🏫 Description 

English Title - After Rebirth, I Was Entangled with the Tyrant

သူ၏ ယခင်ဘဝတွင် ချီဖန့်က သူ့မိသားစု၏ ဂရုစိုက်မှုဖြင့် ကြီးပြင်းလာခဲ့သည်။ ချီမိသားစု ကျဆုံးပြီး သူ့မိဘများနှင့် အစ်ကိုများ မရှိတော့သည့်အချိန်တွင် ချီဖန့်က ချီမိသားစုကို တစ်ယောက်တည်း ပြန်လည်တည်ထောင်ခဲ့သည်။ ယွီချီအုပ်စု၏ စီမံကိန်းမြောက်များစွာကို အမှီသဟဲပြုပြီး ချီဖန့်က ချီမိသားစုကို မနည်းထိန်းသိမ်းခဲ့ရသည်။

သို့ရာတွင် သူ အရာအားလုံးကို သေချာမကိုင်တွယ်ရသေးမီ ချီဖန့်က ပြန်လည်မွေးဖွားလာပြီး အထက်တန်းကျောင်းတက်စဥ်အချိန်သို့ ပြန်ရောက်သွားခဲ့သည်။ ဤတစ်ကြိမ်တွင် သူ ပင်ပင်ပန်းပန်းစာကြိုးစားပြီး မိသားစုကိုကာကွယ်ကာ ဘဝ၏ အထွတ်အထိပ်သို့ရောက်အောင် ပြုလုပ်မည်ဟု ဆုံးဖြတ်ချက်ချခဲ့သည်။

သို့သော်လည်း ယွီချီအုပ်စု၏ အနာဂတ်ပိုင်ရှင်လောင်းက သူနှင့် ကျောင်းနေဖက်ဖြစ်နေမည်ဟု သူ မမျှော်လင့်ခဲ့မိပေ။

ဒါပေမဲ့ ဒီကောင်‌လေးက အရမ်း အေးစက်လွန်းမနေဘူးလား… ထိုင်ခုံဖော်လည်းမရှိ၊ သူငယ်ချင်းလည်းမရှိ တစ်ယောက်တည်းပဲ… ဒါက ခန့်မှန်းလို့ မရနိုင်တဲ့ ကျောင်းတွင်း အနိုင်ကျင့်မှုကြီး မဟုတ်ဘူးလား...

ချီဖန့်က ဘော့စ်၏နောက်ကျောကိုကြည့်ပြီး ယခင်ဘဝက ပရောဂျက်များစွာဖြင့် သူ့ကိုယ်သူ ကယ်တင်ရန် ကြိုးစားခဲ့ရပုံများကို ပြန်တွေးမိပြီး သူ့ဖဝါးလေးကို အသာထုတ်ကာ ဘော့စ်၏လက်မောင်းကို ဂရုတစိုက်ထိလိုက်မိသည်။

ကဲ အတန်းဖော်ရေ… ငါတို့ သူငယ်ချင်းဖြစ်သွားပြီမလား o (^ 0 ^) o

ယွီမော့က ငယ်စဉ်ကလေးဘဝတည်းက လိမ္မာရေးခြားရှိသူဖြစ်သည်။ သူက တုံဏှိဘာဝေနေတတ်ပြီး အထိအတွေ့များကို သဘောမကျသကဲ့သို့ မည်သည့်အရာကိုမှလည်း ကြောက်ရွံ့ခြင်းမရှိပေ။ သို့သော် သူ့အတန်းထဲမှ 'ချီဖန့်' ဆိုသူကို သူ မသိမသာကြောက်ရွံ့နေမိကြောင်း သိလိုက်ရသည်။ ထိုကောင်လေးက ယုန်လေးလိုမျိုး နူးညံ့ပြီး ချစ်စရာကောင်းလွန်းသောကြောင့် သူ့စိတ်ထဲ မရှင်းပြနိုင်သော်လည်း ဂရုစိုက်နေမိသည်။

နောက်ပိုင်းတွင် ထိုယုန်လေးက ယုန်မဲလေးဖြစ်နေကြောင်း သူ သိလိုက်ရသည်။ ထို့နောက် ထိုယုန်မဲပိစိလေးအပေါ် သူ့ခံစားချက်များက မမှန်ကန်တော့သည်ကို သတိထားမိသွားသည်။

တစ်နေ့တွင် ယွီမော့က ရုတ်တရက် သဘောပေါက်သွားပြီး ‌အလေးအနက်ပြောလိုက်သည်။

" ချီဖန့် ကိုယ်မင်းကို သဘောကျတယ်…"

ဒါက နှစ်ယောက်သား အပြန်အလှန်crushကြတဲ့ ဇာတ်လမ်းမျိုးလေးပါ…

🏫🏫🏫