသားစု၏ တစ်ဦးတည်းသောသားမှာ သူ၏ ပြိုင်ဘက် ကျိုးလော့ဟွမ်ကဲ့သို့ အယ်လ်ဖာ တစ်ဦးအဖြစ် အသွင်ကူးပြောင်းသွားမည်ဟုသာ မျှော်မှန်းထားခဲ့ကြသည်။ မည်သို့ဆိုစေ ကျီယွဲ့ကျစ်မှာ ကျောင်း၌ ထူးချိန်ပြီး တိုက်ရည်ခိုက်ရည်ကောင်းမွန်၍ အရပ်အမောင်းမြင့်မားကာ စံနမူနာ အယ်လ်ဖာများ၏ အမူအကျင့်များကို ပြသခဲ့သော်လည်း နောက်ဆုံးတွင် အိုမီဂါတစ်ဦးအဖြစ် အသွင်ကူးပြောင်းခြင်းဖြင့် အဆုံးသတ်ခဲ့ရ၏။

ကျီယွဲ့ကျစ်ကို ထောက်ခံသူများကမူ — 'လိင်အမျိုးအစားက အရေးမပါဘူး၊ ၉၄၃၂ခုနှစ်ကို ရောက်နေပြီလေ၊ အိုမီဂါတွေလည်း အမှီအခိုကင်းနိုင်တယ်၊ သီးခြားရပ်တည်နိုင်ပြီး စစ်ပွဲမှာ တိုက်ခိုက်နိုင်တယ်။  ကျောင်းနေဖက်’ကျီရဲ့ အဆင့်တွေက ထူးချွန်ပြီး သူ့အလားအလာတွေကလည်း အဲဒီ့ပုပ်သိုးနေတဲ့ အယ်လ်ဖာတွေထက် နိမ့်ကျမနေဘူး ' ဟုဆိုကြသည်။

အသွင်ကူးပြောင်းပြီး‌နောက်တွင် ဖူးသစ်စ အယ်လ်ဖာ၊ အိုမီဂါနှင့် ဘီတာလေးတို့မှာ အတန်းများကို ပြန်လည်သတ်မှတ်ရမည်ဖြစ်၏။ လူမျိုးမခွဲခြားရေးလှုပ်ရှားမှုကို လိုက်နာရသော် အိုမီဂါနှင့် ဘီတာတို့မှာ အယ်လ်ဖာများနှင့် အပစ်အခတ်ကျွမ်းကျင်၊ တိုက်ခိုက်ရေး စသည့် အတန်းများကို အတူတက်နိုင်သည်...

လူတိုင်းမှာ ကျီယွဲ့ကျစ်အား အယ်လ်ဖာတို့၏ သင်ရိုးကို လေ့လာပြီး အယ်လ်ဖာများအား နင်းချေနိုင်ရန် မျှော်လင့်ထားကြပါသော်လည်း သူသည် ပုံမှန် အိုမီဂါတစ်ဦး၏ သင်ရိုးကိုသာ လိုက်နာဖို့ ရွေးချယ်ခဲ့သည်။ ၎င်းမှာ ‘ပန်းအလှဆင် အနုပညာဘာသာရပ်’၊ ‘သေးငယ်ပြီး နွေးထွေးတဲ့ အိမ်လေးကို ဘယ်လိုထိန်းသိမ်းရမလဲ’ စသည်တို့ပါပင်။

သူဟာ ‘အိုမီဂါများအတွက် ယောဂအတန်း’ကိုပင် ရွေးချယ်ခဲ့သည်! ၎င်းမှာ အိုမီဂါတစ်ဦး၏ ခန္ဓာကိုယ်အတွက် သွယ်ပျောင်းရာ၌ အထူးပြုထားသော သင်တန်းပင်!!!!

မည်သူကမှ ကျီယွဲ့ကျစ်၏ စိတ်ထဲ၌ တစ်ယောက်ယောက်ရှိနေပြီး ထိုတစ်ယောက်ယောက်ကလည်း အမျိုးသမီးအယ်လ်ဖာဖြစ်ကြောင်းကို မသိကြချေ။ ရှေ့လျှောက် လိုက်ဖက်ညီ ပေါင်းသင်းနေထိုင်ရေးအတွက် သူက သူ့ကိုယ်သူ ကျေနပ်စရာကောင်းသည့် ချိန်မြိန်သော ရနံ့ကို ထုတ်လွှတ်ကာ အစဉ်အလာကို သိနားလည်ပြီး အိမ်၌ နေသည့် အိုမီဂါတစ်ဦးဖြစ်သော ‘O’အဖြစ် ဖြည်းဖြည်းချင်း ပြောင်းလဲခဲ့သည်။

လူတိုင်းမှာ အလင်းရောင်ကို မြင်ခဲ့ကြရ၏— 'ဒါက ထက်မြတ်တာပဲ၊ တကယ်ကို ထက်မြတ်တာ! ကျီယွဲ့ကျစ်က တကယ်ကို သူ့ရဲ့ ဂုဏ်ပုဒ်ဖြစ်တဲ့ နည်းဗျူဟာဌာနရဲ့ နံပါတ် ၁နဲ့ ထိုက်တန်ပါတယ်။ သူက အယ်လ်ဖာတစ်ဦးအဖြစ် အသွင်ကူးပြောင်းတာက ကျိုးလော့ဟွမ်ကို အနိုင်ရဖို့ မလိုအပ်တဲ့ အရာမှန်းသိတာမို့လို့ အဲ့တုန်းက သူမကို ‌ဖျားယောင်းဖို့အတွက်နဲ့ အိုမီဂါတစ်ဦးအသွင်ပြောင်းဖို့ ရွေးချယ်ခဲ့တာပဲ။'